ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Иқтисодиётнинг айрим соҳалари / Транспорт / Шаҳар транспорти /Ўзбекистон Республикаси Вазирлар Маҳкамасининг 16.03.2020 й. 157-сон "Тошкент шаҳар йўловчи транспорти тизимини такомиллаштириш чора-тадбирлари тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
16.03.2020 й.
N 157
ТОШКЕНТ ШАҲАР ЙЎЛОВЧИ ТРАНСПОРТИ
ТИЗИМИНИ ТАКОМИЛЛАШТИРИШ
ЧОРА-ТАДБИРЛАРИ ТЎҒРИСИДА
Сўнгги йилларда Тошкент шаҳрида кўп қаватли уй-жойлар, мактаблар, болалар боғчалари, шифохоналар, спорт-соғломлаштириш мажмуалари, дам олиш масканлари ва бошқа ижтимоий инфратузилма, ишлаб чиқариш объектлари қурилиши бўйича кенг миқёсли ишлар амалга оширилди.
Шу билан бирга, уй-жойлар қурилиши, автотранспорт воситалари сонининг кўпайиб бориши, автобус йўналишлари самарасизлиги ва бир-бирини такрорлаши шаҳар йўловчи ташиш транспортида юкламалар номутаносиблигини, аҳоли учун ноқулайликларни келтириб чиқармоқда.
Тошкент шаҳри аҳолиси ва меҳмонларга транспортда сифатли хизматлар кўрсатиш, транспортга бўлган талабни ўсиб бориши натижасида ҳаракат хавфсизлигини таъминлаш ва Тошкент шаҳри йўловчи транспорти тизимини ўзаро интеграциялаш мақсадида Вазирлар Маҳкамаси ҚАРОР ҚИЛАДИ:
1. 2020 йил I чорак якунига қадар Тошкент шаҳрида метронинг Юнусобод метро йўналишининг II босқичи (2,9 км), ер усти ҳалқа метро йўналишининг I босқичи (11,5 км) ҳамда 2020 йил якунига қадар Сергели йўналишининг I босқичи (5,8 км) фойдаланишга топширилиши;
Ўзбекистон Республикаси Вазирлар Маҳкамасининг 2019 йил 25 ноябрдаги 948-сон қарорига мувофиқ умумий фойдаланиладиган транспортда йўловчи ташиш учун йўлкира хақи тўлашнинг автоматлаштирилган тизими 2020 йил 1 январдан бошлаб жорий этилаётганлиги маълумот учун қабул қилинсин.
2. Ўзбекистон Республикаси Транспорт вазирлиги ва Тошкент шаҳар ҳокимлигининг 2020 йилда Тошкент шаҳрида 152 та йўловчи ташиш транспорт йўналишларини қайта кўриб чиқиш натижасида 131 тасини оптималлаштириш, 14 тасини ёпиш ҳамда 7 та янги йўналишларни очиш тўғрисидаги таклифлари маъқуллансин.
3. Белгилансинки:
ташиш фаолиятини амалга оширувчи ташкилотлар билан келишилган ҳолда тендер шартномаларига ўзгартириш киритиш асосида улар томонидан хизмат кўрсатилаётган шаҳар йўловчи ташиш йўналишларини мақбуллаштириш ва ёпиш амалга оширилади;
Тошкент шаҳар ҳокими, "Тошшаҳартрансхизмат" АЖ раҳбарияти ва туман ҳокимлари транспорт-ўтказгич боғламаларини қуриш ишларини ўз вақтида ва сифатли амалга оширишга ҳамда шаҳар йўловчи ташиш йўналишларини ўзгариши бўйича аҳолини мунтазам равишда хабардор қилишга шахсан масъулдирлар.
4. Ўзбекистон Миллий ахборот агентлиги, Ўзбекистон Миллий телерадиокомпанияси Тошкент метрополитенининг қурилаётган янги йўналишлари ва шаҳар йўловчи транспортининг мақбуллаштирилган тармоғи имкониятлари ва афзалликлари оммавий ахборот воситаларида кенг ёритилишини таъминласин.
5. Тошкент шаҳар ҳокимлиги:
транспорт-ўтказгич боғламаларини қуриш ишлари якунлангандан сўнг ўрнатилган тартибда объектларни "Тошшаҳартрансхизмат" АЖга ўтказилишини;
икки ҳафта муддатда қурилиши режалаштирилган транспорт-ўтказгич боғламалари жойлашадиган ҳудудда объектни фойдаланишга топшириш муддати, унга боғланадиган йўналишлар, иш вақти ҳамда бошқа кўрсаткичлар бўйича маълумотлар қайд этилган стендлар ўрнатилишини;
2020 йил 1 майга қадар барча турдаги шаҳар йўловчи транспортида фойдаланиладиган ягона йўл чиптасини жорий этишни таъминласин.
6. Қуйидагилар:
аҳолига кўрсатилаётган транспорт хизматлари сифатини ошириш мақсадида шаҳар йўловчи транспорти турларини ўзаро боғлоқлигини таъминлашни назарда тутувчи 2020 йилда Тошкент шаҳрида транспорт-ўтказгич боғламаларини қуриш режа-графиги 1-иловага мувофиқ;
самарасиз ва бир-бирини такрорлайдиган автобус йўналишларини мақбуллаштириш, пойтахт аҳолисига ҳамда меҳмонларга йўловчи ташиш транспортида сифатли хизматлар кўрсатиш ва талабларни қондиришни назарда тутувчи Тошкент шаҳрининг жамоат транспорти тизимини такомиллаштириш чора-тадбирлари дастури 2-иловага мувофиқ;
аҳолига кўрсатилаётган транспорт хизматлари сифатини оширишга қаратилган тадбирлар натижасида самарадорлик мезонларини белгилашни назарда тутувчи Тошкент шаҳри жамоат транспорти тизимини такомиллаштириш чора-тадбирлари дастурининг мақсадли параметрлари 3-иловага мувофиқ тасдиқлансин.
7. Тошкент шаҳар ҳокимлиги "Тошшаҳартрансхизмат" АЖ билан биргаликда:
а) 2020 йил 1 октябрга қадар Тошкент шаҳрининг Фарғона йўли кўчасида тезкор автобус ҳаракати қатновини ташкил этиш мақсадида махсус қатнов йўлагини (BRT) тажриба лойиҳа тариқасида амалга ошириш учун энг яхши таклифларни танлаб олиш йўли билан 20 та замонавий электробуслар ва қувватлаш ускуналарини харид қилишни;
б) 2020 йил 1 сентябрга қадар жамоат транспортида йўналишни режалаштирувчи "Менинг йўналишим" электрон тизимини жорий этишни;
в) 2020 йил 1 декабрга қадар:
шаҳар автобуслари (кейинги ўринларда - автобуслар) салонларида бекатларни автоматик равишда эълон қилиб бориш тизимини жорий этишни;
йирик автобус бекатларида йўналишлар ҳаракати жадвали ва автобуснинг етиб келиш вақтини кўрсатиб турувчи электрон-ахборот таблолар билан жиҳозлашни таъминласин.
8. Тошкент шаҳар ҳокимлиги, Ўзбекистон Республикаси Транспорт вазирлиги, Ахборот технологиялари ва коммуникацияларни ривожлантириш вазирлиги, "Тошшаҳартрансхизмат" АЖ ва "Тошкент метрополитени" УК билан биргаликда илғор халқаро тажриба асосида хорижий консультантларни жалб этган ҳолда 2021 йил якунига қадар 2020-2030 йилларда Тошкент шаҳрида транспорт ва йўл-транспорт инфратузилмасини ривожлантириш бош режасини ишлаб чиқиш билан боғлиқ чора-тадбирлар режасини ишлаб чиқсин, бунда қуйидагилар назарда тутилсин:
йўловчи ташиш жараёнларини бошқаришда рақамли технологияларни қўллаган ҳолда Тошкент шаҳри транспорт тизимининг иқтисодий-математик моделини яратиш;
шахсий автотранспортдан фойдаланишга муқобил сифатида шаҳар йўловчи транспорти самарадорлигини ошириш;
автобус саройлари ҳаракат таркибини янгилашда электр қуввати билан ишлайдиган, тасарруф этишда самарали ва атроф-муҳитга зарари кам бўлган автобусларга босқичма-босқич ўтиш;
йўловчилар учун қулайликлар яратиш ва хизмат сифатини яхшилаш ҳамда шаҳар йўловчи транспорти қатнови ўртача ҳаракат тезлигини ошириш;
велосипед ва бошқа моторсиз транспорт турларини ривожлантириш, "Bike Sharing" велопрокат тизимини жорий этиш;
йўловчиларни ташишга бўлган эҳтиёждан келиб чиққан ҳолда транспорт воситаларининг тури, сони ва мақбул йўналишларини, мавсумийлик ҳамда иш ва дам олиш кунларини ҳисобга олган ҳолда танлаш.
Ўзбекистон Республикаси Транспорт вазирлиги Тошкент шаҳар ҳокимлиги билан биргаликда икки ҳафта муддатда 2020-2030 йилларда Тошкент шаҳрида транспорт ва йўл-транспорт инфратузилмасини ривожлантириш бош режасини ишлаб чиқиш бўйича тармоқ жадвали тасдиқлансин.
9. Молиялаштириш манбалари этиб қуйидагилар белгилансин:
транспорт ўтказгич боғланмаларини қуриш, шунингдек, 2020-2030 йилларда Тошкент шаҳрида транспорт ва йўл-транспорт инфратузилмасини ривожлантириш транспорт бош режасини ишлаб чиқиш - Тошкент шаҳар маҳаллий бюджети маблағлари;
мазкур қарорнинг 7-бандида белгиланган шаҳар йўловчи транспорти тизимини рақамлаштириш бўйича тадбирлар - "Тошшаҳартрансхизмат" АЖ ўз маблағлари;
20 та замонавий электробус ва қувватлаш ускуналарини харид қилиш - Ўзбекистон Республикаси давлат кафолатини тақдим этмасдан Ўзбекистон Республикаси тижорат банклари кредитлари.
10. Белгилансинки:
20 та замонавий электробуслар ва қувватлаш ускуналарини харид қилиш орқали Фарғона йўли кўчасида тезкор автобус ҳаракати қатнови (BRT) тизимини ташкил этиш бўйича тажриба лойиҳасини жорий қилинишида техник-иқтисодий ҳисобларни ишлаб чиқилиши бир босқичда амалга оширилади;
"Тошшаҳартрансхизмат" АЖ томонидан жалб қилинаётган кредит маблағларидан самарали ва мақсадли фойдаланиш бўйича масъул қарз олувчи ва ижро органи ҳисобланади;
"Тошшаҳартрансхизмат" АЖ томонидан жалб қилинаётган кредит маблағларини қоплаш, фоизлар, комиссиялар ва жалб қилинаётган кредитларга хизмат кўрсатиш билан боғлиқ бошқа харажатларни тўлаш Ўзбекистон Республикасининг республика бюджети маблағлари ҳисобидан амалга оширилади;
"Тошшаҳартрансхизмат" АЖ томонидан жалб қилинаётган кредитлар ҳисобига харид қилинаётган 20 та замонавий электробуслар ва қувватлаш ускуналари кафиллик ҳисобида "Тошшаҳартрансхизмат" АЖ мулки ҳисобланади.
11. Ўзбекистон Республикаси Транспорт вазирлиги Тошкент шаҳар ҳокимлиги билан биргаликда 2020 йил 1 сентябрга қадар "Тошшаҳартрансхизмат" АЖ тизимидаги ташкилотлар ҳаракат таркибини 2021-2023 йилларда янгилаш дастури лойиҳасини Вазирлар Маҳкамасига тасдиқлаш учун киритсин.
12. Ўзбекистон Республикаси Транспорт вазирлиги Молия вазирлиги ва Тошкент шаҳар ҳокимлиги билан биргаликда уч ой муддатда илғор халқаро тажрибани ўрганиб, йўлкирани тўлашда автоматлаштирилган тизимини қўллаган ҳолда шаҳар йўловчи транспортида такомиллаштирилган тариф тизимини жорий этишни назарда тутувчи қарор лойиҳасини Вазирлар Маҳкамасига киритсин.
13. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов, Ўзбекистон Республикаси транспорт вазири Э.М. Ганиев ва Тошкент шаҳар ҳокими Ж.А. Артикходжаев зиммасига юклансин.
Ўзбекистон Республикасининг Бош вазири А. Арипов
2020 йил 16 мартдаги
157-сон қарорига
1-ИЛОВА
2020 йилда Тошкент шаҳрида транспорт-
ўтказгич боғламаларини қуриш
РЕЖА ГРАФИГИ
Т/р |
Транспорт-ўтказгич боғламалари номлари |
Жойлашган манзили ва ҳудуд майдони |
Амалга ошириш механизми |
Амалга ошириш муддати |
Масъул ижрочилар |
1. |
"Туркистон" |
Юнусобод тумани, Ахмад Дониш кўчаси, 13-мавзе, 0,50 га |
1. Лойиҳа-смета ҳужжатларини ишлаб чиқиш. |
2020 йил апрель |
Тошкент шаҳар ҳокимлиги (Ж.Артикходжаев), Юнусобод тумани ҳокимлиги (Р.Усманов), "Тошшаҳартрансхизмат" АЖ (А.Джураев) |
2. Қуриш. |
2020 йил май |
||||
3. Фойдаланишга топшириш. |
2020 йил июнь |
||||
2. |
"Буюк Ипак йўли" |
Мирзо Улуғбек тумани, Буюк Ипак йўли кўчаси, "Буюк Ипак йўли" метро бекати, 0,26 га |
1. Лойиҳа-смета ҳужжатларини ишлаб чиқиш. |
2020 йил май |
Тошкент шаҳар ҳокимлиги (Ж.Артикходжаев), М.Улуғбек тумани ҳокимлиги (Ш.Иргашев), "Тошшаҳартрансхизмат" АЖ (А.Джураев) |
2. Қуриш. |
2020 йил август |
||||
3. Фойдаланишга топшириш. |
2020 йил сентябрь |
||||
3. |
"Пахтакор" |
Шайхонтоҳур тумани, Олмазор кўчаси, "Пахтакор" метро бекати, 0,45 га |
1. Лойиҳа-смета ҳужжатларини ишлаб чиқиш. |
2020 йил май |
Тошкент шаҳар ҳокимлиги (Ж.Артикходжаев), Шайхонтоҳур тумани ҳокимлиги (А.Тўхтаев), "Тошшаҳартрансхизмат" АЖ (А.Джураев) |
2. Қуриш. |
2020 йил август |
||||
3. Фойдаланишга топшириш. |
2020 йил сентябрь |
||||
4. |
"Чорсу" |
Шайхонтоҳур тумани, Зарқайнар кўчаси, "Чорсу" бозори, 0,48 га |
1. Лойиҳа-смета ҳужжатларини ишлаб чиқиш. |
2020 йил май |
Тошкент шаҳар ҳокимлиги (Ж.Артикходжаев), Шайхонтоҳур тумани ҳокимлиги (А.Тўхтаев), "Тошшаҳартрансхизмат" АЖ (А.Джураев) |
2. Қуриш. |
2020 йил июнь |
||||
3. Фойдаланишга топшириш. |
2020 йил июль |
||||
5. |
"Беруний" |
Олмазор тумани, Беруний ва Университет кўчалари кесишмасида, 0,36 га |
1. Лойиҳа-смета ҳужжатларини ишлаб чиқиш. |
2020 йил июнь |
Тошкент шаҳар ҳокимлиги (Ж.Артикходжаев), Олмазор тумани ҳокимлиги (Б.Рахмонов), "Тошшаҳартрансхизмат" АЖ (А.Джураев) |
2. Қуриш. |
2020 йил август |
||||
3. Фойдаланишга топшириш. |
2020 йил сентябрь |
||||
6. |
"Чилонзор" |
Чилонзор тумани, КАХЙ ва Бунёдкор кўчаси кесишмасида, 0,32 га |
1. Лойиҳа-смета ҳужжатларини ишлаб чиқиш. |
2020 йил май |
Тошкент шаҳар ҳокимлиги (Ж.Артикходжаев), Чилонзор тумани ҳокимлиги (С.Махаметов), "Тошшаҳартрансхизмат" АЖ (А.Джураев) |
2. Қуриш. |
2020 йил июль |
||||
3. Фойдаланишга топшириш. |
2020 йил август |
||||
7. |
"Олмазор" |
Чилонзор тумани, Гавҳар ва Бунёдкор кўчалари кесишмасида, 0,65 га |
1. Лойиҳа-смета ҳужжатларини ишлаб чиқиш. |
2020 йил май |
Тошкент шаҳар ҳокимлиги (Ж.Артикходжаев), Чилонзор тумани ҳокимлиги (С.Махаметов), "Тошшаҳартрансхизмат" АЖ (А.Джураев) |
2. Қуриш. |
2020 йил июль |
||||
3. Фойдаланишга топшириш. |
2020 йил август |
||||
8. |
"Қўйлиқ бозори" |
Бектемир тумани, ТАХЙ ва Фарғон йўли кўчаси кесишмасида, 0,75 га |
1. Лойиҳа-смета ҳужжатларини ишлаб чиқиш. |
2020 йил май |
Тошкент шаҳар ҳокимлиги (Ж.Артикходжаев), Бектемир тумани ҳокимлиги (Ш.Мамаджанов), "Тошшаҳартрансхизмат" АЖ (А.Джураев) |
2. Қуриш. |
2020 йил август |
||||
3. Фойдаланишга топшириш. |
2020 йил сентябрь |
||||
9. |
"Чоштепа" |
Сергели тумани, Чоштепа кўчаси, "Чоштепа" метро бекати ёнида, 0,36 га |
1. Лойиҳа-смета ҳужжатларини ишлаб чиқиш. |
2020 йил май |
Тошкент шаҳар ҳокимлиги (Ж.Артикходжаев), Сергели тумани ҳокимлиги (Б.Шамуратов), "Тошшаҳартрансхизмат" АЖ (А.Джураев) |
2. Қуриш. |
2020 йил август |
||||
3. Фойдаланишга топшириш. |
2020 йил сентябрь |
||||
10. |
"Қипчоқ" |
Сергели тумани, Қипчоқ ва Мирзо Турсунзода кўчалари кесишмасида, 0,6 га |
1. Лойиҳа-смета ҳужжатларини ишлаб чиқиш. |
2020 йил июнь |
Тошкент шаҳар ҳокимлиги (Ж.Артикходжаев), Сергели туман ҳокимлиги (Б.Шамуратов), "Тошшаҳартрансхизмат" АЖ (А.Джураев) |
2. Қуриш. |
2020 йил август |
||||
3. Фойдаланишга топшириш. |
2020 йил сентябрь |
||||
11. |
"Сергели-7" |
Сергели тумани, 7-мавзе, Мирзо Турсунзода ва Меҳригиё кўчалари кесишмасида, 0,84 га |
1. Лойиҳа-смета ҳужжатларини ишлаб чиқиш. |
2020 йил июнь |
Тошкент шаҳар ҳокимлиги (Ж.Артикходжаев), Сергели туман ҳокимлиги (Б.Шамуратов), "Тошшаҳартрансхизмат" АЖ (А.Джураев) |
2. Қуриш. |
2020 йил август |
||||
3. Фойдаланишга топшириш. |
2020 йил сентябрь |
||||
12. |
"Чилонзор буюм бозори" |
Чилонзор тумани, Бунёдкор шох кўчаси, "Чилонзор буюм бозори" АЖ автотураргоҳи, 0,46 га |
1. Лойиҳа-смета ҳужжатларини ишлаб чиқиш. |
2020 йил май |
Тошкент шаҳар ҳокимлиги (Ж.Артикходжаев), Чилонзор туман ҳокимлиги (С.Махаметов), "Тошшаҳартрансхизмат" АЖ (А.Джураев) |
2. Қуриш. |
2020 йил июль |
||||
3. Фойдаланишга топшириш. |
2020 йил август |
Изоҳ:
1. "Қўйлиқ бозори" боғловчи бекатини лойиҳалаштириш ва қуриш Ўзбекистон Республикаси Транспорт вазирлигининг Транспорт ва логистикани ривожлантириш жамғармаси маблағлари ҳисобига молиялаштирилади.
2. Зарур ҳолларда, транспорт-ўтказгич боғланмалари қуриш параметрларига Ўзбекистон Республикаси Вазирлар Маҳкамаси билан келишган ҳолда Тошкент шаҳрида йўловчиларни ташишда ҳақиқий эҳтиёжни ҳисобга олиб ўзгартиришлар киритилиши мумкин.
2020 йил 16 мартдаги
157-сон қарорига
2-ИЛОВА
Тошкент шаҳрининг жамоат
транспорти тизимини такомиллаштириш
ЧОРА-ТАДБИРЛАРИ ДАСТУРИ
2020 йил 16 мартдаги
157-сон қарорига
3-ИЛОВА
Тошкент шаҳри жамоат транспорти тизимини
такомиллаштириш чора-тадбирлари дастурининг
МАҚСАДЛИ ПАРАМЕТРЛАРИ
Т/р |
Мақсадли параметрлар |
Ўлчов бирлиги |
Ҳаммаси |
шу жумладан: |
Кутилаётган натижа |
||
2020 йил 1 июлгача |
2020 йил 1 октябргача |
2021 йил 1 январгача |
|||||
1. |
Шаҳар йўловчи ташиш транспорти йўналишларини оптималлаштириш (йўналиш масофасини қисқартириш ёки узайтириш, трассасини ўзгартириш) |
дона |
131 |
37 |
37 |
57 |
1. Йўналишларнинг ўртача масофасини 19,8 км дан 15 км гача қисқартириш. 2. Автобусларнинг ўртача ҳаракатланиш оралиқ вақтини 20-30 дақиқадан 10-12 дақиқагача камайтириш. 3. Ер усти жамоат транспортининг бир кунлик босиб ўтадиган масофасини 37,6 минг км га камайтириш. 4. Кунлик ёқилғи харажатини 13 минг литрга камайтириш. 5. Атмосферага чиқариладиган зарарли чиқиндиларни кунига 2,5 тоннага камайтириш; 6. Ёқилғи-мойлаш маҳсулотлари сарф-ҳаражатларини йилига 27,7 млрд сўм миқдорида тежаш. 7. Метрополитендаги кунлик йўловчилар оқимини 240 минг йўловчидан 500 минг йўловчигача кўпайтириш. 8. 75 минг нафардан ортиқ аҳоли яшайдиган 6 та янги турар жой мавзесини мунтазам автобус йўналишлари қатнови билан таъминлаш. |
2. |
Шаҳар йўловчи ташиш транспортининг бир-бирини такрорловчи ва самарасиз йўналишларни ёпиш |
дона |
14 |
3 |
5 |
6 |
|
3. |
Шаҳар йўловчи ташиш транспортининг янги йўналишларини очиш |
дона |
7 |
2 |
3 |
2 |
|
4. |
Транспорт-ўтказгич боғламаларини қуриш |
дона |
12 |
1 |
11 |
- |
|
5. |
Кунлик ёқилғи ҳаражатларини қисқартириш |
минг литр |
12,7 |
- |
- |
13 |
|
6. |
Метрополитенда кунлик йўловчи айланмасини ошириш |
минг литр |
470,5 |
- |
- |
500 |
*) - ҳозирда Тошкент метрополитенида кунлик йўловчи оқими 240,0 минг йўловчини ташкил этади.
Қонун ҳужжатлари маълумотлари миллий базаси (www.lex.uz),
2020 йил 16 март