ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Халқаро алоқалар / Халқаро ҳамкорлик / Халқаро тадбирлар /Ўзбекистон Республикаси Вазирлар Маҳкамасининг 01.06.2020 й. 281-Ф-сон "Янги Ўзбекистон тўғрисида энг яхши мақола" номли халқаро танловни ташкил этиш ва ўтказиш тўғрисида"ги Фармойиши
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ФАРМОЙИШИ
01.06.2020 й.
N 281-Ф
Мамлакатимизда кейинги йилларда амалга оширилаётган ислоҳотлар тўғрисида жаҳон жамоатчилигини кенг хабардор қилиш, Ўзбекистоннинг дунё ҳамжамиятидаги нуфузини янада ошириш мақсадида:
1. Ўзбекистон Республикаси Ташқи ишлар вазирлиги, Ўзбекистон Республикаси Президенти Администрацияси ҳузуридаги Иқтисодий тадқиқотлар ва ислоҳотлар маркази ҳамда Брюссель халқаро пресс-клубининг (Бельгия) "Янги Ўзбекистон тўғрисида энг яхши мақола" номли халқаро танловни (кейинги ўринларда - халқаро танлов) ташкил этиш ва ўтказиш ҳақидаги таклифига розилик берилсин.
2. Ўзбекистон Республикаси Молия вазирлиги Вазирлар Маҳкамасининг захира жамғармаси маблағлари ҳисобидан:
халқаро танловни ўтказиш билан боғлиқ харажатларни қоплаш учун Ўзбекистон Республикаси Ташқи ишлар вазирлигига - 20 минг евро миқдорида;
халқаро танлов ғолибларининг Ўзбекистон Республикасига ташрифини ташкил этиш билан боғлиқ харажатларни қоплаш учун Ўзбекистон Республикаси Президенти Администрацияси ҳузуридаги Иқтисодий тадқиқотлар ва ислоҳотлар марказига - ушбу Марказнинг асосланган ҳисоб-китобларига мувофик зарур маблағлар ажратилишини таъминласин.
3. Мазкур фармойишнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари - Ўзбекистон Республикаси иқтисодий тараққиёт ва камбағалликни қисқартириш вазири Ж.А. Қўчқоров зиммасига юклатилсин.
Ўзбекистон Республикасининг Бош вазири А. Арипов
Қонун ҳужжатлари маълумотлари миллий базаси (www.lex.uz),
2020 йил 2 июнь