язык интерфейса

ЎзР Конунчилиги

ЎзР Конунчилиги/ Базада янги/ Август, 2020 й./ Айрим тармоқларнинг фаолияти/ Қурилиш ва архитектура/ Объектларда давлат қурилиш назоратини амалга ошириш бўйича Маъмурий регламент (ЎзР ВМ 20.08.2020 й. 496-сон қарорига 1-илова)

Полный текст документа доступен в платной версии. По вопросам звоните на короткий номер 1172

Вазирлар Маҳкамасининг

2020 йил 20 августдаги

496-сон қарорига

1-ИЛОВА



Объектларда давлат қурилиш

назоратини амалга ошириш бўйича

МАЪМУРИЙ РЕГЛАМЕНТ


1-БОБ. УМУМИЙ ҚОИДАЛАР


1. Ушбу Маъмурий регламент (кейинги ўринларда - Регламент) Ўзбекистон Республикаси Қурилиш вазирлиги ҳузуридаги Қурилиш соҳасида назорат инспекцияси (кейинги ўринларда - инспекция) ҳамда қурилиш соҳасида ҳудудий назорат инспекциялари (кейинги ўринларда - ҳудудий инспекциялар) томонидан хавф-хатар тоифасидан келиб чиққан ҳолда ҳамда ташкилий-ҳуқуқий шакли ва молиялаштириш манбаларидан қатъи назар, қурилиш объектларида давлат қурилиш назоратини олиб бориш тартибини белгилайди.


2. Регламентда қуйидаги асосий тушунчалардан фойдаланилади:


давлат қурилиш назорати - қурилиш-монтаж ишларида пудратчи, буюртмачи, лойиҳачи, қурилиш бошқармаси ва унинг туман, шаҳар бўлимлари томонидан шаҳарсозлик тўғрисидаги қонун ҳужжатлари, тасдиқланган ишчи лойиҳа ҳужжатлари талаблари бузилишининг олдини олиш бўйича танлов асосида инспекция ва ҳудудий инспекциялар томонидан назорат функцияларини олиб бориш тизими;


инспекторлик текширувлари - шаҳарсозлик субъектларининг молиявий-хўжалик фаолиятига аралашмасдан, давлат қурилиш назоратини амалга ошириш;


қурилиш босқичи - қурилиш объектининг сифати, мустаҳкамлиги, зилзилабардошлиги ва фойдаланишда ишончлилигини таъминлаш борасида ниҳоясига етказилган қурилиш-монтаж ишларининг хавфга учраши мумкинлиги юқори бўлган босқич;


хавф - шаҳарсозлик фаолиятини амалга оширишда салбий оқибатларнинг пайдо бўлиш эҳтимолини ҳисобга оладиган хавфлилик чоралари;


шаҳарсозлик субъектлари - давлат органлари, фуқароларнинг ўзини ўзи бошқариш органлари, жисмоний ва юридик шахслар;


қурилиши тугалланмаган объект - белгиланган муддатда қурилиш-монтаж ишлари ниҳоясига етмаган объект;


қоидабузарликларни бартараф этиш бўйича кўрсатмалар - юридик ва жисмоний шахсларга объектдаги ҳуқуқбузарликларни бартараф қилиш учун мос равишда, бироқ 60 кундан ортиқ бўлмаган муддатни белгилаган ҳолда, аниқланган ҳуқуқбузарликларни бартараф этиш бўйича ижро этилиши мажбурий бўлган, шунингдек, белгиланган тартибда аттестациядан ўтган ҳамда тегишли сертификатга эга бўлган инспекция ва ҳудудий инспекция инспекторлари томонидан бериладиган ва имзоланадиган ҳужжат.


3. Инспекция ва ҳудудий инспекциялар бино ва иншоотларни қуриш ва реконструкция қилишда:

давлат қурилиш назорати амалга оширилиши лозим бўлган барча босқичларда бажариладиган қурилиш-монтаж ишларининг лойиҳа ечимлари, техник регламентлар, шаҳарсозлик нормалари ва қоидаларига ҳамда техник тартибга солиш соҳасидаги бошқа норматив ҳужжатларга;

объектнинг мустаҳкамлиги, хавфсизлиги, сифати, зилзилабардошлиги ва фойдаланишда ишончлилигини таъминлаш бўйича мажбурий талаблар белгиланган норматив-ҳуқуқий ҳужжатлар ва техник тартибга солиш соҳасидаги бошқа норматив ҳужжатларга мувофиқлиги юзасидан давлат қурилиш назоратини амалга ошириш ҳуқуқига эга.


4. Республика ҳудудида қурилиш-монтаж ишларини бошлаш тўғрисида хабарнома юбориш талаб этиладиган қурилиш ва реконструкция объектлари давлат томонидан мажбурий тартибда давлат қурилиш назоратига олинади.


5. Қурилиш объектларида давлат қурилиш назорати 1-иловага мувофиқ тартибда амалга оширилади.


6. Давлат қурилиш назорати қурилиш объектларининг хавфсизлиги, сифати, зилзилабардошлиги ва фойдаланишда ишончлилигини таъминлаш мақсадида амалга оширилади.


7. Давлат қурилиш назорати қонунийлик, холислик, ошкоралик, шаффофлик, юридик ва жисмоний шахсларнинг ҳуқуқлари ҳамда қонуний манфаатларини ҳимоя қилиш, шунингдек, шаҳарсозлик фаолияти субъектларининг молиявий-хўжалик фаолиятига аралашмаслик принципларига риоя этган ҳолда амалга оширилади.



2-БОБ. ДАВЛАТ ҚУРИЛИШ НАЗОРАТИГА ОЛИНАДИГАН

ҚУРИЛИШ ОБЪЕКТЛАРИНИНГ ХАВФ-ХАТАР ТОИФАСИ

БЎЙИЧА МУРАККАБЛИК ТОИФАЛАРИ ТАСНИФИ


8. Давлат қурилиш назорати объектларнинг хавф-хатар тоифалари бўйича мазкур Регламентга 2-иловага мувофиқ қуйидагича тўрт тоифага бўлинади:

I тоифа - хавфлилик омили паст объектлар;

II тоифа - хавфлилик омили ўрта объектлар;

III тоифа - хавфлилик омили юқори объектлар;

IV тоифа - хавфлилик омили ўта юқори объектлар.


9. Бир нечта тоифали хусусиятларга эга бўлган қурилиш объектлари уларнинг тоифаларидан қатъи назар, IV тоифа бўйича таснифланади.


10. Объектларнинг тоифалари таснифланишига қараб, давлат қурилиш назоратини амалга ошириш даврийлигининг қуйидаги муддатлари белгиланади:

I тоифа - инспекция ва ҳудудий инспекцияларнинг давлат қурилиши назорати функциялари назарда тутилмаган;

II тоифа - бир ойда икки мартадан кўп эмас;

III тоифа - бир ойда уч мартадан кўп эмас;

IV тоифа - бир ойда тўрт мартадан кўп эмас.



3-БОБ. ДАВЛАТ ҚУРИЛИШ НАЗОРАТИ ТУРЛАРИ


11. Давлат қурилиш назорати субъектнинг молиявий-хўжалик фаолиятига аралашмаган ҳолда қуйидаги турларга бўлинади:


ҳудудий инспекциялардан рўйхатдан ўтмаган объектларда қисқа муддатли инспекторлик назорати - белгиланган тартибда Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилни (кейинги ўринда - ваколатли орган) хабардор қилган ҳолда амалга оширилади;


ҳудудий инспекцияларда рўйхатдан ўтган объектларда давлат қурилиш назорати - ваколатли органни хабардор қилмаган ҳолда тўсқинликларсиз объектларнинг мураккаблик тоифалари таснифига асосан танлаб амалга оширилади;


архитектура, лойиҳалаш ва бош режаларга риоя этилиши юзасидан амалга ошириладиган давлат қурилиш назорати.


12. Қуйидагилар ҳудудий инспекциялардан рўйхатдан ўтмаган объектларда қисқа муддатли инспекторлик текширувининг предмети ҳисобланади:

тасдиқланган ишчи лойиҳа ҳужжатлари, ижобий экспертиза хулосаси мавжуд бўлмаганда, рўйхатга олинмаган объектларни қуриш ёки реконструкция қилишда;

шаҳарсозлик фаолияти субъекти технологик жараённи бузганда, иншоотлар ишдан чиққанда, одамлар ҳаёти ва саломатлиги, мол-мулки, атроф- муҳитга зарар етказиши мумкин бўлган авария ҳолатлари юзага келганда;

жисмоний ёки юридик шахснинг шаҳарсозлик фаолияти субъект томонидан мурожаат қилувчининг ҳуқуқлари ҳамда манфаатлари бузилганини тасдиқловчи ҳужжатлар, материаллар ҳамда бошқа маълумотлар илова қилинган ёзма равишдаги аризаси мавжуд бўлганда.

Қисқа муддатли инспекторлик текширувини ўтказиш муддати бир иш кунидан ошмаслиги керак.


13. Қуйидагилар ҳудудий инспекцияларда рўйхатдан ўтган объектларда давлат қурилиш назоратининг предмети ҳисобланади:

қурилиш жараёнида ишчи лойиҳа ҳужжатларига киритилаётган ўзгартиришларнинг техник тартибга солиш соҳасидаги норматив ҳужжатларга мувофиқлигини;

лойиҳа ва пудрат ташкилоти - ишлар ва хизматлар ижрочиларида қонунчилик ҳужжатларида назарда тутилган лойиҳалаш ва қурилиш фаолиятининг лицензиялаштириладиган турларини амалга ошириш ҳуқуқини берадиган лицензияларнинг мавжудлигини;

бажариладиган қурилиш-монтаж ишларида шаҳарсозлик нормалари ва қоидаларига, техник тартибга солиш соҳасидаги норматив ҳужжатлар ҳамда лойиҳа ҳужжатларига мослигини, шунингдек, пудрат ташкилотининг қурилиш соҳасига оид ижро ҳужжатлари юритилишини ўрганиш;

объект бўйича буюртмачи, пудратчи ва лойиҳачи ташкилотларга нисбатан йўл кўйилган камчиликлар юзасидан ёзма кўрсатма бериш ва маъмурий жавобгарлик чораларини кўриш.


14. Қуйидагилар архитектура, лойиҳалаш ва бош режаларга риоя этилиши бўйича амалга ошириладиган давлат қурилиш назоратининг предмети ҳисобланади:

мутасадди вазирликлар ва идораларнинг ҳудудий бошқармалари, Қорақалпоғистон Республикаси Қурилиш вазирлиги, Тошкент шаҳар ва вилоятлар қурилиш бошқармалари, туман, шаҳар қурилиш бўлимлари томонидан аҳоли пунктларини режалаштириш ва қуришда шаҳарсозлик тўғрисидаги қонун ҳужжатларига, шаҳарсозлик нормалари, қоидалари ва стандартларига риоя этилиши;

лойиҳалаш учун асос бўлувчи шаҳарсозлик ҳужжатларининг тўлиқлиги ҳамда ушбу ҳужжатларнинг норма ва қоидаларига, техник шарт ва бошқа ҳужжатларга жавоб бериши;

туман ҳудудини режалаштириш схемаларини, аҳоли пунктларининг бош режаларини ҳамда бошқа шаҳарсозлик ҳужжатларининг ишлаб чиқилиши ва тасдиқланиши;

ер ажратиш ва шаҳарсозлик объектларини қуришга оид, шунингдек, ер ости муҳандислик коммуникацияларини жойлаштириш бўйича навбатчи режаларнинг юритилиши.



4-БОБ. БИНО ВА ИНШООТЛАРНИ ИНСТРУМЕНТАЛ

ТЕХНИК ТЕКШИРУВДАН ЎТКАЗИШ ТАРТИБИ


15. Ҳудудий инспекциялар рўйхатидан ўтмаган, қурилиш ишлари қисман амалга оширилган ёки қурилиши якунланган бино ва иншоотларда буюртмачилар томонидан мажбурий тартибда ҳудудий инспекциялардан рўйхатдан ўтказиш, ҳужжатларни расмийлаштириш учун белгиланган тартибда инструментал техник текширув хулосасини олишлари талаб этилади.


16. Буюртмачилар томонидан объектлар қурилиши якунлангандан сўнг ушбу бино ва иншоотларга бўлган эгалик хуқуқларини расмийлаштиришдан олдин объектни унинг қурилиши бўйича белгиланган тартибда ишлаб чиқилган ва тасдиқланган лойиҳа ҳужжатлари билан ҳудудий инспекцияларга қилган мурожаати асосида бинолардан келгусида фойдаланишга рухсат бериш мақсадида шартнома асосида инструментал техник текширувлар амалга оширилади.


17. Ҳудудий инспекциялар томонидан амалга оширилган инструментал техник текширувлар натижасига кўра, бино ва иншоотларнинг техник ҳолатларида камчилик ва нуқсонлар аниқланган тақдирда, буюртмачилар билан лойиҳачилар биргаликда ушбу аниқланган камчилик ва нуқсонларга бартараф этилиши юзасидан қўшимча ишлаб чиқилган, тасдиқланган ишчи лойиҳа бўйича бартараф қилишлар ҳамда бартараф этилганлигини тасдиқловчи тегишли ижро ҳужжатларини ҳудудий инспекцияларга тақдим этиши ушбу объектга фойдаланиш учун рухсат беришга асос бўлади.


18. Зарур ҳолларда, ҳудудий инспекциялар томонидан бино ва иншоотларни инструментал техник текширувдан ўтказиш жараёнида малакали мутахассисларни шартнома асосида тўғридан-тўғри ёлланма усулда илмий тадқиқот институтларидан ёки бошқа махсус лицензияга эга бўлган лойиҳа ташкилотларидан жалб этиш мумкин.


19. Буюртмачи томонидан бино ва иншоотларни техник текширувдан ўтказиш бўйича ҳудудий инспекцияга белгиланган тартибда лойиҳа ҳужжатларини тақдим этмаслик ёки тўлиқ тақдим этмаслик бино ва иншоотларни техник текширувдан ўтказишни рад этишга асос бўлади.


20. Бино ва иншоотлардан фойдаланишга рухсат беришда, инструментал техник текширувдан ўтказилиши натижасида аниқланган камчиликларни бартараф этилганлиги тўғрисидаги тегишли лойиҳа ҳужжатларини ва маълумотларни буюртмачи ташкилот ҳудудий инспекцияга тақдим этади.


21. Ҳудудий инспекциялар учун бино ва иншоотларнинг инструментал техник текширув ишларини баҳолашнинг ягона ҳисоблаш тартиби инспекция томонидан белгиланади.


22. Хавф-хатар тоифаси паст ва якка тартибдаги уй-жой қурилиши объектлари мулкдорларнинг мурожаатларига мувофиқ шартнома асосида инструментал техник текширувдан ўтказилади.



5-БОБ. ДАВЛАТ ҚУРИЛИШ НАЗОРАТИНИ

АМАЛГА ОШИРИШ ТАРТИБИ


23. Давлат қурилиш назорати объект қурилишининг барча босқичларида амалга оширилади.


24. Давлат қурилиш назорати объекти ҳудудий инспекцияларда рўйхатдан ўтказилиб оммавий оферта расмийлаштирилгандан сўнг белгиланган тартибда назорат ўрнатилади.

Давлат қурилиш назорати даврида қуйидаги талаблар ўрганилади:

назорат жараёни буюртмачининг техник, лойиҳачи ташкилотининг муаллифлик назоратлари ва пудрат ташкилоти вакилларидан (раҳбар, раҳбар вазифасини бажарувчи шахс ёки ушбу объектга буйруқ билан бириктирилган масъул шахс) бирининг иштирокида амалга оширади;

қурилиш объектининг паспорти мавжудлиги ва уни кўринарли жойда ўрнатилганлиги;

қурилиш майдони ҳудуди вақтинча ёпиқ тўсиқ билан ўралганлиги;

қурилиш объектида буюртмачи томонидан тасдиқланган ишчи лойиҳа ҳужжатлари мавжудлиги;

пудратчи томонидан ижро техник ҳужжатлар шаҳарсозлик нормалари ва қоидалари талаблари асосида (умумий иш юритиш, кириш назорати, бетон ишлари, пайвандлаш ишлари, техника хавфсизлиги журналлари, ёпиқ ишлар тури бўйича далолатномалар ва бошқалар) юритилганлиги;

объектда техник, муаллифлик ва пудратчининг ички назорати юритилиши ўз вақтида таъминланганлиги;

қурилиш материаллари ва буюмларининг мувофиқлик тўғрисидаги сертификат ва паспортлари мавжудлиги;

қурилиш-монтаж ишларининг шаҳарсозлик нормалари ва қоидалари ҳамда тасдиқланган лойиҳа ҳужжатларига мослиги;

объектга келтирилган қурилиш материалларининг мувофиқлик кўрсаткичларига, бажарилган қурилиш монтаж ишларининг лойиҳавий кўрсаткичларга мослиги бўйича синов лаборатория хулосалари мавжудлиги (зарур ҳолларда, лаборатория ходимлари ва бошқа мутахассисларни жалб этган ҳолда).


25. Давлат қурилиш назорати якунлари бўйича зарур ҳолларда далолатнома, ёзма кўрсатма, тақдимнома ва бошқа ҳужжатлар расмийлаштирилади.

Давлат қурилиш назорати натижаларига кўра, аввал аниқланган қоидабузарликлар бартараф этилганда ҳудудий инспекция инспектори томонидан далолатнома расмийлаштиради.

Қурилиш меъёрлари ва қоидалари талабларининг бажарилишида аниқланган камчиликларни бартараф қилиш бўйича бажарилиши мажбурий бўлган ёзма кўрсатма мазкур Регламентга 3-иловага мувофиқ расмийлаштирилади.

Давлат қурилиш назорати натижаларига кўра, лойиҳалаштириш ва қурилиш соҳасида фаолиятни амалга ошириш учун лицензиялар ва рухсат берувчи ҳужжатларни тўхтатиб туриш, тугатиш ва бекор қилиш масалаларини ҳал қилиш юзасидан тақдимномалар киритилади.

Объектларда бино ва иншоотларнинг зилзила бардошлилигига таъсир қилувчи сифатсиз қурилиш материаллари ва буюмлар қўлланилгани аниқланган ҳолларда, қурилиш материаллари ва буюмлар ишлаб чиқариш, сотиш ва қўллашни тўхтатиб туриш ҳақида тегишли орган ва ташкилотларга тақдимномалар киритилади.



6-БОБ. ҚУРИЛИШ МЕЪЁРЛАРИ ВА ҚОИДАЛАРИ

ТАЛАБЛАРИНИНГ БАЖАРИЛИШИДА АНИҚЛАНГАН

КАМЧИЛИКЛАРНИ БАРТАРАФ ЭТИШ


26. Инспекция ва ҳудудий инспекциялар томонидан қурилиш объектларидаги ишларни тўхтатишни қуйидагича амалга оширади.

бино ва иншоотларнинг зилзилабардошлилигига таъсир қилувчи, шунингдек, инсон саломатлиги ва ҳаётига таҳдид солувчи конструктив ҳуқуқбузарликлар аниқланган ҳолатларда, демонтаж ишларини амалга оширишни ёки мазкур Регламентга 4-иловага мувофиқ ёзма кўрсатмани расмийлаштириш орқали қурилиш-монтаж ишларини тўхтатиб туришни талаб қилади;

юридик ва жисмоний шахсларга объектдаги ҳуқуқбузарликларни бартараф қилиш учун мос равишда, бироқ 60 кундан ортиқ бўлмаган муддатни белгилаган ҳолда, аниқланган ҳуқуқбузарликларни бартараф этиш бўйича ижро этилиши мажбурий бўлган кўрсатмалар беради;

лойиҳалаш ва қурилиш соҳасида фаолиятни амалга ошириш учун лицензиялар ва рухсат берувчи ҳужжатларни тўхтатиб туриш, тугатиш ва бекор қилиш масалаларини ҳал қилиш юзасидан тегишли органлар ва ташкилотларга тақдимномалар юборади;

давлат қурилиш назорати давомида қурилаётган объектлар устидан муаллифлик назорати, техник назорат ва текширувни амалга ошираётган сертификатга эга бўлмаган мутахассислар аниқланган тақдирда, мазкур мутахассисларни қурилиш объектидан четлаштириш тўғрисида буюртмачи, пудратчи ёки лойиҳачига тақдимнома киритади;

объектларда бино ва иншоотларнинг зилзилабардошлилигига таъсир қилувчи, шунингдек, инсон саломатлиги ва ҳаётига таҳдид солувчи сифатсиз қурилиш материаллари ва буюмлар қўлланилгани аниқланган ҳолларда, қурилиш материаллари ва буюмлар ишлаб чиқариш, сотиш ва қўллашни тўхтатиб туриш ҳақида тегишли орган ва ташкилотларга (прокуратура ва ички ишлар органларига) тақдимномалар юборади;

Инспекция ва ҳудудий инспекциялар қурилиши тугалланган объектларни (давлат харидлари субъектларининг маблағлари ҳисобига молиялаштириладиган объектлардан ташқари) фойдаланишга қабул қилиш жараёнига белгиланган тартибда давлат санитария назорати ва давлат ёнғин назорати ҳудудий органларини жалб қилади ҳамда улардан объектларни қабул қилиш муддатлари доирасида инспекция ва ҳудудий инспекцияларга объектнинг санитария нормалари ва ёнғин хавфсизлиги талабларига мувофиқлиги тўғрисида тегишли хулосаларни олади.


27. Назорат ишлари шаҳарсозлик фаолияти субъекти ваколат берган, техник ҳамда муаллифлик назоратини ўтказадиган, шунингдек, объект қурилиши бўйича ишларни бажарувчининг жавобгар шахслари иштирокида амалга оширилади.

Бажарилган ишлар лойиҳа ечимлари, техник регламентлар, шаҳарсозлик нормалари ва қоидалари, техник тартибга солиш соҳасидаги бошқа норматив ҳужжатлар, норматив-ҳуқуқий ҳужжатларга мос келган ҳолларда, шунингдек, қурилиш материаллари, буюмлари ва конструкцияларини лабораторияда синовдан ўтказишнинг ижобий натижалари асосида шаҳарсозлик фаолияти субъекти ваколат берган жавобгар шахслар иштирокида мувофиқлик ҳужжати тузилади.


28. Бажарилган ишлар лойиҳа ечимлари, техник регламентлар, шаҳарсозлик нормалари ва қоидалари, техник тартибга солиш соҳасидаги бошқа норматив ҳужжатлар, норматив-ҳуқуқий ҳужжатларга мос келмаслиги аниқланган ҳолларда, шунингдек, қурилиш материаллари, буюмлари ва конструкцияларини лабораторияда синовдан ўтказишнинг салбий натижаларига ҳамда талаблари бузилган ҳужжатга асосланган ҳолда қурилиши ниҳоясига етказилган босқичда бажарилган ишларнинг номувофиқлиги тўғрисида ёзма кўрсатма берилади.

Ёзма кўрсатма инспектор томонидан қурилиш иштирокчилари (раҳбар, раҳбар вазифасини бажарувчи шахс ёки ушбу объектга буйруқ билан бириктирилган масъул шахс)нинг бирига берилади. Берилган ёзма кўрсатмадаги камчиликларни баратараф этиш юзасидан жавобгарлик буюртмачи заммасига юкланади.


29. Шаҳарсозлик фаолиятининг субъекти ёзма кўрсатмада қайд этилган қоидабузарликлардан норози бўлган тақдирда, ҳудудий инспекция бошлиғига, Инспекция бошлиғига ёки белгиланган тартибда судга шикоят қилишга ҳақли. Мазкур ҳолатда кўрсатма ижроси шикоят кўрилгунга қадар узайтирилади.


30. Назорат натижаларига кўра, ёзма кўрсатмада келтирилган камчиликлар бартараф этилганда, ушбу камчиликлар бартараф этилганлиги тўғрисида далолатнома тузилади.


31. Ҳуқуқбузарлик ҳолатига эътироз билдирилган ҳолларда ишни кўриб чиқиш учун судга тақдим этиш тартибини сақлаб қолган ҳолда, шаҳарсозлик тўғрисидаги қонун ҳужжатларининг бузилишига оид маъмурий ҳуқуқбузарликлар тўғрисидаги ишлар инспекция ва ҳудудий инспекциялар бошлиқлари томонидан кўриб чиқилади.

Маъмурий ҳуқуқбузарлик тўғрисидаги баённома мазкур Регламентга 5-иловага мувофиқ расмийлаштирилади.


32. Аниқланган қоидабузарликларни бартараф этиш имконияти бўлмаганда, ҳудудий инспекция шаҳарсозлик нормалари ва қоидалари бузилган ҳолда бажарилган конструктив элементларни бузиш (ёки демонтаж қилиш) тўғрисида буйруқ чиқаради.



7-БОБ. ДАВЛАТ ҚУРИЛИШ НАЗОРАТИНИ

АМАЛГА ОШИРИШДА СИНОВЛАР


33. Инспекция ва ҳудудий инспекциялар инспекторлари назоратни амалга оширишда қурилиш материаллари, буюмлари ва конструкцияларини лойиҳа ечимлари, техник регламентлар, шаҳарсозлик нормалари ва қоидалари, техник тартибга солиш соҳасидаги бошқа норматив ҳужжатларнинг бажарилиши мажбурий бўлган талабларига мувофиқлиги юзасидан лаборатория синовлари ўтказишни тайинлаш ҳуқуқига эга.


34. Лаборатория синовлари шаҳарсозлик фаолияти субъектлари томонидан объект жойлашган жойда ёки аккредитацияланган махсус синов лабораторияларида (кейинги ўринларда - синов лабораториялари) олинган намуналарни синов лаборатория шароитида танлаб олиш усулида амалга оширилади.


35. Мавжуд бинолар ва иншоотларнинг техник ҳолати уларни қайта тиклаш ёки реконструкция қилиш мақсадга мувофиқлиги бўйича буюртмачининг аризасига мувофиқ шартнома асосида белгиланган тартибда текширувдан ўтказилади ҳамда бу ҳақида тегишли хулоса берилади.


36. Инспектор зарур ҳолларда, шаҳарсозлик фаолияти субъектларининг лойиҳа ечимлари, техник регламентлар, шаҳарсозлик нормалари ва қоидалари, техник тартибга солиш соҳасидаги бошқа норматив ҳужжатлар талабларига риоя этилишини аниқлаш мақсадида лаборатория тадқиқотларини ўтказиш учун фойдаланилган қурилиш материаллари, буюмлари ва конструкцияларидан намуналар олиш ҳуқуқига эга.


37. Фойдаланиладиган қурилиш материаллари, буюмлари ва конструкциялари (кейинги ўринларда - материаллар) намуналарини танлаш услуби ва миқдори лойиҳа ечимлари, техник регламентлар, шаҳарсозлик нормалари ва қоидалари, техник тартибга солиш соҳасидаги бошқа норматив ҳужжатлар талабларига мос келиши зарур.


38. Синовлар назорат бўйича синов лабораторияларида техник тартибга солиш соҳасидаги норматив ҳужжатларга мувофиқ материалларни назорат ва синовдан ўтказиш усулида амалга оширилади.


39. Объект қурилишида фойдаланиладиган материалларнинг сифати, техник жиҳатдан тартибга солиш соҳасидаги норматив ҳужжатлар талабларига мос келмаслиги аниқланган ҳолатларда, объект демонтаж қилиниши талаб этилади.


40. Синовларни ўтказиш ва аниқланган сифатсиз қурилиш материаллари, буюмлари ва конструкцияларини демонтаж қилиш билан боғлиқ сарф-харажатлар шаҳарсозлик фаолияти субъектлари ҳисобидан қонун ҳужжатларида белгиланган тартибда қопланади.

Шаҳарсозлик фаолияти субъектлари синов натижаларидан норози бўлган ҳолатларда, ўз ихтиёри билан қонун ҳужжатларида белгиланган тартибда аккредитациядан ўтган мустақил синов лабораториясига мурожаат қилишга ҳақли.

Бунда олинган синов лаборатория хулосаси шаҳарсозлик фаолияти субъектининг шикоят материаллари ва текшириш ҳужжатларига илова қилинади.



8-БОБ. ЯКУНЛОВЧИ ҚОИДАЛАР


41. Назорат бўйича ваколати давлат органи ва унинг мансабдор шахслари давлат назоратини амалга оширишда ўз вазифалари ҳамда хизмат мажбуриятларини тегишли равишда бажармаган ҳолатларда қонун ҳужжатларига мувофиқ жавоб беради.


42. Шаҳарсозлик фаолияти субъектлари шаҳарсозлик фаолиятини амалга оширишда ушбу Регламент талабларини бузса, қонун ҳужжатларига мувофиқ жавоб беради.






Маъмурий регламентга

1-ИЛОВА



Қурилиш назоратини амалга ошириш

СХЕМАСИ

Босқичлар

Субъектлар


Тадбирлар


Муддатлар



1-босқич

Буюртмачи


Объект қурилишини  (реконструкциясини) бошлашга рухсат олиш учун Давлат хизматлари марказига ариза билан мурожаат қилади.


Лойиҳа-смета ҳужжати ишлаб чиқилиб, экспертизадан ўтказилгандан сўнг









2-босқич

Давлат хизматлари маркази


Аризани тегишлилиги бўйича ҳудудий инспекцияга юборади.


1 иш куни мобайнида









3-босқич

Ҳудудий инспекция


Аризани рўйхатдан ўтказиб, объектга мутасадди инспекторни бириктиради.


1 иш куни мобайнида









4-босқич

Инспектор


Қурилиш (реконструкция) ҳудудига чиққан ҳолда ўрганиш ишларини олиб боради ҳамда бино қисмини техник кўрикдан ўтказиш бўйича буюртмачига  ёзма кўрсатма беради.


3 иш куни мобайнида









5-босқич

Инспектор


   

1..Объектда тизимли давлат қурилиш назоратини амалга ошириш ишларини белгиланган тартибда ўз шахсий иш режасига киритади.


2..Шу кундан бошлаб белгиланган тартибдаги давлат қурилиш назоратини ўрнатади.


3 иш куни мобайнида қурилиш (реконструкция) даврида белгиланган тартибда









6-босқич

Инспектор


1..Буюртмачи, лойиҳачи ёки пудрат ташкилоти вакиллари (раҳбари, раҳбар вазифасини бажарувчи шахс ёки ушбу объектга буйруқ билан бириктирилган масъул шахс) иштирокида инспекторнинг шахсий иш режасида белгиланган саналарда объектда белгиланган тартибдаги давлат қурилиш назоратини ўтказади.


2..Назорат натижалари тўғрисида пудратчининг иш юритиш дафтарининг белгиланган саҳифаларига тегишли ёзувларни киритади.


инспекторнинг шахсий иш режасида белгиланган саналарда









7-босқич

Инспектор


Назорат натижалари бўйича объект қурилиши (реконструкцияси) ишларида белгиланган қурилиш меъёрларини бузиш ҳолатлари аниқланса, қурилиш меъёрлари ва қоидалари талабларининг бажарилишида аниқланган камчиликларни бартараф қилиш бўйича ёзма кўрсатма расмийлаштиради (Регламентга 3-иловага мувофиқ) ҳамда пудратчига тақдим этади.


давлат қурилиш назорати ўтказилгандан сўнг 1 иш куни мобайнида









8-босқич

Буюртмачи, лойиҳачи ёки пудрат ташкилоти вакиллари


1..Аниқланган камчиликларни бартараф қилиш юзасидан чора-тадбир ишлаб чиқиб, тасдиқлайди ҳамда инспекторга тақдим этади.



3 иш куни мобайнида




2..Камчиликлар бартараф этилгандан сўнг тегишли далолатнома тузади ҳамда инспекторга тақдим этади.


камчиликлар бартараф этилгандан сўнг








Объектда қурилиш (реконструкция) ишлари якунлангандан сўнг






9-босқич

Буюртмачи, лойиҳачи ёки пудрат ташкилоти вакиллари


Қурилиши (реконструкцияси) якунланган объектни белгиланган тартибда фойдаланишга қабул қилиш тўғрисида туман (шаҳар) Давлат хизматлари марказига тегишли ариза (сўровнома) билан мурожаат қилади.


қурилиш  (реконструкция) ишлари якунлангандан сўнг









10-босқич

Давлат хизматлари маркази


Сўровномани Давлат ер тузиш ва кўчмас мулк кадастри корхонаси филиалига (кейинги ўринларда - ДК) юборади.


1 соат мобайнида

(автоматик тарзда)









11-босқич

ДК


1..Қурилиши (реконструкцияси) тугалланган объектни жойига бориб ўрганади.


2..Объектнинг фойдаланишга рухсат бериш далолатнома лойиҳасини тайёрлайди ва тасдиқлайди.


3..Далолатнома лойиҳасини давлат санитария назорати ва давлат ёнғин назорати ҳудудий органлари ҳамда ҳудудий инспекцияга юборади.


5 иш куни мобайнида









12-босқич

Давлат санитария назорати ва давлат ёнғин назорати ҳудудий органлари, ҳудудий инспекция


1..Қурилиши (реконструкцияси) тугалланган объектни жойига бориб ўрганади.


2..Объектнинг фойдаланишга рухсат бериш далолатномасини имзолайди (ёки асослантирган ҳолда рад этади).


3..Имзоланган далолатномани (ёки рад этиш тўғрисидаги жавобни) ДКга юборади.


5 иш куни мобайнида









13-босқич

ДК


Келишилган далолатнома ҳамда кўчмас мулк объектларига бўлган ҳуқуқларнинг давлат реестридан кўчирмани Давлат хизматлари марказига юборади.


1 иш куни мобайнида









14-босқич

Давлат хизматлари маркази


     

Далолатномани ариза берувчининг электрон почта манзилига юборади ва бу ҳақда ахборот-коммуникация тизимлари орқали ариза берувчини хабардор қилади.

 


1 соат мобайнида



          





Маъмурий регламентга

2-ИЛОВА



Объектлар хавф-хатарлар тоифаларининг

ТАСНИФИ

Т/р

Лойиҳалаштириш ва қурилиш

объектининг номи


Қурилиш объекти бўйича

кўрсаткичлар ва тавсифнома


Хавф-хатар

тоифаси


1. Электроэнергетика.

1.1

Гидроэлектр станциялар



IV

1.2

Иссиқлик электр станциялари, буғ қозонхоналари



IV

1.3

Электроэнергетиканинг бошқа (муқобил) объектлари



IV

1.4

Электроэнергетиканинг бошқа объектлари (трансформатор подстанциялари, ёрдамчи бинолар ва бошқалар)



III

2. Нефть, газ ва кўмир саноати.

2.1

Нефть, газ ва кўмир саноати объектлари



IV

3. Газ ва нефтни қайта ишлаш комплекслари.

3.1

Газ ва нефтни қайта ишлаш комплекслари объектлари



IV

4. Газ ва кўмир саноати.

4.1

Газ ва кўмир саноати объектлари


шу жумладан, таъмирлаш корхоналари


IV

5. Металлургия ва электротехника саноати.

5.1

Металлургия ва электротехника саноати корхоналари объектлари



IV

6. Кон-руда саноати.

6.1

Кон-руда саноати корхоналари объектлари



IV

7. Кимё саноати, минерал ўғитлар.

7.1

Кимё саноати, минерал ўғитлар корхоналари объектлари



IV

8. Машинасозлик.

8.1

Машинасозлик корхоналар объектлари


энергетика, оғир саноат, транспорт, кимё, нефть, машинасозлик объектлари


IV

9. Дастгоҳларни ишлаб чиқариш.

9.1

Дастгоҳлар ишлаб чиқариладиган объектлар



III

10. Асбобсозлик, автоматлаштириш воситалари ва бошқарув тизимлари.

10.1

Асбобсозлик, автоматлаштириш воситалари ва бошқарув тизимлари объектлари



III

11. Автомобиль саноати.

11.1

Автомобиль саноати корхоналари объектлари



III

12. Қишлоқ хўжалиги машинасозлиги.

12.1

Қишлоқ хўжалиги машинасозлиги, шу жумладан чорвачилик ва озуқа ишлаб чиқариш машинасозлиги корхоналари объектлари



III

13. Қурилиш, шунингдек, йўл қрилиши ва коммунал соҳа машинасозлиги.

13.1

Қурилиш, шунингдек, йўл қрилиши ва коммунал соҳа машинасозлик корхоналари объектлари



III

14. Ҳаракатланадиган таркибни, авиация техникасини таъмирлаш.

14.1

Ҳаракатланадиган таркибни, авиация техникасини таъмирлаш корхоналари объектлари



III

15. Қурилиш металл конструкциялари.

15.1

Қурилиш металл конструкциялари корхоналари объектлари



III

16. Ўрмон, ёғочни қайта ишлаш, целлюлоза-қоғоз саноати.

16.1

Ўрмон, ёғочни қайта ишлаш, целлюлоза-қоғоз саноати объектлари



III

17. Қурилиш материаллари саноати.

17.1

Қурилиш саноати корхоналари объектлари


цемент, бетон, йиғма темир-бетон маҳсулотлари ва шу кабиларни ишлаб чиқариш


III

18. Енгил саноат.

18.1

Тўқимачилик буюмлари ишлаб чиқариш корхоналари объектлари



III

18.2

Пилла корхоналари объектлари



III

18.3

Пойабзал ишлаб чиқариш корхоналари объектлари



III

18.4

Пахтани қайта ишлаш корхоналари объектлари



IV

19. Балиқчилик саноати.

19.1

Балиқчилик саноати объектлари



II

20. Тиббиёт ва микробиология саноати.

20.1

Тиббиёт ва микробиология саноати объектлари



III

21. Агросаноат комплекси.

21.1

Агросаноат комплекси объектлари


муҳандислик инфратузилмаси ривожланган ҳудудларда


II

ўзлаштирилмаган ҳудудларда


III

қишлоқ хўжалиги маҳсулотларини жойлаштириш ва сақлаш музхоналари


II

22. Ун-ёрма ва омихта ем саноати.

22.1

Ун-ёрма ва омихта ем саноати корхоналари объектлари



III

22.2

Нон, макарон ва ун маҳсулотлари ишлаб чиқариш корхоналари объектлари



II

23. Ўрмон хўжалиги.

23.1

Ўрмон хўжалиги объектлари



III

24. Сув хўжалиги қурилиши, ирригация ва мелиорация.

24.1

Сув хўжалиги қурилиши, мелиорация ва ирригация объектлари


сув омборлари, суғориш, дренаж (қуритиш) тизимлари, мелиорация тизимларидаги гидротехника иншоотлари


IV

мелиорация тизимларида қуриш, таъмирлаш-тиклаш ишлари, суғориш насос станциялари, ернинг мелиоратив ҳолатини яхшилаш


III

25. Ҳаво ва темир йўл транспорти.

25.1

Ҳаво ва темир йўл транспорти бинолари ва иншоотлари


вокзаллар, платформалар, аэропортлар, темир йўллар


IV

26. Алоқа муассасалари.

26.1

Алоқа бўлимлари, автоматлаштирилган телефон станциялари



III

26.2

Почта, телеграф ва алоқа корхоналарига тегишли бошқа объектлар



III

26.3

Алоқа боғламаси бўлган автоматлаштирилган телефон станциялари


шу жумладан, радио ва уяли алоқа станциялари


III

27. Темир йўллар ва автомобиль йўллари.

27.1

Темир йўллар ва автомобиль йўллари инфратузилмаси объектлари


шу жумладан, кўприклар, ер ости йўллари, хизмат кўрсатиш шаҳобчалари ва бошқалар


IV

Темир йўл объектлари


III

Автомобиль йўллари объектлари


III

28. Уй-жой қурилиши.

28.1

Уйларнинг ёнидаги хўжалик ва ёрдамчи иморатлар



I

28.2

Боғчалар, вақтинча уй-жойлар



I

28.3

Турар жой бинолари, комплекслар ва ётоқхоналар


кўп марта қўлланиладиган лойиҳаларни бир-бирига боғлаш


II

28.4

Индивидуал ишлаб чиқилган лойиҳалар




28.5

Кам қаватли уйлар


3 қаватгача


II

28.6

Ўрта қаватли уйлар


5 қаватгача


II

28.7

Кўп қаватли уйлар


5 дан юқори 12 қаватгача


III

12 қаватдан юқори


IV

29. Аҳоли яшайдиган жойларни қуриш.

29.1

Кичик даҳалар, мавзелар, шаҳарсозлик комплексларини қуриш, уй-жойлар ва жамоат бинолари гуруҳлари (уй-жойлар ҳамда жамоат бинолари ва иншоотларини бир-бирига боғлашни ҳисобга олмасдан)


архитектура-режалаштириш ечимлари, ободонлаштириш ва кўкаламзорлаштириш, кичик даҳалар, мавзелар, комплекслар чегараларида рельефни, муҳандислик тармоқларини ташкил этиш


III

29.2

Кам қаватли коттежлар



II

29.3

Якка тартибдаги уйлар



I

29.4

Жамоа дам олиш боғлари



I

30. Ободонлаштириш ва кўкаламзорлаштириш

(қурилиш лойиҳаларига кирмайдиган мустақил объектлар).

30.1

Ҳудудларни ободонлаштириш ва кўкаламзорлаштириш


қишлоқ аҳоли пунктлари, ободонлаштиришга минимал-норматив талаблар қўйиладиган шароитлардаги коммунал ва саноат ҳудудлари, дала ҳовли, завод ҳудудлари


I

ободонлаштиришга қўйиладиган талабларнинг ўртача даражаларидаги шаҳар, кичик меъморий шакллар


II

ҳудудларни ободонлаштиришга қўйилган юқори талаблар (ландшафт)


II

30.2

Шамол ва шовқиндан ҳимоя қилувчи полосалар, асбоб-ускуналарсиз ва техник жиҳозланмаган велосипед, чана, пиёдалар йўлкалари (терренкурлар)



I

31. Савдо ва умумий овқатланиш.

31.1

Вақтинча павильонлар, киоскалар, айвонлар ва шу кабилар



I

31.2

Йил давомида ишлайдиган дўконлар, маиший корхоналар


шу жумладан , кафе, умумовқатланиш ва маиший хизмат пунктлари


II

31.3

Савдо уйлари, йирик универсал ихтисослаштирилган дўконлар мажмуаси, супермаркетлар, ресторанлар



III

32. Соғлиқни сақлаш.

32.1

Поликлиникалар, амбулаториялар, препаратлар тайёрланадиган дорихоналар, касалхоналарнинг хўжалик корпуслари, тез тиббий ёрдам станциялари, санитария-эпидемиология станциялари сут-қатиқ ошхоналари врачлик пунктлари



II

32.2

Олий таълим муассасалари


стандарт асбоб-ускуна ва ёритиш (кўп марталаб қўллаш)


II

ноёб асбоб-ускуна ва ёритиш, янги технологиялар


III

33. Таълим муассасалари.

33.1

Умумий ўрта ва ўрта махсус, академик лицейлар, касб-ҳунар таълими муассасалари


кўп маротаба қўлланиладиган лойиҳалар учун


II

янги қўлланиладиган лойиҳалар учун


III

33.2

Олий таълим муассасалари


9 қаватгача


III

9 қаватдан юқори


IV

33.3

Болалар ўйингоҳлари, соляри ва соғломлаштириш объектлари



I

33.4

Мактабгача таълим муассасалари



II

34. Томоша муассасалари.

34.1

Кино ва видеофильмларни намойиш этадиган вақтинча павильонлар



I

34.2

Ёзги эстрадалар, кинотеатрлар ва рақсга тушиш майдончалари



I

34.3

1000 ўрингача кинотеатрлар



III

34.4

1000 ўриндан ортиқ кино-концерт заллари ва кинотеатрлар



IV

34.5

Театрлар, цирклар, музейлар, амфитеатр, ҳайвонот боғлари, аквапарклар, океанариумлар



IV

34.6

Очиқ турдаги театрлар, цирклар, музейлар, амфитеатр, кўргазма майдонлари



II

35. Матбаа саноати.

35.1

Матбаа саноати объектлари



III

36. Сув таъминоти ва канализация.

36.1

Ер ости манбаларидан сув олиш комплекслари



III

36.2

Юза манбалардан сув олиш


дарёлар, кўллар, сув омборлари, каналлар ва шу кабилар


III

36.3

Табиий сувларни, маиший ва ишлаб чиқариш мақсадларидаги оқава сувларни тозалаш иншоотлари



III

36.4

Сув ўтказгичлар ва тармоқлар (шу жумладан, канализациялар, босим канализациялари бундан мустасно)


иншоотларсиз


II

иншоотлари билан


III

мавзелар ичида


II

36.5

Босим остидаги оқава сув қувурлари



IV

37. Транспорт, нефть маҳсулотларини сақлаш

ва автомобилларга ёқилғи қуйиш шахобчалари.

37.1

Автотранспорт корхоналари


автомобиль ва йўл механика объектлари, автомобиль саройлари, трамвай ва троллейбус деполари


III

37.2

Гаражлар

тозалаш иншоотларисиз алоҳида ва бир қаватли гаражлар, тозалаш иншоотлари бўлган гаражлар


II

кўп қаватли ер ости, ер усти гаражлари


III

37.3

Нефть ишлаб чиқариш корхоналари, нефть базалари, нефть маҳсулотлари омборлари



IV

37.4

Автомобилга ёқилғи қуйиш шахобчалари


дизель ёқилғиси, бензин


III

суюлтирилган ва сиқилган ёқилғи


III

37.5

Техник хизмат кўрсатиш станциялари



II

38. Илмий-тадқиқот муассасалари.

38.1

Лойиҳа-конструкторлик ташкилотлари



III

38.2

Ихтисослаштирилган илмий-тадқиқот институтлари ва лабораториялари



III

38.3

Академик илмий-тадқиқот марказлари



III

39. Жисмоний тарбия ва спорт иншоотлари.

39.1

Спорт майдонлари ва ўйингоҳлар


қўшимча биноларсиз


I

мавсумий қўшимча бинолари билан


I

39.2

Бассейнлар (сузиш ҳавзаси)


очиқ


II

ёпиқ


III

39.3

Спорт соғломлаштириш марказлари



III

39.4

40 минг ва ундан кўп ўринли очиқ стадионлар


шу жумладан, 40 минг ўрингача минбарли ва минбар остида жойлашган иморатлар


IV

39.5

40 минг ва ундан кўп ўринли ёпиқ стадионлар, спорт саройлари


шу жумладан, 40 минг ўрингача минбарли ва минбар остида жойлашган иморатлар


IV

39.6

Машқ қилиш ва фитнес заллари



II

40. Фавқулодда вазиятлар оқибатларидан ҳимоя қилиш иншоотлари.

40.1

Радиацияга қарши пана жойлар



II

40.2

Ер остидаги ихтисослаштирилган жойлар


муҳандислик ускуналарининг автоном тизимларисиз


II

муҳандислик ускуналарининг автоном тизимлари билан


III

41. Ёнғинни ўчиришнинг автоматик қурилмалари,

ёнғин ва қўриқлаш сигнализация тизимлари.

41.1

Сплинкер ва дренчер қурилмалари


мавжуд корхоналарда монтаж қилиш


II

41.2

Қўриқлаш-ёнғин сигнализацияси



II

42. Газ тозалаш ва чангни тутиб қолувчи иншоотлар.

42.1

Мавжуд корхоналарда ва лойиҳалаштириладиган комплексларда мўлжалланаётган қурилмалар


мавжуд корхоналарда


III

лойиҳалаштирилаётган комплексларда


III

43. Махсус ишлар.

43.1

Тупроқни кимёвий, музлатиш, бурғулаш услубида мустаҳкамлаш



III

43.2

Қуришда сув сатҳини пасайтириш ва дренаж



II

44. Шаҳар инфратузилмасининг муҳандислик иншоотлари.

44.1

Магистраллар ва сув қувури тармоқлари, хўжалик-маиший ва ёмғир сувини оқизувчи канализациялар, таббий газ таъминоти, алоқа, электр таъминоти, электр билан ёритиш, телевидение, радио


иморатлар ва ер ости коммуникациялари бўлмаган ҳудудда лойиҳалаштириш ва қуриш


II

ер ости коммуникациялари мавжуд бўлган тақдирда, шаҳар кириш йўллари ва шаҳарнинг қурилган қисмлари бўйича лойиҳалаштириш ва қуриш


III

темир йўлларни ёки метрополитенни кесиб ўтган, мураккаб гидрогеологик шароитларда ёпиқ ўтишни ва ишларни бажаришнинг махсус усулларини қўллаган ҳолда, ер ости ва ер усти иншоотларининг бевосита яқинида лойиҳалаштириш ва қуриш


III

44.2

Алоқани бошқариш, электр энергиясини ва бошқа энергия манбаларини ҳисобга олишнинг автоматлаштирилган тизимлари


автоном объектлар сифатида лойиҳалаштириш ва қуриш (лойиҳа-қурилиш комплексларидан ташқарида)


II

44.3

Ишлатилаётган марказий иссиқлик пунктлари, буғ қозонхоналари



II

44.4

Шаҳар транспорти иншоотлари, кўприклар, туннеллар, йўл ўтказгичлар, эстакадалар, пиёдалар ўтадиган жойлар, қирғоқ бўйлари, причаллар, темир йўллар орқали муҳандислик коммуникацияларини ўтказиш учун кўприкли ўтиш жойлари, автомагистраллар, сув тўсиқлари


иморатлар қурилмаган ҳудудда лойиҳалаштириш ва қуриш


II

иморатлар қурилган ҳудудларда лойиҳалаштириш ва қуриш


II

ер ости тармоғи ривожланган ҳудудларда лойиҳалаштириш ва қуриш


II

44.5

Шаҳар транспорт магистраллари, кўчалар, йўллар, трамвай йўллари, мавзелар ичидаги кириш йўллари, чорраҳалар, автомобиль тўхташ жойлари, жамоат транспортини қўриқлаш ва сақлаш учун охирги станциялар ва майдончалар (шу жумладан хизмат кўрсатиш учун иншоотлар билан биргаликда), пиёдалар кўчалари, йўлаклар, боғлардаги хиёбонлар ва йўлкалар


шаҳарнинг иморатлар қурилмаган ҳудудида, мақсадли қизил чизиқлар, белгилар ва кўндаланг кўриниш бўйича, 5 фоиздан 40 фоизгача нишаб жойлар рельефида лойиҳалаштириш ва қуриш


II

мақсадли қизил чизиқлар, белгилар ва кўндаланг кўриниш бўйича ёки рельеф шаклланган таянч иморатли ёки 40 фоиздан ортиқ нишаб ҳудудларда лойиҳалаштириш ва қуриш


III

ирригация тизими мавжуд бўлганда ёки қизил чизиқларга, белгиларга ва кўндаланг кўринишга тузатиш киритган ва уларни ишлаб чиққан ҳолда лойиҳалаштириш ва қуриш


III

44.6

Коммуникация туннеллари (ер ости коммуникациялари учун коллекторлар) ва иссиқлик тармоқлари


шаҳарнинг иморат қурилмаган ва ер ости коммуникациялари мавжуд бўлмаган ҳудудида лойиҳалаштириш ва қуриш


II

шаҳарнинг қурилган қисмида бошқа ер ости коммуникациялари билан ёки мавжудлари билан биргаликда лойиҳалаштириш ва қуриш


II

махсус усуллар, якка тартибдаги конструкциялар, ёпиқ ўтиш жойлари қўлланган, метрополитен ёки темир йўллар кесиб ўтилган, коммуникациялар аралаш ўтказилган мураккаб гидрогеологик шароитларда лойиҳалаштириш ва қуриш


III

44.7

Шаҳар сув ҳавзалари

хўжалик мақсадлари ва ичимлик суви таъминоти учун мўлжалланмаган сув ҳавзалари


III

44.8

Суғориш ва сув ажратиш тармоқларида, сунъий сув ҳавзаларидаги гидротехник иншоотлар



III

44.9

Электр коррозиясидан фаол ҳимоя қилиш


катод ҳимоя станциялари ва бошқалар


III

45. Маҳаллий озиқ-овқат саноати.

45.1

Новвойхоналар



II

45.2

Иссиқхона хўжалиги объектлари


мураккаб асбоб-ускуналарсиз


I

янги технологиялар ва асбоб-ускуналарни қўллаган, автоматлаштирилган бошқарув тизимида


II

45.3

Консервалар, пазандачилик, колбаса, қандолатчилик маҳсулотлари ишлаб чиқариш корхоналари



III

45.4

Чорва моллари ва паррандалар қушхоналари



II

45.5

Чорво моллари, парранда ва балиқ етиштириш фермалари



II

46. Меҳмонхона хўжалиги.

46.1

Барча тоифадаги меҳмонхона хўжаликлари


1,2,3 юлдузли


II

4 юлдузли ва ундан юқори


III

47. Дам олиш ва туризм муассасалари.

47.1

Палатали оромгоҳлар, туристик бошпаналар, тўхташ жойлари, чанғи базалари



I

47.2

Кемпинг, мотель, турбаза, ёзги оромгоҳлар, дам олиш базалари ва алпинистлар дам олиш бошпаналари



II

47.3

Йил бўйи фойдаланиладиган оромгоҳлар



II

47.4

Пансионатлар, профилакторийлар, дам олиш уйлари, 500 ўрингача бўлган санаторийлар



III

47.5

500 ва ундан кўп ўринли санаторийлар, олий разрядли туристик комплекслар



III

48. Маданий-маърифий муассасалар.

48.1

Ўйинлар ва рақсга тушиш учун вақтинча павильонлар



I

48.2

Маданият боғларида қироатхонлик учун ва кўргазмали павильонлар



I

48.3

Кўргазма заллари, қишлоқ клублари ва музейлар



II

48.4

Маданият уйлари, кутубхоналар


ўқувчилар заллари билан ва уларсиз


III

48.5

Миллий галереялар, маданий марказлар, диний муассасалар (мачитлар, черковлар, синагоглар ва бошқалар)



III

48.6

Китоб сақлаш жойлари



III

49. Жамоат бинолари ва маъмурий бинолар.

49.1

Маъмурий бинолар



II

49.2

Ижтимоий-сиёсий фаолият марказлари бинолари, бизнес-комплекслар (марказлар), кўп функцияли ижтимоий комплекслар



III

49.3

Банклар, биржалар, банкларнинг бўлимлари, ҳисоблаш марказлари



III

50. Моддий-техника таъминоти объектлари.

50.1

Қурилиш-монтаж ташкилотларининг ишлаб чиқариш базалари, жамоат транспорти корхоналари ва шу кабилар



II

50.2

Сақлаш жойлари, ангарлар, омборлар


мавсумий


I

йил давомида фаолият кўрсатадиган


II

50.3

Омбор комплекслари


муҳандислик асбоб-ускуналарисиз, соддалаштирилган омбор комплекслари


II

муҳандислик асбоб-ускуналари билан жиҳозланган омбор комплекслари


II

51. Маиший хизмат кўрсатиш объектлари.

51.1

Чиқиндини қайта ишлаш заводлари (корхоналари)



III

51.2

Чиқиндини қайта ишлаш станциялари



III

51.3

Кирхоналар кимёвий тозалаш шахобчалари, ҳаммомлар



II

51.4

Соғломлаштириш ҳаммомлари


сауна ва шу кабилар


II

52. Жамоат тартибини сақлаш билан боғлиқ муассасалар.

52.1

Тергов изоляторлари, милиция бўлимлари



III

52.2

Ахлоқ тузатиш-меҳнат муассасалари



III

53. Лойиҳадан ташқари тизимли иншоотлар - электр узатиш тармоқлари,

нефть ўтказгичлар, таббий газ қувурлари, алоқа тармоқлари,

иссиқлик тармоқлари мажмуалари.

53.1

Аҳоли пунктлари ҳудудида



II

53.2

Шаҳар чегара ҳудудида



II

54. Жараёнларни автоматик тизимда бошқариш.

54.1

Техник жараёнларни автоматик бошқарув тизимлари



II

54.2

Автоматлаштирилган тезкор диспетчерлик бошқарув тизимлари



II

54.3

Телекоммуникация тизимлари



II

55. Бино ва иншоотларни мукаммал таъмирлаш.

55.1

Бино ва иншоотларни мукаммал таъмирлаш



II

56. Саноатнинг бошқа айрим соҳалари.

56.1

Сопол ва чинни буюмлар ишлаб чиқариш корхоналари



III

56.2

Ёғоч ва мебель ишлаб чиқариш корхоналари



II

56.3

ПВХ ва полиэтилен маҳсулотлари ишлаб чиқариш корхоналари


пакет, идиш ва бошқа маиший маҳсулотлар


III

56.4

Маиший техника ишлаб чиқариш корхоналари



III

56.5

Қандолатчилик, салқин ичимликлар ва озиқ овқат маҳсулотлари ишлаб чиқариш


кичик цехлар


II

корхоналар


III

           

Изоҳ. Объектлар реконструкция қилинганда янги режалаштирилган объектлар тоифаси қўлланилади.






Маъмурий регламентга

3-ИЛОВА

ЎЗБЕКИСТОН РЕСПУБЛИКАСИ

ҚУРИЛИШ ВАЗИРЛИГИ ҲУЗУРИДАГИ

ҚУРИЛИШ СОҲАСИДА НАЗОРАТ ИНСПЕКЦИЯСИ

____________ ҚУРИЛИШ СОҲАСИДА НАЗОРАТ ИНСПЕКЦИЯСИ

                                                  (ҳудуд номи)

         

_______________________

"___" __________ 20__ йил

Қурилиш меъёрлари ва қоидалари

талабларининг бажарилишида аниқланган

камчиликларни бартараф қилиш бўйича

__________ -сон ЁЗМА КЎРСАТМА

Кимга



(ташкилот номи ва раҳбарининг Ф.И.О.)

Қурилиш объектининг номи


Объектнинг манзили


Текширилган кунда бажарилаётган ишлар


              

Т/р

Аниқланди

Берилган кўрсатмалар


Бажриш

муддати


Бажарилган-

лиги хақида

белгилар


1

2


3

4

5










        

Изоҳ. Кўрсатмани олган ташкилот:

аниқланган камчиликларни бартараф этиш бўйича уч кун муддат ичида "Чора-тадбирлар" ишлаб чиқиши;

аниқланган камчиликлар бартараф этилганлиги тўғрисида буюртмачининг техник назоратчиси билан биргаликда "Далолатнома" тузиб, Қурилиш соҳасида ҳудудий назорат инспекциясига тақдим этиши лозим.

Шу билан бирга, "Кўрсатма"нинг 5-устунига камчиликларни бартараф этилганлиги тўғрисида инспекторнинг имзоси қўйилади.

Юқоридаги кўрсатилган камчиликлар белгиланган муддатда тузатилмаса, Ўзбекистон Республикасининг Маъмурий жавобгарлик тўғрисидаги кодексининг 99-моддасига асосан маъмурий чоралар қўлланилиши мумкин.

ҚСХН инспекцияси инспектори





(имзо)


(Ф.И.О)

Бажаришга қабул қилди





(имзо)


(Ф.И.О)

          





Маъмурий регламентга

4-ИЛОВА

ЎЗБЕКИСТОН РЕСПУБЛИКАСИ

ҚУРИЛИШ ВАЗИРЛИГИ ҲУЗУРИДАГИ

ҚУРИЛИШ СОҲАСИДА НАЗОРАТ ИНСПЕКЦИЯСИ

____________ ҚУРИЛИШ СОҲАСИДА НАЗОРАТ ИНСПЕКЦИЯСИ

                                                     (ҳудуд номи)

           

_______________________

"___" __________ 20__ йил

Қурилишни тўхтатиш тўғрисида

______ -сон ЁЗМА КЎРСАТМА

Кимга



(қурилиш ташкилотини тўлиқ номи, юқори ташкилоти)

Объект:



(тўлиқ номи)

Буюртмачи:


Бош пудратчи


Бажарилаётган ҚМИларида қуйидаги қоида бузишлар аниқланди:


              

      

Аниқланган қоида бузилишлар бартараф этилгунга қадар



(иш турлари)

20___ "___"____________ эътиборан вақтинча


ТЎХТАТИЛСИН:


Кўрсатилган камчиликлар бартараф этилгач, пудратчи ташкилот (буюртмачи) Қурилиш соҳасида ҳудудий назорат инспекциясига хабар бериши шарт.

Қурилиш-монтаж ишларини давом эттиришга фақат Қурилиш соҳасида ҳудудий назорат инспекцияси ёки масъул инспектор рухсат беради.

ҚСХН инспекцияси инспектори





(имзо)


(Ф.И.О)

Кўрсатмани бажариш учун қабул қилди:


Бажаришга қабул қилди

Буюртмачи





(имзо)


(Ф.И.О)

Пудратчи





(имзо)


(Ф.И.О)

           





Маъмурий регламентга

5-ИЛОВА

ЎЗБЕКИСТОН РЕСПУБЛИКАСИ

ҚУРИЛИШ ВАЗИРЛИГИ ҲУЗУРИДАГИ

ҚУРИЛИШ СОҲАСИДА НАЗОРАТ ИНСПЕКЦИЯСИ

____________ ҚУРИЛИШ СОҲАСИДА НАЗОРАТ ИНСПЕКЦИЯСИ

                                                      (ҳудуд номи)

      

Маъмурий хуқуқбузарлик тўғрисида

_______ -сон БАЁННОМА

_______________________

20__ йил "___" __________

Баённомани тузувчи:



(лавозими ва Ф.И.О.)

Объектнинг номи ва манзили:




             

объектида шаҳарсозлик нормалари ва қоидалари ҳамда лойиҳа ҳужжатлари талабларига риоя этилиши юзасидан давлат қурилиш назорати ўтказилиб,

         

(ташкилотни номи, мансабдор шахснинг лавозими, Ф.И.О. ва манзили)

томонидан қуйидаги хуқуқбузарлик ҳолатларига йўл қўйилганлиги аниқланди.


Ҳуқуқбузарнинг шахсига оид маълумотлар:

Ф.И.Ш.:


;

Туғилган йили ва жойи:


;

Паспорт серияси ва рақами:


;

Маълумоти:


;

Иш жойи (лавозими):


;

Яшаш жойи:


.

Хуқуқбузарлик содир этилган жой ва вақт:


         

Ҳуқуқбузарликнинг моҳияти:


             

           

            

          

            

           

(Йўл қўйилган ҳуқуқбузарлик норматив-ҳуқуқий ҳужжатларни кўрсатган ҳолда)

Юқорида қайд этилган хуқуқбузарлик учун жавобгарлик Ўзбекистон Республикасининг "Маъмурий жавобгарлик тўғрисида"ги Кодексининг ____-моддаси ____ қисмида белгиланган.

Ҳуқуқбузарга Ўзбекистон Республикасининг "Маъмурий жавобгарлик тўғрисида"ги Кодекснинг 294-моддасида назарда тутилган хуқуқлари ва мажбуриятлари тушунтирилди:

         

        

(имзо)


Хуқуқбузарликка йўл қўйган шахснинг тушунтириши:

         

         

          

ҚСХН инспекцияси инспектори





(имзо)


(Ф.И.О)

Хуқуқбузарликка йўл қўйган шахс





(имзо)


(Ф.И.О)

Изоҳ.


            

(Хуқуқбузарлик содир этган шахс баённомани имзолашдан бош тортган тақдирда баённомага бу ҳақда ёзиб қўйилади)

Қонун ҳужжатлари маълумотлари миллий базаси (www.lex.uz),

2020 йил 20 август