Божхона

Функция недоступна

РАҚАМЛИ БОЖХОНА - ТАШҚИ САВДОДА

ШАФФОФЛИК ГАРОВИ

q Бугун божхона органларида 56 та ахборот тизими ва 30 та интерактив хизматлар татбиқ этилган

q Божхона расмийлаштируви вақти экспортда 1,7 баробарга, импортда 1,4 баробарга қисқарган

q Хорижий автонинг ўзбекистонда бўлиш муддатини онлайн узайтирса бўлади

Давлат божхона қўмитаси томонидан Ахборот ва оммавий коммуникациялар агентлигида "Рақамли божхона - ташқи савдода шаффофлик гарови" мавзусида матбуот анжумани ўтказилди. Тадбирда Давлат божхона қўмитасининг тегишли бошқарма бошлиқлари, оммавий ахборот воситалари вакиллари ҳамда тадбиркорлар иштирок этди.

Республика Президентининг 2020 йил 5 июндаги "Божхона маъмуриятчилигини ислоҳ этиш ва Ўзбекистон Республикаси давлат божхона хизмати органлари фаолиятини такомиллаштириш тўғрисида"ги ПФ-6005-сон Фармони том маънода божхона органлари фаолиятини тубдан ислоҳ қилиш ва божхона хизматида замонавий ахборот-коммуникация технологияларидан самарали фойдаланишда асосий дастуриламал бўлиб хизмат қилади.

Ҳозирда божхона тартиб-таомилларини янада соддалаштириш, божхона тизимида рақамли технологияларни кенг қўллаш орқали инсон омилини камайтириш, божхона назорати шаклларини хавфларни бошқариш принципларига асосланган замонавий ахборот-коммуникация технологиялари имкониятларидан кенг фойдаланиш, содда қилиб айтганда, "рақамли божхона"га ўтиш борасида кенг қамровли ишлар олиб борилмоқда.

Бугунги кунда божхона органларида 56 та ахборот тизимлари ва 30 та интерактив хизматлар (шундан, 2020 йил давомида 6 та ахборот тизимлари ва 13 та интерактив хизматлар) татбиқ этилган. Хусусан, божхона органларида "Хавфни бошқариш" тизимининг жорий этилиши натижасида бугунги кунда қонунга итоаткор тадбиркорларнинг экспорт ва импортга йўналтирилаётган маҳсулотлари тезкорлик билан божхона расмийлаштирувидан ўтказилмоқда. Ушбу тизимни такомиллаштириш орқали 2020 йил 1 июндан синов тариқасида автомобиль чегара божхона постларида амалиётга жорий этилди. Бу ҳам, ўз навбатида, келгусида