Ўзбекистон Республикаси Президентининг 10.04.2019 й. ПҚ-4276-сон "Фавқулодда вазиятлар тузилмаларининг фаолиятини янада такомиллаштириш бўйича ташкилий чора-тадбирлар тўғрисида"ги Қарори
Функция недоступна
Данная функция доступно только для клиентов (пользователей)
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ҚАРОРИ
10.04.2019 й.
N ПҚ-4276
ФАВҚУЛОДДА ВАЗИЯТЛАР ТУЗИЛМАЛАРИНИНГ
ФАОЛИЯТИНИ ЯНАДА ТАКОМИЛЛАШТИРИШ
БЎЙИЧА ТАШКИЛИЙ ЧОРА-ТАДБИРЛАР
ТЎҒРИСИДА
[Кўчирма]
Ўзбекистон Республикаси Президентининг 2019 йил 10 апрелдаги "Ўзбекистон Республикасида фавқулодда вазиятларнинг олдини олиш ва бартараф этиш ҳамда ёнғин хавфсизлигини таъминлашнинг сифат жиҳатидан янги тизимини жорий этиш тўғрисида"ги ПФ-5706-сон Фармонига мувофиқҳамда фавқулодда вазиятлар тузилмаларининг фаолиятини янада такомиллаштириш мақсадида:
1. Қуйидагилар:
Ўзбекистон Республикаси Фавқулодда вазиятлар вазирлиги тўғрисидаги низом 1-иловага мувофиқ;
2019-2021 йилларда Ўзбекистон Республикаси Фавқулодда вазиятлар вазирлиги фаолиятини янада такомиллаштириш бўйича "Йўл харитаси" 2-иловага мувофиқ тасдиқлансин.
Республика вазирлик ва идоралари раҳбарлари зиммасига "Йўл харитаси"да белгиланган тадбирларни ўз вақтида ва самарали амалга ошириш бўйича шахсий жавобгарлик юклатилсин.
3. Қуйидагилар сақлаб қолинсин:
2019 молия йилида Ёнғин хавфсизлиги бош бошқармаси ва Ёнғин хавфсизлиги институти учун кўзда тутилган молиялаштириш, шаҳодатланган ходимларга пул таъминотини тўлаб бериш, махсус унвонга эга бўлмаган шахслар меҳнатига ҳақ тўлашнинг амалдаги тартиби ва ҳажми;
Ёнғин хавфсизлиги бош бошқармаси ва Ёнғин хавфсизлиги институтининг шаҳодатланган ходимлари учун мазкур қарор кучга киргунга қадар Ўзбекистон Республикаси Ички ишлар вазирлиги ихтисослаштирилган уй-жой фондининг яшаш хоналаридан фойдаланиш бўйича мавжуд бўлган ҳуқуқи.
4. Белгилансинки:
а) 2020 йил 1 январдан:
Ўзбекистон Республикаси Фавқулодда вазиятлар вазирлигининг ягона ташкилий-штат тузилмаси жорий этилади;
Фавқулодда вазиятлар вазирлиги тизимига Ёнғин хавфсизлиги бош бошқармаси ва Ёнғин хавфсизлиги институтидан ўтказилган шаҳодатланган ходимлар учун Фавқулодда вазиятлар вазирлиги ҳарбий хизматчиларига назарда тутилган шартнома бўйича ҳарбий хизматни ўташ ва пул таъминоти тартиби ҳамда ички ишлар органлари ходимларининг махсус унвонлари бўйича ойлик маош миқдори, кийим-кечак билан таъминлаш ҳамда тиббий хизмат кўрсатиш меъёрлари ва тартиби, шунингдек, Ўзбекистон Республикаси Ички ишлар вазирлиги тизимида назарда тутилган барча ижтимоий имтиёзлар ва пенсия кафолатлари сақланиб қолади;
профессионал ёнғин бўлинмаларининг ишчи-хизматчилари қутқарувчи мақомига эга бўлганидан сўнг, уларга нисбатан Ўзбекистон Республикаси Фавқулодда вазиятлар вазирлиги тизимида назарда тутилган меҳнатга ҳақ тўлаш тартиби кўлланилади;
б) 2021 йил 1 январдан:
Фавқулодда вазиятлар вазирлиги тизимига ўтказилган Ёнғин хавфсизлиги бош бошқармаси ва Ёнғин хавфсизлиги институтининг шаҳодатланган ходимларига Ўзбекистон Республикаси Фавқулодда вазиятлар вазирлиги ҳарбий хизматчиларининг тегишли тоифалари учун назарда тутилган ҳарбий унвонлар бўйича ойлик маоши миқдори, кийим-кечак ва тиббий таъминот тартиби ҳамда бошқа таъминот меъёрлари, хизмат даврини ҳисоблаш, ижтимоий имтиёзларни ва пенсия кафолатларини кўллаш жорий этилади;
Фавқулодда вазиятлар вазирлиги тизимига ўтказилган Ёнғин хавфсизлиги бош бошқармаси ва Ёнғин хавфсизлиги институтининг шаҳодатланган ходимларига пенсия ҳисобланганда, уларнинг ҳарбий хизмат даврига олдинги хизмат жойи бўйича хизмат даври, шунингдек, махсус офицер унвонлари берилган ҳолда ички ишлар органларига хизматга қабул қилинган офицерлар таркиби учун уларнинг олий таълим муассасаларида кундузги шаклида ўқиган бир ой ўқиш даври бир ой хизмат даврига тенглаштирилган ҳолда киритилади.
5. Белгилансинки:
Ўзбекистон Республикаси Фавқулодда вазиятлар вазирлиги бошқарув органлари ва тузилмаларининг, шартномалар тузиш асосида ташкил этиладиган бўлинмалардан ташқари, молиялаштириш манбалари Ўзбекистон Республикаси Давлат бюджети маблағлари ҳамда қонун билан тақиқланмаган бошқа манбалар ҳисобланади;
Ўзбекистон Республикаси Фавқулодда вазиятлар вазирлигининг ташкилотлар билан тузган шартномалари асосида ташкил этилган бўлинмалари мазкур ташкилотлар маблағлари ҳисобидан таъминланади;
Ўзбекистон Республикаси Фавқулодда вазиятлар вазирлигига берилаётган ҳамда янгидан ташкил этилган тузилмалар ёнғин хавфсизлиги ва ушбу соҳадаги айрим фаолият турларини лицензиялаш масалаларини тартибга солувчи меъёрий-ҳуқуқий ҳужжатлар қабул қилинишига қадар амалдаги меъёрий-ҳуқуқий ҳужжатларга амал қилади.
6. Ўзбекистон Республикаси Вазирлар Маҳкамаси икки ой муддатда янги ташкил этилаётган Фавқулодда вазиятлар вазирлиги бошқарув органлари ва тузилмаларининг хусусият ва мақсадларини инобатга олган ҳолда тўлақонли фаолиятини таъминлаш юзасидан уларни жойлаштириш, жиҳозлаш ва бошқа ташкилий масалаларни ҳал этиш бўйича чора-тадбирлар дастурини тасдиқласин.
7. Республика вазирлик ва идоралари бўйсунувидаги объектларда Ўзбекистон Республикаси Фавқулодда вазиятлар вазирлиги тузилмалари билан шартнома асосида фаолият кўрсатаётган ёнғин хавфсизлиги бўлинмаларининг тўлақонли фаолиятини таъминласин.
8. Ахборот технологиялари ва коммуникацияларини ривожлантириш вазирлиги Фавқулодда вазиятлар вазирлиги билан биргаликда икки ой муддатда фавқулодда вазиятларнинг олдини олиш, уларни профилактика қилиш ва бартараф этиш тизимига замонавий ахборот-коммуникация технологияларини татбиқ этиш, шу жумладан Ягона навбатчи-диспетчерлик хизматини ташкил этиш бўйича Ўзбекистон Республикаси Вазирлар Маҳкамасига таклифлар киритсин.
9. Ўзбекистон Республикаси Фавқулодда вазиятлар вазирлиги:
а) Ўзбекистон Республикаси Ички ишлар вазирлиги билан биргаликда:
2020 йил 1 январь ҳолатига кўра берилаётган тузилмаларнинг балансидаги бино, иншоотлар ва уларга туташ ҳудудларни, махсус ва бошқа моддий воситаларни, мулкларни, махсус ва автомобиль техникаларини, Ёнғин хавфсизлиги бош бошқарма ва Ёнғин хавфсизлиги институти ходимларига бириктирилган ихтисослаштирилган уй-жой фондининг яшаш хоналарини, қурол-яроқ ва ўқ-дориларни, сафарбарлик захираси омборларини оператив бошқарув асосида беғараз топшириш-қабул қилишни амалга оширсин;
Ўзбекистон Республикаси Ички ишлар вазирлигининг бошқа таркибий тузилмаларига берилишига йўл қўймаган ҳолда, Ёнғин хавфсизлиги бош бошқарма ва Ёнғин хавфсизлиги институтининг бинолари, иншоотлари, махсус ва автомобиль техникалари, ускуналари, асбоб-анжомлари ва бошқа мол-мулкининг сақланишини таъминлаш бўйича комплекс чора-тадбирларни қабул қилсин;
ташкилий-штат ўзгаришларини амалга ошириш давомида берилаётган тузилмаларнинг доимий жанговар тайёргарлиги, юқори даражадаги интизоми ва уюшқоқлигини таъминласин;
Ўзбекистон Республикаси Фавқулодда вазиятлар вазирлигига юклатилаётган янги вазифалар мазмун-моҳиятини барча шахсий таркибга етказиш бўйича комплекс чораларни кўрсин;
икки ой муддатда барча даражадаги оммавий тадбирларга тайёргарлик кўриш ва уларни ўтказишда Фавқулодда вазиятлар вазирлиги тузилмаларининг ички ишлар органлари билан ҳамкорликдаги ҳаракатлари бўйича йўриқнома ишлаб чиқсин ва тасдиқласин;
б) Ўзбекистон Республикаси Ички ишлар вазирлиги, Инвестициялар, саноат ва савдо вазирлиги ҳузуридаги "O`ztextreyd" ДУК ва Иқтисодиёт ва молия вазирлиги билан биргаликда берилаётган тузилмаларни махсус ёнғин-техник ва тадқиқот ускуналари, алоқа воситалари ва махсус кийим-бош билан босқичма-босқич таъминлаш, шунингдек, ёнғин хавфсизлиги тузилмаларнинг бино ва иншоотларини қуриш, реконструкция қилиш ва капитал таъмирлашни назарда тутувчи аввал қабул қилинган комплекс дастурлар ижросини таъминласин;
в) манфаатдор вазирлик ва идоралар билан биргаликда 2019 йил якунига қадар, юклатилган вазифаларни бажариш хусусиятлари ва халқаро стандартларни инобатга олган ҳолда, фавқулодда вазиятлар тузилмалари ҳарбий хизматчи ва қутқарувчилари учун тубдан янги хизмат ва махсус кийимларни, атрибутикаларни, фарқлаш белгиларини жорий этиш бўйича таклифларни ишлаб чиқсин ва киритсин;
г) Олий ва ўрта махсус таълим вазирлиги билан биргаликда икки ой муддатда Ўзбекистон Республикаси Фавқулодда вазиятлар вазирлиги Академияси қошида Ихтисослаштирилган лицейни ташкил этиш, жойлаштириш ва фаолиятини йўлга қўйиш бўйича таклифларни ишлаб чиқсин ва Ўзбекистон Республикаси Вазирлар Маҳкамасига киритсин;
д) Молия вазирлиги билан келишилган ҳолда, Ўзбекистон Республикаси Фавқулодда вазиятлар вазирлиги бошқарув органлари ва тузилмаларнинг моддий-техник базасини кучайтириш, шахсий таркибини рағбатлантириш учун тушган маблағларни тақсимлаш ва мақсадли йўналтириш бўйича амалдаги тартибни сақлаб қолган ҳолда юридик ва жисмоний шахсларга пуллик хизмат кўрсатиш бўйича тасдиқланган рўйхатга тегишли қўшимчалар киритсин;
е) Ўзбекистон Республикаси Адлия вазирлиги билан биргаликда қонун ҳужжатларига мазкур қарордан келиб чиқадиган ўзгартириш ва қўшимчаларнинг белгиланган тартибда киритилишини таъминласин.
10. Молия вазирлиги Фавқулодда вазиятлар вазирлиги, Ички ишлар вазирлиги ва Мудофаа вазирлигининг харажатлар сметаларига мазкур қарор талабларидан келиб чиққан ҳолда тегишли ўзгартиришлар киритсин, шунингдек, Ўзбекистон Республикаси Фавқулодда вазиятлар вазирлигининг асосланган ҳисоб-китоблари бўйича бюджетдан қўшимча маблағлар ажратсин.
11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президенти Ш. Мирзиёев
Ўзбекистон Республикаси
Президентининг
2019 йил 10 апрелдаги
ПҚ-4276-сон қарорига
2-ИЛОВА
2019-2021 йилларда
Ўзбекистон Республикаси Фавқулодда вазиятлар
вазирлигининг фаолиятини такомиллаштириш бўйича
"ЙЎЛ ХАРИТАСИ"
Т/р
Тадбирлар рўйхати
Ижро шакли
Ижро
муддати
Масъул ижрочилар
I. ЎЗБЕКИСТОН РЕСПУБЛИКАСИ ФАВҚУЛОДДА ВАЗИЯТЛАР
ВАЗИРЛИГИ ФАОЛИЯТИНИ ТАРТИБГА СОЛУВЧИ
НОРМАТИВ-ҲУҚУҚИЙ БАЗАНИ ТАКОМИЛЛАШТИРИШ
1.
Оммавий тадбирларни ташкил этиш ва ўтказиш даврида хавфсизликни таъминлаш бўйича Ўзбекистон Республикаси Фавқулодда вазиятлар вазирлиги (кейинги ўринларда - ФВВ)нинг тузилмалари иштироки тартибини ишлаб чиқиш ва тасдиқлаш.
Тегишли норматив-
ҳуқуқий ҳужжат лойиҳаси
2019 йил
1 август
ФВВ (А.Ҳ. Қўлдошев), ИИВ (М.У. Жўраев)
2.
Фавқулодда вазиятлар вазирлиги ва Давлат ёнғин хавфсизлиги хизмати фаолиятини тартибга солувчи ҳужжатларни инвентаризациядан ўтказиб, ишлаб чиқилиши ва қайта ишланиши талаб қилинадиган идоравий норматив-ҳуқуқий ҳужжатлар рўйхатини тузиш ҳамда уларни тайёрлаш бўйича тармоқ жадвалини тасдиқлаш.
Тез ҳаракат қилиш кўп тармоқли республика маркази ва Мураккаб ёнғинларни ўчириш бўйича республика ихтисослаштирилган отряди базасида Фавқулодда вазиятлар вазирлигининг Махсус вазифалар бўйича республика қутқарув марказини ташкил этиш ҳамда унинг Низоми ва ташкилий-штат тузилмасини тасдиқлаш.
Фавқулодда вазиятлар вазирининг буйруғи
2019 йил
1 июнь
ФВВ (А.Ҳ. Қўлдошев)
5.
"Қамчиқ" махсус қидирув-қутқарув бошқармаси ва "Қамчиқ" тоннелини қўриқлаш бўйича ҳарбийлаштирилган ёнғин хавфсизлиги қисми базасида "Қамчиқ" махсус қидирув ёнғин-қутқарув бошқармасини ташкил этиш ҳамда унинг Низоми ва ташкилий-штат тузилмасини тасдиқлаш.
Фавқулодда вазиятлар вазирининг буйруғи
2019 йил
1 июнь
ФВВ (А.Ҳ. Қўлдошев)
6.
Қорақалпоғистон Республикаси, Қашқадарё, Самарқанд ва Фарғона вилоятларида махсус вазифаларни бажарувчи ҳудудий қутқарув отрядларининг фаолиятини ташкил этиш.
Фавқулодда вазиятлар вазирининг буйруғи
2019 йил
1 июль
ФВВ (А.Ҳ. Қўлдошев), Қорақалпоғистон Республикаси Вазирлар Кенгаши (Қ.Р. Сариев), Қашқадарё (З.Ш. Рўзиев), Самарқанд (Э.О. Турдимов) ва Фарғона (Ш.М. Ганиев) вилоятлари ҳокимликлари
7.
Республиканинг шаҳарларида, аҳоли пунктларида ва объектларида ФВВ ёнғин-қутқарув бўлинмаларини ташкил этиш тартибини ишлаб чиқиш ва тасдиқлаш, унда қуйидагиларни назарда тутиш:
аҳоли сонидан келиб чиққан ҳолда, аҳоли пунктларида ёнғин-қутқарув деполари жойлашувини, ёнғин ўчириш ва қутқарув автомобиллари сонини белгилаш;
ёнғин-қутқарув бўлинмалари (отрядлар, қисмлар, постлар)ни ташкил этиш.
Тегишли норматив-
ҳуқуқий ҳужжат лойиҳаси
2019 йил
1 август
ФВВ (А.Ҳ. Қўлдошев), Қурилиш вазирлиги (Б.Э. Зокиров) дахлдор вазирлик ва идоралар билан биргаликда
8.
Фавқулодда вазиятларда ҳаракат қилиш ва бошқаришнинг Миллий маркази (ФВҲҚ ва БММ) ҳамда унинг ҳудудий тезкор бошқарув марказларини ташкил қилиш ва фаолиятини йўлга қўйиш бўйича комплекс чора-тадбирларни ишлаб чиқиш, унда қуйидагиларни назарда тутиш:
Ягона навбатчи-диспетчерлик хизмати (ЯНДХ)ни ташкил этиш;
ФВҲҚваБММ ва ЯНДХ ташкилий-штат тузилмасини, низомларини ҳамда ФВДТ кучлари ва воситаларини бошқариш тартибини тасдиқлаш;
ФВҲҚваБММ ва унинг ҳудудий бўлинмалари биноларини қуриш (қайта қуриш) ва жиҳозлаш;
ёнғин-қутқарув бўлинмаларининг ягона чақирув рақамини татбиқ этиш.
Тегишли норматив-
ҳуқуқий ҳужжат лойиҳаси
2019 йил
1 сентябрь
ФВВ (А.Ҳ. Қўлдошев), Ахборот технологиялари ва коммуникацияларини ривожлантириш вазирлиги (О.М. Умаров), Молия вазирлиги (А.Я. Ҳайдаров), Қурилиш вазирлиги (Б.Э. Зокиров), Иқтисодиёт ва саноат вазирлиги (Р.А. Гулямов)
Фавқулодда вазиятлар вазирлигида идоравий авиация бўлинмасини ташкил этиш бўйича таклифларни тайёрлаш.
Ахборот хати
2019 йил
1 ноябрь
ФВВ (А.Ҳ. Қўлдошев)манфаатдор вазирлик ва идоралар билан биргаликда
11.
Махсус вазифалар бўйича республика қутқарув маркази таркибида радиациявий авариялар тарқалишини чегаралаш ва бартараф этишга мўлжалланган, махсус техника, ускуналар ва асбоб-анжомлар билан жиҳозланган ихтисослаштирилган бўлинмани ташкил этиш.
Ахборот хати
2020 йил
1 январь
ФВВ (А.Ҳ. Қўлдошев)
III. ЎЗБЕКИСТОН РЕСПУБЛИКАСИ ФАВҚУЛОДДА ВАЗИЯТЛАР
ВАЗИРЛИГИ МОДДИЙ-ТЕХНИК БАЗАСИНИ МУСТАҲКАМЛАШ
ВА РИВОЖЛАНТИРИШ
12.
ФВВ ёнғин хавфсизлиги ва фавқулодда вазиятлар муаммолари илмий-тадқиқот институти фаолиятини ташкил этиш.
Беларусь Республикаси ФВВ Фуқаро муҳофазаси университетида ишлаб чиқилган дастурий таъминот воситалари (фавқулодда вазиятларнинг олдини олиш ва бартараф этиш, суриштириш, Фавқулодда вазиятлар комиссияси аъзоларини тайёрлаш)ни соҳага етказиб бериш ва мослаштириш бўйича таклифлар тайёрлаш.
Ахборот хати
2019 йил
1 июль
ФВВ (А.Ҳ. Қўлдошев), Ахборот технологиялари ва коммуникацияларини ривожлантириш вазирлиги (О.М. Умаров), манфаатдор вазирлик ва идоралар
15.
Давлат ёнғин хавфсизлиги хизматининг ўқотар қуролларини Ўзбекистон Республикаси ИИВ балансидан ФВВ балансига ўтказилишини ҳамда кейинчалик уларни Ўзбекистон Республикаси Мудофаа вазирлиги омборхоналарида сақланишини ташкил қилиш.
"Пожснаб" МЧЖ ва "Униформ" РУИЧК (Беларусь Республикаси) билан асосий ва махсус турдаги ёнғин-қутқарув техникаларини, ускуналарни, шунингдек, қутқарувчи ва ёнғин ўчирувчиларнинг шахсий ҳимоя воситалари ва махсус ҳимоя кийимларини харид қилиш масалаларини кўриб чиқиш.
ФВВнинг ҳарбий хизматчилари ва хизматчилари учун ҳарбий ва хизмат кийим-бош намуналарини ишлаб чиқиш ва тасдиқлаш.
Ўзбекистон Республикаси Президентининг фармойиши лойиҳаси
2020 йил
1 февраль
ФВВ (А.Ҳ. Қўлдошев) манфаатдор вазирлик ва идоралар билан биргаликда
IV. КАДРЛАРНИ, АҲОЛИНИ, ҚУТҚАРУВ ХИЗМАТЛАРИНИ,
ФУҚАРО МУҲОФАЗАСИ ТУЗИЛМАЛАРИНИ ТАЙЁРЛАШ
ТИЗИМИНИ ТАКОМИЛЛАШТИРИШ
18.
Тошкент вилоятининг Нурафшон шаҳрида замонавий кўргазма материаллар, интерактив ўқитиш воситалари ҳамда ахборот технологиялари билан жиҳозланган, ҳаёт фаолияти хавфсизлиги бўйича кўргазма-намунали ўқитиш Марказини ташкил этиш бўйича таклифлар тайёрлаш.
Ахборот хати
2019 йил
20 май
ФВВ (А.Ҳ. Қўлдошев), Тошкент вилояти ҳокимлиги (Ғ.И. Ибрагимов), "Ўзтрансгаз" АЖ (Б.П. Мусаев), Энергетика вазирлиги (Ж.Т. Мирзамахмудов)
19.
ФВВ Академияси ва унинг қошидаги Ихтисослаштирилган академик лицей фаолиятини ташкил этиш бўйича комплекс чора-тадбирларни ишлаб чиқиш.
Ўзбекистон Республикаси Президенти қарори лойиҳаси
2019 йил
1 июнь
ФВВ (А.Ҳ. Қўлдошев), Олий ва ўрта махсус таълим вазирлиги (О.К. Абдурахмонов), Адлия вазирлиги (М.Ш. Истамов)
20.
Ёнғин-қутқарув отрядлари ва қутқарув қисмлари шахсий таркибини қутқарув ишига тайёрлаш бўйича комплекс чора-тадбирларни ишлаб чиқиш ҳамда кейинчалик уларга қутқарувчи мақомини бериш мақсадида аттестациядан ўтказиш.
Фавқулодда вазиятлар вазирининг буйруғи
2019 йил
10 июнь
ФВВ (А.Ҳ. Қўлдошев)
21.
Қутқарувчи касби нуфузини ошириш ва аҳоли ўртасида ҳаёт фаолияти хавфсизлиги асосларининг тарғиботини мақсадли ташкил қилиш юзасидан аҳолининг турли тоифалари учун мўлжалланган видеороликлар ва мультфильмлар, шунингдек, тарғибот йўналишидаги материаллар ҳамда бадиий ва ҳужжатли фильмлар тайёрлаш бўйича комплекс чора-тадбирларни ишлаб чиқиш.
Комплекс чора-тадбирлар дастури
2019 йил
1 июль
ФВВ (А.Ҳ. Қўлдошев), Олий ва ўрта махсус таълим вазирлиги (О.К. Абдурахмонов), Халқ таълими вазирлиги (А.Ю. Умаров), МТРК (Х.Б. Нуритдинов), "Ўзбеккино" МА (Ф. Зокиров)
22.
ФВВ ҳарбий хизматчилари ва хизматчиларини касбий, жисмоний ва мафкуравий тарбиялаш тизимини такомиллаштириш.
Комплекс режа
2019 йил
1 июль
ФВВ (А.Ҳ. Қўлдошев), Олий ва ўрта махсус таълим вазирлиги (О.К. Абдурахмонов), Халқ таълими вазирлиги (А.Ю. Умаров)
23.
Беларусь Республикаси ва бошқа хорижий давлатларнинг ФВВ айрим бўлинмалари фаолиятини ташкил этиш бўйича тажрибасини ўрганиш.
Турли фавқулодда вазиятларда ёнғин-қутқарув бўлинмалари томонидан қутқарув ишларини олиб бориш кўникмаларини такомиллаштириш имкониятига эга бўлган замонавий ўқув-машғулот полигонини ташкил этиш.
Комплекс режа
2019 йил
1 август
ФВВ (А.Ҳ. Қўлдошев) манфаатдор вазирлик ва идоралар билан биргаликда
25.
Беларусь Республикаси ФВВнинг Фуқаро муҳофазаси университети мутахассисларини жалб қилган ҳолда Ўзбекистон Республикаси ФВВ Академияси фаолиятини ташкил этишда методик ёрдам кўрсатиш ҳамда илмий-техник ишланмалар соҳасида ҳамкорликни ривожлантириш ва кадрларни тайёрлаш масалаларини кўриб чиқиш.
Ахборот хати
2019 йил
1 август
ФВВ (А.Ҳ. Қўлдошев)
26.
Жамоатчилик фикри асосида ФВВ тузилмалари фаолияти самарадорлигини баҳолаш мезонларини ишлаб чиқиш ва тасдиқлаш.
Фавқулодда вазиятлар вазирининг буйруғи
2019 йил
1 сентябрь
ФВВ (А.Ҳ. Қўлдошев)
V. ФАВҚУЛОДДА ВАЗИЯТЛАР ВА ЁНҒИНЛАРНИ
МОНИТОРИНГ ВА ПРОГНОЗ ҚИЛИШ ТИЗИМИНИ
РИВОЖЛАНТИРИШ, ШУНИНГДЕК, ФВВ ФАОЛИЯТИГА
АХБОРОТ-КОММУНИКАЦИЯ ТЕХНОЛОГИЯЛАРИНИ
ТАТБИҚ ЭТИШ
27.
Аҳолини табиий, техноген хавфли зоналар ва ноқулай метеорология шароитлари тўғрисида хабардор қилиш ҳамда мониторинг қилиш мақсадида интерактив хариталарни ишлаб чиқиш.
Чора-тадбирлар режаси
2019 йил
1 июнь
ФВВ (А.Ҳ. Қўлдошев), Ахборот технологиялари ва коммуникацияларини ривожлантириш вазирлиги (О.М. Умаров), "Давергеодезкадастр" қўмитаси (Т.М. Абдуллаев)
28.
Фавқулодда вазиятлар бўйича тузилмалар тезкорлиги ва мобиллигини ошириш учун зарур бўладиган ахборот тизимларини ва маълумотлар базаларини, шунингдек, қуйи тузилмаларгача бўлган оптик алоқа линияларини ташкил этиш заруриятини ҳисобга олган ҳолда ягона ахборот-коммуникация тармоғи лойиҳасини ишлаб чиқиш.
Тегишли норматив-
ҳуқуқий ҳужжат лойиҳаси
2019 йил
1 сентябрь
ФВВ (А.Ҳ. Қўлдошев), Ахборот технологиялари ва коммуникацияларини ривожлантириш вазирлиги (О.М. Умаров), "Ўзбектелеком" АК (Ж.Л. Арипов), "Unicon.uz" ДУК (Х.П. Хасанов)
29.
Турли хусусиятли фавқулодда вазиятларда ҳаракат қилиш қоидалари тўғрисида аҳолига маълумот бериш ҳамда қутқарув хизматларининг шошилинч чақируви, ҳаёт фаолияти хавфсизлиги тўғрисидаги зарур маълумотларни олиш имкониятига эга бепул мобил иловани ишлаб чиқиш ва татбиқ этиш.
Тегишли норматив-
ҳуқуқий ҳужжат лойиҳаси
2019 йил
1 октябрь
ФВВ (А.Ҳ. Қўлдошев), Ахборот технологиялари ва коммуникацияларини ривожлантириш вазирлиги (О.М. Умаров)
30.
Геоахборотлар тизимидан фойдаланган ҳолда ФВВ қутқарув тузилмаларининг куч ва воситаларини бошқариш учун зарурий маълумотлар базасини шакллантириш билан бирга ахборот тизимини яратиш, шунингдек, реал вазиятда маълумотларни визуал кузатиш тизимини (жойлардаги камералар) ишга тушириш ва жамоавий фойдаланиш экранларида акс эттириш.
Тегишли норматив-
ҳуқуқий ҳужжат лойиҳаси
2019 йил
1 ноябрь
ФВВ (А.Ҳ. Қўлдошев), Ахборот технологиялари ва коммуникацияларини ривожлантириш вазирлиги (О.М. Умаров), Молия вазирлиги (А.Я. Ҳайдаров), Иқтисодиёт ва саноат вазирлиги (Р.А. Гулямов)
31.
Табиий ва техноген хавфи юқори зоналар (объектлар) бўйича геоахборот тизимини ташкил этиш мақсадида "ARC GIS" (ARS GIS EDITOR 10,5) ГПС лицензион дастури билан таъминлаш масаласини ишлаб чиқиш.
Босқичма-
босқич жиҳозлаш дастури
2019 йил
1 декабрь
ФВВ (А.Ҳ. Қўлдошев), Ахборот технологиялари ва коммуникацияларини ривожлантириш вазирлиги (О.М. Умаров), Молия вазирлиги (А.Я. Ҳайдаров)
VI. ФВВ ХОДИМЛАРИНИ ИЖТИМОИЙ ҲИМОЯ ҚИЛИШ
ВА МАДАНИЙ-МАИШИЙ ТАЪМИНОТИНИ
ТАКОМИЛЛАШТИРИШ
32.
ФВВ шахсий таркиби, уларнинг оила аъзолари ва пенсионерларнинг тиббий таъминотини ташкил этиш бўйича таклифларни ишлаб чиқиш ва киритиш.
ФВВ таркибига ўтказилган Ёнғин хавфсизлиги бош бошқармаси ва Ёнғин хавфсизлиги институти ходимларини ички ишлар органлари ходимлари мақомидан ҳарбий хизматчи мақомига ўтказиш.
Фавқулодда вазиятлар вазирининг буйруғи
2020 йил
1 январь
ФВВ (А.Ҳ. Қўлдошев)
34.
ФВВ таркибига ўтказилган Ёнғин хавфсизлиги бош бошқармаси ва Ёнғин хавфсизлиги институти ходимларига уларнинг махсус унвони ва тоифа малакаларига мувофиқҳарбий унвон ва тоифа малакаларини бериш.
Фавқулодда вазиятлар вазирининг буйруғи
2021 йил
1 январь
ФВВ (А.Ҳ. Қўлдошев)
Изоҳ:
1. Норматив-ҳуқуқий ҳужжатлар тури соҳалар бўйича ҳуқуқий муносабатлар тартибидан келиб чиққан ҳолда ягона ҳужжатга бирлаштирилиши ёки ўзгартирилиши мумкин.
2. Икки ёки ундан кўп бандлар ижроси бирлаштирилганда, муддати бўйича кечроқ вақт белгиланган бандда кўрсатилган муддат ҳисобга олинади.
Қонун ҳужжатлари маълумотлари миллий базаси (www.lex.uz)
78-150-11-72 
Мобильная версия сайта