Божхона

Функция недоступна

8 ДЕКАБРЬ - ЎЗБЕКИСТОН РЕСПУБЛИКАСИ

КОНСТИТУЦИЯСИ КУНИ

--------------------

9 декабрь - Халқаро коррупцияга қарши курашиш куни

ФАҚАТ МУРОСАСИЗ КУРАШ БИЛАНГИНА

КОРРУПЦИЯНИ ЕНГИШ МУМКИН!

"Яллама" операцияси

2019 йил 5 август. Одатий иш куним. Кутилмаганда хизмат хонамдаги телефон жиринглаб қолди. Қарасам, ўзимизнинг "СБ"дан (биз одатда Давлат божхона қўмитасининг Коррупцияга қарши курашиш ва ўз хавфсизлик бошқармасини шундай атаймиз) қўнғироқ бўляпти.

Тез келинг!

Бундай вақтда ортиқча савол бериш ноўрин. Тезда етиб бордим. Темир эшик очилиб, ичкаридан қарши олишди. Мени кутишаётган хонага қараб юрар эканман, узун йўлак бўйлаб бошларини эгганча, деворга юзланиб бир гуруҳ ходимлар ва фуқаролар ерга қараб туришарди.

Қандайдир ёмон воқелик рўй берганини аллақачон сезгандим. Бошқарма ходимлари нега чақиришгани сабабини айтиб, муддаога кўчишди!

- Ҳозиргина тезкор тадбир ўтказилди. "Яллама" чегара-божхона постига туташ ҳудудда ўтказилган тадбирда жисмоний шахслар ва божхона ходимларидан иборат жиноий гуруҳ фаолияти фош қилинди. Бу ҳақда жамоатчиликка маълум қилиш керак!

- Тушунарли!

Пайқадим, демак, боя йўлакда ушлаб турилганлар ўшалар! Аммо, шу топда мени ҳайратлантирган нарса бошқа эди - нега энди буни жамоатчиликка етказиш керак? Ахир, бу ўзимизни ўзимиз шарманда қилиш, нуфузимизни тушириш эмасми, деган саволлар ёғила бошлади.

Хуллас, шу куннинг ўзидаёқ Давлат божхона қўмитаси расмий веб-сайтида "Яллама" чегара божхона пости орқали юк автотранспортларидан тамагирлик қилиб келган жиноий гуруҳ фош қилинди" сарлавҳали хабар эълон қилинди ва бир зумда Интернетнинг миллий сегментини "портлатди!"

Очиғи, бу хабар ўшанда менга кўп нарсани англатди - энди божхона органларида коррупцияга қарши кураш хўжакўрсинга, номигагина эмас, балки муросасиз равишда кечишини "Яллама воқеаси" мисолида кўриш мумкин эди.