Ўзбекистон Республикаси Президентининг 06.02.2018 й. ПҚ-3513-сон "Хоразм вилоятида тадбиркорлик субъектларига давлат мулки объектларини сотиш ва кичик саноат зоналарини ташкил этиш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

06.02.2018 й.

N ПҚ-3513

ХОРАЗМ ВИЛОЯТИДА ТАДБИРКОРЛИК

СУБЪЕКТЛАРИГА ДАВЛАТ МУЛКИ ОБЪЕКТЛАРИНИ

СОТИШ ВА КИЧИК САНОАТ ЗОНАЛАРИНИ ТАШКИЛ

ЭТИШ ЧОРА-ТАДБИРЛАРИ ТЎҒРИСИДА

Тадбиркорлик субъектларига ишлатилмаётган ва қурилиши тугалланмаган давлат мулки объектларини сотиш, янги рақобатдош саноат ишлаб чиқаришларини янада қўллаб-қувватлаш ва рағбатлантириш, саноат кооперациясини чуқурлаштириш, шу асосда Хоразм вилояти аҳолисига янги иш ўринларини яратиш ва даромадларини ошириш мақсадида:

1. Хоразм вилояти ҳокимлиги, Ўзбекистон Республикаси Иқтисодиёт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Хоразм вилоятида ишлаб чиқариш майдонлари ва ер участкалари негизида кичик саноат зоналарини (кейинги ўринларда - КСЗ) ташкил этиш тўғрисидаги таклифларига 1-иловадаги рўйхатга мувофиқ, розилик берилсин.

Хоразм вилояти ҳокимига Ўзбекистон Республикаси Президентининг 2017 йил 25 октябрдаги ПҚ-3356-сонли қарорига мувофиқ ташкил этилган эркин иқтисодий ва кичик саноат зоналари маъмурий кенгашларининг фаолиятини мувофиқлаштириш бўйича Республика кенгаши билан келишилган ҳолда Хоразм вилоятида ишлаб чиқариш майдонлари ва ер участкалари негизида кичик саноат зоналарини ташкил этиш рўйхатига ўзгартиришлар ва қўшимчалар киритиш ҳуқуқи берилсин.

2. "Ўзбекистон Республикаси Тикланиш ва тараққиёт жамғармаси Хоразм вилояти КСЗлари ва "Ҳазорасп" эркин иқтисодий зоналарида амалга ошириладиган лойиҳаларни биргаликда молиялаштириш учун Ўзбекистон Республикаси Ташқи иқтисодий фаолият миллий банки томонидан икки ой муддатда ваколатли тижорат банклари орқали белгиланган тартибда қайта молиялаштириладиган 50 млн. АҚШ доллари миқдоридаги кредит линиясини очсин.

Белгилансинки:

Ўзбекистон Республикаси Тикланиш ва тараққиёт жамғармасининг маблағлари импорт ускуналари ва мазкур ускуналар учун бутловчи буюмлар ҳарид қилинишига ажратилади;

кредитларни сўндириш Ўзбекистон Республикаси Марказий банкининг сўндириш жадвалига мувофиқ, сўндириш санасидаги курс бўйича миллий валютада амалга оширилиши мумкин.

3. Белгилансинки:

Хоразм вилояти КСЗ ҳудудида жойлашган давлат кўчмас мулки тадбиркорлик субъектларига узоқ муддатли 5 йиллик ижарага берилади, кейинчалик ушбу мулк бизнес-режа параметрларини бажариш, иш ўринларини яратиш ва сақлаб қолиш, солиқларнинг барча турларини ва бошқа мажбурий тўловларни ўз вақтида тўлаш шарти билан хусусийлаштириб берилади;

Хоразм вилояти КСЗ ҳудудида жойлашган давлат кўчмас мулкидан фойдаланишда ижара ҳақи нулинчи ставкада белгиланади;

КСЗ ҳудудида инвестиция лойиҳаларини амалга ошириш учун ер участкалари қонунчилик ҳужжатларида белгиланган тартибда электрон онлайн-аукцион орқали реализация қилинади.

4. Хоразм вилояти ҳокимлиги (Собиров) бир ой муддатда:

мазкур қарорнинг 1-иловасига мувофиқ, ишлаб чиқариш майдонлари ва ер участкалари негизида КСЗлар фаолиятини ташкил этиш тўғрисида қарор қабул қилсин;

Хоразм вилояти ҳокимлиги маблағлари ҳисобидан молиялаштириладиган давлат унитар корхонаси шаклида КСЗнинг ягона дирекциясини ташкил этсин.

5. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси (Ғуломов) манфаатдор вазирликлар ва идоралар, хўжалик бошқаруви органлари билан биргаликда бир ой муддатда:

1-иловада кўрсатилган, фойдаланилмаётган давлат мулки объектларини белгиланган тартибда Хоразм вилояти ҳокимлигига ўтказилишини;

топшириладиган активларнинг баланс нархи суммасида уларнинг устав жамғармаларида давлат улуши ва хўжалик бошқаруви органлари улушини тегишли равишда камайтирган ҳолда ишлатилмайдиган объектларни Хоразм вилояти ҳокимлигига топшириш масаласини давлат ва хўжалик бошқаруви органлари улуши бўлган хўжалик жамиятлари бошқаруви органлари йиғилишларида кўриб чиқилиши ташаббусларини олди сурилишини таъминласин.

6. Қуйидагилар:

кейинчалик самарали фойдаланилиши учун давлат бошқаруви органларига тезкор бошқариш ва бошқа ташкилотларга беғараз фойдаланишга топшириладиган давлат мулки объектлари рўйхати 3-иловага мувофиқ тасдиқлансин.

7. Хоразм вилояти шаҳарлари (туманлари) ҳокимларига "Давлат мулкини ижарага бериш маркази" ДУК билан биргаликда балансида объекти бўлган идоралар томонидан тегишли туманнинг (шаҳарнинг) бюджетига қонун ҳужжатларида назарда тутилган ажратмаларни йўллаган ҳолда, шаҳар (туман) ҳокимининг тегишли мурожаатидан кейин балансидаги объект мулкини икки ой ичида ижарага берилиши таъминланмаганлиги ҳолатида, туманлар (шаҳарлар) ҳудудида жойлашган ва республика давлат бошқаруви органлари тасарруфидаги давлат мулки бўлган фойдаланилмаётган объектларни (майдонларни) (хусусийлаштирилиши назарда тутилмаган объектлардан ташқари) тадбиркорлик фаолиятини олиб бориш учун бир йил муддатга ижарага бериш тўғрисидаги қарорларни қабул қилиш ҳуқуқи берилсин.

9. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси манфаатдор вазирликлар ва идоралар билан биргаликда бир ой муддатда қонун ҳужжатларига мазкур қарордан келиб чиқадиган қўшимча ва ўзгартишлар тўғрисида Вазирлар Маҳкамасига таклифлар киритсин.

10. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари - Ўзбекистон Республикаси молия вазири Ж.А. Қўчқоров, Ўзбекистон Республикаси Бош вазирининг ўринбосари С.Р. Холмуродов, Ўзбекистон Республикаси иқтисодиёт вазири Б.А. Ходжаев, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси раиси Р.А. Ғуломов ва Хоразм вилояти ҳокими И.М. Собиров зиммасига юклансин.

Ўзбекистон Республикаси Президенти                                    Ш. Мирзиёев

Ўзбекистон Республикаси

Президентининг

2018 йил 6 февралдаги

ПҚ-3513-сон қарорига

1-ИЛОВА

Хоразм вилоятида ишлаб чиқариш

майдонлари ва ер участкалари негизида

ташкил этилаётган кичик саноат зоналари

РЎЙХАТИ

*) "Давергеодезкадастр" қўмитаси, Давлат рақобат қўмитаси томонидан туман(шаҳар)лар ҳокимликлари билан биргаликда аниқлашитирилиши лозим.

Ўзбекистон Республикаси

Президентининг

2018 йил 6 февралдаги

ПҚ-3513-сон қарорига

3-ИЛОВА

Кейинчалик самарали фойдаланилиши учун

давлат бошқаруви органларига тезкор бошқариш

ва бошқа ташкилотларга беғараз фойдаланишга

топшириладиган давлат мулки объектлари

РЎЙХАТИ

Қонун ҳужжатлари маълумотлари миллий базаси (www.lex.uz),

2018 йил 8 февраль