Юридик шахсларнинг қурол ва унинг ўқ-дорилари муомаласи соҳасида рухсат бериш тартиб-таомилларидан ўтиш тартиби тўғрисида Низом (ЎзР ВМ 26.12.2020 й. 810-сон қарорига 1-илова)

Функция недоступна

Вазирлар Маҳкамасининг

2020 йил 26 декабрдаги

810-сон қарорига

1-ИЛОВА

Юридик шахсларнинг қурол ва унинг

ўқ-дорилари муомаласи соҳасида рухсат бериш

тартиб-таомилларидан ўтиш тартиби тўғрисида

НИЗОМ

1-БОБ. УМУМИЙ ҚОИДАЛАР

1. Ушбу Низом махсус хизмат вазифаларига эга бўлган юридик шахсларнинг, фуқаровий ва хизмат қуролини ҳамда унинг ўқ-дориларини ишлаб чиқариш, таъмирлаш ва реализация қилиш, қуролни ва унинг ўқ-дориларини коллекциялаш ва кўргазмага қўйиш, овчилик ва отиш спорти соҳасидаги фаолият билан шуғулланувчи юридик шахсларнинг (кейинги ўринларда - юридик шахслар) қурол ва унинг ўқ-дориларининг, шунингдек, ўқотар қуролнинг асосий қисмлари муомаласи соҳасида ҳаракатларни бажариш ва (ёки) фаолиятни амалга ошириш ҳуқуқини берадиган рухсат этиш хусусиятига эга бўлган ҳужжатларни олиш учун рухсат бериш тартиб-таомилларидан ўтиш тартибини белгилайди.

2. Ушбу Низомда қуйидаги асосий тушунчалар қўлланилади:

ариза берувчи - қурол ва унинг ўқ-дорилари муомаласи соҳасида рухсат этиш хусусиятига эга бўлган ҳужжатларни олиш учун ҳужжатларни тақдим этувчи юридик шахс;

коллекциялаш қуроли ва унинг ўқ-дорилари - коллекциялаш объектлари ҳисобланган ўқотар, пневматик, газли, сигнал берувчи, совуқ ва бошқа қурол ҳамда унинг ўқ-дорилари;

кўргазмага қўйиш қуроли ва унинг ўқ-дорилари - кўргазма объектлари ҳисобланган ўқотар, пневматик, газли, сигнал берувчи, совуқ ва бошқа қурол ҳамда унинг ўқ-дорилари;

қуролхона - қурол ва унинг ўқ-дориларини сақлашга мўлжалланган, техник жиҳатдан мустаҳкамланган, қўриқлаш-ёнғиндан сақлаш сигнализацияси ҳамда қўриқлашнинг муҳандислик-техник воситалари ва жисмоний ҳимоянинг бошқа воситалари билан махсус жиҳозланган алоҳида иншоот (омбор, хона);

тир - спорт мусобақаларини, ўқув-машқ йиғинлари ва ўқув ўқ отиш машқларини ўтказишга, қуролни текширишга, шунингдек, кўнгилочар мақсадларда фуқаровий ва хизмат ўқотар қуролидан, пневматик ов қуролидан, пневматик спорт қуролидан, спорт улоқтириш қуролидан ҳаракатланмайдиган ҳамда ҳаракатланувчи нишонларга қарата ўқ отиш учун махсус мўлжалланган (жиҳозланган) муҳандислик-қурилиш иншооти;

ўқ отиш стенди - спорт мусобақалари ва ўқув-машқ йиғинларини ўтказишга, шунингдек кўнгилочар мақсадларда силлиқ стволли ўқотар ов ва силлиқ стволли ўқотар спорт қуролидан учар нишонларга қарата ўқ отиш учун махсус мўлжалланган (жиҳозланган) муҳандислик-қурилиш иншооти;

ўқ отиш майдони - бир неча тир ва (ёки) ўқ отиш стендларидан ташкил топган мажмуа.

3. Қуйидаги рухсатномалар юридик шахсларга қурол ва унинг ўқ-дорилари муомаласи соҳасида бериладиган рухсат этиш хусусиятига эга бўлган ҳужжатлар ҳисобланади:

а) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини олишга доир;

б) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини реализация қилишга доир;

в) фуқаровий қурол ва унинг ўқ-дориларини, хизмат қуроли ва унинг ўқ-дориларини сақлашга доир;

г) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини ташишга доир;

д) қурол ва унинг ўқ-дориларини коллекциялашга доир;

е) қурол ва унинг ўқ-дориларини кўргазмага қўйишга доир;

ж) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудига олиб киришга доир;

з) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудидан олиб чиқишга доир;

и) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали транзит қилишга доир.

4. Қурол ва унинг ўқ-дорилари муомаласи соҳасида рухсатномалар бериш, беришни рад этиш, рухсатномаларнинг амал қилишини тўхтатиб туриш, тугатиш ҳамда уларни бекор қилиш тўғрисидаги қарорлар қонун ҳужжатларида белгиланган тартибда Ўзбекистон Республикаси ички ишлар органлари (кейинги ўринларда -ваколатли орган) томонидан ушбу Низомга 1-иловага мувофиқ схема бўйича қабул қилинади.

Ушбу Низом 3-бандининг "а"-"е" кичик бандларида кўрсатилган рухсатномалар қурол ва унинг ўқ-дориларини сақлаш жойи жойлашган ҳудуд бўйича Ўзбекистон Республикаси Ички ишлар вазирлиги Транспорт ва туризм объектларида хавфсизликни таъминлаш департаменти ("Ўзбекистон темир йўллари" акциядорлик жамиятининг ва "Uzbekistan Airways" акциядорлик жамияти "Uzbekistan airways technics" масъулияти чекланган жамиятининг Тошкент шаҳар ва Тошкент вилояти ҳудудида жойлашган идоравий ҳарбийлаштирилган қўриқлаш хизмати бўлинмаларига, "Uzbekistan Airports" акциядорлик жамиятининг "И. Каримов номидаги "Тошкент" халқаро аэропорти" масъулияти чекланган жамиятнинг ўз таркибида орнитология хизматига эга бўлган рухсат бериш ва объект ички режимини назорат қилиш отрядларига нисбатан), Қорақалпоғистон Республикаси Ички ишлар вазирлигининг, Тошкент шаҳар ва Тошкент вилояти ички ишлар бош бошқармаларининг ҳамда вилоятлар ички ишлар бошқармаларининг жамоат хавфсизлиги хизмати жамоат тартибини сақлаш бошқармалари томонидан берилади.

Ушбу Низом 3-бандининг "ж", "з" ва "и" кичик бандларида назарда тутилган рухсатномалар Ўзбекистон Республикаси Ички ишлар вазирлигининг Жамоат хавфсизлиги департаменти жамоат тартибини сақлаш хизмати томонидан берилади.

5. Қурол ва унинг ўқ-дорилари муомаласи соҳасидаги рухсатномалар ушбу Низомга 2-8-иловалардаги шаклларга мувофиқ берилади ҳамда юридик шахслар томонидан қуйидаги ҳаракатларни бажариш ва (ёки) қуйидаги фаолиятни амалга ошириш учун асос ҳисобланади:

фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини олиш бўйича;

фуқаровий ва хизмат қуролини ҳамда унинг ўқ-дориларини реализация қилиш бўйича фаолиятни амалга ошириш учун лицензияга эга бўлмаган юридик шахслар томонидан фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини реализация қилиш бўйича;

фуқаровий қурол ва унинг ўқ-дориларини, хизмат қуроли ва унинг ўқ-дориларини қуролхонада сақлаш бўйича;

фуқаровий қурол ва унинг ўқ-дориларини, хизмат қуроли ва унинг ўқ-дориларини тирлар, ўқ отиш стендлари ва ўқ отиш майдонларида (кейинги ўринларда - ўқ отиш объектлари) сақлаш бўйича;

фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини ваколатли органлар рўйхатга олган жойда, Қорақалпоғистон Республикаси, вилоятлар ва Тошкент шаҳри ҳудуди доирасидан ташқарида ташиш бўйича;

қурол ва унинг ўқ-дориларини коллекциялаш бўйича;

қурол ва унинг ўқ-дориларини кўргазмага қўйиш бўйича;

фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини Ўзбекистон Республикаси ҳудудига олиб кириш ва Ўзбекистон Республикаси ҳудуди бўйлаб ташиш бўйича;

спорт қуроли ва унинг ўқ-дориларини, кўргазмага қўйиш қуроли ва унинг ўқ-дориларини қайтиб олиб чиқиб кетиш шарти билан Ўзбекистон Республикаси ҳудудига олиб кириш, Ўзбекистон Республикаси ҳудуди бўйлаб ташиш ва Ўзбекистон Республикаси ҳудудида сақлаш бўйича;

фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини Ўзбекистон Республикаси ҳудуди бўйлаб ташиш ва Ўзбекистон Республикаси ҳудудидан олиб чиқиш бўйича;

спорт қуроли ва унинг ўқ-дориларини, кўргазмага қўйиш қуроли ва унинг ўқ-дориларини қайта олиб кириш шарти билан Ўзбекистон Республикаси ҳудуди бўйлаб ташиш ва Ўзбекистон Республикаси ҳудудидан олиб чиқиш бўйича;

фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали транзит қилиш бўйича.

6. Қуйидагилар ваколатли органларнинг рухсатномаларисиз амалга оширилади:

а) пневматик ов қуролининг ҳамда пневматик спорт қуролининг ўқ-дорилари муомаласи соҳасида ҳаракатларни ва (ёки) фаолиятни амалга ошириш;

б) қуйидагиларни олиш ва сақлаш:

сигнал берувчи қуролни ва тиғли совуқ ов қуролини - махсус хизмат вазифаларига эга бўлган юридик шахслар ва овчилик соҳасида фаолият юритувчи юридик шахслар томонидан;

сигнал берувчи қуролни, тиғли совуқ ов қуролини ҳамда тиғли совуқ ва улоқтириш спорт қуролини - фуқаровий ва хизмат қуроли ҳамда унинг ўқ-дориларини реализация қилиш бўйича фаолиятни амалга ошириш учун лицензияга эга бўлган юридик шахслар томонидан;

тиғли совуқ ва улоқтириш спорт қуролини - отиш спорти соҳасидаги фаолият билан шуғулланувчи юридик шахслар томонидан;

в) фуқаровий ва хизмат қуроли ҳамда унинг ўқ-дориларини реализация қилиш - фуқаровий ва хизмат қуролини ҳамда унинг ўқ-дориларини реализация қилиш бўйича фаолиятни амалга ошириш учун лицензияга эга бўлган юридик шахслар томонидан;

г) қуйидагиларни ташиш:

ваколатли органларда рўйхатга олинган қурол ва унинг ўқ-дориларини - Қорақалпоғистон Республикаси, вилоятлар ва Тошкент шаҳри ҳудуди доирасида, мазкур қурол ва унинг ўқ-дориларини ваколатли органлар рўйхатга олган жойда;

ваколатли органда рўйхатга олинмайдиган қурол ва унинг ўқ-дориларини - сигнал берувчи қуролни, тиғли совуқ ов қуролини, тиғли совуқ ва улоқтириш спорт қуролини, пневматик ов қуролининг ҳамда пневматик спорт қуролининг ўқ-дориларини;

д) фуқаровий ва хизмат қуролини ҳамда унинг ўқ-дориларини ишлаб чиқариш, таъмирлаш ва реализация қилиш бўйича фаолиятни амалга ошириш учун лицензияга эга бўлган юридик шахслар томонидан ишлаб чиқариш ҳудудларида жойлашган хоналар, савдо залларида, шунингдек, Ўзбекистон Республикаси Президенти ёки Ўзбекистон Республикаси Вазирлар Маҳкамаси қарорларига мувофиқ ўтказиладиган кўргазмаларда қурол ва унинг ўқ-дориларини кўргазмага қўйиш.

Жўнатувчилари ёки олувчилари чет эл давлатларининг Мудофаа вазирлиги, Ички ишлар вазирлигининг, чегара хизматлари, хавфсизлик органлари ва бошқа ҳарбийлаштирилган давлат тузилмалари бўлган фуқаровий, хизмат, коллекциялаш ва кўргазмага қўйиш қуроли ҳамда унинг ўқ-дориларини транзит қилиш махсус юклар ва ҳарбий таркибларнинг транзити тўғрисидаги қонун ҳужжатларига мувофиқ амалга оширилади.

2-БОБ. РУХСАТ БЕРИШГА ДОИР

ТАЛАБЛАР ВА ШАРТЛАР

7. Қуйидагилар қурол ва унинг ўқ-дорилари муомаласи соҳасида ҳаракатларни бажариш ва (ёки) фаолиятни амалга ошириш учун рухсат беришга доир талаблар ва шартлар ҳисобланади:

а) фуқароларнинг ҳаёти ва соғлиғини ҳимоя қилиш, жамоат тартиби ва жамоат хавфсизлигини таъминлаш соҳасидаги қонун ва норматив ҳужжатларга, ёнғинга қарши, экология, санитария қоидалари, нормалари ва гигиена нормативларига риоя этилишини таъминлаш;

б) қурол ва унинг ўқ-дориларининг бут сақланишини, сақлашда уларнинг хавфсизлигини ва мақсадли фойдаланилишини таъминлаш, белгиланган вазифаларни бажаришда фойдаланилгандан сўнг уларни қуролхонага жойлаштириш, шунингдек, қурол ва унинг ўқ-дориларидан бегона шахслар фойдаланишини истисно этишга қаратилган режим ва бошқа чораларни кўриш;

в) қуйидагилар муомаласи соҳасида ҳаракатларни бажаришга ва (ёки) фаолиятни амалга оширишга йўл қўймаслик:

"Қурол тўғрисида"ги Ўзбекистон Республикаси Қонунининг 7 ва 9-моддаларига мувофиқ Ўзбекистон Республикаси ҳудудида муомаласи тақиқланган фуқаровий ва хизмат қуроли ҳамда унинг ўқ-дорилари;

шикастловчи таъсири радиоактив нурланиш, кимёвий ва биологик (бактериологик) омиллардан фойдаланишга ёки электромагнит, нур, иссиқлик, инфратовуш, ультратовуш нурланишдан фойдаланишга асосланган коллекциялаш ва кўргазмага қўйиш қуроли ҳамда унинг ўқ-дорилари;

г) рухсатномада кўрсатилган қурол ва унинг ўқ-дорилари доирасида, шунингдек, рухсатномада кўрсатилган қурол ва унинг ўқ-дориларига нисбатан ҳаракатларни бажариш ва (ёки) фаолиятни амалга ошириш;

д) қуролнинг индивидуал (тури, хили, модели, завод серияси ва рақами, чиқарилган йили), унинг ўқ-дориларининг эса жамланма (тури, калибри, партияси ва миқдори бўйича) ҳисобини юритиш, уларнинг мавжудлигини, кирим-чиқими ҳамда фойдаланиш учун бериш-қабул қилиб олишни назорат қилиб бориш, шунингдек, ҳисобга олиш ҳужжатларини ўн йил мобайнида сақлаш;

е) қурол ва унинг ўқ-дорилари соҳасида ҳаракатларни бажариш ва (ёки) фаолиятни амалга оширишга бевосита боғлиқ ишларга жалб этилаётган ходимлар орасида қуйидаги шахслар бўлмаслигини таъминлаш:

ўн саккиз ёшга тўлмаганлар;

доимий яшаш жойига эга бўлмаганлар;

"Қурол тўғрисида"ги Ўзбекистон Республикаси Қонунининг 13-моддаси ўнинчи қисмининг учинчи, бешинчи - саккизинчи, ўнинчи - ўн учинчи хатбошиларида белгиланган асослар мавжуд бўлганлар;

ж) юридик шахснинг буйруғи ёки фармойиш тусидаги бошқа ҳужжатлари билан зиммасига қуйидаги мажбуриятлар юкланган ходимларни белгилаш:

рухсатномада кўрсатилган тегишли (сақлаш, коллекциялаш ёки кўргазмага қўйиш) фаолият турини амалга оширишда қурол ва унинг ўқ-дорилари бут сақланиши, белгиланган тартибда берилиши-қабул қилиб олинишини ва ҳисобга олинишини таъминлаш бўйича;

рухсатномада кўрсатилган тегишли (олиш, реализация қилиш, автомобиль транспортида ташиш, Ўзбекистон Республикаси ҳудудига олиб кириш, Ўзбекистон Республикаси ҳудудидан олиб чиқиш ва Ўзбекистон Республикаси ҳудуди орқали транзит қилиш) ҳаракатни бажаришда қурол ва унинг ўқ-дорилари бут сақланишини таъминлаш бўйича;

з) қурол ва унинг ўқ-дорилари бут сақланишини, берилиши-қабул қилиб олинишини ҳамда ҳисобга олинишини таъминлаш мажбурияти зиммасига юклатилган ёхуд хизмат қуролини олиб юриш ва ундан фойдаланиш ҳуқуқига эга бўлган ходимларни қуролни сақлашга ва (ёки) олиб юришга доир рухсатномаларни олишда ҳамда уларнинг амал қилиш муддатини узайтиришда доимий яшаш жойи бўйича ёхуд юридик шахс ва тиббиёт муассасаси ўртасидаги шартномага мувофиқ белгиланган давлат соғлиқни сақлаш органларининг тиббиёт муассасаларида қуролга эгалик қилишга қарши кўрсатмалар мавжуд эмаслиги юзасидан тиббий текширувдан ўтказишни ташкил этиш;

и) ҳисобот йилидан кейинги йилнинг биринчи ойи ўнинчи санасидан кечиктирмай қурол ва унинг ўқ-дорилари муомаласи соҳасида ҳаракатларни бажариш ва (ёки) фаолиятни амалга оширишга бевосита боғлиқ ишларга жалб этилган, шунингдек қўриқлаш (хавфсизлик) хизмати (мавжуд бўлса) ходимларининг рўйхатини ваколатли органга тақдим этиш;

к) қурол ва унинг ўқ-дориларини олиш, сақлаш, коллекциялаш ёки кўргазмага қўйишга доир рухсатноманинг амал қилиш муддатини узайтириш учун зарур бўлган ҳужжатларни рухсатноманинг амал қилиш муддати тугашидан камида ўттиз иш кунидан олдин, қурол ва унинг ўқ-дориларини реализация қилиш, ташиш, Ўзбекистон Республикаси ҳудудига олиб кириш, Ўзбекистон Республикаси ҳудудидан олиб чиқиш ва Ўзбекистон Республикаси ҳудуди орқали транзит қилишга доир рухсатномалар муддатини узайтириш учун зарур бўлган ҳужжатларни эса уларнинг муддати тугашидан камида ўн иш кунидан олдин ваколатли органга тақдим этиш;

л) ваколатли орган ёки суднинг рухсатноманинг амал қилишини тугатиш ёки бекор қилиш тўғрисидаги қарори олинган кундан эътиборан ўн кун ичида қурол ва унинг ўқ-дорилари муомаласи соҳасида рухсатномаларни ваколатли органга қайтариш;

м) қурол тўғрисидаги қонун ҳужжатларининг талабларига риоя этилишини текшириш учун ваколатли органлар ходимларининг қурол ва унинг ўқ-дорилари сақланадиган объектлар ҳудудига ҳамда жойларга соат 6-00 дан 22-00 гача монеликсиз киришини таъминлаш, танишиб чиқиш учун уларга зарур ҳужжатларни тақдим этиш.

8. Қурол ва унинг ўқ-дорилари муомаласи соҳасида аниқ ҳаракатларни бажариш ва (ёки) муайян фаолиятни амалга оширишда рухсат беришга доир қўшимча талаблар ва шартларга қуйидагилар киради:

а) фуқаровий, хизмат ва коллекциялаш қуроли ҳамда унинг ўқ-дориларини олиш бўйича:

Ўзбекистон Республикаси ҳудудида фуқаровий, хизмат ва коллекциялаш қуроли ҳамда унинг ўқ-дориларини фақат фуқаровий ва хизмат қуроли ҳамда унинг ўқ-дориларини реализация қилиш бўйича фаолиятни амалга ошириш учун лицензияга эга бўлган юридик шахслар орқали олиш;

қурол ва унинг ўқ-дорилари олингандан сўнг ўн кун муддатда уларни сақлаш, коллекциялаш ёки кўргазмага қўйишга доир рухсатномаларни расмийлаштириш (қурол ва унинг ўқ-дориларини рўйхатдан ўтказиш) учун зарур бўлган ҳужжатларни ваколатли органга тақдим этиш;

б) фуқаровий, хизмат ва коллекциялаш қуроли ҳамда унинг ўқ-дориларини реализация қилиш бўйича:

Ўзбекистон Республикаси ҳудудида фуқаровий, хизмат ва коллекциялаш қуроли ҳамда унинг ўқ-дориларини фуқаровий ва хизмат қуроли ҳамда унинг ўқ-дориларини реализация қилиш бўйича фаолиятни амалга ошириш учун лицензияга эга бўлган юридик шахслар орқали реализация қилиш;

қурол ва унинг ўқ-дорилари реализация қилингандан сўнг ўн кун муддатда уларни сақлаш, коллекциялаш ёки кўргазмага қўйишга доир рухсатномага ўзгартиришлар киритиш учун тегишли ҳужжатларни (қисман реализация қилинганда), шунингдек, қурол ва унинг ўқ-дориларини сақлаш, коллекциялаш ёки кўргазмага қўйишга доир рухсатноманинг аслини (тўлиқ реализация қилинганда) ваколатли органга тақдим этиш;

в) фуқаровий ва хизмат қуроли ҳамда унинг ўқ-дориларини қуролхонада сақлаш бўйича:

фуқароларнинг ҳаёти ва соғлиғини ҳимоя қилиш, жамоат тартиби ва жамоат хавфсизлигини, портлаш ва ёнғин хавфсизлигини таъминлаш талабларга мувофиқ эгалик ёки бошқа ҳуқуқ асосида юридик шахсга тегишли моддий-техник базанинг (махсус жиҳозланган бино, иншоот, хона, қўриқлашнинг муҳандислик-техник воситалари, ёнғинга қарши автоматика ва қўриқлаш-ёнғин сигнализацияси ҳамда видеокузатув тизимлари, сейфлар ва металл шкафлар) мавжудлиги;

қуролхоналарни жисмоний ҳимоя қилиш бўйича тадбирларни амалга ошириш, уларни қўриқлашнинг муҳандислик-техник воситалари билан жиҳозлаш ва ўрнатилган қўриқлаш-ёнғин сигнализацияси воситаларининг Ўзбекистон Республикаси Миллий гвардияси органларининг техник қўриқлаш марказига уланишини таъминлаш;

қурол ва унинг ўқ-дориларини Қорақалпоғистон Республикаси Вазирлар Кенгаши, вилоятлар ва Тошкент шаҳри, туман (шаҳар) ҳокимликлари томонидан белгилаб берилган жойлардаги доимий равишда жойлашган стационар турдаги бино ва иншоотларда ҳамда рухсатномада кўрсатилган жойда (манзилда) сақлаш;

қурол ва унинг ўқ-дориларини қулфланадиган сейфларда ёки металл шкафларда ўқсизлантирилган ҳолда сақлаш;

қуролни, унинг ўқ-дориларидан алоҳида (алоҳида сейф ёки металл шкафларда) сақлаш, махсус хизмат вазифаларига эга бўлган юридик шахслар бундан мустасно;

қурол ва унинг ўқ-дориларини сақлаш ва улардан фойдаланиш жараёнида юзага келган ёнғинни, аварияни ёки бошқа фавқулодда вазиятни бартараф этиш, унинг оқибатларини чеклаш ёки камайтириш бўйича юридик шахс маъмурияти ва ходимларининг ҳаракатларини белгиловчи аварияга оид ички режани ишлаб чиқиш;

г) фуқаровий ва хизмат қуроли ҳамда унинг ўқ-дориларини ўқ отиш объектларининг ҳудудида сақлаш бўйича:

ушбу банднинг "в" кичик бандида кўрсатилган талабларга риоя қилиш;

ўқ отиш объектини унда фойдаланиладиган фуқаровий ва хизмат қуроли ҳамда унинг ўқ-дориларининг тури, хили ва калибрининг ўқ отиш узоқлигини инобатга олган ҳолда, фуқаролар хавфсизлигини ва улар мол-мулкининг ҳимоясини таъминловчи ҳамда объект ҳудудидан ташқаридаги объектларга зиён етказишини истисно этувчи (хавфсиз ҳудудда) аҳоли яшаш жойларидан, яшаш, маъмурий, ишлаб чиқариш бинолари, иншоотлари ва иморатларидан тегишли масофасида жойлаштириш;

фойдаланиладиган фуқаровий ва хизмат қуроли ҳамда унинг ўқ-дорилари тури, хили ва калибрининг тактик-техник тавсифларини инобатга олган ҳолда ўқ отиш объектини қуйидагилар билан жиҳозлаш:

ўқ ўтказмайдиган деворлар ва шифтлар (ёпиқ турдаги тирлар учун);

ўқ ўтказмайдиган деворлар ва шифт қисмида кўндаланг тарзда жиҳозланган ўқни ушлаб қолиш мосламалари (ярим очиқ турдаги тирлар учун);

ўқ отиш йўналишида (нишон ҳудудида) ва ён томонида уларнинг ортидаги шахсларга ўқ тегишининг олдини олувчи ўқни қабул қилиш (ҳимоя қилиш) тупроқ дўнгилиги (очиқ турдаги тирлар ва ўқ отиш стендлари учун);

хавфсиз ҳудуд бўйлаб ташқи тўсиқлар (очиқ турдаги тирлар ва ўқ отиш стендлари учун);

халқаро ва миллий спорт федерациялари (ташкилотлари) стандартларига мувофиқ техник тавсифларга эга нишонни жойлаш ва узатиш ускуналари, ўқ отиш жойидаги тўсиқлар ва бошқа ўқ отиш анжомларидан фойдаланиш;

фойдаланиладиган фуқаровий ва хизмат қуролининг тури, хили ва калибрини ҳамда ўқ-дориларнинг тури ва калибрини ваколатли орган билан келишиш;

ўқ отиш объекти ҳудудида рухсат бериш ва объект ички режимининг амалга оширилишини, қурол ва унинг ўқ-дорилари бут сақланишини, бериш-қабул қилиб олинишини, ҳисоби юритилишини, олиб юрилишини ва хавфсиз фойдаланишини таъминлаш тартибига оид ички йўриқнома ишлаб чиқиш;

ўқ отиш объекти ҳудудида рухсат бериш ва объект ички режимини амалга ошириш;

сойли стволли спорт ўқотар қуролидан ёки оғиз қисмидаги қувват 3 жоулдан юқори ва калибри 4,5 миллиметрдан ортиқ бўлган пневматик спорт қуролидан, пневматик калта стволли қуролдан, ташқи томондан автоматик қурол нусхаларига (репликаларига) ўхшаш пневматик қуролдан, шунингдек, тиғли совуқ спорт қуролидан ҳамда спорт улоқтириш қуролидан ўқ отиш объектларидан ташқарида фойдаланишни истисно этиш, ҳайвонот дунёси объектларини ҳаракатсизлантириш ва эмлаш билан боғлиқ илмий-тадқиқот ҳамда профилактика ишларини амалга ошириш учун камонлар ва арбалетлардан фойдаланиш бундан мустасно;

спорт ўқотар қуролини, шу жумладан сойли стволли спорт ўқотар қуролини ва унинг ўқ-дориларини, оғиз қисмидаги қувват 3 жоулдан юқори ва калибри 4,5 миллиметрдан ортиқ бўлган пневматик спорт қуролини, пневматик калта стволли қуролни, ташқи томондан автоматик қурол нусхаларига (репликаларига) ўхшаш пневматик қуролни, шунингдек, тиғли совуқ спорт ва спорт улоқтириш қуролини ўқ отиш объектлари ҳудудида жиҳозланган қуролхоналардаги қулфланадиган сейфларда ёки металл шкафларда сақлаш;

штатда халқаро ва миллий спорт федерациялари (ташкилотлари) малака талабларига жавоб берадиган, фойдаланиладиган қурол турларидан отиш бўйича шу йўналишдаги маълумотга эга бўлган мутахассисларнинг (тренерлар, инструкторларнинг) мавжудлиги;

қурол ва унинг ўқ-дориларидан хавфсиз фойдаланиш қоидаларига риоя қилиш бўйича фуқаролар билан мажбурий дастлабки йўриқнома ўтказиш (спорт ташкилотларида отиш спорти соҳасидаги фаолият билан шуғулланувчи шахслар бундан мустасно);

спорт ташкилотларида отиш спорти соҳасидаги фаолият билан шуғулланувчи шахсларни қурол ва унинг ўқ-дориларидан хавфсиз фойдаланиш қоидалари бўйича ўқитиш ҳамда ушбу қоидаларни билиши юзасидан тегишли текширувдан ўтганлиги тўғрисида ҳужжат бериш (спорт қуроли учун);

д) фуқаровий, хизмат, коллекциялаш ва кўргазмага қўйиш қуроли ҳамда унинг ўқ-дориларини автомобиль транспортида ташиш бўйича:

қурол ва унинг ўқ-дориларини шаҳар жамоат транспортида, шунингдек шаҳар атрофидаги, шаҳарлараро ва халқаро автомобиль транспортида ташишга йўл қўймаслик;

ташиш учун тузилиши юкни бегона шахсларнинг кўриши ва унга кириши имкониятини истисно этадиган техник жиҳатдан соз транспорт воситаларини ажратиш;

қуролни ва унинг ўқ-дориларини завод ўровида ёхуд сўрғичланган ёки пломбаланган махсус (мослаштирилган) идишда ташиш;

қуролни ўқ-дориларидан алоҳида, ўқсизлантирилган ҳолатда ташиш;

ташилаётган қурол ва унинг ўқ-дориларини йўналишда бут сақланишини таъминлаш вазифалари юкланган юридик шахснинг масъул ходимлари томонидан кузатиб бориш (Миллий гвардия, ички ишлар органлари ёки идоравий ҳарбийлаштирилган қўриқлаш хизмати қуролли қўриқловининг кузатуви остида ташиш бундан мустасно);

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми ташилаётганда, уларнинг Миллий гвардия, ички ишлар органларининг ёки идоравий ҳарбийлаштирилган қўриқлаш бўлинмаларининг қуролли қўриқлови остида кузатиб борилишини таъминлаш;

е) фуқаровий, хизмат, коллекциялаш ва кўргазмага қўйиш қуроли ва унинг ўқ-дориларини темир йўл транспортида ташиш бўйича:

қурол ва унинг ўқ-дориларини йўловчи поездларда (вагонларда) ташишга йўл қўймаслик;

ташилаётган қурол ва унинг ўқ-дориларини "Ўзбекистон темир йўллари" АЖ ҳарбийлаштирилган қўриқлаш хизмати қуролли қўриқловининг кузатуви билан таъминлаш;

ж) қурол ва унинг ўқ-дориларини коллекциялаш бўйича:

ушбу банд "в" кичик бандининг иккинчи, тўртинчи, олтинчи ва еттинчи хатбошиларида белгиланган талабларга риоя қилиш;

қурол ва унинг ўқ-дориларини қуролхонадаги қулфланадиган сейфларда ёки металл шкафларда сақлаш (музейбоп тарзда коллекциялаш бундан мустасно), бунда қуролнинг ўқсизлантирилган ҳолатда сақланишини таъминлаш;

музейбоп тарзда коллекциялашда қурол ва унинг ўқ-дориларини ана шу мақсадлар учун мўлжалланган алоҳида, махсус хоналарда сақлаш, бунда ўқотар қурол махсус таъмирлаш ишларисиз отишни истисно қиладиган яроқсиз ҳолатга келтирилишини таъминлаш;

қуролхоналар ва музейбоп тарзда коллекциялаш учун ажратилган хоналарни жисмоний ҳимоя қилиш бўйича тадбирларни амалга ошириш, уларни қўриқлашнинг муҳандислик-техник ва видеокузатув воситалари билан жиҳозлаш ҳамда ўрнатилган қўриқлаш-ёнғин сигнализацияси воситаларини Ўзбекистон Республикаси Миллий гвардияси органларининг техник қўриқлаш марказига уланишини таъминлаш;

з) қурол ва унинг ўқ-дориларини кўргазмага қўйиш бўйича:

қурол ва унинг ўқ-дориларини кўргазмага қўйиш учун бинолар (хоналар)ни ижарага олиш (ўз эгалигида бундай хоналар бўлмаганда), қуролни ва унинг ўқ-дориларини кўргазмага қўйиш тартиби, уларнинг бут сақланишини таъминлаш бўйича шартномалар тузиш;

кўргазмани қўриқлашнинг муҳандислик-техник ҳамда видеокузатув воситалари билан жиҳозланган ҳамда ўрнатилган қўриқлаш-ёнғин сигнализацияси воситалари Миллий гвардия органларининг техник қўриқлаш марказига уланган стационар турдаги бинолар (хоналар)да ўтказиш;

кўргазмага қўйилган (шу жумладан, чет эллик иштирокчилар томонидан) қурол ва унинг ўқ-дориларининг бут сақланиши ва сақлаш хавфсизлигини таъминлаш, қурол ва унинг ўқ-дорилари жойлаштирилган ва сақланадиган жойларга кираётган шахсларни бевосита кузатиш, назорат қилиш ҳамда бегона шахсларнинг рухсатсиз киришига йўл қўймасликка қаратилган чораларни кўриш;

кўргазмага қўйиш режаларини ва экспозициялар (кўргазма объектлари)ни жойлаштириш схемаларини ишлаб чиқиш ҳамда кўргазма ўтказиладиган жойдаги ваколатли органларга келишиб олиш учун тақдим этиш;

қурол ва унинг ўқ-дориларининг бошқа предметлар билан бирга кўргазмага қўйилишини истисно этиш, қуролни ишлаб чиқариш, унга техник хизмат кўрсатиш ва таъмирлаш учун мўлжалланган қурилмалар ва асбоблар, спорт, ов ва балиқ овлаш ашёлари ҳамда қуролнинг эҳтиёт қисмлари, шунингдек, тарихий-маданий кўргазмалар экспонатлари бундан мустасно;

қуролни музей биноларидан ташқарида кўргазмага қўйишни фақат ўрнатилган қўриқлаш-ёнғин сигнализацияси воситалари Ўзбекистон Республикаси Миллий гвардияси органларининг техник қўриқлаш марказига ёки ички қўриқлаш постига уланган ёпиқ (қулфланадиган) витриналар ва стендларда амалга ошириш;

қурол ва унинг ўқ-дорилари экспозициялари очиқ витриналар ва стендларда жойлаштирилган тақдирда, қурол ва унинг ўқ-дориларини ҳар куни кўргазма иши тугагач, ушбу банд "в" кичик бандининг учинчи хатбошида кўрсатилган талабларга мувофиқ жиҳозланган қуролхоналарда сақлаш учун топшириш;

қуролни ўқсизлантирилган ҳолатда кўргазмага қўйиш;

кўргазманинг чет эллик иштирокчилари учун уларга тегишли қурол ва унинг ўқ-дориларини Ўзбекистон Республикаси ҳудудига олиб кириш ҳамда Ўзбекистон Республикаси ҳудуди бўйлаб ташишга доир ваколатли органнинг рухсатномасини олиш, уларни ташиш, кўргазма ўтказилаётган объект ҳудудида қабул қилиш ва жойлаштириш бўйича чораларни кўриш (чет эллик иштирокчиларнинг олиб кирилаётган қурол ва унинг ўқ-дориларини кўргазмага қўйишда);

и) фуқаровий, хизмат, коллекциялаш ва кўргазмага қўйиш қуроли ва унинг ўқ-дориларини Ўзбекистон Республикаси ҳудудига олиб кириш ва уларни Ўзбекистон Республикаси ҳудудидан олиб чиқиш бўйича:

ушбу банднинг "д" ва "е" кичик бандларида кўрсатилган талабларга риоя қилиш;

автомобиль транспортида халқаро ташувларни амалга оширишга рухсат этилганлиги тўғрисида гувоҳномага эга бўлган транспорт воситаларини ажратиш (автомобиль транспортида олиб кириш учун);

Ўзбекистон Республикаси ҳудудига олиб кирилган спорт қуроли ҳамда унинг фойдаланилмаган ўқ-дориларини, кўргазмага қўйиш қуроли ва унинг ўқ-дориларини спорт мусобақаларида қатнашиш ёки кўргазмага қўйиш учун таклифномаларда белгиланган муддатларда Ўзбекистон Республикаси ҳудудидан олиб чиқиш (спорт мусобақалари ва кўргазмаларнинг чет эллик иштирокчилари учун);

Ўзбекистон Республикаси ҳудудидан олиб чиқилган спорт қуроли ҳамда унинг фойдаланилмаган ўқ-дориларини, кўргазмага қўйиш қуроли ва унинг ўқ-дориларини спорт мусобақаларида қатнашиш ёки кўргазмага қўйиш учун таклифномаларда белгиланган муддатларда Ўзбекистон Республикаси ҳудудига олиб кириш (хорижий давлатларда ўтказиладиган спорт мусобақалари ва кўргазмаларда иштирок этувчи юридик шахсларнинг делегациялари учун);

к) фуқаровий, хизмат, коллекциялаш ва кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали автомобиль транспортида транзит қилиш бўйича:

транзит қилинаётган қурол ва унинг ўқ-дориларини жўнатувчи давлат ҳудудидан олиб чиқишга ва қабул қилувчи давлат ҳудудига олиб киришга доир рухсатномаларни тақдим этиш;

ушбу банд "д" кичик бандининг иккинчи - бешинчи хатбошиларида кўрсатилган талабларга риоя қилиш;

автомобиль транспортида халқаро ташувларни амалга оширишга рухсат этилганлиги тўғрисида гувоҳномага эга бўлган транспорт воситаларини ажратиш;

ташилаётган қурол ва унинг ўқ-дориларини йўналишда бут сақланишини таъминлаш вазифалари юкланган юридик шахснинг масъул ходимлари томонидан кузатиб бориш;

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми транзитини Давлат йўл ҳаракати хавфсизлиги хизмати бўлинмаларининг кузатувида амалга оширилишини таъминлаш;

л) фуқаровий, хизмат, коллекциялаш ва кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали темир йўл транспортида транзит қилиш бўйича:

қурол ва унинг ўқ-дориларини йўловчи поездларда (вагонларда) ташишга йўл қўймаслик;

транзит қилинаётган қурол ва унинг ўқ-дориларини жўнатувчи давлат ҳудудидан олиб чиқишга ва қабул қилувчи давлат ҳудудига олиб киришга доир рухсатномаларни тақдим этиш;

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми транзитини "Ўзбекистон темир йўллари" АЖ ҳарбийлаштирилган қўриқлаш хизмати бўлинмалари қуролли қўриқловининг кузатуви остида амалга ошириш.

3-БОБ. РУХСАТНОМА ОЛИШ УЧУН ТАҚДИМ

ЭТИЛАДИГАН ҲУЖЖАТЛАР

9. Рухсатнома олиш учун ариза берувчи ваколатли органга ушбу Низомга 9-иловага мувофиқ шаклда қуйидагилар кўрсатилган ариза тақдим этади:

юридик шахснинг номи, солиқ тўловчининг идентификация рақами (СТИР), почта манзили, телефон рақами, электрон почта манзили (агар мавжуд бўлса), хизмат кўрсатувчи банкнинг номи ва ҳисобварағи;

ариза берувчининг бажармоқчи ва (ёки) амалга оширмоқчи бўлган аниқ ҳаракатлари ва (ёки) муайян фаолияти учун рухсатнома олишдан мақсади, ушбу ҳаракатларни бажариш ва (ёки) фаолиятни амалга оширишга дахлдор қурол (тури, хили, модели, калибри ва миқдори) ва унинг ўқ-дорилари (тури, калибри ва миқдори) тўғрисида жамланма маълумотлар;

ҳаракатлар бажариладиган ва (ёки) фаолият амалга ошириладиган жой, шунингдек қурол ва унинг ўқ-дорилари жойлаштириладиган (сақланадиган) жой (объект) (қуролхона, ўқ отиш объекти, музейбоп тарзда коллекциялаш ёки кўргазмага қўйиш объекти);

ҳаракатлар бажариладиган ва (ёки) фаолият амалга ошириладиган тахминий муддат (зарур бўлганда).

Аризада қўшимча равишда қуйидагилар кўрсатилади:

а) фуқаровий, хизмат ва коллекциялаш қуроли ҳамда унинг ўқ-дориларини олишда - қурол ва унинг ўқ-дориларини олиш чоғида уларнинг бут сақланишини таъминлаш вазифалари юкланган юридик шахс масъул ходимининг фамилияси, исми, отасининг исми, туғилган санаси ва жойи, доимий яшаш жойи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган номи тўғрисида маълумотлар;

б) фуқаровий, хизмат ва коллекциялаш қуроли ҳамда унинг ўқ-дориларини реализация қилишда - қурол ва унинг ўқ-дориларини реализация қилиш чоғида уларнинг бут сақланишини таъминлаш вазифалари юкланган юридик шахс масъул ходимининг фамилияси, исми, отасининг исми, туғилган санаси ва жойи, доимий яшаш жойи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган номи, шунингдек, реализация қилиниши режалаштирилаётган фуқаровий ва хизмат қуроли ҳамда унинг ўқ-дориларини реализация қилиниши режалаштирилаётган бундай фаолиятни амалга ошириш учун лицензияга эга бўлган юридик шахснинг номи ва унинг манзили тўғрисида маълумотлар;

в) қурол ва унинг ўқ-дориларини қуролхоналарда сақлаш, шунингдек, уларни коллекциялаш ва кўргазмага қўйишда қуйидаги маълумотлар:

қурол ва унинг ўқ-дориларининг бут сақланишини, белгиланган тартибда берилиши-қабул қилиб олинишини ва ҳисоби юритилишини таъминлаш вазифалари юкланган масъул шахснинг фамилияси, исми, отасининг исми, туғилган санаси ва жойи, доимий яшаш жойи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва берган орган номи тўғрисида маълумотлар;

қурол тўғрисида индивидуал (тури, хили, модели, калибри, ишлаб чиқарилган йили, завод серияси ва рақами) ҳамда унинг ўқ-дорилари тўғрисида жамланма (тури, калибри, партияси ва миқдори) маълумотлар;

қурол ва унинг ўқ-дориларини сақлаш, коллекциялаш ва кўргазмага қўйиш учун мавжуд моддий-техника базаси (махсус жиҳозланган бинолар, иншоотлар, хоналар, қўриқлашнинг муҳандислик-техник, ёнғинга қарши автоматика ва қўриқлаш-ёнғин сигнализацияси воситалари, сейфлар ва металл шкафлар), қурол ва унинг ўқ-дориларини сақлаш, коллекциялаш ва кўргазмага қўйиш объекти ҳудудини иш ва ишдан ташқари вақтда қўриқлаш тартиби тўғрисида маълумотлар;

ҳар куни кўргазма иши тугагач, қурол ва унинг ўқ-дориларини топшириш учун қуролхона тўғрисида маълумотлар (қурол ва унинг ўқ-дориларини кўргазмага қўйишда - қурол ва унинг ўқ-дориларини очиқ витриналар ва стендларда кўргазмага қўйишда);

кўргазманинг чет эллик иштирокчиларига тегишли қурол ва унинг ўқ-дориларининг кўргазма объекти ҳудудига ташилишини, қабул қилиб олинишини ва жойлаштирилишини таъминлаш вазифалари юкланган юридик шахснинг масъул ходимининг фамилияси, исми, отасининг исми, туғилган санаси ва жойи, доимий яшаш жойи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган номи тўғрисида маълумотлар (чет эллик иштирокчиларнинг олиб кирилган қуроли ва унинг ўқ-дориларини кўргазма қўйишда);

г) фуқаровий ва хизмат қуроли ҳамда унинг ўқ-дориларини ўқ отиш объектлари ҳудудида сақлашда қуйидаги маълумотлар:

ушбу банд "в" кичик бандининг иккинчи - бешинчи хатбошиларида кўрсатилган маълумотлар;

нишонни жойлаш ва узатиш ускуналари, ўқ отиш учун тўсиқлар ва бошқа ўқ отиш анжомлари тури тўғрисида;

ўқ отиш бўйича мутахассислар (тренерлар, инструкторлар)нинг фамилияси, исми, отасининг исми, туғилган санаси ва жойи, доимий яшаш жойи, мутахассислик бўйича иш стажи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган номи тўғрисида маълумотлар;

д) қурол ва унинг ўқ-дориларини ташишда қуйидаги маълумотлар:

юкни жўнатувчи, қабул қилувчи ва уни ташишга тақдим этувчи ташкилот, Ўзбекистон Республикаси ҳудуди бўйлаб ташиш йўналиши, фойдаланиладиган автотранспорт тури тўғрисида (автомобиль транспортида ташишда - транспорт воситаларининг русуми ва давлат рўйхат белгилари);

қурол ва унинг ўқ-дориларининг бут сақланишини, кузатиб борилишини ва қўриқланишини таъминлаш вазифалари юкланган юридик шахс масъул ходимларининг лавозими, фамилияси, исми, отасининг исми, туғилган санаси ва жойи, доимий яшаш жойи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган номи тўғрисида (ўн донадан кўп ўқотар қурол ёки унинг беш юз донадан ортиқ ўқ-дорилари Миллий гвардия органлари, ички ишлар органлари ёки идоравий ҳарбийлаштирилган қўриқлаш хизмати қуролли қўриқловининг кузатуви остида ташиш ҳолатлари бундан мустасно);

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми ташилаётган йўлда қуролли қўриқловнинг кузатуви билан таъминлаш тўғрисида (Миллий гвардия, ички ишлар органлари ёки идоравий ҳарбийлаштирилган қўриқлаш хизмати томонидан автомобиль транспортида ташишда, "Ўзбекистон темир йўллари" АЖ ҳарбийлаштирилган қўриқлаш хизмати томонидан темир йўл транспортида ташишда);

е) фуқаровий, хизмат, коллекциялаш ва кўргазмага қўйиш қуроли ҳамда унинг ўқ-дориларини Ўзбекистон Республикаси ҳудудига олиб кириш, Ўзбекистон Республикаси ҳудудидан олиб чиқиш ва Ўзбекистон Республикаси ҳудуди орқали транзит қилишда қуйидаги маълумотлар:

юкнинг Ўзбекистон Республикаси Ташқи иқтисодий фаолият товар номенклатураси (ТИФ ТН), БМТ номенклатураси бўйича коди, юкни жўнатувчи, қабул қилувчи ва уни ташишга тақдим этувчи ташкилот, юкни жўнатиш ва Ўзбекистон Республикаси ҳудудига кириш жойлари (юкни етказиш ва Ўзбекистон Республикаси ҳудудидан чиқиш жойлари), Ўзбекистон Республикаси ҳудуди бўйлаб ташиш йўналиши, фойдаланиладиган транспорт тури (автомобиль транспортида ташишда - транспорт воситаларининг русуми ва давлат рўйхати белгилари), олиб кириш (олиб чиқиш, транзит қилиш)нинг тахминий вақти, шунингдек транзит қатнашчилари бўлган давлатлар ҳудуди бўйлаб ҳаракатланишнинг мўлжалланаётган йўналиши тўғрисида маълумотлар;

қурол ва унинг ўқ-дориларини автомобиль транспортида олиб кириш ва олиб чиқишда уларнинг бут сақланишини, кузатиб борилишини ва қўриқланишини таъминлаш вазифалари юкланган юридик шахс масъул ходимларининг лавозими, фамилияси, исми, отасининг исми, туғилган санаси ва жойи, доимий яшаш жойи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган органи тўғрисида (ушбу Низомга мувофиқ олиб кирилган, олиб чиқилган ва транзит қилинган қурол ҳамда унинг ўқ-дориларини Миллий гвардия, ички ишлар органлари ёки идоравий ҳарбийлаштирилган қўриқлаш хизмати қуролли қўриқловининг ёхуд Давлат йўл ҳаракати хавфсизлиги хизмати бўлинмаларининг кузатуви остида ташиш ҳоллари бундан мустасно);

ушбу Низомда белгиланган ҳолатларда қурол ва унинг ўқ-дориларини Миллий гвардия, ички ишлар органлари ёки идоравий ҳарбийлаштирилган қўриқлаш хизмати, жумладан, "Ўзбекистон темир йўллари" АЖ ҳарбийлаштирилган қўриқлаш хизмати қуролли қўриқловининг ёхуд Давлат йўл ҳаракати хавфсизлиги хизмати бўлинмаларининг кузатуви билан таъминлаш тўғрисида.

10. Аризага ваколатли орган бошқа ваколатли органлардан мустақил равишда оладиган ҳужжатлардан ташқари ушбу Низомга 10-иловада кўрсатилган ҳужжатлар илова қилинади.

Ваколатли орган рухсатнома бериш учун бошқа давлат органлари ёки ташкилотларда мавжуд бўлган зарур ҳужжатлар ва ахборотларни белгиланган тартибда ўзаро ахборот ҳамкорлиги йўли билан, шу жумладан, электрон тарзда мустақил равишда юридик шахснинг иштирокисиз сўрайди ва олади, ушбу Низомнинг 9-банди ҳамда Низомга 10-иловада назарда тутилган ҳужжатлар ва ахборотлар бундан мустасно.

11. Ариза берувчидан ушбу Низомнинг 9-банди ва 10-иловада назарда тутилмаган ҳужжатларни тақдим этишни талаб қилишга йўл қўйилмайди.

12. Ариза берувчи томонидан рухсатномани бериш учун зарур бўлган ҳужжатлар ваколатли органга бевосита ёки почта алоқаси воситалари орқали, улар олинганлиги ҳақида хабардор қилинган ҳолда тақдим этилади.

Ҳужжатлар ваколатли орган томонидан рўйхат бўйича қабул қилиниб, рўйхатнинг нусхаси ҳужжатлар қабул қилиб олинган сана кўрсатилган ҳолда ариза берувчига дарҳол юборилади (топширилади).

Ариза берувчи томонидан ҳужжатлар юридик шахснинг қурол ва унинг ўқ-дорилари бут сақланишини, берилиши-қабул қилиб олинишини, ҳисобга олинишини таъминлаш мажбуриятлари зиммасига юклатилган ёхуд хизмат қуролини олиб юриш ва ундан фойдаланиш ҳуқуқидан фойдаланадиган ходимлари қуролни сақлашга ва (ёки) олиб юришга доир рухсатномаларни олишда ҳамда уларнинг амал қилиш муддатини узайтириш учун берилган тақдирда, ваколатли ички ишлар органи томонидан қабул қилинган ҳужжатлар рўйхати билан бирга қуролга эгалик қилишга қарши кўрсатмалар мавжуд эмаслиги юзасидан даврий тиббий текширувлардан ўтишга доир йўлланма юборилади (топширилади).

Йўлланмада тиббий текширув ўтказувчи давлат соғлиқни сақлаш органларининг тиббиёт муассасаси номи ва манзили, мурожаат учун телефон рақамлари, мавжуд бўлса - электрон почта манзили, иш режими, тиббий текширувга юборилаётган юридик шахс ходимининг лавозими, фамилияси, исми, отасининг исми, фуқаролиги, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган ёки жисмоний шахснинг шахсий идентификация рақами (ЖШШИР), туғилган санаси ва жойи, доимий яшаш жой манзили, шунингдек, тиббий хулоса юбориладиган ваколатли ички ишлар органи номи, почта ёки электрон манзили, ички ишлар органи масъул ходимининг лавозими, унвони, фамилияси, исми ва отасининг исми кўрсатилади.

13. Ариза берувчи томонидан рухсатнома бериш учун ҳужжатлар электрон шаклда топширилишига йўл қўйилмайди.

14. Ваколатли орган ариза берувчи томонидан оғзаки ёки ёзма шаклдаги, шу жумладан электрон шаклда жўнатилган сўровнома бўйича қурол ва унинг ўқ-дорилари муомаласи соҳасида рухсат бериш тартиб-таомилларидан ўтиш масалалари юзасидан маълумотларни ва маслаҳатларни бепул тақдим этади.

4-БОБ. АРИЗАНИ КЎРИБ ЧИҚИШ ВА

РУХСАТНОМАНИ БЕРИШ ЁКИ РУХСАТНОМАНИ

БЕРИШНИ РАД ЭТИШ ТЎҒРИСИДА

ҚАРОР ҚАБУЛ ҚИЛИШ

15. Ваколатли орган томонидан рухсатномани бериш тўғрисидаги ариза кўриб чиқилганлиги учун ушбу Низомга 11-иловада белгиланган миқдорда йиғим ундирилади.

Ариза кўриб чиқилганлик учун йиғим суммаси ваколатли органнинг махсус ҳисобварағига ўтказилади.

Ариза берувчи аризасидан воз кечганда ёки ваколатли орган томонидан ариза берувчига рухсатномани бериш рад этилган тақдирда, тўланган йиғим суммаси қайтарилмайди.

16. Ваколатли орган рухсатномани бериш ёки рухсатномани беришни рад этиш тўғрисидаги қарорни ушбу Низомга 10-иловада назарда тутилган муддатларда қабул қилади.

Агар ваколатли орган рухсатномани бериш тўғрисидаги аризани кўриб чиқиш муддати давомида рухсатномани бериш ёки рухсатномани беришни рад этиш тўғрисида қарор қабул қилмаса, ариза берувчи кўрсатилган муддат ўтгандан кейин ваколатли органни ёзма равишда хабардор қилган ҳолда, аризада кўрсатилган аниқ ҳаракатни бажаришга ва (ёки) муайян фаолият турини амалга оширишга ҳақлидир. Бунда ваколатли орган ариза берувчининг ёзма хабарномаси олингандан кейин беш иш куни ичида унга рухсатнома бериши шарт.

Рухсатнома олингунга қадар тақдим этилган ҳужжатларнинг улар қабул қилиб олинган сана тўғрисида белги қўйилган рўйхати ҳамда ариза берувчи томонидан ваколатли органга юборилган ёзма хабарнома рухсатномага тенглаштирилади ҳамда шундай ҳаракатни бажариш ва (ёки) шундай фаолиятни амалга ошириш учун асос бўлади.

17. Ваколатли орган ариза берувчининг рухсат беришга доир талаблар ва шартларга мос келишини аниқлаш учун ўз маблағлари ҳисобидан ушбу Низомга 10-иловада назарда тутилган муддатлар доирасида қуйидаги ҳуқуқларга эга:

ариза берувчининг аризасига мувофиқ ҳаракатларни бажариш ва (ёки) фаолиятни амалга ошириш учун талаб этиладиган мавжуд шароитларини жойига чиқиб ўрганиш ва баҳолаш (қурол ва унинг ўқ-дориларини сақлаш, улардан фойдаланиш, коллекциялаш, кўргазмага қўйиш учун мўлжалланган ҳудудни, биноларни, хоналар ва иншоотларни, уларнинг техник жиҳатдан мустаҳкамланганлигини, қўриқлаш-ёнғин сигнализацияси, ёнғинга қарши автоматика ва қўриқлашнинг муҳандислик-техник воситалари билан жиҳозланганлиги, қўриқлаш ва жорий этилган режим чораларининг аҳволи, мавжуд транспорт воситалари, аризада кўрсатилган аниқ ҳаракатни бажариш ва (ёки) муайян фаолиятни амалга ошириш учун талаб этиладиган бошқа шароитларни);

қурол ва ўқ-дориларининг тузилиши, тури, хили, модели, калибри, ишлаб чиқарилган йили, завод серияси, рақами, тақдим этилган ҳужжатлар ва бошқа ўзига хос маълумотларни эксперт ва техник баҳолаш ҳамда тадқиқотлар ўтказиш зарур бўлган ҳолатларда ҳужжатларни экспертизадан ўтказиш учун қўшимча равишда шартнома асосида тегишли соҳалар бўйича юқори малакали мутахассисларни ва экспертларни жалб этиш.

18. Ваколатли орган тегишли қарор қабул қилинган кундан бошлаб бир иш кунидан ортиқ бўлмаган муддатда ариза берувчига рухсатномани беради (юборади) ёки рухсатномани беришни рад этиш ҳақида ёзма шаклда хабардор қилади.

19. Рухсатнома бериш қуйидаги асослар бўйича рад этилиши мумкин:

ушбу Низомнинг 9-банди ва Низмога 10-иловада назарда тутилган ҳужжатларнинг тўлиқ бўлмаган ҳажмда тақдим этилганлиги;

тақдим этилган ҳужжатларда нотўғри ёки бузиб кўрсатилган маълумотларнинг мавжудлиги;

ариза берувчининг рухсат беришга доир талаблар ва шартларга мувофиқ эмаслиги.

Рухсатнома беришни мақсадга мувофиқ эмас деган важлар билан ёхуд қуйидаги ҳолларда рад этишга йўл қўйилмайди:

ходимларнинг касбий малакаси қонунчиликда белгиланган талабларга мувофиқ бўлмаганда;

тақдим этилган ҳужжатлар ва дастурлар қонунчиликда белгиланган талабларга мувофиқ бўлмаганда;

рухсат бериш талаблари ҳамда шартларига мувофиқ фойдаланиладиган бино ва иншоотлар санитария-эпидемиологик ҳамда ёнғин хавфсизлиги талабларига мувофиқ бўлмаганда.

Ушбу банднинг иккинчи, олтинчи, еттинчи ва саккизинчи хатбошиларида кўрсатилган ҳоллар аниқланганда, агар аризада бартараф этиш мумкин бўлган камчиликлар мавжуд бўлса, ваколатли орган уларни бартараф этиш учун ариза берувчига муддат беради. Камчиликларни бартараф этиш зарурлиги тўғрисидаги хабарнома ваколатли орган томонидан ариза берувчига бир иш куни ичида юборилади.

Хабарнома тақдим этилган ҳужжатларда аниқланган камчиликлар ҳамда уларни бартараф этиш усуллари, шунингдек, ариза берувчи кўрсатилган сабабларни бартараф қилиб, тегишли ҳужжатларни кўриб чиқиш учун такроран тақдим этиши мумкин бўлган муддат кўрсатилган ҳолда юборилади. Хабарномада кўрсатилган муддат камчиликларни бартараф этиш учун зарур бўладиган вақтга мутаносиб бўлиши, лекин ушбу муддат ўттиз иш кунидан ортиқ бўлмаслиги керак.

Ваколатли орган аниқланган камчиликларни бартараф этиш учун ариза берувчига малакали ходимларни излашда, ҳужжатлар ҳамда дастурларни маромига етказиш учун мутахассисларни жалб этишда, шунингдек рухсатномани олиш учун бошқа зарур шарт-шароитларни яратишда ёрдам кўрсатиши ва тавсиялар бериши керак, бундан талабгорлар таклиф этилган ёрдамни рад этган ҳоллар мустасно.

Камчиликларни бартараф этиш тўғрисидаги хабарнома юборилган тақдирда, рухсатномани бериш тўғрисидаги аризани кўриб чиқиш муддати тўхтатиб турилади.

Ҳужжатлар хабарномада кўрсатилган камчиликларни бартараф этмасдан ёки хабарномада кўрсатилган муддат ўтгандан кейин такроран тақдим этилган тақдирда, ваколатли орган рухсатномани беришни рад этиш ҳақида қарор қабул қилишга ҳақли. Бунда рухсатномани беришни камчиликларни бартараф этиш тўғрисидаги хабарномада кўрсатилмаган янги асослар бўйича рад этишга йўл қўйилмайди.

20. Рухсатномани бериш рад этилганлиги ҳақидаги хабарнома ариза берувчига рад этиш сабаблари, қонун ҳужжатларининг аниқ нормалари ва ариза берувчи мазкур сабабларни бартараф этиб, ҳужжатларни такроран кўриб чиқиш учун тақдим этиши мумкин бўлган муддат кўрсатилган ҳолда ёзма шаклда юборилади (топширилади). Ариза берувчи рад этиш сабабларини бартараф этишга ва ҳужжатларни такроран кўриб чиқиш учун тақдим этишга ҳақли бўлган муддат камчиликларни бартараф этиш учун зарур бўлган вақтга мутаносиб тарзда белгиланиши, бироқ ўн иш кунидан кам бўлмаслиги керак.

21. Ариза берувчи рухсатномани бериш рад этилиши учун асос бўлган сабабларни белгиланган муддатда бартараф этган тақдирда, ҳужжатларни такроран кўриб чиқиш, рухсатномани бериш ёки уни беришни рад этиш ариза берувчининг рад этиш сабаблари бартараф этилганлиги тўғрисидаги аризаси ва рад этиш сабаблари бартараф этилганлигини тасдиқловчи тегишли ҳужжатлар олинган кундан эътиборан беш иш кунидан кўп бўлмаган муддатда ваколатли орган томонидан амалга оширилади.

Ариза такроран кўриб чиқилганлиги учун йиғим ундирилмайди.

22. Ҳужжатларни такроран кўриб чиқишда ваколатли орган томонидан ариза берувчига илгари ёзма шаклда баён қилинмаган рад этиш сабабларини келтиришга йўл қўйилмайди, илгари кўрсатилган сабаблар бартараф этилганлигини тасдиқловчи ҳужжатлар билан боғлиқ рад этиш сабаблари келтирилиши бундан мустасно.

23. Рухсатномани бериш рад этилганлиги ҳақидаги хабарномада кўрсатилган муддат ўтганидан кейин ариза берувчи томонидан тақдим этилган ариза янги киритилган ҳисобланади ва ваколатли орган томонидан умумий асосларда кўриб чиқилади.

24. Ариза берувчи рухсатномани бериш рад этилганлиги тўғрисидаги қарор, шунингдек, ваколатли орган мансабдор шахсининг ҳаракати (ҳаракатсизлиги) бўйича белгиланган тартибда шикоят қилиш ҳуқуқига эга.

5-БОБ. РУХСАТНОМАНИ ҚАЙТА РАСМИЙЛАШТИРИШ,

ЎЗГАРТИРИШ, УНИНГ АМАЛ ҚИЛИШ

МУДДАТИНИ УЗАЙТИРИШ

25. Рухсатнома қуйидаги ҳолларда қайта расмийлаштирилади:

юридик шахс ўзгартирилганда, унинг номи ёки жойлашган жойи (почта манзили) фаолият турлари бўйича ўзгарганда;

янгидан вужудга келган юридик шахсни давлат рўйхатидан ўтказилган санасида айни бир фаолиятни (ҳаракатларни) амалга ошириш учун рухсатномага эга ҳужжати мавжуд бўлган юридик шахслар қўшиб юборилган тақдирда.

Юридик шахс ўзгартирилган, унинг номи ёки жойлашган ери (почта манзили) фаолият турлари бўйича ўзгарган тақдирда, юридик шахс ёки унинг ҳуқуқий вориси қайта рўйхатдан ўтганидан кейин беш иш куни ичида ваколатли органга кўрсатилган маълумотларни тасдиқловчи тегишли ҳужжатларни илова қилган ҳолда, рухсатномани қайта расмийлаштириш тўғрисида ариза бериши шарт.

Юридик шахсдан ушбу бандда назарда тутилмаган ҳужжатларни тақдим этишни талаб қилишга йўл қўйилмайди.

Рухсатномага эга ҳужжатда кўрсатилган маълумотлар ушбу банднинг биринчи ва иккинчи хатбошиларида назарда тутилмаган ҳолларда ўзгартирилган тақдирда, рухсат этиш хусусиятига эга ҳужжатни қайта расмийлаштириш юридик шахснинг тегишли ҳужжатлар илова қилинган ҳолдаги аризаси бўйича амалга оширилади.

26. Рухсатнома қайта расмийлаштирилгунига қадар рухсатномани қайта расмийлаштириш тўғрисида ариза берган юридик шахс ёки унинг ҳуқуқий вориси рухсатномани қайта расмийлаштириш тўғрисида берилган, қабул қилиб олинган санаси ҳақида ваколатли органнинг белгиси қўйилган ариза асосида унда кўрсатилган ҳаракатни бажаради ва (ёки) фаолиятни амалга оширади.

27. Рухсатнома қайта расмийлаштирилганда, ваколатли орган берилган рухсатномалар реестрига тегишли ўзгартишлар киритади.

Рухсатномани қайта расмийлаштириш ва уни бериш рухсатномани қайта расмийлаштириш тўғрисидаги ариза тегишли ҳужжатлар илова қилинган ҳолда, ваколатли орган томонидан қабул қилиб олинган кундан эътиборан беш иш кунидан кўп бўлмаган муддатда амалга оширилади.

27-1. Рухсатнома юридик шахснинг аризаси асосида ваколатли орган томонидан қуйидаги ҳолларда ўзгартирилади:

филиаллар ва ваколатхоналар ташкил этган юридик шахсларга берилган рухсатномага мувофиқ ушбу филиаллар ва ваколатхоналар томонидан фаолиятни амалга ошириш бошланганда;

юридик шахснинг фаолиятни амалга ошириш манзили ўзгарганда, агар унинг жойлашган жойига нисбатан рухсат бериш талаблари ҳамда шартлари белгиланган бўлса.

Рухсатномага ўзгартишлар рухсатномани бериш учун назарда тутилган тартибда киритилади.

28. Рухсатноманинг амал қилиш муддати юридик шахснинг аризасига биноан узайтирилади.

Рухсатноманинг амал қилиш муддатини узайтириш тўғрисидаги ариза ваколатли органга:

фуқаровий, хизмат ва коллекциялаш қуроли ҳамда унинг ўқ-дориларини олишга, фуқаровий ва хизмат қуроли ҳамда унинг ўқ-дориларини сақлашга, қурол ва унинг ўқ-дориларини коллекциялаш ва кўргазмага қўйишга доир рухсатномаларнинг амал қилиш муддати тугашига камида ўттиз иш куни қолганда;

фуқаровий, хизмат ва коллекциялаш қуроли ҳамда унинг ўқ-дориларини реализация қилишга, фуқаровий, хизмат, коллекциялаш ва кўргазмага қўйиш қуроли ҳамда унинг ўқ-дориларини ташишга, фуқаровий, хизмат, коллекциялаш ва кўргазмага қўйиш қуроли ҳамда унинг ўқ-дориларини Ўзбекистон Республикаси ҳудудига олиб киришга, Ўзбекистон Республикаси ҳудудидан олиб чиқишга, Ўзбекистон Республикаси ҳудуди орқали транзит қилишга доир рухсатномалар муддати тугашига камида ўн иш куни қолганда тақдим этилиши лозим.

Рухсатноманинг амал қилиш муддати рухсатномани бериш учун назарда тутилган тартибда узайтирилади.

30. Рухсатномани қайта расмийлаштириш, ўзгартириш, унинг амал қилиш муддатини узайтириш учун зарур бўлган ҳужжатлар юридик шахс томонидан ваколатли органга бевосита, почта алоқаси воситалари орқали, улар олинганлиги ҳақида хабардор қилинган ҳолда тақдим этилади.

31. Рухсатнома қайта расмийлаштирилганлиги ва ўзгартирилганлиги учун рухсатнома бериш тўғрисидаги ариза кўриб чиқилганлиги учун тўланадиган сумманинг ярми миқдорида йиғим ундирилади. Йиғим суммаси ваколатли орган махсус ҳисобварағига ўтказилади.

6-БОБ. РУХСАТНОМАНИНГ АМАЛ ҚИЛИШИНИ

ТЎХТАТИБ ТУРИШ, ТУГАТИШ ВА

РУХСАТНОМАНИ БЕКОР ҚИЛИШ

32. Рухсатноманинг амал қилишини тўхтатиб туриш, тугатиш ва рухсатномани бекор қилиш ваколатли орган ёки суд қарори асосида "Қурол тўғрисида"ги Ўзбекистон Республикаси Қонунининг тегишлигича 34, 35 ва 36-моддаларида назарда тутилган ҳолатларда ва тартибда амалга оширилади.

33. Рухсатноманинг белгиланган тартибда амал қилишини тугатиш учун асос бўладиган рухсат беришга доир талаблар ва шартларнинг қўпол равишда бузилишига қуйидагилар киради:

а) рухсат беришга доир талаблар ва шартларга риоя этилиши юзасидан ваколатли орган томонидан белгиланган тартибда ўтказиладиган текширувлардан бош тортиш;

б) рухсатнома белгиланган ҳаракатларни бажариш ва (ёки) фаолиятни амалга ошириш натижасида фуқароларнинг ҳаёти ва соғлиғига, жамоат хавфсизлигига зиён ҳамда атроф-муҳитга зарар етказилишига олиб келган бўлса;

в) қурол ва унинг ўқ-дорилари бут сақланишини таъминлаш чораларининг кўрилмаслиги уларнинг йўқолиши ёки талон-торож қилиниши хавфини туғдирса;

г) қуйидаги ҳаракатларни бажариш ва (ёки) фаолиятни амалга ошириш;

тури, хили, модели, калибри ва сони рухсатномада кўрсатилмаган қурол ва унинг ўқ-дорилари билан;

қурол ва унинг ўқ-дориларини бут сақлаш, белгиланган тартибда бериш-қабул қилиб олиш ва ҳисобини юритиш (қурол ва унинг ўқ-дориларини сақлаш, коллекциялаш ёки кўргазмага қўйиш фаолиятини амалга оширишда) ёхуд қурол ва унинг ўқ-дорилари бут сақланишини таъминлаш (қурол ва унинг ўқ-дориларини олиш, реализация қилиш, автомобиль транспортида ташиш, Ўзбекистон Республикаси ҳудудига олиб кириш, Ўзбекистон Республикаси ҳудудидан олиб чиқиш, Ўзбекистон Республикаси ҳудуди орқали транзит қилиш бўйича ҳаракатларни бажаришда) вазифалари рухсатномада кўрсатилмаган шахслар томонидан бажарилиши;

д) ушбу Низомда белгиланган ҳолатларда қурол ва унинг ўқ-дориларини Миллий гвардия, ички ишлар органлари, идоравий ҳарбийлаштирилган қўриқлаш хизмати, жумладан, "Ўзбекистон темир йўллари" АЖ ҳарбийлаштирилган қўриқлаш хизмати қуролли қўриқловининг ёхуд Давлат йўл ҳаракати хавфсизлиги хизмати бўлинмаларининг кузатуви остида ташилишини таъминламаслик (ташиш, Ўзбекистон Республикаси ҳудудига олиб кириш, Ўзбекистон Республикаси ҳудудидан олиб чиқиш, Ўзбекистон Республикаси ҳудуди орқали транзит қилиш бўйича ҳаракатларни бажаришда);

е) рухсатномада белгиланган ташиш йўналишига амал қилмаслик, шунингдек, қурол ва унинг ўқ-дориларини ташишга рухсатномада кўрсатилмаган автотранспорт воситаларини жалб қилиш (автомобиль транспортида ташиш, Ўзбекистон Республикаси ҳудудига олиб кириш, Ўзбекистон Республикаси ҳудудидан олиб чиқиш, Ўзбекистон Республикаси ҳудуди орқали транзит қилиш бўйича ҳаракатларни бажаришда);

ж) қурол ва унинг ўқ-дориларини рухсатномада кўрсатилмаган жойда (манзилда) сақлаш ва улардан фойдаланиш (сақлаш, коллекциялаш ёки кўргазмага қўйиш фаолиятини амалга оширишда).

34. Ваколатли органнинг рухсатноманинг амал қилишини тўхтатиб туриш, тугатиш ёки рухсатномани бекор қилиш тўғрисидаги қарори бўйича судга шикоят қилиш мумкин. Суд ваколатли органнинг қарорини асоссиз деб топган тақдирда, ваколатли орган ариза берувчи олдида унга етказилган зарар миқдорида жавобгар бўлади.

7-БОБ. РУХСАТ БЕРИШГА ДОИР ТАЛАБЛАР ВА

ШАРТЛАРГА РИОЯ ЭТИШНИ

НАЗОРАТ ҚИЛИШ

35. Юридик шахснинг рухсатнома беришга доир талаблар ва шартларга риоя этиш ваколатли орган томонидан қонун ҳужжатларида белгиланган тартибда назорат қилинади.

Ваколатли орган ўз ваколатлари доирасида қуйидаги ҳуқуқларга эгадир:

юридик шахслар томонидан рухсат беришга доир талаблар ва шартларга риоя этилишини текшириш;

қурол ва унинг ўқ-дорилари сақланадиган ҳамда улардан фойдаланиладиган жойларни кўздан кечириш;

юридик шахслардан рухсатнома беришга доир талаблар ва шартларга риоя этилишини текшириш чоғида юзага келадиган масалалар бўйича маълумот ва ахборотни сўраб олиш;

текширишлар натижалари асосида юридик шахслар томонидан рухсатнома беришга доир талаблар ва шартларнинг аниқ бузилишларини кўрсатган ҳолда далолатномалар тузиш;

рухсатнома эгаси зиммасига аниқланган қоидабузарликларни бартараф этиш мажбуриятини юкловчи қарорлар чиқариш, бундай қоидабузарликларни бартараф этиш муддатларини белгилаш;

рухсатноманинг амал қилишини тўхтатиб туриш, тугатиш ёки уни бекор қилиш тўғрисида қарор қабул қилиш ёки қарор қабул қилиш юзасидан судга мурожаат қилиш;

рухсатнома беришга доир талаблар ва шартларнинг бузилиши қурол ва унинг ўқ-дорилари йўқолиши ёки талон-торож қилиниши хавфини туғдирганда, рухсатнома беришга доир талаблар ва шартларни бажаришдаги аниқланган камчиликлар бартараф этилгунга қадар қурол ва унинг ўқ-дориларини олиб қўйиш, ички ишлар органига зудлик билан олиб келишни ва вақтинча жойлаштиришни талаб қилиш.

36. Рухсатнома беришга доир талаблар ва шартларга риоя этилиши бўйича текширувни ўтказиш давомида ваколатли органнинг текширувчи ходими икки нусхада далолатнома тузади, уларнинг бири юридик шахсга берилади, иккинчи нусхаси ваколатли органда қолади.

8-БОБ. РУХСАТНОМАЛАР РЕЕСТРИ

37. Ваколатли орган томонидан қуйидагилар кўрсатилиши лозим бўлган рухсатномалар реестри (кейинги ўринларда - реестр) юритилади:

юридик шахс номи ва ташкилий-ҳуқуқий шакли, почта манзили, солиқ тўловчининг идентификация рақами (СТИР);

рухсатнома берилган сана, унинг серияси ва тартиб рақами;

рухсатноманинг амал қилиш муддати;

берилган рухсатномага мувофиқ қурол ва унинг ўқ-дорилари соҳасида бажариладиган аниқ ҳаракат ва (ёки) амалга ошириладиган муайян фаолият тури (кичик тури);

рухсатномани қайта расмийлаштириш, ўзгартириш, унинг амал қилиш муддатини узайтириш, тўхтатиб туриш, қайта тиклаш, тугатиш, уни бекор қилиш асослари ва саналари.

38. Рухсатнома берилганлиги тўғрисидаги маълумотлар реестрга ариза берувчига рухсатнома бериш тўғрисида қарор қабул қилинган кунда киритилади. Реестрдаги барча қайдларга сана қўйилади ҳамда улар ваколатли орган масъул шахсининг имзоси ва муҳри билан тасдиқланади.

Реестр қоғозда ва электрон манбаларда юритилади. Қоғоздаги ва электрон манбалардаги ёзувлар ўртасида номувофиқлик мавжуд бўлган тақдирда, қоғоз манбалардаги ёзувлар устувор аҳамиятга эга бўлади.

Қоғоз манбадаги реестр ваколатли орган томонидан реестр журнали шаклида ягона нусхада юритилади. Реестр журнали ип ўтказиб тикилади, тартиб рақами қўйилади ва унинг орқа томонида саҳифалар сони, журнални юритиш бошланган сана (йил, ой, кун) кўрсатилади ҳамда ваколатли орган раҳбарининг имзоси қўйилади ва муҳри босилади.

Ушбу Низомнинг 37-бандида кўрсатилган реестр маълумотлари ушбу маълумотларни тасдиқлайдиган ҳужжатлардаги мавжуд маълумотларга мувофиқ бўлмаган тақдирда, ушбу Низомнинг 37-бандида кўрсатилган маълумотлар уларга тегишли ўзгартиришлар киритилгунга қадар тўғри ҳисобланади.

39. Ваколатли орган рухсатномани қайта расмийлаштириш, унга ўзгартишлар киритиш, унинг амал қилиш муддатини узайтириш, тўхтатиб туриш, қайта тиклаш, тугатиш ва рухсатномани бекор қилиш тўғрисида қарор қабул қилинган кунда реестрга тегишли қайдларни киритади.

40. Реестрдаги маълумотлар фойдаланилиши чекланган ахборот ҳисобланади ва ошкор қилинмайди, қонун ҳужжатларида назарда тутилган ҳоллар бундан мустасно.

Қонун ҳужжатларида назарда тутилган ҳолларда реестрдаги маълумотлар ваколатли орган томонидан тегишли сўров олинган кундан бошлаб бир иш кунидан ортиқ бўлмаган муддатда тақдим этилади.

9-БОБ. ЯКУНЛОВЧИ ҚОИДАЛАР

41. Қурол муомаласи соҳасида рухсатнома бериш тўғрисидаги ариза кўриб чиқилганлиги, унинг амал қилиш муддати узайтирилганлиги, рухсатнома қайта расмийлаштирилганлиги ва унга ўзгартишлар киритилганлиги учун йиғимлардан келиб тушган маблағлар ички ишлар органларининг назорат-лицензиялаш фаолиятини ташкил этиш бўлинмаларининг моддий-техник базасини ривожлантиришга, рухсатномаларнинг бланкаларини чоп эттиришга ва ушбу бўлинмалар ходимларини моддий рағбатлантириш тадбирларига сарфланади.

42. Ушбу Низом талабларига риоя этилиши учун юридик шахсларнинг раҳбарлари, шунингдек, юридик шахсларнинг буйруқлари ёки фармойиш тусидаги бошқа ҳужжатлари билан зиммасига қурол ва унинг ўқ-дориларининг бут сақланишини, белгиланган тартибда бериш-қабул қилиб олинишини ва ҳисоби юритилишини таъминлаш учун жавобгарлик юкланган мансабдор шахслар жавобгардир.

43. Ушбу Низом талабларини бузилишида айбдор бўлган шахслар қонун ҳужжатларида белгиланган тартибда жавоб берадилар.

Низомга

1-ИЛОВА

Юридик шахсларга қурол ва унинг ўқ-дорилари

муомаласи соҳасида рухсатномалар бериш

СХЕМАСИ

Низомга

2-ИЛОВА

Ўзбекистон Республикаси Давлат герби

Ўзбекистон Республикаси Ички ишлар вазирлиги

Фуқаровий (хизмат, коллекциялаш) қурол ва унинг

ўқ-дориларини олишга доир*

РУХСАТНОМА

Рухсатноманинг амал қилиш муддати: 20__ "___" _________гача.

*) Икки асл нусхада берилади, улардан бири қурол ва унинг ўқ-дориларини реализация қилиш бўйича фаолиятни амалга ошираётган юридик шахсларнинг ҳисобот ҳужжатларига бириктирилади, иккинчиси олинган қурол ва унинг ўқ-дорилари тўғрисида белгилар қўйилган ҳолда ариза берувчига қайтарилади.

**) Қурол ва унинг ўқ-дорилари тўғрисида жамланма маълумотлар кўрсатилади: қурол тури, хили, калибри, миқдори, ўқ-дориларининг тури, калибри, миқдори.

рухсатноманинг орқа тарафи*

Қурол ва унинг ўқ-дорилари реализация қилинганлиги

тўғрисида белгилар:

Реализация қилинган сана: 20__ "___" _________.

*) Рухсатноманинг орқа тарафи фуқаровий ва хизмат қуроли ҳамда унинг ўқ-дориларини реализация қилиш учун лицензияга эга бўлган юридик шахснинг масъул ходими томонидан икки асл нусхада қурол ҳақида алоҳида (тури, хили, модели, калибри, ишлаб чиқарилган йили, завод серияси ва рақами) ва унинг ўқ-дорилари ҳақида жамланма (тури, калибри, миқдори) маълумотларни кўрсатган ҳолда тўлдирилади. Агарда қурол тўғрисида алоҳида ва (ёки) ўқ-дорилар тўғрисида жамланма маълумотлар рухсатнома орқа тарафининг тегишли майдонига сиғмаса, рухсатноманинг ушбу майдонида қуйидаги умумий маълумотлар кўрсатилади: қуролнинг тури, калибри, миқдори ҳамда ўқ-дориларнинг калибри, миқдори. Бундай ҳолларда қурол тўғрисида алоҳида ва ўқ-дорилар тўғрисида жамланма маълумотлар икки асл нусхадаги тоза варақда рухсатноманинг орқа тарафига илова сифатида расмийлаштирилади. Илова реализацияни амалга оширган юридик шахс масъул ходимининг имзоси билан тасдиқланади ҳамда улардан бири қурол ва унинг ўқ-дориларини реализация қилиш бўйича фаолиятни амалга ошираётган юридик шахснинг ҳисобот ҳужжатларига бириктирилади, иккинчиси эса юридик шахснинг масъул ходимига берилади.

Низомга

3-ИЛОВА

Ўзбекистон Республикаси Давлат герби

Ўзбекистон Республикаси Ички ишлар вазирлиги

Фуқаровий (хизмат, коллекциялаш) қурол ва унинг

ўқ-дориларини реализация қилишга доир

РУХСАТНОМА

Қурол ва унинг ўқ-дорилари реализация қилинган кундан сўнг уч иш кунида қурол ва

Рухсатноманинг амал қилиш муддати: 20__ "___" _________гача.

*) Қурол тўғрисида алоҳида (тури, хили, модели, калибри, ишлаб чиқарилган йили, завод серияси ва рақами) ва унинг ўқ-дорилари тўғрисида жамланма (тури, калибри, миқдори) маълумотлар кўрсатилади. Агарда қурол тўғрисида алоҳида ва (ёки) ўқ-дорилар тўғрисида жамланма маълумотлар рухсатноманинг тегишли майдонига сиғмаса, рухсатноманинг ушбу майдонида қуйидаги умумий маълумотлар кўрсатилади: қуролнинг тури, калибри, миқдори ҳамда ўқ-дориларнинг калибри, миқдори. Бундай холларда рухсатномага "20__ "___" ________ кундаги ____-сон рухсатномага илова" деган штамп қўйилган тоза варақда қурол тўғрисида алоҳида ва ўқ-дорилар тўғрисида жамланма маълумотлар кўрсатилган икки асл нусхада илова расмийлаштирилади. Илова масъул ходимнинг имзоси ва ваколатли орган муҳри билан тасдиқланади. Илованинг бир нусхаси ваколатли органда қолади, иккинчи нусхаси юридик шахснинг масъул ходимига берилади.

Низомга

4-ИЛОВА

Ўзбекистон Республикаси Давлат герби

Ўзбекистон Республикаси Ички ишлар вазирлиги

Фуқаровий (хизмат) қуроли ва унинг

ўқ-дориларини сақлашга доир*

РУХСАТНОМА

Рухсатноманинг амал қилиш муддати: 20__ "___" _________гача.

*) Ўқ отиш объекти ҳудудида сақлаш, қуролхонада сақлаш фаолиятини амалга ошириш учун берилади.

**) Қурол тўғрисида алоҳида (тури, хили, модели, калибри, ишлаб чиқарилган йили, завод серияси ва рақами) ва унинг ўқ-дорилари тўғрисида жамланма (тури, калибри, миқдори) маълумотлар кўрсатилади. Агарда қурол тўғрисида алоҳида ва (ёки) ўқ-дорилар тўғрисида жамланма маълумотлар рухсатноманинг тегишли майдонига сиғмаса, рухсатноманинг ушбу майдонида қуйидаги умумий маълумотлар кўрсатилади: қуролнинг тури, калибри, миқдори ҳамда ўқ-дориларнинг калибри, миқдори. Бундай холларда рухсатномага "20__ "___" ________ кундаги ____-сон рухсатномага илова" деган штамп қўйилган тоза варақда қурол тўғрисида алоҳида ва ўқ-дорилар тўғрисида жамланма маълумотлар кўрсатилган икки асл нусхада илова расмийлаштирилади. Илова масъул ходимнинг имзоси ва ваколатли орган муҳри билан тасдиқланади. Илованинг бир нусхаси ваколатли органда қолади, иккинчи нусхаси юридик шахснинг масъул ходимига берилади.

***) Ўқ отиш объекти учун қўшимча равишда объектнинг тури (тир (ёпиқ, ярим очиқ, очиқ), ўқ отиш стенди, ўқ отиш майдони) кўрсатилади ҳамда объектнинг жойлашув схемаси илова сифатида расмийлаштирилади.

Низомга

5-ИЛОВА

Ўзбекистон Республикаси Давлат герби

Ўзбекистон Республикаси Ички ишлар вазирлиги

Фуқаровий (хизмат, коллекциялаш, кўргазмага қўйиш)

қурол ва унинг ўқ-дориларини ташишга доир

РУХСАТНОМА

Рухсатнома амал қилиш муддати: 20__ "___" _________гача.

*) Олинган қурол ва унинг ўқ-дориларини ташишда улар тўғрисида жамланма маълумотлар кўрсатилади: қурол тури, хили, калибри, миқдори, ўқ-дориларнинг тури, калибри, миқдори. Ташишларнинг бошқа турларида қурол тўғрисида алоҳида (тури, хили, модели, калибри, ишлаб чиқарилган йили, завод серияси ва рақами) ва унинг ўқ-дорилари тўғрисида жамланма (тури, калибри, миқдори) маълумотлар кўрсатилади.

**) Ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дориларини ташишда тўлдирилади.

Низомга

6-ИЛОВА

Ўзбекистон Республикаси Давлат герби

Ўзбекистон Республикаси Ички ишлар вазирлиги

Қурол ва унинг ўқ-дориларини колекциялашга доир

РУХСАТНОМА

Рухсатноманинг амал қилиш муддати: 20__ "___" _________гача.

*) Қурол тўғрисида алоҳида (тури, хили, модели, калибри, ишлаб чиқарилган йили, завод серияси ва рақами) ва унинг ўқ-дорилари тўғрисида жамланма (тури, калибри, миқдори) маълумотлар кўрсатилади. Агарда қурол тўғрисида алоҳида ва (ёки) ўқ-дорилар тўғрисида жамланма маълумотлар рухсатноманинг тегишли майдонига сиғмаса, рухсатноманинг ушбу майдонида қуйидаги умумий маълумотлар кўрсатилади: қуролнинг тури, калибри, миқдори ҳамда ўқ-дориларнинг калибри, миқдори. Бундай холларда рухсатномага "20__ "___" ________ кундаги ____-сон рухсатномага илова" деган штамп қўйилган тоза варақда қурол тўғрисида алоҳида ва ўқ-дорилар тўғрисида жамланма маълумотлар кўрсатилган икки асл нусхада илова расмийлаштирилади. Илова масъул ходимнинг имзоси ва ваколатли орган муҳри билан тасдиқланади. Илованинг бир нусхаси ваколатли органда қолади, иккинчи нусхаси юридик шахснинг масъул ходимига берилади.

**) Коллекциялаш тури кўрсатилади - ёпиқ, очиқ (музейбоп тарзда).

Низомга

7-ИЛОВА

Ўзбекистон Республикаси Давлат герби

Ўзбекистон Республикаси Ички ишлар вазирлиги

Қурол ва унинг ўқ-дориларини кўргазмага қўйишга доир

РУХСАТНОМА

Рухсатноманинг амал қилиш муддати: 20__ "___" _________гача.

Кўргазма объектларининг жойлашув схемаси __ варақда илова қилинади.***

*) Қурол тўғрисида алоҳида (тури, хили, модели, калибри, ишлаб чиқарилган йили, завод серияси ва рақами) ва унинг ўқ-дорилари тўғрисида жамланма (тури, калибри, миқдори) маълумотлар кўрсатилади. Агарда қурол тўғрисида алоҳида ва (ёки) ўқ-дорилар тўғрисида жамланма маълумотлар рухсатноманинг тегишли майдонига сиғмаса, рухсатноманинг ушбу майдонида қуйидаги умумий маълумотлар кўрсатилади: қуролнинг тури, калибри, миқдори ҳамда ўқ-дориларнинг калибри, миқдори. Бундай холларда рухсатномага "20__ "___" ________ кундаги ____-сон рухсатномага илова" деган штамп қўйилган тоза варақда қурол тўғрисида алоҳида ва ўқ-дорилар тўғрисида жамланма маълумотлар кўрсатилган икки асл нусхада илова расмийлаштирилади. Илова масъул ходимнинг имзоси ва ваколатли орган муҳри билан тасдиқланади. Илованинг бир нусхаси ваколатли органда қолади, иккинчи нусхаси юридик шахснинг масъул ходимига берилади.

**) Очиқ витриналар ва стендларда кўргазмага қўйишда.

***) Кўргазма объектларининг жойлашув схемаси рухсатномага илова сифатида расмийлаштирилади.

Низомга

8-ИЛОВА

Ўзбекистон Республикаси Давлат герби

Ўзбекистон Республикаси Ички ишлар вазирлиги

Фуқаровий (хизмат, коллекциялаш, кўргазмага қўйиш)

қурол ва унинг ўқ-дориларини Ўзбекистон Республикаси

ҳудудига олиб киришга доир (Ўзбекистон Республикаси

ҳудудидан олиб чиқишга, Ўзбекистон Республикаси

ҳудуди орқали транзит қилишга доир)

РУХСАТНОМА

Рухсатноманинг амал қилиш муддати: 20__ "___" _________гача.

*) Ишлаб чиқарувчи (сотувчи) билан тузилган шартнома (контракт) асосида қурол ва унинг ўқ-дориларнинг туркумини олиб қиришда (олиб чиқишда, транзит қилишда) улар тўғрисида жамланма маълумотлар кўрсатилади: қурол тури, хили, калибри, миқдори, ўқ-дориларнинг тури, калибри, миқдори. Бошқа ҳолларда қурол тўғрисида алоҳида (тури, хили, модели, калибри, ишлаб чиқарилган йили, завод серияси ва рақами) ва унинг ўқ-дорилари тўғрисида жамланма (тури, калибри, миқдори) маълумотлар кўрсатилади.

**) Ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дориларини ташишда тўлдирилади.

Низомга

9-ИЛОВА

Қурол ва унинг ўқ-дорилари муомаласи

соҳасида рухсатнома бериш тўғрисида

АРИЗА

телефон:_______, факс:_______, электрон почта ва веб-сайт (мавжуд бўлса) ____________.

5. Ҳаракатни бажариш ва (ёки) фаолиятни амалга оширишга дахлдор қурол ва унинг

      

7. Ҳаракатни бажариш ва (ёки) фаолият амалга ошириш якунлангандан сўнг қурол ва

      

Аризага илова қилинган ҳужжатлар рўйхати:

Аризани бериш санаси: 20___ "___"______________.

*) Фуқаровий (хизмат, коллекциялаш, кўргазмага қўйиш) қурол ҳамда унинг ўқ-дориларини олиб чиқиш ва транзит қилишдан ташқари.

**) Фуқаровий (хизмат, коллекциялаш) қурол ва унинг ўқ-дориларини олиш ҳамда реализация қилиш, фуқаровий (хизмат, коллекциялаш, кўргазмага қўйиш) қурол ва унинг ўқ-дориларини ташиш, Ўзбекистон Республикаси ҳудудига олиб кириш (олиб чиқиш, транзит қилиш) бўйича ҳаракатни бажаришда қурол ва унинг ўқ-дорилари бут сақланишини таъминлаш;

фуқаровий (хизмат) қурол ва унинг ўқ-дориларини қуролхонада ҳамда ўқ отиш объекти ҳудудида сақлаш, қурол ва унинг ўқ-дориларини коллекциялаш ва кўргазмага қўйиш бўйича фаолият турини амалга оширишда қурол ва унинг ўқ-дорилари бут сақланиши, белгиланган тартибда берилиши-қабул қилиб олинишини ва ҳисобга олиниши таъминлаш;

ўқ отиш объектида қурол ва унинг ўқ-дориларидан хавфсиз фойдаланиш қоидаларига риоя қилиш бўйича йўриқнома ўтказиш вазифалари (ўқ отиш мутахассислари, тренер, инструктор) юкланган масъул ходимлар учун.

***) Низомнинг 9-бандига мувофиқ қурол ва унинг ўқ-дорилари бажариладиган ҳаракат ва (ёки) амалга ошириладиган фаолиятнинг хусусиятини инобатга олган ҳолда қўшимча равишда кўрсатилади.

Низомга

10-ИЛОВА

Юридик шахсларга қурол муомаласи соҳасида

рухсатномаларни бериш тўғрисида аризаларни кўриб

чиқиш муддатлари, рухсатномаларнинг амал қилиш

муддатлари ҳамда рухсатномаларни олиш учун

талаб этиладиган ҳужжатлар

РЎЙХАТИ

*) Ваколатли орган бошқа ваколатли органларда мавжуд бўлган зарур ҳужжатлар ва ахборотларни белгиланган тартибда ўзаро ахборот ҳамкорлиги йўли билан, шу жумладан электрон тарзда мустақил равишда олади.

**) Фуқаровий (хизмат, коллекциялаш ва кўргазмага қўйиш) қурол ва унинг ўқ-дориларини Ўзбекистон Республикаси ҳудудига олиб киришга, уларни Ўзбекистон Республикаси ҳудудидан олиб чиқишга доир рухсатномалар берилганда, ушбу қуроллар ва уларнинг ўқ-дориларини ташишга доир алоҳида рухсатномалар берилмайди ҳамда уларни Ўзбекистон Республикаси ҳудуди бўйлаб ташиш қурол ва ўқ-дориларни олиб киришга ёки олиб чиқишга доир берилган рухсатномалар асосида амалга оширилади.

Низомга

11-ИЛОВА

Юридик шахсларнинг қурол муомаласи соҳасига доир

рухсатнома бериш тўғрисидаги аризаси кўриб чиқилганлиги,

рухсатноманинг амал қилиш муддати узайтирилганлиги*,

рухсатнома қайта расмийлаштирилганлиги ва унга

ўзгартишлар киритилганлиги учун** йиғимлар

МИҚДОРЛАРИ

* ) Рухсатноманинг амал қилиш муддатини узайтириш уни бериш учун назарда тутилган тартибда амалга оширилади.

**) Рухсатнома қайта расмийлаштирилганлиги ва ўзгартирилганлиги учун рухсатнома бериш тўғрисидаги ариза кўриб чиқилганда тўланадиган сумманинг ярми миқдорида йиғим ундирилади.

Қонун ҳужжатлари маълумотлари миллий базаси (www.lex.uz),

2020 йил 28 декабрь