Божхона

Функция недоступна

Ислоҳот одимлари

ЭКСПОРТ-ИМПОРТ ЖАРАЁНЛАРИ

ЖАДАЛ ДАВОМ ЭТМОҚДА

Бугунги кунда мамлакатимиз иқтисодий салоҳиятини ривожлантириш борасида муҳим ислоҳотлар амалга оширилмоқда. Хусусан, тадбиркорлик фаолияти кенгайиб, экспорт-импорт жараёнлари жадал давом этмоқда.

Биргина Тошкент шаҳар божхона бошқармаси "Сирғали" ТИФ божхона пости томонидан ўтган йилнинг ўн икки ойлик даврида божхона постида 48 151 та божхона юк декларациялари расмийлаштирилиб, улар бўйича 2 трлн 490 млрд сўмлик божхона тўловлари давлат бюджетига ўтказилган.

Шунингдек, мазкур божхона постида 7 980 та божхона кўриги жараёнлари амалга оширилиб, кўриклар натижасида 206 та ҳолатда 104 млн сўмдан ортиқ қийматдаги ноқонуний товарлар борлиги аниқланди ва улар бўйича 569 млн сўмлик қўшимча божхона тўловлари ҳисобланди.

Хавфни бошқариш тизими доирасида товарларга расмийлаштирилган божхона юк декларацияларига назар солсак, уларнинг 21 фоизи "қизил", 39 фоизи "сариқ" ҳамда 40 фоизи "яшил" йўлакларда соддалаштирилган тартибда божхона назорати ва расмийлаштирувидан ўтказилган.

Божхона назорати ва расмийлаштируви жараёнида яратилган қулайликлар тадбиркорлар томонидан, айниқса, экспортёрлар томонидан тўла қўллаб-қувватланмоқда.

Пост