ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Давлат ҳуқуқий тизими асослари / Ҳудуд / Умумий қоидалар /Ҳудудларнинг ҳуқуқ устуворлиги индексини аниқлаш тартиби тўғрисида Низом (ЎзР Президентининг 14.01.2021 й. ПҚ-4951-сон қарорига 2-илова)
Полный текст документа доступен в платной версии. По вопросам звоните на короткий номер 1172
Ўзбекистон Республикаси
Президентининг
2021 йил 14 январдаги
2-ИЛОВА
Ҳудудларнинг ҳуқуқ устуворлиги индексини
аниқлаш тартиби тўғрисида
НИЗОМ
1. Ушбу Низом республика ҳудудларида (Қорақалпоғистон Республикаси, вилоятлар ва Тошкент шаҳри) ҳуқуқ устуворлигининг таъминланганлик ҳолатини рейтинг асосида баҳолаш натижасида Ҳудудларнинг ҳуқуқ устуворлиги индексини аниқлаш тартибини белгилайди.
2. Ушбу Низомда қуйидаги асосий тушунчалардан фойдаланилади:
индикаторлар - ҳуқуқ устуворлигининг таъминланганлик ҳолатини акс эттирувчи асосий устувор кўрсаткичлар;
субиндикаторлар - индикаторлар бўйича баҳоларни шакллантиришда фойдаланиладиган аниқ соҳалар бўйича кўрсаткичлар;
баҳолаш мезонлари - субиндикаторларни баҳолашда инобатга олинадиган ижтимоий муносабатлар соҳалари бўйича респондентларнинг баҳолари ва кўрсаткичлардаги ўзгаришлар;
респондент - ҳуқуқ устуворлигининг таъминланганлик ҳолатини аниқлашда ўтказиладиган сўровда иштирок этиш учун танлаб олинган шахс;
респондент-аҳоли - ҳуқуқ устуворлигининг таъминланганлик ҳолатини аниқлашда ўтказиладиган сўровда иштирок этиш учун аҳоли орасидан танлаб олинган жисмоний шахс;
респондент-эксперт - ҳуқуқ устуворлигининг таъминланганлик ҳолатини аниқлашда ўтказиладиган сўровда иштирок этиш учун тегишли соҳада фаолият юритаётган малакали мутахассислар орасидан танлаб олинган жисмоний шахс.
3. Ҳудудларнинг ҳуқуқ устуворлиги индексини аниқлаш ва унинг натижаларидан фойдаланиш ушбу Низомга 1-иловада келтирилган схемага мувофиқ қонунийлик, ошкоралик, шаффофлик, холислик, адолатлилик ва тенглик тамойилларига асосланган ҳолда амалга оширилади.
ТАЪМИНЛАНГАНЛИК ҲОЛАТИНИ БАҲОЛАШНИНГ
УСТУВОР СОҲАЛАРИ ВА УЛАРНИ БАҲОЛАШ ТАРТИБИ
4. Индикаторлар Қорақалпоғистон Республикаси, вилоятлар ва Тошкент шаҳри ҳамда туманлар (шаҳарлар) бўйича алоҳида ҳисоблаб чиқилади.
5. Ҳудудларнинг ҳуқуқ устуворлиги индексини аниқлашда қуйидаги 7 та индикаторлар баҳоланади:
қонун ҳужжатларига риоя қилиниши;
фуқаролар ҳуқуқ ва эркинликларининг таъминланиши;
одил судлов ва суд қарорларининг ижро этилиши ;
ҳуқуқ-тартибот ўрнатилганлиги ва хавфсизликнинг таъминланганлиги;
маҳаллий ижро органлари фаолиятининг самарали назорат қилиниши;
коррупцияга қарши курашишнинг самарадорлиги;
ҳокимият институтларининг шаффофлиги.
6. Ушбу Низомга 2-иловага мувофиқ сўровлар натижалари ҳамда статистик маълумотлар баҳолаш мезонлари ва ҳуқуқ устуворлигининг таъминланганлик ҳолатига оид маълумотларни шакллантириш манбалари ҳисобланади.
7. Сўровлар "Ижтимоий фикр" республика жамоатчилик фикрини ўрганиш маркази томонидан, шунингдек аутсорсинг асосида жалб қилинган ташкилотлар томонидан ўтказилади.
8. Сўровлар респондент-аҳоли ва респондент-эксперт ўртасида ўтказилади.
9. Сўровлар ўтган ҳисобот йили учун жорий йил 1 мартга қадар "Huquq ustuvorligi" автоматлаштирилган ахборот тизимида (кейинги ўринларда - Тизим) ўтказилади ва унинг маълумотлари автоматик тарзда умумлаштирилади.
10. Сўровда жавоблар учун бериладиган балл саволномада назарда тутилган ҳар бир саволдаги жавоб вариантларининг сонига мутаносиб равишда 0 баллдан 100 баллгача бўлган оралиқда белгиланади.
11. Сўров асосида шакллантириладиган баҳолаш мезонлари қуйидаги формула асосида ҳисобланади:
Mq = ((Qj / Rj) + ... + (Qjn / Rjn)) / Sn
бунда:
Mq - баҳолаш мезони учун берилган ўртача балл;
Qj - биринчи савол бўйича берилган жами баллар йиғиндиси;
Rj - биринчи саволга жавоб берган жами респондентлар сони;
Qjn - ҳар бир савол бўйича жами баллар йиғиндиси;
Rjn - ҳар бир саволга жавоб берган жами респондентлар сони;
Sn - сўровда берилган жами саволлар сони.
12. Мазкур Низомга 2-иловада назарда тутилган масъул идора ва ташкилотлар ўтган ҳисобот йили учун тегишли статистик маълумотларни Тизимга жорий йил 1 февралга қадар киритиб бориши ва маълумотлар уларнинг биринчи раҳбарлари томонидан электрон рақамли имзо билан тасдиқланиши шарт.
13. Ушбу Низомга 2-илова 1.1, 1.2, 1.3, 2.1-бандларининг статистик кўрсаткичларга асосланган баҳолаш мезонлари, 2.2-бандининг 2.2.1.б, 2.2.3.б, 2.2.4.б, 2.2.5.б-баҳолаш мезонлари, 2.3, 2.4, 2.6, 3.2-бандларининг статистик кўрсаткичларга асосланган баҳолаш мезонлари, 3.3-бандининг 3.3.2.а, 3.3.2.б, 3.3.2.в, 3.3.2.г, 3.3.3.б-баҳолаш мезонлари, 3.4, 3.5, 3.6, 4.1-бандларининг статистик кўрсаткичларга асосланган баҳолаш мезонлари, 4.3-бандининг 4.3.1.б, 4.3.2.а, 4.3.2.б-баҳолаш мезонлари, 4.4-бандининг статистик кўрсаткичларга асосланган баҳолаш мезонлари, 5.1-бандининг 5.1.1.а-баҳолаш мезони, 5.2, 5.3, 6.1, 6.2, 6.3, 6.4, 6.5, 7.2-бандларининг статистик кўрсаткичларга асосланган баҳолаш мезонлари, 7.3-бандининг 7.3.1.б-баҳолаш мезони, 7.4-бандининг 7.4.1.а, 7.4.2.б-баҳолаш мезонлари қуйидаги формула асосида ҳисобланади:
Ms = 100-(((Kh - Kmin) / (Kmax - Kmin)) x (100-10))
бунда:
Ms - салбий мезон миқдори;
Kh - баҳоланаётган тегишли ҳудуднинг мезон кўрсаткичи;
Kmin - салбий мезонлар учун белгиланган энг минимал кўрсаткич "ноль"*;
Kmax - баҳоланаётган мезон бўйича барча ҳудудлар орасида энг юқори сон миқдорига эга бўлган ҳудуднинг кўрсаткичи.
14. Ушбу Низомга 2-илова 2.2-бандининг 2.2.2.б-баҳолаш мезони, 2.5, 3.1-бандларининг статистик кўрсаткичларга асосланган баҳолаш мезонлари, 3.3-бандининг 3.3.3.а-баҳолаш мезони, 4.2-бандининг статистик кўрсаткичларга асосланган баҳолаш мезонлари, 4.3-бандининг 4.3.1.в, 4.3.2.в-баҳолаш мезонлари, 5.1-бандининг 5.1.2.а-баҳолаш мезони, 5.4-бандининг 5.4.1.б, 5.4.2.а, 5.4.2.б, 5.4.2.в, 5.4.2.г, 5.4.2.д, 5.4.2.е, 5.4.2.ё-баҳолаш мезонлари, 7.1-бандининг 7.1.2.б, 7.1.3.б-баҳолаш мезонлари, 7.3-банднинг 7.3.2.б, 7.3.3.б-баҳолаш мезонлари, 7.4-бандининг 7.4.3.а-баҳолаш мезони қуйидаги формула асосида ҳисобланади:
Mi = (((Kh - Kmin) / (Kmax - Kmin)) x (100 - 10)) + 10
бунда:
Mi - ижобий мезон миқдори;
Kh - баҳоланаётган тегишли ҳудуднинг мезон кўрсаткичи;
Kmin - баҳоланаётган мезон бўйича барча ҳудудлар орасида энг паст сон миқдорига эга бўлган ҳудуднинг кўрсаткичи**;
Kmax - баҳоланаётган мезон бўйича барча ҳудудлар орасида энг юқори сон миқдорига эга бўлган ҳудуднинг кўрсаткичи***.
15. Ушбу Низомга 2-илова 5.1-бандининг 5.1.3.а-баҳолаш мезони, 5.4-бандининг 5.4.2.ж-баҳолаш мезони, 7.1-бандининг 7.1.1.б, 7.1.4.б-баҳолаш мезонлари қуйидаги формула асосида ҳисобланади:
Mf = (Kh / Kmax) x 100
бунда:
Mf - фоизда ҳисобланадиган мезон миқдори;
Кh - баҳоланаётган тегишли ҳудуднинг мезон кўрсаткичи;
Kmax - баҳоланаётган мезон бўйича қонунчиликка мувофиқ амалга оширилиши лозим бўлган тадбирлар сони.
16. Сўров ва статистик маълумотлар асосида баҳоланадиган мезонлар қуйидаги тартибда ягона сон миқдорига келтирилади:
M = (Mq + Ms + Mi + Mf) / Rn
бунда:
M - баҳоланаётган мезон миқдори;
Rn - баҳоланаётган манбалар сони.
17. Баҳоланаётган мезонлар миқдори аниқлангандан сўнг, субиндикаторлар қуйидагича ҳисобланади:
Is = (M1 + M2 + … + Mn) / n
бунда:
Is - субиндикатор балли;
M1, M2, Mn - субиндикаторни баҳолаш мезонлари миқдори;
n - субиндикаторни баҳолашдаги жами мезонлари сони.
18. Тизимга киритилган маълумотлар умумлаштирилган ҳолда ўтган ҳисобот йили учун Ҳудудларнинг ҳуқуқ устуворлиги индекси ҳар йили 1 майга қадар тузилади.
III БОБ. ҲУҚУҚ УСТУВОРЛИГИНИНГ ТАЪМИНЛАНГАНЛИК
ҲОЛАТИНИ БАҲОЛАШ НАТИЖАЛАРИНИ ТАҚДИМ ЭТИШ
ВА УЛАРДАН ФОЙДАЛАНИШ
19. Ўзбекистон Республикаси Адлия вазирлиги Ҳудудларнинг ҳуқуқ устуворлиги индекси натижалари бўйича ахборот тайёрлайди ва ҳар йили 15 майга қадар Ўзбекистон Республикаси Президенти Администрацияси, Олий Мажлис палаталари ва Халқаро рейтинг ва индекслар билан ишлаш бўйича республика кенгашига киритади ҳамда оммавий ахборот воситалари орқали эълон қилади.
20. Ҳудудларнинг ҳуқуқ устуворлиги индекси натижалари бўйича ахборот Олий Мажлис палаталари, Халқаро рейтинг ва индекслар билан ишлаш бўйича республика кенгаши, Олий Мажлис Сенатининг маҳаллий ҳокимият вакиллик органлари фаолиятини кучайтиришга кўмаклашувчи комиссияси, манфаатдор вазирлик ва идоралар вакиллари иштирокида Қорақалпоғистон Республикаси Жўқорғи Кенгеси, вилоятлар, Тошкент шаҳар халқ депутатлари Кенгашлари мажлисларида ҳар йили 15 июнга қадар муҳокама қилиб борилади.
21. Давлат ҳокимияти ва бошқаруви органларининг ҳудудий тузилмалари раҳбарлари ушбу Низомга 3-иловада кўрсатилган тақсимотга кўра, Ҳудудларнинг ҳуқуқ устуворлиги индекси индикаторлари бўйича аниқланган муаммоларни бартараф этиш учун шахсан жавобгар ҳисобланади.
22. Жамиятдаги ижтимоий муносабатларнинг ривожланиш тенденцияларидан келиб чиқиб, Ҳудудларнинг ҳуқуқ устуворлиги индексини аниқлаш тизими такомиллаштирилиб борилиши мумкин.
23. Мазкур Низомга 2-иловада назарда тутилган тадбирларни амалга оширишга масъул бўлган идора ва ташкилотлар томонидан Тизимга ишончсиз ёки нотўғри маълумотларни киритиш, шунингдек, уларни ўз вақтида киритмаслик ҳолатлари аниқланган тақдирда, тегишли раҳбарларга нисбатан интизомий жазо чоралари қўлланилади.
*) Ушбу Низомга 2-илова 3.2-бандининг статистик кўрсаткичларга асосланган баҳолаш мезонлари учун Kmin - баҳоланаётган мезон бўйича республика бўйича охирги беш йиллик ўртача кўрсаткичнинг сон миқдорига тенг бўлади, 3.3-бандининг 3.3.2.в, 3.3.3.б-баҳолаш мезонлари, 4.3-бандининг 4.3.1.б-баҳолаш мезони учун Kmin - баҳоланаётган мезон бўйича барча ҳудудлар орасида энг паст сон миқдорига эга бўлган ҳудуднинг кўрсаткичи тушунилади.
**) Ушбу Низомга 2-илова 4.3-бандининг 4.3.1.в, 4.3.2.в-баҳолаш мезонлари бўйича кўрсаткичи салбий бўлган ҳудудларда Kmin "ноль"га тенг бўлади.
***) 2021 йил якунларидан бошлаб ҳудудларнинг кўрсаткичларидаги ўзгаришлар бундан олдинги йилдаги ҳар бир мезон учун аниқланган Kmax дан келиб чиқиб ҳисобланади. 2023 йил якунларидан бошлаб, кейинги йил учун Kmax бундан олдинги уч йилдаги Kmax нинг ўртача миқдоридан келиб чиқиб ҳисобланади.
1-ИЛОВА
Ҳудудларнинг ҳуқуқ устуворлиги индексини аниқлаш
ва натижаларидан фойдаланиш схемаси
СХЕМАСИ
Босқичлар |
|
Субъектлар
|
Амалга ошириладиган тадбирлар |
|
Муддатлари |
|
|
|
|||||
|
|
|
|
|
|
|
|
Масъул вазирлик ва идоралар |
Тегишли статистик маълумотларни шакллантиради.
|
|
Ҳар йили 25 январга қадар |
||
|
|
|||||
|
|
|
|
|||
|
Шакллантирилган статистик маълумотларни "HUQUQ USTUVORLIGI" ААТга киритади.
|
|
Ҳар йили 1 февралда |
|||
|
|
|
|
|
|
|
|
"Ижтимоий фикр" республика жамоатчилик фикрини ўрганиш маркази
|
"HUQUQ USTUVORLIGI" ААТ орқали аҳоли ва экспертлар ўртасида сўров ўтказади.
|
|
Ҳар йили 1 мартга қадар |
||
|
||||||
2-босқич |
|
Адлия вазирлиги |
Тизимга киритилган маълумотларни умумлаштирган ҳолда ўтган ҳисобот йили учун Ҳудудларнинг ҳуқуқ устуворлиги индексини тузади.
|
|
Ҳар йили 1 майга қадар |
|
|
|
|||||
3-босқич |
|
Адлия вазирлиги |
Ҳудудларнинг ҳуқуқ устуворлиги индекси натижалари бўйича ахборотни Ўзбекистон Республикаси Президенти Администрацияси, Олий Мажлис палаталари, Халқаро рейтинг ва индекслар билан ишлаш бўйича республика кенгашига киритади ҳамда оммавий ахборот воситалари орқали эълон қилади.
|
|
Ҳар йили 15 майга қадар |
|
|
|
|
|
|
|
|
4-босқич |
|
Ўзбекистон Республикаси Олий Мажлиси палаталари, Халқаро рейтинг ва индекслар билан ишлаш бўйича республика кенгаши, Қорақалпоғистон Республикаси Жўқорғи Кенгеси, вилоятлар ва Тошкент шаҳар халқ депутатлари Кенгашлари
|
Ҳудудларнинг ҳуқуқ устуворлиги индекси натижалари бўйича ахборотни ўз мажлисларида муҳокама қилиб боради.
|
|
Ҳудудларда ҳуқуқ устуворлиги индекси эълон қилингандан сўнг 1 ой ичида |
|
|
|
|
|
|
|
|
5-босқич |
|
Адлия вазирлиги |
Ҳудудларнинг ҳуқуқ устуворлиги индексида паст кўрсаткичларга эга бўлган субъектларни аниқлайди, тегишли индикаторларни таҳлил қилади ва уларнинг сабабларини ўрганади.
|
Доимий равишда |
||
|
|
|
|
|
|
|
6-босқич |
|
Марказий давлат ҳокимияти ва бошқаруви органлари |
Аниқланган камчиликларни бартараф этиш юзасидан аниқ таклифлар ва чора-тадбирлар ишлаб чиқади ҳамда уларни амалга ошириш чораларини кўради.
|
Доимий равишда |
2-ИЛОВА
Ҳуқуқ устуворлиги индикаторларини баҳолаш мезонлари
ва маълумотларни шакллантириш
ТАРТИБИ
Т/р |
Индикаторлар |
Т/р |
Субиндикаторлар |
Т/р |
Баҳолаш мезонлари |
Маълумотларни шакллантириш манбалари (статистика*/ сўров**) |
Маълумотларни шакллантириш ва киритишга масъул идора ва ташкилотлар
|
1. ҲУДУДЛАРДА ҚОНУН ҲУЖЖАТЛАРИГА РИОЯ ҚИЛИНИШИ
|
|||||||
Қонун ва қонуности ҳужжатлар-нинг ҳудудларда ижро этилиши аҳволи |
1.1.1 |
Ижтимоий қонунчиликка риоя этилиши |
1.1.1.а |
Таълим тизимида аниқланган қонун бузилиши ҳолатлари сони
|
статистика |
Бош прокуратура, Адлия вазирлиги |
|
1.1.1.б |
Соғлиқни сақлаш соҳасида аниқланган қонун бузилиши ҳолатлари сони
|
статистика |
Бош прокуратура, Адлия вазирлиги |
||||
1.1.1.в |
Ижтимоий ҳимоя соҳасига оид аниқланган қонун бузилиши ҳолатлари сони
|
статистика |
Бош прокуратура, Адлия вазирлиги |
||||
1.1.2 |
Меҳнат қонунчилигига риоя этилиши |
1.1.2.а |
Аҳолини иш билан таъминлаш соҳасидаги аниқланган қонун бузилиши ҳолатлари сони |
статистика |
Бош прокуратура, Бандлик ва меҳнат муносабатлари вазирлиги, Адлия вазирлиги
|
||
1.1.2.б |
Меҳнат муҳофазаси соҳасидаги аниқланган қонун бузилиши ҳолатлари сони |
статистика |
Бош прокуратура, Бандлик ва меҳнат муносабатлари вазирлиги, Адлия вазирлиги
|
||||
1.1.3 |
Иқтисодий қонунчиликка риоя этилиши |
1.1.3.а |
Тадбиркорлик соҳасидаги аниқланган қонун бузилиши ҳолатлари сони |
статистика |
Бош прокуратура, Адлия вазирлиги, Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил
|
||
1.1.3.б |
Солиқ соҳасидаги аниқланган қонун бузилиши ҳолатлари сони |
статистика |
Бош прокуратура, Адлия вазирлиги, Давлат солиқ қўмитаси
|
||||
1.1.4 |
Экологик қонунчиликка риоя этилиши |
1.1.4.а |
Табиатни муҳофаза қилиш соҳасидаги аниқланган қонун бузилиши ҳолатлари сони |
статистика |
Бош прокуратура, Экология ва атроф муҳитни муҳофаза қилиш давлат қўмитаси
|
||
1.1.4.б |
Чиқиндиларга оид соҳадаги аниқланган қонун бузилиши ҳолатлари сони |
статистика |
Бош прокуратура, Экология ва атроф муҳитни муҳофаза қилиш давлат қўмитаси
|
||||
1.1.5 |
Уй-жой, коммунал ва йўл хўжалиги соҳасида қонунчиликка риоя этилиши |
1.1.5.а |
Уй-жой соҳасидаги аниқланган қонун бузилиши ҳолатлари сони |
статистика |
Бош прокуратура, Адлия вазирлиги, Қурилиш ва уй-жой коммунал хўжалиги вазирлиги ҳамда унинг тизим ташкилотлари
|
||
1.1.5.б |
Электр энергияси таъминотига оид аниқланган қонун нормалари бузилиши ҳолатлари сони
|
статистика |
Бош прокуратура, Энергетика вазирлиги |
||||
1.1.5.в |
Газ таъминотига оид аниқланган қонун нормалари бузилиши ҳолатлари сони
|
статистика |
Бош прокуратура, Энергетика вазирлиги |
||||
1.1.5.г |
Ичимлик суви таъминотига оид аниқланган қонун нормалари бузилиши ҳолатлари сони
|
статистика |
Бош прокуратура, Қурилиш ва уй-жой коммунал хўжалиги вазирлиги ҳамда унинг тизим ташкилотлари
|
||||
1.1.5.д |
Автомобиль йўллари соҳасидаги аниқланган қонун бузилиши ҳолатлари сони
|
статистика |
Бош прокуратура, Транспорт вазирлиги |
||||
Маъмурий тартиб-таомилларга риоя этилиши ҳолати. |
1.2.1 |
Фаолиятни лицензиялаш соҳасидаги қонунчиликка риоя этилиши |
1.2.1.а |
Лицензия олиш жараёнидан ўтган тадбиркорларнинг тегишли тартиб-таомилга риоя этилишидан қаноатланиши |
Тадбиркорлар ўртасида сўров |
"Ижтимоий фикр" республика жамоатчилик фикрини ўрганиш маркази, Адлия вазирлиги
|
|
1.2.1.б |
Фаолиятни лицензиялаш соҳасидаги аниқланган қонун бузилиши ҳолатлари ҳолатлари
|
статистика |
Бош прокуратура |
||||
1.2.2 |
Тадбиркорлик фаолиятидаги рухсат бериш тартиб-таомиллари соҳасидаги қонунчиликка риоя этилиши |
1.2.2.а |
Тадбиркорлик фаолиятидаги рухсат бериш тартиб-таомилларидан фойдаланган тадбиркорларнинг тегишли тартиб-таомилга риоя этилишидан қаноатланиши |
Тадбиркорлар ўртасида сўров |
"Ижтимоий фикр" республика жамоатчилик фикрини ўрганиш маркази, Адлия вазирлиги
|
||
1.2.2.б |
Тадбиркорлик фаолиятидаги рухсат бериш тартиб-таомиллари соҳасидаги аниқланган қонун бузилиши ҳолатлари ҳолатлари
|
статистика |
Бош прокуратура |
||||
1.2.3 |
Сертификатлаш-тириш, стандартлаш-тириш соҳасидаги қонунчиликка риоя этилиши |
1.2.3.а |
Сертификатлаштириш, стандартлаштириш билан боғлиқ жараёндан ўтган тадбиркорларнинг тегишли тартиб-таомилга риоя этилишидан қаноатланиши |
Тадбиркорлар ўртасида сўров |
"Ижтимоий фикр" республика жамоатчилик фикрини ўрганиш маркази, Адлия вазирлиги
|
||
1.2.3.б |
Сертификатлаштириш, стандартлаштириш соҳасидаги аниқланган қонун бузилиши ҳолатлари сони |
статистика |
Бош прокуратура |
||||
1.2.4 |
Давлат хизматлари кўрсатилишида қонун ҳужжатларига риоя этилиши |
1.2.4.а |
Давлат хизматларидан фойдаланган фуқаролар ва тадбиркорларнинг тегишли тартиб-таомилларга риоя этилишидан қаноатланиши |
Тадбиркорлар ўртасида сўров |
"Ижтимоий фикр" республика жамоатчилик фикрини ўрганиш маркази
|
||
1.2.4.б |
Давлат хизматлари кўрсатиш соҳасида аниқланган қонун бузилиши ҳолатлари ҳолатлари
|
статистика |
Бош прокуратура, Адлия вазирлиги |
||||
Мулк ҳуқуқи дахлсизлигининг таъминланганлиги |
1.3.1 |
Жамоат эҳтиёжлари учун ер участкалари олиб қўйилишида қонунчиликка риоя этилиши |
1.3.1.а |
Жамоат эҳтиёжлари учун ер участкаларини олиб қўйишда қонунчиликка риоя этилишидан фуқароларнинг қаноатланиши |
сўров |
"Ижтимоий фикр" республика жамоатчилик фикрини ўрганиш маркази |
|
1.3.1.б |
Жамоат эҳтиёжлари учун ер участкалари олиб қўйилишида аниқланган қонун бузилиши ҳолатлари сони
|
статистика |
Олий суд, Иқтисодиёт ва молия вазирлиги |
*) Мазкур устундаги статистик маълумотлар, ваколатли органлар томонидан ўтказилган тегишли соҳалардаги текширишлар, ўрганишлар, мониторинг натижалари, жиноий, маъмурий, фуқаролик ва бошқа ишларга оид статистик маълумотлар асосида шакллантирилади.
**) Сўров орқали шакллантириладиган маълумотлар фақат сўровларда қатнашган фуқароларнинг фикрини англатади.
3-ИЛОВА
Ҳудудларнинг ҳуқуқ устуворлиги индексини акс
эттирувчи индикаторлар учун масъуллар
РЎЙХАТИ
Т/р |
Индикаторлар номланиши
|
Масъуллар |
1. Ҳудудларда қонун ҳужжатларига риоя қилиниши
|
||
1.1. |
Қонун ва қонуности ҳужжатларнинг ҳудудларда ижро этилиши аҳволи. |
Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари |
Маъмурий тартиб-таомилларга риоя этилиши ҳолати. |
Қорақалпоғистон Республикаси адлия вазири, вилоятлар ва Тошкент шаҳар адлия бошқармалари бошлиқлари
|
|
1.3. |
Мулк ҳуқуқи дахлсизлигининг таъминланганлиги. |
Қорақалпоғистон Республикаси, вилоятлар ва Тошкент шаҳар судлари раислари |
2. Фуқаролар ҳуқуқ ва эркинликларининг таъминланиши
|
||
2.1. |
Ҳуқуқни муҳофаза қилувчи органлар томонидан қийноқлар ва асоссиз ушлаб туриш ҳолатлари. |
Қорақалпоғистон Республикаси, вилоятлар ва Тошкент шаҳар прокурорлари
|
2.2. |
Гумон қилинувчи, айбланувчи ва судланувчининг ҳуқуқларини амалга оширишда тўсиқларнинг мавжуд эмаслиги. |
Қорақалпоғистон Республикаси, вилоятлар ва Тошкент шаҳар прокурорлари
|
2.3. |
Фикр ва сўз эркинлигидан фойдаланган фуқаролар ва журналистларга нисбатан босим ўтказиш ҳолатлари. |
Қорақалпоғистон Республикаси, вилоятлар ва Тошкент шаҳар прокурорлари
|
2.4. |
Шахсий ҳаётга ўзбошимчалик билан аралашиш ҳолатлари. |
Қорақалпоғистон Республикаси, вилоятлар ва Тошкент шаҳар прокурорлари
|
2.5. |
Фуқаролик жамияти институтларининг ривожланганлиги. |
Қорақалпоғистон Республикаси адлия вазири, вилоятлар ва Тошкент шаҳар адлия бошқармалари бошлиқлари
|
2.6. |
Асосий меҳнат ҳуқуқларининг (иш ҳақи, иш вақти, мажбурий меҳнат ва бошқалар) таъминланганлиги. |
Қорақалпоғистон Республикаси бандлик ва меҳнат муносабатлари вазири, вилоятлар ва Тошкент шаҳар бандлик ва меҳнат муносабатлари бошқармалари бошлиғи
|
3. Одил судлов ва суд қарорларининг ижро этилиши
|
||
3.1. |
Аҳолининг судлар орқали ўз ҳуқуқларини рўёбга чиқариш имкониятидан фойдаланиши. |
Қорақалпоғистон Республикаси, вилоятлар ва Тошкент шаҳар судлари раислари
|
3.2. |
Аҳолининг суд қарорлари холислигидан қаноатланиши. |
Қорақалпоғистон Республикаси, вилоятлар ва Тошкент шаҳар судлари раислари
|
3.3. |
Аҳолининг суд органларида коррупция аломатлари мавжудлиги ҳақидаги тасаввурлари. |
Қорақалпоғистон Республикаси, вилоятлар ва Тошкент шаҳар судлари раислари
|
3.4. |
Судларнинг давлат органлари таъсиридан холилиги. |
Қорақалпоғистон Республикаси, вилоятлар ва Тошкент шаҳар судлари раислари
|
3.5. |
Судлар томонидан процессуал муддатларга риоя қилиниши. |
Қорақалпоғистон Республикаси, вилоятлар ва Тошкент шаҳар судлари раислари
|
3.6. |
Суд қарорларининг лозим даражада ижро этилиши. |
Мажбурий ижро бюроси ҳудудий бошқармалари бошлиқлари
|
4. Ҳуқуқ-тартибот ўрнатилганлиги ва хавфсизликнинг таъминланганлиги
|
||
4.1. |
Ҳудудларда жиноятчилик даражаси. |
Қорақалпоғистон Республикаси ички ишлар вазири, вилоятлар ва Тошкент шаҳар ички ишлар бошқармалари бошлиқлари
|
4.2. |
Ҳудудларда ҳуқуқбузарликлар профилактикаси самарадорлиги. |
Қорақалпоғистон Республикаси ички ишлар вазири, вилоятлар ва Тошкент шаҳар ички ишлар бошқармалари бошлиқлари
|
4.3. |
Ҳудуддаги жиноятларни аниқлаш ва уларга қарши самарали чоралар кўрилиши. |
Қорақалпоғистон Республикаси, вилоятлар ва Тошкент шаҳар прокурорлари
|
4.4. |
Фуқароларнинг адолатни "шахсан" қарор топтиришга мойиллиги. |
Қорақалпоғистон Республикаси ички ишлар вазири, вилоятлар ва Тошкент шаҳар ички ишлар бошқармалари бошлиқлари
|
5. Маҳаллий ижро органлари фаолиятининг самарали назорат қилиниши
|
||
5.1. |
Халқ депутатлари Кенгаши томонидан ҳокимликлар фаолиятининг назорат қилиниши. |
Қорақалпоғистон Республикаси Жўқорғи Кенгеси раиси, вилоятлар ва Тошкент халқ депутатлари кенгашлари раислари
|
5.2. |
Маҳаллий ижро органлари қарорлари билан боғлиқ низоларнинг маъмурий судларда кўриб чиқилиши. |
Қорақалпоғистон Республикаси, вилоятлар ва Тошкент шаҳар судлари раислари
|
5.3. |
Маҳаллий ижро органлари масъулларининг содир этган ҳуқуқбузарликлари учун жавобгарлиги таъминланиши. |
Қорақалпоғистон Республикаси, вилоятлар ва Тошкент шаҳар прокурорлари
|
5.4. |
Маҳаллий ижро органлари фаолияти устидан жамоатчилик назорати.
|
Ҳудудий жамоатчилик палатаси раиси |
6. Коррупцияга қарши курашишнинг самарадорлиги
|
||
6.1. |
Ижро органлари мансабдор шахслари томонидан мансаб ваколатларини суиистеъмол қилиш ҳолатларининг мавжудлиги.
|
Қорақалпоғистон Республикаси, вилоятлар ва Тошкент шаҳар прокурорлари |
6.2. |
Ҳуқуқни муҳофаза қилувчи ва назорат қилувчи органлар ходимлари томонидан мансаб ваколатларини суиистеъмол қилиш ҳолатларининг мавжудлиги.
|
Қорақалпоғистон Республикаси, вилоятлар ва Тошкент шаҳар прокурорлари |
6.3. |
Ижтимоий соҳада коррупциянинг тарқалганлик даражаси.
|
Қорақалпоғистон Республикаси, вилоятлар ва Тошкент шаҳар прокурорлари
|
6.4. |
Давлат хизматларини кўрсатишда коррупциянинг тарқалганлик даражаси.
|
Қорақалпоғистон Республикаси, вилоятлар ва Тошкент шаҳар прокурорлари
|
6.5. |
Қариндош-уруғчилик, ошна-оғайнигарчилик ва маҳаллийчилик унсурларининг намоён бўлиш ҳолатлари.
|
Қорақалпоғистон Республикаси, вилоятлар ва Тошкент шаҳар прокурорлари
|
7. Ҳокимият институтларининг шаффофлиги
|
||
7.1. |
Маҳаллий давлат ҳокимияти органларининг очиқлиги. |
Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари
|
7.2. |
Маҳаллий ижро органлари томонидан фуқароларнинг ахборот олиш ҳуқуқи таъминланганлиги. |
Ахборот ва оммавий коммуникациялар агентлиги ҳудудий бошқармалари бошлиқлари
|
7.3. |
Фуқароларнинг маҳаллий даражадаги қарорларни қабул қилиш жараёнидаги иштироки. |
Қорақалпоғистон Республикаси Жўқорғи Кенгеси раиси, вилоятлар ва Тошкент шаҳар ҳокимлари
|
7.4. |
Мансабдор шахслар хатти-ҳаракатлари устидан шикоят бериш механизмларидан самарали фойдаланилиши. |
Ўзбекистон Республикаси Президентининг Қорақалпоғистон Республикаси, вилоятлар ва Тошкент шаҳридаги Халқ қабулхоналари мудирлари
|
Қонун ҳужжатлари маълумотлари миллий базаси (www.lex.uz),
2021 йил 15 январь