Ўзбекистон Республикаси Президентининг 28.01.2021 й. ПҚ-4965-сон "Интеллектуал мулк объектларини муҳофаза қилиш тизимини такомиллаштириш чора-тадбирлари тўғрисида"ги Қарори
Функция недоступна
Данная функция доступно только для клиентов (пользователей)
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ҚАРОРИ
28.01.2021 й.
N ПҚ-4965
ИНТЕЛЛЕКТУАЛ МУЛК
ОБЪЕКТЛАРИНИ МУҲОФАЗА ҚИЛИШ
ТИЗИМИНИ ТАКОМИЛЛАШТИРИШ
ЧОРА-ТАДБИРЛАРИ ТЎҒРИСИДА
Интеллектуал мулк соҳасини ривожлантириш мамлакатимизнинг жаҳон интеграциясидаги асосий омил эканлигидан келиб чиқиб, интеллектуал мулк объектларини муҳофаза қилиш тизимини такомиллаштириш, шунингдек, 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни изчил амалга ошириш мақсадида:
1. 2021 йил 1 апрелдан бошлаб:
интеллектуал мулк соҳасидаги халқаро шартномалар нормаларидан келиб чиқиб, товар белгиси ва хизмат кўрсатиш белгисининг фақат тадбиркорлик фаолиятини амалга ошираётган юридик ёки жисмоний шахс номига рўйхатдан ўтказилишига нисбатан қонунчиликдаги мавжуд чекловлар бекор қилинсин;
интеллектуал мулк объектларини давлат рўйхатига олиш муддатларини кескин қисқартириш имкониятларини яратувчи тезкор экспертиза тартиби жорий этилсин. Бунда, интеллектуал мулк объектини муҳофазага олиш учун топшириладиган талабнома бўйича дастлабки қидирув томонларнинг келишувига мувофиқ амалга оширилиши назарда тутилади.
Интеллектуал мулк муҳофазасини мустаҳкамлаш ва замонавий ахборот-коммуникация технологияларини жорий этиш бўйича "Йўл харитаси" 1-иловага мувофиқ;
Интеллектуал мулк (ихтиро, фойдали модель, саноат намунаси, селекция ютуқлари) соҳасини ривожлантириш бўйича 2021-2023 йилларга мўлжалланган амалий ишлар дастури 2-иловага мувофиқ тасдиқлансин.
Вазирлик, идора ва бошқа ташкилотлар, маҳаллий ижроия ҳокимияти органларининг биринчи раҳбарлари зиммасига "Йўл харитаси" ва дастурда белгиланган тадбирларнинг ўз вақтида, сифатли ва тўлиқ бажарилиши юзасидан шахсий жавобгарлик юклансин.
4. Шундай тартиб ўрнатилсинки, унга кўра:
2025 йил 1 январга қадар миллий экспорт қилувчилар томонидан чет элда товар келиб чиққан жой номлари (географик кўрсаткичлар)ни рўйхатга олиш бўйича қилинадиган сарф-харажатлари Адлия вазирлигининг Интеллектуал мулкни ривожлантириш жамғармаси маблағлари ҳисобидан тўлиққопланади;
2021 йил 1 июнга қадар давлат бошқаруви органлари ва давлат корхоналари, илмий-тадқиқот ва олий таълим ташкилотлари ўзларига тегишли бўлган интеллектуал мулк (муаллифлик ҳуқуқи, турдош ҳуқуқлар ва саноат мулки) объектларини тўлиқ хатловдан ўтказиб, уларни бухгалтерия ҳисобида акс эттиради;
экспорт улуши умумий товар айланмасининг 60 фоизидан ортиғини ташкил этадиган экспорт қилувчи, шунингдек, қишлоқ хўжалиги ва ҳунармандчилик соҳасида фаолият юритувчи тадбиркорлик субъектлари учун товар белгиларини 2021-2022 йилларда миллий рўйхатдан ўтказиш бепул амалга оширилади;
тадбиркорлик субъектларини давлат рўйхатидан ўтказиш жараёнида товар белгиси ва хизмат кўрсатиш белгисини ҳам давлат рўйхатидан ўтказиш тарғиб қилинади;
Савдо-саноат палатаси ва Вазирлик томонидан йилига камида бир марта республиканинг ҳар бир маъмурий бирликларида тадбиркорлик фаолиятини ташкил этаётган шахслар учун ўз брендига эга бўлишнинг афзаллиги бўйича Ўзбекистон ва халқаро миқёсда тан олинган миллий брендлар эгалари бўлган ишбилармонларнинг иштирокида миллий анжуманлар ва мастер-класслар ўтказилади.
5. Агентлик ва Инновацион ривожланиш вазирлигининг 2021 йил 1 октябрга қадар давлат бошқаруви органлари, давлат корхоналари, илмий-тадқиқот ва олий таълим ташкилотлари ўзига тегишли бўлган интеллектуал мулк объектлари ҳисобини тўғри юритиш, уларга бўлган ҳуқуқларни хўжалик муомаласига киритиш, илмий фаолият натижаларини тижоратлаштирилишига кўмаклашишга қаратилган Агентлик ҳузуридаги "Патент платформаси"ни ишга тушириш бўйича таклифига розилик берилсин.
Белгилансинки:
мазкур платформада ихтиролар, фойдали моделлар, саноат намуналари, селекция ютуқлари, товар белгилари, хизмат кўрсатиш белгилари, товар келиб чиққан жой номлари муҳофаза ҳужжатларига оид маълумотлар батафсил акс эттирилади;
платформа электрон шаклда реал вақт режимида юритилади ҳамда унга тадбиркорлик субъектлари ихтиёрий ва бепул асосда киритилади.
6. Белгилансинки:
энг яхши интеллектуал мулк объектлари яратувчиларини Вазирлик томонидан Бутунжаҳон интеллектуал мулк ташкилотининг махсус мукофотларига тақдим этиш бўйича тавсиялар киритилади;
"Энг яхши интеллектуал мулк объекти" танлови Вазирлик томонидан бир йилда бир марта ташкиллаштирилади;
7. Адлия вазирлиги, Олий ва ўрта махсус таълим вазирлиги ҳамда Агентликнинг интеллектуал мулк соҳасига оид фанларни кадрлар тайёрлаш тизимига, жумладан, республика таълим ташкилотлари, қайта тайёрлаш ва малака ошириш марказларида босқичма-босқич жорий этиш тўғрисидаги таклифи қўллаб-қувватлансин.
Белгилансинки, интеллектуал мулк соҳасига оид фанларни кадрлар тайёрлаш тизимига жорий этишнинг биринчи босқичида, 2021/2022 ўқув йилидан бошлаб олий таълим ташкилотларида, хусусан, ишлаб чиқариш ва техник, қишлоқ ва сув хўжалиги соҳаларидаги таълим йўналишларида илғор хорижий тажриба асосида ҳамда ёш авлод орасида ижодкорларнинг меҳнатига бўлган ҳурмат ҳиссини шакллантиришга қаратилган интеллектуал мулк фанлари жорий этилади ва улар бўйича ўтказиладиган машғулотларда соҳада фаолият олиб борувчи амалиётчилар иштирок этиши таъминланади.
8. Инновацион ривожланиш вазирлиги зиммасига илмий-тадқиқот ва олий таълим ташкилотларини интеллектуал мулк масаласида иқтисодиёт тармоқлари (енгил саноат, фармацевтика, қишлоқ хўжалиги ва бошқалар) билан боғлашни таъминлаш вазифаси юклатилсин.
9. Инвестициялар ва ташқи савдо вазирлиги, Қишлоқ хўжалиги вазирлиги, Алкоголь ва тамаки бозорини тартибга солиш ва виночиликни ривожлантириш агентлиги, Савдо-саноат палатаси, "Ўзтўқимачиликсаноат" уюшмаси, "Ҳунарманд" уюшмаси ва "Навоийазот" АЖ 100 та "маҳаллий бренд"ларни халқаро рўйхатга олишни ташкил этсин.
10. Савдо-саноат палатаси ҳар бир ҳудудда йилига камида тўрт марта франшизалар ярмаркаси ва кўргазмаларини ташкил этсин.
11. Инновацион ривожланиш вазирлиги ҳамда Олий ва ўрта махсус таълим вазирлиги илмий-тадқиқот муассасалари ва олий таълим ташкилотларида интеллектуал мулк соҳасида амалга оширилган ишлар юзасидан йил якунлари бўйича Ўзбекистон Республикаси Президенти Администрациясига мунтазам равишда ҳисобот бериш тартиби йўлга қўйилсин.
12. Олий суд, Адлия вазирлиги ва Монополияга қарши курашиш қўмитаси икки ой муддатда халқаро экспертларни жалб қилиб, судьяларни интеллектуал мулк соҳасида ўқитиш дастурини ишлаб чиқиб, йил якунига қадар судьяларни ўқитиш тизимини йўлга қўйсин.
Бунда, халқаро ташкилотлари кўмаги остида интеллектуал мулк соҳасидаги низоларни кўриб чиқувчи судьялар учун чуқурлаштирилган ўқув дастури ташкил этилишига алоҳида урғу берилсин.
13. Интеллектуал мулк соҳасида давлат бошқаруви тизимини янада такомиллаштириш ва амалга оширилаётган ишларнинг манзиллилигини таъминлашни кўзлаб, адлия органлари ва муассасалари бошқарув ходимларининг чекланган сони ва меҳнатга ҳақ тўлаш фонди доирасида ҳудудий адлия бошқармаларининг 11 та ва туман (шаҳар) адлия бўлимларининг 17 та штат бирликларини оптималлаштириш ҳисобига Агентликнинг тузилмасида:
Қорақалпоғистон Республикаси, вилоятлар ва Тошкент шаҳрида юридик шахс мақомига эга бўлмаган Интеллектуал мулк ҳимояси марказлари (кейинги ўринларда - марказлар) ташкил этилсин.
Бунда, адлия органларининг ўтказилаётган 28 та штат бирликларидан 3 таси - Бошқармани, 25 таси - марказларни тўлдириш учун йўналтирилади.
14. Белгилаб қўйилсинки:
Бошқарма марказлар фаолиятига ташкилий ва методик жиҳатдан раҳбарлик қилади;
марказлар Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари биноларида текин фойдаланиш ҳуқуқи асосида жойлаштирилади;
марказларга ишга қабул қилинадиган ходимлар, Адлия вазирлиги ҳузуридаги Юристлар малакасини ошириш марказида интеллектуал мулк ва уни ҳуқуқий ҳимоя қилишнинг назарий ва амалий масалаларига оид ўқув дастурлари бўйича таълим оладилар.
15. Марказларнинг асосий вазифалари этиб қуйидагилар белгилансин:
контрафакт маҳсулотларни ишлаб чиқариш ва уларнинг муомаласига, шунингдек, интеллектуал мулк ҳуқуқларининг бузилишига қарши тизимли ва самарали курашишда бевосита иштирок этиш, хусусан, огоҳлантирув ва тақдимномалар киритиш, маъмурий ҳуқуқбузарлик тўғрисидаги баённомаларни тузиш;
жойларда интеллектуал мулк объектларининг давлат рўйхатидан ўтказилиши билан боғлиқ фаолиятга кўмаклашиш;
интеллектуал мулк соҳасидаги ҳуқуқни қўллаш амалиётини изчил ва бир хилда таъминлаш бўйича чора-тадбирларни амалга ошириш;
жамиятда интеллектуал мулкка нисбатан ҳуқуқий маданиятни ошириш ва ҳурмат ҳиссини шакллантириш мақсадида интеллектуал мулк ҳуқуқлари бўйича қабул қилинаётган қонунлар ва бошқа норматив-ҳуқуқий ҳужжатларнинг мазмун-моҳияти ва аҳамиятини кенг оммага етказиш.
16. Агентлик икки ой муддатда марказларни юқори малакали кадрлар билан, биринчи навбатда, амалий тажрибага эга ҳамда зиммасига юклатилган вазифаларни лозим даражада бажаришга қодир шахслар орасидан очиқ танлов асосида Агентлик томонидан белгиланадиган тартибда тўлдирилишини ҳамда марказлар тўғрисидаги низомлар ишлаб чиқилишини таъминласин.
17. Мазкур қарор ижросини таъминлаш билан боғлиқ бюджет харажатлари 2021 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Адлия вазирлигига ажратиладиган маблағлар доирасида белгилансин, 2022 йилдан бошлаб эса Ўзбекистон Республикаси Давлат бюджети параметрларида назарда тутилсин.
18. Агентликка ўзининг бюджетдан ташқари маблағлари ҳамда қонун ҳужжатларида тақиқланмаган бошқа манбалар ҳисобидан:
марказлар моддий-техник базасини шакллантириш, шу жумладан, компьютер ва нусха кўчириш техникаси, алоқа воситалари, мебель сотиб олиш;
давлат экспертизасини амалга оширишга миллий, халқаро ва хорижий илмий-тадқиқот, олий таълим ва экспертлик ташкилотларини ҳамда юқори малакали соҳа мутахассислари ва экспертларини шартнома асосида жалб этиш;
Агентлик ҳузуридаги "Патент платформаси"ни ишлаб чиқиш ва амалиётга жорий этиш бўйича сарф-харажатларни амалга ошириш ҳуқуқи берилсин.
19. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига 3-иловага мувофиқ ўзгартириш ва қўшимчалар киритилсин.
20. Ўзбекистон Республикаси Адлия вазирлиги манфаатдор вазирлик ва идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
21. Мазкур қарор ижросини самарали ташкил этишга масъул ҳамда шахсий жавобгар этиб адлия вазири Р.К. Давлетов белгилансин.
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Амалга оширилаётган чора-тадбирлар натижадорлиги юзасидан Вазирлар Маҳкамасига ҳар ярим йил якуни бўйича ахборот киритиб борилсин.
Ўзбекистон Республикаси Президенти Ш. Мирзиёев
Ўзбекистон Республикаси
Президентининг
2021 йил 28 январдаги
ПҚ-4965-сон қарорига
1-ИЛОВА
Интеллектуал мулк муҳофазасини мустаҳкамлаш ва замонавий
ахборот-коммуникация технологияларини жорий этиш бўйича
"ЙЎЛ ХАРИТАСИ"
Т/р
Тадбир номи
Амалга ошириш
шакли
Ижро муддати
Масъул ижрочилар
I. ИНТЕЛЛЕКТУАЛ МУЛК СОҲАСИДАГИ
ҚОНУНЧИЛИКНИ ТАКОМИЛЛАШТИРИШ
1.
"Товар келиб чиққан жой номларини муҳофаза қилиш ва уларни халқаро рўйхатга олиш тўғрисидаги Лиссабон битими"нинг (1958 йил 31 октябрь) қоида ва нормаларига мувофиқлаштирилган "Географик кўрсаткичлар тўғрисида"ги қонун лойиҳасини ишлаб чиқиш.
Ўзбекистон Республикасининг Қонуни лойиҳаси
2021 йил
1 июнь
Адлия вазирлиги (Р. Давлетов), Қишлоқ хўжалиги вазирлиги (Ж. Ходжаев), Ташқи ишлар вазирлиги (А. Комилов), Савдо-саноат палатаси (А. Икрамов)
2.
Контрафакт маҳсулотлар реализациясининг олдини олиш бўйича реал механизмларни назарда тутувчи қуйидаги қонун ҳужжатларига ўзгартириш ва қўшимчалар киритиш бўйича қонун лойиҳасини ишлаб чиқиш:
Ўзбекистон Республикасининг Маъмурий жавобгарлик тўғрисидаги кодекси - интеллектуал мулк объектларига бўлган ҳуқуқларнинг бузилишига оид тегишли моддалардаги санкцияларни кучайтириш;
Ўзбекистон Республикасининг Жиноят кодекси - муаллифлик ва турдош ҳуқуқлари бузилиши ҳамда ўзганинг товар белгисидан, хизмат кўрсатиш белгисидан, товар келиб чиққан жой номидан ёки фирма номидан қонунга хилоф равишда фойдаланиш юзасидан;
тегишли қонунларга - муаллифлик ҳуқуқи ва турдош ҳуқуқлар объектларининг, жумладан, аудиовизуал асарлар ва фонограммаларнинг ахборот-коммуникация тармоқларида ҳимоясини тўлиқ таъминлаш юзасидан.
Ўзбекистон Республикасининг Қонуни лойиҳаси
2022 йил
май
Адлия вазирлиги (Р. Давлетов), Бош прокуратура (Н. Йўлдошев), Монополияга қарши курашиш қўмитаси (Н. Шарипов), Олий суд (К. Камилов)
3.
Ўзбекистон Республикасининг "Давлат божи тўғрисида"ги Қонунига товар белгисига топширилган талабнома норезидентларга ўтказилган ҳолларда норезидентлар томонидан патент божларини мутаносиб миқдорларда тўланишини таъминлашни назарда тутувчи ўзгартиш ва қўшимчалар киритиш бўйича қонун лойиҳасини ишлаб чиқиш.
Ўзбекистон Республикасининг Қонуни лойиҳаси
2021 йил
20 март
Адлия вазирлиги (Р. Давлетов), Молия вазирлиги (Т. Ишметов)
4.
Бутунжаҳон интеллектуал мулк ташкилоти билан ҳамкорликда "Интеллектуал мулкни ривожлантириш соҳасида Ўзбекистон Республикасининг миллий стратегияси"ни ишлаб чиқиш, бунда ривожланган мамлакатлар тажрибасини асос сифатида олиш.
Норматив-ҳуқуқий ҳужжат лойиҳаси
2022 йил
март
Адлия вазирлиги (Р. Давлетов), Инновацион ривожланиш вазирлиги (И. Абдураҳмонов), тегишли вазирлик ва идоралар
5.
Интеллектуал мулк ҳуқуқларни бузиш натижасида интеллектуал мулк объекти ҳуқуқ эгасига етказилган ҳақиқий зарар ва бой берилган фойдани аниқлаш ҳамда қоплаш механизмини назарда тутувчи норматив-ҳуқуқий ҳужжат лойиҳасини ишлаб чиқиш.
Норматив-ҳуқуқий ҳужжат лойиҳаси
2021 йил
август
Адлия вазирлиги (Р. Давлетов), Бош прокуратура (Н.Йўлдошев), Олий суд (К. Камилов)
6.
Интеллектуал мулк соҳасидаги долзарб қуйидаги халқаро шартномаларга Ўзбекистон Республикасининг қўшилиши юзасидан зарурий чора-тадбирларни амалга ошириш:
а) Кўзи ожиз, кўришда нуқсони бўлган ва босма ахборотни идрок этишда бошқа жиҳатдан қобилияти чекланган шахсларнинг нашр этилган асарлардан фойдаланишини енгиллаштириш тўғрисидаги Марокаш шартномаси (2013 йил 27 июнь);
б) Товар белгилари бўйича қонунлар тўғрисидаги Сингапур шартномаси (2006 йил 27 март);
в) Саноат намуналарини халқаро рўйхатдан ўтказиш тўғрисида Гаага битимининг Женева акти (1999 йил 2 июль);
г) Ижрочилар, фонограмма яратувчилар ва эшиттиришлар тайёрловчи ташкилотлар ҳуқуқларини ҳимоя қилиш тўғрисидаги Рим халқаро конвенцияси (1961 йил 26 октябрь).
Ахборот-таҳлилий маълумотнома
2021 йил
20 апрель
Адлия вазирлиги (Р. Давлетов), Ташқи ишлар вазирлиги (А. Камилов), Ахборот ва оммавий коммуникациялар агентлиги (А. Ходжаев), Интеллектуал мулк агентлиги (Т. Абдусаттаров), МТРК (А. Хаджаев), Маданият вазирлиги (О. Назарбеков), тегишли вазирлик ва идоралар
II. ИНТЕЛЛЕКТУАЛ МУЛК СОҲАСИ
ФАОЛИЯТИНИ РИВОЖЛАНТИРИШ УЧУН ЗАМОНАВИЙ
АХБОРОТ-КОММУНИКАЦИЯ ТЕХНОЛОГИЯЛАРИНИ ЖОРИЙ ЭТИШ
8.
Муаллифлик ҳуқуқи ва турдош ҳуқуқлар бўйича мулкий ҳуқуқларни ҳимоя қилишга кўмаклашувчи "Фаол муаллиф" маълумотлар реестрини яратиш. Мазкур реестр қуйидаги мезонлар асосида ишлашини назарда тутиш:
мулкий ҳуқуқларни жамоавий асосда бошқарувчи ташкилотлар томонидан тақдим этиладиган маълумотларни ушбу реестрга жойлаштириш ва ундан бепул фойдаланишни таъминлаш;
муаллиф ёки бошқа ҳуқуқ эгаси ўз ваколатларини мулкий ҳуқуқларни жамоавий асосда бошқарувчи ташкилотларнинг биригагина беришга ҳақли эканлиги.
Маълумотлар реестрини яратиш бўйича лойиҳа-техник ҳужжатларнинг ўрнатилган тартибда экспертизадан ўтказилишини таъминлаш.
Ташкилий чора-тадбирлар
2021 йил
1 сентябрь
Интеллектуал мулк агентлиги (Т. Абдусаттаров), Ахборот технологиялари ва коммуникацияларини ривожлантириш вазирлиги (Ш. Садиков), Маданият вазирлиги (О. Назарбеков)
9.
Қуйидаги таркибий қисмлардан иборат "IP-Protection" ахборот порталини ишлаб чиқиш:
интеллектуал мулк объектлари орасида энг кўп ҳуқуқбузарлик ҳолларига учраётганлари рўйхати;
соҳага оид ҳуқуқбузарлик авж олаётган ҳамда ҳуқуқбузарлик даражаси ва ўсиш темпи пасаймаётган жойлар харитаси;
суд ажримлари ҳамда тадбиркорлик субъектлари ёки уларнинг патент вакиллари (адвокатлари)нинг аризалари ва асослантирилган маълумотларини мониторинг қилиш асосида тузилган ҳуқуқбузарлар реестри.
Ташкилий чора-тадбирлар
2021 йил
25 апрель
Интеллектуал мулк агентлиги (Т. Абдусаттаров), Ахборот технологиялари ва коммуникацияларини ривожлантириш вазирлиги (Ш. Садиков), Давлат божхона қўмитаси (М. Азимов), Давлат солиққўмитаси (Ш. Кудбиев), Иқтисодий жиноятларга қарши курашиш департаменти (Д. Рахимов)
10
Ҳудудлардаги мавжуд илмий салоҳият ва ахборот-ресурс марказлари имкониятларидан самарали фойдаланган ҳолда, иқтисодиёт тармоқлари ва ижтимоий соҳаларни ривожлантиришга ихтисослашган олий таълим ташкилотларида Технологиялар ва инновацияларни қўллаб-қувватлаш марказлари тармоғини кенгайтириш, уларнинг фаолиятини рағбатлантиришни кўзда тутувчи таклифларни ишлаб чиқиш.
Ахборот-таҳлилий маълумотнома
2021 йил
15 май
Адлия вазирлиги (Р.Давлетов), Олий ва ўрта махсус таълим вазирлиги (А. Тошкулов)
III. МУАЛЛИФЛИК ҲУҚУҚИ ВА ТУРДОШ ҲУҚУҚЛАР
СОҲАСИДА ҚОНУНИЙЛИКНИ ТАЪМИНЛАШ
11.
Муаллифлик ҳуқуқи ва турдош ҳуқуқлар тўғрисидаги амалдаги қонун ҳужжатларининг эфир ёки кабель орқали кўрсатув ёхуд эшиттириш берувчи ташкилотлардаги ижросини ўрганиш.
Ўрганиш якунлари ва хорижий илғор тажриба асосида маълумотнома тайёрлаш, унда халқаро конвенциялар ва миллий қонун ҳужжатлари ижросини ҳам инобатга олиш.
Ташкилий чора-тадбирлар
Ахборот-таҳлилий маълумотнома
Мунтазам
равишда
2021 йил
1 июль
Бош прокуратура (Н. Йўлдошев), Ахборот ва оммавий коммуникациялар агентлиги (А. Ходжаев), Адлия вазирлиги (Р. Давлетов), тегишли вазирлик ва идоралар
12.
Муаллифларнинг шахсий номулкий ва мулкий ҳуқуқларини тўлақонли ҳимоя қилиш мақсадида муаллифлик ҳуқуқи ва турдош ҳуқуқларининг Интернетдаги ҳимоясини тўлиқ таъминлаш механизмини ишлаб чиқиш.
Ташкилий чора-тадбирлар
2021 йил
10 май
Ахборот ва оммавий коммуникациялар агентлиги (А. Ходжаев), "Ўзкомназорат" (Ғ. Зияев), Интеллектуал мулк агентлиги (Т. Абдусаттаров)
IV. ИНТЕЛЛЕКТУАЛ МУЛК СОҲАСИДАГИ ҚОНУНИЙЛИКНИ
ТАЪМИНЛАШДА ИДОРАЛАРАРО ҲАМКОРЛИКНИ ТАЪМИНЛАШ
13.
Тадбиркорлик субъектларининг товар келиб чиққан жой номи (географик кўрсаткич) бевосита акс эттирилган маҳсулотни халқаро электрон савдо платформалари орқали экспорт қилгандаги сарф-харажатлари бўйича компенсациялар бериш масаласини таҳлилий ўрганиш.
Ахборот-таҳлилий маълумотнома
2021 йил
15 июль
Интеллектуал мулк агентлиги (Т. Абдусаттаров), Инвестициялар ва ташқи савдо вазирлиги (А. Воитов), Экспортни рағбатлантириш агентлиги (У. Мурадов), Савдо-саноат палатаси (А. Икрамов), Ахборот технологиялари ва коммуникацияларини ривожлантириш вазирлиги (Ш. Садиков)
14.
Интеллектуал мулк объектларини ҳуқуқий муҳофаза қилиш бўйича идоралараро ҳамкорлик механизмини ишлаб чиқиш ва амалиётга жорий қилиш.
Ўзбекистон Республикаси Президенти қарори лойиҳаси
2021 йил
1 август
Интеллектуал мулк агентлиги (Т. Абдусаттаров), Давлат солиққўмитаси (Ш. Кудбиев), Давлат божхона қўмитаси (М. Азимов), Монополияга қарши курашиш қўмитаси (Н. Шарипов), Иқтисодий жиноятларга қарши курашиш департаменти (Д. Рахимов), Ахборот ва оммавий коммуникациялар агентлиги (А. Ходжаев), "Ўзкомназорат" (Ғ. Зияев)
15.
Интеллектуал мулк объектларига бўлган ҳуқуқларни ҳимоя қилишда божхона органларига ўз ташаббусига кўра интеллектуал мулк объектларига бўлган ҳуқуқларнинг бузилганлик белгилари мавжуд бўлган товарларни чиқариб юборишни тўхтатиб туриш ваколатини бериш бўйича амалдаги божхона қонунчилигига "ex officio" талабини киритиш масаласини таҳлилий ўрганиш.
Ахборот-таҳлилий маълумотнома
2021 йил
1 март
Давлат божхона қўмитаси (М. Азимов), Интеллектуал мулк агентлиги (Т. Абдусаттаров)
Давлат божхона қўмитаси ходимларининг интеллектуал мулк соҳасидаги малакасини оширишни ташкил этиш.
Ташкилий чора-тадбирлар
Мунтазам
равишда
16.
Тажриба тариқасида Фарғона вилоятидаги ишлаб чиқариш корхоналарида ҳамда республика тўқимачилик кластерларида қўлланилаётган технологияларда муҳофазаланган интеллектуал мулк объектларини хатловдан ўтказилишини ташкил этиш.
Тажриба доирасида амалга оширилган ишлар мониторингини олиб бориш ҳамда тажрибанинг ижобий якунлари бўйича уни кейинчалик доимий асосда жорий этиш юзасидан асослантирилган таклифларни Вазирлар Маҳкамасига киритиш.
Ташкилий чора-тадбирлар
2021 йил
1 май
Иқтисодий тараққиёт ва камбағалликни қисқартириш вазирлиги (И.Норкулов), Давлат активларини бошқариш агентлиги (А. Ортиқов), "Ўзтўқимачиликсаноат" уюшмаси (И. Ҳайдаров)
Ахборот-таҳлилий маълумотнома
2021 йил
1 июль
Интеллектуал мулк агентлиги (Т. Абдусаттаров)
17.
Интеллектуал мулк ҳимояси марказлари, ҳудудий адлия ва солиқ органлари ходимлари учун интеллектуал мулк объектларини ҳимоя қилиш бўйича амалий семинар-тренинглар, вебинарлар ўтказиш.
Интеллектуал мулк соҳасидаги қонун ҳужжатларини қўллаш амалиётини умумлаштириш ва ҳуқуқни қўллаш амалиётининг бир хиллигини таъминлаш мақсадида марказлар ва ҳудудий адлия органлари ходимлари учун муайян соҳаларга (алкоголь, қандолат, парфюмерия маҳсулотлари ишлаб чиқариш каби) тааллуқли услубий қўлланмалар ишлаб чиқиш.
Ташкилий чора-тадбирлар
Услубий
қўлланмалар
Тасдиқланган графикка мувофиқ
2021 йил
давомида
Адлия вазирлиги (Р. Давлетов), Давлат солиққўмитаси (Ш. Кудбиев)
V. ИНТЕЛЛЕКТУАЛ МУЛК СОҲАСИДА АМАЛГА ОШИРИЛАЁТГАН
ИСЛОҲОТЛАРНИ ҚЎЛЛАБ-ҚУВВАТЛАШДА ТАРҒИБОТ-ТАШВИҚОТ
ИШЛАРИНИ ЯНАДА КУЧАЙТИРИШ
18.
Тадбиркорлик субъектлари билан товар белгиларини рўйхатдан ўтказиш, ихтироларни патентлаш, франшиза (брендни хорижга экспорт қилиш) битимларини тузиш, хориж бозорларида миллий товар белгиларини ҳимоя қилиш ва тарғиб қилиш, маҳаллий брендлар ҳамда давлатнинг имижига брендрейдингнинг салбий жиҳатлари каби масалалар юзасидан конференциялар ўтказиш.
Ташкилий чора-тадбирлар
Йилда
икки марта
Адлия вазирлиги (Р.Давлетов), Экспортни рағбатлантириш агентлиги (У. Мурадов), Иқтисодий тараққиёт ва камбағалликни қисқартириш вазирлиги (И.Норкулов), Савдо-саноат палатаси (А.Икрамов), хўжалик бошқаруви органлари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
19.
Ҳар йили бир марта республика бўйлаб контрафакт маҳсулотлар реализациясига қарши реал самарали курашишни кўзда тутувчи ҳамда тарғибот-ташвиқот руҳи билан суғорилган "Контрафактсиз ой" ойлигини ўтказиш.
Ташкилий чора-тадбирлар
Ҳар йили
15 февраль -
15 март
Адлия вазирлиги (Р. Давлетов), Давлат солиққўмитаси (Ш. Кудбиев), Давлат божхона қўмитаси (М. Азимов), тегишли вазирлик ва идоралар
20.
"Контрафактсиз ҳудуд" шиори остида интеллектуал мулк объектлари ҳуқуқлари бўйича ҳаракатни кенгайтириш ва тарғибот-ташвиқот ишларини жадаллаштириш.
Ташкилий чора-тадбирлар
Тасдиқланган
графикка
мувофиқ
Адлия вазирлиги (Р. Давлетов), МТРК (А. Хаджаев), Давлат солиққўмитаси (Ш. Кудбиев), Ахборот ва оммавий коммуникациялар агентлиги (А. Ходжаев)
21.
Контрафакт маҳсулотлар реализацияси оқибатида истеъмолчиларга етказиладиган зарар, хусусан уларнинг инсон саломатлигига бўлган салбий таъсири тўғрисида тўлиқ ва батафсил ахборот берилишини таъминлаш.
Ташкилий чора-тадбирлар
Мунтазам
равишда
Рақобатни ривожлантириш ва истеъмолчилар ҳуқуқларини ҳимоя қилиш қўмитаси (Ш.Шарахметов), МТРК (А. Хаджаев), Соғлиқни сақлаш вазирлиги (А. Хаджибаев), Ахборот ва оммавий коммуникациялар агентлиги (А. Ходжаев)
бўйича 2021-2023 йилларга мўлжалланган амалий ишлар
ДАСТУРИ
Т/р
Чора-тадбирлар номи
Ижро механизми
Масъул ижрочилар
Бажариш
муддати
I. ИЛМИЙ ИШЛАНМАЛАРНИ ЯРАТИШ, ЖОРИЙ ҚИЛИШ
ВА ТЕХНОЛОГИЯ ТРАНСФЕРИНИ РИВОЖЛАНТИРИШ
1.
Олий таълим муассасалари (ОТМ), илмий ташкилотлар ва ишлаб чиқарувчилар ўртасида узвий ҳамкорликни йўлга қўйиш.
ОТМлар ва илмий ташкилотлар ҳамда тадбиркорлик субъектлари, саноат корхоналари ўртасида технологик платформани (коммуникацион майдон) яратиш мақсадида соҳалар бўйича интеллектуал мулк объектлари ва янги технологиялар ярмаркаларини ташкил этиш.
Инновацион ривожланиш вазирлиги (И. Абдурахмонов), Фанлар академияси (Б. Юлдашев), Олий ва ўрта махсус таълим вазирлиги (А. Тошқулов), Адлия вазирлиги (Р. Давлетов), Иқтисодий тараққиёт ва камбағалликни қисқартириш вазирлиги (И. Норқулов), манфаатдор вазирлик ва идоралар
2021-2023
йилларнинг
I, III чораклари
2.
Илмий лабораториялар томонидан хорижий муассаса ва компаниялар билан ҳамкорлик асосида тадқиқотлар ўтказиш, илмий ишланмалар ва ихтиролар қилиш ҳамда уларни жорий қилиш ишларини фаоллаштириш.
1. Илмий ташкилотлар, марказлар, лабораториялар томонидан ўз йўналишлари бўйича хорижий илмий ва илмий-тадқиқот ташкилотлари ёки юқори технологияларга асосланган компанияларда долзарб муаммоларни ўрганиш ва ҳамкорлик асосида илмий-тадқиқот ва тажриба конструкторлик ишларини (R&D) ривожлантириш, ихтиролар қилиш ва жорий этиш ишларида фаолликни йўлга қўйиш бўйича амалий чора-тадбирлар режасини ишлаб чиқиш ва амалга ошириш.
Фанлар академияси (Б. Юлдашев), Инновацион ривожланиш вазирлиги (И. Абдурахмонов), Олий ва ўрта махсус таълим вазирлиги (А. Тошқулов), тизимида илмий ташкилотлари бўлган вазирлик ва идоралар
2021 йил
II чорак
2. Ҳар бир муассаса томонидан хорижий илмий ва илмий-тадқиқот ташкилотлари ёки юқори технологияларга асосланган компаниялар билан долзарб муаммоларни ўрганиб, ҳамкорлик асосида илмий-тадқиқот ва тажриба конструкторлик ишларини амалга ошириш, ихтироларни яратиш, патентлаш ва жорий этиш ишларини амалга оширишни йўлга қўйиш.
2021 йил
III чорак
3.
Республика ва халқаро миқёсда бўлиб ўтадиган инновацион ишланмалар ва ғояларга бағишланган тадбирларда Геология фанлари университети ҳамда илмий-тадқиқот институтларининг иштирокини тизимли йўлга қўйиш ҳамда янги ишланмаларнинг патентлаш ва жорий этилишини таъминлаш.
1. Илмий-тадқиқот институтларининг йиллик қўлга киритаётган натижалари, ишланмаларини доимий равишда геология қидирув ишлари амалиётида синовдан ўтказиш ҳамда инновацион ишланмалар ва ғояларга бағишланган тадбирларда муҳокамадан ўтказиш.
2. Синовдан самарали ўтган ишланмаларга патент олиш бўйича чора-тадбирларни амалга ошириш.
3. Инновацион ишланмалар ва ғояларни амалиётга жорий этилишини амалга ошириш.
Давлат геология қўмитаси(Б. Исламов), илмий-тадқиқот институтлари
Доимий
равишда
4.
Илмий-тадқиқот институтларида геология соҳасида муддатлари якунланган, долзарб аҳамиятга эга бўлган ишланмалари патентларининг амал қилиш муддатларини узайтириш чораларини кўриш.
1. 4 та илмий тадқиқот институтларида мавжуд патентларнинг долзарблиги бўйича рўйхатини шакллантириш.
2. Долзарб аҳамиятга эга бўлган ишланмалар учун олинган патентлар (агар муддати якунланган бўлса) муддатлари узайтирилишини амалга ошириш.
Давлат геология қўмитаси (Б. Исламов), илмий-тадқиқот институтлари
Доимий
равишда
II. ИЛМ-ФАН ТИЗИМИДА ИНТЕЛЛЕКТУАЛ МУЛК
ВА УНИНГ МУҲОФАЗАСИНИ ТАКОМИЛЛАШТИРИШ
5.
ОТМ ва илмий тадқиқот институтларининг интеллектуал мулк соҳасидаги сиёсатини ишлаб чиқиш.
1. Бутунжаҳон интеллектуал мулк ташкилотининг (БИМТ) академик ва илмий-техникавий муассасалар учун интеллектуал мулк соҳасидаги сиёсати бўйича Намунавий низомини ОТМлар билан муҳокама қилиш.
Олий ва ўрта махсус таълим вазирлиги (А. Тошқулов), Инновацион ривожланиш вазирлиги (И. Абдурахмонов), Фанлар академияси (Б. Юлдашев), Интеллектуал мулк агентлиги (Т. Абдусаттаров), олий таълим ва илмий-тадқиқот муассасалари
2021 йил
I чорак
2. Намунавий низом бўйича ОТМлар ва илмий-техникавий муассасаларнинг интеллектуал мулк соҳасидаги сиёсати лойиҳаларини ишлаб чиқишга кўмаклашиш.
2021 йил
II чорак
6.
ОТМлар ва илмий-тадқиқот институтлари учун интеллектуал мулк муҳофазаси бўйича консалтинг хизматларини кенгайтириш.
1. "Интеллектуал мулк консультатив маркази" ДУК ва республика минтақаларидаги Технологиялар ва инновацияларни қўллаб-қувватлаш марказлари (ТИҚҚМ) ёрдамида интеллектуал мулк муҳофазаси бўйича консалтинг хизматларини кенг ёйиш.
Адлия вазирлиги (Р. Давлетов), Олий ва ўрта махсус таълим вазирлиги (А. Тошқулов), Инновацион ривожланиш вазирлиги (И. Абдурахмонов), олий таълим ва илмий-тадқиқот муассасалари
2021 йил
IV чорак
2. ОТМлар ва илмий-техникавий муассасалар томонидан яратилаётган интеллектуал мулк объектларини ҳуқуқий муҳофаза қилиш бўйича ОТМлар ва илмий-тадқиқот институтлари билан ҳамкорликда илмий-амалий анжуманлар ташкил этиш.
Доимий
равишда
7.
Ҳуқуқни қўлловчи органлар ходимларининг интеллектуал мулк соҳаси бўйича билим ва малакаларини ошириш.
Ҳуқуқни қўлловчи органлар, жумладан божхона органлари ходимларининг интеллектуал мулк соҳасидаги билим ва малакаларини оширишга қаратилган қисқа муддатли ўқув курсларини ташкил этиш.
Адлия вазирлиги (Р. Давлетов), Давлат божхона қўмитаси (М. Азимов), Давлат солиққўмитаси (Ш. Кудбиев), манфаатдор вазирлик ва идоралар
2021-2023
йилларнинг
II, IV
чораклари
8.
Интеллектуал мулк муҳофазаси соҳасида патентшунос кадрларни ва патент вакилларини тайёрлаш тизимини йўлга қўйиш.
Олий таълим тизимида "Патентшунослик" (бакалавр) йўналишини ташкил этиш ҳамда Интеллектуал мулк агентлиги, Фанлар академияси, ОТМ ва ишлаб чиқариш корхоналари учун бугунги кунда ўта зарур бўлган интеллектуал мулк соҳасидаги кадрларни тайёрлашни йўлга қўйиш.
Бунда, БИМТ Академияси ва соҳада илғор бўлган хорижий давлатларнинг патентшунослар ҳамда патент вакилларини тайёрлаш бўйича тажрибаси ва ўқув дастурларини инобатга олиш.
Олий ва ўрта махсус таълим вазирлиги (А. Тошқулов), Адлия вазирлиги (Р. Давлетов), манфаатдор вазирлик ва идоралар
2021-2022
ўқув йилидан
бошлаб
9.
Илмий ва олий таълим ташкилотларининг маркетинг хизмати фаолиятини қайта ташкил этиш.
Масъул вазирлик ва идоралар ҳамда тармоқ олий таълим ва илмий-тадқиқот ташкилотлари томонидан ҳар бир муассасанинг маркетинг хизмати фаолиятини ва кадрлар масаласини танқидий кўриб чиқиб, натижаси бўйича Вазирлар Маҳкамасига маълумот киритиш.
Фанлар академияси (Б. Юлдашев), Олий ва ўрта махсус таълим вазирлиги (А. Тошқулов), тизимида илмий ташкилотлари бўлган вазирлик ва идоралар
бир ой
муддатда
10.
Ихтироларни хорижда патентлаш бўйича соҳага оид кадрлар учун давлат тилида тегишли қўлланма ва ахборот материалларини ишлаб чиқиш.
Хорижда патентлаш, жумладан халқаро Патент кооперацияси тўғрисидаги шартнома (Patent Cooperation Treaty - PCT) асосидаги тизим бўйича ихтироларни патентлаш, талабномаларни тузиш, PCT тизимда онлайн тарзда талабномаларни топшириш, иш юритишни ташкил этиш бўйича қўлланмалар ва патентлаш жараёнини босқичма-босқич тушунтириб берувчи ахборот материалларини тайёрлаш.
Адлия вазирлиги (Р. Давлетов), Инновацион ривожланиш вазирлиги (И. Абдурахмонов)
2021-2022
йиллар
III. ИНТЕЛЛЕКТУАЛ ВА ИННОВАЦИОН ФАОЛИЯТНИ РАҒБАТЛАНТИРИШ
11.
Интеллектуал мулк объектлари яратиш ва тижоратлаштириш соҳасига венчур фондларини кенг жалб қилиш.
Патент эгаларини венчур фондлар билан боғлашнинг замонавий ва янги механизмларини ўрганиш ҳамда жорий қилиш бўйича амалий чора-тадбирларни амалга ошириш.
Олий таълим муассасалари ва тармоқ тадқиқот институтларида яратиладиган илмий ишланмаларни патентлаш ва тижоратлаштириш ишларининг самарадорлигини ошириш.
1. Рақобатбардош ишланмалар сонини ошириш ва ишланмалар сифатини яхшилаш учун ишлаб чиқаришга жорий этилган интеллектуал мулк объектларининг муаллифларини рағбатлантириш тизимини жорий этиш.
Олий ва ўртамахсус таълим вазирлиги (А. Тошқулов), Фанлар академияси (Б. Юлдашев), тизимида илмий ташкилотлари бўлган вазирлик ва идоралар, Инновацион ривожланиш вазирлиги (И. Абдурахмонов)
2022 йил
II чорак
2. Жаҳон интеллектуал мулк бозорида (Intellectual property market) рақобатлашиш ва инвестицион жозибадорлик сифатларига эга интеллектуал фаолият натижаларини яратиш бўйича тегишли чора-тадбирлар ишлаб чиқиш.
2022 йил
IV чорак
IV. АХБОРОТ-КОММУНИКАЦИЯ ТЕХНОЛОГИЯЛАРИНИ РИВОЖЛАНТИРИШ
13.
Электрон шаклдаги ўқув материаллар базасини яратиш.
Интеллектуал мулк объектлари ва уларнинг ҳуқуқий муҳофазаси акс эттирилган ўқув-видео материаллар базасини яратиш ва бундай материаллар базасини мунтазам ошириб бориш.
Интеллектуал мулк агентлиги (Т. Абдусаттаров), Олий ва ўрта махсус таълим вазирлиги (А. Тошқулов), Ахборот технологиялари ва коммуникацияларини ривожлантириш вазирлиги (Ш. Садиков)
2021 йил
давомида
14.
Бутунжаҳон интеллектуал мулк ташкилотининг (БИМТ) масофавий ўқитиш тизими асосида Интеллектуал мулк агентлиги веб-саҳифасида масофавий ўқитиш тизимини жорий этиш.
1. БИМТнинг масофавий ўқитиш тизими (WIPO Distance Learning) материалларини БИМТ розилиги асосида ўзбек тилига таржима қилиш.
Адлия вазирлиги (Р. Давлетов), Ахборот технологиялари ва коммуникацияларини ривожлантириш вазирлиги (Ш. Садиков)
Ҳудудларда соҳавий "фан - таълим - ишлаб чиқариш" интеграциялашувини ихтирочилар, инноваторлар, бизнес-жамоалар, таълим ва илм ёшларига махсус ахборотлар базаси, бошқа ахборот ресурслардан фойдаланишни ўргатувчи конференциялар, таълим семинарлари, тренинг ва давра суҳбатларини ўтказиш хизматларини кўрсатувчи ахборот майдончалари яратилишида ТИҚҚМлар ролини ошириш.
1. Махсус ахборотлар базаси, бошқа ахборот ресурслардан фойдаланишни ўргатувчи конференциялар, таълим семинарлари, тренинг ва давра суҳбатларини ўтказиш режа-графигини ишлаб чиқиш.
Адлия вазирлиги (Р. Давлетов), Инновацион ривожланиш вазирлиги (И. Абдурахмонов), Фанлар академияси (Б. Юлдашев), Олий ва ўрта махсус таълим вазирлиги (А. Тошқулов)
2021 йил
II чорак
2. Хизматларни кўрсатувчи ахборот майдончаларини ТИҚҚМларда ташкил этиш, ягона ТИҚҚМ ахборот порталини яратиш.
2022 йил
I чорак
3. Амалга оширилган ишлар бўйича матбуотда доимий равишда маълумотлар ва тушунтириш бериб бориш.
Қишлоқ хўжалиги вазирлиги (Ж. Ходжаев), Адлия вазирлиги (Р. Давлетов), манфаатдор вазирлик ва идоралар
Ҳар йилнинг
III чораги
2. Ихтиро, фойдали модель, саноат намунаси, селекция ютуқлари учун патент олишга кўмаклашиш мақсадида бепул консалтинг хизматларини жорий этиш.
2021 йил
II чорак
17.
Ҳудудларда мавжуд географик кўрсаткичларни ривожлантириш.
1. Ҳудудларда мавжуд истиқболли географик кўрсаткичларни аниқлаш.
Қишлоқ хўжалиги вазирлиги (Ж. Ходжаев), Адлия вазирлиги (Р. Давлетов), Савдо-саноат палатаси (А. Икрамов), манфаатдор вазирлик ва идоралар
2022 йил
I чорак
2. Истиқболли географик кўрсаткичлар ярмаркаларини ташкил этиш.
2022 йил
II чорак
3. Географик кўрсаткичларнинг муҳофаза белгиларини ишлаб чиқиш.
2022 йил
III чорак
4. Истиқболли географик кўрсаткичларни ишлаб чиқарувчилар билан жойларда учрашувлар ташкил этиш, маҳсулот спецификациясини ишлаб чиқишга кўмаклашиш.
2023 йил
I чоракдан
бошлаб
VI. МАМЛАКАТДА ИННОВАЦИОН ТАФАККУР
ВА ЯРАТУВЧАНЛИК МУҲИТИНИ ШАКЛЛАНТИРИШ
18.
Илмий-тадқиқотлар самарадорлигини ошириш ва яратувчанликни рағбатлантириш мақсадида ташкил этилган ТИҚҚМ фаолиятини кучайтириш.
1. Республикадаги ТИҚҚМлар фаолияти самарадорлигининг доимий мониторингини олиб бориш учун ишчи гуруҳи тузиш.
Интеллектуал мулк агентлиги (Т. Абдусаттаров), Инновацион ривожланиш вазирлиги (И. Абдурахмонов), Иқтисодий тараққиёт ва камбағалликни қисқартириш вазирлиги (И. Норқулов), Фанлар академияси (Б. Юлдашев), Олий ва ўрта махсус таълим вазирлиги (А. Тошқулов)
2021 йил
I чорак
2. Ишчи гуруҳ томонидан ҳар чорак якуни бўйича мониторинг натижаларига кўра таклифларни ишлаб чиқиш ҳамда Адлия вазирлигига киритиб бориш.
2021 йил
II чорак
3. Адлия вазирлиги томонидан ТИҚҚМлар фаолиятини такомиллаштириш бўйича таклифларни Вазирлар Маҳкамасига киритиш.
2021 йил
IV чорак
19.
ТИҚҚМ орқали фойдаланувчиларга кўрсатиладиган тўловсиз ва тўловли хизматлар кўрсатишни такомиллаштириш.
1. ТИҚҚМ орқали фойдаланувчиларга кўрсатиладиган тўловсиз ва тўловли, асосий ва қўшимча хизматларни таҳлил қилиш.
Адлия вазирлиги (Р. Давлетов), Инновацион ривожланиш вазирлиги (И. Абдурахмонов),
Иқтисодий тараққиёт ва камбағалликни қисқартириш вазирлиги (И. Норқулов), бошқа манфаатдор вазирлик ва идоралар
2022 йил
I чорак
2. ТИҚҚМ орқали кўрсатиладиган хизматлар рўйхатини шакллантириш ва тизимлаштириш.
2022 йил
II чорак
20.
Интеллектуал мулк объектларининг лицензион шартномалар асосида Интеллектуал мулк агентлигида рўйхатдан ўтказилиши ва тижоратлаштирилишини рағбатлантириш билан жадаллаштириш.
1. Тузилган лицензион шартномаларни ва уларнинг ишлаш ҳолатини таҳлил қилиш.
Интеллектуал мулк агентлиги (Т. Абдусаттаров), Инновацион ривожланиш вазирлиги (И. Абдурахмонов), бошқа манфаатдор вазирлик ва идоралар
учинчи хатбошисидаги "билимларга ҳамда малака имтиҳони натижалари билан тасдиқланган тегишли кўникмаларга ва амалий қўлланиш тажрибасига" деган сўзлар "малака имтиҳони натижалари билан тасдиқланган билимларга" деган сўзлар билан алмаштирилсин;
б) 6-банд "ва расмий веб-сайтида жойлаштиради" деган сўзлар билан тўлдирилсин;
в) 7-банддаги "Агентлик белгилайдиган" деган сўзлар "Ўзбекистон Республикаси Адлия вазирлиги белгилайдиган" деган сўзлар билан алмаштирилсин;
"10. Номзод Агентликка ўзини патент вакили сифатида аттестациядан ўтказиш тўғрисида ариза беради. Аризага олий маълумот тўғрисидаги диплом нусхаси, Ўзбекистон Республикаси ҳудудида доимий яшаш жойи бўйича рўйхатга олинганлик тўғрисидаги белги мавжуд бўлган Ўзбекистон Республикасининг фуқаролик паспорти нусхаси, аттестациядан ўтказиш учун белгиланган тўлов тўланганлиги ҳақидаги ҳужжат, шунингдек, номзоднинг истагига кўра унинг касб билимлари даражасини тавсифловчи бошқа ҳужжатлар илова қилинади";
"Номзод ёки патент вакилини малака имтиҳонига қўйиш қуйидаги ҳолларда рад этилади:
ушбу Низомнинг 3-банди, 4-бандининг иккинчи хатбошиси, 5-банди ва 10-бандининг учинчи хатбошиси (патент вакили учун)да белгиланган талабларга риоя қилинмаганда;
"13. Малака комиссияси номзод ёки патент вакилини аттестациядан ўтказишни қуйидаги ҳолларда рад этади:
ушбу Низомнинг 4-банди учинчи хатбошисида назарда тутилган талабларга номувофиқ бўлганда;
малака имтиҳонига қўйиш рад этилганда.
Ушбу банднинг иккинчи хатбошиси асосида аттестациядан ўтказиш рад этилган номзод ёки патент вакили камида олти ойдан кейин такрорий аттестацияга қўйилиши мумкин";
з) 15-банддаги "унинг аттестациядан ўтганлиги тўғрисида қарор қабул қилинган" деган сўзлар "уни рўйхатдан ўтказиш тўғрисидаги ариза берилган" деган сўзлар билан алмаштирилсин;
"16. Агентлик реестрда рўйхатдан ўтказилган санадан бошлаб ўн кун мобайнида патент вакилига рўйхатдан ўтганлик тўғрисида гувоҳнома беради ва рўйхатдан ўтказиш маълумотларини Агентликнинг расмий ахборотномасида эълон қилади. Кўрсатилган маълумотлар реестрда рўйхатдан ўтказилган кунда Агентликнинг расмий веб-сайтида жойлаштирилади. Гувоҳнома шакли ва эълон қилинадиган маълумотлар таркиби Ўзбекистон Республикаси Адлия вазирлиги томонидан белгиланади";
к) 24-бандқуйидаги мазмундаги жумла билан тўлдирилсин:
"Кўрсатилган ахборот реестрдан чиқарилган кунда Агентликнинг расмий веб-сайтида жойлаштирилади";
л) 25-банддаги "амалга оширилиши мумкин" деган сўзлар "амалга оширилади" деган сўзлар билан алмаштирилсин;
м) 29-банддаги "Агентлик белгилайдиган" деган сўзлар "Ўзбекистон Республикаси Адлия вазирлиги белгилайдиган" деган сўзлар билан алмаштирилсин.
3. Вазирлар Маҳкамасининг 2019 йил 25 декабрдаги 1033-сон қарори билан тасдиқланган Ўзбекистон Республикаси Адлия вазирлиги ҳузуридаги Интеллектуал мулк агентлигининг бюджетдан ташқари жамғармаси маблағларидан фойдаланиш тартиби тўғрисида низомнинг 11-бандидан "Ўзбекистон Республикаси адлия вазирининг ўринбосари -" сўзлари чиқариб ташлансин.
Қонун ҳужжатлари маълумотлари миллий базаси (www.lex.uz),
78-150-11-72 
Мобильная версия сайта