Ўзбекистон Республикаси Президентининг 21.12.2015 й. ПҚ-2452-сон "Халқаро шартномани тасдиқлаш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

21.12.2015 й.

N ПҚ-2452

ХАЛҚАРО ШАРТНОМАНИ

ТАСДИҚЛАШ ТЎҒРИСИДА

1. 2015 йил 10 июль куни Уфа шаҳрида Шанхай ҳамкорлик ташкилотига аъзо давлатлар раҳбарларининг Кенгаши йиғилишида имзоланган чегара масалалари бўйича Шанхай ҳамкорлик ташкилотига аъзо давлатларнинг ҳамкорлиги ва баҳамжиҳат ҳаракат қилиши тўғрисидаги битим тасдиқлансин.

2. Ўзбекистон Республикаси Ташқи ишлар вазирлиги мазкур халқаро шартнома кучга кириши учун Ўзбекистон Республикаси томонидан зарур бўлган давлат ички тартиб-таомиллари бажарилганлиги ҳақидаги тегишли билдиришномани депозитарийга юборсин.

3. Ўзбекистон Республикаси Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга кирганидан кейин Ўзбекистон Республикасининг мажбуриятлари бажарилиши устидан белгиланган тартибда назоратни таъминласин.

4. Мазкур қарорнинг ижросини назорат қилиш Ўзбекистон Республикасининг Бош вазири Ш.М. Мирзиёев ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.

Ўзбекистон Республикаси Президенти                                            И. Каримов

Қонун ҳужжатлари маълумотлари миллий базаси (www.lex.uz)