Ўзбекистон Республикаси Вазирлар Маҳкамасининг 22.02.2021 й. 88-сон "Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

22.02.2021 й.

N 88

ЎЗБЕКИСТОН РЕСПУБЛИКАСИ

ҲУКУМАТИНИНГ АЙРИМ ҚАРОРЛАРИГА

ЎЗГАРТИРИШ ВА ҚЎШИМЧАЛАР

КИРИТИШ ТЎҒРИСИДА

(Ўзбекистон Республикаси Президентининг

"Маиший ва қурилиш чиқиндилари билан боғлиқ

ишларни бошқариш тизимини янада такомиллаштириш

чора-тадбирлари тўғрисида" 2020 йил 29 сентябрдаги

ПҚ-4845-сон қарори)

Ўзбекистон Республикаси Президентининг "Маиший ва қурилиш чиқиндилари билан боғлиқ ишларни бошқариш тизимини янада такомиллаштириш чора-тадбирлари тўғрисида" 2020 йил 29 сентябрдаги ПҚ-4845-сон қарори ижросини таъминлаш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов зиммасига юклансин.

Ўзбекистон Республикасининг Бош вазири                                         A. Арипов

Вазирлар Маҳкамасининг

2021 йил 22 февралдаги

88-сон қарорига

ИЛОВА

Ўзбекистон Республикаси Ҳукуматининг

айрим қарорларига киритилаётган

ўзгартириш ва қўшимчалар

1. Вазирлар Маҳкамасининг 2018 йил 25 сентябрдаги 765-сон қарори билан тасдиқланган Маиший чиқиндиларни тўплаш ва олиб чиқиш бўйича хизматлар кўрсатишни ташкил этиш учун ҳудудларни тадбиркорлик субъектларига бириктириш тартиби тўғрисидаги низомда:

а) 1-банддан "давлат-хусусий шериклик асосида" сўзлари чиқариб ташлансин;

б) 36-банднинг бешинчи хатбошисидан, 37-банднинг биринчи-учинчи хатбошиларидан, 38-банднинг биринчи ва учинчи хатбошиларидан, 39-банднинг биринчи ва иккинчи хатбошиларидан, 41-банд "а" кичик банднинг иккинчи хатбошисидан, 43 ва 45-бандлардаги "давлат-хусусий шериклик тўғрисидаги битим ёки" сўзлари чиқариб ташлансин;

в) 1-илованинг 5 ва 6-босқичлари "Тадбирлар" устунидан "давлат-хусусий шериклик тўғрисидаги битим ёки" сўзлари чиқариб ташлансин;

г) 8-илованинг номидан ва матнидан "давлат-хусусий шериклик тўғрисидаги битим ёки" сўзлари чиқариб ташлансин.

2. Вазирлар Маҳкамасининг 2018 йил 2 октябрдаги 787-сон қарори билан тасдиқланган Санитария жиҳатидан тозалаш инфратузилмаси объектларини жойлаштириш ва улардан фойдаланиш ҳамда маиший чиқиндилар билан боғлиқ ишларни амалга ошириш қоидаларида:

а) 2-бандда:

тўққизинчи хатбошига "маиший хўжаликда" сўзларидан кейин "ва иқтисодиёт тармоқларида" сўзлари қўшилсин;

қуйидаги таҳрирдаги ўнинчи ва ўн биринчи хатбошилар қўшилсин:

"иккиламчи хомашё - иқтисодиёт тармоқларида фойдаланиш учун техник имконият ва иқтисодий мақсадга мувофиқлиги мавжуд бўлган иккиламчи моддий ресурслар;

иккиламчи хомашёни тайёрлаш - иккиламчи моддий ресурсларни сотиб олиш ёки бепул қабул қилиш, шунингдек, қаттиқ маиший чиқиндиларни саралаш";

ўнинчи хатбоши ўн иккинчи хатбоши деб ҳисоблансин.

б) қуйидаги мазмундаги 15-1-боб қўшилсин:

"15-1-боб. Иккиламчи хомашёни қабул қилиш шохобчаларини

ташкил этиш ва улардан фойдаланиш, шунингдек, иккиламчи

хомашёни тайёрлашга доир асосий талаблар

1-§. Иккиламчи хомашёни қабул қилиш шохобчаларини

ташкил этиш ва улардан фойдаланиш

47-1. Иккиламчи хомашёни қабул қилиш шохобчаларини (кейинги ўринларда - қабул қилиш шохобчалари) ташкил этиш алоҳида қурилган биноларда ёки нотурар жой биноларининг алоҳида хоналарида, шунингдек, кўчма (мобиль) воситаларда амалга оширилиши мумкин.

Алоҳида қуриладиган бинолардаги қабул қилиш шохобчаларини жойлаштириш аҳоли пунктларининг бош режаларига ва бошқа шаҳарсозлик ҳужжатларига мувофиқ амалга оширилади. Шаҳарсозлик ҳужжатлари мавжуд бўлмаганда Қорақалпоғистон Республикаси Қурилиш вазирлиги, вилоятлар ва Тошкент шаҳар қурилиш бош бошқармалари ҳузуридаги ҳудудий архитектура-шаҳарсозлик кенгашларининг розилиги олиниши зарур.

Аҳоли гавжумроқ жойларда ҳудудлардан фойдаланиш интенсивлигига боғлиқ равишда, шунингдек, чиқинди тўплаш шохобчаларида иккиламчи хомашёни тўплаш ва тайёрлаш учун вақтинчалик иншоотлар ташкил этилиши мумкин.

Нотурар жой биноларида жойлаштириладиган қабул қилиш шохобчалари иккиламчи хомашёни қабул қилиш ва олиб чиқиб кетиш учун алоҳида кириш/чиқиш йўли мавжуд бўлган зарур хоналарга эга бўлиши лозим.

Қабул қилиш шохобчаларининг бевосита турар жой биноларида ташкил этилишига йўл қўйилмайди.

47-2. Қабул қилиш шохобчаси фаолиятини ташкил этиш учун иккиламчи хомашёни тайёрловчилар атроф муҳитга таъсир кўрсатишнинг техник жиҳатдан тартибга солиш соҳасидаги норматив ҳужжатларга (экологик нормативларга) ва давлат экологик экспертизасининг ижобий хулосасига эга бўлиши лозим.

47-3. Алоҳида қурилган биноларда жойлашган қабул қилиш шохобчаларининг оралиқ масофаси турар жой ва маъмурий бинолардан 20 метрдан кам бўлмаган ва даволаш, мактабгача таълим ташкилотлари ҳамда ўқув муассасалари, озиқ-овқат маҳсулотларини сотиш ҳамда умумий овқатланиш объектлари, шунингдек, дам олиш жойларидан 50 метрдан кам бўлмаган масофани ташкил этиши лозим.

Иккиламчи хомашёни сақлаш омборхоналари ва майдончалари даволаш, мактабгача таълим ташкилотлари ҳамда ўқув муассасаларидан, озиқ-овқат маҳсулотларини сотиш ҳамда умумий овқатланиш объектлари, шунингдек, дам олиш жойларидан 50 метрдан кам бўлмаган узоқликда бўлиши керак.

47-4. Алоҳида қурилган биноларда жойлашган қабул қилиш шохобчалари қуйидагиларга эга бўлиши зарур:

ободонлаштирилган кириш йўллари;

иккиламчи хомашёни қабул қилиш учун алоҳида хона ва (ёки) майдонча;

ҳар хил турдаги иккиламчи хомашёни вақтинчалик сақлаш учун алоҳида-алоҳида бўлинган омборхоналар ва (ёки) майдончалар;

тоза ва ишлатилган (ишчи) кийимларни сақлаш учун шкаф ва дезинфекция воситалари;

табиий ва сунъий (шу жумладан, тунги ташқи) ёритқичлар;

ичимлик сув таъминоти ва канализацияга оқим тизими, санузел, шунингдек, ёмғир сувларини оқизиш канализацияси.

Марказлаштирилган ичимлик сув таъминоти тармоғи мавжуд бўлмаганда, ходимлар қўл ювиши учун қўлювгичлардан фойдаланилади. Марказлашган канализация тармоғи мавжуд бўлмаганда ўралар ўрнатилишига йўл қўйилади.

47-5. Барча турдаги қабул қилиш шохобчаларида:

полнинг юзаси осон тозаланадиган ва дезинфекция қилинадиган қопламага эга бўлиши;

деворлар осон ювиладиган материаллар билан қопланган бўлиши;

хона шамоллатиладиган бўлиши;

контейнерларни ўрнатиш майдончаларининг юзаси асфальтланган ёки бетон қопламали бўлиши керак.

Сув туриб қолишига ва контейнерларнинг сирпаниб кетишига йўл қўймаслик мақсадида майдонча қопламасининг қиялиги ўтиш йўли қисми тарафга 5-10 фоизни ташкил этган ҳолда ва транспорт воситасининг киришига қулай тарзда ўрнатилади.

47-6. Барча турдаги қабул қилиш шохобчалари (шу жумладан, омборхоналар ва майдончалар) ёнғин ҳавфсизлиги талабларига жавоб бериши ва тоза тутилиши керак.

Хоналар ҳар куни намлантириб тозаланиши ва камида бир ҳафтада бир марта - дезинфекция, зарур ҳолларда - дезинфекция ва дератизация қилиниши лозим.

Иккиламчи хомашёни қабул қилиш ва сақлаш контейнерлари ва бошқа идишлар вақти-вақти билан дезинфекция қилиниши ва ювилиб турилиши керак (камида ҳар уч ойда бир марта).

Бунда дезинфекция воситаларини уларни қўллаш бўйича йўриқномаларга мувофиқ ишлатиш, ишлаб чиқарувчининг асл қадоқлаш идишида, алоҳида ажратилган жойларда сақлаш зарур.

Қабул қилиш шохобчасига туташ ҳудуд (5 м радиусда) ҳар куни тозаланиши ва озода сақланиши керак.

47-7. Иккиламчи хомашёни қабул қилиш ва сақлаш учун мўлжалланган контейнерлар ва бошқа идишлар хизмат кўрсатиш (фойдаланиш) муддатининг тугаши, шунингдек, ҳақиқий техник ҳолатига (механик ва бошқа шикастланишларга) кўра янгисига ёки техник жиҳатдан тартибга солиш соҳасидаги норматив ҳужжатлар (санитария қоидалари, нормалари ва гигиена нормативлари) талабларига жавоб берувчи, шикастланмаганларига (таъмирланганларига) алмаштирилиши лозим.

47-8. Турғун қабул қилиш шохобчаларида кўринадиган жойга қуйидаги маълумотлар осиб қўйилиши (жойлаштирилиши) керак:

ташкилотнинг номи ва алоқа боғлаш маълумотлари (шу жумладан, телефон рақами);

иш вақти (иккиламчи хомашёни қабул қилиш);

қабул қилинадиган иккиламчи хомашё турлари ва нархлари.

2-§. Иккиламчи хомашёни тайёрлаш ва ташиш

47-9. Иккиламчи хомашёни тайёрлаш:

қабул қилиш шохобчалари орқали иккиламчи хомашёни сотиб олиш ёки бепул қабул қилиш;

иккиламчи хомашё доимий равишда ҳосил бўладиган объектларни контейнер, чиқинди қутиси, яшик ва бошқа махсус воситалар билан таъминлаш;

қаттиқ маиший чиқиндиларни қайта юклаш станциялари ва полигонларида иккиламчи хомашёни саралаш йўли билан амалга оширилиши мумкин.

Маиший чиқиндилар билан боғлиқ ишларни комплекс амалга ошириш кластерларига хизмат кўрсатиш учун белгиланган тартибда бириктириб берилган ҳудудларда иккиламчи хомашёни (металл парчалари ва чиқиндиларини сотиб олишдан ташқари) қабул қилиш шохобчалари орқали тайёрлаш мазкур кластерлар томонидан амалга оширилади (мазкур ҳудудда қайта ишловчи ташкилотларнинг иккиламчи хомашёни ўзларига тегишли шохобчалар орқали сотиб олиши ёки қабул қилиши бундан мустасно).

47-10. Қаттиқ маиший чиқиндиларни қайта юклаш станциялари ва полигонларида иккиламчи хомашёни тайёрлаш фақат саралаш ускуналаридан фойдаланиш орқали ва барча техника хавфсизлиги талабларига риоя этган ҳолда амалга оширилади.

47-11. Иккиламчи хомашёни тайёрлаш жараёнида фуқаролар саломатлигига ва атроф муҳитга салбий таъсир кўрсатмайдиган замонавий технология ва усуллар қўлланилиши керак.

47-12. Иккиламчи хомашёни тайёрлашда оғир меҳнат талаб қилинадиган технологик жараёнлар механизациялаштирилган бўлиши лозим.

47-13. Иккиламчи хомашёни вақтинча сақлаш омборхоналарда ва (ёки) махсус ажратилган майдончаларда амалга оширилади.

47-14. Тайёрланган макулатура, газлама ва полимер материаллар хомашёси уларни вақтинча сақлаш жойларида турлари бўйича алоҳида прессланган ҳолда сақланиши керак.

Иситиладиган омборларда (хоналарда) сақланганда иккиламчи хомашё иситиш мосламасидан 1 метрдан яқин бўлмаган масофада жойлаштирилади. Бунда иситиш мосламаларининг олди тўсилган бўлиши зарур.

47-15. Қуйидагилар тақиқланади:

а) даволаш-профилактика (инфекция, тери-таносил, онкологик, сил) муассасаларида ва бўлинмаларида (паталого-анатомик, йирингли жарроҳлик ва бошқалар), ветеринария муассасаларида, шунингдек, заҳарли моддалар ишлаб чиқарувчи ва (ёки) улардан фойдаланувчи ташкилотларда иккиламчи хомашёни тайёрлаш;

б) қабул қилиш шохобчасида тиббиёт чиқиндилари хомашёсини тайёрлаш;

в) маиший чиқиндиларни олиб чиқиб кетиш хизматини кўрсатиш жараёнида, шунингдек, маиший чиқиндиларни тўплаш шохобчалари ва саралаш пунктларидан маиший чиқиндилар таркибидаги иккиламчи хомашёни ихтисослашган ташкилотнинг розилигисиз ажратиб олиш ва ўзлаштириш;

г) иккиламчи хомашё вақтинча йиғиладиган ва сақланадиган жойлар яқинида (5 метрдан кам бўлмаган радиусда) очиқ оловдан фойдаланиш ва пайвандлаш ишларини олиб бориш;

д) иккиламчи хомашёни утилизация қилиш ва (ёки) қайта ишлашни ушбу мақсадлар учун мўлжалланмаган ускуна ва жиҳозларда ўзбошимчалик билан амалга ошириш;

е) иккиламчи хомашёни йўловчи ва озиқ-овқат ташишга мўлжалланган транспорт воситалари, шунингдек, ҳайвонларга қўшиб тортиладиган, двигатель билан жиҳозланмаган қурилмаларда ташиш;

ж) иккиламчи хомашёни ташишда уни транспорт воситасининг кузовидан ташқарисига жойлаштириш.

47-16. Иккиламчи хомашёни ташиш фаолияти авария ҳолатини юзага келтириш, фуқаролар саломатлиги ва атроф муҳитга зарар етказиш эҳтимолларини истисно қилувчи усуллар билан, шунингдек, йўл ҳаракати хавфсизлиги қоидаларига риоя этган ҳолда амалга оширилади.

Иккиламчи хомашёни очиқ кузовли транспорт воситаларида ташишда уларнинг усти брезент ёки бошқа материаллар билан ёпиб қўйилиши шарт.

47-17. Иккиламчи хомашёни ташишга мўлжалланган транспорт воситаси қуйидаги талабларга жавоб бериши лозим:

ҳайдовчи кабинаси юк платформасидан муқим ўрнатилган тўсиқ билан ажратилган бўлиши;

кузов тубининг юзаси ва деворлари герметик, бортлардан бири эса очиладиган бўлиши;

транспорт воситасининг барча қисмлари тозалаш ва дезинфекция қилиш учун қулай бўлиши;

кузовнинг ички қисми ювиш ва дезинфекция воситалари таъсирига чидамли материаллар билан қопланган бўлиши;

кузов ташқи қисмининг уч томонида "Иккиламчи хомашё" ёзуви бўлиши.

3-§. Топшириладиган иккиламчи хомашё учун ўзаро

ҳисоб-китоб қилиш ва нақд пул маблағларини сарфлаш

47-18. Иккиламчи хомашёни топширувчилар билан ўзаро ҳисоб-китоблар ҳақиқатда топширилган иккиламчи хомашё миқдори учун:

юридик шахслар билан - нақдсиз шаклда;

жисмоний шахслар билан-нақд шаклда, шунингдек, Ўзбекистон Республикасининг қонун ҳужжатларига мувофиқ тўловнинг бошқа усулларида амалга оширилади.

47-19. Қабул қилинаётган иккиламчи хомашё учун ўзаро ҳисоб-китоб қилинишида иккиламчи хомашёни топширишни рағбатлантирувчи, тайёрловчилар томонидан белгиланадиган эркин (келишилган) нархлар қўлланилади.

47-20. Қабул қилиш шохобчаларида иккиламчи хомашёни қабул қилиш учун тарози ва бошқа зарур ўлчов асбоблар бўлиши шарт.

47-21. Тайёрланадиган иккиламчи хомашё учун ҳисоб-китобларни амалга оширишда зарур бўладиган нақд пул маблағларини олиш мақсадида иккиламчи хомашёни тайёрловчилар хизмат кўрсатувчи тижорат банкига ҳисобланган ҳажмларда иккиламчи хомашё қабул қилишни (сотиб олишни) таъминлайдиган суммага пул чекини топширадилар.

47-22. Иккиламчи хомашёни тайёрловчилар қарамоғидаги қабул қилиш шохобчаларига нақд пул маблағларини ажратишни харажат касса ордери ёки ташкилот раҳбари ва бош бухгалтери томонидан имзоланган тўлов қайдномаси бўйича амалга оширадилар.

47-23. Иккиламчи хомашёни тайёрловчиларнинг таркибий бўлинмалари ҳисобланган қабул қилиш шохобчалари ҳар ойда уларга нақд пул маблағларига талаб ва харажатлар тўғрисида ҳисобот тақдим этадилар.

47-24. Нақд пул маблағларидан бошқа мақсадларда фойдаланишга йўл қўйилмайди. Тайёрланган иккиламчи хомашёни сотиш қонунчиликда белгиланган тартибда, савдо қоидаларига мувофиқ амалга оширилади.

47-25. Пул маблағларининг тушиши, уларни қабул қилиш шохобчаларига тарқатиш, нақд пул маблағларининг сақланиши, нақд пул маблағлари ва иккиламчи хомашё ҳаракати билан боғлиқ бўлган барча операциялар бўйича бирламчи ҳужжатларни тўғри ва ўз вақтида расмийлаштириш учун жавобгарлик ташкилот раҳбари ва бош бухгалтерига юкланади.

4-§. Тайёрланаётган иккиламчи хомашёни ҳисобга олиш

47-26. Иккиламчи хомашёни тайёрловчи ташкилот раҳбарининг буйруғи билан иккиламчи хомашё ҳаракатининг ҳисоби ва назоратини юритиш бўйича масъул шахс тайинланади.

47-27. Юридик шахслардан иккиламчи хомашёни қабул қилишда уч нусхада қабул қилиш-топшириш далолатномаси тузилади, унинг бир нусхаси кейинчалик ҳисобварақ-фактурани расмийлаштириш учун иккиламчи хомашёни топширувчига берилади.

Иккиламчи хомашёнинг миқдори (оғирлиги) ва тавсифи иккиламчи хомашёни тайёрловчи томонидан ҳақиқатда қабул қилиш ҳолати бўйича тузиладиган қабул қилиш-топшириш далолатномаларида қайд қилинади.

47-28. Қабул қилиш-топшириш далолатномасининг қатъий ҳисоботи юритилади ва у ҳар бир варағи белгиланган тартибда рақамланган ва тикилган қабул қилиш-топшириш далолатномаларини ҳисобга олиш дафтарида қайд этилади.

5-§. Иккиламчи хомашёни қабул қилиш (тўплаш) ва тайёрлашда

ходимларнинг шахсий гигиенаси ва хавфсизлигини таъминлаш

47-29. Иккиламчи хомашёни қабул қилиш (тўплаш), саралаш, сақлаш ва ташиш билан шуғулланадиган, шунингдек, транспорт воситалари ва контейнерларга санитар ишлов бериш ишларини амалга оширувчи ходим дастлабки ва даврий тиббий кўриклардан ўтиши (бир йилда камида бир марта) ва қонунчиликда белгиланган тартибда кўп учрайдиган ҳамда ўта ҳавфли инфекцияли касалликларга (сил, гепатит, ўлат, вабо ва бошқалар) қарши профилактик иммунизация (вакцинация) қилиниши лозим.

47-30. Иккиламчи хомашёни қабул қилиш (тўплаш), саралаш, сақлаш ва ташишга қўйилган ходим тегишли махсус кийим ва шахсий гигиена ҳамда ҳимоя воситалари (ниқоб ёки респиратор, қўлқоп, ҳимоя комбинезони, ювиш воситалари ва бошқалар), шунингдек, биринчи тиббий ёрдам воситалари билан бирга дори қутиси билан таъминланиши керак.

Махсус кийим қулай ва ишловчиларни чанг ҳамда бошқа ифлосланишлардан ҳимоя қилиши, осон тозаланадиган ва дезинфекция қилинадиган бўлиши лозим.

47-31. Санитария-эпидемиологик жиҳатидан хавф туғдирувчи иккиламчи хомашё тезкор изоляция қилиниши ва зарарсизлантирилиши керак".

д) 52-банднинг биринчи ва иккинчи хатбошиларидаги "5-боблари" сўзларидан кейин "шунингдек, 15-1-бобнинг 2-параграфи" сўзлари қўшилсин;

е) 53-бандда:

иккинчи хатбошидаги "Тоза ҳудуд" ва "Махсустранс" давлат унитар корхоналарини" сўзларидан кейин "шунингдек, хусусий ихтисослашган ташкилотларни келишув асосида" сўзлари қўшилсин;

қуйидаги таҳрирдаги учинчи-бешинчи хатбошилар қўшилсин:

"Бунда мансабдор шахс, мажбурий кўрсатмани олган шахс (ёки унинг вакили), ихтисослашган ташкилот, фуқароларнинг ўзини ўзи бошқариш органлари ёки хусусий уй-жой мулкдорлари ширкати вакили томонидан имзоланадиган, рухсат этилмаган ва тартибсиз чиқиндихоналарни бартараф этиш ёки ҳудудларни тозалаш, шунингдек, чиқиндихона ҳудудини қайта тиклаш чоралари кўрилганлигини тасдиқловчи далолатнома тузилади.

Мажбурий кўрсатмани олган шахс (ёки унинг вакили) далолатномани имзолашдан бош тортган тақдирда, ушбу далолатномага имзо қўйишдан бош тортганлик сабабларини далолатнома тузилган куннинг ўзида ёзма равишда асослаши керак.

Мажбурий кўрсатмани олган шахс (ёки унинг вакили) келмаган тақдирда, мансабдор шахс, ихтисослашган ташкилот, фуқароларнинг ўзини ўзи бошқариш органи ёки хусусий уй-жой мулкдорлари ширкати вакилининг имзоси етарли ҳисобланади";

учинчи хатбоши олтинчи хатбоши деб ҳисоблансин.

3. Вазирлар Маҳкамасининг "Чиқиндилар билан боғлиқ ишларни амалга ошириш соҳасидаги норматив-ҳуқуқий ҳужжатларни тасдиқлаш тўғрисида" 2019 йил 6 февралдаги 95-сон қарорида (Ўзбекистон Республикаси ҚТ, 2019 й., 2-сон, 15-модда):

а) Қаттиқ ва суюқ маиший чиқиндиларни тўплаш ва олиб чиқиб кетиш бўйича хизматлар кўрсатиш қоидаларида:

5-банд қуйидаги таҳрирда баён қилинсин:

"5. Маиший чиқиндиларни тўплаш ва олиб чиқиб кетиш бўйича хизматлар маҳаллий давлат ҳокимияти органлари томонидан маиший чиқиндиларни тўплаш ва олиб чиқиб кетиш хизматларини кўрсатиш учун туман (шаҳар) ҳудудлари бириктирилган хизмат кўрсатувчи ташкилотлар томонидан амалга оширилади.

Бунда туман (шаҳар)лар ҳудудларини хизмат кўрсатувчи ташкилотларга бириктириб қўйиш:

электрон танлов асосида - тегишли равишда Қорақалпогистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда электрон танлов ғолиби ўртасида ушбу Қоидаларга 3-иловага мувофиқ тузиладиган, Маиший чиқиндиларни тўплаш ва олиб чиқиб кетиш хизматлари кўрсатиш шартномасига;

қонун ҳужжатларида белгиланган тартибда, давлат-хусусий шериклик лойиҳалари доирасида - тегишли равишда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда Ўзбекистон Республикаси Экология ва атроф муҳитни муҳофаза қилиш давлат қўмитасининг (кейинги ўринларда - Давлат экология қўмитаси) ҳудудий органлари билан хусусий шерик ўртасида тузиладиган Маиший чиқиндиларни тўплаш ва олиб чиқиб кетиш хизматлари кўрсатишга давлат-хусусий шериклик тўғрисидаги битимга мувофиқ амалга оширилади.

Маиший чиқиндиларни тўплаш ва олиб чиқиб кетиш бўйича хизматлар кўрсатишни ташкил этиш учун туман (шаҳар) ҳудудларини электрон танлов йўли билан бириктириш тартиби Вазирлар Маҳкамасининг 2018 йил 25 сентябрдаги 765-сон қарори билан тасдиқланган Маиший чиқиндиларни тўплаш ва олиб чиқиш бўйича хизматлар кўрсатишни ташкил этиш учун ҳудудларни тадбиркорлик субъектларига бириктириш тартиби тўғрисидаги низом билан тартибга солинади";

7-банднинг иккинчи хатбошиси қуйидаги таҳрирда баён қилинсин:

"Қаттиқ маиший чиқиндиларни тўплаш ва олиб чиқиб кетиш бўйича хизматлар учун мажбурий тўлов, шунингдек, юридик шахс ва якка тартибдаги тадбиркорларга маиший чиқиндиларни тўплаш ва олиб чиқиб кетиш бўйича кўрсатиладиган хизматлар учун тўлов тарифлари, дастлаб нархларни тартибга солувчи органлар (Қорақалпоғистон Республикаси Молия вазирлиги, вилоятлар ва Тошкент шаҳар ҳокимликлари молия бошқармалари) хулосалари олиниб, кейинчалик тегишлилигича Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари қарорлари билан маъқулланганидан сўнг Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан тасдиқланади, ушбу Қоидаларнинг 8-банди учинчи-бешинчи хатбошиларида назарда тутилган ҳолатлар бундан мустасно";

14-банднинг учинчи хатбошисидаги "Ўзбекистон Республикаси Экология ва атроф муҳитни муҳофаза қилиш давлат қўмитаси (кейинги ўринларда - Давлат экология қўмитаси)" сўзлари "Давлат экология қўмитаси" сўзлари билан алмаштирилсин;

19-банддаги "Хизмат кўрсатувчи" сўзлари "Санитар тозалаш марказлари хизмат кўрсатувчи" сўзлари билан алмаштирилсин;

1-иловада:

1-босқичнинг:

"Жараёнлар" устунидаги "ДХШ тўғрисида битим" сўзларидан кейин "ёки шартнома" сўзлари қўшилсин;

"Ташкилий тадбирлар" устунидаги "а" ва "б" кичик бандлар қуйидаги таҳрирда баён қилинсин:

"а) янги бириктирилаётган ҳудудлар учун "E-IJRO AUKSION" ягона электрон савдо майдончаси орқали электрон танлов ўтказадилар ва электрон танлов ғолиби билан маиший чиқиндиларни тўплаш ва олиб чиқиб кетиш хизматлари кўрсатишга шартнома тузадилар;

б) давлат-хусусий шериклик лойиҳалари доирасида - қонун ҳужжатларига мувофиқ хусусий шерик аниқланган тақдирда, Давлат экология қўмитасининг ҳудудий органлари ва хусусий шерик билан давлат-хусусий шериклик тўғрисида битим тузадилар";

2-илова ўз кучини йўқотган деб ҳисоблансин;

3-иловадаги "учун давлат-хусусий шериклик тўғрисидаги 20___ йил "___" ___________ ________-сон битимига" сўзлари "тўғрисидаги 20___ йил "___" ___________ ________-сон шартномага" сўзлари билан алмаштирилсин";

4-иловадаги 1-5-бандлар қуйидаги таҳрирда баён қилинсин:

"1. Абонентларнинг маиший чиқиндиларни тўплаш ва олиб чиқиб кетиш бўйича кўрсатилган хизматлардан қаноатланганлиги;

S=A/C*100, бунда:

S - 100 та абонентга тўғри келадиган шикоятлар сони;

А - ҳисобот ойи учун шикоятлар сони;

С - абонентлар сони.

Бунда:

агар 3<=S<10 - 10 балл олиб ташланади;

агар 10<=S<20 - 15 балл олиб ташланади;

агар S>=20 - 20 балл олиб ташланади.

2. Қаттиқ маиший чиқиндиларни олиб чиқиб кетиш жадвалларига риоя этилиши;

T=G/F, бунда:

T - тасдиқланган қатновларнинг бир ойда бажарилиш коэффициенти;

G - бир ойда ҳақиқатда амалга оширилган қатновлар сони;

Ғ - бир ойга тасдиқланган қатновлар сони.

Бунда:

агар 0,8<=Т<1 - 10 балл олиб ташланади;

агар 0,75<=Т<0,8 - 15 балл олиб ташланади;

агар Т<0,75 - 20 балл олиб ташланади.

3. Чиқинди тўплаш шохобчаларининг ҳолати*.

P=B/D, бунда:

Р - талабларга жавоб бериши даражаси;

В - талабларга жавоб берадиган чиқинди тўплаш шохобчалари сони;

D - бириктирилган ҳудуддаги чиқинди тўплаш шохобчаларининг умумий сони.

Бунда:

агар 0,9<=Р<1 - 5 балл олиб ташланади;

агар 0,7<=Р<0,9 - 10 балл олиб ташланади;

агар Р<0,7 - 15 балл олиб ташланади.

4. Контейнерларнинг ҳолати*.

K-H/R, бунда:

К - талабларга жавоб бериш даражаси;

Н - талабларга жавоб берадиган контейнерлар сони;

R - бириктирилган ҳудуддаги контейнерларнинг умумий сони.

Бунда:

агар 0,9<=К<1 - 5 балл олиб ташланади;

агар 0,7<=К<0,9 - 10 балл олиб ташланади;

агар К<0,7 - 15 балл олиб ташланади.

5. Табиатни муҳофаза қилиш соҳасидаги қонун ҳужжатлари талабларига риоя қилиниши:

биттадан учтагача ҳолатларда табиатни муҳофаза қилиш соҳасидаги қонун ҳужжатлари талабларининг бузилиши аниқланганда - 20 балл олиб ташланади;

тўрттадан бештагача ҳолатларда табиатни муҳофаза қилиш соҳасидаги қонун ҳужжатлари талабларининг бузилиши аниқланганда - 25 балл олиб ташланади;

олти ва ундан ортиқ ҳолатларда табиатни муҳофаза қилиш соҳасидаги қонун ҳужжатлари талабларининг бузилиши аниқланганда - 30 балл олиб ташланади";

б) Санитария жиҳатидан тозалашга ихтисослаштирилган давлат ташкилотлари ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низомда:

7-бандда "(лавозим маошлари)" сўзларидан кейин "ушбу Низомга 1-5-иловаларга мувофиқ" сўзлари қўшилсин;

рус тилидаги матнда 1-5-иловалар қуйидаги таҳрирда баён қилинсин:

"Приложение N 1

к Положению о порядке оплаты труда

и материального стимулирования работников

государственных специализированных

организаций санитарной очистки

Отраслевая тарифная сетка по оплате труда работников

государственных унитарных предприятий "Тоза худуд" при

Комитете Республики Каракалпакстан по экологии и охране

окружающей среды, управлениях по экологии и охране

окружающей среды областей

           

*) В тарифных коэффициентах учтены отраслевые коэффициенты повышения тарифных ставок рабочих по отдельным технологическим видам работ, производствам и видам экономической деятельности.

Приложение N 2

к Положению о порядке оплаты труда

и материального стимулирования работников

государственных специализированных

организаций санитарной очистки

Отраслевая тарифная сетка по оплате труда работников

районных и городских филиалов государственных унитарных

предприятий "Тоза худуд" при Комитете Республики

Каракалпакстан по экологии и охране окружающей

среды, управлениях по экологии и охране

окружающей среды областей

            

*) В тарифных коэффициентах учтены отраслевые коэффициенты повышения тарифных ставок рабочих по отдельным технологическим видам работ, производствам и видам экономической деятельности.

Приложение N 3

к Положению о порядке оплаты труда

и материального стимулирования работников

государственных специализированных

организаций санитарной очистки

Отраслевая тарифная сетка по оплате труда

работников государственного унитарного

предприятия "Махсустранс"

          

*) В тарифных коэффициентах учтены отраслевые коэффициенты повышения тарифных ставок рабочих по отдельным технологическим видам работ, производствам и видам экономической деятельности.

Приложение N 4

к Положению о порядке оплаты труда

и материального стимулирования работников

государственных специализированных

организаций санитарной очистки

Отраслевая тарифная сетка по оплате труда

работников филиалов государственного

унитарного предприятия "Махсустранс"

          

*) В тарифных коэффициентах учтены отраслевые коэффициенты повышения тарифных ставок рабочих по отдельным технологическим видам работ, производствам и видам экономической деятельности.

Приложение N 5

к Положению о порядке оплаты труда

и материального стимулирования работников

государственных специализированных

организаций санитарной очистки

Отраслевая тарифная сетка по оплате труда

работников государственного предприятия

"Chiqindilarni qayta yuklash va utilizasiya qilish"

            

*) В тарифных коэффициентах учтены отраслевые коэффициенты повышения тарифных ставок рабочих по отдельным технологическим видам работ, производствам и видам экономической деятельности."

4. Вазирлар Маҳкамасининг "Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикаси Президентининг "Меҳнатга ҳақ тўлаш, пенсиялар ва бошқа тўловлар миқдорларини аниқлаш тартибини такомиллаштириш тўғрисида" 2019 йил 21 майдаги ПФ-5723-сон Фармони)" 2019 йил 28 декабрдаги 1046-сон қарорига илованинг 269-банди "а" кичик бандининг учинчи хатбошиси ўз кучини йўқотган деб ҳисоблансин.

Қонун ҳужжатлари маълумотлари миллий базаси (www.lex.uz),

2021 йил 22 февраль