Ўзбекистон Республикаси Ҳукумати билан Польша Республикаси Ҳукумати ўртасида маданият, фан ва таълим соҳаларида 2004-2006 йиллар учун Ижроия Дастури

Функция недоступна

Ўзбекистон Республикаси Ҳукумати билан

Польша Республикаси Ҳукумати ўртасида

маданият, фан ва таълим соҳаларида

2004-2006 йиллар учун

ИЖРОИЯ ДАСТУРИ

Ўзбекистон Республикаси Ҳукумати билан Польша Республикаси Ҳукумати, бундан кейин "Томонлар" деб аталувчилар;

икки мамлакат ўртасида ўзаро ишончга асосланган суверен, шерикчилик алоқаларини ривожлантириш истагида,

маданият, фан ва таълим соҳаларидаги ҳамкорлик иккала мамлакат жамиятларининг яқинлашиши ва ҳамкор-мамлакатнинг анъана ҳамда ҳозирги замон ҳаёти мавзусидаги билимларини ёйишга кўмаклашишига ишонч билдириб,

тинчликни сақлаш, инсон ҳуқуқларини ҳурмат қилиш, ошкоралик, бағрикенглик ҳамда маданиятлараро мулоқот принципларига таяниб,

1995 йил 11 январда Варшавада имзоланган Ўзбекистон Республикаси Ҳукумати билан Польша Республикаси Ҳукумати ўртасида маданий ва илмий ҳамкорлик тўғрисидаги Битимни амалга ошириш мақсадида,

қуйидагилар тўғрисида келишиб олдилар:

I. ФАН ВА ТАЪЛИМ

1-модда

Томонлар қуйидаги масалаларга алоҳида эътибор берган ҳолда ҳамкорлик қиладилар:

1) таълим тизимлари, уларни ривожлантириш режалари ва ислоҳот йўналишлари тўғрисида ахборот алмашиш;

2) Томонларнинг манфаатлари асосида ихтисосликлар бўйича кадрлар тайёрлаш;

3) барча даражалардаги таълим муассасалари ўртасида ўзаро ҳамкорликни қўллаб-қувватлаш;

4) конференциялар, симпозиумлар, шунингдек, ёшлар учун олимпиада ва танловларни ташкил қилишни қўллаб-қувватлаш.

2-модда