Молия вазирлигининг 20.01.2021 й. 2-сон, Давлат солиқ қўмитасининг 18.01.2021 й. 2021-04-сон, Монополияга қарши курашиш қўмитасининг 11.01.2021 й. 05/11-05/01-сон "Суғурта фаолияти тўғрисидаги қонун ҳужжатларини бузганлиги учун суғурталовчиларга жарима санкцияларини қўллаш тартиби тўғрисидаги низомга ўзгартиришлар киритиш ҳақида"ги Қарори (АВ томонидан 22.02.2021 й. 1842-6-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

22.02.2021 й.

N 1842-6

ҚАРОРИ

Суғурта фаолияти тўғрисидаги қонун

ҳужжатларини бузганлиги учун суғурталовчиларга

жарима санкцияларини қўллаш тартиби тўғрисидаги

низомга ўзгартиришлар киритиш ҳақида

Ўзбекистон Республикаси Президентининг 2020 йил 24 августдаги ПФ-6044-сон "Лицензиялаш ва рухсат бериш тартиб-таомилларини тубдан такомиллаштириш чора-тадбирлари тўғрисида"ги Фармони, 2019 йил 2 августдаги ПҚ-4412-сон "Ўзбекистон Республикасининг суғурта бозорини ислоҳ қилиш ва унинг жадал ривожланишини таъминлаш чора-тадбирлари тўғрисида"ги қарори ва Ўзбекистон Республикаси Вазирлар Маҳкамасининг 2019 йил 31 декабрдаги 1060-сон "Ўзбекистон Республикаси Молия вазирлиги ҳузуридаги Суғурта бозорини ривожлантириш агентлиги фаолиятини ташкил этиш чора-тадбирлари тўғрисида"ги қарорига мувофиқ Ўзбекистон Республикаси Молия вазирлиги, Давлат солиқ қўмитаси ва Монополияга қарши курашиш қўмитаси ҚАРОР ҚИЛАДИ:

1. Ўзбекистон Республикаси Молия вазирлиги, Давлат солиқ қўмитасининг 2008 йил 11 июлдаги 77, 2008-33-сон ва Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитасининг 2008 йил 26 июндаги 13-сон қарори (рўйхат рақами 1842, 2008 йил 15 август) (Ўзбекистон Республикаси қонун ҳужжатлари тўплами, 2008 й, 34-сон, 337-модда) билан тасдиқланган Суғурта фаолияти тўғрисидаги қонун ҳужжатларини бузганлиги учун суғурталовчиларга жарима санкцияларини қўллаш тартиби тўғрисидаги низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Қарорга

ИЛОВА

Суғурта фаолияти тўғрисидаги қонун

ҳужжатларини бузганлиги учун суғурталовчиларга

жарима санкцияларини қўллаш тартиби тўғрисидаги

низомга киритилаётган ўзгартиришлар

1. 1-банддаги "Ўзбекистон Республикаси Молия вазирлиги (бундан буён матнда Молия вазирлиги деб юритилади)" деган сўзлар "Ўзбекистон Республикаси Молия вазирлиги ҳузуридаги Суғурта бозорини ривожлантириш агентлиги (бундан буён матнда Суғурта бозорини ривожлантириш агентлиги деб юритилади)" деган сўзлар билан алмаштирилсин.

2. 5-банд ўз кучини йўқотган деб топилсин.

3. 8-банднинг учинчи ва олтинчи хатбошиларидаги "Давсуғуртаназоратни деган сўз "Суғурта бозорини ривожлантириш агентлигини" деган сўзлар билан алмаштирилсин.

4. 13-банднинг биринчи хатбошисидаги "Давсуғуртаназорат" деган сўз "Суғурта бозорини ривожлантириш агентлиги" деган сўзлар билан алмаштирилсин.

5. 17-1-банд қуйидаги таҳрирда баён этилсин:

"17-1. Суғурталовчи томонидан:

масъул шахсларнинг рўйхатини;

ўзининг жиноий фаолиятдан олинган даромадларни легаллаштиришга, терроризмни молиялаштиришга ва оммавий қиргин қуролини тарқатишни молиялаштиришга қарши курашиш бўйича фаолияти тўғрисида ҳисоботни Суғурта бозорини ривожлантириш агентлигига тақдим этиш муддатларига риоя қилинмаган тақдирда, -

суғурталовчига суғурта фаолияти тўғрисидаги қонун ҳужжатларига мувофиқ суғурталовчи учун белгиланган устав капитали энг кам миқдорининг 0,05 фоиз миқдоридаги жарима солинади.".

6. VII-2-бобнинг номидаги "Молия вазирлигининг" деган сўзлар "Суғурта бозорини ривожлантириш агентлигининг" деган сўзлар билан алмаштирилсин.

7. 17-2-бандда:

биринчи хатбошидаги "Молия вазирлигининг" деган сўзлар "Суғурта бозорини ривожлантириш агентлигининг" деган сўзлар билан алмаштирилсин;

учинчи хатбошидаги "Молия вазирлиги" деган сўзлар "Суғурта бозорини ривожлантириш агентлиги" деган сўзлар билан алмаштирилсин.

8. 18-бандда:

иккинчи хатбоши қуйидаги таҳрирда баён этилсин:

"Суғурта бозорини ривожлантириш агентлиги камчиликлар мавжудлигини тасдиқловчи ҳужжатлар асосида камчиликлар тавсифи ва жарима санкциялари миқдорини кўрсатган ҳолда тегишли хулоса тайёрлаб мазкур Низомда кўрсатиб ўтилган жарима санкцияларини қўллаш тўғрисида қарор қабул қилади";

учинчи хатбошидаги "Молия вазирлигининг" деган сўзлар "Суғурта бозорини ривожлантириш агентлигининг" деган сўзлар билан алмаштирилсин.

9. 19-банддаги "Молия вазирлиги" деган сўзлар "Суғурта бозорини ривожлантириш агентлиги" деган сўзлар билан алмаштирилсин.

10. 20-банддаги "Молия вазирлигига" деган сўзлар "Суғурта бозорини ривожлантириш агентлигига" деган сўзлар билан алмаштирилсин.

Қонун ҳужжатлари маълумотлари миллий базаси (www.lex.uz),

2021 йил 22 февраль