Сувдан фойдаланиш ва сув истеъмолида сув ресурсларининг ҳисоби ва ҳисоботини ҳамда мониторингини юритиш тартиби тўғрисида Низом (ЎзР ВМ 03.04.2021 й. 174-сон қарорига 1-илова)

Функция недоступна

Вазирлар Маҳкамасининг

2021 йил 3 апрелдаги

174-сон қарорига

1-ИЛОВА

Сувдан фойдаланиш ва сув истеъмолида сув

ресурсларининг ҳисоби ва ҳисоботини ҳамда

мониторингини юритиш тартиби тўғрисида

НИЗОМ

1-БОБ. УМУМИЙ ҚОИДАЛАР

1. Ушбу Низом сувдан фойдаланиш ва сув истеъмолида сув ресурсларининг ҳисоби ва ҳисоботини ҳамда мониторингини юритиш тартибини белгилайди.

2. Ушбу Низом қоидалари коммунал сув таъминоти тизимидан сув олувчи сувдан фойдаланувчилар ва сув истеъмолчиларига нисбатан татбиқ этилмайди.

2-БОБ. СУВДАН ФОЙДАЛАНИШ ВА СУВ

ИСТЕЪМОЛИДА СУВ РЕСУРСЛАРИНИНГ

ҲИСОБИ ҲАМДА МОНИТОРИНГИНИ ЮРИТИШ

3. Сувдан фойдаланиш ва сув истеъмолида сув ресурсларининг ҳисоби сувдан фойдаланувчилар ва сув истеъмолчиларининг сув олиш жойларида юритилади.

4. Сувдан фойдаланувчилар ва сув истеъмолчиларининг сув олиш жойлари белгиланган тартибда сувни бошқариш (дарвоза ёки сувни очиш ва ёпишни таъминловчи бошқа қурилма) ва ҳисобга олиш (гидропост, "онлайн" режимда ишлайдиган рақамли қурилма) воситалари билан жиҳозланган бўлиши лозим.

5. Сувдан фойдаланувчилар ва сув истеъмолчиларининг сув олиш жойлари "онлайн" режимда ишлайдиган рақамли қурилмалар билан босқичма-босқич жиҳозланади ва маълумотларни узатиш бўйича дастурий таъминот билан таъминланади.

6. Фермер ва деҳқон хўжаликлари, шунингдек, аҳоли томонидан қишлоқ хўжалиги учун сувни истеъмол қилишга олинадиган сувни ҳисобга олиш уларнинг тегишли сув олиш жойлари сувни ҳисобга олиш воситалари билан жиҳозлангунга қадар, ҳажмий, ҳисобий ва бошқа усулларда, ҳақиқий суғориладиган майдонларни, суғоришлар сонини, қишлоқ хўжалиги экинларини суғориш режимини, сув олиш давомийлиги ва бошқаларни ҳисобга олган ҳолда амалга оширилиши мумкин.

7. Сув истеъмолчилари сув олиш учун 10 кун олдин унга хизмат кўрсатадиган фойдаланувчи ташкилот ("Сув етказиб бериш хизмати" давлат муассасаси)га ушбу Низомга 1-иловага мувофиқ ёзма буюртманомани тақдим қилади.

9. "Сув етказиб бериш хизмати" давлат муассасаси уч кун муддатда тумандаги барча сувдан фойдаланувчилар ва сув истеъмолчилари буюртманомаларини умумлаштиради, таҳлил қилади ҳамда ушбу Низомга 1б-иловага мувофиқ ёзма буюртманомани туманлараро аҳамиятдаги сув хўжалиги объектларидан сув олиш учун тегишлича Қорақалпоғистон Республикаси Сув хўжалиги вазирлигига ёки ирригация тизимлари ҳавза бошқармасига юборади.

10. Қорақалпоғистон Республикаси Сув хўжалиги вазирлиги ва ирригация тизимлари ҳавза бошқармалари бир кун муддатда буюртманомаларни умумлаштиради ва таҳлил қилади ҳамда ушбу Низомга 1в-иловага мувофиқ вилоятлараро ва трансчегаравий аҳамиятга эга бўлган дарёлар, магистрал каналлар (тизимлар), йирик ва алоҳида муҳим сув объектлардан сув олиш учун ёзма буюртманомани Ўзбекистон Республикаси Сув хўжалиги вазирлигига тақдим қилади.

11. Ўзбекистон Республикаси Сув хўжалиги вазирлиги бир кун муддатда Қорақалпоғистон Республикаси Сув хўжалиги вазирлиги, ирригация тизимлари ҳавза бошқармаларига, шунингдек, тегишли хизмат кўрсатадиган фойдаланувчи ташкилотларга ажратилган сув олиш лимити ҳамда сув манбаининг сувлилик даражасидан келиб чиқиб сув олиш юзасидан хабарнома орқали рухсатнома беради ёки рад этади.

12. Қорақалпоғистон Республикаси Сув хўжалиги вазирлиги, ирригация тизимлари ҳавза бошқармалари бир кун муддатда "Сув етказиб бериш хизмати" давлат муассасаси ҳамда уларга хизмат кўрсатадиган фойдаланувчи ташкилотлар (ирригация тизими бошқармалари, насос станциялари ва энергетика бошқармалари, сув омборлари бошқармалари)га ажратилган сув олиш лимити ҳамда сув манбаининг сувлилик даражасидан келиб чиқиб сув олиш юзасидан хабарнома орқали рухсатнома беради ёки рад этади.

13. "Сув етказиб бериш хизмати" давлат муассасаси ўз навбатида бир кун муддатда сув истеъмолчилари уюшмаларига, сув истеъмолчилари уюшмалари эса сув истеъмолчиларига ажратилган сув олиш лимити ҳамда сув манбаининг сувлилик даражасидан келиб чиқиб сув олиш юзасидан хабарнома орқали рухсатнома беради ёки рад этади (низомга 2-илова).

Сув етказиб бериш сув истеъмолчисининг сув истеъмолига тайёрлигини эътиборга олган ҳолда сув истеъмоли режасига асосан ажратилган сув олиш лимити доирасида амалга оширилади.

14. Сувдан фойдаланиш ва сув истеъмолида сув ресурсларининг ҳисоби ва ҳисоботини юритиш учун хизмат кўрсатадиган фойдаланувчи ташкилот (сув хўжалиги эксплуатация ташкилотлари ёки "Сув етказиб бериш хизмати" давлат муассасаси) билан сувдан фойдаланувчи ва сув истеъмолчиси ўртасида ушбу Низомга 3-иловага мувофиқ шаклда сувнинг кундалик ҳисоб журнали юритилади.

Ушбу журналнинг ҳар бир варағи тикилган ҳолда, Сув хўжалиги вазирлиги ҳузуридаги Сув хўжалиги объектлари хавфсизлигини ва сувдан фойдаланишни назорат қилиш инспекциясининг ҳудудий бўлинмалари томонидан белгиланган тартибда рўйхатга олинади.

Журнал ҳар бир сув олиш жойи бўйича икки (шартнома уч томонлама тузилган тақдирда уч) томонлама олиб борилиб, биттаси хизмат кўрсатадиган фойдаланувчи ташкилотнинг ваколатли шахсида, иккинчиси сувдан фойдаланувчи ва сув истеъмолчисида (унинг ваколатли шахсида) сақланади.

Сувнинг кундалик ҳисобини юритувчи ваколатли шахслар хизмат кўрсатадиган фойдаланувчи ташкилот, сувдан фойдаланувчи ва сув истеъмолчисининг алоҳида буйруқлари билан тайинланади.

15. Агар сувдан фойдаланувчи ва сув истеъмолчисининг сувни ҳисобга олиш жойи рақамли қурилма билан жиҳозланган бўлса, сувнинг ҳисоби хизмат кўрсатадиган фойдаланувчи ташкилоти билан "онлайн" режимда амалга оширилади.

16. Сув истеъмолчилари (томорқа ер эгаларидан ташқари) ҳар куни соат 17:00 гача олинган сув миқдори ва нима мақсадда ишлатгани тўғрисидаги кунлик маълумотни ушбу Низомга 4-иловага мувофиқ тайёрлайди ҳамда ёзма ёки электрон алоқа воситаси орқали хизмат кўрсатадиган фойдаланувчи ташкилот ("Сув етказиб бериш хизмати" давлат муассасаси)га юборади (низомга 2-илова).

17. "Сув етказиб бериш хизмати" давлат муассасаси сув истеъмолчилари томонидан берилган кунлик маълумотлар асосида ҳар куни соат 18:00 гача олинган сувдан фойдаланиш бўйича кунлик маълумотни ушбу Низомга 4а-иловага мувофиқ тайёрлайди ва дастурий таъминотга киритади.

Агар кунлик маълумотни дастурий таъминотга киритишнинг имкони бўлмаса, Қорақалпоғистон Республикаси Сув хўжалиги вазирлиги, ирригация тизимлари ҳавза бошқармаларига ёзма ёки электрон алоқа воситаси орқали етказиши мумкин.

18. Қорақалпоғистон Республикаси Сув хўжалиги вазирлиги, ирригация тизимлари ҳавза бошқармалари "Сув етказиб бериш хизмати" давлат муассасаларининг сувдан фойдаланиш бўйича кунлик маълумотларини дастурий таъминотга ўз вақтида ва тўғри киритилишини назорат қилиб боради.

19. Ўзбекистон Республикаси Сув хўжалиги вазирлиги, Қорақалпоғистон Республикаси Сув хўжалиги вазирлиги, ирригация тизимлари ҳавза бошқармалари, хизмат кўрсатадиган фойдаланувчи ташкилотлар дастурий таъминотнинг доимий ва узлуксиз ишлашини таъминлайди.

3-БОБ. СУВДАН ФОЙДАЛАНИШ ВА СУВ

ИСТЕЪМОЛИДА СУВ РЕСУРСЛАРИНИНГ

ҲИСОБОТИНИ ЮРИТИШ ТАРТИБИ

20. Ҳар ой якуни билан олинган сув миқдори юзасидан хизмат кўрсатадиган фойдаланувчи ташкилот билан сувдан фойдаланувчи ва сув истеъмолчиси ўртасида ушбу Низомга 4-иловага мувофиқ юритилган кундалик сувнинг ҳисоби тўғрисидаги маълумотлар таҳлил қилинади.

Таҳлил натижалари асосида ҳар ойнинг якуни билан кейинги ойнинг 5-санасигача белгиланган тартибда хизмат кўрсатадиган фойдаланувчи ташкилот билан сувдан фойдаланувчи ва сув истеъмолчиси ўртасида ушбу Низомга 5-иловага мувофиқ икки томонлама далолатнома расмийлаштирилади.

21. Хизмат кўрсатадиган фойдаланувчи ташкилот билан сувдан фойдаланувчилар ўртасида расмийлаштирилган икки томонлама далолатномалар Қорақалпоғистон Республикаси Сув хўжалиги вазирлигига ва тегишли вилоят ирригация тизимлари ҳавза бошқармасига тақдим этилади (низомга 2-илова).

"Сув етказиб бериш хизмати" давлат муассасаси солиқ базасини аниқлаш учун:

қишлоқ хўжалиги, шу жумладан балиқчилик бўйича сувни истеъмол қилувчи юридик шахслар томонидан ишлатилиши кутилаётган сув ресурслари ҳажми тўғрисидаги маълумотларни расмийлаштирилган далолатномалар асосида - ҳар йили жорий солиқ даврининг 10 декабридан кечиктирмай сув ресурсларини истеъмол қилувчи юридик шахсларга;

деҳқон хўжаликлари томонидан ишлатилиши кутилаётган сув ресурслари ҳажми тўғрисидаги маълумотларни - ҳисобот даври учун кейинги йилнинг 20 январидан кечиктирмай тегишли солиқ органига тақдим қилади (низомга 2-илова).

Қолган хизмат кўрсатувчи ташкилотлар сувни истеъмол қилувчи юридик шахслар томонидан ишлатилиши кутилаётган сув ресурслари ҳажми тўғрисидаги маълумотларни расмийлаштирилган далолатномалар асосида - ҳар йили жорий солиқ даврининг 10 декабридан кечиктирмай сув ресурсларини истеъмол қилувчи юридик шахсларга тақдим қилади.

22. Вегетация даври якуни билан 15 октябргача ва куз-қиш даври якуни билан 15 апрелгача хизмат кўрсатадиган фойдаланувчи ташкилот - "Сув етказиб бериш хизмати" давлат муассасаси белгиланган тартибда Қорақалпоғистон Республикаси Сув хўжалиги вазирлиги ва тегишли вилоят ирригация тизимлари ҳавза бошқармасига электрон кўринишда ҳисобот тақдим этади.

23. Қорақалпоғистон Республикаси Сув хўжалиги вазирлиги ва ирригация тизимлари ҳавза бошқармаси томонидан вегетация даври якуни билан 1 ноябргача ва куз-қиш даври якуни билан 1 майгача белгиланган тартибда Ўзбекистон Республикаси Сув хўжалиги вазирлигига электрон шаклда ҳисобот тақдим қилинади (низомга 2-илова).

4-БОБ. ЯКУНЛОВЧИ ҚОИДАЛАР

24. Ушбу Низомга асосан сув ресурслари тўғрисида юритилган кунлик маълумотлар, ҳисоб ва ҳисоботлар йиллик идоравий статистик ҳисобот тайёрлаш ва Давлат сув кадастрини ишлаб чиқишда, шунингдек, сув ресурсларидан фойдаланганлик учун солиқ базасини ҳисоблашда асос қилиб олинади.

25. Ушбу Низом талаблари бузилишида айбдор бўлган шахслар қонун ҳужжатларида белгиланган тартибда жавоб беради.

Низомга

1-ИЛОВА

________ "Сув етказиб бериш хизмати" ДМга

________________________ сув истеъмолчисининг

20___ йил ________ ойининг "___" санасидан "___"

санасигача сув олиш бўйича

БУЮРТМАНОМАСИ

_________ сув истеъмолчиси раҳбари (ёки ваколатли шахс) имзо Ф.И.О.