Молия вазирининг 29.03.2021 й. 18-сон "Суғурталовчиларнинг суғурта захиралари тўғрисидаги низомга ўзгартиришлар киритиш ҳақида"ги Буйруғи (АВ томонидан 19.04.2021 й. 1882-6-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

19.04.2021 й.

N 1882-6

ЎЗБЕКИСТОН РЕСПУБЛИКАСИ

МОЛИЯ ВАЗИРИНИНГ

29.03.2021 й.

N 18

БУЙРУҒИ

Суғурталовчиларнинг суғурта захиралари

тўғрисидаги низомга ўзгартиришлар

киритиш ҳақида

Ўзбекистон Республикасининг Солиқ кодекси, Ўзбекистон Республикаси Президентининг 2019 йил 5 февралдаги ПҚ-4160-сон "Жаҳон банки ва Халқаро молия корпорациясининг "Бизнес юритиш" йиллик ҳисоботида Ўзбекистон Республикасининг рейтингини яхшилашга доир қўшимча чора-тадбирлар тўғрисида"ги, 2019 йил 2 августдаги ПҚ-4412-сон "Ўзбекистон Республикасининг суғурта бозорини ислоҳ қилиш ва унинг жадал ривожланишини таъминлаш чора-тадбирлари тўғрисида"ги қарорлари ва Ўзбекистон Республикаси Вазирлар Маҳкамасининг 2019 йил 31 декабрдаги 1060-сон "Ўзбекистон Республикаси Молия вазирлиги ҳузуридаги Суғурта бозорини ривожлантириш агентлиги фаолиятини ташкил этиш чора-тадбирлари тўғрисида"ги қарорига мувофиқ БУЮРАМАН:

1. Ўзбекистон Республикаси молия вазирининг 2008 йил 20 ноябрдаги 107-сон буйруғи (рўйхат рақами 1882, 2008 йил 15 декабрь) (Ўзбекистон Республикаси қонун ҳужжатлари тўплами, 2008 й., 52-сон, 529-модда) билан тасдиқланган Суғурталовчиларнинг суғурта захиралари тўғрисидаги низомга иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

Вазир                                                                               Т. Ишметов

Буйруққа

ИЛОВА

Суғурталовчиларнинг суғурта захиралари

тўғрисидаги низомга киритилаётган

ўзгартиришлар

1. 2-банднинг ўнинчи хатбошиси қуйидаги таҳрирда баён этилсин:

"Агентлик - Ўзбекистон Республикаси Молия вазирлиги ҳузуридаги Суғурта бозорини ривожлантириш агентлиги;".

2. 25-банднинг ўн саккизинчи хатбошисидаги "бошқа мажбурий тўловлар" деган сўзлар "йиғимлар" деган сўз билан алмаштирилсин.

3. 26-банднинг учинчи хатбошисидаги ва 42-банддаги "Давсуғуртаназоратга" деган сўз "Агентликка" деган сўз билан алмаштирилсин.

4. 37-банднинг бешинчи хатбошисидаги "бошқа мажбурий тўловлар" деган сўзлар "йиғимлар" деган сўз билан алмаштирилсин.

5. 38-банднинг бешинчи хатбошисидаги "Давсуғуртаназорат" деган сўз "Агентлик" деган сўз билан алмаштирилсин.

6. 43-бандда:

биринчи хатбошидаги "Давсуғуртаназорат" деган сўз "Агентлик" деган сўз билан алмаштирилсин;

иккинчи хатбошидаги "Давсуғуртаназоратга" деган сўз "Агентликка" деган сўз билан алмаштирилсин.

7. 44-банд қуйидаги таҳрирда баён этилсин:

"44. Агентлик суғурталовчи томонидан қабул қилинган техник захираларнинг таркибини ва ҳисоблаш усулларини ўзгартириш борасида кўрсатма бериш, шунингдек Агентликка суғурта захиралари тўғрисидаги ахборотни тақдим этишнинг бошқа тартибини ўрнатиш ҳуқуқига эга. Зарур ҳолда, Агентлик юзага келган ҳолат сабабларини аниқлаш мақсадида суғурталовчига ўзининг вакилини йўллайди, шунингдек амалдаги қонун ҳужжатларига мувофиқ ҳолда суғурталовчи операцияларининг ёппасига ёки танлов асосида текширувини амалга оширади.".

8. 45-банддаги "Давсуғуртаназорат" деган сўз "Агентлик" деган сўз билан алмаштирилсин.

9. 1-4-иловалардан "Муҳр ўрни (муҳр мавжуд бўлган тақдирда)." деган сўзлар чиқариб ташлансин.

Қонун ҳужжатлари маълумотлари миллий базаси (www.lex.uz),

2021 йил 19 апрель