Ўзбекистон Республикаси Вазирлар Маҳкамасининг 17.05.2021 й. 303-сон "Наманган вилоятида ҳудудларнинг ихтисослашувини ривожлантириш орқали қишлоқ хўжалиги маҳсулотлари ҳажмларини кўпайтириш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

17.05.2021 й.

N 303

НАМАНГАН ВИЛОЯТИДА

ҲУДУДЛАРНИНГ ИХТИСОСЛАШУВИНИ

РИВОЖЛАНТИРИШ ОРҚАЛИ ҚИШЛОҚ ХЎЖАЛИГИ

МАҲСУЛОТЛАРИ ҲАЖМЛАРИНИ КЎПАЙТИРИШ

ЧОРА-ТАДБИРЛАРИ ТЎҒРИСИДА

Наманган вилоятида ҳудудларнинг тупроқ-иқлим шароитларини ҳисобга олган ҳолда боғдорчилик, узумчилик, сабзавот-полизчилик, картошкачилик, дуккакли ва мойли экинлар етиштиришга ҳамда эчкичилик, асаларичилик ва балиқчиликка ихтисослаштириш, шунингдек, рақобатбардош маҳсулотлар етиштиришни кўпайтириш ва қишлоқ хўжалиги маҳсулотлари етиштирувчи субъектларнинг манфаатдорлигини ошириш мақсадида Вазирлар Маҳкамаси ҚАРОР ҚИЛАДИ:

1. Қуйидагилар:

Наманган вилояти туманларида 2021-2022 йилларда лимончиликка ихтисослашган иссиқхона хўжаликларини ташкил этиш кўрсаткичлари 1-иловага мувофиқ;

Наманган вилояти туманлари ҳудудларини 2021-2022 йилларда сабзавот, картошка, полиз, дуккакли, мойли ва доривор ўсимликларга ихтисослаштириш кўрсаткичлари 2-иловага мувофиқ;

Поп, Чуст ва Косонсой туманларида 2021-2024 йилларда аҳолига эчкилар етказиб бериш учун эчкичилик хўжаликларини ривожлантириш кўрсаткичлари 3-иловага мувофиқ;

Наманган, Тўрақўрғон, Чуст, Чортоқ, Косонсой ва Янгиқўрғон туманларини 2021-2022 йилларда асаларичилик йўналишига ихтисослаштириш кўрсаткичлари 4-иловага мувофиқ;

Мингбулоқ ва Учқўрғон туманларида 2021-2022 йилларда балиқчилик тармоғини ривожлантириш кўрсаткичлари 5-иловага мувофиқ;

Наманган вилояти туманларида 2021-2022 йилларда озиқ-овқат маҳсулотларини етиштириш, қайта ишлаш ва экспорт ҳажмларини ошириш кўрсаткичлари 6-иловага мувофиқ;

Наманган вилояти туманларида 2021-2022 йилларда қишлоқ хўжалиги маҳсулотларини қайта ишлаш, музлаткичли-омборхона ва иссиқхона лойиҳаларини ташкил этиш кўрсаткичлари 7-иловага мувофиқ тасдиқлансин.

2. Наманган вилояти ҳокимлиги манфаатдор вазирлик ва идоралар билан биргаликда:

2021 йилда белгиланган чора-тадбирлар асосида ер майдонларини ўзлаштириш ва қайта фойдаланишга киритиш;

суғориш тармоқларини (сув насослари, қудуқлар, коллекторлар, электр тармоқлари ва бошқалар) тортиш, қуриш, ускуна ва жиҳозларни ўрнатиш учун талаб этиладиган маблағлар ажратилишини ҳамда уларнинг мақсадли сарфланишини таъминлаш;

мавжуд ер майдонлари ва сув ресурсларидан самарали фойдаланиш, маҳсулот етиштириш, уни қайта ишлаш ва экспорт ҳажмини ошириш учун экинларни яхлит майдонларга плантация усулида жойлаштириш ҳамда белгиланган экспортбоп экинлардан камида 2-3 марта ҳосил олишни таъминлаш;

қайта ишлаш ва экспорт ҳажмларини уч бараварга ошириш учун қайта ишлаш корхоналари, музлаткичли омборхоналар ва логистика марказларини 2021-2022 йиллар давомида тўлиқ ишга тушириш ҳамда уларнинг тўла қувватлар билан ишлашини таъминлаш;

ҳудудлардаги мавжуд имкониятдан келиб чиқиб, сабзавот экинлари ва картошка уруғчилигига ҳамда мевали дарахт ва ток кўчатлари етиштиришга ихтисослашган фермер хўжаликларини ташкил этиш;

лимончиликка ихтисослаштирилаётган туманларда фойдаланишдан чиққан ва яйлов ерлар ҳисобидан лимон етиштириш учун ер участкаларининг очиқ электрон танловларга чиқарилишини таъминлаш;

лимончиликка ихтисослашган иссиқхона хўжаликларини ташкил этиш ва уларга талаб этиладиган табиий газни ўрнатилган тартибда етказиб бериш;

вилоятда яйлов ерларидан самарали фойдаланган ҳолда, эчкичилик тармоғини ривожлантириш ҳамда эчкидан олинадиган тери ва жун хомашёсини саноат усулида қайта ишлаш тизимини жорий этиш чораларини кўрсин.

3. Наманган вилояти ҳокимлиги:

a) Ўзбекистон Республикаси Қишлоқ хўжалиги вазирлиги, Сув хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгаши билан биргаликда:

ихтисослаштирилаётган ҳудудларда контурларнинг яхлитлигига жиддий эътибор қаратган ҳолда, 3-4 турдаги қишлоқ хўжалиги экинларини босқичма-босқич плантация усулида жойлаштириш;

ҳар бир ҳудуднинг ихтисослашуви, тупроқ-иқлим шароити, ерларнинг мелиоратив ҳолати, унумдорлиги, сув билан таъминланганлигини ҳисобга олиб ҳамда қайта ишловчи, тайёрловчи ва экспорт қилувчи ташкилотларнинг талабларидан келиб чиққан ҳолда, қишлоқ хўжалиги экинларининг тўлиқ экилишини таъминласинлар;

б) Ўзбекистон фермер, деҳқон хўжаликлари ва томорқа ер эгалари кенгаши ва Қишлоқ хўжалиги вазирлиги билан биргаликда:

икки ой муддатда 2021-2022 йилларда Наманган вилоятининг туманларидаги туман ҳокимликлари захирасида фойдаланилмаётган майдонлардан 1000 гектарида ташкил этиладиган иссиқхона массивларининг манзилли рўйхатини шакллантириш;

туманлар ҳокимликлари билан биргаликда аҳоли ишсизлигини камайтириш учун ташкил этиладиган иссиқхона массивларини аҳолига лизинг ва кредит шартлари асосида Вазирлар Маҳкамасининг 2020 йил 30 январдаги 52-сон қарори билан тасдиқланган Интенсив боғ ва токзорлар барпо этиш, иссиқхоналар қуриш ҳамда уларни аҳолига лизинг ва кредит шартлари асосида бериш тартиби тўғрисидаги низом асосида ажратиб беришни ташкил этсинлар;

в) Ўзбекистон Республикаси Инвестициялар ва ташқи савдо вазирлиги, Қишлоқ хўжалиги вазирлиги билан биргаликда жорий йил якунига қадар туманларда замонавий технологиялар асосида мева-сабзавот маҳсулотларини етиштириш, қайта ишлаш ва сақлаш бўйича йирик кластер корхоналарини ташкил этиш учун хорижий инвесторларни кенг жалб қилиш чораларини кўрсин.

4. Ўзбекистон Республикаси Инвестициялар ва ташқи савдо вазирлиги, Қишлоқ хўжалиги вазирлиги билан биргаликда Наманган вилояти туманларида амалга ошириладиган лойиҳаларни молиялаштиришда халқаро молия институтларининг кредит линиялари маблағларини жалб этиш чораларини кўрсин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.М. Ғаниев ҳамда Наманган вилояти ҳокими Ш.Ш. Абдуразаков зиммасига юклансин.

Ўзбекистон Республикасининг Бош вазири                                            А. Арипов

Вазирлар Маҳкамасиининг

2021 йил 17 майдаги

303-сон қарорига

1-ИЛОВА

Наманган вилояти туманларида 2021-2022 йилларда

лимончиликка ихтисослашган иссиқхона

хўжаликларини ташкил этиш

КЎРСАТКИЧЛАРИ

       

Вазирлар Маҳкамасиининг

2021 йил 17 майдаги

303-сон қарорига

2-ИЛОВА

Наманган вилояти туманлари ҳудудларини

2021-2022 йилларда сабзавот, картошка, полиз, дуккакли,

мойли ва доривор ўсимликларга ихтисослаштириш

КЎРСАТКИЧЛАРИ

         

Вазирлар Маҳкамасиининг

2021 йил 17 майдаги

303-сон қарорига

3-ИЛОВА

Поп, Чуст ва Косонсой туманларида 2021-2024 йилларда

аҳолига эчкилар етказиб бериш учун эчкичилик

хўжаликларини ривожлантириш

КЎРСАТКИЧЛАРИ

      

Вазирлар Маҳкамасиининг

2021 йил 17 майдаги

303-сон қарорига

4-ИЛОВА

Наманган, Тўрақўрғон, Чуст, Чортоқ, Косонсой

ва Янгиқўрғон туманларини 2021-2022 йилларда

асаларичилик йўналишига ихтисослаштириш

КЎРСАТКИЧЛАРИ

        

Вазирлар Маҳкамасиининг

2021 йил 17 майдаги

303-сон қарорига

5-ИЛОВА

Мингбулоқ ва Учқўрғон туманларида 2021-2022 йилларда

балиқчилик тармоғини ривожлантириш

КЎРСАТКИЧЛАРИ

             

Вазирлар Маҳкамасиининг

2021 йил 17 майдаги

303-сон қарорига

6-ИЛОВА

Наманган вилояти туманларида 2021-2022 йилларда

озиқ-овқат маҳсулотларини етиштириш, қайта

ишлаш ва экспорт ҳажмларини ошириш

КЎРСАТКИЧЛАРИ

минг тонна

   

Вазирлар Маҳкамасиининг

2021 йил 17 майдаги

303-сон қарорига

7-ИЛОВА

Наманган вилояти туманларида 2021-2022

йилларда қишлоқ хўжалиги маҳсулотларини

қайта ишлаш, музлаткичли-омборхона ва

иссиқхона лойиҳаларини ташкил этиш

КЎРСАТКИЧЛАРИ

            

Қонун ҳужжатлари маълумотлари миллий базаси (www.lex.uz),

2021 йил 18 май