язык интерфейса

ЎзР Конунчилиги

ЎзР Конунчилиги/ Тураржой ва нотурар жойлар. Коммунал хўжалик/ Коммунал хўжалик/ Муҳандислик хизмати кўрсатилиши. Уй-жой фондини таъмирлаш/ Ўзбекистон Республикаси Вазирлар Маҳкамасининг 26.10.2004 й. 502-сон "Молиялаштиришнинг марказлаштирилган манбалари ҳисобига қурилган фойдаланишга топширилаётган объектларнинг муҳандислик тармоқлари ва иншоотларини хизмат кўрсатувчи ташкилотлар балансига бериш тартиби тўғрисидаги низомни тасдиқлаш ҳақида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

26.10.2004 й.

N 502


МОЛИЯЛАШТИРИШНИНГ

МАРКАЗЛАШТИРИЛГАН МАНБАЛАРИ ҲИСОБИГА

ҚУРИЛГАН ФОЙДАЛАНИШГА ТОПШИРИЛАЁТГАН

ОБЪЕКТЛАРНИНГ МУҲАНДИСЛИК ТАРМОҚЛАРИ

ВА   ИНШООТЛАРИНИ   ХИЗМАТ   КЎРСАТУВЧИ

ТАШКИЛОТЛАР БАЛАНСИГА БЕРИШ ТАРТИБИ

ТЎҒРИСИДАГИ НИЗОМНИ ТАСДИҚЛАШ

ҲАҚИДА


Молиялаштиришнинг марказлаштирилган манбалари ҳисобига қурилган фойдаланишга топширилаётган объектларнинг муҳандислик тармоқлари ва иншоотларини хизмат кўрсатувчи ташкилотлар балансига бериш жараёнини тартибга солиқ мақсадида Вазирлар Маҳкамаси ҚАРОР ҚИЛАДИ:


1. Молиялаштиришнинг марказлаштирилган манбалари ҳисобига қурилган фойдаланишга топширилаётган объектларнинг муҳандислик тармоқлари ва иншоотларини хизмат кўрсатувчи ташкилотлар балансига бериш тартиби тўғрисидаги низом иловага мувофиқ тасдиқлансин.


2. Белгилаб қўйилсинки, ташқи муҳандислик тармоқлари ва иншоотларини "Ўзбекэнерго" давлат-акциядорлик компанияси, "Ўзкоммунхизмат" агентлиги, "Ўзтрансгаз" акциядорлик компаниясининг минтақалараро унитар корхоналари, туманлар ва шаҳарлар ҳокимликларининг иссиқлик-сув таъминоти ва коммунал хўжалиги ташкилотлари балансига бепул беришда ушбу тармоқлар ва иншоотларнинг қиймати даромад (фойда) солиғини ва қўшилган қиймат солиғини ҳисоблаб чиқишда солиқ солиш объекти ҳисобланмайди.

3. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамасининг Қурилиш, қурилиш материаллари саноати, коммунал хизмат кўрсатиш ва транспорт комплекси котибиятига юклансин.



Ўзбекистон Республикасининг Бош вазири                          Ш. Мирзиёев



"Ўзбекистон Республикаси қонун ҳужжатлари тўплами", 2004 йил, 43-сон, 457-модда.


"Ўзбекистон Республикаси Ҳукумати қарорлари тўплами", 2004 й., N 10, 101-модда.