ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Ҳуқуқ-тартиботни муҳофаза қилиш. Хавфсизлик. Маъмурий ва жиноий жавобгарлик / Ҳуқуқ-тартибот ва хавфсизликни таъминловчи органлар / Миллий гвардия /Ўзбекистон Республикаси Вазирлар Маҳкамасининг 15.10.2021 й. 645-сон "Ички ишлар органлари фаолиятига замонавий ахборот технологияларини кенг жорий этиш чора-тадбирлари тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
15.10.2021 й.
N 645
ИЧКИ ИШЛАР ОРГАНЛАРИ
ФАОЛИЯТИГА ЗАМОНАВИЙ АХБОРОТ
ТЕХНОЛОГИЯЛАРИНИ КЕНГ ЖОРИЙ ЭТИШ
ЧОРА-ТАДБИРЛАРИ ТЎҒРИСИДА
Ўзбекистон Республикаси Президентининг "Жамоат хавфсизлигини таъминлаш ва жиноятчиликка қарши курашиш соҳасида ички ишлар органлари фаолиятини сифат жиҳатидан янги босқичга кўтариш чора-тадбирлари тўғрисида" 2021 йил 26 мартдаги ПФ-6196-сон Фармонига мувофиқ, шунингдек, ички ишлар органларининг фаолиятига рақамли ва ахборот технологияларини фаол жорий этиш, аҳолига электрон давлат хизматларини кўрсатиш сифатини ошириш, бюрократик тўсиқ ва ғовларга йўл қўймаслик ҳамда идоралараро электрон ҳамкорликни кенгайтириш мақсадида Вазирлар Маҳкамаси ҚАРОР ҚИЛАДИ:
1. 2022 йил 1 мартдан бошлаб шундай тартиб ўрнатилсинки, унга кўра:
а) қуйидаги хизматлар Ўзбекистон Республикаси Ягона интерактив давлат хизматлари портали орқали электрон шаклда кўрсатилади:
Ўзбекистон Республикасига чет давлат фуқаросини таклиф қилиш;
чет давлат ҳудудида Ўзбекистон Республикаси фуқаролигини тасдиқлаш бўйича тегишли ҳужжатлар ва маълумотномалар олиш;
судланганлик (судланмаганлик) ҳақидаги маълумотлар олиш;
автотранспорт воситаларида тақиқ мавжудлигини текшириш;
жазони ижро этиш муассасалари ва манзил колонияларда сақланаётганларни уларнинг яқин қариндошлари билан учрашув вақтини белгилаш.
б) ҳайдовчининг йўл-патрул хизмати инспекторига тақдим этилиши лозим бўлган ҳужжатлари ёнида бўлмаган тақдирда мазкур ҳужжатлар махсус планшет қурилмаси ёрдамида идентификация ID-картаси орқали текширилади.
Бунда, идентификация ID-картага эга фуқароларга тегишли транспорт воситаси ҳайдовчисидан янги намунадаги ҳайдовчилик гувоҳномаси, транспорт воситасини рўйхатдан ўтказганлик тўғрисидаги, транспорт воситасига эгалик қилиш, эгаси йўқлигида ундан фойдаланиш ёки уни тасарруф этиш ҳуқуқини тасдиқловчи ҳужжатлар, транспорт воситалари эгаларининг фуқаролик жавобгарлигини мажбурий суғурта қилиш бўйича суғурта полисини талаб қилиш амалиёти бекор қилинади.
2. Ўзбекистон Республикаси Молия вазирлиги ва Суғурта тўловларни кафолатлаш жамғармаси 2022 йил 1 февралга қадар:
суғурта ташкилотлари томонидан суғурта шартномалари тўғрисидаги маълумотларнинг ягона ахборот тизимига тўлиқ киритилишини таъминласин;
янги суғурта полисини ягона ахборот тизимига маълумотларни тўлиқ киритмасдан туриб шакллантириш имкониятини чекласин.
3. Қуйидагиларни назарда тутувчи Ўзбекистон Республикаси ички ишлар органлари тизимига ахборот технологияларини жорий этиш бўйича чора-тадбирлар дастури (кейинги ўринларда - чора-тадбирлар дастури) 1-иловага мувофиқ тасдиқлансин:
ички ишлар органлари фаолиятига замонавий рақамли ва ахборот технологияларини жорий этишнинг устувор йўналишларини белгилаш;
ички ишлар органларидаги рақамли инфратузилмасини ривожлантириш, мавжуд тизимларни модернизация қилиш, идоравий ахборот тизимлари ва маълумот базаларини ўзаро интеграция қилиш;
ахборот ва киберхавфсизликни таъминлаш, маълумотларни хавфсиз узатиш учун корпоратив тармоқни яратиш ҳамда маълумотларни қайта ишлаш ва сақлаш марказини ривожлантириш;
ички ишлар органлари томонидан кўрсатиладиган давлат хизматларини электрон шаклга ўтказиш, мобил технологияларни қўллаган ҳолда аҳоли билан электрон ҳамкорликни йўлга қўйиш;
ички ишлар органларида қоғоз кўринишидаги иш юритувидан босқичма-босқич тўлиқ воз кечиш ҳамда ҳимояланган электрон ҳужжат айланиши тизимини жорий этиш.
Белгилансинки, чора-тадбирлар дастуридаги лойиҳалар Ўзбекистон Республикаси Ички ишлар вазирлигига ажратиладиган Давлат бюджети маблағлари, вазирликнинг бюджетдан ташқари маблағлари ҳамда қонунчилик ҳужжатларида тақиқланмаган бошқа манбалар ҳисобидан молиялаштирилади.
4. Ўзбекистон Республикаси Ички ишлар вазирлиги, Олий ва ўрта махсус таълим вазирлиги ҳамда Ахборот технологиялари ва коммуникацияларини ривожлантириш вазирлигининг ички ишлар органлари ходимлари учун замонавий рақамли ва ахборот технологияларини жорий қилиш бўйича шартнома асосида малака ошириш ўқув курсларини ташкил этувчи олий таълим муассасалари ва бошқа ташкилотларни 2-иловага мувофиқ рўйхат асосида бириктириш ҳақидаги таклифига розилик берилсин.
Шундай тартиб ўрнатилсинки, унга мувофиқ ички ишлар органлари ходимларини замонавий рақамли ва ахборот технологияларини жорий қилиш бўйича ўқитиш дастурлари ва ўқув графиклари ҳар йили 1 августга қадар ички ишлар бошқармалари кесимида тасдиқланади.
5. Ички ишлар органларида рақамли ва ахборот технологияларини кенг жорий этиш учун масъул этиб Ички ишлар вазирлиги ҳузуридаги "Инновация лойиҳалари ва аҳолига сервис хизматлари кўрсатиш маркази" давлат унитар корхонаси (кейинги ўринларда - Марказ) белгилансин.
Марказга қуйидаги қўшимча вазифалар юклатилсин:
ички ишлар органлари фаолиятига рақамли ахборот технологияларини жорий этишда ягона технологик ёндашувни таъминлаш;
ички ишлар органларининг рақамли инфратузилмани ишлаб чиқиш, жорий этиш ва қўллаб-қувватлаш, шунингдек, ахборот тизимлари ва маълумотлар базаларининг ўзаро интеграциясини таъминлаш;
ички ишлар органлари томонидан кўрсатиладиган давлат хизматларини босқичма-босқич тўлиқ электрон шаклга ўтказиш;
ички ишлар органларининг телекоммуникация инфратузилмасини ривожлантириш ва техник қўллаб-қувватлаш;
ички ишлар органларининг бизнес жараён ва IТ-реинжинирингини ривожлантириш ва ушбу йўналишда халқаро тажрибани татбиқ этиш.
6. Ўзбекистон Республикаси Ички ишлар вазирлиги бир ой муддатда Марказга юклатилаётган қўшимча вазифаларни ҳисобга олиб, унинг янгиланган устави, тузилмаси ва штат жадвали тасдиқланиши ҳамда ахборот технологиялари йўналишидаги малакали кадрлар билан тўлдирилишини таъминласин.
7. Давлат органлари ва бошқа ташкилотлар билан электрон ҳамкорлик орқали ахборот алмашинувини самарали ташкил этиш мақсадида Ўзбекистон Республикаси Ички ишлар вазирлиги ахборот тизимларини вазирликлар, идоралар ва бошқа ташкилотларнинг ахборот тизимлари ҳамда маълумотлар базалари билан интеграция қилиш бўйича режа-жадвал 3-иловага мувофиқ тасдиқлансин.
8. Ўзбекистон Республикаси Ички ишлар вазирининг ўринбосари Н.С. Тураходжаев ички ишлар органларида рақамли технологияларни жорий этиш ҳамда ушбу қарорда назарда тутилган лойиҳа ва тадбирлар сифатли ва тўлиқ бажарилишини таъминлаш учун шахсан масъул этиб белгилансин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг маслаҳатчиси - IТ-технологиялар, телекоммуникациялар ва инновацион фаолиятни ривожлантириш масалалари департаменти бошлиғи О.М. Умаров ва ички ишлар вазири П.Р. Бобожонов зиммасига юклансин.
Ўзбекистон Республикасининг Бош вазири А. Арипов
2021 йил 15 октябрдаги
645-сон қарорига
1-ИЛОВА
Ўзбекистон Республикаси ички ишлар органлари
тизимига ахборот технологияларини жорий
этиш бўйича чора-тадбирлар
ДАСТУРИ
2021 йил 15 октябрдаги
645-сон қарорига
2-ИЛОВА
Ўзбекистон Республикаси Ички ишлар вазирлиги
ахборот тизимларини вазирликлар, идоралар ва бошқа
ташкилотларнинг ахборот тизимлари ҳамда маълумотлар
базалари билан интеграция қилиш бўйича
РЕЖА-ЖАДВАЛ
Т/р |
Маълумот номи |
Амалга ошириш механизми ва шакли |
Амалга ошириш муддати |
Маълумот қабул қилувчи ташкилот |
Маълумот тақдим этувчи ташкилот |
1. |
Янги намунадаги миллий ҳайдовчилик гувоҳномаси тўғрисидаги маълумотлар "Электрон ҳукумат" тизимининг идоралараро интеграция платформасига тақдим этилади: Ф.И.Ш, туғилган санаси; жисмоний шахснинг шахсий идентификацион рақами; берилган санаси; амал қилиш муддати; ким томонидан берилгани; гувоҳноманинг серия ва рақами; тоифаси, тоифани бошқариш учун рухсат берилган сана; тоифага тегишли қўшимча маълумотлар. |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2021 йил декабрь |
Ахборот технологиялари вазирлиги |
Ички ишлар вазирлиги |
2. Электрон ҳамкорлик модулини (веб-сервис) яратиш ва "Электрон ҳукумат" тизимининг идоралараро интеграция платформасига улаш. |
2022 йил январь |
||||
3. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил февраль |
||||
4. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил март |
||||
2. |
Ички ишлар вазирлигининг "Жиноий-ҳуқуқий статистика", "Судланган шахслар тўғрисидаги маълумотлар" ахборот тизимлари Олий суднинг "Суд электрон тизими маълумотлари", "Жиноий-ҳуқуқий статистика" ахборот тизимлари билан интеграцияси доирасида шахснинг суд натижалари тўғрисидаги маълумот: Ф.И.Ш, туғилган санаси; суд натижалари бўйича тегишли маълумотлар. |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2022 йил январь |
Ички ишлар вазирлиги |
Олий суд (келишув асосида) |
2. Электрон ҳамкорлик модулини (веб-сервис) яратиш. |
2022 йил март |
||||
3. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил май |
||||
3. |
Бош прокуратура ҳузуридаги Мажбурий ижро бюросининг "Қидирувдаги қарздор ва болалар" ахборот тизимидан қуйидаги маълумотлар олинади: Ф.И.Ш; туғилган санаси; қидирув бўйича тегишли маълумотлар. |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2022 йил январь |
Ички ишлар вазирлиги |
Мажбурий ижро бюроси (келишув асосида) |
2. Электрон ҳамкорлик модулини яратиш. |
2022 йил март |
||||
3. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил май |
||||
4. |
Қуйидагиларни назарда тутувчи Ички ишлар вазирлигининг "Қидирувдаги шахслар" тизимидан олинадиган маълумотлар: Ф.И.Ш; туғилган санаси; қидирув бўйича тегишли маълумотлар. |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2022 йил январь |
Мажбурий ижро бюроси (келишув асосида) |
Ички ишлар вазирлиги |
2. Электрон ҳамкорлик модулини яратиш. |
2022 йил март |
||||
3. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил июль |
||||
5. |
Қуйидагиларни назарда тутувчи Ички ишлар вазирлигининг "Давлатлараро қидирувдаги қарздорлар" тизимидан олинадиган маълумот: Ф.И.Ш; туғилган санаси; қидирув бўйича тегишли маълумотлар. |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2022 йил июль |
Мажбурий ижро бюроси (келишув асосида) |
Ички ишлар вазирлиги |
2. Электрон ҳамкорлик модулини яратиш. |
2022 йил август |
||||
3. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил октябрь |
||||
6. |
Қуйидагиларни назарда тутувчи ахборот тизимларидан маҳкумларнинг қарздорлиги бўйича бераладиган маълумот: Ф.И.Ш; жазо утадиган муасасса номи; паспорт (ID-карта) серияси ва рақами; қарздорлик суммаси ва ҳар ойлик иш хақи. |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2022 йил май |
Мажбурий ижро бюроси (келишув асосида) |
Ички ишлар вазирлиги |
2. Электрон ҳамкорлик модулини яратиш. |
2022 йил апрель |
||||
3. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил май |
||||
7. |
Қуйидагиларни назарда тутувчи Олий Суднинг "Суд электрон тизими маълумотлари" тизимидан олинадиган маълумот: Ф.И.Ш; туғилган санаси; жиноят ишлари натижалари бўйича тегишли маълумотлар. |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2022 йил май |
Ички ишлар вазирлиги |
Олий суд (келишув асосида) |
2. Электрон ҳамкорлик модулини яратиш. |
2022 йил июль |
||||
3. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил август |
||||
8. |
Қуйидагиларни назарда тутувчи Ички ишлар вазирлигининг ахборот тизимларидан судланган шахсларни бўйича маълумот: қамоққа олинган ажрими-хукм; жазо муддати; жазо ўтиш турлари ва бошқа суд қарорлари. |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2022 йил апрель |
Ички ишлар вазирлиги |
Олий суд (келишув асосида) |
2. Электрон ҳамкорлик модулини яратиш. |
2022 йил июнь |
||||
3. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил август |
||||
9. |
Автотранспорт воситаларига қўйилган таъқиқлар юзасидан тизимдаги камчиликларни бартараф этиш. Мулкдори ўзгармаган ҳолатларда автотранспорт воситасига қўйилган таъқиқни ечмасдан қайта рўйхатга олиш имкониятини яратиш. |
1. Тизимнинг такомиллаштириш бўйича ўрганиш ва такомиллаштириш. |
2022 йил март |
Ички ишлар вазирлиги |
Адлия вазирлиги |
2. Тизимда олиб борилган такомиллаштириш ишларига мувофиқ мавжуд технологик йўриқномаларга ўзгартиришлар киритиш. |
2022 йил май |
||||
3. Техник ишларни амалга ошириш ва якунлаш. |
2022 йил июль |
||||
10. |
Қуйидагиларни назарда тутувчи ахборот тизимларидан жaзони ижро этиш муaссaсaлaридa жaзо муддaтини ўтaётгaн мaҳкумлaр маълумотлари: ЖШШИР; Паспорт (ID-карта) серияси ва рақами; Ф.И.Ш; туғилган сана; жинси; яшаш жойи; жазони ўташ жойи; жазодан озод этилган сана; хабар матни. |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2022 йил январь |
Бандлик ва меҳнат муносабатлари вазирлиги |
Ички ишлар вазирлиги |
2. Электрон ҳамкорлик модулини яратиш. |
2022 йил февраль |
||||
3. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил март |
||||
11. |
Қуйидагиларни назарда тутувчи Ички ишлар вазирлигининг "Профилактик ва бошқа ҳисоблар" тизимидан олинадиган маълумот: Ф.И.Ш; Туғилган санаси; Ҳисоб тоифаси бўйича (пробация ва маъмурий назорат). |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2022 йил сентябрь |
Давлат чегараларини қўриқлаш қўмитаси (келишув асосида) |
Ички ишлар вазирлиги |
2. Электрон ҳамкорлик модулини яратиш. |
2022 йил октябрь |
||||
3. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил декабрь |
||||
12. |
Қуйидагиларни назарда тутувчи Давлат персоналлаштириш марказининг "Хорижий паспортлари" тизимидан олинадиган маълумот: Ф.И.Ш, туғилган санаси; ЖШШИР; паспорт (ID-карта) серия рақами; бошқа маълумотлар. |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2022 йил январь |
Ички ишлар вазирлиги |
Давлат персоналлаштириш маркази |
2. Электрон ҳукуматнинг идоралараро маълумотлар узатиш тармоғига уланиш. |
2022 йил февраль |
||||
3. Электрон ҳамкорлик модулини яратиш. 4. Электрон ҳамкорликни йўлга қўйиш. |
2022 йил март |
||||
13. |
Фуқаронинг ЖШШИР орқали паспорти тўғрисидаги маълумотлари: Ф.И.Ш; туғилган йили/санаси/куни; яшаш манзили, фуқаролиги, миллати; паспорт (ID-карта) серияси ва рақами; берилган вақти, амал қилиш муддати, ким томонидан берилган. |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2022 йил январь |
Ички ишлар вазирлиги |
Давлат персоналлаштириш маркази |
2. Электрон ҳамкорлик модулини яратиш. |
2022 йил февраль |
||||
3. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил март |
||||
14. |
Ўзбекистон Республикасида ва хорижда ишлаб чиқариладиган автомототранспорт воситалари моделлари, маркалари ва бошқа маълумотларини тақдим этиш (Ягона реестрни шакллантириш). |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2022 йил май |
Ички ишлар вазирлиги |
"Ўзавтосаноат" АЖ |
2. Электрон ҳамкорлик модулини яратиш. |
2022 йил июнь |
||||
3. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил июль |
||||
15. |
Ўзбекистон Республикасида ишлаб чиқарилиб савдога чиқарилган автомототранспорт воситалари тўғрисидаги тўлиқ маълумотларни мазкур автомототранспорт воситасини давлат рўйхатидан ўтказиш учун тақдим этиш. |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2022 йил февраль |
Ички ишлар вазирлиги |
"Ўзавтосаноат" АЖ |
2. Электрон ҳамкорлик модулини яратиш. |
2022 йил март |
||||
3. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил апрель |
||||
16. |
Қуйидагиларни назарда тутувчи ахборот тизимларидан жазони ижро этиш жойларида бўлган фуқаролар тўғрисида ҳамда озодликдан маҳрум этиш жойларидан чиққан шахслар тўғрисида маълумот бериш: ЖШШИР; Ф.И.Ш; озод этилган санаси. |
1. Электрон ҳамкорлик бўйича технологик йўриқномани ишлаб чиқиш ва тасдиқлаш. |
2022 йил декабрь |
Молия вазирлиги |
Ички ишлар вазирлиги |
2. Электрон ҳамкорлик модулини яратиш. |
2022 йил январь |
||||
3. Электрон ҳамкорликни электрон ҳукуматнинг идоралараро маълумотлар узатиш тармоғи орқали йўлга қўйиш. |
2022 йил февраль |
2021 йил 15 октябрдаги
645-сон қарорига
3-ИЛОВА
Ички ишлар органлари ходимлари учун
ахборот-коммуникация технологияларини жорий
қилиш бўйича шартнома асосида малака ошириш ўқув
курсларини ташкил этувчи олий таълим муассасалари
ва бошқа ташкилотлар
РЎЙХАТИ
Т/р |
Ички ишлар таркибий тузилмаси |
Олий таълим муассасалари ва ахборот технологиялари йўналишига ихтисослашган инновацион ташкилотлар |
1. |
Ўзбекистон Республикаси Ички ишлар вазирлиги марказий аппарати |
Муҳаммад ал-Хоразмий номидаги Тошкент ахборот технологиялари университети, "Ўзбектелеком" АК |
2. |
Қорақалпоғистон Республикаси Ички ишлар вазирлиги |
Муҳаммад ал-Хоразмий номидаги Тошкент ахборот технологиялари университети Нукус филиали, "IT-Park" Нукус филиали |
3. |
Андижон вилояти Ички ишлар бошқармаси |
Андижон давлат университети, Андижон "Digital City" технопарки |
4. |
Бухоро вилояти Ички ишлар бошқармаси |
Бухоро давлат университети, "IT-Park"Бухоро филиали |
5. |
Жиззах вилояти Ички ишлар бошқармаси |
Тошкент шаҳридаги Инха университети, "IT-Park" Жиззах филиали |
6. |
Қашқадарё вилояти Ички ишлар бошқармаси |
Муҳаммад ал-Хоразмий номидаги Тошкент ахборот технологиялари университети Қарши филиали,"IT-Park" Қашқадарё филиали |
7. |
Навоий вилояти Ички ишлар бошқармаси |
Тошкент шаҳридаги Амити университети, "IT-Park" Навоий филиали |
8. |
Наманган вилояти Ички ишлар бошқармаси |
Наманган давлат университети, "UNICON.UZ" фан-техника ва маркетинг тадқиқотлари маркази |
9. |
Самарқанд вилояти Ички ишлар бошқармаси |
Муҳаммад ал-Хоразмий номидаги Тошкент ахборот технологиялари университети Самарқанд филиали, "IT-Park" Самарқанд филиали |
10. |
Сирдарё вилояти Ички ишлар бошқармаси |
Гулистон давлат университети, "IT-Park" Сирдарё филиали |
11. |
Сурхондарё вилояти Ички ишлар бошқармаси |
Термиз давлат университети, "Хавфсиз шаҳар" жамоат хавфсизлигига кўмаклашиш маркази |
12. |
Тошкент вилояти Ички ишлар бошқармаси |
Муҳаммад ал-Хоразмий номидаги Тошкент ахборот технологиялари университети Нурафшон филиали, Электрон ҳукумат лойиҳаларини бошқариш маркази |
13. |
Фарғона вилояти Ички ишлар бошқармаси |
Муҳаммад ал-Хоразмий номидаги Тошкент ахборот технологиялари университети Фарғона филиали, "IT-Park" Фарғона филиали |
14. |
Хоразм вилояти Ички ишлар бошқармаси |
Муҳаммад ал-Хоразмий номидаги Тошкент ахборот технологиялари университети Урганч филиали, "IT-Park" Урганч филиали |
15. |
Тошкент шаҳар Ички ишлар бош бошқармаси |
Тошкент шаҳридаги Инха университети, Ягона интегратор "UZINFOCOM" |
16. |
Ўзбекистон Республикаси Ички ишлар вазирлиги ҳарбий тузилмаларининг бўлинмалари |
Муҳаммад ал-Хоразмий номидаги Тошкент ахборот технологиялари университети, "Ўзбектелеком" АК |
Қонун ҳужжатлари маълумотлари миллий базаси (www.lex.uz),
2021 йил 15 октябрь