Давлат солиқ қўмитасининг 24.09.2021 й. 2021-37-сон "Юридик шахсларни йирик солиқ тўловчилар тоифасига киритишнинг мезонларини белгилаш тўғрисидаги низомга қўшимчалар ва ўзгартириш киритиш ҳақида"ги Қарори (АВ томонидан 26.10.2021 й. 3172-2-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

26.10.2021 й.

N 3172-2

ЎЗБЕКИСТОН РЕСПУБЛИКАСИ

ДАВЛАТ СОЛИҚ ҚЎМИТАСИНИНГ

24.09.2021 й.

N 2021-37

ҚАРОРИ

Юридик шахсларни йирик солиқ тўловчилар

тоифасига киритишнинг мезонларини белгилаш

тўғрисидаги низомга қўшимчалар ва ўзгартириш

киритиш ҳақида

Ўзбекистон Республикасининг Солиқ кодекси ҳамда Ўзбекистон Республикаси Вазирлар Маҳкамасининг 2019 йил 17 апрелдаги 320-сон "Давлат солиқ хизмати органлари фаолиятини янада такомиллаштириш чора-тадбирлари тўғрисида"ги қарорига мувофиқ Ўзбекистон Республикаси Давлат солиқ қўмитаси ҚАРОР ҚИЛАДИ:

1. Ўзбекистон Республикаси Давлат солиқ қўмитасининг 2019 йил 8 июлдаги 2019-45-сон қарори (рўйхат рақами 3172, 2019 йил 12 июль) (Ўзбекистон Республикаси қонун ҳужжатлари тўплами, 2019 й., 28-сон, 514-модда) билан тасдиқланган Юридик шахсларни йирик солиқ тўловчилар тоифасига киритишнинг мезонларини белгилаш тўғрисидаги низомга иловага мувофиқ қўшимчалар ва ўзгартириш киритилсин.

2. Мазкур қарор расмий эълон қилинган кундан эътиборан кучга киради.

Давлат солиқ қўмитаси раиси                                                    Ш.Д. Кудбиев

Қарорга

ИЛОВА

Юридик шахсларни йирик солиқ тўловчилар

тоифасига киритишнинг мезонларини белгилаш

тўғрисидаги низомга киритилаётган қўшимчалар

ва ўзгартириш

1. 4-бандда:

"д" кичик банд "юридик шахслар" деган сўзлардан кейин ", чет эл юридик шахсларининг Ўзбекистон Республикасидаги доимий муассасалари (бўлинмалари)" деган сўзлар билан тўлдирилсин;

"е" кичик банд "юридик шахслар" деган сўзлардан кейин "ва уларга товар (иш ва хизмат) етказиб берувчи чет эл юридик шахсларининг Ўзбекистон Республикасидаги доимий муассасалари (бўлинмалари)" деган сўзлар билан тўлдирилсин;

қуйидаги мазмундаги "з" кичик банд билан тўлдирилсин:

"з) реализация қилиш жойи Ўзбекистон Республикаси бўлган электрон шаклдаги хизматларни реализация қилишни амалга оширувчи чет эл юридик шахслари.".

2. 7-банднинг иккинчи хатбошисидаги "қарор" деган сўз "буйруқ" деган сўз билан алмаштирилсин.

3. Мазкур қўшимчалар ва ўзгартириш Ўзбекистон Республикаси Молия вазирлиги, Иқтисодий тараққиёт ва камбағалликни қисқартириш вазирлиги, Савдо-саноат палатаси билан келишилган.

Қонун ҳужжатлари маълумотлари миллий базаси (www.lex.uz),

2021 йил 26 октябрь