Саноат хавфсизлиги давлат қўмитасининг 24.11.2021 й. 03/ЮБ-12-сон "Ионлаштирувчи нурланиш манбаларини инвентаризациядан ўтказиш тартиби тўғрисидаги йўриқноманинг 1-бандига ўзгартириш киритиш тўғрисида"ги Қарори (АВ томонидан 02.12.2021 й. 2690-3-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

02.12.2021 й.

N 2690-3

ЎЗБЕКИСТОН РЕСПУБЛИКАСИ

САНОАТ ХАВФСИЗЛИГИ ДАВЛАТ

ҚЎМИТАСИНИНГ

24.11.2021 й.

N 03/ЮБ-12

ҚАРОРИ

Ионлаштирувчи нурланиш манбаларини

инвентаризациядан ўтказиш тартиби тўғрисидаги

йўриқноманинг 1-бандига ўзгартириш киритиш тўғрисида

Ўзбекистон Республикаси Вазирлар Маҳкамасининг 2021 йил 29 сентябрдаги 613-сон "Нурланиш олишнинг индивидуал дозаларини назорат қилиш ва ҳисобга олиш ягона давлат тизими тўғрисида"ги қарорига мувофиқ Ўзбекистон Республикаси Саноат хавфсизлиги давлат қўмитаси ҚАРОР ҚИЛАДИ:

1. Ўзбекистон Республикаси Вазирлар Маҳкамаси ҳузуридаги Ер қаърини геологик ўрганиш, саноатда, кончиликда ва коммунал-маиший секторда ишларнинг бехатар олиб борилишини назорат қилиш давлат инепекцияси бошлиғининг 2015 йил 10 июндаги 59-сон буйруғи (рўйхат рақами 2690, 2015 йил 26 июнь) (Ўзбекистон Республикаси қонун ҳужжатлари тўплами, 2015 й, 25-сон, 336-модда) билан тасдиқланган Ионлаштирувчи нурланиш манбаларини инвентаризациядан ўтказиш тартиби тўғрисидаги йўрикноманинг 1-банди иккинчи хатбошиси қуйидаги таҳрирда баён этилсин:

"ионлаштирувчи нурланиш манбаи (ИНМ) - ўзидан ионлаштирувчи нурланиш чиқарувчи ёки чиқаришга қодир бўлган қурилма ва (ёки) радиоактив модда;".

2. Мазкур карор расмий эълон қилинган кундан эътиборан кучга киради.

Саноат хавфсизлиги давлат қўмитасииииг раиси                            Б.В. Гулямов

Қонун ҳужжатлари маълумотлари миллий базаси (www.lex.uz),

2021 йил 2 декабрь