Давлат мақсадли жамғармаларининг харажатлар сметаси ҳамда молиявий ҳисоботларини тузиш, тасдиқлаш ва тақдим этиш тартиби тўғрисидаги Низом (АВ томонидан 06.12.2021 й. 3341-сон билан рўйхатга олинган молия вазирининг 02.11.2021 й. 68-сон буйруғига илова)

Функция недоступна

Ўзбекистон Республикаси

Адлия вазирлигида

2021 йил 6 декабрда 3341-сон

билан рўйхатга олинган

Ўзбекистон Республикаси

молия вазирининг

2021 йил 2 ноябрдаги

68-сон буйруғига

ИЛОВА

Давлат мақсадли жамғармаларининг харажатлар

сметаси ҳамда молиявий ҳисоботларини тузиш,

тасдиқлаш ва тақдим этиш тартиби тўғрисидаги

НИЗОМ

Мазкур Низом Ўзбекистон Республикасининг Бюджет кодекси ва "Бухгалтерия ҳисоби тўғрисида"ги Қонунига мувофиқ Ўзбекистон Республикасининг консолидациялашган бюджети таркибига кирадиган давлат мақсадли жамғармаларининг харажатлар сметаси, вақтинчалик харажатлар сметаси, жамланма харажатлар сметаси, жамланма вақтинчалик харажатлар сметаси, даромадлар ва харажатлар сметаси ҳамда жамланма даромадлар ва харажатлар сметасини тузиш, тасдиқлаш ва рўйхатдан ўтказиш, шунингдек давлат мақсадли жамғармаларининг молиявий ҳисоботларини тузиш, тасдиқлаш ва тақдим қилиш тартибини белгилайди.

1-БОБ. УМУМИЙ ҚОИДАЛАР

1. Давлат мақсадли жамғармаларининг харажатлари уларнинг харажатлар сметасида кўрсатилган доирада ва мақсадларда амалга оширилади.

2. Ушбу Низомда қуйидаги асосий тушунчалар қўлланилади:

давлат мақсадли жамғармаларини тақсимловчи органлар - таркибида давлат мақсадли жамғармалари мавжуд бўлган вазирликлар ва идоралар;

молиявий ҳисоботларга тушунтириш хати - молиявий ҳисоботларда тақдим этилган маълумотлар учун қўшимча ахборот. Молиявий ҳисоботларга тушунтириш хатида изоҳлар, ҳисоботларда келтирилган маълумотларнинг кенгайтирилган кўриниши ва ҳисоботларда кўрсатиб ўтилмаган қўшимча маълумотлар тақдим этилади;

соф активлар/капитал - давлат мақсадли жамғармаларининг активларидан унинг барча мажбуриятлари чегирилгандаги қолдиғи. Соф активлар/капитал салбий ёки ижобий бўлиши мумкин.

3. Давлат мақсадли жамғармалари харажатлар сметасини норматив-ҳуқуқий ҳужжатлар ҳамда мазкур Низом талаблари асосида мустақил равишда тузадилар.

Давлат мақсадли жамғармаларининг ҳудудий бўлимлари томонидан ҳудудий бўлимлар харажатлар сметаси, вақтинчалик харажатлар сметаси, жамланма харажатлар сметаси, жамланма вақтинчалик харажатлар сметаси, даромадлар ва харажатлар сметаси, жамланма даромадлар ва харажатлар сметаси тузилади ва тасдиқланади ҳамда давлат мақсадли жамғармалари томонидан рўйхатга олинади.

Давлат мақсадли жамғармалари томонидан уларнинг харажатлар сметаси, вақтинчалик харажатлар сметаси, жамланма харажатлар сметаси, жамланма вақтинчалик харажатлар сметаси, даромадлар ва харажатлар сметаси ҳамда жамланма даромадлар ва харажатлар сметаси тузилади ва тасдиқланади ҳамда давлат мақсадли жамғармаларини тақсимловчи органлар ёки Ўзбекистон Республикаси Молия вазирлиги (бундан буён матнда Молия вазирлиги деб юритилади) томонидан рўйхатга олинади.

4. Давлат мақсадли жамғармаларининг харажатлар сметаси (бундан буён матнда харажатлар сметаси деб юритилади) бир молия йили муддатига тузилади ва амал қилади.

Давлат мақсадли жамғармаларининг харажатлари бюджет тўғрисидаги қонунчилик ҳужжатларида назарда тутилган ҳолларда вақтинчалик харажатлар сметаси асосида амалга оширилади.

5. Харажатлар сметасини тузишда меҳнатга ҳақ тўлаш миқдорлари ва шартлари, айрим товарлар (ишлар, хизматлар) учун қонунчилик ҳужжатлари билан белгиланадиган нарх ва тарифлар:

давлат мақсадли жамғармалари (молия йили мобайнида янгидан тузилаётган давлат мақсадли жамғармаларидан ташқари) бўйича - мазкур сметалар тузилаётган молия йилининг 1 январида амалда бўлган шартларда;

молия йили мобайнида янгидан тузилган давлат мақсадли жамғармалари бўйича - мазкур жамғарма фаолият кўрсатиши бошланган ойнинг 1 санаси ҳолатига кўра ҳисобга олинади.

6. Бюджет тизими бюджетларининг ижроси жараёнида давлат мақсадли жамғармаларининг қўшимча харажатлари юзага келганда, уларнинг харажатлар сметасига бюджет тўғрисидаги қонунчилик ҳужжатлари ҳамда мазкур Низомда белгиланган тартибда ўзгартиришлар киритилади.

7. Харажатлар сметаси, вақтинчалик харажатлар сметаси, жамланма харажатлар сметаси, жамланма вақтинчалик харажатлар сметаси, даромадлар ва харажатлар сметаси ҳамда жамланма даромадлар ва харажатлар сметаси сўмда тузилади.

8. Давлат мақсадли жамғармалари ва уларнинг ҳудудий бўлимлари томонидан "УзАСБО" дастурий мажмуаси (бундан буён матнда дастурий мажмуа деб юритилади) орқали давлат мақсадли жамғармаларининг харажатлар сметаси, вақтинчалик харажатлар сметаси, жамланма харажатлар сметаси, жамланма вақтинчалик харажатлар сметаси, даромадлар ва харажатлар сметаси ҳамда жамланма даромадлар ва харажатлар сметаси, шунингдек уларга ўзгартиришларни кўриб чиқиш ва рўйхатдан ўтказиш учун Молия вазирлигининг Давлат молиясини бошқариш ахборот тизимига (бундан буён матнда ДМБАТ деб юритилади) жўнатилади.

9. Давлат мақсадли жамғармалари ва улар ҳудудий бўлимларининг харажатлар сметаси, вақтинчалик харажатлар сметаси, жамланма харажатлар сметаси, жамланма вақтинчалик харажатлар сметаси, даромадлар ва харажатлар сметаси ва жамланма даромадлар ва харажатлар сметаси бош бухгалтер (унинг ўринбосари) ва молия-иқтисод бўлинмаси бошлиғи (штат жадвалига мувофиқ молия-иқтисод масалалари бўйича мутахассиси) ёхуд унинг вазифалари юклатилган ходим томонидан имзоланади ҳамда раҳбар ёки у ваколат берган шахс томонидан тасдиқланади ва ҳар бирига хос "QR" кодлар қўйилиб, ДМБАТ тизимида рўйхатга олинади.

10. Давлат мақсадли жамғармаларининг ойлар ва чораклар кесимидаги харажатлари уларнинг даромадларидан ошиб кетишига, агар мазкур харажатлар давлат мақсадли жамғармаларининг йил бошидаги қолдиқ маблағлари билан қопланмаса, йўл қўйилмайди.

11. Давлат мақсадли жамғармаларининг даврий молиявий ҳисоботи қуйидаги ҳисобот турларини ўз ичига олади:

давлат мақсадли жамғармаларининг молиявий ҳисоботлари;

давлат мақсадли жамғармалари бюджетларига даромадларнинг тушумлари тўғрисидаги ҳисобот;

давлат мақсадли жамғармалари бюджетларининг ижроси тўғрисидаги ҳисобот.

12. Молиявий ҳисоботлар кўрсаткичлари салбий қолдиққа эга бўлса, у ҳолда ҳисоботларда ушбу кўрсаткичлар "минус" белгиси билан акс эттирилади.

13. Молиявий ҳисоботларда кўрсатиладиган ахборотлар тушунарли, содда ва тўлиқ бўлиши лозим.

2-БОБ. ХАРАЖАТЛАР СМЕТАСИ, ВАҚТИНЧАЛИК

ХАРАЖАТЛАР СМЕТАСИ, ЖАМЛАНМА ХАРАЖАТЛАР

СМЕТАСИ, ЖАМЛАНМА ВАҚТИНЧАЛИК ХАРАЖАТЛАР

СМЕТАСИНИ ТУЗИШ, ТАСДИҚЛАШ ВА УЛАРНИ КЎРИБ

ЧИҚИШ, ШУНИНГДЕК ДАРОМАДЛАР ВА ХАРАЖАТЛАР

СМЕТАСИ ҲАМДА ЖАМЛАНМА ДАРОМАДЛАР ВА

ХАРАЖАТЛАР СМЕТАСИНИ ТУЗИШ ВА

ТАСДИҚЛАШ

1-§. Харажатлар сметасини тузиш ва тасдиқлаш

14. Харажатлар сметаси давлат мақсадли жамғармалари ва уларнинг ҳудудий бўлимлари томонидан мазкур Низомнинг 1-иловасига мувофиқ шаклда тузилади ва молия йилининг ўнинчи мартидан кечиктирмай тасдиқланади.

IV гуруҳ "Бошқа харажатлар" бўйича харажатлар ёйилмаси мазкур Низомнинг 1-иловасида келтирилган харажатлар сметасининг иловасига мувофиқ шаклда тузилади.

15. Харажатлар сметаси давлат мақсадли жамғармалари томонидан уларга тегишли молия йили учун қонунчилик ҳужжатларига мувофиқ ажратиладиган маблағлар ҳажми доирасида тузилади.

Молия йили учун қонунчилик ҳужжатларига мувофиқ ажратилган маблағлар ҳажми давлат мақсадли жамғармаларига давлат мақсадли жамғармаларини тақсимловчи органлар томонидан етказилади.

Давлат мақсадли жамғармаларининг ҳудудий бўлимларига молия йили учун қонунчилик ҳужжатларига мувофиқ ажратилган маблағлар ҳажмини етказиш тегишли давлат мақсадли жамғармалари томонидан амалга оширилади.

16. Давлат мақсадли жамғармаларининг бюджет лойиҳалари, харажатлар сметаси иқтисодий ва ижтимоий ривожлантириш дастурлари кўрсаткичларига ва тежамкорликнинг қатъий режимини ҳисобга олган ҳолда маблағларга бўлган эҳтиёжга мувофиқ амалга оширилиши лозим.

17. Харажатларни ҳисоблаб чиқаришда қуйидагиларга амал қилиниши зарур:

давлат мақсадли жамғармасининг қонунчиликка мувофиқ асосий вазифалари ва фаолияти йўналишларига;

қонунчилик ҳужжатларига мувофиқ давлат мақсадли жамғармалари харажатларининг нормативларига;

товар ва хизматларнинг давлат томонидан тартибга солинадиган нархлари ва тарифларига.

Жумладан:

харажатлар сметасига иш ҳақи учун жамғармадан ажратиладиган маблағлар қонунчилик ҳужжатлари билан белгиланган лавозим маошлари, уларга қўшимча ҳақ тўлаш ва устамалар ҳамда амалдаги намунавий штатлар ва штат нормативларига риоя этилган ҳолда киритилади. Ишбай шаклда бажариладиган ишлар учун иш ҳақи, молия йилига харажатлар сметасида назарда тутилган шундай ишларнинг ҳажмидан келиб чиқиб харажатлар сметасига киритилади;

ижтимоий солиқ тўловини тўлаш харажатлари харажатлар сметасига қонунчилик ҳужжатларига мувофиқ ижтимоий солиқ тўлови тўланадиган барча тўлов суммаларидан келиб чиққан ҳолда киритилади;

иш берувчининг фуқаролик жавобгарлигини мажбурий суғурта қилиш бўйича суғурта мукофотини тўлаш харажатлари харажатлар сметасига қонунчилик ҳужжатларида белгиланган тартибда иш берувчининг барча ходимларининг ўтган йилги иш ҳақининг ҳақиқий харажатларидан келиб чиққан ҳолда киритилади;

хўжалик харажатлари, жумладан коммунал хизматлар учун харажатлар ҳар бир ташкилотга кўрсатиладиган хизмат доирасида ўтган ҳисобот давридаги ҳақиқий харажатдан келиб чиқиб ёки белгиланган лимит (жисмоний ҳажмлар) доирасида ҳамда нарх ва тарифларни ҳисобга олган ҳолда ҳисобланади;

телефон ва бошқа телекоммуникация хизматлари харажатлари абонент рақамлари сони ва хизматлар учун тасдиқланган тарифлардан келиб чиқиб ҳисобланади;

давлат мақсадли жамғармаларининг бинолар, иншоотлар, транспорт воситаларидан фойдаланиш, бинолар ва транспорт воситалари, шунингдек бошқа мулк ижараси билан боғлиқ харажатлари қонунчилик ҳужжатларида белгиланган харажатлар меъёри, лимитлар ва натурал кўрсаткичлардан келиб чиқиб аниқланади;

хизмат сафарларига харажатлар ташкилотларнинг олдига қўйилган вазифалардан, шунингдек қонунчилик ҳужжатларида белгиланган меъёрлардан келиб чиққан ҳолда аниқланади;

бюджет тизими бюджетлари харажатларининг иқтисодий таснифи бўйича бошқа харажатларни аниқлашда ўзгача кўрсаткичлар ва услублар қўлланилиши мумкин, уларнинг асосланганлиги харажатлар сметасини рўйхатдан ўтказувчи тегишли давлат мақсадли жамғармаларини тақсимловчи органлар ёки Молия вазирлиги томонидан текширилади.

18. Давлат мақсадли жамғармалари томонидан амалга ошириладиган харажатлар бўйича улар томонидан жамғармани сақлаш, юклатилган вазифаларни бажариш учун тузилган харажатлар сметасидан ташқари белгиланган тартибда жамғарманинг вақтинча бўш турган маблағларини тижорат банклари депозитларига жойлаштириш бўйича харажатлар сметаси тузилиши мумкин.

19. Давлат мақсадли жамғармалари ва улар ҳудудий бўлимларининг харажатлар сметаси дастурий мажмуада уларнинг раҳбари ёки у ваколат берган шахс томонидан электрон рақамли имзо билан ушбу сана кўрсатилган ҳолда тасдиқланади. Бунда, ходимлар иш ҳақи жамғармасининг суммасини ажратган ҳолда сметада харажатларнинг умумий суммаси кўрсатилади.

20. Давлат мақсадли жамғармалари ва уларнинг ҳудудий бўлимлари томонидан харажатлар сметаси кўриб чиқиш ва рўйхатдан ўтказиш учун у тасдиқланган кундан кечиктирмай ДМБАТ тизими орқали тегишли органларга юборилади.

2-§. Вақтинчалик харажатлар сметаси ва жамланма

вақтинчалик харажатлар сметасини тузиш

ва тасдиқлаш

21. Давлат мақсадли жамғармалари ва уларнинг ҳудудий бўлимлари томонидан вақтинчалик харажатлар сметасини тузиш ва тасдиқлаш мазкур Низомнинг 2-иловасига мувофиқ шаклда, жамланма вақтинчалик харажатлар сметасини тузиш ва тасдиқлаш эса мазкур Низомнинг 2а-иловасига мувофиқ шаклда кейинги молия йилининг биринчи чорагини ойма-ой бўлган ҳолда амалга оширилади.

Бунда, вақтинчалик харажатлар сметасида назарда тутиладиган маблағлар кейинги молия йилининг биринчи чорагидаги даромадлар прогнозидан ортиқ бўлмаслиги лозим ҳамда қонунчилик ҳужжатларида белгиланган тадбирларни амалга ошириш учун харажатлар суммасига аниқлик киритилиши мумкин.

Келгуси молия йилининг биринчи чораги учун давлат мақсадли жамғармаларининг вақтинчалик харажатлар сметаси ва жамланма вақтинчалик харажатлар сметаси жорий молия йилининг 10 декабригача тузилади ва тасдиқланади.

22. Вақтинчалик харажатлар сметаси ва жамланма вақтинчалик харажатлар сметаси харажатлар сметаси тасдиқлангунга қадар амалда бўлади. Бунда, рўйхатдан ўтказиш учун тақдим этилган харажатлар сметасида белгиланган биринчи чорак учун бюджетдан ажратиладиган маблағлар вақтинчалик харажатлар сметасида назарда тутилган бюджетдан ажратиладиган маблағлардан кам бўлмаслиги керак.

Рўйхатдан ўтказилган харажатлар сметаси мавжуд бўлмаган тақдирда, жорий молия йилининг 1 апрелидан эътиборан давлат мақсадли жамғармасининг харажатлари харажатлар сметаси рўйхатдан ўтказилгунига қадар тўхтатиб турилади.

23. Вақтинчалик харажатлар сметаси ва жамланма вақтинчалик харажатлар сметасини тузиш, тасдиқлаш мазкур бобнинг 1-параграфига мувофиқ амалга оширилади.

3-§. Жамланма харажатлар сметасини тузиш

ва тасдиқлаш

24. Давлат мақсадли жамғармалари ва уларнинг ҳудудий бўлимлари томонидан жамланма харажатлар сметаси, бюджет тизими бюджетлари харажатлари таснифига мувофиқ бўлим, кичик бўлим, боб ва харажатлар моддалари кесимида, бўйсунувидаги ҳудудий бўлимларнинг харажатлар сметасини, давлат мақсадли жамғармаларининг харажатлар сметасини жамлаш йўли билан мазкур Низомнинг 3-иловасига мувофиқ шаклларда тузилади ва молия йилининг 10 мартидан кечиктирмай тасдиқланади ҳамда жамланма харажатлар сметасига тармоқ, штат ва контингентлар бўйича жамланма ҳисоботлар илова қилинади.

25. Жамланма харажатлар сметаси бўйича IV гуруҳ харажатлари ёйилмаси мазкур Низомнинг 3-иловасида келтирилган жамланма харажатлар сметасининг 1-иловасига мувофиқ шаклда тузилади ва тасдиқланади.

Давлат мақсадли жамғармалари бўйича тармоқ, штат ва контингентга доир режанинг бажарилиши тўғрисидаги ҳисобот шакллари мазкур Низомнинг 3-иловасида келтирилган жамланма харажатлар сметасининг тегишлилигига кўра 2-20-иловаларига мувофиқ шаклларда тузилади ҳамда тасдиқланади.

4-§. Харажатлар сметаси, вақтинчалик харажатлар сметаси,

жамланма харажатлар сметаси ва жамланма вақтинчалик

харажатлар сметасини кўриб чиқиш

26. Давлат мақсадли жамғармаларининг Қорақалпоғистон Республикаси, вилоятлар, Тошкент шаҳар ҳудудий бўлимлари ва туман (шаҳар) бўлимларининг харажатлар сметаси, вақтинчалик харажатлар сметаси, жамланма харажатлар сметаси ва жамланма вақтинчалик харажатлар сметаси тақдим этилган кундан бошлаб ўн беш кунлик муддатда мос равишда давлат мақсадли жамғармалари ва уларнинг Қорақалпоғистон Республикаси, вилоятлар ва Тошкент шаҳар ҳудудий бўлимлари томонидан кўриб чиқилади.

Давлат мақсадли жамғармаларининг харажатлар сметаси, вақтинчалик харажатлар сметаси, жамланма харажатлар сметаси ва жамланма вақтинчалик харажатлар сметаси тақдим этилган кундан бошлаб ўн беш кунлик муддатда давлат мақсадли жамғармаларини тақсимловчи органлар ёки Молия вазирлиги (давлат мақсадли жамғармасининг тақсимловчи органи мавжуд бўлмаганда) томонидан кўриб чиқилади.

27. Ҳудудий бўлимлар томонидан тақдим этилган харажатлар сметаси, вақтинчалик харажатлар сметаси, жамланма харажатлар сметаси ва жамланма вақтинчалик харажатлар сметаси мазкур бўлимларнинг раҳбарлари иштирокида кўриб чиқилиши мумкин.

28. Харажатлар сметаси, вақтинчалик харажатлар сметаси, жамланма харажатлар сметаси ва жамланма вақтинчалик харажатлар сметасини кўриб чиқишда қуйидаги талабларга риоя қилиниши лозим:

тежамкорлик режимига амал қилган ҳолда харажатлар сметаси, вақтинчалик харажатлар сметаси, жамланма харажатлар сметаси ва жамланма вақтинчалик харажатлар сметасида асосланмаган харажатлар келтириб чиқарадиган тадбирлар учун маблағлар киритилишига йўл қўймаслик;

алоҳида тадбирларни ўтказиш муддатларини ва уларни молиялаштиришни таъминлаш имконини ҳисобга олган ҳолда харажатлар сметаси, вақтинчалик харажатлар сметаси, жамланма харажатлар сметаси ва жамланма вақтинчалик харажатлар сметаси бўйича ажратилган маблағларни чорак (ой)ларга тақсимлашни таъминлаш.

29. Кўриб чиқиш жараёнида қуйидагилар текширилади:

IV гуруҳ бўйича харажатлар суммасининг IV гуруҳ харажатлари ёйилмасида кўрсатилган суммага мувофиқлиги;

харажатлар сметаси, вақтинчалик харажатлар сметаси, жамланма харажатлар сметаси ва жамланма вақтинчалик харажатлар сметасига киритилган харажатлар бўйича бошқа ҳисоб-китоблар ва асослантириш.

30. Харажатлар сметаси, вақтинчалик харажатлар сметаси, жамланма харажатлар сметаси ва жамланма вақтинчалик харажатлар сметасининг асосланганлигини қўшимча ўрганиш мақсадида тегишли давлат мақсадли жамғармалари ва уларнинг ҳудудий бўлимларидан харажатлар сметаси, вақтинчалик харажатлар сметаси, жамланма харажатлар сметаси ва жамланма вақтинчалик харажатлар сметасини тузиш ҳамда ижро этишнинг исталган босқичида уларга доир ҳисоб-китоблар талаб қилиб олиниши мумкин.

31. Агар рўйхатдан ўтказиш учун тақдим этилган харажатлар сметаси, вақтинчалик харажатлар сметаси, жамланма харажатлар сметаси ва жамланма вақтинчалик харажатлар сметаси бўйича харажатлар суммаси белгиланган тартибда етказилган суммага нисбатан ортиқ бўлса, харажатлар сметаси, вақтинчалик харажатлар сметаси, жамланма харажатлар сметаси ва жамланма вақтинчалик харажатлар сметаси бўйича харажатларнинг ортиқча қисми қисқартирилади.

Рўйхатдан ўтказиш учун тақдим этилган харажатлар сметаси, вақтинчалик харажатлар сметаси, жамланма харажатлар сметаси ва жамланма вақтинчалик харажатлар сметасида харажатлар суммасининг оширилишига йўл қўйилмайди.

32. Давлат мақсадли жамғармалари уларнинг ҳудудий бўлимларининг харажатлар сметаси, вақтинчалик харажатлар сметаси, жамланма харажатлар сметаси ва жамланма вақтинчалик харажатлар сметасини рўйхатдан ўтказиш муддатларини мустақил белгилайди.

5-§. Даромадлар ва харажатлар сметаси, жамланма

даромадлар ва харажатлар сметасини тузиш

ҳамда тасдиқлаш

33. Давлат мақсадли жамғармалари ва уларнинг ҳудудий бўлимлари томонидан даромадлар ва харажатлар сметаси мазкур Низомнинг 4-иловасига мувофиқ шаклда, жамланма даромадлар ва харажатлар сметаси эса мазкур Низомнинг 4а-иловасига мувофиқ шаклда ҳар йили тузилади ҳамда тасдиқланади.

Бунда, даромадлар ва харажатларни режалаштириш давлат мақсадли жамғармалари томонидан қонунчилик ҳужжатларига мувофиқ белгиланган даромадлар манбаи ва харажатлар йўналишларидан келиб чиққан ҳолда амалга оширилади.

34. Давлат мақсадли жамғармалари бўйича даромадлар ва харажатлар сметаси ҳамда жамланма даромадлар ва харажатлар сметасини тузиш, тасдиқлаш мазкур Низомда давлат мақсадли жамғармаларининг харажатлар сметалари ва жамланма харажатлар сметаларини тузиш, тасдиқлаш учун белгиланган тартибда ва муддатларда амалга оширилади.

Давлат мақсадли жамғармалари бўйича даромадлар ва харажатлар сметаси ҳамда жамланма даромадлар ва харажатлар сметасининг даромад қисми молия йили бошидаги маблағлар қолдиғи ҳамда даромадларнинг манбалар кесимидаги прогнозидан ташкил топади.

3-БОБ. ХАРАЖАТЛАР СМЕТАСИ, ВАҚТИНЧАЛИК

ХАРАЖАТЛАР СМЕТАСИ, ЖАМЛАНМА ХАРАЖАТЛАР

СМЕТАСИ, ЖАМЛАНМА ВАҚТИНЧАЛИК ХАРАЖАТЛАР

СМЕТАСИ ҲАМДА ДАРОМАДЛАР ВА ХАРАЖАТЛАР

СМЕТАСИНИ РЎЙХАТДАН ЎТКАЗИШ

35. Келгуси молия йилининг биринчи чораги учун давлат мақсадли жамғармаларининг Қорақалпоғистон Республикаси, вилоятлар ва Тошкент шаҳар ҳамда туман (шаҳар) ҳудудий бўлимларининг вақтинчалик харажатлар сметаси ва жамланма вақтинчалик харажатлар сметаси мос равишда давлат мақсадли жамғармалари ҳамда Қорақалпоғистон Республикаси, вилоятлар ва Тошкент шаҳар ҳудудий бўлимлари томонидан, давлат мақсадли жамғармаларининг вақтинчалик харажатлар сметаси ва жамланма вақтинчалик харажатлар сметаси эса давлат мақсадли жамғармаларини тақсимловчи органлар ёки Молия вазирлиги томонидан жорий молия йилининг 25 декабрига қадар рўйхатдан ўтказилади.

36. Давлат мақсадли жамғармаларининг Қорақалпоғистон Республикаси, вилоятлар ва Тошкент шаҳар ҳамда туман (шаҳар) ҳудудий бўлимларининг харажатлар сметаси, жамланма харажатлар сметаси, даромадлар ва харажатлар сметаси ҳамда жамланма даромадлар ва харажатлар сметаси мос равишда давлат мақсадли жамғармалари ва Қорақалпоғистон Республикаси, вилоятлар ва Тошкент шаҳар ҳудудий бўлимлари томонидан, давлат мақсадли жамғармаларининг харажатлар сметаси, жамланма харажатлар сметаси, даромадлар ва харажатлар сметаси ҳамда жамланма даромадлар ва харажатлар сметаси эса давлат мақсадли жамғармаларини тақсимловчи органлар ёки Молия вазирлиги томонидан молия йилининг 1 апрелидан кечиктирмай рўйхатдан ўтказилади.

37. Харажатлар сметаси, вақтинчалик харажатлар сметаси, жамланма харажатлар сметаси, жамланма вақтинчалик харажатлар сметасини кўриб чиқиш натижалари бўйича уларни рўйхатдан ўтказилганлиги ёки рўйхатдан ўтказиш рад этилганлиги ҳақида давлат мақсадли жамғармалари ҳамда уларнинг тегишли Қорақалпоғистон Республикаси, вилоятлар ва Тошкент шаҳар, туман (шаҳар) ҳудудий бўлимлари шу куннинг ўзида хабардор қилинади. Бунда, рўйхатдан ўтказиш рад этилган тақдирда, хабарномада рад этиш сабаблари ва уларни ўн кунгача бўлган муддатда бартараф этиб, рўйхатдан ўтказиш учун қайта киритиш зарурлиги кўрсатилади.

Рўйхатдан ўтказиш рад этилган харажатлар сметаси, вақтинчалик харажатлар сметаси, жамланма харажатлар сметаси, жамланма вақтинчалик харажатлар сметаси давлат мақсадли жамғармалари ҳамда уларнинг тегишли ҳудудий бўлимлари томонидан хабарномада белгиланган муддатда рад этиш сабаблари бартараф этилган ҳолда рўйхатдан ўтказиш учун қайта киритилади.

Қайта киритилган харажатлар сметаси, вақтинчалик харажатлар сметаси, жамланма харажатлар сметаси, жамланма вақтинчалик харажатлар сметасини кўриб чиқиш мазкур Низомнинг 2-боби 4-параграфида белгиланган тартибда амалга оширилади.

Бунда, харажатлар сметаси, вақтинчалик харажатлар сметаси, жамланма харажатлар сметаси, жамланма вақтинчалик харажатлар сметасини рўйхатдан ўтказиш муддатлари мазкур Низомнинг тегишлилигига кўра 35 ва 36-бандларида белгиланган муддатлардан ошиб кетмаслиги лозим.

38. Харажатлар сметаси, вақтинчалик харажатлар сметаси, жамланма харажатлар сметаси, жамланма вақтинчалик харажатлар сметаси, даромадлар ва харажатлар сметаси ҳамда жамланма даромадлар ва харажатлар сметаси тасдиқланган харажатлар бўйича қуйидаги харажатлар гуруҳига ажратилган ҳолда умумий тарзда рўйхатдан ўтказилади:

иш ҳақи ва унга тенглаштирилган тўловлар;

иш берувчиларнинг ажратмалари;

капитал қўйилмалар;

бошқа харажатлар.

39. Давлат мақсадли жамғармалари бюджетларининг қўшимча манбалари ҳисобидан жамғарма харажатларини молиялаштириш (тўлаш) мазкур Низом талабларига мувофиқ тузилган ва тегишли давлат мақсадли жамғармаларини тақсимловчи органлар ёки Молия вазирлигида рўйхатдан ўтказилган харажатлар сметаси, вақтинчалик харажатлар сметаси, жамланма харажатлар сметаси, жамланма вақтинчалик харажатлар сметаси асосида амалга оширилади.

40. Давлат мақсадли жамғармаларининг харажатлар сметаси, вақтинчалик харажатлар сметаси, жамланма харажатлар сметаси, жамланма вақтинчалик харажатлар сметаси унда тасдиқланган барча гуруҳлар бўйича харажатларни, харажатлар ёйилмасига ва уларнинг ҳисоб-китобларига тўлиқ мос келишини текширган ҳолда рўйхатдан ўтказиш учун қабул қилинади.

4-БОБ. ХАРАЖАТЛАР СМЕТАСИ, ЖАМЛАНМА

ХАРАЖАТЛАР СМЕТАСИ, ДАРОМАДЛАР ВА ХАРАЖАТЛАР

СМЕТАСИ ҲАМДА ЖАМЛАНМА ДАРОМАДЛАР ВА

ХАРАЖАТЛАР СМЕТАСИГА ЎЗГАРТИРИШЛАР

КИРИТИШ

1-§. Харажатлар сметаси ва жамланма харажатлар

сметасига ўзгартиришлар киритиш

41. Давлат мақсадли жамғармалари ва улар ҳудудий бўлимларининг харажатлар сметаси ва жамланма харажатлар сметасига бюджет тўғрисидаги қонунчилик ҳужжатларида белгиланган тартиб ва миқдорлар доирасида ўзгартиришлар киритилади.

42. Молия вазирлигининг тегишли соҳаларни молиялаштирувчи тармоқ таркибий бўлинмалари томонидан харажатлар сметаси ва жамланма харажатлар сметасига киритилган ўзгартиришлар (бундан давлат мақсадли жамғармалари ва улар ҳудудий бўлимларининг сўрови билан киритилган ўзгартиришлар мустасно) бўйича давлат мақсадли жамғармалари ва давлат мақсадли жамғармаларини тақсимловчи органларга мазкур Низомнинг 5-иловасига мувофиқ шаклдаги Бюджетдан ажратиладиган маблағлар миқдорига ўзгартиришлар ҳақида маълумотнома-билдиришнома (17-сон шакл), шунингдек давлат мақсадли жамғармалари ва уларнинг ҳудудий бўлимларига мазкур Низомнинг 6-иловасига мувофиқ шаклдаги Бюджетдан ажратиладиган маблағлар миқдорига ўзгартиришлар ҳақида маълумотнома-билдиришнома (18-сон шакл) юборилади.

43. Бюджет тўғрисидаги қонунчилик ҳужжатларига асосан давлат мақсадли жамғармалари ва улар ҳудудий бўлимларининг сўровига кўра харажатлар сметаси ва жамланма харажатлар сметасига ўзгартиришлар мазкур Низомнинг 7-иловасига мувофиқ шаклда қуйидаги тартибда амалга оширилади:

давлат мақсадли жамғармалари туман (шаҳар) ҳудудий бўлимларининг харажатлар сметасига ўзгартиришлар Қорақалпоғистон Республикаси, вилоятлар ва Тошкент шаҳар ҳудудий бўлимлари томонидан;

давлат мақсадли жамғармалари Қорақалпоғистон Республикаси, вилоятлар ва Тошкент шаҳар ҳудудий бўлимларининг харажатлар сметаси ва жамланма харажатлар сметасига ўзгартиришлар давлат мақсадли жамғармалари томонидан;

давлат мақсадли жамғармаларининг харажатлар сметаси ва жамланма харажатлар сметасига ўзгартиришлар давлат мақсадли жамғармаларини тақсимловчи органлар ёки Молия вазирлиги томонидан рўйхатдан ўтказилади.

Бунда, харажатлар сметаси ва жамланма харажатлар сметасига уларга ўзгартиришлар киритилишини асослантирувчи ҳужжатлар илова қилинади.

44. Давлат мақсадли жамғармалари ва улар ҳудудий бўлимларининг харажатлар сметаси ва жамланма харажатлар сметасига ўзгартиришларни кўриб чиқиш ва рўйхатдан ўтказиш ўн кунлик муддатда мазкур Низомда харажатлар сметаси ва жамланма харажатлар сметасини кўриб чиқиш ва рўйхатдан ўтказиш учун белгиланган тартибда амалга оширилади.

Харажатлар сметасининг IV гуруҳ харажатлари бўйича ўзгартиришлар харажатлар иқтисодий таснифининг кичик модда ва элементлари доирасида киритилади.

2-§. Давлат мақсадли жамғармаларининг даромадлар

ва харажатлар сметаси ҳамда жамланма даромадлар

ва харажатлар сметасига ўзгартиришлар киритиш

45. Ўзбекистон Республикасининг Бюджет кодекси, Ўзбекистон Республикаси Олий Мажлиси палаталарининг қарорлари, хар йили қабул қилинадиган Ўзбекистон Республикасининг Давлат бюджети тўғрисидаги қонуни, Ўзбекистон Республикаси Президентининг фармон, қарор ва фармойишлари, Вазирлар Маҳкамасининг қарор ва фармойишларига асосан давлат мақсадли жамғармалари бюджетларини ижро этиш жараёнида даромадлар ва харажатлар сметаси ҳамда жамланма даромадлар ва харажатлар сметасига ўзгартиришлар киритилади.

46. Ўзбекистон Республикаси Бюджет кодекси ҳамда ҳар йили қабул қилинадиган Ўзбекистон Республикасининг Давлат бюджети тўғрисидаги қонунига асосан давлат мақсадли жамғармаларининг даромадлар ва харажатлар сметаси ҳамда жамланма даромадлар ва харажатлар сметасига давлат мақсадли жамғармаларини тақсимловчи органлар ва давлат мақсадли жамғармалари томонидан ўзгартиришлар киритилади.

Қонунчилик ҳужжатлари асосида давлат мақсадли жамғармаларининг даромадлар ва харажатлар сметаси ҳамда жамланма даромадлар ва харажатлар сметасига Молия вазирлиги томонидан ўзгартиришлар киритиш давлат мақсадли жамғармаларини тақсимловчи органларнинг ёзма сўровисиз амалга оширилиши мумкин.

5-БОБ. ДАВЛАТ МАҚСАДЛИ ЖАМҒАРМАЛАРИНИНГ

МОЛИЯВИЙ ҲИСОБОТЛАРИНИ ТУЗИШ ВА

ТАҚДИМ ҚИЛИШ ТАРТИБИ

1-§. Молиявий ҳисоботларни тузиш ва тақдим қилиш

47. Давлат мақсадли жамғармаларининг йиллик молиявий ҳисоботлари келгуси ҳисобот йилининг 1 январь ҳолатига, чораклик молиявий ҳисоботлар эса ҳисобот йилининг тегишлилигига кўра 1 апрель, 1 июль ва 1 октябрь ҳолатига тузилади.

48. Давлат мақсадли жамғармалари томонидан топшириладиган йиллик молиявий ҳисоботлар таркибига қуйидагилар киради:

мазкур Низомнинг 8-иловасига мувофиқ шаклдаги Баланс (1-сон шакл);

мазкур Низомнинг 9-иловасига мувофиқ шаклдаги Молиявий фаолият натижалари тўғрисида ҳисобот;

мазкур Низомнинг 10-иловасига мувофиқ шаклдаги Харажатлар сметасининг ижроси ҳақида ҳисобот (2-сон шакл);

мазкур Низомнинг 11-иловасига мувофиқ шаклдаги Дебиторлик ва кредиторлик қарзлар тўғрисида маълумот;

мазкур Низомнинг 12-иловасига мувофиқ шаклдаги Давлат мақсадли жамғармаларининг бошқа маблағлари ҳаракати тўғрисида ҳисобот;

мазкур Низомнинг 13-иловасига мувофиқ шаклдаги Товар-моддий захиралар ва номолиявий активлар ҳаракати тўғрисида ҳисобот;

мазкур Низомнинг 14-иловасига мувофиқ шаклдаги Давлат мақсадли жамғармаларида чет эл валютасидаги маблағларнинг ҳаракати тўғрисида ҳисобот;

мазкур Низомнинг 3-иловасида келтирилган жамланма харажатлар сметасининг 2-20-иловаларига мувофиқ шакллардаги тармоқ, штат ва контингентлар бўйича жамланма ҳисоботлар.

49. Давлат мақсадли жамғармалари қонунчилик ҳужжатларига мувофиқ ҳисобот даврида маҳсулот (иш, хизмат)лар ишлаб чиқариш ва сотиш фаолиятини амалга оширса, молия органларига ушбу фаолият бўйича Молиявий фаолият натижалари тўғрисида ҳисоботни "Молиявий ҳисобот шакллари ва уларни тўлдириш бўйича қоидаларни тасдиқлаш тўғрисида"ги буйруқнинг (рўйхат рақами 1209, 2003 йил 24 январь) 2-сон иловасига мувофиқ шаклда тақдим этади.

50. Давлат мақсадли жамғармалари томонидан топшириладиган чораклик молиявий ҳисоботлар таркибига қуйидагилар киради:

Баланс (1-сон шакл);

Молиявий фаолият натижалари тўғрисида ҳисобот;

Харажатлар сметасининг ижроси ҳақида ҳисобот (2-сон шакл);

Дебиторлик ва кредиторлик қарзлар тўғрисида маълумот;

Бошқа бюджетдан ташқари маблағлар ҳаракати тўғрисида ҳисобот;

Давлат мақсадли жамғармалари чет эл валютасидаги маблағларнинг ҳаракати тўғрисидаги ҳисобот;

Тармоқ, штат ва контингентлар бўйича жамланма ҳисобот.

51. Давлат мақсадли жамғармаларининг молиявий ҳисобот шакллари (жамланма ҳисоботлардан ташқари) Бюджет ташкилотларида бухгалтерия ҳисоби тўғрисидаги йўриқноманинг (рўйхат рақами 2169, 2010 йил 22 декабрь) 14-иловасига мувофиқ 308-сон шаклдаги "Бош журнал китоби" (бундан буён матнда Бош журнал китоби (308-сон шакл) деб юритилади) ва бошқа тегишли ҳисоб регистрларидаги маълумотлар асосида тузилади.

52. Давлат мақсадли жамғармалари Молия вазирлигига (тегишли ҳудудий молия органларига) чорак (йил) учун Харажатлар сметасининг ижроси ҳақидаги ҳисобот (2-сон шакл)ни мазкур Низомнинг талабларига мувофиқ ҳолда тақдим этади.

53. Молиявий ҳисоботлар шаклларининг манзил қисми қуйидаги тартибда тўлдирилади:

"Ташкилот" реквизитида давлат мақсадли жамғармасининг тўлиқ номи кўрсатилади;

"Бўлим, кичик бўлим, боб" реквизитида давлат мақсадли жамғармасининг бюджет таснифига мувофиқ ташкилий ва вазифа жиҳатидан бўлиниши (белгиланиши) кўрсатилади;

"Ҳисобот даври" реквизитида ҳисобот тузилаётган тегишли давр (йил, чорак) кўрсатилади;

"Бюджет тури" реквизитида давлат мақсадли жамғармаси томонидан Ўзбекистон Республикаси бюджет таснифига мувофиқ маблағлар манбаи ва ташкилот тақдим этадиган ҳисобот бўйича бюджетлар даражаси кодлари кўрсатилади;

"Ўлчов бирлиги" реквизитида ҳисобот тузилаётган ўлчов бирлиги келтирилади.

2-§. Баланс (1-сон шакл)

54. Балансни (1-сон шакл) тузишдан олдин барча мавжуд мемориал ордерлар билан расмийлаштирилган бухгалтерия ёзувларини дастлабки ҳужжатларга мувофиқ ҳолда тўғри тузилганлиги ҳамда Бош журнал китобига (308-сон шакл) тўғри акс эттирилганлиги, субсчётлар бўйича ойлик айланмалар ва ҳисобот даври охирида Бош журнал китоби (308-сон шакл) бўйича қолдиқлар тўғри ҳисобланганлиги текшириб чиқилади.

Қонунчилик ҳужжатларига мувофиқ давлат мақсадли жамғармалари асосий воситалар, номоддий активлар, капитал қўйилмалар, моддий бойликлар, пул маблағлари, ҳисоб-китоблар ва баланснинг бошқа моддаларини инвентаризациядан ўтказишлари шарт.

55. Инвентаризациянинг асосий мақсади қуйидагилардан иборат:

асосий воситалар, капитал қўйилмалар, моддий бойликлар, пул маблағлари ва қатъий ҳисобда турувчи бланкалари ҳамда бошқа активларнинг ҳақиқатда мавжудлигини бухгалтерия ҳисоби маълумотларига таққослаш йўли билан аниқлаш, шунингдек моддий бойликлар ва пул маблағларининг сақланишини назорат қилиш;

қонунчилик ҳужжатларида белгиланган нормативдан юқори бўлган ва фойдаланилмаётган моддий бойликларни аниқлаш;

моддий бойликлар ҳамда пул маблағларини сақлаш қоидалари ва шартларига риоя қилиш;

балансда ҳисобга олинган моддий бойликларни, кассалардаги, банкларнинг депозит ҳисоб рақамларидаги ҳамда шахсий ғазна ҳисобварақлардаги пул маблағларини, шунингдек ҳисоб-китоблар ва баланснинг бошқа моддалари қийматининг ҳақиқийлигини текшириш.

56. Давлат мақсадли жамғармаларининг "Баланс" (1-сон шакл) ҳисоботи активлар, мажбуриятлар ва соф активлар/капитал таркибий қисмлардан иборат ва қуйидагича баланс аниқланади:

активлар - мажбуриятлар = соф активлар/капитал.

57. Ҳисобот даври охирида Бош журнал китобидаги (308-сон шакл) чиқарилган қолдиқлар баланснинг "Йил (чорак) охирида" устунига кўчириб қўйилади.

58. Дебитор ва кредитор қарзларни ҳисобга олувчи субсчётларда дебиторлар ва кредиторлар суммалари ўзаро ҳисобга олмаган ҳолда, яъни мавжуд дебиторлар баланснинг актив қисмида, кредиторлик қарз эса пассив қисмида кўрсатилади.

Дебиторлик ва кредиторлик қарзлари тўғрисидаги маълумотларни акс эттиришда Бюджет ташкилотларида бухгалтерия ҳисоби тўғрисидаги йўриқноманинг (рўйхат рақами 2169, 2010 йил 22 декабрь) 23-иловасига мувофиқ 285-сон шаклдаги айланма қайднома ва бошқа тегишли ҳисоб регистрлари маълумотларидан фойдаланилади.

59. "Йил бошида" устуни бўйича кўрсаткичлар ўтган ҳисобот йили балансининг "Йил (чорак) охирида" устуни бўйича кўрсаткичларга бир хил ҳолда кўчирилади. давлат мақсадли жамғармаси ҳисобот йилининг 1 январидан кейин ташкил топган бўлса, у ҳолда баланснинг ушбу "Йил бошида" устуни тўлдирилмайди.

60. Баланснинг "Активлар" қисмидаги I бўлим "Жорий активлар" бўлимининг "Йил (чорак) охирида" устуни бўйича:

"Пул маблағлари" бўлимида давлат мақсадли жамғармаларининг мавжуд шахсий ғазна ҳисобварақлардаги, бошқа ҳисобварақларидаги миллий ва хорижий валютадаги пул маблағлари қолдиқлари, миллий ва хорижий валютадаги нақд пул маблағлари қолдиқлари, шунингдек йўлдаги пул маблағлари, аккредитивлар, пул эквивалентларининг қолдиқ суммалари акс эттирилади;

"Молиявий маблағлар бўйича жорий дебитор қарзлар" бўлимида қисқа муддатли ички ва ташқи депозитлар акс эттирилади. Бунда давлат мақсадли жамғармалари 121 000-субсчётда бир йилдан ошмаган муддатда жойлаштирилган ички ва ташқи депозитлар ҳисобга олинади;

"Давлат мақсадли жамғармасининг дебитор қарзлари" бўлимининг йил (чорак) охирида барча ҳисоб-китоблар бўйича давлат мақсадли жамғармаларининг дебиторлик қарздорликларининг қолдиқ суммалари акс эттирилади;

"Товар-моддий захиралар ва уларга харажатлар" бўлимида ҳисобот даври охирида мавжуд бўлган озиқ-овқат маҳсулотлари, дори-дармонлар, тиббиётда фойдаланиладиган воситалар, вакциналар ва бактериологик препаратлар, ёнилғи, ёқилғи-мойлаш материаллари, хўжалик ва канцелярия моллари, кийим-кечак, пойабзал ва чойшаб-ғилофлар, қурилиш материаллари, машина ва асбоб-ускуналарнинг эҳтиёт қисмлари, бутловчи буюмлар ва сотиб олинадиган ярим тайёр маҳсулотлар, биологик захиралар, бошқа хом ашё ва материаллар, тугалланмаган ишлаб чиқариш, тайёр маҳсулот, қайта сотиш учун товарлар, ҳарбий захиралар, товар-моддий захираларга харажатлар ва товар (иш, хизмат)ларга харажатларнинг қолдиқ суммалари кўрсатилади, бундан балансдан ташқари 08 - "Фойдаланишдаги инвентарь ва хўжалик жиҳозлари" ва 10 - "Эскирганларининг ўрнига берилган транспорт воситаларининг эҳтиёт қисмлари" счётларида акс эттирилган товар-моддий захираларнинг қолдиқлари мустасно.

61. Баланснинг "Активлар" қисмидаги II бўлим "Узоқ муддатли активлар" бўлимининг "Йил (чорак) охирида" устуни бўйича:

"Узоқ муддатли депозитлар" қаторида узоқ муддатли ички ва ташқи депозитлар акс эттирилади. Ушбу қаторда давлат мақсадли жамғармаларининг бир йилдан ортиқ муддатда жойлаштирилган ички ва ташқи депозитлари ҳисобга олинади;

"Асосий воситалар" бўлимида давлат мақсадли жамғармаларининг ҳисобот даври охирида бино ва иншоотларни, машина ва жиҳозларни, бошқа турдаги асосий воситаларни, ҳарбий асосий воситаларни қолдиқ (баланс) қиймати акс эттирилади. Асосий воситаларнинг қолдиқ (баланс) қиймати асосий воситаларнинг бошланғич (қайта тиклаш) қийматидан унинг эскириш суммаси айирмаси натижасида аниқланади;

"Қийматликлар" қаторида ишлаб чиқариш, истеъмол қилиш мақсадларида фойдаланилмайдиган, вақт ўтиши билан қиймати сақланадиган активлар ҳисоби акс эттирилади;

"Ноишлаб чиқариш активлари" бўлимида ишлаб чиқариш хусусиятига эга бўлмаган харажатлар, жумладан ер, минерал ва энергия ресурслари, бошқа турдаги табиий активлар, номоддий ноишлаб чиқариш активларини қолдиқ (баланс) қиймати акс эттирилади. Ноишлаб чиқариш активларининг қолдиқ (баланс) қиймати ноишлаб чиқариш активларининг бошланғич (қайта тиклаш) қийматидан унинг эскириш суммаси айирмаси натижасида аниқланади;

"Номолиявий активлар капитал қўйилмалар" бўлимида асосий воситаларга капитал қўйилмалар, қийматликларга капитал қўйилмалар, ноишлаб чиқариш активларига капитал қўйилмаларни ҳисобга олувчи субсчётларнинг Бош журнал китоби (308-сон шакл) бўйича ҳисобот даврининг охиридаги қолдиқ суммаси акс эттирилади.

62. Баланснинг "Мажбуриятлар" қисмидаги III бўлим "Жорий мажбуриятлар" бўлимининг "Йил (чорак) охирида" устунида давлат мақсадли жамғармаларининг йил (чорак) охирида барча ҳисоб-китоблар бўйича кредиторлик қарзларининг қолдиқ суммалари тегишли субсчётларда акс эттирилади.

63. Баланснинг "Мажбуриятлар" қисмидаги IV бўлим "Узоқ муддатли мажбуриятлар" бўлимининг "Йил (чорак) охирида" устунида давлат мақсадли жамғармаларининг маҳсулот етказиб берувчилар ва пудратчилар билан ҳисоб-китоблар бўйича узоқ муддатли кредитор қарзлари, бюджет ташкилотларининг бошқа турдаги ҳисоб-китоблар бўйича узоқ муддатли кредитор қарзлари акс эттирилади.

64. Баланснинг "Соф активлар/капитал" қисмида жорий ҳисобот даврининг молиявий натижалари ва жамғариб борилувчи молиявий натижаларининг қолдиқ суммалари акс эттирилади.

65. Баланснинг "Балансдан ташқари счётлар" бўлимида ҳисобот даври охирига акс эттирилган балансдан ташқари счётлар суммаси кўрсатилади.

3-§. Молиявий фаолият натижалари тўғрисидаги

ҳисобот

66. Молиявий фаолият натижалари тўғрисидаги ҳисоботда давлат мақсадли жамғармаларининг ҳисобот даври бўйича ҳисобланган даромад (тушум)лар ва ҳақиқий харажатлар ўртасидаги фарқ ҳамда бюджет ташкилотларининг бюджетдан ташқари маблағлари ҳисобидан ўзаро ҳисоб-китоблари йиғиндиси акс эттирилади.

67. Молиявий фаолият натижалари тўғрисидаги ҳисоботнинг "Даромадлар" устунида Бош журнал китобидаги (308-сон шакл) қолдиқлар қуйидаги субсчётлар бўйича акс эттирилади:

бюджетдан молиялаштириш;

давлат мақсадли ва бошқа бюджетдан ташқари жамғармаларининг ҳисобланган даромадлари;

тақсимланиши назарда тутилган тушумлар бўйича ҳисобланган даромадлар;

давлат мақсадли жамғармаларининг қонунчилик ҳужжатларига мувофиқ бошқа турдаги ҳисобланган даромадлари.

68. "Даромадлар - жами" қаторида молиявий фаолият натижалари тўғрисидаги ҳисоботнинг 010, 011, 012, 013-қаторларнинг йиғинди суммаси акс эттирилади.

69. Молиявий фаолият натижалари тўғрисидаги ҳисоботнинг "Харажатлар" устунида Бош журнал китобидаги (308-сон шакл) қуйидаги субсчётлар бўйича қолдиқлар акс эттирилади:

бюджет маблағларидан ҳисобланган ҳақиқий харажатлар;

тўловларнинг махсус турларига доир ҳисоб-китоблар бўйича маблағлар ҳисобига амалга оширилган ҳақиқий харажатлар;

бошқа даромадлар бўйича ҳақиқий харажатлар.

70. "Харажатлар - жами" қаторида молиявий фаолият натижалари тўғрисидаги ҳисоботнинг 021, 022-қаторларнинг йиғинди суммаси акс эттирилади.

71. "Жорий ҳисобот даврининг молиявий натижалари" қаторида молиявий фаолият натижалари тўғрисидаги ҳисоботнинг 020 қатордан 030 қатор айирилади ва 040, 050, 060, 070, 080, 090, 100, 110, 120, 130 қаторларни қўшилгандаги натижаси кўрсатилади. Яъни "Даромадлар - жами" қаторидан "Харажатлар - жами" қатори айирилади ҳамда давлат мақсадли ва бошқа бюджетдан ташқари жамғармаларнинг республика маблағлари ҳисобидан ўзаро ҳисоб-китоблар, давлат мақсадли ва бошқа бюджетдан ташқари жамғармаларнинг Қорақалпоғистон Республикасининг республика даражасидаги, вилоятларнинг вилоят даражасидаги ва Тошкент шаҳрининг шаҳар даражасидаги маблағлари ҳисобидан ўзаро ҳисоб-китоблар, давлат мақсадли ва бошқа бюджетдан ташқари жамғармаларнинг туманлар ва шаҳарлар даражасидаги маблағлари ҳисобидан ўзаро ҳисоб-китоблар, давлат мақсадли ва бошқа бюджетдан ташқари жамғармаларнинг маблағлари ҳисобидан ҳисобланган харажатлари, Марказлашган ҳолда қабул қилинган (берилган) моддий қийматликлар, Беғараз (бепул) қабул қилинган (берилган) моддий қийматликлар, Инвентаризация натижасида ортиқча чиққан мол-мулклар, Асосий воситалар, қийматликлар ва номоддий активларни қайта баҳолаш, Реализация ва харажатлар, Курс фарқи бўйича фойда (зарар) ларнинг қолдиқ суммалари акс эттирилади.

4-§. Харажатлар сметасининг ижроси ҳақидаги

ҳисобот (2-сон шакл)

72. Харажатлар сметасининг ижроси ҳақидаги ҳисоботни тузишдан олдин давлат мақсадли жамғармалари:

тасдиқланган харажатлар сметасига белгиланган тартибда киритилган ўзгартиришларнинг Бюджет ташкилотларида бухгалтерия ҳисоби тўғрисидаги йўриқномага (рўйхат рақами 2169, 2010 йил 22 декабрь) мувофиқ 294-сон шаклдаги Касса ва ҳақиқий харажатларни ҳисобга олиш дафтарида (бундан буён матнда 294-сон шакл дафтари деб юритилади) тўғри акс эттирилганлиги;

ҳисобот даври учун Давлат бюджетидан молиялаштирилган маблағларни тасдиқланган харажатлар сметасига мувофиқ (киритилган ўзгартиришларни ҳисобга олган ҳолда) амалга оширилганлигини (тегишли мемориал ордерлар, 294-сон шакл дафтари ва бошқа ҳисоб регистрлари асосида);

ҳисобот чорагида амалга оширилган касса харажатларининг (шахсий ғазна ҳисобварақлари орқали амалга оширилган тўловларнинг) тўғрилигини (тегишли мемориал ордерлар, 294-сон шакл дафтари ва бошқа ҳисоб регистрлари асосида);

ҳақиқий харажатларнинг ҳисоб регистрларида тўғри акс эттирилганлигини (тегишли мемориал ордерлар ва 294-сон шакл дафтари маълумотлари асосида) текшириб чиқишлари лозим.

73. "Тасдиқланган (аниқланган) режа" устунида харажатлар сметасидаги ўзгартиришларни ҳисобга олган ҳолда белгиланган режа иқтисодий харажатлар таснифининг тегишли харажат моддалари бўйича кўрсатилади.

74. "Ҳисобот даври учун молиялаштирилган" устуни бўйича давлат мақсадли жамғармалари Давлат бюджетидан харажатлар сметасига мувофиқ йил бошидан ўсиб борувчи тартибда молиялаштирилган маблағлар (294-сон шакл дафтари маълумотлари асосида) харажатлар таснифининг ҳисобот шаклида келтирилган харажат гуруҳлари ва моддалари бўйича акс эттирилади, бундан IV гуруҳ "Бошқа харажатлар" моддалари мустасно.

75. "Касса харажати - жами" устунида давлат мақсадли жамғармасининг Давлат бюджети маблағлари бўйича депозит ҳисоб рақамидан харажатлар сметасида кўзда тутилган мақсадлар учун ўтказилган маблағлар йил бошидан ўсиб борувчи тартибда (294-сон шакл дафтари маълумотлари асосида) харажатлар иқтисодий таснифининг ҳисобот шаклида келтирилган харажат гуруҳлари ва моддалари бўйича акс эттирилади.

76. "Ҳақиқий харажатлар - жами" устунида ҳақиқий харажатлар (бюджет бўйича) йил бошидан ўсиб борувчи тартибда (294-сон шакл дафтари маълумотлари асосида) харажатлар иқтисодий таснифининг ҳисобот шаклида келтирилган харажат гуруҳлари ва моддалари бўйича акс эттирилади.

77. Давлат мақсадли жамғармасининг маблағлари ҳисобидан сотиб олинган асосий воситаларга ҳисобланган эскириш суммаси харажатлар сметасининг ижроси ҳақидаги ҳисобот (2-сон шакл)да Бюджет таснифини қўллаш бўйича йўриқномада (рўйхат рақами 2146, 2010 йил 11 октябрь) белгиланган харажатлар иқтисодий таснифининг 160-бандига мувофиқ 43 50 000 "Асосий воситаларни сотиб олиш" харажат моддасининг тегишли кичик модда ва элементлари бўйича ҳақиқий харажатлар сифатида акс эттирилади.

Бунда, бюджетдан ташқари маблағлар ҳисобидан сотиб олинган асосий воситалар бўйича ҳисобланган эскириш суммаси тегишли равишда бюджетдан ташқари маблағларнинг ҳаракати тўғрисидаги ҳисоботларда Бюджет таснифини қўллаш бўйича йўриқномада (рўйхат рақами 2146, 2010 йил 11 октябрь) белгиланган харажатлар иқтисодий таснифининг 160-бандига мувофиқ 43 50 000 "Асосий воситаларни сотиб олиш" харажат моддасининг тегишли кичик модда ва элементлари бўйича ҳақиқий харажатлар сифатида акс эттирилади.

78. Давлат мақсадли жамғармалари томонидан Давлат бюджетидан олинган маблағларнинг ижроси бўйича тузилган Харажатлар сметасининг ижроси ҳақидаги ҳисобот (2-сон шакл)да харажатлар иқтисодий таснифининг тегишли моддалари, кичик моддалари ва элементлари бўйича амалга оширилган касса харажатларидан ошмаган ҳолда ҳақиқий харажатларни тўлиқ акс эттиради.

79. Харажатлар сметасининг ижроси ҳақидаги ҳисобот (2-сон шакл) бюджет тизими бюджетлари харажатлари таснифининг ҳар бир бўлим, кичик бўлим ва боби бўйича алоҳида ҳолда тузилади.

80. Давлат мақсадли жамғармалари томонидан шахсий ғазна ҳисобварақ (ҳисоб рақам)ларидаги тежаб қолинган ва белгиланган тартибда давлат мақсадли жамғармасининг махсус жамғармасига ўтказилган маблағлар алоҳида "Тежаб қолинган ва давлат мақсадли жамғармасининг махсус жамғармасига ўтказилган маблағлар" (I - IV харажат гуруҳларига қўшилмаган ҳолда) қаторида ҳисобот даврининг касса харажатлари сифатида акс эттирилади.

5-§. Дебиторлик ва кредиторлик қарзлари

тўғрисидаги маълумот

81. Дебиторлик ва кредиторлик қарзлари тўғрисидаги маълумот бюджет ташкилотининг ҳисобот даври охирида давлат мақсадли жамғармаси бюджети ва бюджетдан ташқари маблағлари ҳисобидан мавжуд дебиторлик ва кредиторлик қарзлари тўғрисидаги ахборотни умумлаштириш ва таҳлил қилиш учун тузилади.

82. "Дебитор қарздорлик" қисмида давлат мақсадли жамғармасининг барча мавжуд дебиторлик қарзлари акс эттирилади.

83. "I гуруҳ бўйича жами. Иш ҳақи ва унга тенглаштирилган тўловлар" қаторида харажатлар иқтисодий таснифининг I гуруҳ харажат моддалари, кичик моддалари ва элементлари бўйича мавжуд дебиторлик қарзлар акс эттирилади.

84. "II гуруҳ бўйича жами. Иш берувчиларнинг ажратмалари" қаторида харажатлар иқтисодий таснифининг II гуруҳ харажат моддалари, кичик моддалари ва элементлари бўйича мавжуд дебиторлик қарзлар акс эттирилади.

85. "III гуруҳ бўйича жами. Капитал қўйилмалар" қаторида харажатлар иқтисодий таснифининг III гуруҳ харажат моддалари, кичик моддалари ва элементлари бўйича мавжуд дебиторлик қарзлар акс эттирилади.

86. "IV гуруҳ бўйича жами. Бошқа харажатлар" қаторида харажатлар иқтисодий таснифининг IV гуруҳ харажат моддалари, кичик моддалари ва элементлари бўйича мавжуд дебиторлик қарзлар акс эттирилади.

87. "Харажатлар гуруҳлари бўйича жами" қаторида юқоридаги харажат гуруҳлари бўйича жами дебиторлик қарзлар акс эттирилади.

88. "Давлат мақсадли жамғармаларининг Молия вазирлиги ҳузуридаги бюджетдан ташқари Пенсия жамғармаси (бундан буён матнда Пенсия жамғармаси деб юритилади) билан дебитор қарзлари" қаторида бюджет ташкилотларининг Пенсия жамғармаси ҳисобидан амалга ошириладиган тўловлар бўйича дебиторлик қарзлари акс эттирилади.

89. "Давлат мақсадли жамғармаларининг камомадларга доир дебитор қарзлари" қаторида пул маблағлари ва товар-моддий қимматликлар камомадлари бўйича ҳамда айбдор шахслар ҳисобига акс эттирилган ва белгиланган тартибда ундириб олинган товар-моддий қимматликлар қиймати бўйича юзага келган дебиторлик қарзлари, шунингдек бошқа ҳисоб-китоблар ҳисоби акс эттирилади. Мазкур дебиторлик қарзлар Бош журнал китоби (308-сон шакл) ва Баланс (1-сон шакл)да акс эттирилган 153 100 - "Бюджет ташкилотларининг камомадларга доир дебитор қарзлари" субсчётининг ҳисобот даврида мавжуд дебет қолдиғига мос бўлиши лозим.

90. "Давлат мақсадли жамғармаларининг бюджетдан ташқари маблағлари ҳисобидан дебитор қарзлари" қаторида вазирликлар ва идораларнинг ажратмалар, шунингдек турли хил жарималар ва пенялар ҳисобидан шаклланадиган бюджетдан ташқари жамғармалари маблағларининг бюджет ташкилотлари ўртасида тақсимланиши бўйича юзага келган дебитор қарздорликлар акс эттирилади.

91. Мазкур дебиторлик қарзлар Бош журнал китоби (308-сон шакл) ва Баланс (1-сон шакл)да акс эттирилган 154 000 - "Бюджет ташкилотларининг бюджетдан ташқари маблағлари ҳисобидан дебитор қарзлари" субсчётининг ҳисобот даврида мавжуд дебет қолдиғига мос бўлиши лозим.

92. "Юқоридаги акс эттирилганлардан ташқари бошқа ҳисоб-китоблар бўйича дебиторлик қарзлар" қаторида юқорида келтирилмаган бошқа дебиторлик қарзлар акс эттирилади.

93. "Ҳаммаси" қаторида давлат мақсадли жамғармаларининг барча мавжуд дебиторлик қарзлари акс эттирилади.

94. "Кредитор қарздорлик" қисмида давлат мақсадли жамғармасининг барча мавжуд кредиторлик қарзлари акс эттирилади.

95. "I гуруҳ бўйича жами. Иш ҳақи ва унга тенглаштирилган тўловлар" қаторида харажатлар иқтисодий таснифининг I гуруҳ харажат моддалари, кичик моддалари ва элементлари бўйича мавжуд кредиторлик қарзлар акс эттирилади.

96. "II гуруҳ бўйича жами. Иш берувчиларнинг ажратмалари" қаторида харажатлар иқтисодий таснифининг II гуруҳ харажат моддалари, кичик моддалари ва элементлари бўйича мавжуд кредиторлик қарзлар акс эттирилади.

97. "III гуруҳ бўйича жами. Капитал қўйилмалар" қаторида харажатлар иқтисодий таснифининг III гуруҳ харажат моддалари, кичик моддалари ва элементлари бўйича мавжуд кредиторлик қарзлар акс эттирилади.

98. "IV гуруҳ бўйича жами. Бошқа харажатлар" қаторида харажатлар иқтисодий таснифининг IV гуруҳ харажат моддалари, кичик моддалари ва элементлари бўйича мавжуд кредиторлик қарзлар акс эттирилади.

99. "Харажатлар гуруҳлари бўйича жами" қаторида юқоридаги харажат гуруҳлари бўйича жами кредиторлик қарзлар акс эттирилади.

100. "Бюджетга тўловлар бўйича бюджет қарздорликлари (I ва IV гуруҳда кўрсатилганларидан ташқари)" қаторида давлат мақсадли жамғармалари томонидан маҳсулот (иш, хизмат)лар ишлаб чиқариш ва реализация қилишдан қонунчилик ҳужжатларига мувофиқ бюджетга ҳисобланган ва тўланиши лозим бўлган солиқ ва бошқа мажбурий тўловлар, шунингдек мазкур шаклнинг I ва IV гуруҳларида акс эттирилмаган бюджет билан ҳисоб-китоблар натижасида ҳисобот даврида юзага келган кредиторлик қарзлар акс эттирилади.

101. "Давлат мақсадли жамғармаларининг бюджетдан ташқари маблағлари ҳисобидан кредитор қарзлари" қаторида давлат мақсадли жамғармаларнинг ажратмалар, шунингдек турли хил жарималар ва пенялар ҳисобидан шаклланадиган бюджетдан ташқари жамғармалари маблағларининг вазирликлар ва идоралари ўртасида тақсимланиши бўйича юзага келган кредитор қарздорликлар акс эттирилади.

102. "Давлат мақсадли жамғармасининг бюджетдан ташқари маблағлари ҳисобидан кредитор қарзлари" Бош журнал китоби (308-сон шакл) ва Баланс (1-сон шакл)да акс эттирилган 344 000 - "Давлат мақсадли жамғармаларининг бюджетдан ташқари маблағлари ҳисобидан кредитор қарзлари" субсчётининг ҳисобот даврида мавжуд дебет қолдиғига мос бўлиши лозим.

103. "Давлат мақсадли жамғармасининг ихтиёрида вақтинча бўладиган маблағлар бўйича кредитор қарзлари" қаторида бюджет ташкилотининг ихтиёрига вақтинчалик тушган ва маълум шартлар бажарилгандан кейин қайтарилиши лозим бўлган суммалар ҳисоби бўйича юзага келган кредиторлик қарзлар акс эттирилади. Мазкур кредиторлик қарзлар Бош журнал китоби (308-сон шакл) ва Баланс (1-сон шакл)да акс эттирилган 345 000 - "Бюджет ташкилотининг ихтиёрида вақтинча бўладиган маблағлар бўйича кредитор қарзлари" субсчётининг ҳисобот даврида мавжуд кредит қолдиғига мос бўлиши лозим.

104. "Юқоридаги акс эттирилганлардан ташқари бошқа ҳисоб-китоблар бўйича кредиторлик қарзлари" қаторида мазкур параграфда кўрсатилмаган бошқа кредиторлик қарзлар акс эттирилади.

105. "Ҳаммаси" қаторида давлат мақсадли жамғармасининг барча мавжуд кредиторлик қарзлари акс эттирилади.

106. "Жами қарздорлик" устуни бўйича давлат мақсадли жамғармаларининг бюджети ва бюджетдан ташқари маблағлари ҳисобидан ҳисобот даврида мавжуд дебиторлик ва кредиторлик қарзларнинг жами суммаси кўрсатилади.

107. "Бюджет ҳисобидан" устунида давлат мақсадли жамғармаси бюджети маблағлари бўйича юзага келган қарздорлик кўрсатилади. "Бюджетдан ташқари маблағлар" устунида эса, бюджетдан ташқари маблағлари бўйича вужудга келган жами қарздорлик суммаси кўрсатилади.

108. Дебиторлик қарзни давлат мақсадли жамғармаси бюджети ва бюджетдан ташқари маблағлар ҳисобига аниқ ажратишнинг имкони бўлмаса, ушбу дебиторлик қарз давлат мақсадли жамғармаси бюджети маблағлари бўйича амалга оширилган касса харажатлари суммасидан ошмаган ҳолда давлат мақсадли жамғармаси бюджети маблағлари ҳисобида кўрсатилади. Дебиторлик қарзнинг қолган (Давлат мақсадли жамғармаси бюджети маблағлари бўйича амалга оширилган касса харажатлари суммасидан ошган) қисми бюджетдан ташқари маблағлар ҳисобида акс эттирилади.

109. Кредиторлик қарзни давлат мақсадли жамғармаси бюджети ва бюджетдан ташқари маблағлар ҳисобида аниқ ажратишнинг имкони бўлмаса, ушбу кредиторлик қарз Давлат бюджети бўйича қолдиқ лимит маблағи доирасида иқтисодий харажатлар таснифининг тегишли моддаси бўйича бюджет ҳисобида кўрсатилади. Кредиторлик қарзнинг қолган (давлат мақсадли жамғармаси бюджети лимитидан ошган) қисми бюджетдан ташқари маблағлар ҳисобида акс эттирилади.

110. "Муддати ўтган қарздорлик - жами" устунида "Жами қарздорлик" устунида кўрсатилган қарздорликдан муддати ўтказиб юборилган, қонунчилик ҳужжатларида белгиланган муддатларда сўндирилмаган қарзнинг умумий суммаси, "Бюджет ҳисобидан" устунида давлат мақсадли жамғармаси бюджети маблағлари ҳисобига нисбатан вужудга келган қисми, "Бюджетдан ташқари маблағлар ҳисобидан" устунида эса, бюджетдан ташқари маблағлари ҳисобига нисбатан вужудга келган қисми кўрсатилади.

111. "Республика ташқарисида" устунида муддати ўтган қарздорликнинг Ўзбекистон Республикаси ҳудудидан ташқаридаги қисми кўрсатилади.

112. Дебиторлик ва кредиторлик қарзлари тўғрисидаги маълумотнинг 6-устуни "Муддати ўтган қарздорлик жами"даги маълумотлар Дебиторлик ва кредиторлик қарзлари тўғрисидаги маълумот иловасидаги Муддати ўтган дебиторлик ва кредиторлик қарзлари тўғрисидаги маълумотда олти ойгача, тўққиз ойгача, бир йилгача ва бир йилдан ошган қарздорликлар давлат мақсадли жамғармаси бюджети ва бюджетдан ташқари маблағлар манбаига ажратилган ҳолда акс эттирилади.

113. Давлат мақсадли жамғармаларига ҳамда ҳисобот олувчиларга ушбу ҳисобот шаклида ҳисобот олувчилар томонидан қарздорлик бўйича талаб қилинган қўшимча маълумотлар олиш имконини берувчи қўшимча реквизитлар қўшиш мумкин.

6-§. Давлат мақсадли жамғармаларининг бошқа

маблағлари ҳаракати тўғрисидаги ҳисобот

114. Давлат мақсадли жамғармаларининг бошқа маблағлари ҳаракати тўғрисидаги ҳисобот қуйидаги бюджетдан ташқари маблағларнинг ҳаракати тўғрисидаги маълумотларни мазкур Низомнинг 12-иловасига мувофиқ шаклда умумлаштириш ва таҳлил қилиш учун мўлжалланган:

Пенсия жамғармасининг ижтимоий нафақаларни тўлаш учун маблағлари;

ўтган йиллар дебиторлик қарзларининг тушган суммаси;

ходимлардан улар ишлаётган жойида овқатланганлиги бўйича ҳисоб-китоблардан тушадиган тушумлар;

давлат мақсадли жамғармаларининг бюджетдан ташқари жамғармалари;

капитал қўйилма маблағлари бўйича депозитлар;

тақсимланиши назарда тутилган тушумлар;

бошқа маблағлар бўйича депозитлар;

грантлар, инсонпарварлик ёрдами ва техник кўмаклашиш воситалари;

кредит ва ссудалар.

115. Ҳисоботни тузишдан олдин давлат мақсадли жамғармалари қуйидагиларни текширади:

ҳисобот чораги мобайнидаги бюджетдан ташқари барча маблағларнинг шаклланиш манбалари ва сарфланишига доир бирламчи ҳужжатларнинг тўлиқлигини;

шахсий ғазна ҳисобварақларидан (ҳисоб рақамларидан) олинган кўчирмаларни ва бошқа тегишли ҳисоб регистрларини.

116. "Йил бошидаги маблағ қолдиғи" устуни бўйича давлат мақсадли жамғармалари ҳисобот шаклида келтирилган барча бюджетдан ташқари маблағлар бўйича ҳисобот йилининг 1 январь санасига бўлган мавжуд қолдиқ маблағларни акс эттирадилар.

117. "Ҳисобот даврида тушган даромадлар (тушумлар)" устунида ҳисобот шаклида келтирилган барча бюджетдан ташқари маблағларнинг турлари бўйича алоҳида ҳолда ҳисобот даврида давлат мақсадли жамғармасининг шахсий ғазна ҳисобварағига (ҳисоб рақамига) келиб тушган тушумлар акс эттирилади.

118. "Ўтган йил қолдиғи ҳисобидан тушган тушум" устунида ўтган молия йилида келиб тушиши лозим бўлган маблағларнинг молия йилида келиб тушган суммаси акс эттирилади.

119. "Ўзаро ҳисоб-китоблар бўйича олинган (берилган) маблағлар (+, -)" устунида бошқа ташкилотда тақсимланиши учун ўзаро ҳисоб-китоблар асосида тақсимланган маблағларнинг келиб тушиши ёки бошқа ташкилотга ўтказиб берилиши акс эттирилади.

120. "Ҳисобот даври охиридаги пул маблағи қолдиғи" устунида "Йил бошидаги маблағ қолдиғи", "Ҳисобот даврида тушган даромадлар (тушумлар)", "Ўтган йил қолдиғи ҳисобидан тушган тушум" ва "Ўзаро ҳисоб-китоблар бўйича олинган (берилган) маблағлар (+, -)" устунларининг йиғиндисидан "Ҳисобот даврида амалга оширилган касса харажатлари - жами" қаторидаги суммалар айирилгандаги натижа акс эттирилади.

121. "Транзит, депозит ҳисобварақлар ва бошқа жойлаштирилган маблағлар қолдиғи" қаторида давлат мақсадли жамғармалари томонидан транзит, депозит ҳисобварақлар ва бошқа жойлаштирилган маблағлар акс эттирилади.

122. "Харажатлар ёйилмаси"да мазкур бюджетдан ташқари маблағлар ҳисобидан ҳисобот даврида амалга оширилган касса ва ҳақиқий харажатларни иқтисодий таснифининг харажатлар моддаси, кичик моддаси ва элементлари бўйича ҳар бир бюджетдан ташқари маблағларнинг турлари бўйича алоҳида ҳолда акс эттиради.

7-§. Товар-моддий захиралар ва номолиявий активлар

ҳаракати тўғрисидаги ҳисобот

123. Товар-моддий захиралар ва номолиявий активлар ҳаракати тўғрисидаги ҳисобот мазкур Низомнинг 13-иловасига мувофиқ шаклда бюджет ташкилотининг ҳисобот йили мобайнидаги товар-моддий захиралар, асосий воситалар, қийматликлар ва ноишлаб чиқариш активларининг мавжудлиги ва ҳаракати тўғрисидаги маълумотларни умумлаштириш ва таҳлил қилиш учун тузилади.

124. Мазкур ҳисобот шаклини тузишдан олдин бюджет ташкилотлари:

ҳисобот йил бошида мавжуд товар-моддий захиралар, асосий воситалар, қийматликлар ва ноишлаб чиқариш активлари қолдиғининг тўғрилигини (асосланганлигини);

йил мобайнида давлат мақсадли жамғармасига кирим бўлган ва давлат мақсадли жамғармасидан чиқим бўлган барча номолиявий активларни Давлат бюджети ва бюджетдан ташқари маблағлар ҳисоби бўйича алоҳида ҳолда ҳисоб регистрларида Бюджет ташкилотларида бухгалтерия ҳисоби тўғрисидаги йўриқноманинг (рўйхат рақами 2169, 2010 йил 22 декабрь) 24-иловасига мувофиқ 326-сон шаклдаги асосий воситалар бўйича айланма қайдномада, 34-иловасига мувофиқ 296-сон шаклдаги моддий қимматликларнинг миқдор-қиймат ҳисоби дафтари (карточкаси)да, Бош журнал китобида (308-сон шакл) ва бошқа тегишли регистрларда тўғри акс эттирилганлигини;

кирим ва чиқим операцияларини тасдиқловчи ҳужжатларнинг мавжудлигини ва тўлиқлигини текшириб чиқади.

125. Ҳисоботда асосий воситалар, қийматликлар ва ноишлаб чиқариш активлари тўғрисидаги маълумотлар Бош журнал китоби (308-сон шакл) ва асосий воситалар, қийматликлар ва ноишлаб чиқариш активлари ҳисоби юритиладиган ҳисоб регистрлари маълумотлари асосида тўлдирилади.

Ҳисоботда асосий воситалар, қийматликлар ва ноишлаб чиқариш активларининг (давлат мақсадли жамғармаси бюджети ёки бюджетдан ташқари маблағлар ҳисобидан олинганлиги кўрсатилган ҳолда) йил бошида мавжуд қолдиғи, ҳисобот йили мобайнида кирим бўлган асосий воситалар, қийматликлар ва ноишлаб чиқариш активларининг қиймати ва чиқим бўлган (ҳисобдан чиқарилган)ларининг қиймати, шунингдек ҳисобот даври охирида давлат мақсадли жамғармалари балансида қолган асосий воситалар ва номолиявий активларнинг қиймати кўрсатилади.

126. Асосий воситалар, қийматликлар ва ноишлаб чиқариш активларини ҳар йилги қайта баҳолаш натижасида бошланғич (қайта тиклаш) қийматининг ўзгариши (ошиши ёки камайиши) ҳисобот шаклининг алоҳида 608 - "қайта баҳолаш натижасида" қаторида акс эттирилади.

127. Товар-моддий захиралар бўйича ҳисобот даври бошида ва охирида қолдиғи, шунингдек давлат мақсадли жамғармалари эҳтиёжлари учун товар-моддий захираларнинг давлат мақсадли жамғармалари бюджети ва бюджетдан ташқари маблағлар ҳисобидан сарфланган суммаси алоҳида ҳолда кўрсатилади.

Давлат мақсадли жамғармасига ҳисобот даври мобайнида кирим бўлган товар-моддий захиралар, жумладан текин ва сотиб олинган, ортиқча материалларнинг кирим қилинган ҳамда йил мобайнида чиқим қилинган материал захиралари (текин берилган, сотилган, камомадлар ва бошқа сабаблар туфайли чиқим қилинган) қиймати кўрсатилади.

128. Ҳисобот шакли давлат мақсадли жамғармалари томонидан ҳисобот чораги (йили) учун топшириладиган Баланс (1-сон шакл) билан бирга тақдим қилинади.

8-§. Давлат мақсадли жамғармаларида чет эл валютасидаги

маблағларнинг ҳаракати тўғрисидаги ҳисобот

129. Давлат мақсадли жамғармаларида чет эл валютасидаги маблағларнинг ҳаракати тўғрисидаги ҳисобот мазкур Низомнинг 14-иловасига мувофиқ шаклда тузилади ҳамда давлат мақсадли жамғармаларининг ҳисобот даври мобайнидаги чет эл валютасидаги маблағлар ҳаракати тўғрисидаги маълумотларни акс эттиради.

130. Давлат мақсадли жамғармалари чет эл валютасидаги маблағларнинг ҳаракати тўғрисидаги ҳисоботни тузишдан олдин:

ҳисоб рақамлардан (шахсий ғазна ҳисобварақлардан) олинган кўчирмаларни ва бошқа тегишли ҳисоб регистрлари маълумотларининг тўғрилигини;

чет эл валюталарида тушган маблағларнинг шаклланиши ва сарфланишига оид барча дастлабки ҳужжатларнинг тўлиқлигини;

аналитик ҳисоб маълумотларининг тегишли синтетик ҳисоб маълумотларга мувофиқлигини текшириб чиқади.

131. "Йил бошидаги пул маблағи қолдиғи" қаторида тегишли ҳисоб рақамлардан (шахсий ғазна ҳисобварақлардан) кўчирмаларга мувофиқ хорижий валюталар бўйича ҳисобот йилининг 1 январь санасига мавжуд пул маблағлари қолдиғи акс эттирилади.

132. "Ҳисобот даврида тушган даромад (тушум)лар - жами" қаторида "а", "б", "в", "г", "д", "е", "ж" ва "з" қаторлар бўйича ҳисобот даврида тушган даромадлар (тушумлар)нинг йиғиндиси кўрсатилади:

"а) чет эл валютасида маҳсулотлар сотиш (ишлар, хизматлар кўрсатиш)дан тушумлар" қаторида фаолият тури бўйича чет эл валютасида маҳсулотлар сотиш (ишлар, хизматлар кўрсатиш)дан тушган тушумлар кўрсатилади;

"б) бюджетдан ажратилган маблағлар ҳисобидан чет эл валютасини сотиб олиш" қаторида бюджетдан ажратилган маблағлари ҳисобидан сотиб олинган чет эл валютаси суммаси акс эттирилади;

"в) бюджетдан ташқари пул маблағлари ҳисобидан чет эл валютасини сотиб олиш" қаторида бюджетдан ташқари пул маблағлари ҳисобидан сотиб олинган чет эл валютаси суммаси акс эттирилади;

"г) чет эл валютасида олиниши белгиланган кредит, қарз ёки грантлар" қаторида чет эл валютасида олинган кредит, қарз ёки грант маблағлари суммаси кўрсатилади;

"д) юридик ва жисмоний шахслар томонидан чет эл валютасида кўрсатилган ҳомийлик (беғараз) ёрдам" қаторида юридик ва жисмоний шахслар томонидан давлат мақсадли жамғармаларига чет эл валютасида кўрсатилган ҳомийлик (беғараз) ёрдам маблағлари акс эттирилади;

"е) давлат мақсадли жамғармасининг вақтинча ихтиёрида сақланадиган чет эл валютасидаги пул маблағлари" қаторида бюджет ташкилотлари ихтиёрида вақтинча сақланадиган чет эл валюта маблағларининг суммаси кўрсатилади;

"ж) валюта курсининг ижобий фарқи ҳисобига ҳосил бўлган маблағлар" қаторида Марказий банк томонидан ўрнатилган чет эл валютасининг сўмга нисбатан курсининг ижобий фарқ ҳисобига ҳосил бўлган маблағлар суммаси акс эттирилади.

"з) бошқа тушумлар" қаторида қонунчилик ҳужжатларида тақиқланмаган бошқа тушумлар суммаси кўрсатилади.

133. "Ҳисобот даврида амалга оширилган касса харажатлари - жами" қаторида 4-устун "Касса харажат"да акс эттирилган жами касса харажатлари суммаси кўрсатилади.

134. "Валюта курсининг салбий фарқ ҳисобига ҳосил бўлган зарарлар" қаторида ҳисобот даврининг охирги кунида Марказий банк томонидан ўрнатилган чет эл валютасининг сўмга нисбатан қийматининг салбий фарқи ҳисобига кўрилган зарар суммаси акс эттирилади.

135. "Ҳисобот даври охирида пул маблағи қолдиғи" қаторида "Йил бошидаги пул маблағи қолдиғи" қаторида акс эттирилган сумма ва "Ҳисобот даврида тушган даромад (тушум)лар - жами" қаторида акс эттирилган тушумлар йиғиндисидан "Ҳисобот даврида амалга оширилган касса харажатлари - жами" ва "Валюта курсининг салбий фарқ ҳисобига ҳосил бўлган зарарлар" қаторлари айирмаси кўрсатилади.

136. "Харажатлар ёйилмаси" устунида чет эл валютаси ҳисобидан амалга оширилган касса ва ҳақиқий харажатлар мазкур ҳисобот шаклида келтирилган харажатлар иқтисодий таснифининг харажат моддалари, кичик моддалари ва элементлари бўйича акс эттирилади.

9-§. Молиявий ҳисоботларни тасдиқлаш ва

тақдим қилиш

137. Дастурий мажмуага уланган давлат мақсадли жамғармалари молиявий ҳисоботларни электрон рақамли имзодан фойдаланган ҳолда электрон шаклда Молия вазирлигига тақдим этади.

138. Дастурий мажмуа орқали электрон шаклда топширилган молиявий ҳисоботлар бир нусхада қоғозга чоп этилиб, ҳисобот берувчи давлат мақсадли жамғармаси раҳбари ва бош ҳисобчиси томонидан имзоланади. Имзоланган молиявий ҳисоботлар ҳисобот берувчи давлат мақсадли жамғармасида белгиланган тартибда сақланади.

139. Молиявий ҳисоботларни электрон шаклда тақдим қилиш имконияти мавжуд бўлмаган ҳолларда, давлат мақсадли жамғармалари молиявий ҳисоботларни Молия вазирлигига қоғоз шаклида имзоланган ҳолда бир нусхада тақдим этади.

Ҳисоботлар давлат мақсадли жамғармаларининг муҳрлари ҳамда мазкур Низомнинг 138-бандида кўрсатилган ваколатли шахсларнинг имзолари қўйилмаса ҳақиқий эмас деб ҳисобланади.

140. Давлат мақсадли жамғармалари молиявий ҳисоботларни ҳисобот давридан кейинги ойнинг 15 санасига қадар Молия вазирлигига тақдим этадилар.

141. Давлат мақсадли жамғармалари учун молиявий ҳисоботларни тақдим этиш санаси улар томонидан ҳақиқатда тақдим этилган сана ҳисобланади. Ҳисобот тақдим этиш учун белгиланган муддат ишланмайдиган кунга тўғри келганда, ундан кейин келадиган биринчи иш кунида тақдим этилади.

142. Давлат мақсадли жамғармалари томонидан молиявий ҳисоботлар белгиланган муддатда топширилмаганда, Молия вазирлиги давлат мақсадли жамғармалари раҳбарларини ёзма равишда ёки дастурий мажмуа орқали электрон тарзда огоҳлантирган ҳолда давлат бюджетидан харажатларни молиялаштиришни (тўлаш) чеклашлари, зарур ҳолларда тўхтатиб қўйишлари мумкин.

Молиявий ҳисоботларни электрон тарзда тақдим этувчи давлат мақсадли жамғармалари ҳисоботларни топшириш муддатидан камида беш кун олдин дастурий мажмуа орқали уларни тақдим этиш муддатлари яқинлашгани ҳамда молиявий ҳисоботларни ўз вақтида тақдим этилмаган кундан бошлаб тўловларни амалга оширишга автоматик чекловлар бўлиши тўғрисида огоҳлантирилади.

143. Молиявий ҳисоботларни ўз вақтида тақдим этиш имконияти чекланганлиги ёки маълум бир узрли сабаблар кўрсатилган ҳолда давлат мақсадли жамғармалари раҳбарининг ёзма равишдаги мурожаатига асосан ҳисоботларни топшириш муддати кўпи билан беш иш кунига кечиктирилиши мумкин.

144. Молиявий ҳисоботларда келтирилган маълумотлар ўчирилган ёки устидан ёзилган бўлмаслиги керак. Ҳисоботларда хатолар тузатилганда тегишли қайдлар қилинади (электрон протоколлар юритилади), уларни ҳисоботларга имзо чеккан шахслар тасдиқлайдилар.

Молиявий ҳисоботларга киритилган барча тузатишлар ҳақида юқори турувчи ташкилот томонидан текшириш ва тасдиқлашда мазкур молиявий ҳисоботлар тақдим этилган барча жойларга (манзилгоҳларга) мажбурий тартибда хабар қилиниши лозим.

145. Молия вазирлиги молиявий ҳисоботларда номувофиқликлар ва ноаниқликлар мавжуд бўлганда, ўз эътироз ва таклифларини давлат мақсадли жамғармаларига улар қабул қилинган кундан бошлаб беш кундан кечиктирмасдан хабар қилади.

6-БОБ. ДАВЛАТ МАҚСАДЛИ ЖАМҒАРМАЛАРИ

БЮДЖЕТЛАРИ ДАРОМАДЛАРИНИНГ ТУШУМЛАРИ

ТЎҒРИСИДАГИ ҲИСОБОТНИ ТУЗИШ ВА

ТАҚДИМ ҚИЛИШ

146. Давлат мақсадли жамғармалари бюджетларига қонунчилик ҳужжатларида белгиланган манбалар бўйича тушумлар тўғрисидаги ҳисобот электрон шаклда мазкур Низомнинг 15-иловасига мувофиқ шаклда тузилади ҳамда ҳар чоракда чораклик ҳисоботларни топширишнинг охирги муддатидан кейинги ойнинг охирги иш кунигача (йил якуни бўйича йиллик ҳисоботларни топширишнинг охирги муддатидан кейинги ойнинг охирги иш кунига) Молия вазирлигига тақдим этади.

147. Молия вазирлиги давлат мақсадли жамғармалари бюджетларига тушумлар тўғрисидаги ҳисоботларни тўғри тузилишини таъминлаш мақсадида, ҳисоботлардаги хатоликларни бартараф қилиш ва ҳисоботларга зарур ўзгартиришлар киритиш тўғрисида давлат мақсадли жамғармаларига кўрсатмалар бериши мумкин.

148. Давлат мақсадли жамғармалари даромадлари тушуми тўғрисидаги ҳисобот қуйидаги тартибда мазкур Низомнинг 15-иловасига мувофиқ шаклда тўлдирилади:

"Бюджет таснифига кўра даромад коди" устунида бюджет таснифи бўйича даромадларнинг турларининг кодлари акс эттирилади;

"Даромадлар номи" устунида бюджет таснифи бўйича даромадлар турларининг номлари кўрсатилади;

Ҳисобот йили бошида "Солиқ ва бошқа тўловлар қарзи" устунига йил бошида жисмоний, юридик шахсларнинг солиқ ва бошқа тўловлардан қарздорликлари тегишли даромад кодлари бўйича кўрсатилади;

Ҳисобот йили бошида "тўлаш муддати узайтирилган қарз" устунида "Солиқ ва бошқа тўловлар қарзи" устунидан қонунчилик ҳужжатларига мувофиқ тўлаш муддати узайтирилган қарзлар акс эттирилади;

Ҳисобот йили бошида "ортиқча тўланган солиқ ва бошқа тўловлар" устунида йил бошида жисмоний, юридик шахсларнинг солиқ ва бошқа тўловлардан ортиқча тўловларни тегишли даромад кодлари бўйича акс эттиради;

Ҳисобот йили бошида "Ўтган ҳисобот йилларига йил бошида киритилган ўзгаришлар (+/-)" устунида солиқ ва бошқа тўловлар бўйича текширишлар ёки бошқа ҳисоб-китобларда йил бошида қарздорликлар ошганда ижобий сон билан, камайганда эса салбий сон билан тўлдирилади;

Ҳисобот даврида "ҳисобланган солиқ ва бошқа тўловлар" устунида солиқ ва бошқа тўловларнинг даромад турлари бўйича ҳисобот даврида ҳисобланган солиқ ва бошқа тўловларнинг суммаси кўрсатилади;

Ҳисобот даврида "жорий йилда қайта ҳисоб-китоб қилинган солиқ ва бошқа тўловлар (+/-)" устунида жорий йилдаги ҳисобот давридан олдинги ҳисобот даврларида солиқ ва бошқа тўловлар бўйича текширишлар ёки бошқа ҳисоб-китобларда қайта ҳисобланган солиқ ва бошқа мажбурий тўловлар ошганда ижобий сон билан, камайганда эса салбий сон билан акс эттирилади;

Ҳисобот даврида "ҳақиқий тушум миқдори" устунида солиқлар ва бошқа мажбурий тўловлардан ҳисобот даврида йил бошидан тушган даромадлар акс эттирилади;

Ҳисобот даври охирида "солиқ ва бошқа тўловлар қарзи" устунида ҳисобот даври охирида солиқ ва бошқа тўловлардан мавжуд қарздорликлар кўрсатилади.

Ҳисобот даври охирида "тўлаш муддати узайтирилган" устунида ҳисобот даври охирида солиқ ва бошқа тўловлардан мавжуд қарздорликларнинг тўлаш муддати узайтирилганлари тўлдирилади;

Ҳисобот даври охирида "ортиқча тўланган солиқ ва бошқа тўловлар" устунида жисмоний ва юридик шахсларнинг солиқ ва бошқа тўловлардан ортиқча тўловларни тегишли даромад кодлари бўйича акс эттиради.

149. Давлат мақсадли жамғармалари бюджетларига тушумлар тўғрисидаги маълумотлар ҳисоботда йил бошидан ўсиб борувчи тартибда тўлдирилади.

7-БОБ. ДАВЛАТ МАҚСАДЛИ ЖАМҒАРМАЛАРИ

БЮДЖЕТЛАРИ ИЖРОСИ ТЎҒРИСИДАГИ

ҲИСОБОТЛАР

150. Давлат мақсадли жамғармалари ҳар ой, чорак ва йил якуни бўйича Ўзбекистон Республикаси Бюджет кодексининг 166-моддасига асосан "Давлат мақсадли жамғармалари бюджетларининг ижроси тўғрисидаги ҳисобот шаклини тасдиқлаш ва муддатларини белгилаш тўғрисида"ги буйруқда (рўйхат рақами 2624, 2014 йил 10 ноябрь) тасдиқланган шаклларга мувофиқ давлат мақсадли жамғармалари бюджетларининг ижроси тўғрисидаги ҳисобот шаклларини ҳисобот давридан кейинги ойнинг 15 санасидан кечиктирмасдан Молия вазирлигига тақдим этадилар.

151. Давлат мақсадли жамғармалари бюджетлари ижроси тўғрисидаги ҳисоботга тушунтириш хати илова қилинади. Тушунтириш хатида давлат мақсадли жамғармалари бюджет ижросининг асосий кўрсаткичлари, бюджет ижросига таъсир этган асосий омиллар, прогноз кўрсаткичларининг бажарилмаганлик сабаблари ва молиявий ҳисоботларда очиб берилган маълумотлар акс эттирилади.

8-БОБ. НАЗОРАТ ВА ЖАВОБГАРЛИК

152. Бюджет ва смета-штат интизомига риоя қилинишининг назорат этилишини таъминлаш мақсадида, харажатлар сметаси рўйхатдан ўтказилгандан сўнг бир ҳафталик муддатда давлат мақсадли жамғармалари томонидан бюджет тизими бюджетидан молиялаштириладиган давлат мақсадли жамғармаларининг бюджет ва смета-штат интизомига риоя қилинишини таъминловчи буйруқлар чиқарилади. Буйруқларда қуйидагилар белгиланади:

бюджет ва смета-штат интизомига риоя қилиш, харажатларни тасдиқланган бюджетдан ажратиладиган маблағлар доирасида амалга ошириш;

улар бўйсунувидаги ҳудудий бўлимларнинг раҳбарларининг қуйидагилар бўйича мажбуриятлари:

бюджет интизомига риоя қилинишини назорат қилиш;

бюджетга келтирилган зарарни қоплаш бўйича чораларни кўриш;

бюджет интизомини бузган шахсларни қонунчиликка мувофиқ жавобгарликка тортиш.

153. Буйруқ чиқарилгандан сўнг уч кун муддат ичида унинг бир нусхаси Молия вазирлигига тақдим этилади.

154. Давлат мақсадли жамғармаси раҳбари ёки у ваколат берган шахс, шунингдек ҳудудий жамғармалар раҳбарлари смета-штат интизомига ва смета-штат ҳужжатларининг тақдим этиш муддатларига риоя қилиниши учун шахсан жавобгардир.

Рўйхатдан ўтказиш учун тақдим қилинган харажатлар сметасида келтирилган ҳисоб-китобларда кўрсатилган давлат мақсадли жамғармаларининг иқтисодий ва ишлаб чиқариш кўрсаткичлари (майдони, ҳажми, сарфланаётган коммунал хизматлари бўйича табиий кўрсаткичлар ҳажми ҳамда улар бўйича харажатларнинг тасдиқланган харажатлар сметасига ва паспорт маълумотига, шартномалар ва бошқаларга мослиги)нинг тўғрилиги ва асосланганлиги учун давлат мақсадли жамғармаларнинг раҳбарлари ва бош бухгалтерлари (бухгалтерлари), молия-иқтисод бўлими бошлиқлари (штат жадвалларига мувофиқ молия-иқтисод масалалари бўйича мутахассислар) шахсан жавобгар бўлади.

Рўйхатдан ўтказиш учун тақдим қилинган жамланма харажатлар сметасида келтирилган ҳисоб-китобларда кўрсатилган давлат мақсадли жамғармаларининг иқтисодий ва ишлаб чиқариш кўрсаткичларининг тўғрилиги ва асосланганлиги учун давлат мақсадли жамғармаларининг раҳбарлари ва бош бухгалтерлари (бухгалтерлари), молия-иқтисод бўлими бошлиқлари шахсан жавобгар бўлади.

155. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

156. Мазкур Низом Мутахассисларни хорижда тайёрлаш ва ватандошлар билан мулоқот қилиш бўйича "Эл-юрт умиди" жамғармаси, Ўзбекистон Республикаси Бандлик ва меҳнат муносабатлари вазирлиги, Қишлоқ хўжалиги вазирлиги, Алкоголь ва тамаки бозорини тартибга солиш ҳамда виночиликни ривожлантириш агентлиги, Соғлиқни сақлаш вазирлиги, Халқ таълими вазирлиги, Иқтисодий тараққиёт ва камбағалликни қисқартириш вазирлиги, Ахборот технологиялари ва коммуникацияларини ривожлантириш вазирлиги, Туризм ва спорт вазирлиги, Давлат активларини бошқариш агентлиги, "Ўзбекбалиқсаноат" уюшмаси ва Давлат тиббий суғуртаси жамғармаси билан келишилган.

Низомга

1-ИЛОВА

   

          

Харажатлар сметасига

ИЛОВА

IV гуруҳ "Бошқа харажатлар" бўйича харажатлар

ЁЙИЛМАСИ

  

      

Низомга

2-ИЛОВА

______ йил учун вақтинчалик харажатлар СМЕТАСИ

  

Ташкилотнинг тўлиқ номи: _________________________________________

Тўлиқ манзили: ____________________________________________________

Бюджет даражаси: ________________________________________________

Бўлим: __________________________________________________________

Кичик бўлим:_____________________________________________________

Боб: _____________________________________________________________

  

         

Низомга

2а-ИЛОВА

______ йил учун жамланма вақтинчалик харажатлар

СМЕТАСИ

Ташкилотнинг тўлиқ номи: _________________________________________

Тўлиқ манзили: ____________________________________________________

Бюджет даражаси: ________________________________________________

Бўлим: __________________________________________________________

Кичик бўлим:_____________________________________________________

Боб: _____________________________________________________________

        

Низомга

3-ИЛОВА

______ йил учун жамланма харажатлар

СМЕТАСИ

Ташкилот шаклининг тўлиқ номи: ___________________________________

Тўлиқ манзил: ____________________________________________________

Бюджет даражаси: ________________________________________________

Бўлим: __________________________________________________________

Кичик бўлим:_____________________________________________________

Боб: _____________________________________________________________

Ўлчов бирлиги: ___________________________________________________

Жамланма харажатлар сметасига

1-ИЛОВА

___________-сон рўйхатдан ўтказиш карточкаси

____ йил учун жамланма харажатлар сметаси

бўйича IV гуруҳ харажатлари

ЁЙИЛМАСИ

 

Жамланма харажатлар сметасига

2-ИЛОВА

Мутахассисларни хорижда тайёрлаш ва ватандошлар

билан мулоқот қилиш бўйича "Эл-юрт умиди" жамғармаси

бўйича тармоқ, штатлар ва контингентга доир

режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

 

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар етасига

3-ИЛОВА

Ўзбекистон Республикаси Вазирлар Маҳкамаси ҳузуридаги

Давлат ва жамият эҳтиёжлари учун ер участкаларининг

олиб қўйилиши муносабати билан жисмоний ва юридик

шахсларга етказилган зарарларни қоплаш бўйича

марказлаштирилган жамғармаси бўйича тармоқ, штатлар

ва контингентга доир режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

 

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

4-ИЛОВА

Ўзбекистон Республикаси Молия вазирлиги ҳузуридаги

бюджетдан ташқари Пенсия жамғармаси бўйича тармоқ,

штатлар ва контингентга доир режанинг

бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

  

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

5-ИЛОВА

Ўзбекистон Республикаси Бандлик ва меҳнат муносабатлари

вазирлиги ҳузуридаги Бандликка кўмаклашиш давлат

жамғармаси бўйича тармоқ, штатлар ва контингентга

доир режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

6-ИЛОВА

Ўзбекистон Республикаси Бандлик ва меҳнат муносабатлари

вазирлиги ҳузуридаги Хорижда меҳнат фаолиятини амалга

оширувчи шахсларни қўллаб-қувватлаш ҳамда уларнинг

ҳуқуқ ва манфаатларини ҳимоя қилиш жамғармаси

бўйича тармоқ, штатлар ва контингентга доир

режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

  

 

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

7-ИЛОВА

Ўзбекистон Республикаси Бандлик ва меҳнат муносабатлари

вазирлиги ҳузуридаги Жамоат ишлари жамғармаси

бўйича тармоқ, штатлар ва контингентга доир

режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

     

  

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

8-ИЛОВА

Тадбиркорлик фаолиятини қўллаб-қувватлаш давлат

жамғармаси бўйича тармоқ, штатлар ва контингентга

доир режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

  

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

9-ИЛОВА

Хотин-қизларни қўллаб-қувватлаш давлат мақсадли

жамғармаси бўйича тармоқ, штатлар ва контингентга

доир режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

10-ИЛОВА

Ахборот-коммуникация технологияларини ривожлантириш

жамғармаси бўйича тармоқ, штатлар ва контингентга

доир режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

  

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

11-ИЛОВА

Ўзбекистон Республикаси Халқ таълими вазирлиги

ҳузуридаги бюджетдан ташқари Республика мақсадли

китоб жамғармаси бўйича тармоқ, штатлар ва контингентга

доир режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

12-ИЛОВА

Ўзбекистон Республикаси Соғлиқни сақлаш вазирлиги

ҳузуридаги Тез тиббий ёрдамни ривожлантириш

жамғармаси бўйича тармоқ, штатлар ва контингентга

доир режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

  

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

13-ИЛОВА

Ўзбекистон Республикаси Соғлиқни сақлаш вазирлиги

ҳузуридаги Ногиронлиги бўлган шахсларни қўллаб-қувватлаш

жамғармаси бўйича тармоқ, штатлар ва контингентга

доир режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

14-ИЛОВА

Ўзбекистон Республикаси Туризм ва спорт вазирлиги

ҳузуридаги бюджетдан ташқари Туризм ва спортни

қўллаб-қувватлаш жамғармаси бўйича тармоқ, штатлар

ва контингентга доир режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

   

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

15-ИЛОВА

Ўзбекистон Республикаси Қишлоқ хўжалиги вазирлиги

ҳузуридаги Боғдорчилик ва иссиқхона хўжалигини

ривожлантириш агентлиги қошидаги Боғдорчилик ва

иссиқхона хўжалигини ривожлантириш жамғармаси

бўйича тармоқ, штатлар ва контингентга доир

режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

   

   

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

16-ИЛОВА

Ўзбекистон Республикаси Алкоголь ва тамаки бозорини

тартибга солиш ҳамда виночиликни ривожлантириш

агентлигининг Виночиликни ривожлантириш жамғармаси

бўйича тармоқ, штатлар ва контингентга доир

режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

        

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

17-ИЛОВА

"Ўзбекбалиқсаноат" уюшмасининг Балиқчиликни

ривожлантириш жамғармаси бўйича тармоқ, штатлар

ва контингентга доир режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

 

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

18-ИЛОВА

Ўзбекистон Республикаси Молия вазирлиги Ғазначилиги

ҳузуридаги Давлат қарзига хизмат кўрсатиш бўйича кафолат

жамғармаси бўйича тармоқ, штатлар ва контингентга

доир режанинг бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

   

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

19-ИЛОВА

Давлат тиббий суғуртаси жамғармаси бўйича тармоқ,

штатлар ва контингентга доир режанинг

бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

      

    

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Жамланма харажатлар сметасига

20-ИЛОВА

Ўзбекистон Республикаси Молия вазирлиги ҳузуридаги

Таълим кредитини молиялаштириш жамғармаси бўйича

тармоқ, штатлар ва контингентга доир режанинг

бажарилиши тўғрисида

ҲИСОБОТ

01___________ 20__ йил ҳолатига

Даврийлиги: йиллик, чораклик (тегишли давр тагига чизилсин)

   

Раҳбар                _______________

Молия-иқтисод бўлими бошлиғи       _______________

Бош ҳисобчи (ҳисобчи)  _______________

М.Ў.

Низомга

4-ИЛОВА

  

______ йил учун давлат мақсадли жамғармасининг

даромадлар ва харажатлар

СМЕТАСИ

Ташкилотнинг тўлиқ номи: _________________________________________

Тўлиқ манзили: ___________________________________________________

Бюджет даражаси: ________________________________________________

Бўлим: __________________________________________________________

Кичик бўлим:_____________________________________________________

Боб: _____________________________________________________________

Ўлчов бирлиги: ___________________________________________________

       

Низомга

4а-ИЛОВА

  

______ йил учун давлат мақсадли жамғармасининг

жамланма даромадлар ва харажатлар

СМЕТАСИ

Ташкилотнинг тўлиқ номи: _________________________________________

Тўлиқ манзили: ___________________________________________________

Бюджет даражаси: ________________________________________________

Бўлим: __________________________________________________________

Кичик бўлим:_____________________________________________________

Боб: _____________________________________________________________

Ўлчов бирлиги: ___________________________________________________

    

Низомга

5-ИЛОВА

 

Бюджетдан ажратиладиган маблағлар

миқдорига ўзгартиришлар ҳақида

МАЪЛУМОТНОМА-БИЛДИРИШНОМА

20___ йил "___" _________

(минг сўм)

Низомга

6-ИЛОВА

18-сон шакл

Бюджетдан ажратиладиган маблағлар

миқдорига ўзгартиришлар ҳақида

МАЪЛУМОТНОМА-БИЛДИРИШНОМА

20___ йил "___" _________

(минг сўм)

Низомга

7-ИЛОВА

Харажатлар сметасидаги ўзгартиришлар

РЎЙХАТИ

  

*) фақат ўзгартириш киритилаётган ойлар кўрсатилади.

Низомга

8-ИЛОВА

1-сон шакл

БАЛАНС

20 __ йил 1 _______________ ҳолатига

Ташкилот ______________________________________________

Ҳисобот даври: йиллик, 1 апрель, 1 июль, 1 октябрь

Бюджет тури ____________________________________________

Ўлчов бирлиги __________________________________________

Низомга

9-ИЛОВА

Молиявий фаолият натижалари тўғрисида ҳисобот

20 __ йил 1 ____________ ҳолатига

Ташкилот _________________________________________

Ҳисобот даври: йиллик, 1 апрель, 1 июль, 1 октябрь

Бюджет тури ______________________________________

Ўлчов бирлиги ____________________________________

Низомга

10-ИЛОВА

2-сон шакл

Харажатлар сметасининг ижроси ҳақидаги

ҲИСОБОТ

20____ йил _________________ ҳолатига

Ташкилот __________________________________________

Бўлим _______ кичик бўлим_______ боб _____

Ҳисобот даври: йиллик, 1 апрель, 1 июль, 1 октябрь ҳолатига

Бюджет тури ________________________________________

Ўлчов бирлиги _______________________________________

   

Низомга

11-ИЛОВА

Дебиторлик ва кредиторлик қарзлари тўғрисидаги

МАЪЛУМОТ

20___ йил __________________ ҳолатига

Ташкилот ___________________________________________________

Боб ____

Ҳисобот даври: йиллик, 1 апрель, 1 июль, 1 октябрь ҳолатига

Бюджет тури _________________________________________________

Ўлчов бирлиги _______________________________________________

Дебиторлик ва кредиторлик қарзлари

тўғрисидаги маълумотга

ИЛОВА

Муддати ўтган дебиторлик ва кредиторлик

қарзлари тўғрисидаги

МАЪЛУМОТ

        

Низомга

12-ИЛОВА

Давлат мақсадли жамғармаларининг бошқа

маблағлари ҳаракати тўғрисидаги

ҲИСОБОТ

20___ йил __________________ ҳолатига

Ташкилот _______________________________________________________

Ҳисобот даври: йиллик, 1 апрель, 1 июль, 1 октябрь

Бюджет тури ____________________________________________________

Ўлчов бирлиги __________________________________________________

     

  

орқа томони

Харажатлар ёйилмаси

Касса харажатлари

Ҳақиқий харажатлар

 

       

Низомга

13-ИЛОВА

Товар-моддий захиралар ва номолиявий активлар

ҳаракати тўғрисидаги

ҲИСОБОТ

20__ йил _______________ ҳолатига

 

Ташкилот ______________________________________________

Боб _______

Ҳисобот даври: чораклик (1 апрель, 1 июль, 1 октябрь, 1 январь)

Бюджет тури ___________________________________________

Ўлчов бирлиги _________________________________________

    

Низомга

14-ИЛОВА

Давлат мақсадли жамғармаларида чет эл валютасидаги

маблағларнинг ҳаракати тўғрисидаги

ҲИСОБОТ

20 __ йил __________ ҳолатига

Ташкилот _______________________________________________________

Ҳисобот даври: йиллик, 1 апрель, 1 июль, 1 октябрь

Бюджет тури ____________________________________________________

Ўлчов бирлиги __________________________________________________

Валюта тури ____________________________________________________

Ҳисобот даврининг охирги кунида Ўзбекистон Республикаси Марказий банки томонидан ўрнатилган чет эл валютасининг сўмга нисбатан қиймати ___________

 

Низомга

15-ИЛОВА

___________________________________________________________нинг

(давлат мақсадли жамғармаси номи)

даромадлари тушуми тўғрисидаги

ҲИСОБОТ

20 __ йил __________ ҳолатига

Давлат мақсадли жамғармаси номи: _______________________________________

Ҳисобот даври: йиллик, 1 апрель, 1 июль, 1 октябрь

Ўлчов бирлиги _____________________________________________________

   

Қонун ҳужжатлари маълумотлари миллий базаси (www.lex.uz),

2021 йил 6 декабрь