1975 йилдаги Юкларни халқаро йўлларда ташиш дафтарчасини қўллаган ҳолда юкларни халқаро ташиш тўғрисидаги Божхона конвенциясини қўллаш ҳақида Низом (ЎзР ВМ 02.12.2021 й. 727-сон қарорига 1-илова)

Функция недоступна

Вазирлар Маҳкамасининг

2021 йил 2 декабрдаги

727-сон қарорига

1-ИЛОВА

1975 йилдаги Юкларни халқаро йўлларда ташиш

дафтарчасини қўллаган ҳолда юкларни халқаро ташиш

тўғрисидаги Божхона конвенциясини қўллаш ҳақида

НИЗОМ

1-БОБ. УМУМИЙ ҚОИДАЛАР

1. Мазур Низом 1975 йилдаги Юкларни халқаро йўлларда ташиш дафтарчасини қўллаган ҳолда юкларни халқаро ташиш тўғрисидаги Божхона конвенциясини (кейинги ўринларда - Конвенция) қўллаш тартибини белгилайди.

2. Ушбу Низомда қуйидаги тушунчалар қўлланилади:

аҳдлашувчи томон - Конвенцияга аъзо давлат;

жўнатувчи божхона органи - юклар ёки юкларнинг қисми учун халқаро йўлларда ташиш (кейинги ўринларда - ХЙТ) бошланадиган аҳдлашувчи томоннинг ҳар қандай божхона органи;

йўл транспорти воситаси - механик йўл транспорт воситалари, шу жумладан, транспорт воситаларида шатакка олиш учун мўлжалланган исталган тиркама ва ярим тиркамалар;

йўл-транспорт ҳодисаси (кейинги ўринларда - ЙТҲ) - транспорт воситаларининг юк бўлинмаларига ёки божхона пломба ва муҳрларига зарар етказган тасодифий ҳолат;

кафолат - ХЙТ дафтарчаси бўйича ташилаётган товарларга нисбатан божхона тўловлари тўланишини таъминлаш;

Кафолат уюшмаси - Конвенция ва Ўзбекистон Республикасининг қонунчилик ҳужжатларига кўра ХЙТ дафтарчасидан фойдаланувчи шахсларга кафиллиги тан олинган уюшма (Ўзбекистонда - Ўзбекистон халқаро автомобилда ташувчилар уюшмаси (AIRCUZ);

контейнер - юкларни жойлаштиришга мўлжалланган ёпиқ ёки қисман ёпиқ идиш, доимий ва етарли даражада мустаҳкам, шунингдек, кўп маротаба ишлатишга мўлжалланган, юкларни оралиқ масофада қайта юкламасдан, битта ёки бир нечта транспорт турларида ташишга мўлжалланган, бир транспорт туридан иккинчи транспорт турига юклашни енгиллаштириш учун жиҳозланган, юкларни енгил ортиш ва тушириш учун тайёрланган, камида бир куб метр ички ҳажмига эга бўлган транспорт ускунаси (цистерна ёки бошқа шунга ўхшаш мослама);

манзилдаги божхона органи - юклар ёки юкларнинг қисми учун ХЙТ якунланадиган аҳдлашувчи томоннинг ҳар қандай божхона органи;

оғир вазнли ёки катта ҳажмли юклар - ҳар қандай оғир ва катта ҳажмли, оғирлиги, ўлчами ва хусусиятидан келиб чиқиб, ёпиладиган йўл транспорт воситаси ёки контейнерда ташилмайдиган юклар;

оралиқ божхона органи - ХЙТ давомида йўл транспорт воситалари, транспорт воситаларининг таркиби ёки контейнерлар кириши ва чиқишидаги исталган аҳдлашувчи томоннинг божхона органи;

товарлар - ХЙТ тартиб-таомиллари асосида ташиладиган юклар;

транспорт воситаларининг таркиби - йўл ҳаракатида бир бутун бўлиб иштирок этадиган тиркалган йўл транспорт воситалари;

ХЙТ дафтарчаси - жўнатиш жойидан манзилдаги жойгача юкларни кузатиб борадиган, Конвенцияга асосан давлат божхона хизмати органлари ва ХЙТ дафтарчасидан фойдаланувчилар томонидан қўлланиладиган ушбу Низомга 1-иловага мувофиқ шаклдаги халқаро божхона ҳужжати;

ХЙТ дафтарчасидан фойдаланувчи - Конвенцияга мувофиқ ХЙТ дафтарчаси берилган шахс бўлиб, ушбу шахс номидан юкларни ХЙТ тартиб-таомиллари асосида жойлаштириш нияти билан жўнатувчи божхона органига божхона декларацияси кўринишида ХЙТ дафтарчасини тақдим қилувчи шахс;

ХЙТ операцияси - ХЙТнинг бир қисми бўлиб, аҳдлашувчи томоннинг жўнатувчи ёки оралиқ (кириш) божхона органидан манзилдаги ёки оралиқдаги (чиқишдаги) божхона органигача юкларни ташиш;

ХЙТ - товарларни жўнатувчи божхона органидан манзилдаги божхона органигача ХЙТ дафтарчасидан фойдаланган ҳолда ташиш;

шахс - жисмоний ёки юридик шахслар;

SafeTIR - Конвенцияга 10-иловага асосан божхона маъмуриятлари ва кафолат уюшмалари учун очиқ бўлган, манзилдаги (оралиқ) божхона органларида ХЙТ операциялари якунланиши бўйича маълумотларни сақлаш ҳамда ХЙТ дафтарчасидан фойдаланишни назорат қиладиган тизим.

3. ХЙТ дафтарчасидан фойдаланувчи йўл транспорт воситаси, транспорт воситаси таркиби ёки контейнерни, юкланган юки ва уларга расмийлаштирилган ХЙТ дафтарчаси билан биргаликда жўнатувчи, оралиқ ва манзилдаги божхона постига тақдим этиш ҳамда Конвенциянинг бошқа тегишли қоидаларига амал қилиш учун жавобгар ҳисобланади.

ХЙТ тартиб-таомиллари асосида ташиладиган товарлар оралиқ божхона органларида олиб кириш ёки олиб чиқиш учун бож ва солиқларни тўлаш ёхуд депозитга қўйишдан озод этилади.

Бундай божхона органларида ХЙТ дафтарчасини божхона расмийлаштирувидан ўтказганлик учун йиғим ундирилмайди.

4. ХЙТ тартиб-таомилларига асосан муҳрланган транспорт воситаларида, муҳрланган транспорт воситаларининг таркибида ёки муҳрланган контейнерларда ташилган товарлар оралиқ божхона органларида божхона кўригидан озод қилинади.

Божхона органлари томонидан божхона кўриги қуйидаги ҳолларда, истисно тариқасида, ўтказилади:

божхона органларига ҳуқуқни муҳофаза қилувчи бошқа органлар ёки давлат бошқаруви органларидан тушган материаллар, шунингдек, хорижий давлатлар божхона ва бошқа давлат органлари ҳамда халқаро ташкилотлардан олинган маълумотлар мавжуд бўлганда;

божхона тўғрисидаги қонунчилик ҳужжатлари талаблари бузилганлиги аломатлари мавжуд бўлганда;

божхона кўригини ўтказиш хавфни бошқариш автоматлаштирилган тизими томонидан буюрилганда.

Конвенция қоидалари жамоат тартиби, жамоат хавфсизлиги, соғлиқни сақлаш ва гигиена, шунингдек, ветеринария ёки фитосанитария назоратини амалга оширишда келиб чиқадиган чекловларга тўсқинлик қилмайди.

5. ХЙТ тартиб-таомиллари асосида ташиладиган товарлар учун тўланадиган божхона божлари ва солиқларнинг миқдори кафолат суммасидан ошганда ёхуд Ўзбекистон Республикаси қонунчилик ҳужжатларига асосан ХЙТ тартиб-таомиллари асосида етказиб берилиши мумкин бўлмаса, товарлар ва транспорт воситаларини Ўзбекистон Республикаси қонунчилик ҳужжатларида кўрсатилган божхона назорати остида етказиб бериш тартиби кўлланилади.

6. Конвенциянинг 45-моддасига асосан Ўзбекистон Репсубликаси ҳудудида ХЙТ дафтарчасидан фойдаланган ҳолда транзит равишда ҳаракатланишга йўл қўйиладиган божхона постлари рўйхати Ўзбекистон Репсубликаси Давлат божхона қўмитаси томонидан тасдиқланади ва унинг расмий веб-сайтида жойлаштирилади.

2-БОБ. ХЙТ ТАРТИБ-ТАОМИЛЛАРИНИ

ҚЎЛЛАШ ШАРТЛАРИ

7. Товарлар:

Конвенция ва ушбу Низомга мувофиқ тўлдирилган ва расмийлаштирилган ХЙТ дафтарчаси билан кузатиб борилса;

кафолат уюшмаси кафолати билан таъминланса;

божхона пломбалари ва муҳрлари остида ташишга рухсат берилган транспорт воситаларида, транспорт воситалари таркибида ёки контейнерларда (оғир вазнли ёки катта ҳажмли юкларни ташиш бундан мустасно) ташилганда, ХЙТ тартиб-таомиллари қўлланилади.

8. Жўнатиш, оралиқ ва манзилдаги божхона органларига товарларни, транспорт воситаларини, транспорт воситаларининг таркибини ёки контейнерни ва уларга тегишли бўлган ХЙТ дафтарчасини етказиб беришга, Конвенциянинг бошқа қоидаларига амал қилиниши учун ХЙТ дафтарчасидан фойдаланувчи масъул ҳисобланади.

9. Транспорт воситаларига "TIR" ёзувли тўртбурчак лавҳа (маҳкамланадиган, аниқ ўлчам ва ёзувга эга тахта ёки бошқа жисимлардан ясалган махсус мослама) ёпиштирилиши лозим. Битта лавҳа транспорт воситаси ёки транспорт виситалари таркибининг олд томонига, иккинчиси эса орқа томонига аниқ кўринадиган жойга жойлаштирилади. Ушбу лавҳалар олинадиган бўлиши шарт.

10. Барча жўнатиш божхона органлари томонидан ХЙТ дафтарчасини қабул қилганлик бўйича тегишли белги қўйилгандан сўнг ХЙТ дафтарчаси манзилдаги божхона органига тақдим этилиши мумкин.

11. ХЙТ тартиб-таомиллари асосида ташишларни фақат ХЙТ дафтарчасидан фойдаланувчи амалга ошириши мумкин.

Халқаро ташиш бир давлатда рўйхатдан ўтган автомобиль юк тортгичи ва бошқа давлатда рўйхатдан ўтган тиркама ва (ёки) ярим тиркамадан иборат транспорт воситаларининг таркибида амалга оширилса, ХЙТ дафтарчаси автомобиль юк тортгич рўйхатдан ўтган давлатнинг кафолат уюшмасидан олинган бўлиши керак.

Транспорт воситаси товар сифатида ҳаракатланган тақдирда, ХЙТ дафтарчаси товар қабул қилувчи ёки жўнатувчи давлат кафолат уюшмасидан олинади.

12. Ҳар бир ХЙТ дафтарчаси учун 100 000 (юз минг) еврогача божхона тўловлари ва солиқларни тўлаш кафолатланади. Кўрсатилган сумма тўловни амалга ошириш кунидан олдинги кун учун амал қиладиган Ўзбекистон Республикаси Марказий банки томонидан белгиланган курс бўйича миллий валютада тўланади.

ХЙТ операцияси давомида Ўзбекистон Республикаси божхона қонунчилик ҳужжатлари талаблари бузилганда, кафолат уюшмаси божхона тўловларини ҳамда қонунчилик ҳужжатларида белгиланган кечикиш учун фоизларни кафолат учун белгиланган максимал суммагача тўлайди. Бунда кафолат уюшмаси тўловлар ва уларга фоизларнинг тўланишини келтириб чиқарган шахслар билан биргаликда жавобгарлик тартибида тўлаб беришга мажбурдир.

Ҳар бир ХЙТ дафтарчаси учун тўловнинг максимал миқдорига қўйилган чекловлар алкоголь ва тамаки маҳсулотларига амал қилмайди. Ушбу товарлар Конвенцияда кўрсатилган алоҳида "TABACCO/ALCOHOL" (ТАБАЧНЫЕ ИЗДЕЛИЯ/АЛКОГОЛЬНЫЕ НАПИТКИ) ёзувли ХЙТ дафтарчаси ҳамда кафолат уюшмаси ва божхона органлари ўртасида имзоланган кафолат битимида кўрсатилган камида 200 000 (икки юз минг) AҚШ доллари миқдоридаги сумма билан таъминланган тақдирда, ХЙТ тартиб-таомиллари асосида ташилиши мумкин.

Бундай ХЙТ дафтарчаси кўлланилганда, ташиладиган товарларнинг батафсил номи ва уларнинг Ташқи иқтисодий фаолият товар номенклатураси (кейинги ўринларда - ТИФ ТН) кодлари кўрсатилган қўшимча варақ илова қилиниши лозим. Ушбу қўшимча варақ (илова) ХЙТ дафтарчасига бириктирилади ва жўнатиш божхона органи ходимининг шахсий муҳри билан тасдиқланади.

3-БОБ. ХЙТ ДАФТАРЧАСИ

13. ХЙТ дафтарчаси тўрт бетли муқова, кесилмайдиган (сариқ рангли) 1/2-варақ ва 1/2-корешок, кесиладиган 1-варақлар ва 1-корешоклар (оқ рангли), кесиладиган 2-варақлар ва 2-корешоклар (яшил рангли), шунингдек, йўл-транспорт ҳодисалари тўғрисидаги баённомадан иборатдир.

Оқ ва яшил рангли кесиладиган 1-2-варақлар ва 1-2-корешоклар комбинациясидан, қоида тариқасида, ҳар бир давлатда (жўнатиш, транзит ва манзилдаги) фойдаланиш учун мўлжалланган. Кесиладиган оқ рангли 1-варақ ва ХЙТ дафтарчасида қоладиган оқ рангли 1-корешок жўнатиш ва оралиқ (кириш) божхона органларида, кесиладиган яшил рангли 2-варақ ва ХЙТ дафтарчасида қоладиган яшил рангли 2-корешок манзилдаги ва оралиқ (чиқиш) божхона органларида фойдаланиш учун мўлжалланган.

14. ХЙТ дафтарчасига мультимодал ташишларга мўлжалланган махсус варақ илова қилиниши мумкин (агар ташиш бир нечта транспорт туридан фойдаланган ҳолда амалга оширилган бўлса). Ушбу варақ фақат ташувчилар эҳтиёжлари учун мўлжалланган бўлиб, божхона органлари томонидан назорат қилинмайди ва расмийлаштирилмайди, аммо қўшимча маълумот олиш учун фойдаланилиши мумкин.

15. ХЙТ тартиб-таомиллари бўйича ташишларни фақат aҳдлашувчи томонлар Конвенция талаблари асосида рухсат этган ХЙТ дафтарчасидан фойдаланувчилар амалга ошириши мумкин.

Ўзбекистон Республикаси ташувчиларига ХЙТ дафтарчасидан фойдаланиш учун рухсатнома Регламентда белгиланган тартибда берилади.

16. Ўзбекистон Республикасига олиб кириладиган ХЙТ дафтарчалари божхона тўловлари ва солиқлардан озод қилинади хамда олиб кириш ёки олиб чиқишда ҳеч қандай чекловлар кўлланилмайди.

17. ХЙТ дафтарчаси ушбу Низомга 2-иловага мувофиқ шакл бўйича тўлдирилади.

4-БОБ. ЎЗБЕКИСТОН РЕСПУБЛИКАСИ ҲУДУДИГА

ТОВАРЛАР ОЛИБ КИРИЛГАНДА БОЖХОНА

РАСМИЙЛАШТИРУВИ ТАРТИБИ

18. Ўзбекистон Республикаси ҳудудига товарлар олиб кирилганда, қуйидаги ҳужжатлар тақдим этилади:

жўнатувчи ва транзит мамлакатларнинг божхона органлари томонидан тўлдирилган ва расмийлаштирилган ХЙТ дафтарчаси;

Конвенция талаблари асосида транспорт воситасига товарларни божхона пломбалари ва муҳрлари остида ташишга рухсат бериш тўғрисидаги гувоҳнома;

товар ва транспорт кузатув ҳужжатлари.

19. Товарларни олиб киришда, божхона органи мансабдор шахслари томонидан ХЙТ дафтарчаси белгиланган қоидаларга асосан тўлдирилганлиги текширилади.

ХЙТ дафтарчасини божхона расмийлаштируви вақтида:

юк манифести тўлдирганлигига (юк манифестига киритилган маълумотлар товар ва транспорт кузатув ҳужжатларида кўрсатилган маълумотларга мос келиши);

ХЙТ дафтарчасидаги оқ ва яшил рангли 1-2-корешокларда жўнатувчи ва оралиқ божхона органларининг божхона штамп ва муҳрлари мавжудлигига алоҳида эътибор қаратилади.

Божхона органи мансабдор шахслари ХЙТ дафтарчаси ўғирланган сифатида назоратда турмаганлигини ва ХЙТ дафтарчаси олд сариқ муқоваси 3-графасида ҳамда кесилмайдиган сариқ рангли 1/2-варағининг 4-графасида кўрсатилган ХЙТ дафтарчасидан фойдаланувчи томонидан ташилганлигини текширишлари лозим.

20. Божхона органи мансабдор шахслари:

транспорт воситалари ёки контейнерлар юк бўлинмаларининг техник ҳолатини;

транспорт воситасига товарларни божхона пломбалари ва муҳрлари остида ташишга рухсат бериш тўғрисидаги гувоҳномани ёки контейнерларда ташишга рухсат бериш тўғрисидаги лавҳанинг мавжудлигини назоратдан ўтказади;

мазкур Низомнинг 4-бандида келтирилган ҳолатларда юк бўлимлари ёки контейнерларни божхона кўригидан ўтказади.

21. ХЙТ тартиб-таомиллари бузилганлиги ҳолати аниқланганда, жўнатиш божхона органи томонидан товар ва транспорт воситаларини Ўзбекистон Республикаси қонунчилик ҳужжатларида кўрсатилган божхона назорати остида етказиб бериш тартиби кўлланилади.

22. Тегишли божхона назорати шаклларини кўллаш натижасида ХЙТ тартиб-таомиллари талаблари бузилганлиги аниқланмаса, товарлар ва транспорт воситаларининг Ўзбекистон Республикаси ҳудуди орқали ҳаракатланиши ушбу тартиб-таомилларига мувофиқ амалга оширилади.

23. Ўзбекистон Республикаси ҳудуди орқали товарлар ва транспорт воситаларини ХЙТ тартиб-таомилларига асосан ташиш учун:

божхона идентификациялаш воситалари қўйилади ва ХЙТ дафтарчасининг кесиладиган оқ ва яшил 1-варақларининг "расмий фойдаланиш учун" графаларида тегишли белгилар қайд этилади;

товарларнинг божхона қиймати аниқланади. Товарларнинг божхона қийматини аниқлаш учун счёт-фактуралар, товар ва транспорт кузатув ҳужжатлари, суғурта ҳужжатлари ва жўнатувчи мамлакатларнинг божхона декларацияларидан фойдаланилади. Божхона қиймати ХЙТ дафтарчасининг кесиладиган оқ ва яшил рангли 1-2-варақларининг "расмий фойдаланиш учун" графасидаги шартномада кўрсатилган валютада қайд этилади. Aгар божхона қийматини аниқлашнинг имконияти бўлмаса, ушбу графага "қиймат аниқланмаган" белгиси киритилади;

ХЙТ дафтарчасининг кесиладиган оқ ва яшил рангли 1-2-варақларининг 10-графаларида ташиладиган товарларни етказиб бермаслик, бериб юбориш ёки йўқотиш ҳолатида аниқлаш учун етарли бўлган батафсил мълумотлар кўрсатилади;

етказиб бериш муддати белгиланади. Етказиб бериш муддати ХЙТ дафтарчасининг кесиладиган оқ ва яшил рангли 1-2-варақларининг 20-графаларида қайд этилади;

ХЙТ дафтарчасининг кесиладиган оқ ва яшил рангли 1-2-варақлари 16-23-графалари ва оқ рангли 1-корешогининг 1-6-графалари тўлдирилади;

ХЙТ дафтарчасининг кесиладиган оқ рангли 1-варағи ажратилади ва божхона органининг алоҳида папкасида сақланади;

ХЙТ дафтарчаси Ўзбекистон Республикаси Давлат божхона қўмитаси Ягона автоматлаштирилган ахборот тизимида (кейинги ўринларда - ДБҚ ЯААТ) рўйхатга олинади ва манзил божхона органига назоратга қўйилади;

транспорт воситасининг божхона назорати зонасидан чиқиб кетиши кесиладиган ХЙТ дафтарчасининг оқ ва яшил рангли 1-2-варақларининг 23-графаларига ҳамда оқ рангли 1-корешогининг 6-графасига жўнатиш божхона органи мансабдор шахси томонидан сана, шахсий муҳр ва имзо қўйилгандан сўнг амалга оширилади;

расмийлаштирилган ХЙТ дафтарчаси ташувчига қайтарилади.

24. Транспорт воситаси ёки контейнер манзилдаги божхона органига етиб борганда, қуйидаги ҳужжатлар тақдим этилади:

жўнатувчи ва транзит мамлакатларнинг божхона органлари томонидан тўлдирилган (агар бошқа давлатларда ташувни амалга оширган бўлса) ва расмийлаштирилган ХЙТ дафтарчаси;

товарларни божхона расмийлаштирувидан ўтказиш учун товар ва транспорт кузатув ҳужжатлари.

25. Манзилдаги божхона органи мансабдор шахслари қуйидагиларни текширадилар:

ХЙТ дафтарчаси тўғри тўлдирилганлигини ҳамда жўнатиш, оралиқ ва киришдаги божхона органларининг белги ва муҳрлари мавжудлигини;

транспорт воситалари ёки контейнерларнинг юк бўлинмаларида қўйилган божхона пломба ва муҳрларининг ҳолатини;

транспорт воситалари ёки контейнерлар юк бўлинмаларининг бутунлигини ва ташилаётган товарларни божхона пломба ва муҳрлари бузмасдан олиш имконияти бўлмаганлигини;

транспорт воситалари ёки контейнерлардан юкларнинг туширилишини.

26. ХЙТ дафтарчаси кўлланган холда товарларни ташиш давомида уларни йўқотиш, божхона органи рухсатисиз бериб юбориш, алмаштириб қўйиш ва Ўзбекистон Республикаси қонунчилик ҳужжатларида белгиланган бошқа ҳуқуқбузарликлар юзага келган тақдирда, манзилдаги божхона органи ХЙТ дафтарчасининг кесиладиган яшил рангли 2-варағининг 27-графаси ва яшил рангли 2-корешогининг 5-графасига "R:" белгини қўйиб, ҳуқуқбузарликнинг қисқачача тафсилотини қайд этади ҳамда ДБҚ ЯААТга тегишли белгилар киритилади.

27. Божхона назорати шаклларини кўллаш натижасида Ўзбекистон Республикаси қонунчилик ҳужжатлари бузилиш ҳолатлари аниқланмаса:

ХЙТ дафтарчасининг кесиладиган яшил рангли 2-варағининг 24-28-графалари ва яшил рангли 2-корешогининг 1-6-графалари тўлдирилади;

божхона органи мансабдор шахси томонидан ХЙТ дафтарчасининг кесиладиган яшил рангли 2-варағининг 28-графасига ва яшил рангли 2-корешогининг 6-графасига сана, имзо ва шахсий муҳр қўйилади (яшил рангли 2-корешок ХЙТ дафтарчасида қолади);

ХЙТ дафтарчасининг кесиладиган яшил рангли 2-варағи ажратилади (1-28 графалар);

расмийлаштирилган ХЙТ дафтарчаси ДБҚ ЯААТдан назоратдан ечилади ва ташувчига қайтарилади.

5-БОБ. ТОВАРЛАРНИ ЎЗБЕКИСТОН РЕСПУБЛИКАСИ

ҲУДУДИДАН ОЛИБ ЧИҚИШДА БОЖХОНА

РАСМИЙЛАШТИРУВИ ТАРТИБИ

28. Жўнатиш божхона органи олиб чиқиладиган товарларни Ўзбекистон Республикаси қонунчилик ҳужжатларига асосан божхона расмийлаштирувидан ўтказади.

29. ХЙТ тартиб-таомиллари асосида товарларни ташишни расмийлаштириш учун жўнатиш божхона органига қўйидаги ҳужжатлар тақдим этилади:

тўлдирилган ХЙТ дафтарчаси;

Конвенция талаблари асосида транспорт воситасига товарларни божхона пломбалари ва муҳрлари остида ташишга рухсат бериш тўғрисидаги гувоҳнома ёки контейнерларда тегишли лавҳалар.

30. Божхона органи мансабдор шахслари ХЙТ дафтарчаси ўғирланган сифатида назоратда турмаганлигини ва ХЙТ дафтарчаси олд сариқ муқоваси 3-графасида ҳамда кесилмайдиган сариқ рангли 1/2-варағининг 4-графасида кўрсатилган ХЙТ дафтарчасидан фойдаланувчи томонидан ташилганлигини текширишлари лозим.

Жўнатиш божхона органи мансабдор шахслари қуйидагиларни текширади:

ХЙТ дафтарчасининг амал қилиш муддати (муқованинг олд бетидаги 1-графада кўрсатилади);

ХЙТ дафтарчаси муқова олд бетида, кесилмайдиган ва кесиладиган варақлардаги ХЙТ дафтарчасидан фойдаланувчининг имзоси ўзаро мослиги;

ХЙТ дафтарчаси муқоваси олд бетида барча муҳр ва имзолар мавжудлигига алоҳида эътибор қаратган ҳолда, ХЙТ дафтарчаси тўғри тўлдирилганлигини;

транспорт воситасига товарларни божхона пломбалари ва муҳрлари остида ташишга рухсат бериш тўғрисидаги гувоҳнома ёки контейнерларда тегишли лавҳалар мавжудлигини;

транспорт воситалари ёки контейнерлар юк бўлинмаларининг бутунлигини ва ташилаётган товарларни божхона пломба ва муҳрларини бузмасдан олиш имконияти йўқлигини.

Текширув ишлари амалга оширилгандан сўнг транспорт воситалари ёки контейнерларга товарларни юклашни кузатади ҳамда транспорт воситалари ёки контейнерларнинг юк бўлинмаларига божхона пломба ва муҳрлари қўйилади.

31. Расмийлаштирув жараёнида камчиликлар аниқланганда, ХЙТ тартиб-таомиллари асосида товарларни ташиш ушбу камчиликлар бартараф этилгандан сўнг амалга оширилади.

32. Божхона назорати шаклларини кўллаш натижасида ХЙТ тартиб-таомиллари барча талаблари бажарилганлиги аниқланган тақдирда, куйидаги харакатларлар амалга оширилади:

барча кесиладиган оқ ва яшил рангли 1-2-варақларнинг 16-графалари тўлдирилади;

ХЙТ дафтарчасининг кесиладиган оқ ва яшил рангли 1-2-варақларининг "расмий фойдаланиш учун" графасида ва оқ рангли 1-корешогининг 5-графасида, бошқа маълумотлар қаторида божхона қиймати ва товарлар олиб чиқиб кетиладиган божхона режими коди кайд этилади;

ХЙТ дафтарчасининг кесиладиган оқ рангли 1-корешоги тўлдирилади;

ХЙТ дафтарчасининг кесиладиган оқ ва яшил рангли 1-2-варақларининг 10-графаларида ташиладиган товарларни етказиб бермаслик, бериб юбориш ёки йўқотиш ҳолатида аниқлаш учун етарли бўлган батафсил мълумотлар имкон қадар ТИФ ТН кодлари билан кўрсатилади. Агар 10-графада барча маълумотларга жой етарли бўлмаса, ХЙТ дафтарчасига қўшимча варақларни бириктиришга рухсат берилади. Шунда қўшимча варақларга божхона органи мансабдор шахслари томонидан шахсий муҳр қуйилади ҳамда ХЙТ дафтарчасининг кесиладиган барча оқ ва яшил рангли 1-2-варақларининг 8-графасига ушбу илова хақида тегишли белгилар қайд этилади;

етказиб бериш муддати ХЙТ дафтарчасининг кесиладиган оқ ва яшил рангли 1-2 варақларининг 20-графаларида қайд этилади;

ХЙТ дафтарчасининг кесиладиган барча оқ ва яшил рангли 1-2-варақларининг 17-графасига божхона органи мансабдор шахсининг имзоси, сана ва шахсий муҳр қўйилади;

ХЙТ дафтарчасининг кесиладиган оқ ва яшил рангли 1-2-варақларининг 23-графасига ва оқ рангли 1-корешогининг 6-графасига божхона органи мансабдор шахсининг имзоси, сана ва шахсий муҳри қўйилади;

ХЙТ дафтарчасининг кесиладиган оқ рангли 1-варағи ажратилади ва божхона органининг алоҳида папкасида сақланади;

расмийлаштирилган ХЙТ дафтарчаси ҳайдовчига қайтарилади.

Ўзбекистон Республикаси ҳудудидан товарлар олиб чиқиб кетилиши жўнатиш божхона органи томонидан ХЙТ дафтарчасини ДБҚ ЯААТда назоратга қўйиш орқали назорат қилинади.

33. Чиқишда божхона органига қуйидаги ҳужжатлар тақдим этилади:

белгиланган тартибда тўлдирилган ва жўнатиш божхона органларида рамийлаштирилган ХЙТ дафтарчаси;

жўнатиш божхона органлари белгилари мавжуд бўлган товар ва транспорт кузатув ҳужжатлари.

34. Товарлар ХЙТ дафтарчаси асосида Ўзбекистон Республикаси ҳудудидан олиб чиқилаётганда, божхона органлари мансабдор шахслари томонидан қуйидагилар текширилади:

ХЙТ дафтарчаси тўғри тўлдирилганлиги ҳамда барча жўнатувчи божхона органларининг белги ва муҳрлари мавжудлиги;

ХЙТ дафтарчасининг оқ рангли 1-корешогида жўнатувчи божхона органи муҳри ҳамда товарлар олиб чиқилиши учун расмийлаштирилган божхона режими коди кўрсатилганлиги;

транспорт воситалари ёки юк контейнерларининг юк бўлинмаларига қўйилган божхона пломбалари, муҳр ва бошқа идентификация воситалари мавжудлиги ва уларнинг ҳолати;

транспорт воситалари ёки юк контейнерларининг юк бўлинмалари, уларнинг тентлари ва бошқа қисмлари бутунлиги, ташилаётган товарларни божхона пломба ва муҳрларини бузмасдан олиш имконияти чекланганлиги.

Юқоридаги ҳолатларни истисно этганда, транспорт воситалари ёки контейнерлар юк бўлинмалари божхона кўригидан ўтказади.

35. ХЙТ дафтарчасини кўллаган ҳолда ташишларни амалга оширишда мазкур Низом ҳамда ХЙТ дафтарчасини кўллаш бўйича амалдаги норматив-ҳуқуқий ҳужжатлар талаблари бузилиши юзасидан қоидабузарликлар аниқланганда, ушбу Низомнинг 26-бандида белгиланган тартибда ХЙТ дафтарчаси унга тегишли белгилар қўйилган ҳолда расмийлаштирилади.

36. Божхона назорати ҳамда расмийлаштирувини амалга ошириш давомида қонун бузилиш ҳолатлари аниқланмаганда:

ХЙТ дафтарчасининг кесиладиган яшил рангли 2-варағи 24-28-графалари ва 2-корешоги тўлдирилади ҳамда кесиладиган яшил рангли 2-варағи ажратилади;

расмийлаштирилган ХЙТ дафтарчаси ДБҚ ЯААТда назоратдан ечилади.

Транспорт воситасининг божхона назорати зонасидан чиқиб кетишига ХЙТ дафтарчасининг кесиладиган яшил рангли 2-варағи 28-графаси ҳамда яшил рангли 2-корешогининг 6-графасига божхона органи мансабдор шахси томонидан расмийлаштирув кун санаси ёзилиб, шахсий муҳри қўйилади ва ўз имзоси билан тасдиқлангандан сўнг рухсат берилади.

6-БОБ. ЎЗБЕКИСТОН РЕСПУБЛИКАСИ ҲУДУДИ

ОРҚАЛИ ТРАНЗИТ ТАШИШЛАРНИ АМАЛГА

ОШИРИШДА БОЖХОНА РАСМИЙЛАШТИРУВИ

ТАРТИБИ

37. Ўзбекистон Республикаси ҳудуди орқали ХЙТ дафтарчаси асосида товарлар транзит олиб ўтилганда:

кириш божхона органида божхона расмийлаштируви ушбу Низомнинг 18-23-бандларида белгиланган тартибда амалга оширилади;

чиқиш божхона органида божхона расмийлаштируви ушбу Низомнинг 33-36-бандларида белгиланган тартибда амалга оширилади.

7-БОБ. ХЙТ ДАФТАРЧАСИНИ РАСМИЙЛАШТИРИШНИНГ

АЙРИМ ҚОИДАЛАРИ

38. ХЙТ дафтарчасидаги маълумотларни ўчириш, йўқотишга йўл қўйилмайди, унга фақат тегишли ўзгартиришлар киритилиши мумкин. Мазкур банднинг учинчи хатбоши талаблари бундан мустасно.

Киритиладиган ўзгартиришлар, ўзгартирилаётган маълумот устидан текис горизонтал чизиқ ўтказилиб, унинг уст қисмида янги малумотлар қайд этилади ва ХЙТ дафтарчасидаги фойдаланувчи (божхона расмийлаштирувидан олдин) ва божхона органи мансабдор шахси томонидан (божхона расмийлаштируви пайтида) шахсий муҳри ва ўз имзоси билан тасдиқланади.

ХЙТ дафтарчаси муқоваси олд варағининг 1-5-графаларига, кесиладиган оқ ва яшил рангли 1-2-варақларнинг 4-графаларига ва йўл-транспорт ҳодисалари тўғрисидаги баённоманинг 2, 3 ва 5-графаларига ўзгартиришлар киритиш тақиқланади.

39. Кафолат уюшмаси ХЙТ дафтарчасининг амал қилиш муддатини белгилайди ва муқова олд варағининг 1-графасида қайд этади. Амал қилиш муддати тугаган ХЙТ дафтарчаси божхона органлари томонидан қабул қилинмайди.

Божхона расмийлаштируви ХЙТ дафтарчаси амал қилиш муддатининг охирги кунида амалга оширилган бўлса, ХЙТ тартиб-таомиллари асосида ташиш бутун жараёнга амал қилади.

40. ХЙТ тартиб-таомиллари асосида ташиш якунланганда, охирги манзилдаги божхона органи томонидан ХЙТ дафтарчасида қолган бўш варақларга "X" белгиси чизилади.

41. ХЙТ дафтарчаси асосида ташишларни амалга оширишда жўнатувчи ва манзилдаги божхона органлари бир нечтани ташкил этиши мумкин. Аммо, жўнатувчи ва манзилдаги божхона органларининг умумий сони тўрттадан ошмаслиги лозим.

Ҳар бир жўнатувчи ва манзилдаги божхона органи учун алоҳида кесиладиган қўшимча варақлар жамланмаси бўлиши зарур.

Жўнатувчи ва манзилдаги божхона органлари назорати остида қуйидагилар амалга оширилади:

Ўзбекистон Республикасидан олиб чиқишда - қўшимча товарларни юклаш;

Ўзбекистон Республикасига олиб киришда -товарларни қисман тушириш.

42. Қўшимча товарларни юклашда божхона органи мансабдор шахси ушбу Низомнинг 28-32-бандларида назрда тутилган ҳамда ушбу банднинг алоҳида қоидалари талаблари асосида божхона расмийлаштирувини амалга оширади.

Божхона органи мансабдор шахси томонидан:

биринчи жўнатувчининг божхона органида пломбалар, қиёслаш воситалари ечилади;

ХЙТ дафтарчасининг кесиладиган барча оқ ва яшил рангли 1-2-варақларига қўшимча юкланган товарлар номи, миқдори, ўринлар сони ва бошқа маълумотлар киритилади;

тўлдирилган оқ ва яшил рангли кесиладиган 1-2-варақларнинг 16-графаларига ва оқ рангли 1-корешогига янги қўйилган божхона муҳри ва штамплари бўйича маълумотлар қайд этилади;

ХЙТ дафтарчасидаги барча кесиладиган оқ ва яшил рангли 1-2-варақларнинг 16-графаларида кўрсатилган маълумотлар, муҳр ва штамплар устидан горизонтал чизиқ чизилади.

43. Товарларни қисман туширишда, божхона органи мансабдор шахси ушбу Низомнинг 24-27-бандлари ҳамда ушбу банднинг алоҳида қоидалари талабларига асосан божхона расмийлаштирувини амалга оширади.

Манзилдаги божхона органи мансабдор шахси томонидан:

жўнатувчи божхона органининг пломбалари, қиёслаш воситалари ечилади;

ХЙТ дафтарчасининг кесиладиган барча оқ ва яшил рангли 1-2-варақларидаги қисман туширилган товарлар қисми тўғрисидаги маълумотлар белгиланган тартибда ўчирилади;

ХЙТ дафтарчасидаги барча кесиладиган оқ ва яшил рангли 1-2-варақларнинг 16-графаларида кўрсатилган муҳр ва пломбалар тўғрисидаги малумотлар устидан горизонтал чизиқ чизилади;

ХЙТ дафтарчасининг тўлдирилган оқ ва яшил рангли кесиладиган 1-2-варақларининг 16-графаларига ва оқ рангли 1-корешигига янги қўйилган божхона муҳрва пломбалари тўғрисидаги маълумотлар қайд этилади.

44. Ушбу Низом 42-43-бандларида кўрсатилган барча ўзгартиришлар божхона расмийлаштирувини амалга оширган божхона органи мансабдор шахси томонидан муҳри ва ўз имзоси билин тасдиқланади.

45. ХЙТ дафтарчаси қуйидаги холларда божхона расмийлаштирувига қабул қилинмасдан олиб қўйилиб, кафолат уюшмасига қайтарилади:

ХЙТ дафтарчаси муқова бош варағининг 1-графасида ХЙТ дафтарчаси амал қилиш муддати кўрсатилмаганда;

ХЙТ дафтарчаси муқова бош варағи 2-графасида ХЙТ дафтарчасини берган кафолат уюшмаси хақида маълумотлар мавжуд бўлмаганда;

ХЙТ дафтарчаси муқова бош варағи 3-графасида ХЙТ дафтарчасидан фойдаланувчи ҳақида маълумотлар (номи, рўйхатдан ўтган давлат, манзил, кафолат уюшмаси томонидан берилган идентификация рақами) кўрсатилмаганда;

ХЙТ дафтарчаси муқова бош варағи 4-графасида кафолат уюшмаси мансабдор шахси муҳри ҳамда имзоси мавжуд бўлмаганда;

ХЙТ дафтарчаси муқова бош варағи 5-графасида Халқаро автомобиль транспорти иттифоқи котибининг имзоси бўлмаганда;

ХЙТ дафтарчасига ушбу Низом 38-банди талабларига амал қилмасдан ўзгартиришлар киритилган бўлса;

кафолат уюшмаси ёки SafeTIR тизимида ХЙТ дафтарчаси хақиқий эмаслиги тўғрисида маълумотлар мавжуд бўлганда;

ХЙТ дафтарчаси ўғирланганлиги ёки қалбакилаштирилганлиги бўйича маълумотлар мавжуд бўлганда.

ХЙТ дафтарчаси олиб қўйилганда, божхона органлари мансабдор шахси томонидан ХЙТ дафтарчаси рақами ва штрих-коди қайд этилган муқованинг охирги кесиладиган варақчасига олиб қўйилиш сабаби кўрсатилиб, олиб қўйган ходим шахсий муҳри ва ўз имзоси билан тасдиқлайди. Ушбу варақ ХЙТ дафтарчасидан ажратилади ва ХЙТ дафтарчасидан фойдаланувчи ёки унинг ваколатли шахсига қайтарилади.

ХЙТ дафтарчасини олиб қўйган божхона органи аниқланган ҳолат юзасидан тегишли текширувлар ўтказади ҳамда ХЙТ дафтарчаси ўғирланган, хақиқий эмаслиги ёки қалбакилаштирилганлиги бўйича шубҳа бўлганда ДБҚга хабар бериб, ҳолатни қайд қилишга харакат қилади. Текширувлар якунланганда, ХЙТ дафтарчаси олиб қўйилиши сабаблари ва аниқланган камчиликлар рўйхати билан кафолат уюшмасига қайтарилади.

46. ХЙТ дафтарчаси қуйидаги ҳолларда расмийлаштирувга қабул қилинмайди:

амал қилиш муддати тугаган ХЙТ дафтарчаси;

транспорт воситасига товарларни божхона пломбалари ва муҳрлари остида ташишга рухсат бериш тўғрисидаги гувоҳнома ёки контейнерларда лавҳа мавжуд бўлмаганда ёки уларнинг муддати тугаганда;

ХЙТ дафтарчаси муқова бош варағининг 8-графасида транспорт воситаси давлат рақами кўрсатилмаганда;

ХЙТ дафтарчаси муқова бош варағининг 10-графасида контейнер(лар) рақамлари кўрсатилмаганда;

ХЙТ дафтарчасининг кесилмайдиган сариқ рангли 1/2-варағининг 7-графасида транспорт воситаси давлат рақами кўрсатилмаганда;

ХЙТ дафтарчасининг кесилмайдиган сариқ рангли 1/2-варағининг 9-графасида юк бўлинмалар ёки контейнерларнинг сони, алоҳида белгилари, товар ёки юк жойлари рақамлари мавжуд бўлмаганда;

ХЙТ дафтарчасининг кесилмайдиган сариқ рангли 1/2-варағининг 10-графасида юк жойлари (товарлар) сони ва ҳусусиятлари ҳамда товар ҳақида маълумот бўлмаганда;

ХЙТ дафтарчасининг кесилмайдиган сариқ рангли 11-графасида товарлар брутто вазни кўрсатилмаганда;

ташиш жараёнида товарларни божхона пломбалари ва муҳрлари остида ташишга рухсат бериш талабларига жавоб бермаган транспорт воситасидан фойдаланилганда;

Конвенциянинг 38-моддасига асосан ХЙТ дафтарчасидан фойдаланувчи вақтинча ёки доимий Ўзбекистон Республикаси ҳудудида ХЙТ дафтарчасидан фойдаланиш ҳуқуқидан маҳрум қилинган тақдирда.

47. Ҳусусиятлари ва габаритлари учун пломбаланган транспорт воситалари юк бўлимларида ва контейнерларда ташиш имконияти бўлмаганда, товарлар очиқ транспорт турларида ташилиши мумкин.

Оғир вазнли ва катта хажмли товарлар ташилганда, ХЙТ дафтарчаси муқовасининг олд томонида ва барча варақларида инглиз тилида "HEAVY OR BULKY GOODS" (оғир ёки катта ҳажмдаги товарлар) ёки француз тилида "LOURD ET ENCOMBRANT CARGOISONS" ёзуви бўлиши шарт.

Ташиладиган товарларни идентификация қилиш мақсадида жўнатувчи божхона органи ХЙТ дафтарчасига қўшимча фотосуратлар, чизмалар ва товарларнинг хусусиятини акс эттирувчи техник ҳужжатлар илова қилинишини сўраши мумкин.

Бундай ҳужжатлар жўнатувчи божхона органи томонидан тасдиқланади ва барча варақларга бириктирилади. Шу билан бирга, ХЙТ дафтарчасининг барча кесиладиган оқ ва яшил рангли 1-2-варақларининг 8-графаларига илова қилинган ҳужжатлар хақида белги қайд этилади.

ХЙТ дафтарчасининг кесилмайдиган сариқ рангли 1/2-варағидаги маълумотлар товар кузатув ҳужжатлари маълумотларига мос келмаса, ХЙТ дафтарчасидан фойдаланувчи Ўзбекистон Республикаси қонунчилик ҳужжатларида белгиланган тартибда жавобгарликка тортилади.

48. Оғир вазнли ва катта ҳажмли товарлар ташилганда божхона органлари томонидан қуйидагилар амалга оширилади:

ушбу Низомнинг 47-бандида кўрсатилган талаблар ва қоидаларга риоя килинишини текширади;

товарлар Ўзбекистон Республикаси ҳудудига олиб кирилганда, зарур ҳолларда қўшимча бошхона идентификация воситаларини қўллайди;

ХЙТ дафтарчаси юк манифестида кўрсатилган товарлар ташилишини назорат қилади.

8-БОБ. ЙЎЛ-ТРАНСПОРТ ҲОДИСАЛАРИ

49. Юк бўлинмаларига ёки божхона пломба ва муҳрларига зарар етказган ЙТҲ ҳамда тасодифий ҳолатлар бўйича ташувчи қисқа муддатда энг яқин божхона органига хабар бериши лозим.

50. Ташувчи юк бўлинмаларига ёки божхона пломба ва муҳрларига зарар етказган ЙТҲ ҳамда тасодифий ҳолатлар бўйича мурожаат қилганда, божхона органи мансабдор шахси:

ташувчидан ЙТҲ бўйича тушунтириш хат олади;

ХЙТ тартиб-таомиллари асосида ташишни давом эттириш мумкинлигини ўрганади;

ЙТҲ тўғрисидаги баённомани тўлдиради ва тасдиқлайди (агар баённома Ўзбекистон Республикаси Ички ишлар вазирлиги йўл ҳаракати хавфсизлиги давлат химати ходимлари томонидан тўлдирилган бўлса, ҳамкорликда тасдиқлайди).

51. ХЙТ тартиб-таомиллари асосида ташиш жараёнида ЙТҲ бўйича ташувчи томонидан хар қандай турдаги тезкор алоқа воситалари ёрдамида бир кун ичида ёзма равишда ушбу ХЙТ операциясини жўнатувчи, оралиқ ёки манзил божхона органига хабар беради.

52. ЙТҲдан сўнг товарлар билан боғлиқ барча операциялар божхона назорати остида амалга оширилади.

Агар юк бўлинмаларига ёки божхона пломба ва муҳрларига зарар етказилиши ЙТҲ натижасида бўлмаганлиги ҳолати аниқланса, божхона қонунчилик ҳужжатлари бузилиши тўғрисида баённома расмийлаштирилади ва ушбу Низомнинг 26-бандида кўрсатилган тартибда ХЙТ дафтарчасига тегишли белгилар қўйилади.

53. ЙТҲдан сўнг товарлар божхона назорати остида бошқа транспорт воситаси ёки юк контейнерига юклангач, ХЙТ тартиб-таомиллари асосида манзил божхона органига ташишни давом эттириш учун рухсат берилади.

Агар ХЙТ тартиб-таомиллари асосида ташишни амалга ошириш имконияти бўлмаса, товарлар божхона ҳамроҳлигида кузатув остида манзил божхона органига етказилади.

9-БОБ. ХЙТ ДАФТАРЧАСИ АСОСИДА ТОВАРЛАРНИ

ТАШИШДА СОДИР БЎЛГАН ҚОИДАБУЗАРЛИКЛАР

ТЎҒРИСИДА ХАБАРНОМА ТАЙЁРЛАШ ВА ХЙТ

ДАФТАРЧАСИДАН ФОЙДАЛАНУВЧИ ВА

КАФОЛАТ УЮШМАСИГА ЮБОРИШ

54. ДБҚ ЯААТ маълумотларига асосан товарлар манзилдаги божхона органига белгиланган муддатларда етказилмаганда, жўнатувчи божхона органи белгиланган муддатдан кейинги кунда манзил божхона органига сўровнома юборади.

Ташувчи ХЙТ операциясининг тўғри якунлангани бўйича манзил божхона органи томонидан маълумотлар олинса, жўнатувчи божхона органи такроран ушбу операция якунланганлиги бўйича ДБҚ ЯААТ орқали текширади. ДҚҚ ЯААТда ХЙТ операцияси якунланганлиги тўғрисида маълумотлар мавжуд бўлганда, ушбу масала якунланган деб ҳисобланади.

55. Манзилдаги божхона органи томонидан ХЙТ операцияси давомида товарларни ташишда қоидабузарлик ҳолатлари бўйича маълумот олинса, жўнатувчи божхона органи ушбу Низомга 3-иловада кўрсатилган намуна асосида ХЙТ дафтарчасидан фойдаланувчи ва кафолат уюшмасига (ҳар бирига алоҳида) хабарнома жўнатади.

Хабарномага қуйидаги ҳужжатлар илова қилинади:

ХЙТ дафтарчасининг жўнатувчи божхона органида сақланадиган кесиладиган оқ рангли 1-варағининг тасдиқланган нусхаси;

ХЙТ операцияси давомида товарларни ташишда қоидабузарлик ҳолатлари бўйича маълумот (мавжуд бўлганда, божхона қонунчилик ҳужжатлари бузилиши тўғрисида баённома нусхаси).

56. ХЙТ операцияси давомида товарларни ташишдаги қоидабузарликлар бўйича ХЙТ дафтарчасидан фойдаланувчи ва кафолат уюшмасига хабарнома таёрлаш ва юбориш коидабузарлик аниқлаган ҳар қандай божхона органи томонидан амалга оширилиши мумкин.

57. ХЙТ дафтарчасидан фойдаланувчи ва кафолат уюшмаси божхона органлари томонидан хабарнома қабул қилингандан сўнг бир кун давомида хабарнома қабул қилинганлиги бўйича божхона органларига ахборот берадилар.

10-БОБ. ХЙТ ДАФТАРЧАСИДАН ФОЙДАЛАНУВЧИ

ТОМОНИДАН ХЙТ ОПЕРАЦИЯСИ ТЎҒРИ АМАЛГА

ОШИРГАНЛИГИНИ ТАСДИҚЛАШ

58. Товарларни тегишли божхона режимида ташиш давомида ХЙТ операцияси ХЙТ дафтарчасидан фойдаланувчи томонидан тўғри якунланганлиги, манзилдаги божхона органи томонидан муҳр ва штамп билан тасдиқланган товар кузатув ҳужжатлари, ХЙТ дафтарчаси ва SafeTIR тизимидан маълумотнома олиш орқали тасдиқланади.

ХЙТ операцияси давомида қоидабузарликларни аниқлаган ва хабарнома жўнатган божхона органи ХЙТ дафтарчасидан фойдаланувчи ва (ёки) кафолат уюшмаси томонидан юқорида келтирилган ҳужжатлар тақдим қилингандан сўнг куйидагиларни амалга оширади:

товарлар ва транспорт воситаси манзилдаги божхона органига етиб борганлиги хамда ДБҚ ЯААТ ва SafeTIR тизимига маълумотлар хаққоний киритилганлиги ҳолати текширилади;

тақдим этилган ҳужжатларга божхона муҳр ва штамплари асллигини текширади;

зарур бўлган ҳолларда, юк қабул қилувчи давлатнинг ваколатли идораларига сўровномалар юборади.

59. Ўрганиш давомида ХЙТ дафтарчасидан фойдаланувчи ва (ёки) кафолат уюшмаси томонидан тақдим тилган ҳужжатлар ва (ёки) божхона органлари муҳр ва штамплари хаққоний эмаслиги (қалбакилаштирилган, алмаштирилган), шунингдек, ДБҚ ЯААТ ва SafeTIR тизимларига киритиладиган маълумотлар мавжуд эмаслиги аниқланганда, тақдим қилинган далиллар божхона органлари томонидан қабул қилинмайди.

ХЙТ ташувларда SafeTIRда тугатилганлиги ҳақидаги маълумот мавжуд бўлса ва ХЙТ дафтарчасида божхона органларининг асл муҳри ва штамплар мавжуд бўлганда, хабарнома бекор қилинади.

11-БОБ. ХЙТ ОПЕРАЦИЯСИ ДАВОМИДА ТОВАРЛАРНИ

ТАШИШДА ҚОИДАБУЗАРЛИКЛАР БЎЙИЧА ХЙТ

ДАФТАРЧАСИДАН ФОЙДАЛАНУВЧИ ВА КАФОЛАТ

УЮШМАСИГА ТАЛАБНОМА ТАЁРЛАШ

ВА ЮБОРИШ

60. ХЙТ дафтарчасидан фойдаланувчи ва (ёки) кафолат уюшмаси томонидан хабарнома жўнатилган кундан бошлаб уч ой мобайнида ХЙТ операцияси ХЙТ дафтарчасидан фойдаланувчи томонидан тўғри амалга оширганлиги тўғрисида етарли далиллар келтирилмаса ёки ушбу далиллар божхона органи ўрганишлари давомида рад қилинса, Конвенция 11-моддасига асосан божхона органи ХЙТ дафтарчасидан фойдаланувчига қонунчиликда белгиланган божхона тўловларини хамда белгиланган кечиктириш бўйича фоизларни тўлаш ҳақида ушбу Низомга 4-иловада келтирилган шаклда талабнома жўнатади.

Божхона органи томонидан товарларга нисбатан Ўзбекистон Республикаси ҳудудига олиб кирилган кундаги Ўзбекистон Республикаси қонунчилик ҳужжатларига асосан товарлар эркин муомалага чиқариш божхона режимига расмийлаштирилганда, божхона тўловлари ва кечиктириш учун фоизлар суммаси ҳисобланади.

Агар товарлар ҳақида аниқ маълумот, яъни товар ТИФ ТН коди, ҳусусияти, номи, келиб чиқиш мамлакати, ҳажми, божхона қиймати тақдим қилинмаганлиги учун божхона тўловлари суммасини ҳисоблаш имконияти бўлмаса, ушбу сумма айнан ўхшаш товарга нисбатан энг юқори ставкада ҳисобланади.

Талабномада кўрсатилган суммаларни тўлаш бўйича мажбурият ХЙТ дафтарчасидан фойдаланувчи талабномани олган кундан кейинги кундан бошланади.

61. Талабнома билан биргаликда қуйидаги ҳужжатлар тақдим қилинади:

хабарнома нусхаси;

ХЙТ дафтарчасининг жўнатиш божхона органида сақланадиган кесиладиган оқ рангли 1-варағининг тасдиқланган нусхаси;

халқаро товар-транспорт юк хати, инвойс, божхона декларацияси ва ташиш жараёнида қонунчилик ҳужжатларида назарда тутилган бошқа юк кузатув ва тижорат ҳужжатлари нусхалари;

ишга алоқадор бўлган бошқа материаллар, шунингдек, божхона қонунчилик ҳужжатлари бузилиши тўғрисида баённома ва қарорлар, экспертиза хулосалари.

62. ХЙТ дафтарчасидан фойдаланувчи томонидан талабнома жўнатилган кундан бошлаб бир ҳафта муддатда талабномада кўрсатилган суммалар тўланмаган тақдирда, божхона органи ушбу Низомга 5-иловада кўрсатилган шаклда кафолат уюшмасига тегишли суммаларни тўлаш бўйича талабнома таёрлайди ва жўнатади.

Талабномага ҳисобланган божхона тўловлари ва кечиктириш бўйича фоизлар жадвали, ушбу Низомнинг 61-бандида кўрсатилган ҳужжатлар ва ХЙТ дафтарчасидан фойдаланувчига жўнатилган ва тасдиқланган талабнома нусхаслари илова қилинади.

Талабноманинг умумий суммаси ХЙТ кафили томонидан белгиланган энг юқори суммадан ошмаган бўлиши лозим. Талабнома умумий суммаси ХЙТ кафилининг белгилаган энг юқори суммасидан ошганда, ошган қисми ХЙТ дафтарчасидан фойдаланувчидан ундирилади.

Конвенция 11-моддасига асосан кафолат уюшмаси томонидан талабнома қабул қилинган кундан бошлаб уч ой давомида талабномада кўрсатилган суммалар тўланиши лозим.

63. Ҳар бир хабарнома ва талабномалар бўйича мълумот ДБҚ ЯААТга киритилади.

12-БОБ. ЯКУНЛОВЧИ ҚОИДАЛАР

64. Мазкур Низом талабларини бажаришдан келиб чиқадиган низолар қонунчилик ҳужжатларида белгиланган тартибда кўриб чиқилади ва ҳал этилади.

65. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

66. ТИФ қатнашчилари ХЙТ дафтарчасидан фойдаланган ҳолда божхона расмийлаштирувини амалга ошириш давомида божхона органи қароридан норози бўлганда, шунингдек, божхона органининг мансабдор шахслари ҳаракати (ҳаракатсизлиги) бўйича белгиланган тартибда юқори турувчи органга ёки судга шикоят қилиш ҳуқуқи эга.

Низомга

1-ИЛОВА

ХЙТ дафтарчаси намунаси

  

ХЙТ дафтарчаси намунаси

ХЙТ дафтарчаси намунаси

ХЙТ дафтарчаси намунаси

ХЙТ дафтарчаси намунаси

ХЙТ дафтарчаси намунаси

ХЙТ дафтарчаси намунаси

Низомга

2-ИЛОВА

Халқаро йўлларда ташиш дафтарчасини тўлдириш

ҚОИДАЛАРИ

1-БОБ. ХАЛҚАРО ЙЎЛЛАРДА ТАШИШ ДАФТАРЧАСИНИНГ

МУҚОВАСИНИНГ БИРИНЧИ БЕТИ

1-5-графалар. Халқаро йўлларда ташиш (кейинги ўринларда - ХЙТ) дафтарчасини берган кафолат уюшмаси томонидан тўлдирилади.

6-12-графалар. ХЙТ дафтарчадан (кейинги ўринларда - дафтарча) фойдаланувчи томонидан тўлдирилади.

"N" графада Дафтарча рақами унинг топширилиш вақтида нашр қилинган бўлиши керак.

1-графа. "...гача амал қилади".

Дафтарча жўнатувчи божхона органига тақдим этилгунига қадар бўлган сана кўрсатилади.

2-графа. "Берилди".

Дафтарчани берган кафолат уюшмаси номи.

3-графа. "Фойдаланувчи".

Дафтарчани қабул қилган ташувчининг номи ва тўлиқ почта манзили кўрсатилади. ХЙТ тартиб-таомиллари асосида ташув фақат ушбу графада кўрсатилган ташувчи томонидан амалга оширилиши мумкин.

4-графа. "Дафтарчани берувчи ташкилот манcабдор шахсининг имзоси".

Дафтарчани берган кафолат уюшмаси манcабдор шахсининг имзоси ва муҳри қайд этилади.

5-графа. "Халқаро ташкилот котиби имзоси".

Халқаро автомобиль транспорт иттифоқи котиби имзоси кўйилади.

6-графа. "Жўнатувчи мамлакат (лар)".

ХЙТ тартиб-таомиллари асосида юкларни ташиш бошланган мамлакат (жўнатувчи давлати).

7-графа. "Манзилдаги мамлакат(лар)".

ХЙТ тартиб-таомиллари асосида юкларни ташиш якунланадиган мамлакат (манзилдаги давлати).

8-графа. "Транспорт воситасининг рўйхат рақами".

Товарлар ташиладиган транспорт воситасининг рўйхат рақами кўрсатилади.

9-графа. "Транспорт воситасига товарларни божхона пломбалари ва муҳрлари остида ташишга рухсат бериш тўғрисидаги гувоҳнома".

Транспорт воситасига товарларни божхона пломбалари ва муҳрлари остида ташишга рухсат бериш тўғрисидаги гувоҳноманинг рақами ва амал қилиш муддати кўрсатилади.

10-графа. "Контейнернинг идентификация рақами".

Товарлар контейнерда ташиладиган бўлса, контейнернинг идентификация рақами кўрсатилади.

11-графа. "Изоҳ".

Дафтарчани берган кафолат уюшмаси томонидан керак деб ҳисобланган ёки божхона органи талаблари асосида киритиладиган бошқа маълумотлар кўрсатилади.

12-графа. "Дафтарчадан фойдаланувчининг имзоси".

Дафтарчадан фойдаланувчининг имзоси қўйилади.

Эслатма: Муқованинг иккинчи бетида босма усулда "Дафтарчадан фойдаланиш қоидалари" Бирлашган Миллатлар Ташкилотининг исталган расмий тилида, учинчи бетида эса инглиз ёки француз тилларида чоп этилади.

Муқова тўртинчи бетининг юқоридаги ўнг бурчагида Дафтарча рақами ва штрих коди кўрсатилган кесиладиган варақча мавжуд бўлиб, дафтарча божхона органлари томонидан олиб қўйилганда, ушбу варақча божхона органи номи, дафтарча олиб қўйилиш сабаби, мансабдор шахсининг шахсий муҳри, сана ва имзоси қайд этилган ҳолда ташувчига қайтариб берилади.

2-БОБ. КЕСИЛМАЙДИГАН САРИҚ РАНГЛИ 1/2-ВАРАҚ

(ЮК МАНИФЕСТИ)

Дафтарчадан фойдаланувчи томонидан тўлдирилади.

1-графа. "...рақамли дафтарча".

Дафтарча муқовасининг биринчи бетидаги тартиб рақам кўрсатилади.

2-графа. "Жўнатувчи божхона орган(лар)и".

Жўнатувчи божхона орган(лар)и ном(лар)и кўрсатилади.

3-графа. "Халқаро ташкилот номи".

Дафтарчани берган халқаро ташкилотнинг номи босма усулда чоп этилиши керак "INTERNATIONAL ROAD TRANSPORT UNION" (Халқаро автомобиль транспорти иттифоқи).

Рақамсиз графа - жўнатувчи божхона органи томонидан керак деб хисобланган маълумотлар киритилади.

4-графа. "Дафтарчадан фойдаланувчи".

Дафтарча муқоваси 3-графасида келтирилган маълумотлар киритилади.

5-графа. "Жўнатувчи мамлакат".

Жўнатувчи божхона орган(лар)и жойлашган мамлакат номи кўрсатилади.

6-графа. "Манзилдаги мамлакат".

Манзилдаги божхона орган(лар)и жойлашган мамлакат номи кўрсатилади.

7-графа. "Транспорт воситасининг рўйхат рақами".

Дафтарча муқовасининг 8-графасида келтирилган маълумотлар киритилади.

8-графа. "Тақдим этиладиган ҳужжатлар".

Дафтарчага бириктирилган ҳужжатлар (фотосуратлар, юк хатлари, спецификациялар ва бошқалар) кўрсатилди. Бунда ушбу ҳужжатларнинг тасдиқланган нусхалари Дафтарчанинг ҳар бир варағига бириктирилади.

9-графа. "Юк бўлими ёки контейнерлар, танитувчи белгилар ҳамда юк ўринлари ва буюмларнинг рақамлари".

Юк бўлинмаларининг ёки контейнерларнинг рақамлари, танитувчи белгилар, товар ёки юк ўринлари рақамлари кўрсатилади.

10-графа. "Юк ўринлари тури ва миқдори, товарлар тавсифи".

Юк ўринлар сони, товар хақида маълумот, қадоқлаш ва хусусиятлари. Ушбу графага товарларни идентификация қилиш учун имкон қадар тўлиқ маълумотлар қиритилиши лозим.

11-графа. "Брутто вазни".

Товарларнинг брутто оғирлиги (кг) кўрсатилади.

Эслатма (9-11 графалар учун): Дафтарча транспорт виситаларининг таркиби ёки биттадан ортиқ контейнерларга берилган бўлса, ҳар бир транспорт воситаси ёки контейнердаги товарлар бўйича маълумотлар алоҳида кўрсатилади.

Aгар ташиш маршрути бир нечта жўнатувчи ва (ёки) манзилдаги божхона органлари орқали амалга оширилса, ҳар бир жўнатувчи ва манзилдаги божхона органларида юкланадиган (тушуриладиган) товарлар бўйича маълумот алоҳида кўрсатилиши лозим.

12-графа. "Манифестда баён қилинган юк ўринларининг умумий миқдори".

Юк манифестида кўрсатилган барча товарларнинг ўринлар сони кўрсатилади ҳамда 1, 2, 3-графаларда ҳар бир манзилдаги божхона органларида тушуриладиган товарларнинг ўринлар сони кўрсатилади.

13, 14, 15-графалар. "Жой, сана, Дафтарчадан фойдаланувчининг имзоси".

Дафтарча тўлдирилган жой, сана ҳамда Дафтарчадан фойдаланувчи мансабдор шахс имзоси қўйилади.

Кесилмайдиган сариқ рангли 1/2-варақнинг (юк манифести) бошқа графалари тўлдирилмайди.

3-БОБ. КЕСИЛАДИГАН ОҚ РАНГЛИ 1-ВАРАҚ

1-15-графалар. Дафтарчадан фойдаланувчи томонидан кесиладиган сариқ рангли (юк манифест) варақдаги маълумотлар киритилади. Дафтарчадан фойдаланувчи ХЙТ тартиб-таомилларига мувофиқ ташиш давомида ишлатиладиган кесиладиган барча варақларнинг 1-15-графалари тўлдирилади.

16-23-графалар. Оқ рангли 1-корешоқ кесиболинадиган варағи транзит ва манзил давлатлари жўнатиш ва кириш божхона органлари томонидан тўлдирилади.

16-графа. "Қўйилган пломбалар ёки фарқлаш белгилар (миқдори, тавсифи)".

Ҳар бир юк бўлинмалари ва контейнерларга қўйилган божхона идентификация воситалари ҳақида маълумот киритилади.

17-графа. "Жўнатувчи божхона органи. Жўнатувчи божхона органи мансабдор шахсининг шахсий муҳри, имзоси ва сана".

Жўнатиш божхона органи мансабдор шахснинг шахсий муҳри, имзоси ва Дафтарча расмийлаштирилган сана қўйилади.

Эслатма: 16-17-графалар Дафтарчанинг барча кесиладиган оқ ва яшил рангли 1-2-варақлари жўнатувчи божхона органи томонидан тўлдирилади.

18-графа. "Юкнинг божхона расмийлаштирувига қабул қилинганлиги тўғрисидаги маълумот".

Транзит ёки манзилдаги давлатдаги товарларни жўнатувчи ёки кириш божхона пости номи кўрсатилади.

19-графа. "Шикастланмаган деб топилган пломба, босилган муҳр ва танитувчи белгилар".

Қўйилган божхона идентификация воситалари бузилмаган бўлса, тўртбурчакка "х" белгиси қўйилади.

Графа жўнатувчи божхона органи томонидан кесиладиган оқ рангли 1-варақни расмийлаштириш вақтида тўлдирилмайди.

20-графа. "Транзит ташиш давомийлиги".

Манзилдаги божхона органигача товарларни етказиб бериш муддати қўйилади.

21-графа. "... рақам билан божхона органида рўйхатга олинди".

Жўнатувчи божхона органи номи ва ХЙТ операциясига қўйилган тартиб рақам кўрсатилади.

22-графа. "Турли маълумотлар (товар тақдим этиладиган божхона органи, товарларни етказиш жойи) ".

Манзилдаги божхона органи номи, ҳаракатланиш маршрути ва бошқа маълумотлар кўрсатилади.

23-графа. "Божхона органи мансабдор шахсининг шахсий муҳри, имзоси ва сана".

Божхона органи мансабдор шасхнинг шахсий муҳри, имзоси ва сана кўйилади.

4-БОБ. ОҚ РАНГЛИ 1-КОРЕШОК

Жўнатиш божхона органи томонидан тўлдирилади.

1-графа. "Етиб келганлигини белгилаган божхона органи".

Жўнатувчи божхона органи номи киритилади.

2-графа. "ХЙТ операцияси рақами".

Кесиладиган оқ рангли 1-варақнинг 21-графасидаги маълумот кўрсатилади.

3-графа. "Янги босилган муҳр ва пломбалар".

Қўйилган божхона пломбалари ҳақида маълумотлар киритилади;

4-графа. "Босилган мухр ва пломбалар бузилмаганлиги".

Қўйилган божхона идентификация воситалари бузилмаган бўлса, тўртбурчакка "х" белгиси кўйилади.

5-графа. "Бошқа маълумотлар (юк тақдим этилиши лозим бўлган, белгиланган йўналиши, божхона ва бошқалар) ".

Манзилдаги божхона органининг номи, ҳаракатланиш маршрути ва бошқа маълумотлар кўрсатилади.

6-графа. "Божхона органи мансабдор шахсининг шахсий муҳри, имзоси ва сана"

Божхона органи мансабдор шахси имзоси, шахсий муҳри ва сана қўйилади.

5-БОБ. КЕСИЛАДИГАН ЯШИЛ РАНГЛИ 2-ВАРАҚ

24-28-графалар манзил ёки чиқиш божхона постида тўлдирилади.

24-графа. "Товар тақдим этилганлиги тўғрисида белги".

Манзилдаги божхона органининг номи ва идентификация рақами кўрсатилади.

25-графа. "Шикастланмаган деб топилган пломба, босилган муҳр ва танитувчи белгилар"

Қўйилган божхона идентификация воситалари бузилмаган бўлса, тўртбурчакка "х" белгиси кўйилади.

26-графа. "ХЙТ операцияси тугалланган бед топилган юк ўринлари сони".

Божхона органи назорати остида юкланган товарлар ва юк ўринлари сони кўрсатилади. Агар юклаш амалга оширилмаган бўлса, графа тўлдирилмайди.

27-графа. "Расмийлаштирув вақтидаги тушунтиришлар".

Дафтарча кўлланган ҳолда товарларни ташиш давомида уларни йўқотиш, божхона органи рухсатисиз бериб юбориш, алмаштириб қўйиш ва Ўзбекистон Республикаси қонун ҳужжатларида назарда тутилган бошқа ҳуқуқбузарликлар юзага келган тақдирда, ушбу графага "R:" белгисини қўйиб рус ёки инглиз тилида ҳуқуқбузарликнинг қисқача тафсилоти қайд этилади.

28-графа. "Божхона органи мансабдор шахсининг шахсий муҳри, имзоси ва сана".

Божхона органи мансабдор шахсининг имзоси, шахсий муҳри ва сана қўйилади.

6-БОБ. ЯШИЛ РАНГЛИ 2-КОРЕШОК

1-графа. "Етиб келганлигини белгилаган божхона органи".

Чиқиш ёки манзилдаги божхона органи номи кўрсатилади.

2-графа. "Босилган муҳр ва пломбалар ёки фарқлаш белгилар бузилмаган деб тан олинганлиги".

Қўйилган божхона идентификация воситалари бузилмаган бўлса, тўртбурчакка "х" белгиси кўйилади.

3-графа. "Юк ўринлари ёки буюмлари божхона расмийлаштирувидан ўтказилди".

Агар юк туширилган бўлса, туширилган юк ўринлар сони кўрсатилади (юклар туширилмаганда тўлдирилмайди).

4-графа. "Янги босилган муҳр ва пломбалар".

Қўйилган божхона пломбалар ҳақида маълумотлар киритилади (божхона пломбалари қўйилганда тўлдирилади).

5-графа. "Расмийлаштирувдаги қўшимча белгилар".

Дафтарча қўлланган ҳолда товарларни ташиш давомида уларни йўқотиш, божхона органи рухсатисиз бериб юбориш, алмаштириб қўйиш ва Ўзбекистон Республикаси қонун ҳужжатларида назарда тутилган бошқа ҳуқуқбузарликлар юзага келган тақдирда ушбу графага "R:" белгиси қўйилиб рус ёки инглиз тилида ҳуқуқбузарликнинг қисқача тафсилоти қайд этилади.

6-графа. "Божхона органи мансабдор шахсининг шахсий муҳри, имзоси ва сана"

Божхона органи мансабдор шахсининг имзоси, шахсий муҳри ва сана қўйилади.

7-БОБ. ЙЎЛ-ТРАНСПОРТ ҲОДИСАСИ

БАЁННОМАСИ

1, 2, 3 ва 5 графалар - ХЙТ дафтарчасининг кесиладиган оқ ва яшил рангли 1-2-варақларидаги графалар билан бир хил тартибда тўлдирилади.

4-графа. "Транспорт воситасининг рўйхат рақами, контейнернинг идентификация рақами ва фарқлаш белгиси".

Йўл транспорт ҳодисасига учраган транспорт воситаларининг рўйхат рақамлари ёки контейнерларнинг идентификация ва танитувчи рақами кўрсатилади.

6-графа. "Божхона пломбалари бузилган/бузилмаган".

Тегишли тўртбурчакка "х" белгиси кўйилади.

7-графа. "Юк бўлими/контейнер бузилган/бузилмаган".

Тегишли тўртбурчакка "х" белгиси кўйилади.

8-графа. "Изоҳлар".

Товарлар, транспорт воситалари, юк бўлимлари ёки контейнерлар ҳолати бўйича умумий маълумотлар киритилади.

9-графа. "Юк йўқолиши аниқланди/аниқланмади".

Тегишли тўртбурчакка "х" белгиси кўйилади.

10-графа. "Юк бўлими ёки контейнер, маркировка ва юк ўринлари рақами".

Маркировкалар, зарур бўлган ҳолларда йўл транспорт ҳодисасига учраган транспорт воситалари юк бўлимлари ёки контейнерлар рўйхат рақамлари тартиби кўрсатилади.

11-графа. "Юк ўринлари сони ва тури, товарлар тавсифи".

Йўқолган ва (ёки) йўқ қилиш ҳуқуқбузарлиги ҳисобланган товарлар тўғрисидаги маълумотлар.

12-графа. "О ёки У".

Ҳар бир йўқолган ёки йўқ қилинган турдаги товарларнинг тўғрисига "О" (йўқолган) ёки "У" (йўқ қилинган) ҳарфи кўйилади.

13-графа. "Изоҳлар".

Ҳар бир йўқолган ёки йўқ қилинган товарларнинг миқдори қўйилади.

14-графа. "ЙТҲ санаси ва жойи...".

Йўл - транспорт ҳодисаси содир бўлган сана ва жойи кўрсатилади.

15-графа. "ХЙТ операциясини давом эттириш учун кўрилган чоралар...".

Товарларни ташишни давом эттириш учун қабул қилинган чоралар тўғрисидан дарак берувчи тегишли тўртбурчакка "х" белгиси кўйилади.

16-графа. Юклар бошқа транспорт воситасига қайта юкланган бўлса, тегишли бандлар:

а) транспорт воситасининг рўйхат рақами ва товарларни божхона пломбалари ва муҳрлари остида ташишга рухсат бериш тўғрисидаги гувоҳнома мавжудлиги;

б) агар контейнерга қайта юкланса, контейнер идентификация рақами ва товарларни божхона пломбалари ва муҳрлари остида ташишга рухсат бериш тўғрисидаги лавҳа мавжудлиги.

17-графа. "Баённома тузувчи ваколатли орган".

Йўл - транспорт ҳодисаси баённомасини тузувчи давлат органи (божхонадан бошқа) номи кўрсатилади.

18-графа. "ХЙТ дафтарчасидан фойдаланган ҳолда юклар ташилган кейинги божхона белгилари".

Йўл - транспорт ҳодиса содир этилган ҳолатни тасдиқлаш учун мўлжалланган.

Изоҳ:

Агар баённома бевосита божхона органи томонидан тузилган бўлса, 17-графани тўлдириш шарт эмас.

Йўл - транспорт ҳодисаси содир этилган ҳолатни тасдиқловчи баённома божхона органи муҳрисиз ҳақиқий ҳисобланмайди.

Баённома дафтарчада қолади.

Низомга

3-ИЛОВА

Халқаро йўлларда ташиш дафтарчасини қўллаган

ҳолда товарларни ташишда қоидабузарликлар бўйича

ХАБАРНОМА

1975 йилдаги Юкларни халқаро йўлларда ташиш дафтарчасини қўллаган ҳолда юкларни халқаро ташиш тўғрисидаги Божхона конвенциясининг 11-моддасига асосан ___________-сон Халқаро йўлларда ташиш дафтарчасини қўллаган ҳолда товарларни ташишда қўйидаги қоидабузарликлар аниқланганлиги ҳақида огоҳлантирилмоқда:

Юқорида кўрсатилган халқаро йўлларда ташиш операцияси тўғри амалга оширганлигини тасдиқловчи етарли далиллар ушбу хабарнома қабул қилинган кундан бошлаб уч ой давомида тақдим қилинмаса, 1975 йилдаги Юкларни халқаро йўлларда ташиш дафтарчасини қўллаган ҳолда юкларни халқаро ташиш тўғрисидаги Божхона конвенциясининг 11-моддасига асосан товарлар эркин муомалага чиқариш божхона режимига расмийлаштирилганда, божхона тўловлари ва кечиктириш учун фоизларни (белгиланган бўлса) тўлаш бўйича талабнома жўнатилади.

Низомга

4-ИЛОВА

Халқаро йўлларда ташиш дафтарчасини қўллаган ҳолда

товарларни ташишда қоидабузарликлар бўйича

ТАЛАБНОМА

1975 йилдаги Юкларни халқаро йўлларда ташиш дафтарчасини қўллаган ҳолда юкларни халқаро ташиш тўғрисидаги Божхона конвенциясининг 11-моддаси 2-бандига мувофиқ халқаро йўлларда ташиш дафтарчасидан фойдаланувчи Ўзбекистон Республикаси қонунчилик ҳужжатларида назарда тутилган божхона тўловлари ва кечиктириш учун фоизларни (белгиланган бўлса) тўлашга мажбурдир.

         

         

Халқаро йўлларда ташиш дафтарчаси асосида Ўзбекистон Республикаси ҳудудидаги

       

               

божхона постигача Халқаро йўлларда ташиш тартиб-таомиллари асосида

     

    

транспорт воситасида (контейнерда) ____________________ (кг) миқдорда умумий

         

ҳайдовчи томонидан ташилганда, қуйидаги қоидабузарликлар аниқланди:

Шу билан бирга, товар ва транспорт кузатув ҳужжатлари, кесиладиган (VOLET) 1-варақнинг тасдиқланган нусхаси аввал жўнатилган хабарнома нусхаси, (бошқа ушбу ҳолатга алоқадор бўлган материаллар, шунингдек, божхона ҳуқуқбузарлиги тўғрисидаги баённома ва қарорлар, экспертиза хулосалари ва бошқалар) иловада жўнатилмоқда.

_______________________ (сана) кун ҳолатига тўланиши лозим бўлган божхона тўловлари ____________________ сўмни ташкил қилмоқда. Тўланиши лозим бўлган божхона тўловлари ва кечиктириш учун фоизлар (белгиланган бўлса) суммаси ҳисоби иловада келтирилади.

Талабномада келтирилган божхона тўловларини амалга ошириш учун реквизитлар ва қисқача йўриқнома тақдим этилади:

Божхона тўловларини ҳисоблаш намунаси

             

тўловлари ҳисоби амалга оширилди

Изоҳ. Ушбу жадвал божхона тўловлари хусусиятларидан келиб чиққан ҳолда ўзгариши мумкин (мисол учун кечиктириш учун фоизлар ҳисобланганда). Аммо божхона тўловлари суммасининг келиб чиқиши аниқ кўрсатилиши лозим.

Низомга

5-ИЛОВА

Халқаро йўлларда ташиш дафтарчасини кўллаган

ҳолда товарларни ташишда қоидабузарликлар бўйича

ТАЛАБНОМА

1975 йилдаги Юкларни халқаро йўлларда ташиш дафтарчасини қўллаган ҳолда юкларни халқаро ташиш тўғрисидаги Божхона конвенциясининг 8-моддаси 1.4-бандига асосан Кафолат уюшмаси Ўзбекистон Республикаси қонунчилик ҳужжатларига назарда тутилган божхона тўловлари ва кечиктириш учун фоизларни (белгиланган бўлса) тўлашга мажбурдир.

         

         

халқаро йўлларда ташиш дафтарчаси асосида Ўзбекистон Республикаси ҳудудида

          

               

божхона постигача халқаро йўлларда ташиш тартиб-таомиллари асосида

          

транспорт воситасида (контейнерда) ____________________ (кг) миқдорида умумий

      

        

ҳайдовчи томонидан ташилганда, қуйидаги қоидабузарликлар аниқланди:

Шу билан бирга, товар ва транспорт кузатув ҳужжатлари, кесиладиган (VOLET) 1-варақнинг тасдиқланган нусхаси, аввал жўнатилган хабарнома нусхаси (бошқа ушбу ҳолатга алоқадор бўлган материаллар, шунингдек божхона ҳуқуқбузарлиги тўғрисида баённома ва қарорлар, экспертиза хулосалари ва бошқалар) иловада жўнатилмоқда.

_______________________ (сана) кун ҳолатига тўланиши лозим бўлган божхона тўловлари ____________________ сўмни ташкил қилмоқда. Тўланиши лозим бўлган божхона тўловлари ва кечиктириш учун фоизлар (белгиланган бўлса) суммаси ҳисоби иловада келтирилади.

Талабномада келтирилган тўловларни амалга ошириш учун реквизитлар ва қисқача йўриқнома тақдим этилади:

Божхона тўловларини ҳисоблаш намунаси

             

тўловлари ҳисоби амалга оширилди

Изоҳ. Ушбу жадвал божхона тўловлари хусусиятларидан келиб чиққан ҳолда ўзгариши мумкин (мисол учун кечиктириш учун фоизлар ҳисобланганда). Аммо божхона тўловлари суммасининг келиб чиқиши аниқ кўрсатилиши лозим.

Қонун ҳужжатлари маълумотлари миллий базаси (www.lex.uz),

2021 йил 3 декабрь