Марказий банк Бошқарувининг 25.11.2021 й. 27/4-сон "Тижорат банкларида касса ишини ташкил этиш, нақд пул ва бошқа қимматликларни инкассация қилишга доир йўриқномага ўзгартириш ва қўшимчалар киритиш ҳақида"ги Қарори (АВ томонидан 17.12.2021 й. 3028-5-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

17.12.2021 й.

N 3028-5

ЎЗБЕКИСТОН РЕСПУБЛИКАСИ

МАРКАЗИЙ БАНКИ БОШҚАРУВИНИНГ

25.11.2021 й.

N 27/4

ҚАРОРИ

Тижорат банкларида касса ишини ташкил этиш, нақд

пул ва бошқа қимматликларни инкассация қилишга доир

йўриқномага ўзгартириш ва қўшимчалар киритиш ҳақида

Ўзбекистон Республикасининг "Ўзбекистон Республикасининг Марказий банки тўғрисида"ги ҳамда "Банклар ва банк фаолияти тўғрисида"ги қонунларига мувофиқ Ўзбекистон Республикаси Марказий банки бошқаруви ҚАРОР ҚИЛАДИ:

1. Ўзбекистон Республикаси Марказий банки бошқарувининг 2018 йил 28 апрелдаги 16/21-сон қарори (рўйхат рақами 3028, 2018 йил 29 июнь) (Қонун ҳужжатлари маълумотлари миллий базаси, 02.07.2018 й., 10/18/3028/1418-сон) билан тасдиқланган Тижорат банкларида касса ишини ташкил этиш, нақд пул ва бошқа қимматликларни инкассация қилишга доир йўриқномага иловага мувофиқ ўзгартириш ва қўшимчалар киритилсин.

2. Мазкур қарор расмий эълон қилинган кундан эътиборан кучга киради.

Марказий банк раиси                                                    Нурмуратов М.Б.

Қарорга

ИЛОВА

Тижорат банкларида касса ишини ташкил этиш, нақд

пул ва бошқа қимматликларни инкассация қилишга доир

йўриқномага киритилаётган ўзгартириш ва қўшимчалар

1. 15-банд қуйидаги таҳрирда баён этилсин:

"15. Банк биносида ва банк биносидан ташқарида ташкил этилган  чакана амалиётлар кассаларида касса операциялари билан биргаликда валюта айирбошлаш операциялари ҳам амалга оширилган тақдирда, улардаги нақд пул ва қимматликлар ҳисоби банкнинг ҳисоб сиёсатига мувофиқ юритилади.".

2. 27-банднинг "д" кичик банди қуйидаги таҳрирда баён этилсин:

"д) аҳолидан банк депозит ҳисобварақларига омонатларни нақд пулда қабул қилиш мазкур Йўриқноманинг 3-иловасига мувофиқ шаклдаги кирим касса ордери бўйича;".

3. 41-банднинг иккинчи ва учинчи хатбошилари, 81-банднинг бешинчи хатбошиси, 145-банднинг тўртинчи хатбошиси, 146-банднинг иккинчи хатбошиси, 147-банднинг иккинчи хатбошиси, 148-банднинг биринчи ва иккинчи хатбошилари, 166-банднинг учинчи хатбошиси ва 218-банднинг бешинчи хатбошисидаги "кўзда тутилмаган ҳолатлар ҳисобварағи" деган сўзлар "балансдан ташқари ҳисобварақ" деган сўзлар билан алмаштирилсин.

4. 43-банднинг биринчи хатбошиси, 267-банднинг биринчи хатбошиси, 291-банднинг иккинчи хатбошиси ва 29-илованинг матнидаги "кўзда тутилмаган ҳолатлар ҳисобварағи" деган сўзлар "балансдан ташқари ҳисобварағи" деган сўзлар билан алмаштирилсин.

5. 44-банднинг иккинчи хатбошисидаги "кўзда тутилмаган ҳолатлар" деган сўзлар "балансдан ташқари ҳисобварақ" деган сўзлар билан алмаштирилсин.

6. 47-банднинг "в" кичик банди қуйидаги таҳрирда баён этилсин:

"в) аҳолининг банк депозит ҳисобварақларидаги омонатларини ва унга ҳисобланган фоизларни нақд пулда тўлаш мазкур Йўриқноманинг 10-иловасига мувофиқ шаклдаги чиқим касса ордери бўйича;".

7. 126-бандда:

қуйидаги мазмундаги учинчи хатбоши билан тўлдирилсин:

"2 000 сўмлик банкнотлар учун - эни 15 mm бўлган битта сариқ йўлли;";

учинчи - еттинчи хатбошилар тегишли равишда тўртинчи - саккизинчи хатбошилар деб ҳисоблансин;

қуйидаги мазмундаги олтинчи хатбоши билан тўлдирилсин:

"20 000 сўмлик банкнотлар учун - эни 15 mm бўлган иккита қизил йўлли;";

олтинчи - саккизинчи хатбошилар тегишли равишда еттинчи - тўққизинчи хатбошилар деб ҳисоблансин.

8. 132-бандда:

биринчи хатбошидаги "1 ва 3 сўмликлар алоҳида, 5, 10, 25, 50 ва 100 сўмликлар алоҳида, 200, 500 ва 1000 сўмликлар алоҳида, 5000, 10000," деган сўзлар "1000 сўмликлар алоҳида, 2000 ва 5000 сўмликлар алоҳида, 10000 ва 20000 сўмликлар алоҳида," деган сўзлар билан алмаштирилсин;

қуйидаги мазмундаги иккинчи хатбоши билан тўлдирилсин:

"Бир хил номинал қийматга эга бўлган турли йиллар намунасидаги банкнотлар алоҳида дасталанган ҳолда ўраб-боғланиши лозим.";

иккинчи - олтинчи хатбошилар тегишли равишда учинчи - еттинчи хатбошилар деб ҳисоблансин.

9. 150-бандда:

қуйидаги мазмундаги учинчи хатбоши билан тўлдирилсин:

"Нақд пул ва бошқа қимматликларни сақлаш учун топширган давлат органи ходими 004-шаклдаги квитанцияни йўқотган ҳолларда ёки бошқа сабабларга кўра, уни банкка тақдим этиш имконияти мавжуд бўлмаса, бундай ҳолларда сақлашга топширилган нақд пул ва бошқа қимматликларни банк кассасидан қайтариб олиш учун ушбу давлат органининг республика миқёсидаги юқори турувчи ташкилоти (вазирлик, қўмита, идора ёки бошқалар) томонидан чиқарилган буйруқ асос бўлиши мумкин. Ушбу буйруқда банк кассасига сақлаш учун топширилган қимматликларни қайтариб олиш ваколатига эга бўлган ходимнинг фамилияси, исми ва отасининг исми ҳамда олинадиган қимматликларнинг тўлиқ ва батафсил рўйхати қайд этилган бўлиши лозим.";

учинчи ва тўртинчи хатбошилар тегишли равишда тўртинчи ва бешинчи хатбошилар деб ҳисоблансин;

тўртинчи ва бешинчи хатбошилардаги "кўзда тутилмаган ҳолатлар ҳисобварағи" деган сўзлар "балансдан ташқари ҳисобварақ" деган сўзлар билан алмаштирилсин.

10. 161-банднинг учинчи хатбошиси қуйидаги таҳрирда баён этилсин:

"Банк (филиал) чакана амалиёт кассаси томонидан нақд миллий ҳамда хорижий валюталарда касса операциялари амалга оширилган ҳолларда, нақд пул ва бошқа қимматликларнинг ҳисоби банкнинг ҳисоб сиёсатига мувофиқ амалга оширилади.".

11. 163-бандда:

иккинчи хатбоши қуйидаги таҳрирда баён этилсин:

"Банк (филиал) томонидан бошқа ҳудудда (ёки ҳудуддаги бошқа туманда, шаҳарда) кассалар ташкил этилган ҳолларда, банк иш куни охирида ушбу кассалардаги лимитдан ортиқча нақд пуллар ва бошқа қимматликлар қолдиқлари ҳамда кунлик касса ҳужжатлари ушбу касса жойлашган ҳудуддаги банк филиалига ёки инкассация хизматига сақлаш учун топширилади.";

тўртинчи хатбоши қуйидаги таҳрирда баён этилсин:

"Банк (филиал) биносидан ташқарида ташкил этилган касса ходимлари амалиёт куни якунида қолган лимитдан ортиқча нақд пул ва бошқа қимматликлар қолдиғига чиқим касса ордерини расмийлаштириб, 10109 - "Йўлдаги нақд пуллар ва бошқа тўлов ҳужжатлари" ҳисобварағида акс эттиради. Бунда, нақд пул ва бошқа қимматликлар қолдиғини сақлаш учун топшириш бевосита инкассация гуруҳи аъзолари томонидан, шунингдек инкассация хизмати ёки банклар ва Ўзбекистон Республикаси Миллий гвардияси қўриқлаш хизмати бўлинмалари ўртасида тузилган шартномага асосан Ўзбекистон Республикаси Миллий гвардиясининг қўриқлаш хизмати кузатуви остида банк кассири томонидан амалга оширилиши мумкин.".

қуйидаги мазмундаги бешинчи - ўнинчи хатбошилар билан тўлдирилсин:

"Нақд пул ва бошқа қимматликлар қолдиғини сақлаш учун топшириш инкассация хизмати ходимлари орқали амалга оширилганда, расмийлаштирилган чиқим касса ордерининг орқа томонига нақд пул ва бошқа қимматликлар солинган инкассация сумкасини (қопини) қабул қилувчи инкассаторга берилган ишончноманинг рақами, санаси, инкассаторлар гуруҳи аъзоларининг фамилияси, исми ва отасининг исми ҳамда уларга топширилган сумкаларнинг (қопларнинг) умумий сони қайд этилиб, инкассаторлар гуруҳи аъзолари томонидан имзоланади.

Нақд пул ва бошқа қимматликлар солинган инкассация сумкаси (қопи) банк (филиал) ёки инкассация хизмати томонидан сақлаш учун қабул қилинганда, қабул қилувчи масъул ходим томонидан балансдан ташқари ҳисобварақ бўйича кирим касса ордери икки нусхада расмийлаштирилади ва унинг бир нусхаси инкассаторлар гуруҳига берилади.

Навбатдаги иш куни эрталаб, нақд пул ва бошқа қимматликлар солинган инкассация сумкаларини (қопларини), уларни топширган банк кассасига етказиб бериш учун инкассаторлар гуруҳига топшириш, балансдан ташқари ҳисобварақ бўйича чиқим касса ордерини расмийлаштириш орқали амалга оширилади. Бунда, ушбу ҳужжатнинг орқа томонида қабул қилувчи инкассаторга берилган ишончноманинг рақами, санаси, инкассаторлар гуруҳи аъзоларининг фамилияси, исми ва отасининг исми ҳамда уларга топширилган сумкаларнинг (қопларнинг) умумий сони қайд этилиб, инкассаторлар гуруҳи аъзолари томонидан имзоланади.

Нақд пул ва бошқа қимматликлар солинган инкассация сумкаси (қопи) инкассация хизмати ёки Ўзбекистон Республикаси Миллий гвардиясининг қўриқлаш хизмати кузатуви остида банк кассири томонидан банк (филиал) ёки инкассация хизматига сақлаш учун топширилганда, қабул қилувчи масъул ходим томонидан балансдан ташқари ҳисобварақ бўйича кирим касса ордери икки нусхада расмийлаштирилади ва унинг бир нусхаси топширувчи банк кассирига берилади.

Навбатдаги иш куни эрталаб, нақд пул ва бошқа қимматликлар солинган инкассация сумкалари (қоплари), уларни топширган банк кассасига инкассация хизмати ёки Ўзбекистон Республикаси Миллий гвардиясининг қўриқлаш хизмати кузатуви остида олиб кетиш учун уларни топширган банк кассирига, балансдан ташқари ҳисобварақ бўйича чиқим касса ордерини расмийлаштириш орқали берилади. Бунда, ушбу ҳужжатнинг орқа томонида қабул қилувчи банк кассирининг фамилияси, исми ва отасининг исми ҳамда топширилаётган сумкаларнинг (қопларнинг) умумий сони қайд этилиб, қабул қилувчи банк кассири томонидан имзоланади.

Нақд пул ва бошқа қимматликлар қолдиғи инкассация хизмати ёки Ўзбекистон Республикаси Миллий гвардиясининг қўриқлаш хизмати кузатуви остида банк кассири томонидан мазкур ҳудуддаги банк филиалига қайта санаш учун топширилганда, топширувчи банк кассири томонидан мазкур Йўриқноманинг 8а-иловасига мувофиқ шаклдаги бланк тўлдирилади.".

12. 170-банднинг биринчи хатбошисидан ", шунингдек кун охирида кассадаги лимитдан ортиқча нақд пуллар ва бошқа қимматликлар қолдиқларини, кунлик касса ҳужжатларини банк (филиал)га ёки сақлаш учун у жойлашган тумандаги (шаҳардаги) тижорат банки филиалига етказиш" деган сўзлар чиқариб ташлансин.

13. 190-банднинг олтинчи хатбошиси ва 192-банднинг иккинчи хатбошисидаги "кўзда тутилмаган ҳолатлар ҳисобварақлари" деган сўзлар "балансдан ташқари ҳисобварақлар" деган сўзлар билан алмаштирилсин.

14. 209-банднинг иккинчи хатбошиси, 230-банд, 284-банднинг учинчи хатбошиси ва 294-банддаги "кўзда тутилмаган ҳолатлар ҳисобварағида" деган сўзлар "балансдан ташқари ҳисобварағида" деган сўзлар билан алмаштирилсин.

15. 217-банднинг иккинчи хатбошисидаги "кўзда тутилмаган ҳолатлар ҳисобварағи" ва "кўзда тутилмаган ҳолатлар ҳисобварағига" деган сўзлар тегишли равишда "балансдан ташқари ҳисобварақ" ва "балансдан ташқари ҳисобвараққа" деган сўзлар билан алмаштирилсин.

16. 219-банднинг бешинчи хатбошисидаги "кўзда тутилмаган ҳолатлар ҳисобварақларида" деган сўзлар "балансдан ташқари ҳисобварақларида" деган сўзлар билан алмаштирилсин.

17. 264-банднинг иккинчи хатбошисидаги "кўзда тутилмаган ҳолатлар ҳисобварақларида" деган сўзлар "балансдан ташқари ҳисобварақларда" деган сўзлар билан алмаштирилсин.

18. 265-банднинг биринчи хатбошисидаги "кўзда тутилмаган ҳолатлар ҳисобварақларидаги" деган сўзлар "балансдан ташқари ҳисобварақлардаги" деган сўзлар билан алмаштирилсин.

19. 290-банднинг учинчи хатбошиси, 297-банднинг иккинчи хатбошиси, 339-банднинг биринчи хатбошиси ва 343-банднинг биринчи хатбошисидаги "кўзда тутилмаган ҳолатлар ҳисобварағига" деган сўзлар "балансдан ташқари ҳисобварағига" деган сўзлар билан алмаштирилсин.

20. 292-бандда:

биринчи хатбошидаги "кўзда тутилмаган ҳолатлар ҳисобварағи" деган сўзлар "балансдан ташқари ҳисобварағи" деган сўзлар билан алмаштирилсин;

иккинчи хатбошидаги "кўзда тутилмаган ҳолатлар ҳисобварағига" деган сўзлар "балансдан ташқари ҳисобварағига" деган сўзлар билан алмаштирилсин.

21. 295-банддаги "кўзда тутилмаган ҳолатлар ҳисобварағидан" деган сўзлар "балансдан ташқари ҳисобварағидан" деган сўзлар билан алмаштирилсин.

22. 25-иловада:

3-банднинг иккинчи - тўртинчи хатбошилари қуйидаги таҳрирда баён этилсин:

"1000 (2001 йил намунасидаги), 5000 (2013 йил намунасидаги), 10000 (2017 йил намунасидаги), 50000 (2017 йил намунасидаги) ва 100000 (2019 йил намунасидаги) сўмлик банкнотлар учун катак майдони 144 х 78 mm.ни;

2021 йил намунасидаги 2000 ва 5000 сўмлик банкнотлар учун катак майдони 142 х 69 mm.ни;

2021 йил намунасидаги 10000 ва 20000 сўмлик банкнотлар учун катак майдони 147 х 69 mm.ни ташкил этади.";

12-банддаги "кўзда тутилмаган ҳолатлар ҳисобварағига" деган сўзлар "балансдан ташқари ҳисобварағига" деган сўзлар билан алмаштирилсин.

23. 28-илова матнидаги "Кўзда тутилмаган ҳолатлар ҳисобвараклари" деган сўзлар "Балансдан ташқари ҳисобварақлар" деган сўзлар билан алмаштирилсин.

24. 30-илованинг матнидаги "Кўзда тутилмаган ҳолатлар ҳисобварақлари" деган сўзлар "балансдан ташқари ҳисобварақлар" деган сўзлар билан алмаштирилсин.

Қонун ҳужжатлари маълумотлари миллий базаси (www.lex.uz),

2021 йил 17 декабрь