Ўрмон хўжалиги давлат қўмитасининг 14.12.2021 й. 4-сон "Ўрмон хўжалиги экинлари уруғликларининг генетик (нав) ва уруғ назоратини, лаборатория синовларини, сифати экспертиза қилинишини амалга оширишга доир қоидаларга ўзгартиришлар киритиш тўғрисида"ги Қарори (АВ томонидан 23.12.2021 й. 3165-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

23.12.2021 й.

N 3165-1

ЎЗБЕКИСТОН РЕСПУБЛИКАСИ

ЎРМОН ХЎЖАЛИГИ ДАВЛАТ

ҚЎМИТАСИНИНГ

14.12.2021 й.

N 4

ҚАРОРИ

Ўрмон хўжалиги экинлари уруғликларининг генетик

(нав) ва уруғ назоратини, лаборатория синовларини,

сифати экспертиза қилинишини амалга оширишга

доир қоидаларга ўзгартиришлар киритиш тўғрисида

Ўзбекистон Республикасининг 2019 йил 12 ноябрдаги ЎРҚ-583-сон "Баъзи давлат органларининг фаолияти такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги Қонуни, Ўзбекистон Республикаси Президентининг 2021 йил 15 июлдаги ПФ-6262-сон "Республикада ўсимликлар карантини ва ҳимояси тизимини тубдан такомиллаштириш чора-тадбирлари тўғрисида"ги Фармони ҳамда Ўзбекистон Республикаси Президентининг 2021 йил 21 январдаги ПҚ-4960-сон "Ўрмон хўжалиги соҳасида илм-фанни ривожлантириш ва илмий-тадқиқот ишларини рағбатлантириш чора-тадбирлари тўғрисида"ги қарорига мувофиқ Ўзбекистон Республикаси Ўрмон хўжалиги давлат қўмитаси ҚАРОР ҚИЛАДИ:

1. Ўзбекистон Республикаси Ўрмон хўжалиги давлат қўмитаси раисининг 2019 йил 29 апрелдаги 6-сон қарори (рўйхат рақами 3165, 2019 йил 7 июнь) (Қонун ҳужжатлари маълумотлари миллий базаси, 08.06.2019 й., 10/19/3165-сон) билан тасдиқланган Ўрмон хўжалиги экинлари уруғликларининг генетик (нав) ва уруғ назоратини, лаборатория синовларини, сифати экспертиза қилинишини амалга оширишга доир қоидаларга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Ўзбекистон Республикаси

Ўрмон хўжалиги давлат

қўмитасининг раиси                                                             Н.Ж. Бакиров

Қарорга

ИЛОВА

Ўрмон хўжалиги экинлари уруғликларининг генетик

(нав) ва уруғ назоратини, лаборатория синовларини,

сифати экспертиза қилинишини амалга оширишга

доир қоидаларга киритилаётган ўзгартиришлар

1. 1-банднинг бешинчи хатбошисидаги "уруғликлар туркуми" деган сўзлар "уруғликлар тўдаси" деган сўзлар билан алмаштирилсин.

2. 12-банд қуйидаги таҳрирда баён этилсин:

"12. Текшириш учун уруғликлардан намуналар олиш уруғлик етказиб берувчи иштирокида Ўрмон хўжалиги илмий-тадқиқот институти (бундан буён матнда Институт деб юритилади) ходими (бундан буён матнда Масъул шахс деб юритилади) томонидан амалга оширилади.".

3. 16-банддаги, 17-банднинг биринчи хатбошисидаги, 18-банднинг биринчи ва иккинчи хатбошиларидаги, 20 ва 21-бандлардаги, 23-банднинг иккинчи хатбошисидаги ва 8-илова матнидаги "Марказ" деган сўз "Институт" деган сўз билан алмаштирилсин.

4. 17-банднинг "б" кичик банди бешинчи хатбошисидаги "Ўзбекистон Республикаси Ўсимликлар карантини давлат инспекциясининг" деган сўзлар "Ўзбекистон Республикаси Ўсимликлар карантини ва ҳимояси агентлигининг" деган сўзлар билан алмаштирилсин.

5. 1-илова матнидаги "ҳузуридаги Ўрмон ва доривор ўсимликлари таҳлил Марказига" деган сўзлар "Ўрмон хўжалиги илмий-тадқиқот институтига" деган сўзлар билан алмаштирилсин.

Қонун ҳужжатлари маълумотлари миллий базаси (www.lex.uz),

2021 йил 23 декабрь