Биз яшайдиган уй

Функция недоступна

БИЗ ЯШАЙДИГАН УЙ*

ҲОКИМЛАР УМШДАГИ ҚАРЗДОРЛАР УСТИДАН

ДАЪВО КИРИТИШ ВАКОЛАТИГА ЭГАЛАР,

ЛЕКИН БУНДАЙ ҚИЛМАЯПТИЛАР

Ваҳоланки, "Маҳаллий давлат ҳокимияти тўғрисида"ги Қонуннинг 25-моддасида уй-жой мулкдорлари ва уй-жойдан фойдаланувчилар коммунал хизматлар тўлови ва мажбурий бадалларни тўлашга доир талабларни қўпол равишда бузган ҳолларда туманларнинг, шаҳарларнинг (шаҳарлар таркибига кирувчи туманларнинг) ҳокимлари коммунал хизматлар тўлови ва мажбурий бадалларни тўлаш бўйича қарзларни ундириш тўғрисида коммунал хизмат кўрсатувчилар ёки уй-жой мулкдорлари ширкатларининг тақдимномасига мувофиқ даъволар билан судга мурожаат қилиши белгиланган.

Худди шу тартиб Президентнинг "Коммунал хизматлар тарифларининг асоссиз равишда ўсиб кетишига йўл қўймаслик ҳамда улар учун ўз вақтида ва тўлиқ ҳисоб-китоб қилиниши учун истеъмолчиларнинг масъулиятини ошириш чора-тадбирлари тўғрисида"ги қарорининг (11.02.2005 йилдаги ПҚ-5-сон) 7-бандида ҳам назарда тутилган.

Бироқ, кўрсатилган меъёрларни амалга ошириш бўйича ҳодисалар бирор-бир туман, шаҳар ёки вилоят миқёсидаги ҳокимиятларда мавжуд эмас. Бинобарин, ширкат раҳбарларининг ўз аъзоларининг мажбурий бадаллари бўйича қарздорликни ундиришда кўмаклашиш тўғрисида маҳаллий маъмурият раҳбарларига қилган мурожаатлари ҳам мавжуд эмас. УМШ раҳбарларининг аксарият қисми ва ҳокимлар мазкур меъёр борлигини билмайдилар ҳам. Қолаверса, туман ва вилоят маъмурларига ортиқча бош оғриғининг кераги ҳам йўқ.