Марказий банк Бошқарувининг 06.01.2022 й. 31/8-сон "Ўзбекистон Республикаси ҳудудида хорижий давлатларнинг банклари ваколатхоналарини аккредитация қилиш тартиби тўғрисидаги низомга ўзгартириш ва қўшимчалар киритиш ҳақида"ги Қарори (АВ томонидан 14.01.2022 й. 1883-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

14.01.2022 й.

N 1883-1

ЎЗБЕКИСТОН РЕСПУБЛИКАСИ

МАРКАЗИЙ БАНКИ БОШҚАРУВИНИНГ

06.01.2022 й.

N 31/8

ҚАРОРИ

Ўзбекистон Республикаси ҳудудида хорижий

давлатларнинг банклари ваколатхоналарини

аккредитация қилиш тартиби тўғрисидаги

низомга ўзгартириш ва қўшимчалар

киритиш ҳақида

Ўзбекистон Республикасининг "Ўзбекистон Республикасининг Марказий банки тўғрисида"ги Қонунига мувофиқ Ўзбекистон Республикаси Марказий банки бошқаруви ҚАРОР ҚИЛАДИ:

1. Ўзбекистон Республикаси Марказий банки бошқарувининг 2008 йил 22 ноябрдаги 26/6-сон қарори (рўйхат рақами 1883, 2008 йил 23 декабрь) (Ўзбекистон Республикаси қонун ҳужжатлари тўплами, 2008 йил, 52-сон, 535-модда) билан тасдиқланган Ўзбекистон Республикаси ҳудудида хорижий давлатларнинг банклари ваколатхоналарини аккредитация қилиш тартиби тўғрисидаги низомга иловага мувофиқ ўзгартириш ва қўшимчалар киритилсин.

2. Мазкур қарор расмий эълон қилинган кундан эътиборан кучга киради.

Марказий банк раиси                                                       М.Б. Нурмуратов

Қарорга

ИЛОВА

Ўзбекистон Республикаси ҳудудида хорижий

давлатларнинг банклари ваколатхоналарини

аккредитация қилиш тартиби тўғрисидаги

низомга киритилаётган ўзгартириш

ва қўшимчалар

1. 4-банд ўз кучини йўқотган деб топилсин.

2. 7-банд қуйидаги таҳрирда баён этилсин:

"7. Ваколатхонани аккредитация қилганлик учун тўловлар ундирилмайди.".

3. 12-банд қуйидаги таҳрирда баён этилсин:

"12. Ваколатхонани аккредитация қилиш тўғрисида қарор қабул қилинган кундан бошлаб бир иш кунидан кечиктирмай Ваколатхонага аккредитация қилинганлиги тўғрисидаги сертификат берилади.".

4. 13-банд "ваколатхоналарини рўйхатга олиш китобида қайд этилади" деган сўзлардан кейин "ҳамда ушбу ахборот Ўзбекистон Республикаси Марказий банкининг веб-сайтида эълон қилинади" деган сўзлар билан тўлдирилсин.

5. 17-банднинг "б" кичик банди "паспорти" деган сўздан кейин "(идентификация ID-картаси)" деган сўзлар билан тўлдирилсин.

6. 19-банднинг "г" кичик банди "паспорт" деган сўздан кейин "(идентификация ID-картаси)" деган сўзлар билан тўлдирилсин.

7. 37-банд "Банкка ва унинг Ваколатхонасига хабар беради" деган сўзлардан кейин "ҳамда ушбу ахборотни Ўзбекистон Республикаси Марказий банкининг веб-сайтида эълон қилади" деган сўзлар билан тўлдирилсин.

Қонун ҳужжатлари маълумотлари миллий базаси (www.lex.uz),

2022 йил 14 январь