ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Давлат ҳуқуқий тизими асослари / Нодавлат нотижорат ташкилотлар. Сиёсий партиялар / Жамоат фондлари /Ўзбекистон Республикаси Президентининг 15.03.2022 й. ПҚ-167-сон "Нуронийларни ҳар томонлама қўллаб-қувватлаш, уларнинг турмуш даражасини оширишга доир қўшимча чора-тадбирлар тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ҚАРОРИ
15.03.2022 й.
N ПҚ-167
НУРОНИЙЛАРНИ ҲАР ТОМОНЛАМА
ҚЎЛЛАБ-ҚУВВАТЛАШ, УЛАРНИНГ ТУРМУШ
ДАРАЖАСИНИ ОШИРИШГА ДОИР ҚЎШИМЧА
ЧОРА-ТАДБИРЛАР ТЎҒРИСИДА
Ўтган даврда кексаларни давлат томонидан қўллаб-қувватлашни кучайтириш, уларга ижтимоий хизматлар кўрсатиш тизимини яхшилаш борасида комплекс чора-тадбирлар амалга оширилди.
Жумладан, соҳага оид 10 дан ортиқ қонун ҳужжатлари қабул қилинди, нуронийларнинг ижтимоий фаолликларини қўллаб-қувватлаш мақсадида "Фахрий мураббий" ордени ва "Меҳнат фахрийси" кўкрак нишони таъсис этилди.
Кексалар учун 152 та туман ва шаҳарда "Нуронийлар маскани" мажмуалари ташкил этилди, барча ишловчи пенсионерларга пенсияларни тўлиқ миқдорда тўлаш йўлга қўйилди, вилоятлар, туманлар ва шаҳарларда нуронийлар жамоатчилик кенгашлари, маҳаллаларда "Кексалар маслаҳати" гуруҳлари ташкил этилди, "Кексалар ҳафталиги" ва "Кексалар учун туризм ойлиги"ни ўтказиш анъанага айланди.
Шу билан бирга, мамлакатимизда кексаларни ҳар томонлама қўллаб-қувватлаш, уларнинг турмуш даражаси ва ижтимоий фаолликларини янада ошириш мақсадида:
1. Белгилансинки, Маҳалла ва нуронийларни қўллаб-қувватлаш вазирлиги унга юклатилган асосий вазифа ва фаолият йўналишларидан келиб чиқиб, маҳаллаларда нуроний ва кексалар билан ишларни такомиллаштириш йўналишида қуйидаги тадбирларни амалга оширади:
маҳаллаларда "Бир нуроний ўн ёшга масъул" тамойилини қарор топтиришда ташаббускорлик кўрсатаётган ижтимоий фаол нуронийларни моддий ва маънавий қўллаб-қувватлаш;
вазирлик ва идоралар, хўжалик бирлашмалари, ташкилий-ҳуқуқий шаклидан қатъи назар, корхона ва ташкилотлардаги "Фахрийлар кенгашлари", фуқаролар йиғинларидаги "Кексалар маслаҳати" гуруҳларининг фаолиятини мувофиқлаштириш;
меҳнат фахрийларининг маҳаллаларда тинчлик ва осойишталикни таъминлаш, ижтимоий-маънавий муҳитни соғломлаштиришдаги иштирокини кенгайтириш;
"Ҳеч ким меҳр ва эътибордан четда қолмасин" шиори остида ижтимоий ҳимояга муҳтож бўлган кексалар ва нуронийлар ҳолидан доимий хабар олиш тизимини ташкил қилиш ҳамда ижтимоий ҳимоя дастурлари доирасида давлат хизматлари кўрсатилишини таъминлаш;
кексалар ва фахрийларнинг ижтимоий фаоллигини ошириш мақсадида "Нуронийлар маскани" мажмуаларида ва маҳаллаларда турли маданий-маърифий тадбирлар ўтказиш;
фуқаролар йиғинлари раисларининг кексалар ва фахрийлар ишлари бўйича маслаҳатчилари ва маҳаллалардаги бошқа жамоатчилик тузилмаларининг самарали фаолият кўрсатишини таъминлаш.
2. Маҳалла ва нуронийларни қўллаб-қувватлаш вазирлиги (С.Т. Турдиев):
а) икки ой муддатда Ёшлар ишлари агентлиги (А.З. Саъдуллаев) Республика маънавият ва маърифат маркази (М.М. Ходжиматов) билан биргаликда "Бир нуроний ўн ёшга масъул" тамойили асосида маҳаллаларда ҳаётий ва катта амалий тажрибага эга бўлган обрў-эътиборли нуронийлар ва зиёлиларни ишсиз, тарбияси оғир ва муаммоли ёшларга бириктириш орқали уларни жамият учун фойдали инсонлар бўлиб етишишларига кўмаклашиш дастурларини ишлаб чиқсин.
Белгилансинки, маҳаллалардаги ёшларнинг тарбияси ва ахлоқида бўлган ижобий ўзгаришлардан келиб чиқиб нуроний ва зиёлилар Ўзбекистон фахрийларининг ижтимоий фаолиятини қўллаб-қувватлаш "Нуроний" жамғармаси (кейинги ўринларда - Жамғарма) маблағлари ҳисобидан рағбатлантириб борилади;
б) фуқаролар йиғинлари томонидан нуронийлар ташаббуси ва тажрибасидан кенг фойдаланган ҳолда "Яшил макон" умуммиллий лойиҳаси доирасида ободонлаштириш ва кўкаламзорлаштириш ишларини амалга ошириш бўйича маҳаллаларнинг дастурлари қабул қилинишини таъминласин;
в) фуқаролар йиғинларида "Кексалар маслаҳати" гуруҳларининг жамоатчилик назорати йўналишидаги фаолиятини самарали ташкил этсин.
Бунда, маҳаллаларда аҳолига кўрсатиладиган тиббий хизматлар, мактабларда ўқувчиларнинг дарсларни ўзлаштириши, давомати, бандликка кўмаклашиш марказлари томонидан фуқароларни иш билан таъминлаш даражаси ва бошқа давлат хизматларининг кўрсатилиши бўйича нуронийларнинг жамоатчилик назорати ўрнатилади.
3. Маҳалла ва нуронийларни қўллаб-қувватлаш вазирлиги ва Бандлик ва меҳнат муносабатлари вазирлигининг ходимнинг пенсия ёшига тўлганлиги муносабати билан у билан тузилган меҳнат шартномасини иш берувчининг ташаббуси билан бекор қилиш тартибини тақиқлаш тўғрисидаги таклифига розилик берилсин.
Бандлик ва меҳнат муносабатлари вазирлиги (Н.Б. Хусанов) манфаатдор вазирлик ва идоралар билан биргаликда икки ой муддатда ходимнинг пенсия ёшига тўлганлиги муносабати билан иш берувчининг ташаббуси билан меҳнат шартномасини бекор қилишни тақиқлаш бўйича Ўзбекистон Республикаси қонуни лойиҳасини ишлаб чиқсин ва белгиланган тартибда Вазирлар Маҳкамасига киритсин.
4. Белгилансинки, 2022 йил 1 апрелдан бошлаб:
а) Жамғарма маблағлари ҳисобидан ўзгалар парваришига муҳтож бўлган ёлғиз кексалар ва ёлғиз яшайдиган кексалар ҳар йили бир маротаба санаторийларда бепул соғломлаштирилади;
б) Жамғарма маблағлари ҳисобидан шароити оғир ва кам таъминланган кексаларга шифокорларнинг рецептларига асосан 3 ойлик эҳтиёждан келиб чиқиб дори воситалари, тиббий ва махсус протез-ортопедия мосламалари олиб берилади ҳамда жарроҳлик амалиётларининг харажатлари қопланади;
в) Жамғарма маблағлари ҳисобидан оғир ташхисли касалликлари ҳамда ногиронлиги бўлган кексаларга шифокорларнинг рецептларига мувофиқ, 3 ойлик эҳтиёждан келиб чиқиб дори воситаларининг 50 фоизигача бўлган суммаси компенсация қилинади.
Бунда, дори воситаларининг рўйхати Соғлиқни сақлаш вазирлиги билан келишилади ҳамда Маҳалла ва нуронийларни қўллаб-қувватлаш вазирлигининг қарори қабул қилинган кундаги дори воситаларининг тегишли суммаси компенсация қилинади;
г) Жамғарма маблағлари ҳисобидан кексаларнинг жисмоний тарбия ва спорт йўналишидаги муассасаларда (стадион, спорт заллари, бассейн ва бошқа спорт мажмуалари) жисмоний тарбия ва спорт билан шуғулланишлари учун абонемент харажатлари қопланади.
Бунда, абонемент харажатларининг бир ойлик суммаси базавий ҳисоблаш миқдорининг 2 бараваридан ошмаган ҳолда спорт йўналишидаги муассасаларнинг ҳисоб рақамига ўтказиб борилади;
д) Жамғарма маблағлари ҳисобидан давлат театрлари ва музейларига кексалар учун чипта нархлари тўлиқ қоплаб берилади.
Маҳалла ва нуронийларни қўллаб-қувватлаш вазирлиги (С.Т. Турдиев) Молия вазирлиги (Т.А. Ишметов), Соғлиқни сақлаш вазирлиги (Б.А. Мусаев) билан биргаликда бир ой муддатда мазкур бандда кўрсатилган чора-тадбирларни Жамғарма маблағлари ҳисобидан молиялаштириш ва маблағ ажратишни тартибга солувчи норматив-ҳуқуқий ҳужжат лойиҳасини ишлаб чиқсин ва белгиланган тартибда қабул қилинишини таъминласин.
5. Маҳалла ва нуронийларни қўллаб-қувватлаш вазирлиги (С.Т. Турдиев) Туризм ва маданий мерос вазирлиги (У.А. Азамов) билан биргаликда:
кексаларнинг республикамиздаги диққатга сазовор жойларга сайёҳлик сафарларини ташкил этиш мақсадида Жамғармага ажратилган маблағлар ҳисобидан иккита замонавий автобус харид қилсин;
сайёҳлик сафарларини уюштириш бўйича тарихий шаҳарлар ва диққатга сазовор жойларнинг рўйхатини шакллантирсин ҳамда туманлар (шаҳарлар) кесимида автобуслар қатновлари графигини тасдиқласин;
2022 йил учун графикда белгиланган сафарларни уюштириш жойи, вақти ҳақида оммавий ахборот воситалари ва ахборот тарқатишнинг бошқа манбалари, шу жумладан "Нуроний" электрон платформаси орқали ҳудудлар аҳолисини камида уч ой олдиндан хабардор қилиш тизимини йўлга қўйсин.
6. 2022 йилда Жамғарма маблағларининг амалда ўзлаштирилишига қараб Давлат бюджетидан 50 миллиард сўм ажратилсин.
Молия вазирлиги (Т.А. Ишметов) Маҳалла ва нуронийларни қўллаб-қувватлаш вазирлигининг асосланган ҳисоб-китобларига мувофиқ келгуси йилларда Жамғарманинг асосий вазифаларини амалга ошириш учун зарур маблағларнинг Давлат бюджети параметрларида назарда тутилишини таъминласин.
7. Маҳалла ва нуронийларни қўллаб-қувватлаш вазирлиги (С.Т. Турдиев), Ахборот технологиялари ва коммуникацияларини ривожлантириш вазирлиги (Ш.Х. Шерматов) билан биргаликда:
а) 2022 йил 1 октябрга қадар Жамғарманинг "Нуроний" электрон платформаси ва ягона электрон базаси фаолиятини йўлга қўйсин ҳамда Жамғарманинг фаолияти тўғрисидаги батафсил маълумотларнинг платформада жойлаштириб борилишини ва оммавий ахборот воситаларида кенг ёритилишини таъминласин.
Белгилансинки:
Жамғарма маблағларининг сарфланиши, шу жумладан маблағ олувчилар ва хизматлардан фойдаланганлар тўғрисидаги маълумотлар, шунингдек, Давлат бюджетидан ажратиладиган маблағлар ва уларнинг ижроси тўғрисидаги маълумотлар белгиланган тартибда ҳисобот чораги якуни билан Жамғарманинг расмий веб-сайтига жойлаштириб борилади;
Жамғарма ўз маблағларининг сарфланишига оид масалаларни муҳокама қилишга кенг жамоатчиликни жалб қилган ҳолда ўз фаолиятининг аудиторлик текшируви натижалари ҳисоботини оммавий ахборот воситаларига тақдим этиб боради;
б) 2022 йил 1 сентябрга қадар бюджетдан ташқари Пенсия жамғармаси билан ҳамкорликда кексаларга оид маълумот ва янгиликларни уларнинг мобиль телефон рақамларига SMS-хабарнома юбориш орқали маълум қилиб боришни ташкил қилсин;
в) 2022 йил 1 декабрга қадар Жамғарманинг ягона электрон маълумотлар базасига кексаларнинг ижтимоий фаоллигини ошириш, соғлом турмуш тарзини тарғиб қилиш, тиббий-ижтимоий хизматлар бўйича тезкор мурожаат қилиш каби масалалар киритилишини таъминласин;
г) 2023 йил 1 январга қадар "Нуроний" электрон платформасини бюджетдан ташқари Пенсия жамғармасининг пенсия ва нафақа олувчиларнинг электрон маълумотлар базаси, "Ижтимоий ҳимоя ягона реестри" ҳамда "Ижтимоий хизмат" электрон платформаси билан интеграция қилиш чораларини кўрсин.
8. 2022 йил 1 майдан бошлаб ижтимоий ёрдам кўрсатиш хизмати ходимлари ёлғиз кексалар ва ёлғиз яшайдиган кексалар ҳамда ногиронлиги бўлган шахслар томонидан Тиббий-ижтимоий хизматларни ривожлантириш агентлигининг "Саll-маркази"га қилинган мурожаатлар асосида қуйидаги хизматларни кўрсатади:
а) ахборот-сервис хизмати:
оилавий шифокорлик пунктлари ва оилавий поликлиникалар шифокорларининг кўригига ёздириш, уларни уйга кўрикдан ўтишга чақириш;
Жамғарма хизматларидан фойдаланиш учун буюртма бериш, рўйхатдан ўтиш ва буюртманинг ҳолатига аниқлик киритиш;
Жамғарма томонидан ташкил этиладиган профилактик, тиббий даволанишлар ва сайёҳлик сафарлари бўйича маълумотлар олиш;
жисмоний тарбия ва спорт билан шуғулланиш учун жисмоний тарбия ва спорт йўналишидаги муассасалар (стадион, спорт заллари, бассейн ва бошқа спорт мажмуалари) тўғрисида маълумотлар олиш;
маданий ҳордиқ чиқариш мақсадида кинотеатрлар, театрлар, музейлар ва бошқа маданий тадбирлар тўғрисида тўлиқ маълумотлар олиш;
б) уйда хизматларни кўрсатиш:
Жамғарма томонидан кўрсатиладиган хизматлар доирасида дори воситалари, протез-ортопедия мосламалари ва кресло-аравачаларни уйга етказиб бериш;
шифокорлар рецептларига асосан ёлғиз кексалар ва ёлғиз яшайдиган кексалар ҳамда ногиронлиги бўлган шахсларга уларнинг маблағлари ҳисобига дори воситаларини олиб келиш ҳамда оилавий шифокорлик пунктлари ва оилавий поликлиникаларнинг шифокори кўригидан сўнг тиббий кўрик маълумотларини етказиш;
кутубхоналарга аъзо бўлган ёлғиз кексалар ва ёлғиз яшайдиган кексалар ҳамда ногиронлиги бўлган шахслар учун китоблар, журналлар, газеталар ва бошқа нашрларни етказиш.
9. Маҳалла ва нуронийларни қўллаб-қувватлаш вазирлиги (С.Т.Турдиев) Ўзбекистон Миллий телерадиокомпанияси (А.А. Хаджаев), Маданият вазирлиги (О.А. Назарбеков) билан биргаликда Ўзбекистон Миллий телерадиокомпаниясининг телеканаллари орқали Жамғарманинг молиявий кўмаги асосида кексалар учун қуйидаги мазмундаги кўнгилочар-маърифий кўрсатувлар ва видеороликлар эфирга узатилишини ташкил қилсин:
а) "Оталар сўзи - ақлнинг кўзи" телекўрсатувининг ҳар ойда камида иккита янги сони.
Бунда, кўрсатув мазмунан бойитилган ҳолда оилаларни мустаҳкамлаш, миллий ва умуминсоний қадриятларни асраб-авайлаш, Ватанга муҳаббат руҳида тасвирга олинади;
б) "Нуронийлар маслаҳати", "Маҳаллада гурунг" ва "Ёшлар нуронийлар нигоҳида" рукни остида обрў-эътиборли кекса авлод вакилларининг бой ҳаётий тажрибасига бағишланган маърифий телекўрсатувларнинг ҳар кунлик сони;
в) замонавий тўлов воситаларидан ва банк хизматларидан фойдаланиш ҳамда молиявий саводхонликни ошириш, уй шароитида деҳқончилик, чорвачилик, паррандачилик, кўчатчилик, гулчилик каби фаолият турларини йўлга қўйиш ҳамда ҳунармандчилик, касаначилик ва томорқа ер майдонларидан самарали фойдаланиш бўйича қисқа метражли видеороликлар.
10. Шундай тартиб ўрнатилсинки, унга кўра барча давлат бошқаруви органларида ҳар йили икки марта мазкур ташкилотларда узоқ йиллик тажрибага эга бўлган, шу жумладан раҳбарлик лавозимларида фаолият кўрсатган кекса авлод вакиллари билан вазирлик ва идораларнинг раҳбарлари иштирокида "Кекса авлод учрашувлари" мавзусида маслаҳат суҳбатлари ташкил этиб борилади.
Белгилансинки, маслаҳат суҳбатлари вазирлик ва идораларнинг мутасадди ходимлари иштирокида ташкилотнинг сўнгги йиллардаги фаолияти натижалари, истиқболдаги режалари ҳамда узоқ муддатли стратегик кўрсаткичлари бўйича муҳокамали тарзда ташкил қилинади.
11. Олий ва ўрта махсус таълим вазирлиги (А.Ҳ. Тошкулов) Халқ таълими вазирлиги (Б.О. Саидов), Ёшлар ишлари агентлиги (А.З. Саъдуллаев), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда 2022 йил 1 апрелдан бошлаб доимий равишда:
а) олий таълим, ўрта махсус, профессионал таълим муассасалари ва мактабларда ёшларни миллий ва умуминсоний қадриятларни ҳурмат қилиш руҳида тарбиялаш мақсадида ҳаётий тажрибага эга бўлган нуронийлар билан очиқ давра суҳбатларини, шу жумладан видеоконференция тарзида ташкил этиш;
б) ўзгаларнинг парваришига муҳтож бўлган ёлғиз кексалар ва ёлғиз яшовчи кексаларни маънавий-руҳий ҳамда психологик қўллаб-қувватлаш мақсадида жойлардаги давлат органлари ва муассасаларининг малакали психологлари, фаол ёшлардан иборат бўлган волонтёрлик гуруҳларини ташкил қилиш.
Бунда, волонтёрлик гуруҳлари томонидан ҳар икки ойда камида бир маротаба ўзгаларнинг парваришига муҳтож бўлган ёлғиз кексаларнинг ҳолидан хабар олиш масалаларини мувофиқлаштиришга ёшлар етакчилари шахсан масъул ҳисобланади.
12. Қуйидагилар:
Ўзбекистон фахрийларининг ижтимоий фаолиятини қўллаб-қувватлаш "Нуроний" жамғармасининг марказий аппарати тузилмаси 1-иловага мувофиқ;
Ўзбекистон фахрийларининг ижтимоий фаолиятини қўллаб-қувватлаш "Нуроний" жамғармасининг Қорақалпоғистон Республикаси, вилоятлар ва Тошкент шаҳридаги бўлимлари тузилмаси 2-иловага мувофиқ;
Кексаларни ҳар томонлама қўллаб-қувватлаш, уларнинг турмуш даражаси ва ижтимоий фаолликларини янада ошириш бўйича чора-тадбирлар режаси 3-иловага мувофиқ тасдиқлансин.
Белгилансинки, Жамғарманинг марказий аппарати ва ҳудудий бўлимларини сақлаш билан боғлиқ харажатлар Жамғарманинг шакллантирилган ўз маблағлари ҳисобидан қоплаб борилади.
13. Маҳалла ва нуронийларни қўллаб-қувватлаш вазирлиги (С.Т. Турдиев) Иқтисодий тараққиёт ва камбағалликни қисқартириш вазирлиги (И.И. Норқулов), Соғлиқни сақлаш вазирлиги (Б.А. Мусаев) ва бошқа мутасадди вазирлик ва идоралар билан биргаликда 2022 йил 1 сентябрга қадар халқаро тажрибадан келиб чиқиб, мамлакатимизда фаол қариш индексини жорий этиш юзасидан Вазирлар Маҳкамасига таклиф киритсин.
14. Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги нуронийларни ҳар томонлама қўллаб-қувватлаш, уларнинг турмуш даражасини ошириш юзасидан ушбу қарорнинг мақсад ва вазифалари босма ва электрон ахборот воситаларида, шу жумладан Интернет жаҳон ахборот тармоғи орқали аҳоли ўртасида мунтазам, тизимли ва кенг кўламда ёритиб борилишини таъминласин.
15. Маҳалла ва нуронийларни қўллаб-қувватлаш вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
16. Мазкур қарор ижросини самарали ташкил қилишга масъул ва шахсий жавобгар этиб маҳалла ва нуронийларни қўллаб-қувватлаш вазирининг биринчи ўринбосари С.Т. Турдиев, соғлиқни сақлаш вазири Б.А. Мусаев ҳамда Тиббий-ижтимоий хизматларни ривожлантириш агентлиги директори А.К. Инаков белгилансин.
17. Қарор ижросини муҳокама қилиб бориш, масъул ижрочи ташкилотлар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси Т.А. Худайбергенов зиммасига юклансин.
Амалга оширилаётган чора-тадбирлар натижадорлиги юзасидан Ўзбекистон Республикаси Президентига 2022 йил 1 августга қадар ахборот берилсин.
Ўзбекистон Республикаси Президенти Ш. Мирзиёев
Президентининг
2022 йил 15 мартдаги
ПҚ-167-сон қарорига
1-ИЛОВА
Ўзбекистон фахрийларининг ижтимоий фаолиятини
қўллаб-қувватлаш "Нуроний" жамғармасининг
марказий аппарати
ТУЗИЛМАСИ
|
|
|
|
|
|
|
|
|
|
|
Раис (жамоатчилик асосида) |
|
|
|
|
|
|
|
|
|
|
|
||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Раиснинг биринчи ўринбосари |
|
|
|
Раис ўринбосари |
|
|
|
Матбуот котиби |
|
|
Жамғарманинг Қорақалпоғистон Республикаси, вилоятлар ва Тошкент шаҳридаги бўлимлари |
|
|||||||||||||||||
|
|
|
|
|
|
|
|
|
|
|||||||||||||||||||||
|
|
|
|
|
|
|
|
|
|
|||||||||||||||||||||
|
|
|
|
|
|
|
|
|
|
|
|
|
|
|
||||||||||||||||
|
|
|
|
|
|
|
Юрисконсульт |
|
|
|
||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
||||||||||
|
Кексаларни ижтимоий қўллаб-қувватлашни ташкил этиш бўлими 3 |
|
|
|
Маънавий-маърифий ва оммавий тадбирларни ташкил этиш бўлими 3 |
|
|
|
|
|
|
|||||||||||||||||||
|
|
|
|
|
|
|
|
|
|
|
|
|
|
|
|
|
|
|
||||||||||||
|
|
|
|
|
|
|
Молия ва бухгалтерия ҳисоби ва маблағлар назорати шўъбаси 2 |
|
|
"Нуроний" таҳририяти" МЖЧ* |
|
|||||||||||||||||||
|
|
|
|
|
|
|
|
|
|
|||||||||||||||||||||
|
|
|
|
|
|
|
|
|
|
|||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|||||||||||
|
Ахборот-таҳлил ва ҳудудлар билан ишлаш бўйича бош мутахассис 1 |
|
|
|
|
|
|
|
|
|
|
|
|
|
"Нуроний-сайёҳ" МЧЖ* |
|
||||||||||||||
|
|
|
|
|
|
|
|
|
|
|
|
|
|
|
||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Бошқарув ходимларининг умумий чекланган сони - 15 нафар.
*) Жамғарманинг ўз маблағлари ва ўз фаолиятидан олинган даромадлар ҳисобидан сақланади.
Техник ва хизмат кўрсатувчи ходимлар штат бирликлари сони ўрнатилган нормативлар асосида белгиланади.
Президентининг
2022 йил 15 мартдаги
ПҚ-167-сон қарорига
2-ИЛОВА
Ўзбекистон фахрийларининг ижтимоий фаолиятини
қўллаб-қувватлаш "Нуроний" жамғармасининг
Қорақалпоғистон Республикаси, вилоятлар ва
Тошкент шаҳридаги бўлимлари
ТУЗИЛМАСИ
|
|
|
|
Бўлим раиси (жамоатчилик асосида |
|
|
|
|
|||||||
|
|
|
|
|
|
|
|
||||||||
|
|
|
|
|
|
|
|
||||||||
|
|
|
|
|
|
|
|
||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Кексаларни ижтимоий қўллаб-қувватлаш бўйича етакчи мутахассис 1 |
|
|
|
|
Ҳисобчи 1 |
|
||||||||
|
|
|
|
|
|
||||||||||
|
|
|
|
|
|
||||||||||
|
|
|
|
|
|
||||||||||
|
|
|
|
|
|
||||||||||
|
|
|
|
|
|
||||||||||
|
|
|
|
|
|
||||||||||
|
|
|
|
|
|
|
|
|
|
|
|
|
|
|
|
Техник ва хизмат кўрсатувчи ходимлар штат бирликлари сони ўрнатилган нормативлар асосида белгиланади.
Президентининг
2022 йил 15 мартдаги
ПҚ-167-сон қарорига
3-ИЛОВА
Кексаларни ҳар томонлама қўллаб-қувватлаш,
уларнинг турмуш даражаси ва ижтимоий
фаолликларини янада ошириш бўйича
ЧОРА-ТАДБИРЛАР РЕЖАСИ
Т/р |
Чора-тадбирлар номи |
Амалга ошириш механизми
|
Ижро муддати |
Молиялаштириш манбалари |
Ижро учун масъуллар |
1. |
Республика нуронийлар жамоатчилик кенгаши тўғрисидаги низом ҳамда жамоатчилик кенгашининг 2022 йилга мўлжалланган иш режасини ишлаб чиқиш ва тасдиқлаш. Қорақалпоғистон Республикаси, вилоятлар ва Тошкент шаҳар ҳамда туман (шаҳар)лардаги нуронийлар жамоатчилик кенгашларининг намунавий таркиби ва низомини тасдиқлаш.
|
Республика нуронийлар жамоатчилик кенгашининг ташкилий йиғилиши қарори |
2022 йил апрель |
- |
Республика нуронийлар жамоатчилик кенгаши |
2. |
Ҳудудий нуронийлар жамоатчилик кенгашлари тавсиялари асосида ўзгалар парваришига муҳтож бўлган ёлғиз кексаларга моддий ёрдам кўрсатиш ҳамда зарур бўлган махсус мосламалар билан таъминлашга кўмаклашиш тизимини ишлаб чиқиш.
|
Ташкилий чора-тадбирлар |
2022 йил апрель |
"Нуроний" жамғармаси маблағлари |
Республика нуронийлар жамоатчилик кенгаши |
3. |
"Нуроний" жамғармасининг устави ва ҳудудий бўлимларининг низомларини давлат рўйхатидан ўтказиш. |
Ташкилий чора-тадбирлар |
2022 йил апрель |
- |
Республика нуронийлар жамоатчилик кенгаши, Адлия вазирлиги (Р.Давлетов)
|
4. |
Кексаларнинг давлат маданият ва спорт муассасалари, музейлари хизматларидан фойдаланиши тартибини ишлаб чиқиш ва амалиётга жорий қилиш. |
Ташкилий чора-тадбирлар |
2022 йил апрель |
- |
Маҳалла ва нуронийларни қўллаб-қувватлаш вазирлиги (С.Турдиев), Маданият вазирлиги (О.Назарбеков), Спортни ривожлантириш вазирлиги (А.Икрамов)
|
5. |
Ўзгаларнинг парваришига муҳтож бўлган ёлғиз кексалар ва ёлғиз яшайдиган кексаларни маънавий-руҳий ҳамда психологик қўллаб-қувватлаш мақсадида жойлардаги давлат органлари ва муассасаларининг малакали психологлари, фаол ёшлардан иборат бўлган волонтёрлик гуруҳларини шакллантириш. Ушбу гуруҳлар томонидан ҳар ойда камида бир маротаба ўзгаларнинг парваришига муҳтож бўлган ёлғиз кексалар ва ёлғиз яшайдиган кексаларнинг ҳолидан хабар олиш тизимини йўлга қўйиш.
|
Ташкилий чора-тадбирлар |
2022 йил апрель |
- |
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Олий ва ўрта махсус вазирлиги (А.Тошкулов), Ёшлар ишлари агентлиги (А.Саъдуллаев), мутасадди вазирлик ва идоралар |
6. |
Ўзгалар парваришига муҳтож бўлган ёлғиз кексалар ва ёлғиз яшайдиган кексаларни ҳар йили санаторийларда навбат асосида бепул соғломлаштириш тартибини ишлаб чиқиш. |
Ташкилий чора-тадбирлар |
2022 йил апрель |
"Нуроний" жамғармаси маблағлари |
Республика нуронийлар жамоатчилик кенгаши, Тиббий-ижтимоий хизматларни ривожлантириш агентлиги (А.Инаков), Касаба уюшмалари Федерацияси (Қ.Рафиков), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
|
7. |
Илм-фан, маънавият, маданият, санъат ва спорт соҳаларида ютуқларга эришган (танилган) ҳамда бугунги кунда нафақада бўлган зиёли меҳнат фахрийларининг рўйхатларини "маҳаллабай" шакллантириш. Уларни ҳудудлардаги таълим муассасаларига ҳамда "Бир нуроний ўн ёшга масъул" тамойили асосида ёшларга бириктириш орқали ижтимоий фаолиятга кенг жалб этиш.
|
Ташкилий чора-тадбирлар |
2022 йил май |
- |
Республика нуронийлар жамоатчилик кенгаши, Халқ таълими вазирлиги (Б.Саидов), вазирлик ва идоралардаги Фахрийлар кенгашлари |
8. |
Нуронийлар жамоатчилик кенгашлари ва "Кексалар маслаҳати" гуруҳлари аъзолари учун ўқув машғулотларини ташкил қилиш. |
Ташкилий чора-тадбирлар |
2022 йил апрель-май |
- |
Маҳалла ва нуронийларни қўллаб-қувватлаш вазирлиги (С.Турдиев), Республика нуронийлар жамоатчилик кенгаши, Адлия вазирлиги (Р.Давлетов), мутасадди вазирлик ва идоралар
|
9. |
Ҳудудий нуронийлар жамоатчилик кенгашлари томонидан кексаларнинг ҳуқуқ ва қонуний манфаатларини таъминлашга оид чора-тадбирлар устидан жамоатчилик назоратини амалга ошириш механизмини ишлаб чиқиш. |
Республика нуронийлар жамоатчилик кенгашининг қарори лойиҳаси |
2022 йил май |
- |
Республика нуронийлар жамоатчилик кенгаши, Адлия вазирлиги (Р.Давлетов), манфаатдор вазирлик ва идоралар
|
10. |
Фуқаролар йиғинларида кексаларга кўмак берувчи "Нуронийлар эъзозимизда" кўнгилли патронаж ёшлар гуруҳларини шакллантириш ҳамда уларнинг аъзоларини рағбатлантириш механизмларини ишлаб чиқиш. |
Ташкилий чора-тадбирлар |
2022 йил май |
- |
Ёшлар ишлари агентлиги (А.Саъдуллаев), Республика нуронийлар жамоатчилик кенгаши, манфаатдор вазирлик ва идоралар
|
11. |
1941-1945 йиллардаги Иккинчи жаҳон урушида қозонилган ғалабанинг 77 йиллиги муносабати билан уруш қатнашчиларига бағишланган махсус учрашувлар ва маданий-маърифий кечаларни ўтказиш.
|
Ташкилий чора-тадбирлар |
2022 йил май |
"Нуроний" жамғармаси маблағлари |
Республика нуронийлар жамоатчилик кенгаши |
12. |
Ёшларни миллий ва умуминсоний қадриятларни ҳурмат қилиш руҳида тарбиялашда кексаларнинг ролини ошириш ҳамда нуронийларнинг дам олишларини мазмунли ўтказиш мақсадида туман (шаҳар)лардаги "Нуронийлар маскани" мажмуаларига таълим ва маданият муассасаларини бириктириш. |
Ташкилий чора-тадбирлар |
2022 йил май |
- |
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Олий ва ўрта махсус таълим вазирлиги (А.Тошкулов), Халқ таълими вазирлиги (Б.Саидов), Маданият вазирлиги (О.Назарбеков)
|
13. |
Узоқ йиллар биргаликда умр кечириб, қўша қариган кексаларнинг ибратли ҳаётини ёш авлодга тарғиб этиш мақсадида маҳаллаларда ва туман (шаҳар)ларда "Қўша қариш саодати - 50 йил", "Биргаликда 60 йил" каби мавзуларда тантанали тақдирлаш маросимларини ташкил этиш.
|
Ташкилий чора-тадбирлар |
2022 йил май |
"Нуроний" жамғармаси маблағлари |
Республика нуронийлар жамоатчилик кенгаши, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
14. |
"Муваффақиятли кексаликнинг 50 кафолати" номли кексалар ўқиши учун тавсия этиладиган 50 номдаги китоблар рўйхатини шакллантириш ҳамда аҳоли ўртасида уларни кенг тарғиб қилиш. |
Ташкилий чора-тадбирлар |
2022 йил июнь |
- |
Ўзбекистон Ёзувчилар уюшмаси (С.Сайидов), Республика Маънавият ва маърифат маркази (М.Ходжиматов), Республика нуронийлар жамоатчилик кенгаши
|
15. |
Фуқароларнинг ўзини ўзи бошқариш органлари томонидан маҳаллаларда қонун ҳужжатларининг ижросини таъминлаш, аҳоли муаммоларининг мутасадди ташкилотлар томонидан ҳал этилиши устидан таъсирчан жамоатчилик назоратини амалга ошириш юзасидан фуқаролар йиғинлари раислари учун семинарлар ташкил этиш. |
Ташкилий чора-тадбирлар |
2022 йил июнь-июль |
- |
Маҳалла ва нуронийларни қўллаб-қувватлаш вазирлиги (С.Турдиев), Адлия вазирлиги (Р.Давлетов), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
|
16. |
Кексаларни қўллаб-қувватлашга технологик инновацияларни кенг жалб этиш мақсадида ёши улуғ ва якка-ёлғиз кексаларга кўмаклашувчи инновацион техника воситаларини яратиш бўйича чора-тадбирларни амалга ошириш. |
Ташкилий чора-тадбирлар |
2022 йил давомида |
Халқаро молия институтлари ва донор ташкилотлар-нинг грант маблағлари, ҳомийлик маблағлари ҳамда қонунчиликда тақиқланмаган бошқа манбалар |
Инновацион ривожланиш вазирлиги (И.Абдураҳмонов), Ахборот технологиялари ва коммуникацияларни ривожлантириш вазирлиги (Ш.Шерматов), манфаатдор вазирлик ва идоралар
|
17. |
"Нуронийлар маскани" мажмуалари, улардаги барча инвентарь ва жиҳозларни "Нуроний" жамғармаси балансига ўтказиш. |
Ташкилий чора-тадбирлар |
2022 йил июль |
- |
Республика нуронийлар жамоатчилик кенгаши, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
|
18. |
Барча туман ва шаҳарларда, қоидага кўра маданият ва истироҳат боғлари ҳудудида "Нуронийлар маскани" мажмуалари фаолият кўрсатишини таъминлаш ва жиҳозлаш. |
Ташкилий чора-тадбирлар |
2022 йил сентябрь |
Ҳомийлар ва ташаббус-корлар маблағлари |
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
|
19. |
Бирлашган Миллатлар Ташкилотининг Бош ассамблеяси томонидан 1 октябрь - Халқаро қариялар куни деб эълон қилинганлигини инобатга олиб, ҳар йили октябрь ойининг биринчи ҳафтасини "Кексалар ҳафталиги" сифатида кенг нишонлаш. |
Чора-тадбирлар дастури |
Ҳар йили 10 октябрга қадар |
- |
Маҳалла ва нуронийларни қўллаб-қувватлаш вазирлиги (С.Турдиев), Маданият вазирлиги (О.Назарбеков), Республика Маънавият ва маърифат маркази (М.Ходжиматов)
|
20. |
Кексаларнинг бўш вақтини мазмунли ва фойдали ўтказишини таъминлаш, узоқ умр кўришларига янада кенг шароит ва имкониятлар яратиш, бой тажрибаларини ёшларга ўрнак қилиб кўрсатиш, ўргатиш мақсадида уларнинг уйларида: турли илмий, ижодий ва техник тўгаракларни ташкил этиш; касб-ҳунар ўргатишга қаратилган фаолиятини йўлга қўйиш. Ушбу йўналишда ташаббускор кексаларни мунтазам равишда рағбатлантириб бориш. |
Ташкилий чора-тадбирлар |
2022 йил июль |
"Нуроний" жамғармаси маблағлари |
Республика нуронийлар жамоатчилик кенгаши, Маҳалла ва нуронийларни қўллаб-қувватлаш вазирлиги (С.Турдиев), Бандлик ва меҳнат муносабатлари вазирлиги (Н.Хусанов), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
|
21. |
Маҳаллаларда кексалар иштирокида оилалар бирдамлигини мустаҳкамлаш, оилада авлодлар ўртасидаги ўзаро алоқани сақлаш ва қўллаб-қувватлашга қаратилган анъаналарни ривожлантиришга бағишланган "Миллий қадриятлар, урф-одатлар, оила ва ёшлар" мавзусида туркум маънавий-маърифий тадбирларни тизимли равишда ташкил этиш. |
Ташкилий чора-тадбирлар |
Апрель-декабрь |
- |
Маҳалла ва нуронийларни қўллаб-қувватлаш вазирлиги (С.Турдиев), Республика Маънавият ва маърифат маркази (М.Ходжиматов), Ёшлар ишлари агентлиги (А.Саъдуллаев)
|
22. |
Спорт соҳасида республика ва халқаро майдонларда ғолибликни қўлга киритган фахрий чемпионлар, спортчи-полвонлар иштирокида маҳаллаларда ёшлар учун "Унутилмас чемпионлар", "Фахрий полвонлар" мавзуларида учрашувлар ҳамда мусобақаларни ташкил этиш. |
Ташкилий чора-тадбирлар |
2022 йил сентябрь |
- |
Маҳалла ва нуронийларни қўллаб-қувватлаш вазирлиги (С.Турдиев), Спортни ривожлантириш вазирлиги (А.Икрамов), Ёшлар ишлари агентлиги (А.Саъдуллаев), МТРК (А.Хаджаев), ЎзА (А.Кўчимов)
|
23. |
Кексаликнинг ҳар бир ёш тоифаси бўйича тўғри овқатланиш ва соғлом турмуш тарзига риоя қилишга қаратилган буклетлар ҳамда бошқа тарқатма материалларни тайёрлаш ва хонадонларга етказилишини ташкил этиш.
|
Ташкилий чора-тадбирлар |
2022 йил апрель-декабрь |
"Нуроний" жамғармаси маблағлари |
Республика нуронийлар жамоатчилик кенгаши, Соғлиқни сақлаш вазирлиги (Б.Мусаев) |
24. |
Халқаро тажрибадан келиб чиқиб мамлакатимизда фаол қариш Индексини жорий этиш юзасидан Вазирлар Маҳкамасига норматив-ҳуқуқий ҳужжат лойиҳасини киритиш. |
Норматив-ҳуқуқий ҳужжат лойиҳаси |
2022 йил ноябрь |
- |
Маҳалла ва нуронийларни қўллаб-қувватлаш вазирлиги (С.Турдиев), Иқтисодий тараққиёт ва камбағалликни қисқартириш вазирлиги (И.Норқулов), Соғлиқни сақлаш вазирлиги (Б.Мусаев), Давлат статистика қўмитаси (Б.Бегалов)
|
Қонун ҳужжатлари маълумотлари миллий базаси (www.lex.uz),
2022 йил 16 март
78-150-11-72 
Мобильная версия сайта