Ўзбекистон Республикаси Вазирлар Маҳкамасининг 26.03.2022 й. 135-сон "Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

26.03.2022 й.

N 135

ЎЗБЕКИСТОН РЕСПУБЛИКАСИ

ҲУКУМАТИНИНГ АЙРИМ ҚАРОРЛАРИГА

ЎЗГАРТИРИШ ВА ҚЎШИМЧАЛАР

КИРИТИШ ТЎҒРИСИДА

(Ўзбекистон Республикаси Президентининг

"Термиз агротехнологиялар ва инновацион

ривожланиш институтини ташкил этиш

чора-тадбирлари тўғрисида" 2021 йил

28 октябрдаги ПҚ-5269-сон қарори)

Ўзбекистон Республикаси Президентининг "Термиз агротехнологиялар ва инновацион ривожланиш институтини ташкил этиш чора-тадбирлари тўғрисида" 2021 йил 28 октябрдаги ПҚ-5269-сон қарори ижросини таъминлаш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.М. Ғаниев зиммасига юклансин.

Ўзбекистон Республикасининг Бош вазири                                А. Арипов

Вазирлар Маҳкамасининг

2022 йил 26 мартдаги

135-сон қарорига

ИЛОВА

Ўзбекистон Республикаси Ҳукуматининг

айрим қарорларига киритилаётган

ўзгартириш ва қўшимчалар

1. Вазирлар Маҳкамасининг 2019 йил 9 июлдаги 571-сон қарори билан тасдиқланган Ўзбекистон Республикаси Қишлоқ хўжалиги вазирлиги тўғрисидаги низомнинг 9-бандига қуйидаги мазмундаги тўққизинчи ва ўнинчи хатбошилар қўшилсин:

"Термиз агротехнологиялар ва инновацион ривожланиш институти;

Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро маркази";

тўққизинчи - ўн еттинчи хатбошилар тегишлича ўн биринчи - ўн тўққизинчи хатбошилар деб ҳисоблансин.

2. Вазирлар Маҳкамасининг 2020 йил 15 декабрдаги 788-сон қарори билан тасдиқланган Аграр таълим тизимининг 2030 йилгача инновацион ривожланиш стратегиясининг 2-бобида:

биринчи хатбошидаги "Нукус, Термиз ва Самарқанд филиаллари, шунингдек, Андижон қишлоқ хўжалиги ва агротехнологиялар институти" сўзлари "Самарқанд филиали, Қорақалпоғистон қишлоқ хўжалиги ва агротехнологиялар институти, Андижон қишлоқ хўжалиги ва агротехнологиялар институти, шунингдек, Термиз агротехнологиялар ва инновацион ривожланиш институти" сўзлари билан алмаштирилсин;

тўққизинчи хатбошидаги "Нукус, Термиз ва Самарқанд филиалларида" сўзлари "Самарқанд филиали, Қорақалпоғистон қишлоқ хўжалиги ва агротехнологиялар институти ҳамда Термиз агротехнологиялар ва инновацион ривожланиш институтида" сўзлари билан алмаштирилсин;

"б" кичик бандининг бешинчи хатбошидаги "Нукус филиали" сўзлари "ҚҚХАИ" сўзи, "Термиз филиали" сўзлари "ТАИРИ" сўзи билан алмаштирилсин;

"г" кичик бандининг иккинчи хатбошидаги "Нукус филиали" сўзлари "ҚҚХАИ" сўзи, "Термиз филиали" сўзлари "ТАИРИ" сўзи билан алмаштирилсин.

3. Вазирлар Маҳкамасининг 2021 йил 9 сентябрдаги 563-сон қарори билан тасдиқланган Ҳудудларда талабалар турар жойларини қуриш учун олий таълим муассасаларига доимий фойдаланиш ҳуқуқи асосида ажратилаётган ер майдонлари рўйхатининг 46-позицияси "Олий таълим муассасаси номи" устунидаги "Тошкент давлат аграр университети Термиз филиали" сўзлари "Термиз агротехнологиялар ва инновацион ривожланиш институти" сўзлари билан алмаштирилсин.

Қонун ҳужжатлари маълумотлари миллий базаси (www.lex.uz),

2022 йил 26 март