Туркий тилли давлатлар ҳамкорлик кенгаши котибиятининг молиявий қоидалари тўғрисида Битим (Бишкек, 2012 йил 23 август)

Функция недоступна

Туркий тилли давлатлар ҳамкорлик кенгаши

котибиятининг молиявий қоидалари тўғрисида

БИТИМ

Бишкек, 2012 йил 23 август

ЎзР Президентининг 01.02.2021 й. ПҚ-4967-сон Қарорига мувофиқ

Ўзбекистон Республикаси мазкур Битимга қўшилган

Қирғизистон Республикаси, Қозоғистон Республикаси, Озарбайжон Республикаси, Туркия Республикаси Ҳукуматлари, кейинги ўринларда "Томонлар" деб аталувчилар,

халқаро ҳуқуқнинг умумэътироф этилган принцип ва нормаларига амал қилган ҳолда,

2009 йил 3 октябрдаги Туркий тилли давлатлар ҳамкорлик Кенгашини тузиш тўғрисидаги Нахичеван Битимининг 11-моддаси қоидаларини амалга оширишга интилиб,

2011 йил 27 декабрда имзоланган Туркия Республикаси Ҳукумати билан Туркий тилли давлатлар ҳамкорлик Кенгаши Котибияти ўртасида Туркий тилли давлатлар ҳамкорлик Кенгаши Котибияти бўйича Мезбон мамлакат Битимига мувофиқ,

қуйидагилар тўғрисида келишиб олдилар:

1-модда. Атамалар

"Туркий кенгаш" Туркий тилли давлатлар ҳамкорлик кенгашини англатади;

"Котибият" Туркий кенгаш Котибиятини англатади;

"Бюджет" Котибият вазифалари ва функцияларини амалга ошириш учун мўлжалланган маблағларни шакллантириш ва тасарруф этишни англатади;

"Молиявий йил" календар йилининг 1 январидан бошлаб 31 декабригача давом этадиган муддатни англатади;

"Бадаллар" жорий молиявий йилда Котибият фаолияти билан боғлиқ харажатларни қоплаш