Ўзбекистон Республикаси Тиббий-ижтимоий хизматларни ривожлантириш агентлиги тизимидаги тиббий-ижтимоий муассасаларда қўшимча ва ёрдамчи функцияларни аутсорсинг шартларида ташкил этиш тартиби тўғрисидаги Низом (АВ томонидан 10.05.2022 й. 3367-сон билан рўйхатга олинган Тиббий-ижтимоий хизматларни ривожлантириш агентлиги директорининг 07.05.2022 й. 76-ИЧ-сон буйруғи билан тасдиқланган)

Функция недоступна

Ўзбекистон Республикаси

Адлия вазирлигида

2022 йил 10 майда 3367-сон

билан рўйхатга олинган

Ўзбекистон Республикаси

Тиббий-ижтимоий хизматларни

ривожлантириш агентлиги

директорининг

2022 йил 7 майдаги

76-ИЧ-сон буйруғига

ИЛОВА

Ўзбекистон Республикаси Тиббий-ижтимоий

хизматларни ривожлантириш агентлиги тизимидаги

тиббий-ижтимоий муассасаларда қўшимча ва ёрдамчи

функцияларни аутсорсинг шартларида ташкил этиш

тартиби тўғрисидаги

НИЗОМ

Ушбу Низом Ўзбекистон Республикаси Тиббий-ижтимоий хизматларни ривожлантириш агентлиги (бундан буён матнда Агентлик деб юритилади) тизимидаги "Саховат" ва "Мурувват" интернат уйларида, Ногиронлиги бўлган шахсларни реабилитация қилиш ва протезлаш миллий маркази, унинг ҳудудий марказларида, Кексалар, ногиронлиги бўлган шахслар, уруш ва меҳнат фахрийлари учун санаторийларда, Уруш ва меҳнат фахрийлари учун республика пансионатида ҳамда Одам савдоси жабрдийдаларига ёрдам бериш бўйича республика реабилитация марказида (бундан буён матнда тиббий-ижтимоий муассаса деб юритилади) мазкур Низомга 1-иловада назарда тутилган қўшимча ва ёрдамчи функцияларни (бундан буён матнда хизматлар деб юритилади) аутсорсинг шартларида ташкил этиш тартибини белгилайди.

1-БОБ. УМУМИЙ ҚОИДАЛАР

1. Ушбу Низомда қуйидаги тушунчалардан фойдаланилади:

аутсорсинг - хизматларни шартнома асосида аутсорсерга ўтказиш;

аутсорсер - шартнома асосида буюртмачига хизматларни кўрсатувчи тадбиркорлик субъекти;

буюртмачи - тиббий-ижтимоий муассасалар.

2. Буюртмачи хизматларни аутсорсингга ўтказишда қуйидаги шартларга риоя қилиши шарт:

аутсорсерга ўтказиладиган хизматларни олдинги сифатга тенг ёки ундан юқори сифатда кўрсатилишига;

буюртмачининг аутсорсерга бериладиган хизматларни бажариш билан банд бўлган ходимлари штат бирликларини қисқартиришга.

3. Аутсорсер ходимлари буюртмачининг тегишли ҳудудига буюртмачига олдиндан тақдим этилган рўйхат асосида киради ҳамда тиббий-ижтимоий муассаса биносида ҳаракатланади.

4. Тиббий-ижтимоий муассасаларда даволанувчи ҳамда реабилитация жараёнида бўлган шахсларга (бундан буён матнда истеъмолчи деб юритилади) хизматларни ташкил этиш учун аутсорсер масъул ҳисобланади.

5. Истеъмолчиларга кўрсатиладиган хизматлар белгиланган санитария қоидалари, нормалари ва гигиена нормативлари асосида аутсорсер томонидан тузилган ва буюртмачи томонидан тасдиқланган бир ойлик режа асосида ташкил этилади.

6. Аутсорсерни танлаш ҳамда у билан шартнома тузиш давлат харидлари тўғрисидаги қонунчилик ҳужжатларига мувофиқ амалга оширилади.

7. Аутсорсер харид қилаётган озиқ-овқат маҳсулотлари ва товарлар, фойдаланиладиган технологик жиҳозларнинг санитария қоидалари, нормалари ва гигиена нормативларига мослигига шахсан масъул ҳисобланади.

2-БОБ. АУТСОРСЕРНИНГ ҲУҚУҚ ВА МАЖБУРИЯТЛАРИ

8. Аутсорсер қуйидаги ҳуқуқларга эга:

ижара шартномаси доирасида бино ва иншоотларни ички ва ташқи қисмида техник жиҳатдан жиҳозлаш ва таъмирлаш ишларини амалга ошириш;

кўрсатилган хизматлар учун тўловни шартномада белгиланган миқдор ва муддатда талаб қилиш;

истеъмолчиларнинг сони ва овқатланиш жадвалини белгиланган тартибда олиш;

хизматлар таннархи ўзгариши муносабати билан шартномага ўзгартириш киритиш таклифи билан чиқиш;

буюртмачидан шартнома шартларининг бажарилишини талаб қилиш.

9. Аутсорсер қуйидагиларга мажбур:

буюртмачининг бино-иншоотларида ўз фаолиятини санитария қоидалари, нормалари ва гигиена нормативларига мувофиқ амалга ошириш;

истеъмолчиларни соғлом овқатлантириш хизматини буюртмачи ошхонасининг ўзида ёки ўз ошхонасида тўлиқ ва сифатли ташкил этиш;

буюртмачи билан расмийлаштириладиган шартномада кўзда тутилган шартларни тўлиқ ва сифатли бажариш.

3-БОБ. БУЮРТМАЧИНИНГ ҲУҚУҚ ВА МАЖБУРИЯТЛАРИ

10. Буюртмачи қуйидаги ҳуқуқларга эга:

аутсорсинг усулида хизматларни амалга ошириш учун шартномада аутсорсерга қўйилган талаблар бажарилишини ўрганиш;

аутсорсернинг фаолиятига аралашмаган ҳолда, шартнома шартларининг бажарилишини назорат қилиш;

аутсорсер билан келишилган ҳолда кўрсатиладиган хизматлар жадвалига ўзгартириш ва қўшимчалар киритиш;

харид қилаётган озиқ-овқат маҳсулотлари ва товарлар, фойдаланиладиган технологик жиҳозларнинг санитария қоидалари, нормалари ва гигиена нормативларига мослигини талаб қилиш.

11. Буюртмачи қуйидагиларга мажбур:

кўрсатилган хизматлар учун шартномада белгиланган миқдор ва муддатда тўловни амалга ошириш;

аутсорсерга истеъмолчиларнинг сонини ва уларнинг овқатланиш жадвалини ўз вақтида тақдим этиш.

4-БОБ. АУТСОРСИНГ ХИЗМАТЛАРИГА

ҲАҚ ТЎЛАШ, АУТСОРСЕР ФАОЛИЯТИНИ ВА

ХИЗМАТЛАР НАЗОРАТИНИ ТАШКИЛ ЭТИШ

12. Аутсорсинг хизматларига ҳақ тўлаш миқдори буюртмачи ҳамда аутсорсер ўртасида расмийлаштириладиган шартномада белгиланади.

13. Аутсорсер томонидан кўрсатиладиган хизматларнинг буюртмачи ва аутсорсер ўртасида тузилган шартномада белгиланган талабларга мувофиқлиги буюртмачи раҳбари, унинг ўринбосари, ҳамшира, тарбиячи ҳамда бошқа ходимлардан (зарур ҳолларда, ота-оналар, истеъмолчиларнинг қонуний вакиллари қўшилиши мумкин) иборат комиссия томонидан назорат қилинади.

Бунда, ушбу Низомга 1-иловада назарда тутилган таом тайёрлаш сифатини назорат қилиш якунлари мазкур Низомга 2-иловадаги шаклга мувофиқ тайёр таомлар сифатини назорат қилиш бўйича маълумотларни қайд этиш дафтарида ҳар куни қайд қилиб борилади.

Шунингдек, мазкур Низомга 1-иловада белгиланган кир ювиш ва тозалаш хизматлари сифатини назорат қилиш бўйича ушбу Низомнинг 3-иловасига мувофиқ шаклда маълумотларни қайд этиш дафтари юритилади.

Мазкур Низомнинг 2 ва 3-иловаларида назарда тутилган дафтарларнинг биринчи саҳифасида комиссияни тасдиқлаш ҳақидаги буйруқдан кўчирма бўлиши, дафтарлар рақамланган, ип ўтказиб тикилган ва буюртмачи раҳбари томонидан сана кўрсатилган ҳолда имзоланиб, муҳрланган бўлиши лозим.

14. Аутсорсер томонидан санитария қоидалари, нормалари ва гигиена нормативлари бажарилиши ҳолатининг мониторингини олиб бориш ҳамда кунлик таом тарқатилишидан 15 - 20 дақиқа олдин синамалар олиш буюртмачи ҳамшираси зиммасига юкланади.

15. Кейинги кунга кўрсатиладиган хизматлар рўйхати, шу жумладан таомнома режасини тузиш учун буюртмачи аутсорсерга бир кун олдин соат 16.00 гача бир кун олдинги истеъмолчилар сонига нисбатан буюртма тақдим қилади.

Шунингдек, шанба, якшанба ва байрам кунларида қолган истеъмолчиларнинг сони бир кун олдин тақдим қилинади.

16. Мазкур Низомга 1-иловада назарда тутилган хизматлар учун бир кунлик ўртача сарфланадиган маҳсулотларнинг миқдори ва уларнинг қиймати чиқарилган ҳолда аутсорсер томонидан ушбу Низомга 4 - 6-иловаларда келтирилган шаклларга мувофиқ таом тайёрлаш, кир ювиш ва тозалаш ҳамда ахборот-коммуникация таъминоти ва техник хизмат варақалари икки нусхада бир кун олдин соат 18.00 гача тузилади ҳамда буюртмачи раҳбари билан келишилади. Биринчи нусхаси аутсорсерга, иккинчи нусхаси буюртмачига берилади.

17. Буюртмачи ҳар ўн кунлик бланкаларни ип ўтказиб боғланган ҳолда олдиндан рақамлайди, муҳрлайди ва алоҳида дафтарда рўйхатдан ўтказади.

18. Бланкада хизматлар тури, нархи, сарфланган маҳсулотлар тури ва уларнинг миқдорлари кўрсатилади.

19. Ушбу Низомга 7-иловада назарда тутилган шаклга мувофиқ сифати тез бузилувчи озиқ-овқат ва бошқа маҳсулотларни қайд этиш дафтари аутсорсер томонидан юритилади.

20. Аутсорсер ҳар ўн кунда тасдиқланган кўрсатилган хизматлар бўйича ҳисоб-фактура ҳужжатларини буюртмачи бухгалтериясига тақдим этади.

5-БОБ. ЯКУНЛОВЧИ ҚОИДАЛАР

21. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

22. Ушбу Низом Ўзбекистон Республикаси Молия вазирлиги, Санитария-эпидемиологик осойишталик ва жамоат саломатлиги хизмати ва Савдо-саноат палатаси билан келишилган.

Низомга

1-ИЛОВА

Ўзбекистон Республикаси Тиббий-ижтимоий

хизматларни ривожлантириш агентлиги тизимидаги

тиббий-ижтимоий муассасаларда аутсорсингга

ўтказиладиган қўшимча ва ёрдамчи функциялар

РЎЙХАТИ

1. Таом тайёрлаш;

2. Кир ювиш;

3. Тозалаш;

4. Техник хизмат кўрсатиш;

5. Ахборот-коммуникация таъминоти.

Низомга

2-ИЛОВА

Тайёр таомлар сифатини назорат қилиш

бўйича маълумотларни қайд этиш

ДАФТАРИ

         

Низомга

3-ИЛОВА

Кир ювиш ва тозалаш хизматлари сифатини назорат

қилиш бўйича маълумотларни қайд этиш

ДАФТАРИ

      

Низомга

4-ИЛОВА

           

        

Жами сарфланган маблағ миқдори (сўмда) ___________________

Бир нафар истеьмолчи учун сарфланган маблағ миқдори (сўмда) __________________

             

*) муассасаларида 5 маҳал таомланадиган муассасаларга нисбатан татбиқ этилади.

     

     

      

Низомга

5-ИЛОВА

Жами сарфланган маблағ миқдори (сўмда) ___________________

Бир нафар истеьмолчи учун сарфланган маблағ миқдори (сўмда) __________________

             

            

            

Низомга

6-ИЛОВА

         

Низомга

7-ИЛОВА

Сифати тез бузилувчи озиқ-овқат

ва бошқа маҳсулотларни қайд этиш

ДАФТАРИ

Қонун ҳужжатлари маълумотлари миллий базаси (www.lex.uz),

2022 йил 10 май