Марказий банк Бошқарувининг 01.06.2022 й. 344-В-7-сон, Бош прокуратура ҳузуридаги Иқтисодий жиноятларга қарши курашиш департаментининг 27.05.2022 й. 15-сон "Нобанк кредит ташкилотларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига ўзгартириш ва қўшимчалар киритиш ҳақида"ги Қарори (АВ томонидан 24.06.2022 й. 2925-7-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

24.06.2022 й.

N 2925-7

ҚАРОРИ

Нобанк кредит ташкилотларида жиноий фаолиятдан

олинган даромадларни легаллаштиришга, терроризмни

молиялаштиришга ва оммавий қирғин қуролини тарқатишни

молиялаштиришга қарши курашиш бўйича ички назорат

қоидаларига ўзгартириш ва қўшимчалар киритиш ҳақида

Ўзбекистон Республикасининг "Ўзбекистон Республикасининг Марказий банки тўғрисида"ги ва "Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида"ги қонунларига мувофиқ Ўзбекистон Республикаси Марказий банки бошқаруви ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти ҚАРОР ҚИЛАДИ:

1. Ўзбекистон Республикаси Марказий банки бошқаруви ва Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаментининг 2017 йил 9 августдаги 344-В ва 26-сон қарори (рўйхат рақами 2925, 2017 йил 4 сентябрь) (Ўзбекистон Республикаси қонун ҳужжатлари тўплами, 2017 й., 36-сон, 968-модда) билан тасдиқланган Нобанк кредит ташкилотларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига иловага мувофиқ ўзгартириш ва қўшимчалар киритилсин.

2. Мазкур қарор расмий эълон қилинган кундан эътиборан кучга киради.

Қарорга

ИЛОВА

Нобанк кредит ташкилотларида жиноий фаолиятдан

олинган даромадларни легаллаштиришга, терроризмни

молиялаштиришга ва оммавий қирғин қуролини тарқатишни

молиялаштиришга қарши курашиш бўйича ички назорат

қоидаларига киритилаётган ўзгартириш ва қўшимчалар

1. 1-банддаги "Микрокредит ташкилотлари тўғрисида" деган сўзлар "Нобанк кредит ташкилотлари ва микромолиялаштириш фаолияти тўғрисида" деган сўзлар билан алмаштирилсин.

2. 2-банднинг иккинчи хатбошиси қуйидаги таҳрирда баён этилсин:

"нобанк кредит ташкилотлари - банклар томонидан амалга ошириладиган айрим молиявий операцияларнинг Ўзбекистон Республикасининг "Нобанк кредит ташкилотлари ва микромолиялаштириш фаолияти тўғрисида"ги Қонунида рухсат этилган мажмуини амалга оширувчи кредит ташкилотлари (микромолия ташкилоти, ломбард ва ипотекани қайта молиялаштириш ташкилоти);".

3. 21-банднинг "а" кичик бандида:

олтинчи хатбоши қуйидаги таҳрирда баён этилсин:

"мижоз қонун ҳужжатларига мувофиқ кредитлар, микрокредитлар, микроқарзлар, исломий молиялаштиришга оид хизматларни олиш учун мурожаат қилганда;";

саккизинчи хатбоши қуйидаги таҳрирда баён этилсин:

"мижоз микромолия ташкилоти лизинг берувчи сифатида иштирок этадиган лизинг олиш учун мурожаат қилганида;";

ўнинчи хатбоши қуйидаги таҳрирда баён этилсин:

"фуқаролардан шахсий истеъмолга мўлжалланган кўчар мол-мулкни (ашёни) вақтинчалик сақлаш учун қабул қилишда;";

қуйидаги мазмундаги ўн биринчи хатбоши билан тўлдирилсин:

"кафолатлар беришда;".

4. 26-банднинг биринчи ва иккинчи хатбошиларидаги "паспорт ёки унинг ўрнини босадиган ҳужжат" деган сўзлар "паспорт ёки идентификацияловчи ID-карта ёхуд уларнинг ўрнини босадиган бошқа ҳужжат" деган сўзлар билан алмаштирилсин.

5. 54-банддаги "рўйхат рақами 2833, 2016 йил 11 октябрь" деган сўзлар "рўйхат рақами 3327, 2021 йил 19 октябрь" деган сўзлар билан алмаштирилсин.

6. 1-илованинг 5-бандидаги "Паспорт ёки унинг ўрнини босадиган ҳужжат" деган сўзлар "Паспорт ёки идентификацияловчи ID-карта ёхуд уларнинг ўрнини босадиган бошқа ҳужжат" деган сўзлар билан алмаштирилсин.

Қонун ҳужжатлари маълумотлари миллий базаси (www.lex.uz),

2022 йил 24 июнь