Электрон ҳужжат айланиши (ЭҲА) – “қоғозсиз иш юритиш” тартибини амалга оширадиган электрон ҳужжатларни қайта ишлашнинг автоматлаштирилган жараёнлар тизими. Бундай тизим, биринчи навбатда, иш вақтидан фойдаланиш самарадорлиги ошириши ва ҳужжатларни қўлда қайта ишлаш харажатларини минималлаштириши билан қулайдир. Аммо шу билан бирга, дастурий таъминот маҳсулотини сотиб олиш ва дастурни аниқ бир корхонага мослаштириш учун мутахассисларни таклиф қилишга моддий харажатлар талаб этилди.
Корхонанинг иш юритишини оптималлаштириш электрон ҳужжат айланишига ўтишни назарда тутади. Ушбу ўтиш тез амалга оширилмагани маъқул. Ходимларга дастурий таъминотдан қандай фойдаланишни ўрганиш учун вақт керак бўлади. ЭҲАга тўлиқ ўтишнинг қийинлиги шундаки, фақат электрон шаклда юритилиши керак бўлган ҳужжатларнинг аниқ ва тўлиқ рўйхати қонуний равишда белгиланмаган. Кўпинча ушбу муаммони мустақил равишда ҳал қилиш керак бўлади. Бошқа томондан, кадр ва бухгалтерия хизмати ходимлари электрон ҳужжат айланишига ўтишга шошилишмаяпти, чунки бу одатий ҳол эмас. Тажрибали ходимлар электр қуввати узилиб қолса корхона фалажлигига сабаб бўлувчи ҳамма ҳужжатлар бир вақтнинг ўзида йўқ бўлиб кетишидан қўрқишади, агар. Бунинг асосий сабаби шундаки, эски усулда ишлашга одатланган кекса авлод ходимлари янги нарсаларни ўрганишни хоҳлашмайди.
Эътибор беринг!
Электрон ҳужжат электрон шаклда қайд этилган, электрон рақамли имзо билан тасдиқланган ва электрон ҳужжатнинг уни идентификация қилиш имконини берувчи бошқа реквизитларига эга бўлган маълумотлардир.
Электрон ҳужжат қоғоздаги ҳужжатга тенглаштирилади ва у билан бир хил юридик кучга эга (2004 йил 29 апрелдаги 611-II-сонли Қонуннинг 5, 7-м.).
78-150-11-72 
info@norma.uz
Мобильная версия сайта