ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Иқтисодиётнинг айрим соҳалари / Ёқилғи-энергетика комплекси / Умумий қоидалар /Ўзбекистон Республикаси Вазирлар Маҳкамасининг 30.06.2022 й. 348-сон "Ёқилғи-энергетика ресурслари таъминотида бозор механизмларини жорий этиш тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
30.06.2022 й.
N 348
ЁҚИЛҒИ-ЭНЕРГЕТИКА РЕСУРСЛАРИ
ТАЪМИНОТИДА БОЗОР МЕХАНИЗМЛАРИНИ
ЖОРИЙ ЭТИШ ТЎҒРИСИДА
Аҳоли, иқтисодиёт тармоқлари ва тадбиркорлик субъектларини ишончли тарзда ёқилғи-энергетика ресурслари билан таъминлаш учун молиявий-иқтисодий шарт-шароитлар яратиш, нарх шаклланишини босқичма-босқич бозор тамойилларига ўтказиш ва бунда аҳолининг ижтимоий ҳимояга муҳтож қатламларининг манфаатларини ҳисобга олиш ва энергетика соҳасидаги лойиҳаларга хусусий инвестицияларни жалб этиш учун шарт-шароитлар яратиш мақсадида Вазирлар Маҳкамаси ҚАРОР ҚИЛАДИ:
1. Ёқилғи-энергетика ресурсларининг 2022 йил 15 июль ҳамда 2023 йил 1 апрелдан кучга кирадиган янги нархлари 1-иловага мувофиқ тасдиқлансин.
2. Шундай тартиб ўрнатилсинки, унга мувофиқ:
2023 йил 1 апрелдан белгиланадиган ёқилғи-энгергетика ресурсларининг нархлари 2024 ва 2025 йилларда фақат йиллик инфляция даражаси миқдорида индексация қилиб борилади;
2026 йилдан бошлаб табиий газ, электр энергияси ва суюлтирилган газнинг улгуржи бозорига ўтилади ҳамда нархлар эркин шаклланади.
3. Ўзбекистон Республикаси Энергетика вазирлиги ушбу қарорга мувофиқ ёқилғи-энергетика ресурсларининг жорий этилаётган янги нархларини барча манфаатдор вазирликлар, идоралар, юридик ва жисмоний шахсларга етказсин.
4. Ўзбекистон Республикаси Ҳукуматининг 2-иловага мувофиқ айрим қарорларига ўзгартиришлар киритилсин ва 2022 йил 15 июлдан бошлаб кучга киритилсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари - иқтисодий тараққиёт ва камбағалликни қисқартириш вазири Ж.А. Қўчқоров ва Ўзбекистон Республикаси энергетика вазирининг биринчи ўринбосари А.И. Ахмедхаджаев зиммасига юклансин.
Ўзбекистон Республикасининг Бош вазири А. Арипов
2022 йил 30 июндаги
343-сон қарорига
1-ИЛОВА
Ёқилғи-энергетика ресурсларининг 2022 йил 15 июль
ҳамда 2023 йил 1 апрелдан кучга кирадиган янги
НАРХЛАРИ
Т/р |
Номи |
Ўлчов бирлиги |
Бир ўлчов бирлиги учун нархлар (ҚҚС ҳисобга олинган ҳолда сўм) |
|
2022 йил 15 июлдан |
2023 йил 1 апрелдан |
|||
1. |
Электр энергияси |
|||
1.1. |
Истеъмолчиларнинг I ва II гуруҳлари: |
|||
1.1.1. |
"Олмалиқ кон-металлургия комбинати" АЖ, "Навоий кон-металлургия комбинати" АЖ ва бюджет ташкилотлари, шунингдек, давлат бюджетидан молиялаштириладиган насос станциялари учун |
кВт соат |
800 |
850 |
1.1.2. |
қолган истеъмолчилар учун |
600 |
700 |
|
1.2. |
Истеъмолчиларнинг III гуруҳи, шу жумладан, аҳоли: |
|||
1.2.1. |
овқат тайёрлаш учун марказлашган ҳолда электр плиталари билан жиҳозланган кўп квартирали уй-жойлар ва ётоқхоналарда яшайдиган маиший истеъмолчилар учун: |
кВт соат |
147,5 |
|
1.2.2. |
қолган маиший истеъмолчилар учун: |
295 |
||
1.3. |
Истеъмолчиларнинг IV гуруҳи |
кВт соат |
600 |
700 |
1.4. |
Ўзбекистон Республикаси Президентининг 2017 йил 8 ноябрдаги ПҚ-3379-сон қарори билан тасдиқланган рўйхат бўйича маҳсулотлар ишлаб чиқарувчи ва айрим хизматлар кўрсатувчи истеъмолчилар учун |
кВт соат |
600 |
700 |
2. |
Табиий газ |
|||
2.1. |
Коммунал-маиший истеъмолчилар, шу жумладан аҳолига, газни ҳисобга олиш ускуналари мавжуд бўлганда: |
куб м |
380 |
|
2.2. |
Табиий газни ҳисобга олиш ускуналари мавжуд бўлмаганда коммунал-маиший эҳтиёжлар учун аҳолига: |
|||
2.2.1. |
овқат тайёрлаш ва иссиқ сув таъминоти учун |
куб м |
660 |
|
2.2.2. |
иситиш учун |
куб м |
380 |
|
2.3. |
Автомобилларни газ билан тўлдириш компрессор станцияларига (шу жумладан, балансида автомобилларни газ билан тўлдириш компрессор станциялари бўлган юридик шахсларга) |
куб м |
1 150 |
1 350 |
2.4. |
Иссиқлик электр станциялари ва электр энергияси ягона харид қилувчисига |
куб м |
1 000 |
1 200 |
2.5. |
"Олмалиқ кон-металлургия комбинати" АЖ, "Навоий кон-металлургия комбинати" АЖ ва бюджет ташкилотлари учун |
куб м |
1 300 |
1 350 |
2.6. |
Бошқа юридик истеъмолчилар, шу жумладан, Ўзбекистон Республикаси Президентининг 2017 йил 8 ноябрдаги ПҚ-3379-сон қарори билан тасдиқланган рўйхат бўйича маҳсулот ишлаб чиқарувчи ва айрим хизматлар кўрсатувчи истеъмолчилар учун |
куб м |
1 100 |
1 350 |
3. |
Маиший эҳтиёжлар учун аҳолига сотиладиган суюлтирилган газ |
кг |
1 120 |
|
2022 йил 30 июндаги
348-сон қарорига
2-ИЛОВА
Ўзбекистон Республикаси Ҳукуматининг айрим
қарорларига киритилаётган ўзгартиришлар
1. Вазирлар Маҳкамасининг 2018 йил 30 мартдаги 249-сон қарори билан тасдиқланган Нархлари (тарифлари) давлат томонидан тартибга солинадиган ижтимоий аҳамиятли товарлар (хизматлар) ва уларнинг стратегик турлари рўйхатида:
а) 5-банд қуйидаги таҳрирда баён этилсин:
"5. Турмушда истеъмол қилинадиган суюлтирилган газ, "UzGasTrade" АЖ ҳамда "Ҳудудгазтаъминот" АЖ ва (ёки) унинг ҳудудий бўлинмалари орқали сотиладиган табиий газ";
б) 6 ва 7-бандлар ўз кучини йўқотган деб ҳисоблансин.
2. Вазирлар Маҳкамасииинг "Ёқилғи-энергетика ресурсларининг нарх ва тарифларини босқичма-босқич ўзгартириш тўғрисида" 2018 йил 1 ноябрдаги 897-сон қарорининг 3-банди ўз кучини йўқотган деб ҳисоблансин.
3. Вазирлар Маҳкамасининг "Ёқилғи-энергетика ресурсларининг нархлари ва тарифларини ўзгартириш тўғрисида" 2019 йил 30 июлдаги 633-сон қарорида:
а) 1-банд ўз кучини йўқотган деб ҳисоблансин;
б) 2-банд қуйидаги таҳрирда баён этилсин:
"2. 2019 йил 15 августдан бошлаб Аи-91 маркали автомобиль бензини биржа савдолари орқали сотиладиган тартиб белгилансин.
2022 йил 15 июлдан бошлаб қонунчилик ҳужжатларида белгиланган айрим тоифадаги шахсларга автомобиль бензини харид қилиш билан боғлиқ харажатларнинг бир қисмини қоплаш учун ҳар ойлик компенсация миқдори ҳар чоракда "Ўзбекнефтгаз" АЖнинг автомобилларга ёқилғи қуйиш шохобчалари орқали ҳисобот давридан олдинги чоракнинг ўртача сотиш нархидан келиб чиқиб Вазирлар Маҳкамаси ҳузуридаги Идоралараро тариф комиссияси томонидан белгиланиши назарда тутилсин.";
в) 1-илова ўз кучини йўқотган деб ҳисоблансин.
Қонун ҳужжатлари маълумотлари миллий базаси (www.lex.uz),
2022 йил 1 июль
78-150-11-72 
Мобильная версия сайта