Вход / Регистрация

Ваш аккаунт подтвержден!

Теперь вы можете выбрать:

Тарифы

Активные тарифы

Тарифы	Истекает

Ошибка авторизации

Неверный логин или пароль

Забыли пароль?

ВСЕ ЗАКОНОДАТЕЛЬСТВО УЗБЕКИСТАНА

ЎзР Конунчилиги / Таълим. Фан. Маданият / Таълим / Алоҳида ўқув юртларини ташкил этиш ва уларнинг фаолияти / Олий таълим / Жаҳон иқтисодиёти ва дипломатия университети /

Ўзбекистон Республикаси Президентининг 23.07.2022 й. ПҚ-330-сон "Жаҳон иқтисодиёти ва дипломатия университети фаолиятини тизимли ислоҳ қилиш чора-тадбирлари тўғрисида"ги Қарори

Функция недоступна

Данная функция доступно только для клиентов (пользователей)

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

23.07.2022 й.

N ПҚ-330

ЖАҲОН ИҚТИСОДИЁТИ

ВА ДИПЛОМАТИЯ УНИВЕРСИТЕТИ

ФАОЛИЯТИНИ ТИЗИМЛИ ИСЛОҲ ҚИЛИШ

ЧОРА-ТАДБИРЛАРИ ТЎҒРИСИДА

Дипломатик кадрлар ҳамда мамлакат ташқи сиёсий ва ташқи иқтисодий фаолиятининг илмий-тадқиқот таъминотини кучайтириш, дипломатик кадрларни танлаш, тайёрлаш, қайта тайёрлаш, малакасини ошириш ва уларнинг захирасини яратиш тизимини янада такомиллаштириш мақсадида:

1. Ташқи ишлар вазирлиги ҳамда Олий ва ўрта махсус таълим вазирлигининг Жаҳон иқтисодиёти ва дипломатия университети (кейинги ўринларда - Университет) фаолиятини янада ривожлантиришга қаратилган қуйидаги таклифлари маъқуллансин:

а).2022/2023 ўқув йилидан бошлаб қуйидагиларни назарда тутувчи янги авлод олий таълим муассасаси - "Смарт Университет" концепцияси асосида Университет фаолиятини трансформация қилиш:

Университетда академик фаолиятни илмий-таҳлилий йўналтирилганлик ва академик яхлитлик таълим технологиялари ҳамда уларни таъминловчи дастурий-аппарат комплекси асосида, шу жумладан антиплагиат тизимини жорий этган ҳолда ташкил этиш;

талабаларда билимни мустақил шакллантириш, тизимли таҳлил қилиш, ижодий фикрлаш кўникмаларини ривожлантириш мақсадида таълимни рақамли технологиялар асосида индивидуаллаштириш, ўқув дастурлари ва улар контентларининг рақамлаштирилган шакллари, жумладан дарсликлар, илмий-тадқиқот ишлари, мақолалар, тақдимотлар, мультимедиа таълим маҳсулотлари, маърузаларнинг аудио ва видео ёзувларини ўз ичига олувчи махсус платформани жорий этиш;

талабалар учун бакалавриат ва магистратуранинг барча босқичларида индивидуал таълим траекториясини ишлаб чиқиш, ўқув режа ва дастурларида, шу жумладан фанлар кетма-кетлиги асосида ўқитишни назарда тутиш;

ахборот ресурс марказлари фондларини электрон шаклга ўтказиш, дунёнинг нуфузли илмий маълумот базаларига уланиш, назорат ишлари, магистрлик ва докторлик диссертациялари ҳамда бошқа ресурслардан иборат илмий-техник маълумотлар электрон базасини яратиш;

ўқув ва илмий жараёнларни бошқариш, талабаларнинг дарсдан ташқари вақтларини мазмунли ташкил этиш, шунингдек, барча ҳужжатлар айланмасини рақамлаштириш;

б) 2022/2023 ўқув йилидан бошлаб мунтазам равишда илғор маркетинг стратегияси асосида Университет брендини янада оммалаштириш, унда олиб борилаётган академик, илмий ва маърифий жараёнларни миллий ва халқаро майдонда кенг тарғиб этиш;

в).2025 йилга қадар Университетни халқаро эътироф этилган ташкилотларнинг (Quacquarelli Symonds World University Rankings ёки Times Нigher Education) (кейинги ўринларда - халқаро эътироф этилган ташкилотлар) соҳавий, минтақавий ёхуд тематик рейтингларига киритилишига эришиш.

2. Университет (С. Сафоев) манфаатдор вазирлик ва идоралар билан биргаликда Университет фаолиятини трансформация қилиш мақсадида қуйидагиларни амалга оширсин:

а) ҳар йили:

халқаро эътироф этилган ташкилотлар рейтингининг биринчи 1 000 талик рўйхатига кирган олий таълим муассасаларининг 10-20 нафар профессор-ўқитувчилари Университетнинг ўқув ва илмий жараёнига жалб қилинишини таъминлаш;

Университетнинг камида 10 нафар профессор-ўқитувчилари, докторантлари ва магистрантларини хорижий давлатларнинг етакчи таълим муассасаларига илмий стажировка ва малака ошириш учун, шунингдек, талабалар алмашинуви дастурлари асосида таҳсил олиш учун юбориш;

б) 2025 йил 1 январга қадар:

Университет журналини Scopus халқаро илмий-техник маълумотлар базасига киритиш чораларини кўриш;

Университет илмий салоҳиятининг 60 фоизга етказилишини таъминлаш;

халқаро эътироф этилган ташкилотлар рейтингининг биринчи 500 талик рўйхатига кирган олий таълим муассасалари билан ҳамкорликда камида 4 та қўшма таълим дастурларини амалга ошириш;

камида 2 та бакалавриат таълим йўналишлари ва камида 3 та магистратура мутахассисликларини халқаро эътироф этилган ташкилотлар аккредитациясидан ўтказиш.

3. Университетга:

халқаро муносабатлар, жаҳон ва минтақа тараққиётининг сиёсий муаммолари, жаҳон иқтисодиёти, халқаро ҳуқуқ ихтисосликлари бўйича илмий даражалар берувчи илмий кенгашлар тузиш ва уларнинг таркибини тасдиқлаш ҳамда мазкур илмий кенгашларга талабгорларни илмий даражаларда мустақил тасдиқлаш бўйича қарорлар қабул қилиш;

профессор-ўқитувчиларига илмий унвонларни бериш ҳамда уларни ишга қабул қилишда академик мустақиллик негизида берилган илмий унвонлар ва илмий даражаларни тан олиш ваколати берилсин.

4. Университет ҳамда Олий ва ўрта махсус таълим вазирлигининг 2022/2023 ўқув йили иккинчи семестрида Самарқанд давлат университети, Тошкент давлат иқтисодиёт университети, Тошкент давлат шарқшунослик университети ҳамда Тошкент давлат юридик университети билан Университет ўртасида талабалар алмашинувини назарда тутувчи ички академик мобиллик дастурлари асосида таълим олиш истагини билдирган талабалар учун бир семестр мос таълим йўналишлари бўйича ўқитишни ташкил этиш тўғрисидаги таклифи маъқуллансин.

5. Ташқи ишлар вазирлиги:

Олий ва ўрта махсус таълим вазирлиги билан биргаликда Университет талабаларини улар амалиёт ўташи учун етакчи корхона ва ташкилотлар, жумладан халқаро фаолиятга жалб этилган вазирлик ва идоралар бўлинмалари, ҳуқуқий ёки консалтинг, таълим ва бошқа хизмат кўрсатувчи ташкилотлар, туризм объектларига бириктириш ҳамда юқори курс талабаларини банд қилиш чораларини кўрсин;

Инвестициялар ва ташқи савдо вазирлиги билан биргаликда 2022/2023 ўқув йилидан бошлаб Университетнинг иқтидорли талабалари ишлаб чиқариш амалиётини ўташ учун Ўзбекистон Республикасининг хориждаги дипломатик ваколатхоналарига юборилишини таъминласин.

6. Қуйидагилар:

2022-2025 йилларда Жаҳон иқтисодиёти ва дипломатия университетини трансформация қилиш ва комплекс ривожлантириш дастури 1-иловага мувофиқ;

2022-2023 йилларда Жаҳон иқтисодиёти ва дипломатия университетининг моддий-техника базасини модернизация қилиш дастури 2-иловага мувофиқ;

2022-2026 йилларда Жаҳон иқтисодиёти ва дипломатия университетини ривожлантиришнинг мақсадли кўрсаткичлари 3-иловага мувофиқ;

Жаҳон иқтисодиёти ва дипломатия университети кафедраларини Ўзбекистон Республикасининг хориждаги дипломатик ваколатхоналарига бириктириш рўйхати 4-иловага мувофиқ тасдиқлансин.

7. Университет ҳузуридаги Олий дипломатия мактаби негизида Дипломатик академия (кейинги ўринларда - Дипломатик академия) ташкил этилсин ва қуйидагилар унинг устувор вазифалари этиб белгилансин:

Ўзбекистон Республикаси миллий манфаатларидан келиб чиққан ҳолда дипломатик кадрлар, жумладан юқори бўғин дипломатларини (элчи ва маслаҳатчиларни) тизимли равишда тайёрлаш;

давлат бошқаруви тизими ва маҳаллий ҳокимият органи ходимлари сафидан муносиб номзодларни танлаб олиш, тайёрлаш ҳамда дипломатик раҳбар ходимлар (элчи, бош консул ва маслаҳатчилар) захирасини яратиш;

камида 3 йиллик иш тажрибасига эга бўлган ходимларни тор магистратура мутахассисликлари бўйича ўқитиш;

Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар, шунингдек, туман (шаҳар) ҳокимларининг инвестициялар ва ташқи савдо масалалари бўйича ўринбосарлари, ташқи сиёсий, ташқи иқтисодий ва халқаро-ҳуқуқий фаолият соҳасидаги мутахассислар ҳамда ходимларни қисқа ва узоқ муддатли ўқув курсларида тўлов-шартнома асосида, шу жумладан масофавий тарзда қайта тайёрлаш ва уларнинг малакасини ошириш;

Ташқи ишлар вазирлиги буюртмасига мувофиқ хорижга узоқ муддатли сафарга чиқиб кетаётган ходимлар, шу жумладан маъмурий-техник ходимлар ва уларнинг оила аъзолари учун мезбон мамлакатнинг ўзига хосликлари, дипломатик протокол ва этикет хусусиятлари, чет элда яшаш ҳамда маҳаллий аҳоли билан мулоқот қоидалари кабилар билан таништиришга қаратилган қисқа муддатли курслар ташкил қилиш;

етакчи хорижий таълим муассасалари билан биргаликда магистратура ва олий таълимдан кейинги таълим бўйича қўшма таълим дастурларини жорий қилиш;

дипломатик фаолиятни илмий-методик жиҳатдан таъминлаш, халқаро муносабатларнинг долзарб муаммолари юзасидан тизимли асосда илмий-тадқиқот дастурлари ва лойиҳаларни, шу жумладан миллий, хорижий ва халқаро грантларни жалб қилган ҳолда амалга ошириш;

республика олий таълим муассасаларининг профессор-ўқитувчилари учун Университет таълим йўналишларига мос бўлган доимий фаолият юритувчи қайта тайёрлаш ва малака ошириш курсларини ташкил қилиш;

таълим жараёнига замонавий педагогик ва ахборот-коммуникация технологияларини, масофавий таълимни кенг жорий этиш;

дипломатик кадрлар тайёрлаш, қайта тайёрлаш ва малакасини ошириш билан шуғулланадиган етакчи хорижий таълим ташкилотлари билан узоқ муддатли ҳамкорликни йўлга қўйиш ва қўшма лойиҳаларни амалга ошириш.

Белгилансинки, 2023 йил 1 январдан бошлаб рўйхати 5-иловада келтирилган лавозимларга Дипломатик академиянинг ўқув курсларини тамомлаган номзодлар тайинланади.

8. Дипломатик академия Университет Кузатув кенгаши билан келишган ҳолда:

касбий стандартлар асосида ишлаб чиқилган ва тасдиқланган малака талаблари, ўқув режалари ва ўқув дастурлари, шунингдек, илғор хорижий тажриба ва ўқув жараёнининг амалиёт билан қўшиб олиб борилишини ҳисобга олувчи баҳолаш тизими бўйича ўқитишни ташкил этиш;

тўлов-контракт ва бюджетдан ташқари маблағлар ҳисобидан моддий-техника базасини мустаҳкамлаш, шартнома асосида мутахассисларни таклиф қилиш, Дипломатик академия ходимларини моддий рағбатлантириш;

шартнома асосида консалтинг ва эксперт-аналитик хизматлар кўрсатиш чораларини кўрсин.

9. Белгилансинки:

а).Университет ректорига Кузатув кенгаши билан келишган ҳолда ходимларнинг белгиланган сони ва меҳнатга ҳақ тўлаш жамғармаси доирасида Дипломатик академия ташкилий тузилмасига ўзгартиришлар киритиш ҳуқуқи берилади;

б) Дипломатик академия:

ходимларига республика олий таълим муассасаларида тегишли лавозимлар учун кўзда тутилган меҳнатга ҳақ тўлаш миқдори ва шартлари татбиқ қилинади;

Олий дипломатия мактабининг ҳуқуқ, мажбурият ва шартномалари бўйича ҳуқуқий вориси ҳисобланади;

фаолияти Давлат бюджети маблағлари, Университет ажратмалари, шартнома асосидаги хизматлардан тушган маблағлар, илмий-тадқиқот дастурлари учун ажратилган грантлар, шунингдек, қонунчилик ҳужжатлари билан тақиқланмаган бошқа манбалар ҳисобидан молиялаштирилади.

10. Жаҳон иқтисодиёти ва дипломатия университети ҳузуридаги Дипломатик академиянинг тузилмаси 6-иловага мувофиқ тасдиқлансин.

11. Университетни халқаро ва минтақавий тадқиқотлар йўналишида мамлакатнинг етакчи муассасасига айлантириш мақсадида Университет тузилмасидаги Халқаро иқтисодий ва сиёсий тадқиқотлар маркази ҳамда Халқаро-ҳуқуқий тадқиқотлар ва қиёсий оммавий ҳуқуқ маркази негизида юридик шахс мақомига эга бўлган Жаҳон иқтисодиёти ва дипломатия университети ҳузуридаги Истиқболли халқаро тадқиқотлар институти (кейинги ўринларда - Институт) ташкил этилсин ҳамда қуйидагилар унинг асосий вазифалари этиб белгилансин:

мамлакат ташқи сиёсий ва ташқи иқтисодий фаолиятини тизимли равишда илмий-методологик ҳамда ахборот-таҳлилий жиҳатдан таъминлаб бориш;

Ўзбекистон Республикасининг ташқи сиёсий ва ташқи иқтисодий манфаатларини илгари суришда муҳим аҳамиятга эга бўлган халқаро муносабатлар, жаҳон иқтисодиёти, халқаро ҳуқуқ, минтақашунослик ва мамлакатшуносликнинг долзарб муаммоларини фанлараро асосда ўрганиш;

ҳозирги замон жаҳон сиёсати ва иқтисодиётининг долзарб муаммоларини тадқиқ қилиш бўйича мамлакат бошқарув органлари ўзларининг халқаро фаолиятларида фойдаланишлари учун тегишли ахборот-таҳлилий ва прогноз ҳужжатлар ҳамда тавсиялар тайёрлаш;

Афғонистон ва Жанубий Осиё, Осиё-Тинч океани минтақаси, Европа ва Американи ўрганиш, ҳозирги глобал тараққиёт, барқарор ривожланиш муаммолари, энергетик геосиёсат, иқтисодий дипломатия, халқаро-ҳуқуқ масалалари бўйича фундаментал ва амалий тадқиқотлар олиб бориш, конфликтология масалаларини ўрганиш.

12. Ташқи ишлар вазирлигининг Жаҳон иқтисодиёти ва дипломатия университети ҳузурида юридик шахс мақомига эга бўлган давлат муассасаси шаклидаги "Халқаро муносабатлар: сиёсат, иқтисодиёт, ҳуқуқ" журнали таҳририятини (кейинги ўринларда - Таҳририят) ташкил этиш тўғрисидаги таклифига розилик берилсин.

Университет (С. Сафоев) журнални етакчи хорижий ва маҳаллий олимларнинг Ўзбекистон манфаатларига мос замонавий халқаро-сиёсий, ҳуқуқий ва иқтисодий муаммоларга бағишланган мақолаларини жамловчи ва чоп этувчи ихтисослашган нуфузли илмий нашр даражасига олиб чиқишни таъминласин.

Вазирлар Маҳкамаси икки ҳафта муддатда Институт ҳамда Таҳририят фаолиятини йўлга қўйиш тўғрисида Ҳукумат қарорини қабул қилсин.

13. Белгилансинки, Дипломатик академия, Институт ҳамда Таҳририят раҳбарлари Университет ректори томонидан Кузатув кенгаши билан келишилган ҳолда лавозимга тайинланади ва лавозимидан озод этилади.

14. Мамлакат ташқи сиёсий ва ташқи иқтисодий фаолияти ҳамда халқаро ҳуқуқ соҳалари учун иқтидорли ёшларни саралаб олиш, малакали мутахассислар тайёрлашга қаратилган миллий таълим тизимининг узлуксизлиги ва изчиллигини таъминлаш мақсадида 2022/2023 ўқув йилидан бошлаб Университетга қуйидаги қўшимча ваколатлар берилсин:

Университет ҳузуридаги академик лицейнинг (кейинги ўринларда - Академик лицей) ўқув-услубий жараёнини мувофиқлаштириш, унинг тузилмаси, ўқув режалари ва дастурларини ишлаб чиқиш ва тасдиқлаш, қабул параметрлари ва таълим йўналишларини белгилаш;

Академик лицей педагог ходимларининг меҳнатини меъёрлаштириш;

Академик лицейда факультатив машғулотлар ўтказишни аутсорсинг шартларида ташкил этиш.

Вазирлар Маҳкамаси бир ой муддатда Академик лицейнинг моддий-техника базасини мустаҳкамлашга оид Ҳукумат қарорини қабул қилсин.

15. Ташқи ишлар вазирлиги Олий ва ўрта махсус таълим вазирлиги ҳамда Адлия вазирлиги билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

16. Мазкур қарор ижросини самарали ташкил қилишга масъул ва шахсий жавобгар этиб ташқи ишлар вазири в.б. В.И. Норов ҳамда олий ва ўрта махсус таълим вазири А.Ҳ. Тошқулов белгилансин.

Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти маслаҳатчиси А.А. Абдувахитов зиммасига юклансин.

Ўзбекистон Республикаси Президенти Ш. Мирзиёев

Ўзбекистон Республикаси

Президентининг

2022 йил 23 июлдаги

ПҚ-330-сон қарорига

1-ИЛОВА

2022-2025 йилларда Жаҳон иқтисодиёти

ва дипломатия университетини трансформация

қилиш ва комплекс ривожлантириш

ДАСТУРИ

Т/р	Чора-тадбирлар номи	Амалга ошириш механизми	Ижро муддати	Молиялаштириш манбалари	Масъуллар
I. УНИВЕРСИТЕТНИ ТРАНСФОРМАЦИЯ ҚИЛИШ ЧОРА-ТАДБИРЛАРИ
1.	Университетни узоқ ва ўрта муддатли стратегик ривожлантириш дастурини ишлаб чиқиш.	1. Стратегик ривожлантириш дастури лойиҳасини ишлаб чиқиш ҳамда хорижлик ва ватандош экспертлар муҳокамасидан ўтказиш.	2022 йил август- сентябрь	Университетнинг бюджетдан ташқари маблағлари	Университет Кузатув кенгаши (В.Норов), Университет (С.Сафоев)
		2. Ишлаб чиқилган дастур лойиҳасини Университетнинг Кузатув кенгаши қарори билан тасдиқлаш.	2022 йил сентябрь
2.	Университет Трансформация офисини ташкил этиш.	1. Трансформация офиси низоми ва штатлар жадвалини ишлаб чиқиш.	2022 йил сентябрь	Университетнинг бюджетдан ташқари маблағлари	Университет Кузатув кенгаши (В.Норов), Университет (С.Сафоев)
		2. Трансформация офиси раҳбари лавозимига номзодни халқаро муносабатлар, жаҳон иқтисодиёти ва дипломатия соҳасида юқори тажрибага эга бўлган, Ўзбекистон Республикасининг манфаатларини хорижда илгари сурган тажрибали, юқори бўғин дипломатлари орасидан кўрсатиш.	2022 йил октябрь
		3. Офис раҳбари маслаҳатчиси лавозимига номзодни ривожланган хорижий давлатлар нуфузли олий таълим муассасаларида иш тажрибасига эга бўлган соҳа кадрлари орасидан кўрсатиш.	2022 йил октябрь
3.	Университетни халқаро эътироф этилган ташкилотларнинг соҳавий, минтақавий ёхуд тематик рейтингларидаги олий таълим муассасалари рўйхатига киритилишига эришиш бўйича тизимли ва самарали ишларни олиб бориш.	1. Университетнинг халқаро рейтингдаги ўрнини ошириш мақсадида унинг фаолиятини таҳлил қилиш.	2022 йил сентябрь	Университетнинг бюджетдан ташқари маблағлари	Университет Кузатув кенгаши (В.Норов), Университет (С.Сафоев)
		2. Таҳлил натижасида Quacquarelli Symonds (QS) ва Times Higher Education (THE) халқаро рейтингларида иштирок этиш бўйича чора-тадбирлар режасини ишлаб чиқиш. 3. Чора-тадбирлар режасида белгиланган вазифалар самарадорлиги мониторингини юритиш.	Доимий
4.	Университетнинг халқаро миқёсда танилиши бўйича тарғибот тадбирларини ташкил этиш.	1. Университет фаолиятини тарғибот қилиш бўйича медиа-дастур ишлаб чиқиш.	Ҳар йили декабрь	Университетнинг бюджетдан ташқари маблағлари	Университет Кузатув кенгаши (В.Норов), Университет (С.Сафоев)
		2. Олий таълим бўйича халқаро кўргазмаларда иштирок этиш графигини ишлаб чиқиш.	Ҳар йили январь
		3. Тарғибот материаллари, шу жумладан видеороликлар, тарқатма материаллар ва тақдимотларни тайёрлаш.	Ҳар йили март
		4. Миллий ва хорижий оммавий ахборот воситалари, Интернет тармоғи ва бошқа воситалар орқали тарғибот ишларини тизимли равишда амалга ошириш.	Доимий
5.	Университетнинг молиявий ҳолатини яхшилаш имкониятларини кенгайтириш.	1. Таълим, илм-фан, унинг натижаларини тижоратлаштириш бўйича тижорат ва нотижорат ташкилотлар билан ҳамкорликни ташкил этиш.	Доимий	Университетнинг бюджетдан ташқари маблағлари	Университет Кузатув кенгаши (В.Норов), Университет (С.Сафоев)
		2. Университетнинг 2023 йилда кутилаётган даромадлари ва харажатлари тўғрисида прогноз кўрсаткичларини аниқлаш.	2022 йил октябрь
6.	Университет ҳузуридаги Олий дипломатия мактаби негизида Жаҳон иқтисодиёти ва дипломатия университети ҳузуридаги Дипломатик академияни ташкил этиш.	1. Дипломатик академия таъсис ҳужжатларини ишлаб чиқиш ва давлат рўйхатидан ўтказиш.	2022 йил август	Университетга ажратилган бюджет маблағлари доирасида	Университет (С.Сафоев)
		2. Дипломатик академия фаолиятини ташкил этиш бўйича комплекс дастур ишлаб чиқиш ва тасдиқлаш.	2022 йил август
		3. Маъмурий ва ўқув хоналарини замонавий равишда жиҳозлаш ва иш жараёнига тайёрлаш.	2022 йил сентябрь
		4. Тайинланиши учун Дипломатик академиянинг ўқув курсларини тамомлаш талаб этиладиган лавозимлар бўйича ўқитиш тартибини назарда тутувчи норматив-ҳуқуқий ҳужжат лойиҳасини ишлаб чиқиш ва Вазирлар Маҳкамасига киритиш.	2022 йил сентябрь
		5. Дипломатик академия штатлар жадвалини тасдиқлаш ва уни салоҳияти юқори, катта амалий тажрибага эга кадрлар, жумладан, хорижлик мутахассислар билан тўлдириш.	2022 йил октябрь
7.	Университетнинг Ёшлар билан ишлаш, маънавият ва маърифат бўлими негизида Беш муҳим ташаббус марказини ташкил этиш.	1. Марказ низоми, иш режасини ишлаб чиқиш ва тасдиқлаш. 2. Марказ штатлар жадвалини тузиш ҳамда соҳа мутахассисларини ишга қабул қилиш.	2022 йил август	Университетнинг бюджетдан ташқари маблағлари	Университет Кузатув кенгаши (В.Норов), Университет (С.Сафоев)
		3. Марказ томонидан: ҳаваскорлик театр студияси, миллий қўшиқ ва рақс ансамбли фаолиятини йўлга қўйиш; Университет спорт базаларида миллий спорт ўйинлари ва очиқ мусобақалар ўтказиш; IT саводхонлик мусобақаларини ташкил этиш; китобхонлик клубларини ташкил этиш, бадиий адабиётлар тақдимотларини йўлга қўйиш; оила ва соғлом турмушга оид семинар-тренинглар ўтказиб бориш.	Доимий
8.	Университетга хорижий талабаларни жалб этишни кенгайтириш.	1. Хорижий мамлакатлар меҳнат бозоридаги талабни доимий ўрганиш ва халқаро таълим кўргазмаларида иштирок этиш режасини ишлаб чиқиш.	2022 йил август	Университетнинг бюджетдан ташқари маблағлари	Университет (С.Сафоев)
		2. Аниқланган талабга мувофиқ хорижий фуқароларни тўлов-контракт асосида, шу жумладан, масофавий таълим шаклида қабул қилиш ва ўқитишни ташкил этиш.	2023/2024 ўқув йилидан бошлаб
9.	Университетда ёшлар ўртасида илмий-маданий ҳамкорликни йўлга қўйиш.	1. Ёзги мактабларни ташкил қилиш дастурини ишлаб чиқиш ва тасдиқлаш.	2022 йил сентябрь	Университетнинг бюджетдан ташқари маблағлари, ҳомийлик ва грант маблағлари	Университет (С.Сафоев)
		2. Ёзги мактаблар ташкил этилишига қаратилган халқаро лойиҳалар базасини шакллантириш ва уларда талаба ёшлар иштирокини таъминлаш. 3. Ёзги мактаблар фаолиятини республика миқёсида оммалаштириш.	Доимий
10.	Университет ва унинг ҳузуридаги академик лицей тузилмаси ва низомини илғор хорижий олий таълим муассасалари тажрибаси асосида қайта кўриб чиқиш.	1. Етакчи хорижий таълим муассасаларининг тузилмаси, бошқарув тизими ва низомларини ўрганиш.	2022 йил август	Университетнинг бюджетдан ташқари маблағлари	Университет Кузатув кенгаши (В Норов), Университет (С.Сафоев)
		2. Университет ва унинг ҳузуридаги Академик лицейнинг янгиланган низоми ва тузилмасини ишлаб чиқиш ва тасдиқлаш.	2022 йил сентябрь
II. УНИВЕРСИТЕТНИНГ ТАЪЛИМ ЖАРАЁНИНИ САМАРАЛИ ТАШКИЛ ҚИЛИШ
11.	Касб стандартлари асосида бакалавриат таълим йўналишлари ва магистратура мутахассисликлари кесимида малака талаблари, ўқув режа ва ўқув дастурларини ишлаб чиқиш ва тасдиқлаш .	1. Иш берувчи вазирлик ва идоралар билан биргаликда таълим йўналишлари ва мутахассисликлари кесимида касбга қуйиладиган талабларни шакллантириш.	2022 йил август	Университетнинг бюджетдан ташқари маблағлари	Университет Кузатув кенгаши (В.Норов), Университет (С.Сафоев), Таълим сифатини назорат қилиш давлат инспекцияси (У.Ташкенбаев)
		2. Касбий ва таълим талаблари уйғунлашган ҳолда таълим йўналишлари ва мутахассисликлари кесимида касб стандартини ишлаб чиқиш.	2022 йил август
		3. Касб стандартлари асосида таълим йўналишлари ва мутахассисликлари кесимида малака талаблари, ўқув режа ва ўқув дастурларини ишлаб чиқиш ва тасдиқлаш.	2022 йил август
12.	Университетда 2025 йилда илмий даражали ўқитувчилар сонини 60 фоизга етказиш.	1. Университетнинг бюджетдан ташқари маблағлари ҳисобига талабгорларни докторантурага қабул қилиш тартибини ишлаб чиқиш.	2022 йил август	Университетнинг бюджетдан ташқари маблағлари	Университет (С.Сафоев), Инновацион ривожланиш вазирлиги (И.Абдурахмонов)
		2. Талабгорларни таянч докторантура ва докторантурага Университетнинг бюджетдан ташқари маблағлари ҳисобига қўшимча қабул қилиш.	2022/2023 ўқув йилидан бошлаб
13.	Халқаро эътироф этилган ташкилотларнинг соҳавий, минтақавий ёхуд тематик рейтингларидаги олий таълим муассасалари рўйхатига кирган олий таълим муассасалари профессор-ўқитувчиларининг Университетдаги улушини ошириш.	1. Университетга жалб қилинган хорижий мутахассислар меҳнатига ҳақ тўлаш миқдорларини белгилаш тартибини тасдиқлаш.	2022 йил август	Университетнинг бюджетдан ташқари маблағлари, грант маблағлари	Университет Кузатув кенгаши (В.Норов), Университет (С.Сафоев)
		2. Халқаро эътироф этилган ташкилотларнинг соҳавий, минтақавий ёхуд тематик рейтингларидаги олий таълим муассасалари рўйхатига кирган олий таълим муассасалари профессор-ўқитувчиларини ўқув ва илмий жараёнга ҳар йили 10-20 нафардан жалб қилиш.	2022/2023 ўқув йилидан бошлаб
14.	Профессор-ўқитувчи ва илмий-педагог ходимларнинг касбий маҳоратини хорижий олий таълим муассасаларида ошириш.	1. Профессор-ўқитувчилар, докторантлар ва магистрантларни хорижий давлатларнинг етакчи таълим муассасаларида илмий стажировка ва малака оширишга юбориш бўйича танлов ўтказиш. 2. Ҳар йили 10 нафаргача танловдан муваффақиятли ўтганларни илмий стажировка ва малака оширишга юбориш.	Доимий	Университетнинг бюджетдан ташқари маблағлари, ҳомийлик ва грант маблағлари	Университет Кузатув кенгаши (В.Норов), Университет (С.Сафоев)
15.	Университет ўқув жараёнига жалб қилинадиган профессор-ўқитувчиларни ишга қабул қилиш тартибини соддалаштириш.	1. Университетга педагог ва бошқа ходимларни ишга қабул қилиш тартибини ишлаб чиқиш ва тасдиқлаш.	2022 йил август	Университетнинг бюджетдан ташқари маблағлари	Университет Кузатув кенгаши (В.Норов), Университет (С.Сафоев)
		2. Университет раҳбарияти, кафедралари ва таркибий бўлинмалари фаолияти самарадорлигини баҳолаш мезонлари (KPI) асосида рағбатлантириб бориш тизимини жорий этиш.	2022 йил август
16.	Хорижий давлатларнинг олий таълим муассасалари билан таълим олувчиларнинг академик алмашинувини ривожлантириш.	1. Халқаро тан олинган ташкилотларнинг соҳавий, минтақавий ёхуд тематик рейтингларидаги олий таълим муассасалари рўйхатига кирган хорижий олий таълим муассасалари билан ҳамкорликда қўшма таълим дастурларини амалга ошириш. 2. Қўшма таълим дастурлари асосида ташкил этилган таълим йўналишлари ва мутахассисликлари бўйича ўқув жараёнини тўлиқ хорижий тилларда ташкил этиш. 3. Хорижий тилни билиш бўйича халқаро ёки миллий сертификатга эга талабгорларни қўшма таълим дастурларига қабул қилинишини таъминлаш.	2022/2023 ўқув йилидан бошлаб	Университетнинг бюджетдан ташқари маблағлари, ҳомийлик ва грант маблағлари	Университет Кузатув кенгаши (В.Норов), Университет (С.Сафоев)
17.	Университет ўз грифи асосида дарсликлар ҳамда бошқа ўқув-илмий адабиётларни тайёрлаш ва нашр этиш.	1. Университетнинг ўқув адабиётлари таъминотини хатловдан ўтказиш ва янги адабиётларга талабни аниқлаш.	2022 йил август	Университетнинг бюджетдан ташқари маблағлари	Университет (С.Сафоев)
		2. Янгиланадиган адабиётлар рўйхатини тасдиқлаш ва уларни нашр қилиш режа-жадвалини ишлаб чиқиш.	2022 йил сентябрь
18.	Университетдаги таълим сифатини ички баҳолашда халқаро аккредитация ташкилотлари хизматларидан фойдаланиш.	1. Университетдаги таълим сифатини ички баҳолашга халқаро аккредитация ташкилотларини таклиф этиш.	2022 йил октябрь	Университетнинг бюджетдан ташқари маблағлари	Университет (С.Сафоев), Таълим сифатини назорат қилиш давлат инспекцияси (У.Ташкенбаев)
		2. Таълим йўналишлари ва магистратура мутахассисликларини босқичма-босқич аккредитациядан ўтказишга тайёрлаш. 3. Тизимли камчиликларни бартараф этиш бўйича чора-тадбирлар ишлаб чиқиш.	2022/2023 ўқув йилидан бошлаб
19.	Университет кафедраларининг ўқув, илмий ва инновацион фаолиятини тубдан такомиллаштириш.	1. Замонавий таълим йўналишларини инобатга олган ҳолда, Университет кафедраларининг илмий фаолиятини соҳа муаммоларининг ечимига йўналтириш мақсадида қайтадан ташкил этиш.	2022 йил август- сентябрь	Университетнинг бюджетдан ташқари маблағлари	Университет Кузатув кенгаши (В.Норов), Университет (С.Сафоев)
		2. Хорижий тажрибани ўрганган ҳолда Университет таркибида илм-фан натижаларини тижоратлаштириш билан боғлиқ таркибий тузилмалар ташкил қилиш.	2022 йил октябрь
20.	Ногиронлиги бўлган талабаларнинг ижтимоий мослашуви учун шароит яратиш ва инклюзив таълим ғояларини тарғиб қилиш.	1. Университетда таҳсил олувчи ногиронлиги бўлган талабалар билан ишларни тизимли ташкил этиш. 2. Инклюзив таълимни йўлга қўйиш чораларини кўриш.	Доимий	Университетга ажратилган бюджет маблағлари доирасида, Университетнинг бюджетдан ташқари маблағлари, ҳомийлик маблағлари	Университет (С.Сафоев), Олий ва ўрта махсус таълим вазирлиги (А.Тошқулов)
III. УНИВЕРСИТЕТНИНГ ИЛМИЙ-ТАДҚИҚОТ ВА ИННОВАЦИОН ФАОЛИЯТИНИ РИВОЖЛАНТИРИШ
21.	Университет ҳузуридаги Истиқболли халқаро тадқиқотлар институти фаолиятини йўлга қўйиш.	1. Институтнинг низоми ва штатлар жадвалини тасдиқлаш.	2022 йил август	Давлат бюджети маблағлари	Университет Кузатув кенгаши (В.Норов), Университет (С.Сафоев)
		2. Институтни илмий салоҳияти юқори, катта амалий тажрибага эга кадрлар, жумладан хорижлик мутахассислар билан тўлдириш.	2022 йил август- сентябрь
22.	Илмий-тадқиқот ва инновацион фаолиятнинг ахборот таъминоти тизимини жорий этиш, профессор-ўқитувчилар ва тадқиқотчиларнинг нашрий фаоллигини ошириш.	1. Университет ахборот-ресурс марказини барча етакчи илмий маълумотлар базаларига уланишини таъминлаш.	2023 йил сентябрь	Давлат бюджети маблағлари, Университетнинг бюджетдан ташқари маблағлари	Университет (С.Сафоев)
		2. Университет қошида чоп этиладиган журнални халқаро илмий-техник маълумотлар базаларига (Scopus, Web of Science) киритилишига эришиш.	2025 йил январь
23.	Университет магистратурасининг истиқболли битирувчилари ва профессор-ўқитувчиларини хориждаги етакчи таълим ва тадқиқот муассасаларида илмий ишлар олиб боришларини тизимли йўлга қўйиш.	1. Университет таълим ва илмий-тадқиқот йўналишларидан келиб чиқиб, етакчи хорижий университетлар ва илмий марказлар рўйхатини шакллантириш. 2. Хорижий университет ва илмий марказлар билан ҳамкорликни кенгайтириш ҳамда истиқболли қўшма илмий лойиҳаларни амалга ошириш. 3. Доимий равишда фаолият кўрсатувчи икки томонлама ва кўп томонлама илмий коллоквиумлар фаолиятини йўлга қўйиш.	2022 йил август	Университетнинг бюджетдан ташқари маблағлари, грант маблағлари	Университет (С.Сафоев)
		4. Университет вакилларининг хорижда докторантурада ўқишлари учун тўловлар ва шу билан боғлиқ харажатларини ўқишни тугатгандан сўнг Университетда камида беш йил узлуксиз ишлаш шарти асосида қоплаш.	Доимий
24.	Университетда олиб борилаётган илмий-тадқиқот ишлари ва инновацион фаолиятни тижоратлаштириш тизимини шакллантириш.	1. Илмий тадқиқотлар натижаларини тижоратлаштириш бўйича илғор хорижий тажрибаларни мақсадли ўрганиш ва таҳлил қилиш.	2022 йил август	Университетнинг бюджетдан ташқари маблағлари	Университет (С.Сафоев), Инновацион ривожланиш вазирлиги (И.Абдурахмонов), буюртмачи ташкилотлар
		2. Мавжуд эҳтиёжлардан келиб чиқиб, буюртма асосида амалга ошириладиган илмий-амалий тадқиқотлар йўналишларини белгилаш.	Доимий
25.	Университетнинг илмий тадқиқот фаолиятига бюджетдан ташқари маблағларни жалб этиш самарадорлигини ошириш.	1. Давлат грантлари ва хорижий грантлар танловига лойиҳалар тайёрлаш. 2. Грантларни жалб этган ўқитувчи ва ходимларни моддий рағбатлантириб бориш.	Доимий	Грант маблағлари, хўжалик шартномалари маблағлари	Университет (С.Сафоев), Инновацион ривожланиш вазирлиги (И.Абдурахмонов)
IV. УНИВЕРСИТЕТНИНГ ЎҚУВ РЕСУРСЛАРИНИ ТАКОМИЛЛАШТИРИШ ВА МОДДИЙ-ТЕХНИКА БАЗАСИНИ РИВОЖЛАНТИРИШ
26.	Университет ҳудудида талабалар учун мос контентга эга, қонунга зид бўлмаган 24 соат режимда фаолият юритадиган Интернет ва ахборот-ресурс базаларидан фойдаланиш ҳудудларини ташкил қилиш.	1. Лойиҳа-смета ҳужжатларини ўрнатилган тартибда экспертизадан ўтказиш.	2022 йил август- сентябрь	Университетга ажратилган бюджет маблағлари доирасида, Университетнинг бюджетдан ташқари маблағлари	Университет (С.Сафоев)
		2. Университетни 400 Мбит/с дан кам бўлмаган тезликдаги интернет тармоғига улаш ёки Университетнинг интернет тармоғи тезлигини 400 Мбит/с дан кам бўлмаган даражага кўтариш.	2022 йил сентябрь
		3. Университет ҳудудида бепул Wi-Fi зоналарини ташкил этиш.	2022 йил сентябрь
		4. Интернет ва мессенжерлардан фойдаланиш саводхонлиги тўгаракларини йўлга қўйиш, электрон дастурлар, мобил иловалар ва электрон кутубхоналарни жорий этиш.	2022/2023 ўқув йилидан бошлаб
27.	Кенг номенклатурадаги босма маҳсулотларни ишлаб чиқариш учун Университет босмахонасини тўлиқ циклдаги рақамли босма ускуналар билан жиҳозлаш.	1. Босмахона моддий-техника базаси учун зарур асбоб-ускуналар рўйхатини шакллантириш.	2022 йил август	Давлат бюджети маблағлари	Университет (С.Сафоев)
		2. Асбоб-ускуналарни харид қилиш учун тендер эълон қилиш. 3. Тендер натижасидан келиб чиқиб асбоб-ускуналарни сотиб олиш ва босмахонада жойлаштириш.	2022 йил август- сентябрь
28.	Университетнинг талабалар ва илмий кутубхоналари моддий-техник базасини мустаҳкамлаш.	1. Университет кутубхонаси фаолиятига автоматлашган RFID технологиясини татбиқ этиш.	2022 йил август- сентябрь	Давлат бюджети маблағлари	Университет (С.Сафоев)
		2. Кутубхонанинг жаҳондаги етакчи илмий маълумотлар электрон базасига уланишини таъминлаш.	2022 йил сентябрь
		3. Кутубхона фондини халқаро муносабатлар ва дипломатия соҳасидаги замонавий нашрлар билан тўлдириш.	Доимий
		4. Кутубхона фонди ва архивини сақлаш шароитларини замонавий меъёрлар асосида такомиллаштириш.	2022 йил сентябрь- октябрь

Ўзбекистон Республикаси

Президентининг

2022 йил 23 июлдаги

ПҚ-330-сон қарорига

2-ИЛОВА

2022-2023 йилларда Жаҳон иқтисодиёти

ва дипломатия университетининг моддий-техника

базасини модернизация қилиш

ДАСТУРИ

Т/р	Объект номи	Ижро муддати	Дастлабки қиймати (млн сўм)*	Шу жумладан:		Молиялаштириш манбалари
Т/р	Объект номи	Ижро муддати	Дастлабки қиймати (млн сўм)*	2022 йил	2023 йил	Молиялаштириш манбалари
1.	Ўқув жараёнига янги таълим дастурлари ва замонавий ўқув-педагогик услубларни татбиқ этиш ҳамда "Смарт Университет" концепциясини амалга ошириш		6 095	5 855	240	-
1.1.	Рақамлаштириш технологиялари билан жиҳозлаш харажатлари	2022 йил	5 615	5 615	-	Давлат бюджети маблағлари
1.2.	Рақамлаштириш технологияларини дастурлаш харажатлари	2022-2023 йиллар	300	150	150	Университетнинг бюджетдан ташқари маблағлари
1.3.	Автоматик ўқув жараёнининг асосини шакллантириш	2022-2023 йиллар	180	90	90	Университетнинг бюджетдан ташқари маблағлари
2.	Илм-фан соҳаси ва илмий-тадқиқот фаолиятига инновацион ғоялар ва ишланмаларни татбиқ этиш		870	450	420	-
2.1.	Университетнинг электрон журналини ташкил этиш	2022-2023 йиллар	300	150	150	Университетнинг бюджетдан ташқари маблағлари
2.2.	Етакчи хорижий таълим муассасаларида Университет ёш илмий ходимларининг малакасини ошириш харажатлари	2022-2023 йиллар	570	300	270	Университетнинг бюджетдан ташқари маблағлари, грант маблағлари
3.	Босмахона ва нашриётнинг моддий-техника базасини янгилаш		550	385	165	-
3.1.	Кенг номенклатурадаги босма маҳсулотларни ишлаб чиқариш учун тўлиқ циклдаги рақамли босма ускуналар билан жиҳозлаш	2022-2023 йиллар	550	385	165	Давлат бюджети маблағлари
4.	Кутубхона фаолиятини такомиллаштириш		2 515	1 815	700	-
4.1.	RFID технологиясини жорий этиш (кутубхона жараёнларини автоматлаштириш) харажатлари	2022 йил	1 115	1 115	-	Давлат бюджети маблағлари, Университетнинг бюджетдан ташқари маблағлари
4.2.	Кутубхонани дипломатия ва халқаро муносабатлар соҳасидаги замонавий нашрлар билан тўлдириш	2022-2023 йиллар	600	300	300	Университетнинг бюджетдан ташқари маблағлари
4.3.	Жаҳондаги етакчи кутубхоналарнинг электрон базасига аъзо бўлиш харажатлари	2022-2023 йиллар	200	100	100	Университетнинг бюджетдан ташқари маблағлари
4.4.	Кутубхона фонди ва архивини сақлаш шароитларининг зарурий меъёрларини таъминлаш	2022-2023 йиллар	600	300	300	Университетнинг бюджетдан ташқари маблағлари
5.	Университет ҳузуридаги Дипломатик академия ва Институт фаолиятини ривожлантириш		1 599	1 599	-
5.1.	Дипломатик академияни янгидан жиҳозлаш	2022 йил	1 030	1 030	-	Давлат бюджети маблағлари
5.2.	9 та илмий-тадқиқот марказларини ташкил этиш ва жиҳозлаш	2022-2023 йиллар	569	569	-	Давлат бюджети маблағлари
6.	Бошқа харажатлар		4 000	3 000	1 000	-
6.1.	Университет ҳудудини ободонлаштириш ва "Г" ўқув биносининг ички қисмини капитал таъмирлаш харажатлари	2022-2023 йиллар	4 000	3 000	1 000	Давлат бюджети маблағлари
Жами			15 629	13 104	2 525	-

Изоҳ: лойиҳанинг якуний қиймат кўрсаткичлари лойиҳа-смета ҳужжатлари ва танлов (тендер) савдолари натижалари асосида аниқлаштирилади.

Шундан:

12,7 млрд сўм Давлат бюджети маблағлари ҳисобидан;

2,9 млрд сўм Университетнинг бюджетдан ташқари маблағлари, грант маблағлари ҳисобидан молиялаштирилади.

Ўзбекистон Республикаси

Президентининг

2022 йил 23 июлдаги

ПҚ-330-сон қарорига

3-ИЛОВА

2022-2026 йилларда Жаҳон иқтисодиёти

ва дипломатия университетини ривожлантиришнинг

МАҚСАДЛИ КЎРСАТКИЧЛАРИ

Т/р	Кўрсаткич (индикатор)лар номи	Ўлчов бирлиги	Амалдаги кўрсаткич	2022 й.	2023 й.	2024 й.	2025 й.	2026 й.
I. УНИВЕРСИТЕТНИ ХАЛҚАРО ЭЪТИРОФ ЭТИЛГАН ТАШКИЛОТЛАРНИНГ СОҲАВИЙ, МИНТАҚАВИЙ ЁХУД ТЕМАТИК РЕЙТИНГЛАРИДАГИ ОЛИЙ ТАЪЛИМ МУАССАСАЛАРИ РЎЙХАТИГА КИРИТИШ ВА ХАЛҚАРО ҲАМКОРЛИКНИ РИВОЖЛАНТИРИШ
1.	Web of Science ва Scopus илмий-техник маълумотлар базасидаги журналларда нашр этилган мақолаларнинг профессор-ўқитувчилар сонига нисбати	коэффициент	0,08	0,16	0,8	1,2	1,3	1,8
2.	Web of Science ва Scopus илмий-техник маълумотлар базасидаги журналларда хорижий профессор-ўқитувчилар билан ҳаммуаллифликда нашр этилган мақолалар	фоизда (жами мақолалар сонига нисбатан)	-	9	15	20	25	30
3.	Иқтибослар сони бўйича "Хирш" индекси (h-индекс) 5 ва ундан юқори бўлган профессор-ўқитувчилар улуши	фоизда (жами профессор- ўқитувчилар сонига нисбатан)	1,47	3	5	12	15	20
4.	Web of Science ва Scopus илмий-техник маълумотлар базасида Q1 ва Q2 квартиль журналларида чоп этилган мақолалар	фоизда (жами мақолалар сонига нисбатан)	-	1	5	15	20	30
5.	Хорижий талабалар сони	нафар	36	40	50	75	100	120
6.	Халқаро эътироф этилган ташкилотлар рейтингининг биринчи 1 000 талик рўйхатига кирган олий таълим муассасалари профессор-ўқитувчиларининг ўқув ва илмий жараёнга жалб қилиниши	нафар	2	6	10	12	15	20
7.	Хорижий университетларнинг PhD дастурларида таҳсил олиш учун юбориш	нафар	3	4	7	11	15	18
8.	Хорижий университетларнинг магистратура дастурларида, шу жумладан талабалар алмашинуви дастури асосида таҳсил олиш учун юбориш	нафар	-	1	5	10	15	20
9.	Халқаро эътироф этилган ташкилотлар рейтингининг биринчи 500 талик рўйхатига кирган хорижий олий таълим муассасалари билан ҳамкорликда амалга оширилган қўшма таълим дастурлари	таълим дастурлари сони	-	-	2	3	4	5
10.	Талабалар алмашинувини йўлга қўйиш	талабалар сони	-	5	30	40	50	60
11.	Халқаро лойиҳаларда талабалар иштироки	талабалар сони	5	3	6	10	15	20
12.	Халқаро конференциялардаги талабалар иштироки	тезислар сони	15	15	25	35	45	80
13.	Халқаро лойиҳалар	лойиҳалар сони	6	3	5	7	9	12
14.	Халқаро таълим ресурсларидан фойдаланиш имкониятлари	халқаро маълумотлар базалари сони	2	2	3	4	5	8
II. ЮҚОРИ МАЛАКАЛИ МУТАХАССИСЛАРНИ ТАЙЁРЛАШ ТИЗИМИНИ ТАКОМИЛЛАШТИРИШ
15.	Хорижий олий таълим муассасаларида малака оширган педагог ва раҳбар кадрлар сони	ходимлар сони	35	14	25	40	55	75
16.	Чет тилини билиш даражасини баҳолаш бўйича миллий сертификат, "International English Language Testing System (IELTS), Test of English as a Foreign Language (ТОЕFL) ёки бошқа сертификатларга эга бўлган профессор-ўқитувчилар улуши	профессор- ўқитувчилар улуши фоизда	13	18	30	40	50	55
17.	Чет тилини билиш даражасини баҳолаш бўйича миллий сертификат, "International English Language Testing System (IELTS), Test of English as a Foreign Language (ТОЕFL) ёки бошқа сертификатларга эга бўлган талабалар улуши	талабалар улуши фоизда	15	18	25	35	45	50
18.	Мутахассислик фанлари бўйича хорижий тилларда ўқитиладиган фанлар улуши	фанлар улуши фоизда	12	14	20	25	30	40
III. ИЛМИЙ-ТАДҚИҚОТ ИШЛАРИ САМАРАДОРЛИГИНИ ОШИРИШ
19.	Университетнинг илмий салоҳияти (илмий даражага эга бўлган профессор-ўқитувчилар улуши)	фоизда (жами профессор- ўқитувчилар сонига нисбатан)	41	42	45	50	56	60
20.	Олий малакали илмий-педагогик кадрларни тайёрлаш (PhD, DSc)	ҳимоялар сони	1	7	14	20	26	32
21.	Илмий фаолиятга оид дастурлар доирасида бажариладиган илмий-тадқиқот ишлари самарадорлиги	жалб қилинган маблағлар (млрд сўмда)	2.3	2.3	4	5	5.5	6
22.	Монографияларни нашр этиш	монографиялар сони	10	10	20	25	30	35
23.	Республика илмий журналларида мақолалар чоп этиш	мақолалар сони	75	100	150	200	250	350
24.	Илмий конференцияларни ўтказиш	конференциялар сони	7	9	14	18	22	28
IV. ТАЛАБА-ЁШЛАР ТАЪЛИМИ УЧУН ҚЎШИМЧА ШАРОИТЛАР ЯРАТИШ, МАЪНАВИЙ-МАЪРИФИЙ ВА ТАРБИЯВИЙ ИШЛАР САМАРАДОРЛИГИНИ ОШИРИШ
25.	Бакалавриат босқичи талабаларининг илмий мақола, китоб ва ижод намуналарининг нашр этилиши	мақолалар сони	50	80	130	150	160	180
26.	Профессор-ўқитувчилар, ходимлар ва талаба ёшлар орасида спорт билан шуғулланувчилар сони	профессор- ўқитувчилар, ходимлар ва талабалар сонига нисбатан фоизда	40	70	86	93	95	98
27.	Талаба-ёшлар орасида спорт билан шуғулланувчиларнинг улуши	умумий талабалар сонига нисбатан фоизда	50	70	80	90	100	100
28.	"Йил талабаси", "Бешта муҳим ташаббус" йўналишларидаги танловларда талабалар иштироки	умумий талабалар сонига нисбатан фоизда	30	35	40	45	50	55
V.УНИВЕРСИТЕТ КУТУБХОНАСИНИ КОМПЛЕКС РИВОЖЛАНТИРИШ
Репозиторий яратиш
29.	Репозиторийни PhD ва DSc илмий даражаларини олиш учун ҳимоя қилинган диссертация тадқиқот ишлари билан тўлдириш	жойлаштирилган диссертация материаллари сони	35	50	100	150	200	250
30.	Кутубхона хавфсизлик тизими (китобларни махсус белгилаш ва йўқолишига қарши ускуналар ўрнатилганлиги)	фоизда	50	60	68	80	100	100
Кутубхона фондини янгилаш
31.	Ўзбек тилидаги китоб ва дарсликлар	китоблар сони	3 500	3 500	4 000	5 000	6 000	8 000
32.	Рус тилидаги китоб ва дарсликлар	китоблар сони	8 000	8 000	10 000	11 000	14 000	16 000
33.	Инглиз тилидаги китоб ва дарсликлар	китоблар сони	4 500	4 500	4 800	5 000	5 500	6 000
34.	Даврий нашрлар фонди (2018 йилдан кейин нашр қилинган)	нашрлар сони	383	383	400	420	450	500
35.	Электрон дарсликлар	электрон дарсликлар сони	250	250	300	350	400	450

Ўзбекистон Республикаси

Президентининг

2022 йил 23 июлдаги

ПҚ-330-сон қарорига

4-ИЛОВА

Жаҳон иқтисодиёти ва дипломатия университети

кафедраларини Ўзбекистон Республикасининг хориждаги

дипломатик ваколатхоналарига бириктириш

РЎЙХАТИ

Т/р	Кафедралар	Ўзбекистон Республикасининг хориждаги дипломатик ваколатхоналари
1.	1. Халқаро муносабатлар 2. Сиёсатшунослик	1. Ўзбекистон Республикасининг Америка Қўшма Штатларидаги Элчихонаси 2. Ўзбекистон Республикасининг Буюк Британия ва Шимолий Ирландия Бирлашган Қироллигидаги Элчихонаси 3. Ўзбекистон Республикасининг Франция Республикасидаги Элчихонаси 4. Ўзбекистон Республикасининг Бельгия Қироллигидаги Элчихонаси 5. Ўзбекистон Республикасининг Туркия Республикасидаги Элчихонаси 6. Ўзбекистон Республикасининг Россия Федерациясидаги Элчихонаси 7. Ўзбекистон Республикасининг Хитой Халқ Республикасидаги Элчихонаси 8. Ўзбекистон Республикасининг Покистон Ислом Республикасидаги Элчихонаси 9. Ўзбекистон Республикасининг халқаро ташкилотлар ҳузуридаги ваколатхоналари
2.	Халқаро иқтисодиёт	1. Ўзбекистон Республикасининг Америка Қўшма Штатларидаги Элчихонаси 2. Ўзбекистон Республикасининг Буюк Британия ва Шимолий Ирландия Бирлашган Қироллигидаги Элчихонаси 3. Ўзбекистон Республикасининг Германия Федератив Республикасидаги Элчихонаси 4. Ўзбекистон Республикасининг Франция Республикасидаги Элчихонаси 5. Ўзбекистон Республикасининг Бельгия Қироллигидаги Элчихонаси 6. Ўзбекистон Республикасининг Япониядаги Элчихонаси 7. Ўзбекистон Республикасининг Хитой Халқ Республикасидаги Элчихонаси 8. Ўзбекистон Республикасининг Корея Республикасидаги Элчихонаси 9. Ўзбекистон Республикасининг Қувайт Давлатидаги Элчихонаси 10. Ўзбекистон Республикасининг Бирлашган Араб Амирликларидаги Элчихонаси 11. Ўзбекистон Республикасининг Сингапурдаги Элчихонаси 12. Ўзбекистон Республикасининг халқаро ташкилотлар ҳузуридаги ваколатхоналари
3.	Тизимли таҳлил ва математик моделлаштириш	1. Ўзбекистон Республикасининг Россия Федерациясидаги Элчихонаси 2. Ўзбекистон Республикасининг Буюк Британия ва Шимолий Ирландия Бирлашган Қироллигидаги Элчихонаси 3. Ўзбекистон Республикасининг Хитой Халқ Республикасидаги Элчихонаси 4. Ўзбекистон Республикасининг Япониядаги Элчихонаси 5. Ўзбекистон Республикасининг Корея Республикасидаги Элчихонаси
4.	Халқаро молия ва инвестициялар	1. Ўзбекистон Республикасининг Америка Қўшма Штатларидаги Элчихонаси 2. Ўзбекистон Республикасининг Буюк Британия ва Шимолий Ирландия Бирлашган Қироллигидаги Элчихонаси 3. Ўзбекистон Республикасининг Германия Федератив Республикасидаги Элчихонаси 4. Ўзбекистон Республикасининг Франция Республикасидаги Элчихонаси 5. Ўзбекистон Республикасининг Бельгия Қироллигидаги Элчихонаси 6. Ўзбекистон Республикасининг Япониядаги Элчихонаси 7. Ўзбекистон Республикасининг Туркия Республикасидаги Элчихонаси 8. Ўзбекистон Республикасининг Хитой Халқ Республикасидаги Элчихонаси 9. Ўзбекистон Республикасининг Корея Республикасидаги Элчихонаси 10. Ўзбекистон Республикасининг Қувайт Давлатидаги Элчихонаси 11. Ўзбекистон Республикасининг Уммон Султонлигидаги Элчихонаси 12. Ўзбекистон Республикасининг Бирлашган Араб Амирликларидаги Элчихонаси 13. Ўзбекистон Республикасининг Сингапурдаги Элчихонаси 14. Ўзбекистон Республикасининг халқаро ташкилотлар ҳузуридаги ваколатхоналари
5.	1. Халқаро ҳуқуқ ва оммавий ҳуқуқий фанлар 2. Фуқаролик ҳуқуқи ва халқаро хусусий ҳуқуқ фанлари	1. Ўзбекистон Республикасининг Америка Қўшма Штатларидаги Элчихонаси 2. Ўзбекистон Республикасининг Буюк Британия ва Шимолий Ирландия Бирлашган Қироллигидаги Элчихонаси 3. Ўзбекистон Республикасининг Германия Федератив Республикасидаги Элчихонаси 4. Ўзбекистон Республикасининг Франция Республикасидаги Элчихонаси 5. Ўзбекистон Республикасининг Бельгия Қироллигидаги Элчихонаси 6. Ўзбекистон Республикасининг Туркия Республикасидаги Элчихонаси 7. Ўзбекистон Республикасининг халқаро ташкилотлар ҳузуридаги ваколатхоналари
6.	Ўзбек ва рус тили	1. Ўзбекистон Республикасининг Россия Федерациясидаги Элчихонаси 2. Ўзбекистон Республикасининг Туркия Республикасидаги Элчихонаси 3. Ўзбекистон Республикасининг Озарбайжон Республикасидаги Элчихонаси 4. Ўзбекистон Республикасининг Қозоғистон Республикасидаги Элчихонаси
7.	Инглиз тили	1. Ўзбекистон Республикасининг Буюк Британия ва Шимолий Ирландия Бирлашган Қироллигидаги Элчихонаси 2. Ўзбекистон Республикасининг Америка Қўшма Штатларидаги Элчихонаси
8.	Роман-Герман тиллари	1. Ўзбекистон Республикасининг Франция Республикасидаги Элчихонаси 2. Ўзбекистон Республикасининг Германия Федератив Республикасидаги Элчихонаси 3. Ўзбекистон Республикасининг Италия Республикасидаги Элчихонаси 4. Ўзбекистон Республикасининг Испания Қироллигидаги Элчихонаси 5. Ўзбекистон Республикасининг Бельгия Қироллигидаги Элчихонаси
9.	Шарқ тиллари	1. Ўзбекистон Республикасининг Хитой Халқ Республикасидаги Элчихонаси 2. Ўзбекистон Республикасининг Япониядаги Элчихонаси 3. Ўзбекистон Республикасининг Корея Республикасидаги Элчихонаси 4. Ўзбекистон Республикасининг Туркия Республикасидаги Элчихонаси 5. Ўзбекистон Республикасининг Қувайт Давлатидаги Элчихонаси 6. Ўзбекистон Республикасининг Уммон Султонлигидаги Элчихонаси 7. Ўзбекистон Республикасининг Бирлашган Араб Амирликларидаги Элчихонаси 8. Ўзбекистон Республикасининг Миср Араб Республикасидаги Элчихонаси

Изоҳ. Ташқи ишлар вазирлиги бириктирилган кафедралар ҳамда Ўзбекистон Республикасининг хориждаги дипломатик ваколатхоналари рўйхатига ўзгартириш ва қўшимчалар киритиш ҳуқуқига эга.

Ўзбекистон Республикаси

Президентининг

2022 йил 23 июлдаги

ПҚ-330-сон қарорига

5-ИЛОВА

Тайинланиш учун Жаҳон иқтисодиёти

ва дипломатия университети ҳузуридаги

Дипломатик академиянинг ўқув курсларини

тамомлаш талаб этиладиган лавозимлар

РЎЙХАТИ

Т/р	Лавозимлар рўйхати
1.	Ўзбекистон Республикасининг Фавқулодда ва Мухтор Элчиси
2.	Ўзбекистон Республикасининг халқаро ташкилотлар ҳузуридаги доимий вакили
3.	Бош консул, консул
4.	Ўзбекистон Республикасининг хорижий мамлакатлардаги дипломатик ваколатхоналари, консуллик муассасалари, халқаро ташкилотлар ҳузуридаги ваколатхоналаридаги маслаҳатчи-вакили, маслаҳатчиси (шу жумладан, савдо-иқтисодий масалалар бўйича), биринчи котиби, иккинчи котиби, учинчи котиби, атташеси

Ўзбекистон Республикаси

Президентининг

2022 йил 23 июлдаги

ПҚ-330-сон қарорига

6-ИЛОВА

Жаҳон иқтисодиёти ва дипломатия университети

ҳузуридаги Дипломатик академия

ТУЗИЛМАСИ

Директор

Илмий кенгаш

Директор ўринбосари

Халқаро алоқалар бўлими

Умумий бўлим

Дипломатик кадрларни қайта тайёрлаш ва малакасини ошириш факультети

Амалий дипломатия факультети

Молия-иқтисод бўлими

Дипломатик кадрларни қайта тайёрлаш кафедраси

Махсус фанлар кафедраси

Ахборот-коммуникация технологиялари бўлими

Малака ошириш кафедраси

Халқаро муаммоларнинг амалий таҳлили кафедраси

Ахборот-ресурс маркази

Хўжалик бўлими

Юрисконсульт

Маъмурий-бошқарув ходимлар сони 19 нафар.

Профессор-ўқитувчилар, хизмат кўрсатувчи ва техник ходимлар сони олий таълим муассасалари учун белгиланган меъёрий-норматив ҳужжатларга асосан аниқланади.

Қонун ҳужжатлари маълумотлари миллий базаси (www.lex.uz),

2022 йил 23 июль

Время: 0.2186

ВСЕ ЗАКОНОДАТЕЛЬСТВО УЗБЕКИСТАНА

Наши контакты