Солиқ органи учун асосийси – битимнинг ҳақиқийлиги. Айтайлик, текшириш пайтида инспекторлар сиздаги мавжуд айрим битимлар аслида мавжуд эмаслигидан шубҳа қилишди. Улар бирламчи ҳужжатларни, битимларга тегишли активларини ўрганиб чиқдилар, қўлёзмаларнинг экспертизасини ўтказдилар, шунингдек тўловчининг раҳбарлари ва ижрочиларини сўроққа тутдилар. Ҳамма нарса тузилган битимларнинг айримлари қалбаки эканлигини, баъзилари эса кўзбўямачилик билан тузилганлигини кўрсатди. Шуни ёдда тутингки, бу айнан бир нарсанинг ўзи эмас (ОХС Пленумининг 28.11.2014 й. 269-сон "Иқтисодий судлар томонидан битимларни ҳақиқий эмас деб топиш тўғрисидаги фуқаролик қонун ҳужжатлари нормаларини қўллашнинг айрим масалалари тўғрисида"ги қарори 15-б.).
Эътибор беринг!
Агар қалбаки битим – бошқа битимни ниқоблаш мақсадида кўзбўямачилик битими сифатида тузилган бўлса, тарафлар ҳақиқатда назарда тутган битимга доир қоидалар қўлланилади (ФК 124-м.).
Қалбаки битим тузилганда томонларнинг мақсади ҳеч қандай фуқаролик-ҳуқуқий муносабатларни ўрнатиш бўлиб ҳисобланмайди. Бундай битим, қоида тариқасида, ҳар бир томон ёки улардан бири учун ҳуқуқий оқибатларга эришиш учун амалга оширилади (ФК 124-м. 1-қ.).
Мисол. Қалбаки битим
Корхона ҳамкорининг олдида катта қарздорликка эга. Ҳисобрақамда маблағлар йўқ ва бюджет олдидаги қарзлар туфайли картотека мавжуд. Қарзлар қопланишини мол-мулк ҳисобидан ундиришга қаратилишининг эҳтимоли юқори, чунки иқтисодий судининг қонуний кучга кирган ҳал қилув қарори мавжуд. Корхона раҳбари корхонанинг мол-мулки хатловдан ўтказилишидан қутулиш мақсадида уни бегоналаштириш бўйича қалбаки битим тузади. У сотишни амалга ошириш учун пул маблағларини олмайди ва мол-мулкни бошқа шахснинг эгалигига ўтказмайди. Ҳаммаси фақат қоғозда амалга оширилади. Бундай битим у тузилган
78-150-11-72 
info@norma.uz
Мобильная версия сайта