ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Давлат ҳуқуқий тизими асослари / Ҳудуд / Минтақалар тараққиёти /Ўзбекистон Республикаси Президентининг 31.08.2022 й. ПФ-213-сон "Қорақалпоғистон Реcпубликасида тадбиркорлик, инновацион технологиялар ва инфратузилмаларни жадал суръатларда ривожлантириш орқали аҳоли фаровонлигини оширишнинг қўшимча чора-тадбирлари тўғрисида"ги Фармони
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ФАРМОНИ
31.08.2022 й.
N ПФ-213
ҚОРАҚАЛПОҒИСТОН РЕCПУБЛИКАСИДА
ТАДБИРКОРЛИК, ИННОВАЦИОН ТЕХНОЛОГИЯЛАР
ВА ИНФРАТУЗИЛМАЛАРНИ ЖАДАЛ СУРЪАТЛАРДА
РИВОЖЛАНТИРИШ ОРҚАЛИ АҲОЛИ ФАРОВОНЛИГИНИ
ОШИРИШНИНГ ҚЎШИМЧА ЧОРА-ТАДБИРЛАРИ ТЎҒРИСИДА
Қорақалпоғистон Республикасининг мавжуд ижтимоий-иқтисодий, шу жумладан ишлаб чиқариш ва инвестиция салоҳиятидан самарали фойдаланиш, тадбиркорлик фаолиятини ривожлантириш ва юқори қўшилган қийматга эга рақобатбардош маҳсулотлар ишлаб чиқаришни рағбатлантириш, тадбиркорларга кўрсатиладиган молиявий хизматлар кўламини кенгайтириш, инфратузилмавий шарт-шароитларни яратиб бериш орқали аҳоли бандлигини таъминлаш ҳамда ҳудуднинг иқтисодий ва ижтимоий ривожланишини янги босқичга олиб чиқиш мақсадида:
1. Қорақалпоғистон Республикасининг иқтисодиёт тармоқларида инновацион жараёнларнинг жадаллашувига эришиш, ресурслардан фойдаланиш самарадорлигини ошириш ва ҳудудни жадал суръатларда ривожлантиришнинг асосий йўналишлари этиб қуйидагилар белгилансин:
ҳудуднинг инвестиция ва ишбилармонлик муҳитини яхшилаш, ёшлар бандлигини таъминлаш;
ер ва сув ресурсларидан самарали фойдаланиш орқали қишлоқ хўжалиги маҳсулотлари етиштиришни кўпайтириш ҳамда қулай агробизнес муҳитини яратиш;
таълим соҳасида қўшимча имкониятлар ва инсон капитали ривожини янги босқичга кўтаришга шарт-шароит яратиш;
ижтимоий ҳимоя дастурлари қамровини кенгайтириш.
2. Қорақалпоғистон Республикасида ҳудуднинг инвестиция ва ишбилармонлик муҳитини яхшилаш, ёшлар бандлигини таъминлаш йўналиши доирасида:
а) Қорақалпоғистон Республикасининг барча туманларида жойлашган ва шу ҳудудда фаолият юритадиган тадбиркорлик субъектлари учун 2023 йил 1 январдан 2028 йил 1 январга қадар бўлган даврда:
фойда солиғи, айланмадан олинадиган солиқ, юридик шахсларнинг мол-мулкига солинадиган солиқ ва юридик шахслардан олинадиган ер солиғи бўйича солиқ ставкалари 50 фоизга камайтирилган ҳолда;
ижтимоий солиқ камайтирилиб, 1 фоиз миқдоридаги солиқ ставкасида;
якка тартибдаги тадбиркорлар томонидан тўланаётган ижтимоий солиқ шаҳарлар ҳудудида фаолият юритаётганлар учун 12 бараварга, туманлар ҳудудида фаолият юритаётганлар учун 6 бараварга камайтирилиб, йилига базавий ҳисоблаш миқдорининг бир баравари миқдорида белгилансин.
Бунда, йирик солиқ тўловчилар, доимий муассасалар, бюджет ташкилотлари ва давлат корхоналари, устав жамғармаси (капитали)да давлат улуши 50 фоиз ва ундан кўпроқ миқдорда бўлган юридик шахсларга мазкур бандда белгиланаётган имтиёзлар татбиқ этилмайди;
б) 2022 йил 1 октябрдан 2028 йил 1 январга қадар бўлган даврда:
Қорақалпоғистон Республикасида ишлаб чиқарилган маҳсулотларни хорижий давлатларга экспорт қилишда, шу жумладан экспорт қилинадиган маҳсулотларни ишлаб чиқариш учун харид қилинган хомашёни республика бўйлаб ташишда транспорт харажатларининг 70 фоизи Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссияси (кейинги ўринларда - Ҳукумат комиссияси) томонидан белгиланган рўйхатга асосан Экспортни рағбатлантириш агентлиги томонидан қоплаб берилсин;
в) Қорақалпоғистон Республикасидаги ёш тадбиркорларга ишлаб чиқариш ва хизмат кўрсатиш учун зарур асбоб-ускуналарни харид қилиш мақсадида Ҳукумат комиссиясининг қарорига асосан тўғридан-тўғри Инвестициялар ва ташқи савдо вазирлиги ҳузуридаги Ёш тадбиркорларни қўллаб-қувватлаш жамғармаси орқали 7 йил муддатга қарз маблағлари тақдим этилсин.
Бунда, ажратилган мазкур кредит маблағлари Қорақалпоғистон Республикаси Вазирлар Кенгашининг таклифлари асосида Ҳукумат комиссияси (Ж. Ходжаев) томонидан тақсимланади;
г) Оилавий тадбиркорликни ривожлантириш дастури координаторлари (М. Убайдуллаев, А. Камалов, Д. Султанов) Қорақалпоғистон Республикасида оилавий тадбиркорликни ривожлантириш дастурлари доирасидаги лойиҳаларни молиялаштириш учун 2022 йил якунига қадар дастур учун ажратилган ресурслар ҳисобидан қўшимча равишда 200 миллиард сўм кредит ажратилишини таъминласин.
Белгилансинки, қонунчиликда мазкур банддагидан ортиқ солиқ имтиёзлари назарда тутилган бўлса, тадбиркорлик субъектлари учун қулай солиқ имтиёзлари татбиқ этилади.
Мўйноқ туманидаги тадбиркорлик субъектлари учун қонунчиликда солиқ имтиёзларининг кенгайтирилган рўйхати мавжудлиги маълумот учун қабул қилинсин.
3. Инвестициялар ва ташқи савдо вазирлигининг Қорақалпоғистон Республикасида тадбиркорлик фаолиятини ривожлантириш учун тижорат банкларига ва "Амударё дельтасида кичик сув ҳавзаларини барпо қилиш. Фаза II" лойиҳаси доирасида молиялаштириш ишларини ташкил қилиш учун Тикланиш ва тараққиёт жамғармасининг (кейинги ўринларда - Жамғарма) маблағлари ҳисобидан 100 миллион АҚШ доллари эквивалентида қуйидаги шартлар ва йўналишлардаги кредит линиясини ажратиш тўғрисидаги таклифи маъқуллансин:
а) 95 миллион АҚШ доллари миқдоридаги кредит линияси тижорат банкларига 7 йил муддатга, шу жумладан 3 йиллик имтиёзли давр билан йиллик 10 фоиз ставкада миллий валютада ажратилади. Бунда:
тижорат банклари томонидан кредитлар ишлаб чиқариш ва хизмат кўрсатиш соҳасидаги лойиҳаларни амалга ошириш (бундан уй-жой қурилиши, савдо, воситачилик соҳасидаги лойиҳалар, шунингдек, акцизости товарлар ишлаб чиқарувчилар, давлат корхоналари ва устав жамғармасида (устав капиталида) давлат улуши мавжуд бўлган юридик шахслар ҳамда айланма маблағларни тўлдириш ҳолатлари мустасно) учун йиллик 14 фоиз ставкада, 7 йилгача муддатга, шу жумладан 2 йилгача бўлган имтиёзли давр билан 10 миллиард сўмгача миқдорда ажратилади;
ажратилган мазкур кредит линиясидан молиялаштириладиган лойиҳалар рўйхати Қорақалпоғистон Республикаси Вазирлар Кенгаши тавсиясига асосан Ҳукумат комиссияси (Ж. Ходжаев) томонидан шакллантирилади;
б) "Амударё дельтасида кичик сув ҳавзаларини барпо қилиш. Фаза II" лойиҳаси доирасида молиялаштириш ишларини ташкил қилиш учун 5 миллион АҚШ доллари эквивалентида кредит линияси маблағлари ажратилади.
Бунда, Жамғарма Сув хўжалиги вазирлигига 2023 йил 31 декабрга қадар бўлган муддатга йиллик фоиз ставкаси Марказий банкнинг асосий ставкасида 5 миллион АҚШ доллари миқдорида қисқа муддатли кредит ажратсин ва ушбу кредит кейинчалик лойиҳа буюртмачиси - Оролни қутқариш халқаро жамғармаси ижроия қўмитасининг Нукус филиалига ўтказилсин.
Сув хўжалиги вазирлиги Жамғарманинг жалб қилинадиган кредитини олувчи, Оролни қутқариш халқаро жамғармаси ижроия қўмитасининг Нукус филиали ушбу кредитларнинг мақсадли ва самарали фойдаланишига жавобгар ижроия орган ҳисобланади.
Молия вазирлиги 2023 йил 31 декабрга қадар бўлган муддатда Жамғармадан жалб қилинган кредитни қайтариш ва унга ҳисобланган фоизларни тўлаш билан боғлиқ харажатларни Марказий банк томонидан ўрнатилган тўлов кунидаги валюта курслари бўйича фарқни ҳисобга олган ҳолда АҚШ доллари эквивалентида Жамғармага Давлат бюджетидан қайтаради.
4. Инвестициялар ва ташқи савдо вазирлиги (Ж. Ходжаев) мутасадди вазирлик ва идоралар билан биргаликда:
икки ой муддатда Қорақалпоғистон Республикасида жойлашган ва ушбу ҳудудда фаолият юритаётган тадбиркорлик субъектларига бепул асосда кўмаклашувчи "Инвесторларга кўмак маркази"ни;
"Инвесторларга кўмак маркази" қошида қишлоқ хўжалигига мўлжалланмаган бўш турган ер участкаларида майдони камида 10 гектар бўлган ишлаб чиқариш технопаркини ташкил этсин.
5. Қорақалпоғистон Республикаси ҳудудида 2022 йил 15 сентябрдан бошлаб 2025 йил 1 январга қадар, истисно тариқасида, ер участкаларини тўғридан-тўғри ижарага бериш мақсадида йирик инвестиция лойиҳасини амалга ошириш учун энг яхши таклифни танлаб олишда:
а) энг яхши таклифлар 5 миллион АҚШ доллари эквивалентидан бошлаб кўриб чиқилади;
б) ишчи орган Қорақалпоғистон Республикаси Инвестициялар ва ташқи савдо вазирлиги ҳисобланади;
в) қуйидагилар:
йирик инвестиция лойиҳасини амалга ошириш учун энг яхши таклифни танлаб олиш;
энг яхши таклиф деб танлаб олинган йирик инвестиция лойиҳасини амалга оширувчи инвесторларга ер участкаларини тўғридан-тўғри ижарага бериш Қорақалпоғистон Республикаси Вазирлар Кенгаши томонидан амалга оширилади.
Инвестициялар ва ташқи савдо вазирлиги Адлия вазирлиги билан биргаликда икки ой муддатда қонунчилик ҳужжатларига мазкур банддан келиб чиқадиган тегишли ўзгартириш ва қўшимчалар тўғрисида Вазирлар Маҳкамасига таклифлар киритсин.
6. Қуйидагилар маълумот учун қабул қилинсин:
Қорақалпоғистон Республикасида рўйхатдан ўтган барча солиқ тўловчилардан ундириладиган солиқлар 2022 йил учун Давлат бюджети даромадларини шакллантиришнинг тасдиқланган миқдорларидан кам бўлмаган миқдорда Қорақалпоғистон Республикаси бюджетига ўтказилади;
мактабгача таълим ташкилотлари ва умумтаълим мактаблари ходимларининг, жумладан тарбиячи ва ўқитувчиларнинг иш ҳақи ҳамда унга нисбатан ҳисобланган ижтимоий солиқ тўловларини Ўзбекистон Республикаси республика бюджетидан амалга ошириш тартиби сақлаб қолинади.
Бунда, солиқ имтиёзлари жорий этилиши сабабли юзага келадиган Қорақалпоғистон Республикаси бюджети даромадларидаги йўқотишлар Ўзбекистон Республикаси республика бюджетидан ажратиладиган бюджетлараро тартибга солувчи трансфертлар ҳисобига тўлиқ қопланади.
7. Қорақалпоғистон Республикасида аҳоли турмуш шароитини янада яхшилаш ва республикадаги ижтимоий-иқтисодий муаммоларни ҳал қилиш ҳамда оғир шароитли ҳудудларни қўллаб-қувватлашга йўналтириш мақсадида 2022 йил III чоракдан бошлаб 2024 йил якунига қадар ҳар чорак якуни бўйича қўшилган қиймат солиғи бўйича даромадлар прогнозининг ошириб бажарилган қисми, истисно тариқасида, тўлиқ Қорақалпоғистон Республикасида қолдирилсин.
8. Қорақалпоғистон Республикасида ер ва сув ресурсларидан самарали фойдаланиш йўналиши доирасида:
а) 2022-2023 йилларда Қорақалпоғистон Республикасида аукцион савдоларида реализация қилинадиган фойдали қазилма конлари ва истиқболли участкалар рўйхати 1-иловага мувофиқ тасдиқлансин;
б) Қорақалпоғистон Республикаси ҳудудидаги қишлоқ хўжалигига мўлжалланмаган ер участкалари:
мулк ҳуқуқи асосида электрон онлайн-аукцион савдоларига бошланғич қиймати 50 фоизга камайтирилган ҳолда чиқарилсин;
мулк ҳуқуқи ва ижара ҳуқуқи асосида электрон онлайн-аукцион савдолари орқали реализация қилинишидан тушадиган маблағлардан Қорақалпоғистон Республикасининг республика бюджетига йўналтириладиган қисмининг 50 фоизи мазкур ер участкалари жойлашган туман (шаҳар)лар бюджетига уларнинг қўшимча манбалари сифатида ўтказилсин;
в) хусусийлаштириш дастурларига мувофиқ, Қорақалпоғистон Республикасида жойлашган давлат активларини (бундан ҳудуди 10 000 квадрат метргача бўлган давлат кўчмас мулк объектлари мустасно) сотишдан тушган маблағлар, уларни баҳолаш ва сотиш харажатлари чегирилган ҳолда, Қорақалпоғистон Республикаси Молия вазирлиги ҳузуридаги сув таъминоти ва канализация тизимларини ривожлантириш ҳудудий жамғармасига мақсадли йўналтирилсин;
г) Ўзбекистон Республикаси Президентининг 2022 йил 30 майдаги "Қорақалпоғистон Республикасининг шимолий туманларида тадбиркорликни ривожлантиришнинг қўшимча чора-тадбирлари тўғрисида"ги ПҚ-264-сон қарорининг 1-бандида назарда тутилган давлат активларини ҳамда тадбиркорлик ва шаҳарсозлик фаолиятини амалга ошириш учун қишлоқ хўжалигига мўлжалланмаган бўш турган ер участкаларини электрон онлайн-аукцион савдоларида сотиб олишда қўлланиладиган қоидалар Қорақалпоғистон Республикасининг барча ҳудудларида жорий этилсин;
д) Бош вазир ўринбосарлари Ш. Ғаниев ва Ж.Ходжаев Қишлоқ хўжалиги вазирлиги (А. Воитов), Сув хўжалиги вазирлиги (Ш. Хамроев), Давлат солиқ қўмитаси (Ш. Кудбиев) ва Кадастр агентлиги (Ф. Пулатов) билан биргаликда 2023 йил 1 январга қадар хорижий экспертларни жалб қилиб, Қорақалпоғистон Республикасида сув ҳисобини юритиш, йўқотишларни камайтириш ва сув таъминотини барқарорлаштириш дастурини назарда тутувчи норматив-ҳуқуқий ҳужжат лойиҳасини ишлаб чиқсин.
Бунда, сув таъминотини яхшилаш жамғармасини ташкил этиш ва унга сув ресурсларидан фойдаланганлик учун солиқларни, ирригация ва мелиорация объектларини реконструкция қилиш учун кўзда тутилган бюджет маблағларини йўналтириш кўзда тутилсин.
9. Қорақалпоғистон Республикасида қишлоқ хўжалиги маҳсулотлари етиштиришни кўпайтириш, аҳоли бандлигини таъминлаш ва даромадини ошириш ҳамда қулай агробизнес муҳитини яратиш йўналиши доирасида:
а) фермер хўжаликлари ва кластерлар фойдаланишидаги пахта ва ғалладан қисқартириладиган, аҳоли пунктига яқин ва сув таъминоти яхши бўлган ҳудудлардан захирага қайтарилган ер майдонлари 2-иловага мувофиқ деҳқон хўжалиги ташкил этган ҳолда сабзавотчилик, полиз, дуккакли, мойли экинлар, картошка етиштириш каби лойиҳаларни амалга ошириш учун фуқароларга, истисно тариқасида, 2 гектаргача бўлган ўлчамларда очиқ электрон танлов орқали 30 йилга ижарага берилсин;
б) Ўзбекистон Республикаси Президентининг 2021 йил 15 декабрдаги "Мева-сабзавотчилик соҳасини давлат томонидан қўллаб-қувватлаш, тармоқда кластер ва кооперация тизимини янада ривожлантириш чора-тадбирлари тўғрисида"ги ПҚ-52-сон қарори талабларига асосан мева, узум, сабзавот, картошка, полиз экинлари, гул, кўкатлар ва доривор ўсимликлар, маккажўхори дони, дуккакли ва мойли экинларни етиштириш учун ҳосил қийматининг 50 фоизигача, аммо гектарига 7 миллион сўмдан ошмаган миқдорда йиллик 14 фоиз (шундан 2 фоизи банк маржаси) ставкада, 6 ойлик имтиёзли давр билан 12 ой муддатга кредитлар ажратилиши маълумот учун қабул қилинсин.
Бунда, Марказий банк (Б. Захидов) Молия вазирлиги (Т. Ишметов) билан биргаликда 2023 йилда Қорақалпоғистон Республикаси ҳудудидаги фермер хўжаликларига 200 миллиард сўм ва мазкур Фармоннинг 9-банди "а" кичик бандига асосан очиқ электрон танлов орқали экин майдонларни ижарага олган деҳқон хўжаликлари учун 50 миллиард сўм миқдоридаги кредитлар ажратилишини таъминласин;
в) Вазирлар Маҳкамаси (Ш. Ғаниев, Ж. Қўчқоров) бир ой муддатда Қорақалпоғистон Республикасида қишлоқ хўжалиги экин майдонларининг нотекислигини ва сув ресурсларининг меъёрдан ортиқ сарфланишини бартараф этиш мақсадида 2022-2024 йилларда қишлоқ хўжалиги ер майдонларини лазерли қурилмага эга ер текислагич агрегатлар ёрдамида текислаш учун ҳар бир гектарига субсидия ажратиш юзасидан Ўзбекистон Республикаси Президенти Администрациясига таклиф киритсин;
г) Ўзбекистон Республикаси Президентининг 2020 йил 29 январдаги "Чорвачилик тармоғини давлат томонидан кўллаб-қувватлашнинг қўшимча чора-тадбирлари тўғрисида"ги ПҚ-4576-сон қарорининг 3-бандида белгиланган субсидия ажратиш тартиби Қорақалпоғистон Республикаси учун 2 йил муддатга узайтирилсин;
д) Молия вазирлиги ва Ўзбекистон фермер, деҳқон хўжаликлари ва томорқа ер эгалари кенгаши Қорақалпоғистондаги деҳқон хўжаликлари ва томорқа ер эгаларининг ер майдонларини суғориш учун чуқурлиги 5 метрдан ортиқ бўлган ҳар бир вертикал суғориш қудуғини бурғилаш ва ишга тушириш билан боғлиқ харажатларини қоплашга қудуқнинг ҳар бир метр чуқурлиги учун 100 минг сўмдан, бироқ базавий ҳисоблаш миқдорининг 50 бараваридан ошмаган миқдорда Фермер, деҳқон хўжалиги ва томорқа ер эгаларини қўллаб-қувватлаш жамғармаси маблағлари ҳисобидан субсидиялар ажратилишини таъминласин;
е) Вазирлар Маҳкамаси (Ш. Ғаниев, Ж. Қўчқоров) Қорақалпоғистон Республикаси Вазирлар Кенгаши билан биргаликда Ўзбекистон Республикаси Президентининг 2021 йил 11 ноябрдаги "Чирчиқ шаҳрида қишлоқ хўжалиги машинасозлик кластерини ташкил қилиш чора-тадбирлари тўғрисида"ги ПҚ-7-сон қарори талабларига мувофиқ, 2023 йил якунига қадар Қорақалпоғистон Республикасидаги фермер хўжаликлари томонидан камида 200 та янги юқори унумли комбинацион техникаларни харид қилиш учун субсидиялар ажратилишини таъминласин.
10. Қорақалпоғистон Республикасида таълим соҳасида қўшимча имкониятлар ва инсон капитали ривожини янги босқичга кўтаришга шарт-шароит яратиш йўналиши доирасида:
а) Ўзбекистон Республикаси таълим ташкилотларига қабул қилиш бўйича давлат комиссияси (А.Арипов) Ёшлар ишлари агентлиги (А. Саъдуллаев) ва Қорақалпоғистон Республикаси Вазирлар Кенгашининг зарур таълим йўналишлари ва мутахассисликлари бўйича шакллантирилган буюртмасига мувофиқ, ўн кун муддатда 2022/2023 ўқув йили учун Қорақалпоғистон Республикасида умумий ўрта, ўрта-махсус ва профессионал таълим муассасаларини тамомлаган 500 нафар, кейинги ўқув йиллари учун эса ҳар йили 1 сентябрга қадар 6 500 нафар ёшларнинг вилоятлардаги давлат олий таълим муассасаларига қўшимча қабул параметрлари асосида ўқишга қабул қилинишини таъминласин.
Бунда, мазкур қабул кўрсаткичлари бўйича ўқишга қабул қилинган талабаларга ажратилган таълим кредитлари бўйича фоиз тўловларини Молия вазирлиги ҳузуридаги Таълим кредитини молиялаштириш жамғармаси ҳисобидан қоплаб бериш имконияти яратилсин;
а-1) Қорақалпоғистон Республикасида доимий яшайдиган ҳамда умумий ўрта, ўрта махсус ва профессионал таълим ташкилотларини тамомлаган ёшлар учун 2023/2024 ўқув йилида давлат гранти асосида қўшимча 3 000 та ўрин ажратилсин.
Қорақалпоғистон Республикаси Вазирлар Кенгаши соҳа ва тармоқларнинг олий маълумотли кадрларга бўлган эҳтиёжини аниқлаб, олий таълим муассасалари ва таълим йўналишлари кесимидаги таклифларни Ўзбекистон Республикаси таълим ташкилотларига қабул қилиш бўйича давлат комиссиясига 2023 йил 20 июлга қадар тақдим этсин;
Ўзбекистон Республикаси таълим ташкилотларига қабул қилиш бўйича давлат комиссияси (А. Арипов) ажратилган давлат гранти асосидаги қўшимча 3 000 та ўринга ёшларни қабул қилишнинг аниқ механизмларини тасдиқласин.
б) Қорақалпоғистон Республикасидаги давлат олий таълим муассасаларини салоҳиятли профессор-ўқитувчилар билан таъминлаш мақсадида 2023 йилдан бошлаб мамлакатимизнинг етакчи олий таълим муассасаларида экология, қишлоқ хўжалиги, ирригация ва қурилиш йўналишлари бўйича таянч докторантурада кадрларни мақсадли тайёрлаш йўлга қўйилсин;
в) 2022 йил 1 октябрдан бошлаб Қорақалпоғистон Республикаси ҳудудида мактабгача таълим соҳасида давлат-хусусий шериклик бўйича битимларни имзолаш, истисно тариқасида, Қорақалпоғистон Республикаси Мактабгача таълим вазирлиги томонидан амалга оширилсин;
г) 2022 йил 1 октябрдан бошлаб 5 йил муддатга Қорақалпоғистон Республикаси ҳудудидаги нодавлат таълим ташкилотлари ўқув жараёни учун жалб этилган хорижий мутахассислар (ўқитувчилар) Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномаларни расмийлаштириш ва бериш (узайтириш) учун ундириладиган тўлов, Ўзбекистон Республикасига кириш визаси олиш учун консуллик йиғимлари ва яшаш жойида рўйхатга олиш учун ундириладиган давлат божи тўлашдан озод этилсин.
11. Қорақалпоғистон Республикасида ижтимоий ҳимоя дастурлари қамровини кенгайтириш йўналиши доирасида 2022 йил 15 сентябрдан бошлаб Қорақалпоғистон Республикаси ва Хоразм вилоятида истиқомат қилаётган ёшга доир пенсия ва нафақа олувчилар, ногиронлиги бўлган шахслар учун темир йўл ва авиайўловчилар чипталарини сотиш 50 фоизлик имтиёзли тарифлар бўйича амалга оширилсин ҳамда йўловчи ташувчи компанияларнинг ушбу имтиёз тақдим қилиш билан боғлиқ харажатлари Ўзбекистон Республикаси республика бюджети маблағлари ҳисобидан қоплаб берилсин.
Транспорт вазирлиги Молия вазирлиги, "Ўзбекистон темир йўллари" АЖ ва резидент авиакомпаниялар билан биргаликда бир ой муддатда йўловчиларнинг тегишли тоифалари учун махсус тарифларни тасдиқласин.
12. Қорақалпоғистон Республикасини ижтимоий-иқтисодий ривожлантириш, мавжуд муаммоларни бартараф этиш, аҳоли бандлигини таъминлаш ва тадбиркорликни янада ривожлантириш бўйича "Йўл харитаси" 3-иловага мувофиқ тасдиқлансин.
13. Молия вазирлиги 2022 йил 1 октябрга қадар "Ижтимоий ҳимоя ягона реестри" ахборот тизими орқали аниқланган кам таъминланган оилаларга қиш мавсумини беталафот ўтказиш учун (кўмир, суюлтирилган газ, озиқ-овқат, бошқа зарурий эҳтиёжлари учун) ҳар бир кам таъминланган оилага базавий ҳисоблаш миқдорининг 2 баравари миқдорида бир марталик моддий ёрдам пулларини ажратиш учун Қорақалпоғистон Республикаси республика бюджетига Ўзбекистон Республикаси республика бюджетидан қўшимча 100 миллиард сўмгача маблағ ажратсин.
Қорақалпоғистон Республикаси Вазирлар Кенгаши 2022 йил 25 октябрга қадар "Ижтимоий ҳимоя ягона реестри" ахборот тизимида рўйхатга олинган ҳар бир оилага қиш мавсумини беталафот ўтказиш учун ажратилаётган бир марталик моддий ёрдам пуллари тўлиқ тўлаб берилишини таъминласин ҳамда амалга оширилган ишлар бўйича Ўзбекистон Республикаси Президенти Администрациясига ахборот берсин.
14. А-380 "Ғузор-Бухоро-Нукус-Бейнеу" халқаро аҳамиятдаги автомобиль йўлининг Қорақалпоғистон Республикаси ҳудудидан ўтган қисми бўйлаб йўл бўйи инфратузилмасини ривожлантириш, шу жумладан савдо ва сервис объектларини жойлаштириш мақсадида:
Қишлоқ хўжалиги вазирлиги, Сув хўжалиги вазирлиги, Ўрмон хўжалиги давлат қўмитасининг 4-иловага мувофиқ жами 809 гектар қишлоқ хўжалигига мўлжалланган ер участкалари ва ўрмон фонди ерларини, шундан 85,6 гектар суғориладиган ер участкаларини (кейинги ўринларда - танланган ер участкалари) аҳоли пунктларининг қишлоқ хўжалигига мўлжалланмаган ерлари тоифасига ўтказиш тўғрисидаги хулосаси;
Қорақалпоғистон Республикаси Кегейли тумани, "Актуба" ОФЙ 3718қ контурдаги 2 гектар ва Хўжайли тумани, "Кулаб" ОФЙ 59қ, 60қ, 60ақ контурдаги 3,7 гектар ер майдонида ташкил этилган ёшлар саноат ва тадбиркорлик зоналари ерларининг яйлов ер тоифасини саноат, транспорт, алоқа, мудофаа ва бошқа мақсадларга мўлжалланган ерлар тоифасига ўзгартириш тўғрисидаги хулосаси;
Иқтисодий тараққиёт ва камбағалликни қисқартириш вазирлиги, Қурилиш вазирлиги, Туризм ва маданий мерос вазирлигининг танланган ер участкаларини мастер-режа асосида йўл бўйи инфратузилмасини ривожлантириш, жумладан савдо ва сервис объектларини жойлаштириш учун электрон онлайн-аукцион орқали реализация қилиш тўғрисидаги таклифи маъқуллансин.
Кадастр агентлиги мазкур бандга асосан ер ресурсларининг ҳолати тўғрисидаги миллий ҳисоботга ўзгартиришлар киритилишини таъминласин.
Белгилансинки, танланган ер участкалари қишлоқ хўжалигига мўлжалланган ерлар ҳамда ўрмон фонди ерлари тоифасидан чиқарилиши муносабати билан ҳисобланадиган қишлоқ хўжалиги ва ўрмон хўжалиги ишлаб чиқариши нобудгарчиликларининг ўрнини қоплаш бўйича тўловлар, истисно тариқасида, ундирилмайди.
15. Қорақалпоғистон Республикаси Вазирлар Кенгаши икки ой муддатда:
танланган ер участкаларининг белгиланган тартибда захирага қайтарилиши, давлат мулки сифатида давлат рўйхатидан ўтказилиши ҳамда электрон онлайн-аукционга чиқарилишини;
Қорақалпоғистон Республикаси Вазирлар Кенгаши ҳузуридаги тадбиркорлик инфратузилмасини ривожлантириш жамғармаси маблағлари ҳисобидан етакчи лойиҳа ташкилотларини жалб қилган ҳолда танланган ер участкаларининг мастер-режалари ишлаб чиқилишини таъминласин.
16. Инвестициялар ва ташқи савдо вазирлиги (Ш. Вафоев) йил якунига қадар А-380 "Ғузор-Бухоро-Нукус-Бейнеу" халқаро аҳамиятдаги автомобиль йўлининг Тўрткўл, Беруний ва Элликқалъа туманларидан ўтган қисмини реконструкция қилишга халқаро молия институтларидан дастлабки ҳисоб-китобларга асосан 160 миллион АҚШ доллари миқдоридаги маблағлар жалб этилишини таъминласин.
17. Вазирлар Маҳкамаси (А. Раматов) Қурилиш вазирлиги, Кадастр агентлиги ва Қорақалпоғистон Республикаси Вазирлар Кенгаши билан биргаликда икки ой муддатда Қорақалпоғистон Республикасининг туманларида аҳоли учун якка тартибдаги уй-жойлар қуриш учун ер участкаларини тақдим этиш ва 2023-2026 йилларда кўп қаватли ва якка тартибдаги уй-жойларни қуриш параметрларини тасдиқлашни назарда тутувчи норматив-ҳуқуқий ҳужжат лойиҳасини ишлаб чиқсин.
18. Белгилансинки, мазкур Фармоннинг 8-банди "б" кичик бандининг учинчи хатбошисида ва 10-бандининг "г" кичик бандида назарда тутилган қоидалар Ўзбекистон Республикасининг барча ҳудудида татбиқ этилади.
19. Молия вазирлиги Давлат солиқ қўмитаси, Давлат божхона қўмитаси, Қорақалпоғистон Республикаси Вазирлар Кенгаши ҳамда манфаатдор вазирлик ва идоралар билан биргаликда икки ой муддатда қонун ҳужжатларига мазкур Фармоннинг 2-банди ва 10-бандининг "г" кичик бандидан келиб чиқадиган ўзгартириш ва қўшимчалар киритиш бўйича норматив-ҳуқуқий ҳужжат лойиҳасини Вазирлар Маҳкамасига киритсин.
20. Ахборот ва оммавий коммуникациялар агентлиги, Ўзбекистон Миллий телерадиокомпанияси ва Ўзбекистон Миллий ахборот агентлиги оммавий ахборот воситалари билан биргаликда мунтазам равишда:
мазкур Фармоннинг мақсад ва вазифалари оммавий ахборот воситаларида, шу жумладан Интернет тармоғида ва ижтимоий тармоқларда кенг шарҳланишини ҳамда унинг мазмун-моҳияти жамоатчиликка тушунтирилишини;
мазкур Фармонга асосан Қорақалпоғистон Республикасида тадбиркорлик, инновацион технологиялар ва инфратузилмаларни жадал суръатларда ривожлантириш бўйича амалга оширилаётган ишларнинг атрофлича ёритиб борилишини;
амалга оширилаётган чора-тадбирларнинг бориши ва натижалари тўғрисидаги холис ва тўлиқ маълумотнинг аҳолига етказилишини таъминласин.
21. Адлия вазирлиги манфаатдор вазирлик ва идоралар билан биргаликда бир ой муддатда қонунчиликка мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
22. Ушбу Фармоннинг ўз вақтида ва сифатли ижро этилишини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси раҳбари С.У. Умурзаков зиммасига юклансин.
Амалга оширилаётган чора-тадбирлар натижадорлиги юзасидан ҳар чоракда Ўзбекистон Республикаси Президентига ахборот бериб борилсин.
Ўзбекистон Республикаси Президенти Ш. Мирзиёев
Президентининг
2022 йил 31 августдаги
ПФ-213-сон Фармонига
1-ИЛОВА
2022-2023 йилларда Қорақалпоғистон Республикасида
аукцион савдоларида реализация қилинадиган фойдали
қазилма конлари ва истиқболли участкалар
РЎЙХАТИ
Т/р |
Объект номи |
Туман |
Хомашё тури |
Майдони, Гектар
|
Норуда хомашёсини қазиб олиш
|
||||
1 |
"Жумуртов-II" кони
|
Амударё |
Порфирит |
8,5 |
2 |
"Хўжакўл (1960)" кони 1-участкаси
|
Қораўзак |
Бириктирувчи материал хомашёси учун ганч |
65 |
3 |
"Хўжакўл (1960)" кони 2-участкаси
|
56 |
||
4 |
"Хўжакўл (1960)" кони 3-участкаси
|
46 |
||
5 |
"Хўжакўл (1960)" кони 4-участкаси
|
42 |
||
6 |
"Хўжакўл (1960)" кони 5-участкаси
|
54 |
||
7 |
"Хўжакўл (1960)" кони 6-участкаси
|
50 |
||
8 |
"Қораўзак-1" кони
|
Порфирит |
6 |
|
9 |
"Кекликтау (1990)" кони 2-участкаси
|
Туф (қурилиш учун тош)
|
4 |
|
10 |
"Кекликтау (1990)" кони 4-участкаси
|
Туф (қурилиш учун тош)
|
4,1 |
|
11 |
"Қоратов (1974)" кони 1-участкаси |
Ғишт хомашёси учун лёссимон жинслар
|
3,5 |
|
12 |
"Қоратов (1974)" кони 3-участкаси |
Порфирит (қурилиш учун тош)
|
2,8 |
|
13 |
"Бештюбе" кони 1-участкаси |
Нукус |
Керамзит хомашёси учун бентонитли гиллар
|
15 |
14 |
"Бештюбе II (1990)" кони 2-участкаси |
Ғишт хомашёси учун лёссимон жинслар
|
8,4 |
|
15 |
"Кизилтау" кони 2-участкаси |
Қўнғирот |
Қурилиш ишлари учун қумлар
|
7,7 |
16 |
"Кизилтау" кони 3-участкаси |
Қурилиш ишлари учун қумлар
|
6 |
|
17 |
"Шимолий Жамансай (1990)" кони 1-участкаси
|
Беруний |
Цемент хомашёси учун гил |
9,48 |
18 |
"Шимолий Жамансай (1990)" кони 2-участкаси
|
Цемент хомашёси учун гил |
10 |
|
19 |
"Беруний (1983)" кони 1-участкаси |
Мармарлашган оҳактош (табиий пардозбоп тош)
|
3 |
|
20 |
"Олтинкўл (1986)" кони 1-участкаси |
Қонликўл |
Ғишт хомашёси учун лёссимон жинслар
|
15 |
Норуда хомашёси геология-қидирув ишлари
|
||||
21 |
Қизил қалъа-1
|
Беруний |
Қум-шағал |
8,2 |
22 |
Қизил қалъа-2
|
9,0 |
||
23 |
Хўжакўл 1
|
Қораўзак |
Қурилиш қумлари |
9,77 |
24 |
Хўжакўл 2
|
Қурилиш қумлари |
9,53 |
|
25 |
Қудайберген Тас
|
Порфирит |
4,5 |
|
26 |
Grushed Stoune-1
|
Порфирит |
3,8 |
|
27 |
Титан
|
Қум |
6 |
|
28 |
Темур-2
|
Қонликўл |
Лёссимон жинслар |
8,5 |
29 |
Темур-3
|
Лёссимон жинслар |
8,5 |
|
30 |
Каспий I
|
Қўнғирот |
Минерал туз |
20 |
Президентининг
2022 йил 31 августдаги
ПФ-213-сон Фармонига
2-ИЛОВА
Қорақалпоғистон Республикасида "E-auksion"
электрон савдо платформаси орқали деҳқон
хўжалиги юритиш учун ажратиладиган
ер майдонлари
Т/р |
Туманлар номи |
ПҚ-20-сон бўйича ажрати- ладиган майдон, гектар
|
Очиқ электрон танлов ғолиблари
|
Қолган майдон (+,-) |
2022 йилда қўшимча ажрати- ладиган майдон, гектар |
2022 йилда жами ажрати- ладиган майдон, гектар |
2023 йилда жами ажрати- ладиган майдон, гектар |
|
лот сони |
майдони, гектар
|
|||||||
Шимолий туманлар
|
||||||||
1 |
Бўзатов
|
10 |
67 |
23 |
13 |
12 |
22 |
66 |
2 |
Кегейли
|
367 |
573 |
333 |
-34 |
75 |
442 |
319 |
3 |
Мўйноқ
|
141 |
50 |
41 |
-100 |
141 |
114 |
|
4 |
Нукус
|
315 |
397 |
153 |
-162 |
56 |
371 |
509 |
5 |
Тахтакўпир
|
287 |
199 |
127 |
-160 |
40 |
327 |
397 |
6 |
Тахиатош
|
54 |
561 |
57 |
3 |
20 |
74 |
102 |
7 |
Хўжайли
|
14 |
428 |
108 |
94 |
152 |
166 |
346 |
8 |
Чимбой
|
319 |
339 |
175 |
-144 |
57 |
376 |
379 |
9 |
Шуманай
|
695 |
711 |
354 |
-341 |
695 |
351 |
|
10 |
Қонликўл
|
269 |
365 |
125 |
-144 |
56 |
325 |
382 |
11 |
Қораўзак
|
303 |
426 |
206 |
-97 |
52 |
355 |
357 |
12 |
Қўнғирот
|
603 |
1 123 |
585 |
-18 |
70 |
673 |
392 |
Жанубий туманлар
|
||||||||
13 |
Амударё
|
741 |
2 764 |
702 |
-39 |
105 |
846 |
669 |
14 |
Беруний
|
719 |
1 589 |
674 |
-45 |
105 |
824 |
640 |
15 |
Тўрткўл
|
405 |
1 015 |
319 |
-86 |
105 |
510 |
553 |
16 |
Элликқалъа
|
368 |
1 684 |
354 |
-14 |
105 |
473 |
444 |
Жами
|
5 610 |
12 291 |
4 336 |
-1 274 |
1 010 |
6 620 |
6 020 |
|
Изоҳ: шимолий туманларда деҳқон хўжалигини ташкил этиш учун ер майдонлари 2 гектаргача ажратилади.
Президентининг
2022 йил 31 августдаги
ПФ-213-сон Фармонига
3-ИЛОВА
Қорақалпоғистон Республикасини
ижтимоий-иқтисодий ривожлантириш, мавжуд
муаммоларни бартараф этиш, аҳоли бандлигини
таъминлаш ва тадбиркорликни янада
ривожлантириш бўйича
"ЙЎЛ ХАРИТАСИ"
Т/р |
Чора-тадбирлар номи |
Амалга ошириш механизми
|
Ижро муддати
|
Ижро учун масъуллар |
1. |
Қорақалпоғистон Республикасида жойлашган ва ушбу ҳудудда фаолият юритаётган тадбиркорлик субъектларига бепул асосда кўмаклашувчи юридик шахс ҳисобланмаган Ўзбекистон Республикаси Инвестициялар ва ташқи савдо вазирлиги ҳузуридаги "Инвесторларга кўмак маркази"ни ташкил этиш. |
1. Қорақалпоғистон Республикаси Вазирлар Кенгаши томонидан "Инвесторларга кўмак маркази"ни (кейинги ўринларда - Марказ) Нукус шаҳрида жойлаштириш учун текин фойдаланиш ҳуқуқи асосида бино ажратиш.
|
бир ҳафта муддатда |
Инвестициялар ва ташқи савдо вазирлиги (Ж.Ходжаев), Қорақалпоғистон Республикаси Вазирлар Кенгаши (Қ.Сариев), Савдо-саноат палатаси (Д.Ваҳабов), масъул вазирлик ва идоралар Ахборот технологиялари ва коммуникацияларини ривожлантириш вазирлиги (Ш.Шерматов) |
2. Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссияси томонидан масъул вазирлик, идора ва ташкилотлар юқори малакали ходимларидан иборат, таркиби ҳар ойда янгиланиб бориладиган Ишчи гуруҳ ташкил этиш.
|
бир ҳафта муддатда |
|||
3. Ишчи гуруҳнинг Марказда фаолият юритишини ташкил этиш. Қуйидагиларни Марказнинг асосий вазифалари этиб белгилаш: Қорақалпоғистон Республикасида рўйхатдан ўтган ва ушбу ҳудудда фаолият юритаётган тадбиркорлик субъектларига зарур бўлган рухсатнома, лицензия ва сертификатлар, шу жумладан, қонунчиликда назарда тутилган харажатлар учун компенсация ва субсидияларни олиш учун зарур ҳужжатларни расмийлаштиришга кўмаклашиш; ушбу тадбиркорлик субъектларининг тегишли ҳужжатлари ҳамда улар томонидан ишлаб чиқилаётган маҳсулотлар намуналарини тегишли ҳужжат олиш учун ваколатли органларга белгиланган тартибда юборишга кўмаклашиш; мазкур тадбиркорлик субъектларининг фаолияти давомида юзага келаётган муаммоларни "бир дарча" тамойили асосида жойида ҳал этишга кўмаклашиш; бюрократик тўсиқларни бартараф этиш, Қорақалпоғистон Республикаси ҳудудида бизнес муҳитини яхшилаш, шунингдек, тадбиркорлик билан шуғулланиш учун янада қулай шарт-шароитлар яратиш ҳамда қонунчиликни такомиллаштириш юзасидан таклифлар ишлаб чиқиш.
|
икки ҳафта муддатда |
|||
4. Марказ фаолиятини ташкил этиш учун зарур мебель ва техник жиҳозлар билан таъминлаш.
|
||||
5. Ишчи гуруҳ таркибини шакллантириш ҳамда белгиланган тартибда Нукус шаҳрига хизмат сафарига юборилишини ташкил этиш.
|
||||
6. Инвестициялар ва ташқи савдо вазирлигининг буюртмасига кўра, Марказни белгиланган тартибда зарур бўлган алоқа турлари ва воситалари билан таъминлаш, шунингдек, кенг қамровли Интернет тармоғидан фойдаланиш имкониятини яратиб бериш.
|
||||
7. Марказни қуриладиган технопарк ҳудудида жойлаштириш.
|
бир ҳафта муддатда |
|||
2. |
Қорақалпоғистон Республикаси ҳудудида қишлоқ хўжалигига мўлжалланмаган бўш турган ер участкаларида майдони камида 10 гектар бўлган ишлаб чиқариш технопаркини (кейинги ўринларда - технопарк) қуриш. |
1. Қорақалпоғистон Республикаси ҳудудидаги қишлоқ хўжалигига мўлжалланмаган бўш турган ер участкаларидан майдони камида 10 гектар бўлган бўш ер участкасини электрон онлайн-аукцион орқали харид қилиш; ушбу ер участкасида технопаркни қуриш. 2. Технопарк ичида қурилган объектларни бўлиб-бўлиб тўлаш шарти билан тадбиркорлик субъектларига мулк ҳуқуқи асосида "E-auksion" электрон савдо платформасида аукцион савдоларида сотиш.
|
2023 йил |
Инвестициялар ва ташқи савдо вазирлиги (Ж.Ходжаев), Қорақалпоғистон Республикаси Вазирлар Кенгаши (Қ.Сариев) |
3. |
Қорақалпоғистон Республикасида сув ҳисобини юритиш, йўқотишларни камайтириш ва сув таъминотини барқарорлаштириш. |
Хорижий экспертларни жалб қилган ҳолда ҳудудда сув ҳисобини юритиш, йўқотишларни камайтириш ва сув таъминотини барқарорлаштириш бўйича дастур ишлаб чиқиш ва Вазирлар Маҳкамасига киритиш. |
2022 йил 26 ноябрь |
Вазирлар Маҳкамаси (Ш.Ғаниев, Ж.Ходжаев), Сув хўжалиги вазирлиги (Ш.Хамраев), Кадастр агентлиги (Ф.Пулатов)
|
4. |
Қорақалпоғистон Республикасида қишлоқ хўжалиги ерларни суғоришда фойдаланилган сув ресурсларини автоматлаштирилган ахборот тизими орқали ҳисобга олиш ҳамда солиқ тўловчиларга сув ресурсларини ушбу автоматлаштирилган ахборот тизимидан фойдаланган ҳолда электрон буюртма асосида бериш тизимини жорий этиш. |
Қорақалпоғистон Республикасида қишлоқ хўжалиги ерларни суғоришда фойдаланилган сув ресурсларини автоматлаштирилган ахборот тизими орқали ҳисобга олиш ҳамда солиқ тўловчиларга сув ресурсларини ушбу автоматлаштирилган ахборот тизимидан фойдаланган ҳолда электрон буюртма асосида бериш тизимини жорий этиш юзасидан норматив ҳужжат лойиҳасини ишлаб чиқиш. |
2022 йил 1 ноябрь |
Давлат солиқ қўмитаси (Ш.Кудбиев), Сув хўжалиги вазирлиги (Ш.Хамраев), Қишлоқ хўжалиги вазирлиги (Ш.Тешаев), Ахборот технологиялари ва коммуникацияларини ривожлантириш вазирлиги (Ш.Шерматов), масъул вазирлик ва идоралар
|
5. |
Қорақалпоғистон Республикаси бўйича ҳар бир экин учун сув олиш истеъмолининг (суғориш) амалдаги нормативларини тасдиқлаш учун Вазирлар Маҳкамасига киритиш.
|
Қорақалпоғистон Республикаси бўйича ҳар бир экин учун сув олиш истеъмолининг (суғориш) амалдаги нормативларини қайта кўриб чиқиш. Тасдиқлаш учун Вазирлар Маҳкамасига киритиш. |
бир ой муддатда |
Қишлоқ хўжалиги вазирлиги (Ш.Тешаев), Сув хўжалиги вазирлиги (Ш.Хамраев) |
6. |
Қорақалпоғистон Республикасида қишлоқ хўжалигига мўлжалланмаган ер участкаларини мулк ҳуқуқи ва ижара ҳуқуқи асосида электрон онлайн-аукцион савдолари орқали реализация қилишдан тушадиган маблағлардан фойдаланиш тартибини ишлаб чиқиш. |
Қуйидагиларни назарда тутувчи Вазирлар Маҳкамаси қарори лойиҳасини ишлаб чиқиш: 1. Қорақалпоғистон Республикасида қишлоқ хўжалигига мўлжалланмаган ер участкаларини мулк ҳуқуқи ва ижара ҳуқуқи асосида электрон онлайн-аукцион савдолари орқали реализация қилишдан тушадиган маблағлардан Қорақалпоғистон Республикасининг республика бюджетига йўналтириладиган қисмининг 50 фоизини мазкур ер участкалари жойлашган туман (шаҳар)лар бюджетига йўналтириш; 2. Маблағларни туман (шаҳар) ҳокимининг қарори билан ҳудудларда янги ер участкаларини аниқлаш ва уларнинг жозибадорлигини оширган ҳолда электрон онлайн-аукцион савдоларига чиқариш, шунингдек, кўп қаватли уй-жойларнинг реновация дастурларини амалга ошириш ҳамда давлат ва жамоат эҳтиёжлари учун ер участкаларининг олиб қўйилиши муносабати билан жисмоний ва юридик шахсларга етказилган зарарларни қоплаш, инфратузилма объектларини ташқи муҳандислик-коммуникация тармоқлари билан таъминлаш билан боғлиқ харажатларни мақсадли молиялаштиришга йўналтириш.
|
2022 йил 1 декабрь |
Молия вазирлиги (А.Хайдаров), Давлат активларини бошқариш агентлиги (А.Ортиқов), Иқтисодий тараққиёт ва камбағалликни қисқартириш вазирлиги (А.Бобоев) |
7. |
Қорақалпоғистон Республикасида норуда фойдали қазилма конлари ва ер участкаларини аукцион савдоларига чиқариш. |
1. Қорақалпоғистон Республикасида норуда фойдали қазилма конлари ва ер участкаларини Давлат геология қўмитасига доимий фойдаланиш ҳуқуқи асосида ажратиб бериш. 2. Қорақалпоғистон Республикасида норуда фойдали қазилма конлари ва ер участкаларини аукцион савдоларига чиқариш.
|
бир ой муддатда |
Қорақалпоғистон Республикаси Вазирлар Кенгаши (Қ.Сариев), Давлат геология қўмитаси (Ш.Алимов) |
8. |
Қорақалпоғистон Республикаси маҳаллаларида ҳамширалик мутахассислиги бўйича ўқишни тугатган ва ҳозирги вақтда ишсиз бўлган хотин-қизлар малакасини ошириш орқали уларнинг бандлигини таъминлаш. |
1. Ташкил этилаётган "Ишга марҳамат" мономарказларида ҳамширалар малакасини ошириш курслари фаолиятини йўлга қўйиш. 2. Соғлиқни сақлаш вазирлиги томонидан мазкур малака ошириш курсларини ўқув-методик материаллар ва педагог кадрлар билан таъминлаш ҳамда тингловчиларнинг тиббиёт муассасаларида амалиёт ўташини ташкил этиш. 3. "Ишга марҳамат" мономарказларида ҳамда Соғлиқни сақлаш вазирлиги ҳузуридаги республика ўрта тиббиёт ходимлари ва фармацевтлар малакасини ошириш Қорақалпо-ғистон Республикаси марказида малака ошириш курсларида ўқиган ва ўзини ўзи банд қилган ҳамшираларга патронаж сумкаси ва унинг ичидаги зарурий тиббиёт жиҳозларини харид қилиш учун Аҳолини тадбиркорликка жалб қилиш жамғармаси ҳисобидан 2025 йил 1 январга қадар бир марталик субсидия ажратиш амалиётини жорий этиш.
|
2022-2024 йилларда |
Маҳаллабай ишлаш ва тадбиркорликни ривожлантириш агентлиги (М.Убайдуллаев), Бандлик ва меҳнат муносабатлари вазирлиги (Н.Хусанов), Соғлиқни сақлаш вазирлиги (Б.Мусаев), Қорақалпоғистон Республикаси Вазирлар Кенгаши (Қ.Сариев) |
9. |
Аҳолини тадбиркорликка жалб қилиш жамғармаси маблағлари ҳисобидан Қорақалпоғистон Республикасида аҳолини касб-ҳунар ва тадбиркорликка ўқитишни ташкиллаштириш. |
1. Касб-ҳунар ва тадбиркорлик кўникмаларига ўқиб, сертификат олган Қорақалпоғистон Республикаси ҳудудида яшовчи ишсиз фуқароларга ўз тадбиркорлик фаолиятини бошлаши ҳамда ўзини ўзи банд қилиши учун Аҳолини тадбиркорликка жалб қилиш жамғармаси маблағлари ҳисобидан 7 миллион сўмгача, хотин-қизларга 10 миллион сўмгача асбоб-ускуна ва (ёки) меҳнат қуроллари сотиб олиш учун субсидия ажратишни йўлга қўйиш. 2. 2025 йил 1 январга қадар ишсиз ёшларнинг бандлигини таъминлаш мақсадида уй шароитида биогумус ўғитини ишлаб чиқаришни ташкил этиш учун Аҳолини тадбиркорликка жалб қилиш жамғармаси ҳисобидан субсидия ажратиш механизмини жорий этиш.
|
2022-2024 йилларда |
Маҳаллабай ишлаш ва тадбиркорликни ривожлантириш агентлиги (М.Убайдуллаев), Бандлик ва меҳнат муносабатлари вазирлиги (Н.Хусанов), Соғлиқни сақлаш вазирлиги (Б.Мусаев), Қорақалпоғистон Республикаси Вазирлар Кенгаши (Қ.Сариев) |
3. Ҳамшираларга патронаж сумкаси ва унинг ичидаги зарурий тиббиёт жиҳозларини харид қилиш, шунингдек, уй шароитида биогумус ўғитини ишлаб чиқаришни ташкил этиш учун субсидия ажратиш тартибини Вазирлар Маҳкамасига киритиш.
|
бир ой муддатда |
|||
10. |
Қорақалпоғистон Республикасидаги халқаро ва ички автомобиль йўлларини яхшилаш. |
Қорақалпоғистонда халқаро ва ички автомобиль йўлларини ривожлантириш бўйича алоҳида дастур ишлаб чиқиш ва Вазирлар Маҳкамасига киритиш. |
2022 йил 26 октябрь |
Вазирлар Маҳкамаси (А.Раматов), Транспорт вазирлиги (И.Маҳкамов)
|
11. |
А-380 "Ғузор-Бухоро-Нукус-Бейнеу" халқаро аҳамиятдаги автомобиль йўлининг 581-673 км қисмини реконструкция қилиш объекти бўйича лойиҳаолди ишларни амалга ошириш. |
1. Қорақалпоғистон Республикаси Вазирлар Кенгаши томонидан А-380 "Ғузор-Бухоро-Нукус-Бейнеу" халқаро аҳамиятдаги автомобиль йўлининг 581-673 км қисмини реконструкция қилиш учун Тўрткўл, Элликқалъа ва Беруний туманлари ҳудудидан зарур бўлган ер майдонлари ажратиб берилишини таъминлаш. |
бир ой муддатда |
Қорақалпоғистон Республикаси Вазирлар Кенгаши (Қ.Сариев), Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссияси (Ш.Ғаниев), Кадастр агентлиги (Ф.Пулатов) |
2. А-380 "Ғузор-Бухоро-Нукус-Бейнеу" халқаро аҳамиятдаги автомобиль йўлининг Тўрткўл, Беруний ва Элликқалъа туманлари ҳудудидан ўтган 581-673 км қисмини цемент бетон қоплама асосида реконструкция қилиш учун халқаро молия институтлари маблағларини жалб этиш юзасидан келишувга эришиш чораларини кўриш.
|
2022 йил якунига қадар |
Инвестициялар ва ташқи савдо вазирлиги (Ш.Вафоев), Молия вазирлиги (Т.Ишметов), Автомобиль йўллари қўмитаси (А.Абдувалиев) |
||
3. А-380 "Ғузор-Бухоро-Нукус-Бейнеу" халқаро аҳамиятдаги автомобиль йўлининг 581-673 км қисмини реконструкция қилиш лойиҳаси доирасида бузишга тушган турар ва нотурар жойлар эгаларига ҳисобланган компенсация тўловларини 2023 йил мобайнида Ўзбекистон Республикаси бюджетининг марказлаштирилган жамғармаси ҳисобидан тўлаб беришни таъминлаш.
|
2023 йил мобайнида |
Қорақалпоғистон Республикаси Вазирлар Кенгаши (Қ.Сариев), Молия вазирлиги (Т.Ишметов) |
||
12. |
Осиё инфратузилмавий инвестициялар банки маблағлари ҳисобига "Қорақалпоғистон Республикаси ва Хоразм вилоятидаги умумий фойдаланишдаги маҳаллий аҳамиятга эга автомобиль йўлларини тўла таъмирлаш" лойиҳасини амалга ошириш.
|
Осиё инфратузилмавий инвестициялар банки маблағлари ҳисобига "Қорақалпоғистон Республикаси ва Хоразм вилоятидаги умумий фойдаланишдаги маҳаллий аҳамиятга эга автомобиль йўлларини тўла таъмирлаш" лойиҳасининг 2023 йил давлат ташқи қарзи жалб қилинадиган инвестиция лойиҳалари рўйхатига киритилишини таъминлаш.
|
2022 йил IV чорак |
Молия вазирлиги (Т.Ишметов), Инвестициялар ва ташқи савдо вазирлиги (Ш.Вафоев) |
13. |
Қорақалпоғистон Республикасида Ёшлар саноат ва тадбиркорлик зоналарини ҳамда А-380 халқаро автомагистрал йўл бўйи инфратузилмасини ривожлантириш, жумладан савдо ва сервис объектларини жойлаштириш. |
1. А-380 халқаро автомагистралининг хавфсизлик минтақасидан ташқаридаги йўл бўйича ўрмон хўжалиги фондидаги ер майдонларини туман (шаҳар) захира ер фондига қайтариб, йўл бўйи инфратузилмасини ривожлантириш, жумладан савдо ва сервис объектларини жойлаштириш мақсадида мазкур ер майдонларининг электрон онлайн-аукционга чиқарилишини таъминлаш.
|
бир ой муддатда |
Қорақалпоғистон Республикаси Вазирлар Кенгаши (Қ.Сариев), Қишлоқ хўжалиги вазирлиги (Ш.Тешаев), Ўрмон хўжалиги давлат қўмитаси (Н.Бакиров), Кадастр агентлиги (Ф.Пулатов), Автомобиль йўллари қўмитаси (А.Абдувалиев), Инвестициялар ва ташқи савдо вазирлиги (О.Рустамов) |
2. Қорақалпоғистон Республикасидаги туман ҳокимликларини ёшлар саноат ва тадбиркорлик зоналари учун ер майдонлари ажратилиши ва тоифаси ўзгартирилиши ҳамда йўл бўйида савдо ва хизмат кўрсатиш объектларини қуриш билан боғлиқ қишлоқ хўжалиги ва ўрмон хўжалиги ишлаб чиқариши нобудгарчиликларининг ўрнини қоплаш бўйича компенсация тўловларидан, истисно тариқасида, озод қилиш.
|
бир ой муддатда |
|||
14. |
Нукус шаҳри ва бошқа туманларда жойлашган "Қорақалпоғистон минтақавий пахта терминали" МЧЖга қарашли бугунги кунда аукцион савдоларида турган бино-иншоот ва унга тегишли ер майдонини сотиш чора-тадбирларини жадаллаштириш. |
Нукус шаҳрида жойлашган "Қорақалпоғистон минтақавий пахта терминали" МЧЖга қарашли бугунги кунда аукцион савдоларида турган бино-иншоот ва унга тегишли ер майдонини сотишда Ўзбекистон Республикаси Президентининг 2022 йил 30 майдаги "Қорақалпоғистон Республикасининг шимолий туманларида тадбиркорликни ривожлантириш-нинг қўшимча чора-тадбирлари тўғрисида"ги ПҚ-264-сон қарори 1-бандида назарда тутилган тартибнинг татбиқ этилишини таъминлаш.
|
тегишли объектлар сотилгунга қадар |
"Ўзпахтасаноат" АЖни тугатиш комиссияси, Қорақалпоғистон Республикаси Вазирлар Кенгаши (Қ.Сариев) |
15. |
Қорақалпоғистон Республикасида шамол станциясини қуриш лойиҳаларини кенгайтириш. |
1. Қорақалпоғистон Республикасининг Қораўзак туманида қуввати 100 МВт бўлган (Каратау-1), Беруний ва Қораўзак туманларида қуввати 200 МВт бўлган (Каратау-2), Қўнғирот туманида қуввати 1500 МВт бўлган шамол станцияларини қуриш лойиҳаларини ишлаб чиқиш жараёнларини жадаллаштириш. 2. Ушбу лойиҳалар бўйича инвесторлар ва халқаро молия институтларини жалб қилиш.
|
2023 йил март |
Энергетика вазирлиги (Ш.Ходжаев) |
16. |
Аҳоли хонадонларининг кадастрларини тўлиқ расмийлаштириш тартибини ишлаб чиқиш. |
Қуйидагиларини назарда тутувчи Ўзбекистон Республикаси Президенти қарори лойиҳасини ишлаб чиқиш: биринчи босқичда (2022-2023 йилларда) Қорақалпоғистон Республикасида, иккинчи босқичда (2023-2024 йилларда) қолган ҳудудларда аҳоли хонадонларини маҳаллабай таҳлил қилиб, уй-жойга эгалик ҳуқуқини тасдиқловчи кадастр ҳужжатига эга бўлмаган хонадонларнинг электрон рўйхатини шакллантириш; уй-жойга эгалик ҳуқуқини эътироф этишга асос бўлувчи ҳужжатларни тўплаб, электрон базага киритиш; ушбу тадбирларни амалга оширишда зарур ҳолларда аэрокосмик съёмка материалларидан фойдаланиш.
|
2022 йил 1 октябрь |
Адлия вазирлиги (Р.Давлетов), Давлат солиқ қўмитаси (Ш. Кудбиев), Кадастр агентлиги (Ф. Пулатов) |
17. |
Қорақалпоғистон Республикасига авиақатновлар сонини ошириш. |
Қорақалпоғистон Республикасидан Тошкент шаҳри ва бошқа вилоятларга йўловчи ташувчи авиақатновлар сонини ошириш.
|
бир ой муддатда |
Транспорт вазирлиги (И.Маҳкамов) |
18. |
Нукус шаҳри, Тахиатош ва Хўжайли туманлари марказларида оқова сув тармоқларини қуриш. |
1. Нукус шаҳри, Тахиатош ва Хўжайли туманлари марказларида оқова сув тармоқлари қурилишига 78 миллион АҚШ доллари миқдорида маблағларни йўналтиришни жадаллаштириш.
2. Лойиҳанинг техник иқтисодий асосларини ишлаб чиқиб, Вазирлар Маҳкамасига тасдиқлаш учун киритиш.
|
2022 йил 15 октябрь |
Вазирлар Маҳкамаси (А.Раматов), Уй-жой коммунал хизмат кўрсатиш вазирлиги (Ш.Хидоятов), Молия вазирлиги (Т.Ишметов) |
3. Лойиҳани амалга ошириш. |
2022-2025 йиллар
|
|||
19. |
Қорақалпоғистон Республикасида мактабгача таълим, умумий ўрта таълим ва тиббиёт соҳасини янада ривожлантириш. |
2022-2026 йиллар Давлат бюджет параметрларида Қорақалпоғистон Республикасида мактабгача таълим, умумий ўрта таълим ва тиббиёт объектлари қурилишига қўшимча 5 трлн сўм ажратишни назарда тутиш. |
2022 йил 1 декабрь |
Молия вазирлиги (А.Хайдаров), Иқтисодий тараққиёт ва камбағалликни қисқартириш вазирлиги (А.Бобоев)
|
Президентининг
2022 йил 31 августдаги
ПФ-213-сон Фармонига
4-ИЛОВА
Қорақалпоғистон Республикасида йўл бўйида
жойлашган ва унумдорлиги паст бўлган
қишлоқ хўжалиги ерлари тоифасидан қишлоқ
хўжалигига мўлжалланмаган ерлар тоифасига
ўтказиладиган ер участкалари
РЎЙХАТИ
Т/р |
Туманлар |
Маҳалла (овул) фуқаролар йиғини номи |
Контур рақами |
Ер майдони, гектар |
Шундан:
|
||
суғориладиган |
бўз ерлар |
яйлов ва пичанзорлар
|
|||||
Қорақалпоғистон Республикаси
|
155 |
809 |
85,6 |
28,6 |
694,9 |
||
1. |
Амударё |
"Бештом" МФЙ, "Назархон" ОФЙ
|
249қ, 137қ, 645, 576, 575, 574, 528, 170, 177, 666 |
52,9 |
52,9 |
||
2. |
Беруний |
"Беруний" ОФЙ, "Абай" ОФЙ
|
2760қ, 1158қ, 1159қ, 1161қ, 1749қ, 315қ |
7,6 |
7,6 |
||
3. |
Бўзатов |
"Еркиндарья" ОФЙ
|
22780, 19941, 19764, 19766 |
318,1 |
318,1 |
||
4. |
Қораўзак |
"Бердак" ОФЙ, "Маденият" ОФЙ
|
2761, 2773, 2931, 2932, 2933, 2395, 49 |
36,4 |
36,4 |
||
5. |
Кегейли |
"Кумшунгул" ОФЙ, "Актуба" ОФЙ, "Жанабазар" ОФЙ |
7732қ, 7130қ, 7125қ, 7279қ, 7381қ, 7393қ, 8328қ, 6782қ, 6779қ, 6860қ, 6861қ, 6863қ, 7133, 7356, 2269қ, 7675, 5677
|
83,6 |
1,8 |
81,8 |
|
6. |
Қонликўл |
"Бескопир" ОФЙ, "Арзымбеткум" ОФЙ, "Канлыкўл" ОФЙ, "Бостан" ОФЙ, "Жана кала" ОФЙ, |
332, 342, 350, 351, 352, 353, 319, 494, 490, 488, 1121, 1225, 2523, 2527, 2528, 1487, 2839, 2840, 2451, 2751, 2693, 2619
|
103,5 |
0,8 |
28,6 |
74,1 |
7. |
Қўнғирот |
"Қўнғирот" ОФЙ, "Адебият" ОФЙ |
1667қ, 1673қ, 1670қ, 1723қ, 1726қ, 1734қ, 1735қ, 1679қ, 1678қ, 1626қ, 1632қ, 1629қ, 1628қ, 1625қ, 2528қ, 2526қ
|
32,9 |
30,9 |
2,0 |
|
8. |
Мўйноқ |
"Бозатау" ОФЙ
|
3580, 3581 |
12,4 |
12,4 |
||
9. |
Тахиатош |
"Жайхун" МФЙ |
138, 139, 141, 142, 143, 144, 145, 146, 147, 148, 149, 150, 151, 152, 153, 155, 156, 157, 126, 127, 132, 133, 134, 135, 136, 160
|
41,3 |
41,3 |
||
10. |
Тахтакўпир |
"Караой" ОФЙ, "Ўзбекистон" МФЙ
|
1715, 1218 |
0,47 |
0,47 |
||
11. |
Тўрткўл |
"Оқбошли" ОФЙ, "Ўзбекистон" ОФЙ, "Тозабоғёп" ОФЙ
|
320қ, 1363, 984 |
98,5 |
98,5 |
||
12. |
Хўжайли |
"Жана жап" ОФЙ, "Кулаб" ОФЙ, "Кун Нури" ОФЙ
|
1117қ, 331қ, 60қ, 451қ |
3,8 |
3,8 |
||
13. |
Чимбой |
"Тазгара" ОФЙ, "Кенес" ОФЙ |
3949, 1537, 3276, 4440, 4441, 3370, 3239, 3240, 3241, 3243, 3244, 3245, 3246, 3247, 2474, 2536, 2545, 2546, 2547, 2548, 2549, 2550, 2956
|
6,0 |
6,0 |
||
14. |
Шуманай |
"Тошкент" ОФЙ
|
1385, 1386, 1330, 1331, 1341 |
11,3 |
10,7 |
0,6 |
|
15. |
Элликқалъа |
"Амиробод" ОФЙ, "Сарибий" ОФЙ, "Кошкура" МФЙ, "Пахтачи" МФЙ, "Киличинок" ОФЙ
|
632қ, 470қ, 99қ, 814қ, 302қ |
0,41 |
0,41 |
||
78-150-11-72 
Мобильная версия сайта