Бўлажак ҳамкор қандай текширилади ва лозим даражада эҳтиёткорлик қандай қилинади

Функция недоступна

БЎЛАЖАК ҲАМКОР ҚАНДАЙ ТЕКШИРИЛАДИ ВА ЛОЗИМ ДАРАЖАДА ЭҲТИЁТКОРЛИК ҚАНДАЙ ҚИЛИНАДИ

2020 йилдан бошлаб шартномалар билан ишлашда ҳар қандай юридик шахс раҳбариятида янги - эҳтиёткор бўлиш мажбурияти пайдо бўлди (СКнинг 15-моддаси). Директорни бунга ўргатиб бўлмайди, шунинг учун бухгалтернинг эҳтиёткор бўлишига тўғри келади. Янги Солиқ кодексида лозим даражада эҳтиёткорлик нима эканлигига аниқ таъриф берилмаган, аммо бунинг учун нима қилиш кераклиги норманинг мазмунидан кўриниб турибди.

Бухгалтерия хизмати учун бу янгилик эмас. Сиз аввал ҳам хотиржамлигингиз ва битим хавфсизлиги учун бизнес ҳамкорингизни текширгансиз, аммо энди бу сизнинг мажбуриятингизга айланди. Солиқ органида эса битимнинг тўғри расмийлаштирилганлигини текшириш ва унинг тавсифланишини ўзгартириш ҳуқуқи пайдо бўлди (СКнинг 14-моддаси иккинчи қисми). Улар битимни қалбаки (кўзбўямачилик учун тузилган) деб эътироф қилишлари, сизни ҳуқуқни суиистеъмол қилишда (СКнинг 14-моддаси бешинчи қисми) ёки бизнес ҳамкор танлашда лозим даражада эҳтиёткорлик қилмаганликда айблашлари мумкин (СКнинг 14-моддаси учинчи қисми).

Диққат!

Ҳуқуқни суиистеъмол қилишни, битимнинг қалбакилигини, кўзбўямачилик учун тузилганлигини эндиликда солиқ органи ўзининг ички ишончига кўра белгилайди (СКнинг 14-моддаси саккизинчи қисми).

ҚҚС бўйича чегирмаларни ва харажатларни ҳисобдан чиқаришни рад этишнинг энг кенг тарқалган сабабларидан бири - инсофсиз бизнес-ҳамкор. Ва уни танлашда лозим даражада эҳтиёткорлик қилмаганлик учун айнан сиз айбдор бўласиз. Албатта, ҳамкорларни доим текширишингиз керак, айниқса кичик компаниялар билан ишлаётган бўлсангиз. Аввало, ўзингизни фирибгарлардан ҳимоя қилиш ва ҳамкорингизнинг ишончли эканлигини аниқлаш учун. Ҳар бир ташкилот ҳамкорларни ўзига хос тарзда текширади. Аммо текшириш тартиботини локал ҳужжатингизда – “Шартномавий иш тўғрисидаги низом”да белгилаб қўйган маъқул. Бухгалтерия ходимлари учун “эслатмалар” ишлаб чиқишингиз мумкин.

Янги СКнинг жорий этилиши билан солиқ органлари ҳам сизнинг ҳамкор танлашингизга “носоғлом” қизиқиш билдиради. Лозим даражада эҳтиёткорлик солиқчилар наздида нимани англатади ва улар талаб қилган тақдирда жуда эҳтиёткор бўлганингизни исботлай олиш учун ҳамкорни қандай текшириш керак.

Лозим даражада эҳтиёткорлик қилмаганлик учун ҳеч қандай жазо йўқ, шунинг учун сизга