Ўзбекистон Республикаси Президентининг 27.09.2022 й. ПҚ-381-сон "Оролбўйи ҳавзасида сув ресурсларини иқлим ўзгаришига мос ҳолда бошқариш" лойиҳасини Осиё тараққиёт банки иштирокида амалга ошириш чора-тадбирлари тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

27.09.2022 й.

N ПҚ-381

"ОРОЛБЎЙИ ҲАВЗАСИДА СУВ РЕСУРСЛАРИНИ

ИҚЛИМ ЎЗГАРИШИГА МОС ҲОЛДА БОШҚАРИШ"

ЛОЙИҲАСИНИ ОСИЁ ТАРАҚҚИЁТ БАНКИ

ИШТИРОКИДА АМАЛГА ОШИРИШ

ЧОРА-ТАДБИРЛАРИ ТЎҒРИСИДА

Бирлашган Миллатлар Ташкилоти Бош Ассамблеясининг 2021 йил 18 майдаги 75-сессиясида маъқулланган "Оролбўйи минтақасини экологик инновациялар ва технологиялар ҳудуди деб эълон қилиш тўғрисида"ги махсус резолюцияси доирасида белгиланган вазифаларни амалга ошириш, Оролбўйи минтақасидаги суғориладиган ерларда қишлоқ хўжалигини барқарор ривожлантиришни таъминлаш, Қорақалпоғистон Республикаси, Бухоро, Сурхондарё ҳамда Хоразм вилоятларида сув ва ер ресурсларидан самарали фойдаланиш, шунингдек, Осиё тараққиёт банки билан ҳамкорликни янада кенгайтириш мақсадида:

1. Қуйидагилар:

"Оролбўйи ҳавзасида сув ресурсларини иқлим ўзгаришига мос ҳолда бошқариш" лойиҳасини (кейинги ўринларда - Лойиҳа) молиялаштириш учун Ўзбекистон Республикаси ва Осиё тараққиёт банки ўртасида 2022 йил 24 июнда 25 йил муддатга, шу жумладан 5 йиллик имтиёзли давр билан 150 миллион АҚШ доллари миқдорида қарз ажратилишини назарда тутувчи Қарз музокаралари баёни имзоланганлиги;

Лойиҳанинг умумий қиймати 194,9 миллион АҚШ долларини ташкил этиши, шу жумладан Лойиҳани амалга оширишда Ўзбекистон Республикасининг ҳиссаси 40,2 миллион АҚШ доллари эквивалентида, шундан 26,6 миллион АҚШ доллари республика бюджети ҳисобидан қўшилган қиймат солиғини қоплаб бериш ва божхона божидан озод этиш шаклида бўлиши;

Осиё тараққиёт жамғармасидан 3 миллион АҚШ доллари, Осиё тараққиёт банкининг Юқори технологиялар жамғармасидан 0,3 миллион АҚШ доллари ажратилиши;

фермер хўжаликлари улуши 1,38 миллион АҚШ долларини ташкил қилиши;

Лойиҳани амалга оширишда "вақтинча олиб кириш" божхона режимига расмийлаштирилган махсус техникалар, механизмлар ва технологик ускуналар божхона божлари ва солиқ тўловларидан шартли озод этилиши;

Лойиҳани амалга ошириш даври 7 йил (2022-2029 йиллар) этиб белгиланганлиги;

Лойиҳа Қорақалпоғистон Республикаси, Бухоро, Сурхондарё ва Хоразм вилоятларида амалга оширилиши маълумот учун қабул қилинсин.

2. Белгилансинки:

Сув хўжалиги вазирлиги - Лойиҳани амалга ошириш, қарз ва грант маблағларидан мақсадли ҳамда самарали фойдаланиш, шунингдек, Лойиҳанинг барча мақсадли кўрсаткичларига эришилишини таъминлаш юзасидан масъул ижро этувчи орган ҳисобланади;

Лойиҳани бошқариш ва мувофиқлаштириш функциялари Сув хўжалиги вазирлиги ҳузуридаги Сув хўжалигида хорижий инвестиция лойиҳаларини амалга ошириш марказига (кейинги ўринларда - Марказ) юкланади;

Осиё тараққиёт банкининг қарзини сўндириш, шунингдек, фоиз, қарз бўйича комиссия ва бошқа тўловлар билан боғлиқ харажатлар Ўзбекистон Республикасининг республика бюджети ҳисобидан амалга оширилади.

3. Сув хўжалиги вазирлиги (Ш.Р. Хамраев):

Инвестициялар ва ташқи савдо вазирлиги (Л.Ш. Кудратов) билан биргаликда Лойиҳа амалга оширилишини жадаллаштириш мақсадида Марказ таркибида юридик шахс мақомига эга бўлмаган Лойиҳани амалга ошириш гуруҳини ташкил этсин;

Лойиҳани амалга ошириш гуруҳининг ҳар йиллик харажатлар сметаси ва штатлар жадвалини Молия вазирлиги (О.Р. Исаков) билан келишган ҳолда тасдиқласин;

Қорақалпоғистон Республикаси Вазирлар Кенгаши, Бухоро, Сурхондарё ва Хоразм вилоятлари ҳокимликлари билан биргаликда тегишли ҳудудлардан Марказга Лойиҳа доирасида текин фойдаланиш учун зарур бино ва иншоотлар (хоналар) ажратилишини таъминласин.

4. Лойиҳа маблағлари билан боғлиқ банк операциялари тижорат банкларида очиладиган сўраб олгунга қадар алоҳида депозит ҳисобварақлари (иккиламчи) орқали амалга оширилади.

Бунда, мазкур ҳисобварақлар орқали иш ҳақи, солиқ тўловлари, шунингдек, Лойиҳа доирасидаги бошқа харажатлар тўланади. Ушбу ҳисобварақлардан Марказнинг бошқа лойиҳалари бўйича мажбуриятларни сўндириш учун маблағларни йўналтиришга йўл қўйилмайди.

5. Молия вазирига Лойиҳа доирасида қарз ва грант битимларини Ўзбекистон Республикаси номидан имзолаш ваколати берилсин.

6. Адлия вазирлиги Ўзбекистон Республикаси ва Осиё тараққиёт банки ўртасидаги қарз битими юзасидан белгиланган тартибда юридик хулоса берсин.

7. Қуйидагилар:

"Оролбўйи ҳавзасида сув ресурсларини иқлим ўзгаришига мос ҳолда бошқариш" лойиҳасининг асосий техник-иқтисодий кўрсаткичлари (жами лойиҳа бўйича) 1-иловага мувофиқ;

"Оролбўйи ҳавзасида сув ресурсларини иқлим ўзгаришига мос ҳолда бошқариш" лойиҳасининг асосий техник-иқтисодий кўрсаткичлари ("Жондор" сублойиҳаси бўйича) 2-иловага мувофиқ;

"Оролбўйи ҳавзасида сув ресурсларини иқлим ўзгаришига мос ҳолда бошқариш" лойиҳасининг асосий техник-иқтисодий кўрсаткичлари ("Боботоғ" сублойиҳаси бўйича) 3-иловага мувофиқ;

"Оролбўйи ҳавзасида сув ресурсларини иқлим ўзгаришига мос ҳолда бошқариш" лойиҳасининг асосий техник-иқтисодий кўрсаткичлари (кичик сублойиҳалар бўйича) 4-иловага мувофиқ;

"Оролбўйи ҳавзасида сув ресурсларини иқлим ўзгаришига мос ҳолда бошқариш" лойиҳаси учун Осиё тараққиёт банкидан жалб этиладиган қарз бўйича асосий қарзни қайтариш ва фоизлар тўлашнинг прогноз жадвали 5-иловага мувофиқ тасдиқлансин.

8. Инвестициялар ва ташқи савдо вазирлиги Молия вазирлиги билан биргаликда белгиланган тартибда Ўзбекистон Республикасининг инвестиция дастурларида ҳар бир йил учун асосий кўрсаткичларни аниқлаштириб ва янгилаб борган ҳолда Лойиҳа доирасида ажратиладиган маблағларни инобатга олсин.

9. Сув хўжалиги вазирлигининг буюртманомаларига биноан:

Ташқи ишлар вазирлиги - Лойиҳани амалга оширишда иштирок этадиган хорижий мутахассисларга кириш визаларини консуллик ва бошқа йиғимларни ундирмаган ҳолда расмийлаштирилишини;

Ички ишлар вазирлиги - Лойиҳани амалга оширишда иштирок этадиган хорижий мутахассисларга давлат божи ундирмасдан кўп марталик визалар берилиши ҳамда уларнинг муддати узайтирилишини, шунингдек, вақтинча турган жойи бўйича рўйхатга олинишини ва унинг муддати узайтирилишини;

Бандлик ва меҳнат муносабатлари вазирлиги - белгиланган тартибда Лойиҳани амалга оширишда иштирок этаётган юқори малакали хорижий мутахассисларга Ўзбекистон Республикаси ҳудудида меҳнат фаолиятини олиб бориш ҳуқуқини берувчи тасдиқномалар берилишини таъминласин.

10. Қуйидагилар:

сув хўжалиги вазири Ш.Р. Хамраев, Қорақалпоғистон Республикаси Вазирлар Кенгаши Раиси Қ.Р. Сариев, Бухоро вилояти ҳокими Б.К. Зарипов, Сурхондарё вилояти ҳокими Т.А. Боболов ва Хоразм вилояти ҳокими Ф.У. Эрманов Лойиҳа бўйича зарур чора-тадбирларни амалга ошириш учун лозим бўлган шароитларни таъминлашга, шунингдек, Осиё тараққиёт банки тартиб-таомиллари ва Ўзбекистон Республикаси қонунчилик ҳужжатлари талабларига мувофиқ зарур ҳисобот ва ҳужжатларни ўз вақтида тайёрлаш ва тақдим этишни ташкил этишга;

Давлат дастурлари ижро этилишини назорат қилиш ва мувофиқлаштириш бўйича республика штаби раҳбари Э.Т. Юлдашев Лойиҳа доирасидаги маблағларнинг мақсадли ажратилиши ва сарфланиши устидан доимий назорат ўрнатилишига;

қурилиш вазири Б.И. Закиров Лойиҳа доирасида амалга ошириладиган қурилиш-монтаж ишларининг сифатли бажарилиши устидан назорат ўрнатилишига;

Коррупцияга қарши курашиш агентлиги директори А.Э. Бурханов Лойиҳа доирасида ажратилган маблағларнинг мақсадли ишлатилиши жараёнида очиқлик ва ошкораликни таъминлаш устидан доимий назорат ўрнатилишига шахсан масъул ва жавобгар эканлиги белгилаб қўйилсин.

11. Мазкур қарорнинг ижросини назорат қилиш Бош вазир ўринбосари Ш.М. Ғаниев зиммасига юклансин.

Ўзбекистон Республикаси Президенти                                  Ш. Мирзиёев

Ўзбекистон Республикаси

Президентининг

2022 йил 27 сентябрдаги

ПҚ-381-сон қарорига

1-ИЛОВА

"Оролбўйи ҳавзасида сув ресурсларини иқлим

ўзгаришига мос ҳолда бошқариш" лойиҳасининг

АСОСИЙ ТЕХНИК-ИҚТИСОДИЙ КЎРСАТКИЧЛАРИ

(жами лойиҳа бўйича)

           

*) Осиё тараққиёт банкининг Юқори технологиялар грант жамғармаси (ЮТГЖ).

**) тренинг ва семинарлар, ижтимоий-иқтисодий тадқиқотлар ўтказиш, ёпиқ суғориш тармоғини ўрнатиш вақтида етказилган зарарларни қоплаш ҳамда аудит ўтказиш билан боғлиқ харажатлар.

Ўзбекистон Республикаси

Президентининг

2022 йил 27 сентябрдаги

ПҚ-381-сон қарорига

2-ИЛОВА

"Оролбўйи ҳавзасида сув ресурсларини иқлим

ўзгаришига мос ҳолда бошқариш" лойиҳасининг

АСОСИЙ ТЕХНИК-ИҚТИСОДИЙ КЎРСАТКИЧЛАРИ

("Жондор" сублойиҳаси бўйича)

         

*) тренинг ва семинарлар, ижтимоий-иқтисодий тадқиқотлар ўтказиш, ёпиқ суғориш тармоғини ўрнатиш вақтида етказилган зарарларни қоплаш ҳамда аудит ўтказиш билан боғлиқ харажатлар.

Ўзбекистон Республикаси

Президентининг

2022 йил 27 сентябрдаги

ПҚ-381-сон қарорига

3-ИЛОВА

"Оролбўйи ҳавзасида сув ресурсларини иқлим

ўзгаришига мос ҳолда бошқариш" лойиҳасининг

АСОСИЙ ТЕХНИК-ИҚТИСОДИЙ КЎРСАТКИЧЛАРИ

("Боботоғ" сублойиҳаси бўйича)

        

*) тренинг ва семинарлар, ижтимоий-иқтисодий тадқиқотлар ўтказиш, ёпиқ суғориш тармоғини ўрнатиш вақтида етказилган зарарларни қоплаш ҳамда аудит ўтказиш билан боғлиқ харажатлар.

Ўзбекистон Республикаси

Президентининг

2022 йил 27 сентябрдаги

ПҚ-381-сон қарорига

4-ИЛОВА

"Оролбўйи ҳавзасида сув ресурсларини иқлим

ўзгаришига мос ҳолда бошқариш" лойиҳасининг

АСОСИЙ ТЕХНИК-ИҚТИСОДИЙ КЎРСАТКИЧЛАРИ

(кичик сублойиҳалар бўйича)

            

*) ушбу маблағларкичик сублойиҳалар учун техник-иқтисодий асослар ишлаб чиқилгандан сўнг, улар ўртасида қайта тақсимланиши мумкин.

**) тренинг ва семинарлар, ижтимоий-иқтисодий тадқиқотлар ўтказиш, ёпиқ суғориш тармоғини ўрнатиш вақтида етказилган зарарларни қоплаш ҳамда аудит ўтказиш билан боғлиқ харажатлар.

Ўзбекистон Республикаси

Президентининг

2022 йил 27 сентябрдаги

ПҚ-381-сон қарорига

5-ИЛОВА

"Оролбўйи ҳавзасида сув ресурсларини иқлим ўзгаришига

мос ҳолда бошқариш" лойиҳаси учун Осиё тараққиёт

банкидан жалб этиладиган қарз бўйича асосий

қарзни қайтариш ва фоизлар тўлашнинг

ПРОГНОЗ ЖАДВАЛИ

               

Қонун ҳужжатлари маълумотлари миллий базаси (www.lex.uz),

2022 йил 27 сентябрь