ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Иқтисодиётнинг айрим соҳалари / Саноат / Кимё ва нефть-кимё саноати /Ўзбекистон Республикаси Президентининг 10.10.2022 й. ПҚ-388-сон "Кимё ва газ-кимё саноатини cтратегик ривожлантиришнинг мақсадли дастурини тасдиқлаш тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИ
ҚАРОРИ
10.10.2022 й.
N ПҚ-388
КИМЁ ВА ГАЗ-КИМЁ САНОАТИНИ
СТРАТЕГИК РИВОЖЛАНТИРИШНИНГ
МАҚСАДЛИ ДАСТУРИНИ ТАСДИҚЛАШ
ТЎҒРИСИДА
Маҳаллий минерал хомашё ресурсларини чуқур қайта ишлаш орқали янги турдаги кимё ва газ-кимё маҳсулотларини ишлаб чиқариш, соҳага маҳаллий ва хорижий тўғридан-тўғри инвестицияларни жалб этиш мақсадида ҳамда Ўзбекистон Республикаси Президентининг 2022 йил 28 январдаги "2022-2026 йилларга мўлжалланган Янги Ўзбекистоннинг тараққиёт стратегияси тўғрисида"ги ПФ-60-сон Фармонига мувофиқ:
1. Иқтисодий тараққиёт ва камбағалликни қисқартириш вазирлиги, Инвестициялар ва ташқи савдо вазирлиги ҳамда "Ўзкимёсаноат" АЖнинг:
кимёвий технологик илмий-ишлаб чиқариш кластерлари фаолиятини йўлга қўйиш учун "Навоий кимё технопарки", "Фарғона кимё технопарки" ва "Қорақалпоғистон кимё технопарки" технологик кластерларини (кейинги ўринларда - технологик кластерлар) ташкил этиш;
ҳар бир технологик кластерни бошқариш дирекцияларини "Ўзкимёсаноат" АЖ таъсисчилигида масъулияти чекланган жамиятлар шаклида (кейинги ўринларда - дирекциялар) ташкил этиш;
"Ўзкимёсаноат" АЖ таркибида Кимё ва газ-кимё технологик кластерлари фаолиятини мувофиқлаштириш лойиҳа офисини (кейинги ўринларда - Лойиҳа офиси) ташкил этиш тўғрисидаги таклифларига розилик берилсин.
2. Қуйидагилар:
Технологик кластерлар таркибига кирувчи ҳудудлар чегаралари 1-иловага мувофиқ;
"Навоий кимё технопарки" технологик кластерини кенгайтириш учун қишлоқ хўжалигига мўлжалланган ерлар тоифасидан саноат мақсадларига мўлжалланган ерлар тоифасига ўтказиладиган ер участкалари рўйхати 2-иловага мувофиқ тасдиқлансин.
3. "Ўзкимёсаноат" АЖ Инвестициялар ва ташқи савдо вазирлиги билан биргаликда уч ой муддатда технологик кластерлар ва дирекциялар фаолиятини самарали ташкил этиш учун ушбу соҳада илғор тажрибага эга чет эл компаниялари ёки консультантларини жалб қилсин.
4. Белгилансинки:
а) технологик кластерлар ҳудудида:
технологик кластерлар фаолиятини мувофиқлаштириш уларнинг ҳудудини кенгайтириш, инвестиция лойиҳаларини саралаб олиш ва жойлаштириш ҳамда технологик кластерларга "иштирокчи" мақомини бериш юзасидан Лойиҳа офисининг хулосасини инобатга олган ҳолда "Ўзкимёсаноат" АЖ таклифларига асосан 3-иловада келтирилган таркибдаги Технологик кластерлар маъмурий кенгаши (кейинги ўринларда - Маъмурий кенгаш) томонидан қарорлар қабул қилиш орқали амалга оширилади;
танлов асосида бино ва иншоотларни ҳамда улар жойлашган (уларга туташ) ер участкаларини ижарага бериш, сотиш, лизингга бериш ёки қийматини бўлиб-бўлиб тўлаш шартида сотиш Маъмурий кенгаш қарорига мувофиқ дирекциялар томонидан амалга оширилади;
инвестиция лойиҳалари хусусий, шу жумладан маҳаллий ва хорижий инвестицияларни жалб қилиш ҳисобига амалга оширилади;
қонунчиликка мувофиқ махсус иқтисодий зоналар иштирокчилари ва уларнинг дирекциялари учун назарда тутилган солиқ ва божхона тўловлари бўйича имтиёзлар технологик кластерлар иштирокчилари ва дирекцияларга нисбатан ҳам татбиқ этилади;
дирекциялар ўз фаолиятини мустақил юритади ва Лойиҳа офисига ҳар чорак якуни бўйича амалга оширилган ишлар тўғрисида ҳисобот киритиб боради;
б) мазкур қарорга 2-иловада белгиланган "Навоий кимё технопарки" технологик кластери таркибига кирувчи ҳудудлар чегараларида ер участкалари инвестиция лойиҳаларини жойлаштириш учун "Ўзкимёсаноат" АЖ таклифига асосан Ўзбекистон Республикаси Ер кодексида белгиланган тартибда ажратилади, ушбу ер участкаларидан бошқа мақсадларда фойдаланишга йўл қўйилмайди;
в) мазкур қарорга 2-иловага асосан қишлоқ хўжалигига мўлжалланган ер участкаларининг ер фонди тоифаси ўзгартирилиши билан боғлиқ қишлоқ хўжалиги ва ўрмон хўжалиги ишлаб чиқариши нобудгарчиликларининг ўрнини қоплаш бўйича компенсация тўловлари, истисно тариқасида, ундирилмайди.
5. Шундай тартиб белгилансинки, унга кўра дирекциялар "ягона дарча" тамойили асосида технологик кластерлар ҳудудида кластерлар иштирокчилари ва салоҳиятли инвесторларга қуйидаги хизматларни кўрсатади:
ишлаб чиқариш ва техник бинолар ҳамда иншоотларни танлаш, сотиш, лизинг ва ижарага бериш, шунингдек, ишчи ва ходимларни танлаш ва малакасини ошириш, маҳсулотни сотиш учун мақбул бозорларни ва ташиш усулларини аниқлаш;
технологик кластерлар ҳудудидаги бинолар, иншоотлар ва ободонлаштириш объектларини сақлаш ва эксплуатация қилиш, шунингдек, уларни қўриқлаш хизматини жалб қилишга кўмаклашиш;
вазирликлар, идоралар, маҳаллий бошқарув органлари, давлат иштирокидаги ташкилотлар ва хўжалик бирлашмалари билан қонунчилик доирасида талаб этиладиган рухсатнома ҳужжатларини расмийлаштиришга, улар билан келишиш тартиб-таомилларини бажаришга кўмаклашиш.
6. Иқтисодий тараққиёт ва камбағалликни қисқартириш вазирлиги, Инвестициялар ва ташқи савдо вазирлиги ҳамда "Ўзкимёсаноат" АЖ томонидан тайёрланган ва қуйидагиларни ўз ичига олган Кимё ва газ-кимё саноатини ривожлантиришга қаратилган кимё технологик кластерларини ривожлантириш дастури (кейинги ўринларда - Дастур) маъқуллансин:
4-иловага мувофиқ технологик кластерларни ташкил этиш ва ривожлантириш, кимё саноатида трансформация жараёнларини давом эттириш бўйича "йўл харитаси";
5-иловага мувофиқ инновацион кимёвий технологик кластерларда амалга ошириладиган инвестиция лойиҳалари рўйхати.
7. Технологик кластерлар ҳудудида жойлаштириладиган инвестиция лойиҳалари иштирокчилари ҳамда улар томонидан жалб қилинадиган пудрат ташкилотларига инвестиция лойиҳалари доирасида:
миллий қурилиш нормалари, қоидалари ва стандартларини қўлламасдан, лойиҳа ҳужжатларини техник жиҳатдан тартибга солиш соҳасидаги норматив ҳужжатларга мослаштириш ва экспертизадан ўтказиш заруратисиз (саноат хавфсизлиги, экология ва атроф муҳитни ҳамда меҳнатни муҳофаза қилиш соҳаларидаги норматив ва техник ҳужжатлар бундан мустасно), халқаро талаблар ва стандартларга мувофиқ барча лойиҳа ва лойиҳаолди ҳужжатларни ишлаб чиқишга, қурилиш ва эксплуатация босқичларини лойиҳалаштиришга, қурилиш-монтаж ишларини амалга оширишга, объектларни эксплуатация қилишга, технологик ускуналар ва саноат объектларини қуриш бўйича ёнғин хавфсизлигини таъминлашга;
амалга ошириладиган лойиҳалар доирасида қурилиш майдонлари ҳудудларида "божхона омбори" божхона режимини қўллаган ҳолда товарларни вақтинчалик сақлаш омборхоналарини ташкил этишга рухсат берилади.
8. Инвестициялар ва ташқи савдо вазирлиги, Молия вазирлиги ҳамда "Ўзкимёсаноат" АЖнинг мазкур қарорга 5-иловадаги инвестиция лойиҳалари бўйича:
кимё соҳасида қўлланиладиган технологиялар ва ишлаб чиқариш жараёнлари мураккаблигини инобатга олган ҳолда, "Ўзкимёсаноат" АЖ ва унинг тизимидаги корхоналарга лойиҳаолди ва лойиҳа ҳужжатларини ишлаб чиқиш, барча турдаги консалтинг, инжиниринг, экспертизадан ўтказиш ва лойиҳа доирасидаги ишларни назорат қилиш ва кузатиб бориш хизматларини кўрсатиш юзасидан, истисно тариқасида, етакчи халқаро компаниялар ва "Ўзкимёсаноатлойиҳа" АЖ билан тўғридан-тўғри шартномалар тузишга рухсат бериш;
лойиҳа-смета ҳужжатларини ишлаб чиқиш, маркетинг тадқиқотларини ўтказиш ҳамда етакчи халқаро инжиниринг ва консалтинг компанияларини жалб қилиш харажатларини Кимё саноати ташкилотларини ривожлантириш ва қўллаб-қувватлаш жамғармаси (кейинги ўринларда - Кимё саноати жамғармаси) маблағлари ҳисобидан қоплаш тўғрисидаги таклифларига розилик берилсин.
9. Иқтисодий тараққиёт ва камбағалликни қисқартириш вазирлиги, Молия вазирлиги, Давлат активларини бошқариш агентлиги ва "Ўзкимёсаноат" АЖнинг:
"Навоий кимё технопарки" ва "Фарғона кимё технопарки" технологик кластерларини ташкил этиш учун "Ўзкимёсаноат" АЖ устав фондидаги давлат улушини ошириш ҳисобига "Навоийазот" АЖ ва "Фарғонаазот" АЖга тегишли бўлган бино-иншоотларни ва улар жойлашган (уларга туташ) ер участкаларини 6-иловага мувофиқ қолдиқ (баланс) қийматида ушбу акциядорлик жамиятларининг устав капиталидаги "Ўзкимёсаноат" АЖнинг улушини камайтириш ҳисобига унга ўтказиб бериш;
"Ўзкимёсаноат" АЖга ўтказиб берилган бино-иншоотлар ва улар жойлашган (уларга туташ) ер участкаларини технологик кластерларни бошқариш учун ташкил этиладиган дирекцияларнинг устав фондидаги "Ўзкимёсаноат" АЖнинг улуши сифатида шакллантириш;
дирекциялар фаолиятини (кейинчалик ўзини ўзи молиялаштириш шарти билан) юритиш ва уларнинг сақлаш харажатларини 2026 йил 1 январга қадар "Ўзкимёсаноат" АЖ ва унинг тизимидаги корхоналар соф фойдасининг бир қисми ҳамда Кимё саноати жамғармаси маблағлари, шунингдек, қонунчилик ҳужжатлари билан тақиқланмаган бошқа маблағлар ҳисобидан молиялаштириш тўғрисидаги таклифлари маъқуллансин.
Белгилаб қўйилсинки, мазкур қарор билан ўтказилаётган мулк, мулкий ҳуқуқлар, жумладан устав капиталидаги акциялар ва улушлар қиймати солиқ солиш объекти ҳисобланмайди.
10. Давлат активларини бошқариш агентлиги, Молия вазирлиги, Иқтисодий тараққиёт ва камбағалликни қисқартириш вазирлиги, Инвестициялар ва ташқи савдо вазирлиги ҳамда "Ўзкимёсаноат" АЖ:
2023 йил 1 апрелга қадар Халқаро молия корпорацияси билан биргаликда хорижий консультантларни жалб қилган ҳолда "Навоийазот" АЖда техник комплекс ўрганиш (due diligence) ишларини ҳамда 2023 йил 1 августга қадар бирламчи бозор ҳолатини ўрганишни (market sounding) якунласин;
2023 йил 1 сентябрга қадар "Навоийазот" АЖда ўтказилган техник комплекс ўрганиш ва бирламчи бозор ҳолатини ўрганиш натижалари асосида ишлаб чиқариш қувватлари ва инфратузилма объектларининг ишлаб чиқариш жараёнлари доирасида ўзаро боғлиқлигини ҳисобга олган ҳолда жамиятни ривожлантириш стратегиясини ҳамда уни амалга ошириш бўйича "йўл харитаси"ни ишлаб чиқсин ва Вазирлар Маҳкамасига киритсин;
2023 йил 1 октябрга қадар жалб қилинган халқаро консалтинг компаниялари билан 7-иловада келтирилган корхоналарнинг фаолияти самарадорлигини оширишга тўғридан-тўғри инвестицияларни жалб қилиш мақсадида "Ўзкимёсаноат" АЖга ва давлатга тегишли акциялар пакетини (улушларни) хусусий инвесторларга сотиш юзасидан танловларни якунласин ва ғолиблар билан тегишли битимлар имзоланишини таъминласин.
Бунда, мазкур қарорга 6-илованинг 1-бўлими:
"а" кичик бандида назарда тутилган "Навоийазот" АЖга тегишли бўлган бино-иншоотлар ва улар жойлашган (уларга туташ) ер участкалари "Навоийазот" АЖда ўтказиладиган техник комплекс ўрганиш натижасида тайёрланадиган хулосага мувофиқ келгусида ишлаб чиқариш учун зарур бўлиши мумкин деб топилган тақдирда, уларнинг Маъмурий кенгаш хулосасига асосан, инвестиция лойиҳалари жойлаштирилмаган ва амалга оширилиши бошланмаган қисмида қонунчиликда белгиланган тартибда "Навоийазот" АЖга қайтарилиши;
"б" кичик бандида назарда тутилган "Навоийазот" АЖга тегишли бўлган бино-иншоотлар ва улар жойлашган (уларга туташ) ер участкалари "Навоийазот" АЖда ўтказиладиган техник комплекс ўрганиш натижасида тайёрланадиган хулосага мувофиқ келгусида ишлаб чиқариш учун зарур эмас деб топилган тақдирда, 2023 йил 1 июлга қадар қонунчиликда белгиланган тартибда "Ўзкимёсаноат" АЖга ўтказиб берилиши белгилаб қўйилсин.
11. Белгилансинки, "Фарғонаазот" АЖ устав капитали (фонди)даги давлат улуши ва "Ўзкимёсаноат" АЖ улуши бўйича акциялар пакетини сотишдан тушган маблағлар, ушбу активларни сотиш билан боғлиқ Давлат активларини бошқариш агентлигининг харажатларини чегирган ҳолда, тенг улушларда Давлат бюджетига ва Кимё саноати жамғармасига йўналтирилади.
12. Қорақалпоғистон Республикаси Вазирлар Кенгаши ва Навоий вилояти ҳокимлиги 2023 йил 30 июнга қадар ушбу қарор билан тоифаси ўзгартирилаётган суғориладиган ер участкалари майдонига тенг миқдорда янги ерлар ўзлаштирилишини таъминласин.
13. Иқтисодий тараққиёт ва камбағалликни қисқартириш вазирлиги, Молия вазирлиги, "Ўзкимёсаноат" АЖ технологик кластерларнинг ташқи муҳандислик-коммуникация ва йўл-транспорт инфратузилмасини барпо этиш ишлари 2023-2026 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури ҳамда Махсус иқтисодий зоналар ва кичик саноат зоналарини ташқи муҳандислик-коммуникация тармоқлари билан таъминлаш дастури доирасида ажратилган маблағлар ҳисобидан молиялаштирилишини таъминласин.
14. Технологик кластерлар ҳудудида инвестиция лойиҳаларини амалга оширишда иштирок этувчи хорижий мутахассисларга, шунингдек, уларнинг оила аъзоларига "Ўзкимёсаноат" АЖ ва дирекцияларнинг талабномасига асосан белгиланган тартибда Ташқи ишлар вазирлиги кириш визалари берилишини (муддати узайтирилишини), Ички ишлар вазирлиги эса кўп марталик визалар расмийлаштирилишини, берилишини (муддати узайтирилишини), шунингдек, вақтинча яшаш жойи бўйича вақтинча рўйхатга олинишини ва муддати узайтирилишини таъминласин.
15. Қуйидагилар:
Бош вазир ўринбосари Ж.Т. Мирзамаҳмудов - 2035 йилгача кимё ва газ-кимё саноатини стратегик ривожлантиришнинг мақсадли дастурини амалга ошириш, кимё саноати корхоналарининг барқарор ишлашини таъминлаш, технологик кластерларни ташкил этиш ва ривожлантириш доирасида мутасадди вазирликлар, идоралар, ташкилотлар ва маҳаллий ҳокимият органлари фаолиятини мувофиқлаштириш ҳамда ушбу қарорда белгиланган вазифалар ўз вақтида бажарилишини таъминлаш бўйича тезкор чоралар кўришга;
иқтисодий тараққиёт ва камбағалликни қисқартириш вазирининг биринчи ўринбосари И.И. Норқулов - кимё саноати корхоналарини хомашё ва энергия ресурслари билан узлуксиз таъминлаш, минерал ўғитларни ишлаб чиқариш ва уларнинг истеъмоли сиёсатини ишлаб чиқишга ҳамда бу борадаги муаммоларни ўз вақтида аниқлаш ва бартараф этишни самарали ташкил этиш ва мувофиқлаштиришга;
молия вазирининг биринчи ўринбосари О.З. Насритдинходжаев - кимё саноати корхоналарини трансформация қилиш, молиявий ҳисоботнинг халқаро стандартларини жорий этиш, операцион самарадорлик ва замонавий корпоратив бошқарув тизимини татбиқ этиш, уларни молиявий соғломлаштиришга;
инвестициялар ва ташқи савдо вазирининг биринчи ўринбосари Л.Ш. Кудратов - кимё саноатида амалга ошириладиган янги инвестиция лойиҳалари рўйхатини шакллантириш, уларни технологик кластерлар доирасида амалга ошириш бўйича салоҳиятли инвесторлар ва тўғридан-тўғри инвестицияларни кенг жалб этишга;
Давлат активларини бошқариш агентлиги директори А.Ж. Ортиқов - "Ўзкимёсаноат" АЖ тизимидаги корхоналардаги давлат улушини босқичма-босқич хусусийлаштиришни ташкил этишга;
"Ўзкимёсаноат" АЖ бошқаруви раиси - кимё ва газ-кимё саноатини ривожлантириш, кимё кластерлари фаолиятини самарали ташкил этиш, тармоқ корхоналарининг иқтисодий ва молиявий самарадорлигини оширишга шахсан масъул эканлиги белгилаб қўйилсин.
16. Мазкур қарорнинг ижросини самарали ташкил этишга масъул ва шахсий жавобгар этиб Бош вазир ўринбосари Ж.Т. Мирзамаҳмудов белгилансин.
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси Р.А. Гулямов зиммасига юклансин.
Ўзбекистон Республикаси Президенти Ш. Мирзиёев
Президентининг
2022 йил 10 октябрдаги
ПҚ-388-сон қарорига
1-ИЛОВА
Технологик кластерлар таркибига кирувчи ҳудудлар
чегаралари
I. "Навоий кимё технопарки" технологик кластери чегараларининг
ТАВСИФИ
1-ҳудуд:
А) 1-бошланғич нуқта (40.10509°, 65.34791°) Навоий вилоятининг Навоий шаҳридан ўтувчи Назоратчилар кўчасидан 20 метр ва Амир Темур кесишмасидан 900 метр масофада жойлашган;
1-нуқтадан чегара Назоратчилар кўчасига перпендикуляр йўналишда "L-17X" - "L-17 "Навоийазот" ВЛ-220 электр узатиш тармоғига параллель равишда жануби-ғарбий йўналишда 1840 метр масофада 2-нуқтагача (40.09914°, 65.32774°) давом этади;
2-нуқтадан чегара "L-17X" - "L-17 "Навоийазот" АЖ ВЛ-220 электр узатиш тармоғига перпендикуляр равишда шимолий йўналишда 315 метр масофада 3-нуқтагача (40.10176°, 65.32637°) давом этади;
3-нуқтадан чегара очиқ майдон бўйлаб шимолий йўналишда 1995 метр масофада 4-нуқтагача (40.11955°, 65.32270°) давом этади;
4-нуқтадан чегара Навоий оқова сув тозалаш станциясига параллель йўналишда Назоратчилар кўчасига перпендикуляр равишда шарқий йўналишда 1519 метр масофада 5-нуқтагача (40.11992°, 65.34054°) давом этади;
5-нуқтадан чегара Назоратчилар кўчасига параллель равишда жануби-шарқий йўналишда 1850 метр масофада 1-нуқтагача давом этади.
Б) 1-бошланғич нуқта (40.11125°, 65.320939°) Навоий вилоятининг Кармана туманида жойлашган "Uz Cor Silicon" ҚК МЧЖ шимоли-шарқий чегарасида жойлашган;
1-нуқтадан чегара "Uz Cor Silicon" ҚК МЧЖ чегарасига параллель равишда ғарбий йўналишда 205 метр масофада 2-нуқтагача (40.11096°, 65.31856°) давом этади;
2-нуқтадан чегара "Uz Cor Silicon" ҚК МЧЖ чегарасига параллель равишда жанубий йўналишда 350 метр масофада 3-нуқтагача (40.10783°, 65.31908°) давом этади;
3-нуқтадан чегара "Навоийазот" АЖнинг чиқиндиларни сақлаш хўжалиги чегараси бўйлаб жанубий-ғарбий йўналишда 370 метр масофада 4-нуқтагача (40.10621°, 65.31530°) давом этади;
4-нуқтадан чегара "Навоийазот" АЖнинг чиқиндиларни сақлаш хўжалиги чегараси бўйлаб жанубий йўналишда 280 метр масофада 5-нуқтагача (40.10379°, 65.31624°) давом этади;
5-нуқтадан чегара "Навоийазот" АЖнинг темир йўл станцияси бўйлаб ғарбий йўналишда 666 метр масофада 6-нуқтагача (40.10149°, 65.30901°) давом этади;
6-нуқтадан чегара "Навоий КМК" АЖнинг 1-сон ГМЗ кон бошқармаси чиқиндиларни сақлаш хўжалигига параллель равишда шимолий йўналишда 1611 метр масофада 7-нуқтагача (40.11590°, 65.30623°) давом этади;
7-нуқтадан чегара очиқ майдон бўйлаб шарқий йўналишда 1179 метр масофада 8-нуқтагача (40.11584°, 65.32005°) давом этади;
8-нуқтадан чегара очиқ майдон бўйлаб "Uz Cor Silicon"ҚК МЧЖ чегарасига перпендикуляр равишда жанубий йўналишда 520 метр масофада 1-нуқтагача давом этади.
2-ҳудуд:
А) 1-бошланғич нуқта (40.07017°, 65.26541°) Навоий вилоятининг Кармана туманида жойлашган Навоий вилояти наркология диспансеридан 130 метр ва "Бинокор" темир йўл станциясидан 2100 метр масофада жойлашган;
1-нуқтадан чегара очиқ майдон бўйлаб шимолий йўналишда 310 метр масофада 2-нуқтагача (40.07301°, 65.26543°) давом этади;
2-нуқтадан чегара очиқ майдон бўйлаб шарқий йўналишда 170 метр масофада 3-нуқтагача (40.07300°, 65.26743°) давом этади;
3-нуқтадан чегара очиқ майдон бўйлаб шарқий йўналишда 170 метр масофада 4-нуқтагача (40.08002°, 65.26727°) давом этади;
4-нуқтадан чегара очиқ майдон бўйлаб жанубий йўналишда темир йўлга параллель равишда 3450 метр масофада 5-нуқтагача (40.07945°, 65.22642°) давом этади;
5-нуқтадан чегара очиқ майдон бўйлаб жанубий йўналишда темир йўлга параллель равишда 1100 метр масофада 6-нуқтагача (40.06951°, 65.22663°) давом этади;
6-нуқтадан чегара "Электркимёзаводи" АЖга параллель равишда шарқий йўналишда 3620 метр масофада 1-нуқтагача давом этади.
Б) 1-бошланғич нуқта (40.08492°, 65.26647°) Навоий вилоятининг Кармана туманида жойлашган Навоий вилояти наркология диспансеридан 1450 метр ва "Бинокор" темир йўл станциясидан 1550 метр масофада жойлашган.
1-нуқтадан чегара очиқ майдон бўйлаб шимолий йўналишда 1075 метр масофада 2-нуқтагача (40.09459°, 65.26652°) давом этади;
2-нуқтадан чегара очиқ майдон бўйлаб ғарбий йўналишда 3425 метр масофада 3-нуқтагача (40.09438°, 65.22627°) давом этади;
3-нуқтадан чегара очиқ майдон бўйлаб жанубий йўналишда 1075 метр масофада 4-нуқтагача (40.08468°, 65.22629°) давом этади;
4-нуқтадан чегара очиқ майдон бўйлаб шимолий йўналишда темир йўлга перпендикуляр равишда 3425 метр масофада 1-нуқтагача давом этади.
II. "Қорақалпоғистон кимё технопарки"
технологик кластери чегараларининг
ТАВСИФИ
1-бошланғич нуқта (43.10149°, 58.37518°) Қорақалпоғистон Республикаси, Қўнғирот туманида жойлашган 50-cон умумтаълим мактабидан 565 метр ва Қўнғирот кимё саноати коллежидан 1010 метр масофада жойлашган;
1-нуқтадан чегара Элобод посёлкасига перпендикуляр равишда шимоли-ғарбий йўналишда 1850 метр масофада 2-нуқтагача (43.11664°, 58.36577°) давом этади;
2-нуқтадан чегара очиқ майдон бўйлаб "Кунходжа" темир йўл станциясига параллель равишда жануби-ғарбий йўналишда 3900 метр масофада 3-нуқтагача 43.09059°, 58.33189°) давом этади;
3-нуқтадан чегара очиқ майдон бўйлаб Қорақалпоғистон Республикаси, Қўнғирот туманидан ўтувчи А-380 "Ғузор-Бухоро-Нукус-Бейнеу" йўлига қадар жанубий йўналишда 350 метр масофада 4-нуқтагача (43.08755°, 58.33376°) давом этади;
4-нуқтадан чегара Қорақалпоғистон Республикаси, Қўнғирот туманидан ўтувчи А-380 "Ғузор-Бухоро-Нукус-Бейнеу" йўлига параллель равишда шимоли-шарқий йўналишда АГТКШ чегарасигача 1500 метр масофада 5-нуқтагача (43.09341°, 58.35115°) давом этади;
5-нуқтадан чегара очиқ майдон бўйлаб А-380 "Ғузор-Бухоро-Нукус-Бейнеу" йўлига перпендикуляр равишда шимолий йўналишда 200 метр масофада 6-нуқтагача (43.09490°, 58.35000°) давом этади;
6-нуқтадан чегара очиқ майдон бўйлаб А-380 "Ғузор-Бухоро-Нукус-Бейнеу" йўлига параллель равишда шимоли-шарқий йўналишда 250 метр масофада 7-нуқтагача (43.09572°, 58.35240°) давом этади;
7-нуқтадан чегара очиқ майдон бўйлаб А-380 "Ғузор-Бухоро-Нукус-Бейнеу" йўлига қадар жанубий йўналишда 200 метр масофада 8-нуқтагача (43.09410°, 58.35348°) давом этади;
8-нуқтадан чегара очиқ майдон бўйлаб А-380 "Ғузор-Бухоро-Нукус-Бейнеу" йўлига параллель равишда шимоли-шарқий йўналишда 1950 метр масофада 1-нуқтагача давом этади.
III. "Фарғона кимё технопарки" технологик
кластери чегараларининг
ТАВСИФИ
1-ҳудуд:
1-бошланғич нуқта (40.42186°, 71.78970°) Фарғона шаҳри, Кимёгарлар кўчаси, 284 уйда жойлашган "Uz-Segang" ҚКнинг ғарбий чегарасига 35 метр узоқликда перпендикуляр жойлашган;
1-нуқтадан чегара ПА-6 майдони бўйлаб "Uz-Segang" ҚКнинг жануби-ғарбий чегараси томон шарқий йўналишда 35 метр масофада 2-нуқтагача (40.42185°, 71.79013°) давом этади;
2-нуқтадан чегара "Uz-Segang" ҚКнинг жануби-ғарбий чегараси бўйлаб шимол томонга 140 метр масофада 3-нуқтагача (40.42312°, 71.79024°) давом этади;
3-нуқтадан чегара "Uz-Segang" ҚКнинг шимоли-ғарбий чегараси бўйлаб шарқий йўналишда 133 метр масофада 4-нуқтагача (40.42304°, 71.79178°) давом этади;
4-нуқтадан чегара ПА-6 цехи ва фермер хўжалиги чегараси бўйлаб шимол томонга 330 метр масофада 5-нуқтагача (40.42603°, 71.79207°) давом этади;
5-нуқтадан чегара ПА-6 цехи ва фермер хўжалиги чегараси бўйлаб шарқ томонга 118 метр масофада 6-нуқтагача (40.42594°, 71.79352°) давом этади;
6-нуқтадан чегара ПА-6 цехи ва фермер хўжалиги чегараси бўйлаб шимол томонга 155 метр масофада 7-нуқтагача (40.42724°, 71.79366°) давом этади;
7-нуқтадан чегара ПА-6 цехи ва ацетат толалари цехи чегараси бўйлаб ғарб томонга 129 метр масофада 8-нуқтагача (40.42737°, 71.79202°) давом этади;
8-нуқтадан чегара ПА-6 цехи ва ацетат толалари цехи чегараси бўйлаб жануб томонга 120 метр масофада 9-нуқтагача (40.42627°, 71.79189°) давом этади;
9-нуқтадан чегара ПА-6 цехи ва ацетат толалари цехи чегараси бўйлаб ғарб томонга 152 метр масофада 10-нуқтагача (40.42638°, 71.79014°) давом этади;
10-нуқтадан чегара ПА-6 цехи ва ацетат толалари цехи чегараси бўйлаб жануб томонга 37 метр масофада 11-нуқтагача (40.42605°, 71.79011°) давом этади;
11-нуқтадан чегара ПА-6 цехи ва ацетат толалари цехи чегараси бўйлаб ғарб томонга 36 метр масофада 12-нуқтагача (40.42607°, 71.78961°) давом этади;
12-нуқтадан чегара ПА-6 цехи ва ацетат толалари цехи чегараси бўйлаб жануб томонга 97 метр масофада 13-нуқтагача (40.42519°, 71.78959°) давом этади;
13-нуқтадан чегара ПА-6 цехи ва ацетат толалари цехи чегараси бўйлаб шарқ томонга 3 метр масофада 14-нуқтагача (40.42519°, 71.78964°) давом этади;
14-нуқтадан чегара ПА-6 цехи ва ацетат толалари цехи чегараси бўйлаб жануб томонга 46 метр масофада 15-нуқтагача (40.42476°, 71.78960°) давом этади;
15-нуқтадан чегара ПА-6 цехи ва ацетат толалари цехи чегараси бўйлаб ғарб томонга 10 метр масофада 16-нуқтагача (40.42477°, 71.78948°) давом этади;
16-нуқтадан чегара ПА-6 цехи ва ацетат толалари цехи чегараси бўйлаб жануб томонга 101 метр масофада 17-нуқтагача (40.42387°, 71.78938°) давом этади;
17-нуқтадан чегара ацетат толалари цехи ҳудуди бўйлаб ғарб томонга ацетат толалари цехининг К-1 биноси тарафга 37 метр масофада 18-нуқтагача (40.42390°, 71.78893°) давом этади;
18-нуқтадан чегара ацетат толалари цехнинг К-1 бино чегараси бўйлаб жануб томонга 4 метр масофада 19-нуқтагача (40.42386°, 71.78893°) давом этади;
19-нуқтадан чегара ацетат толалари цехнинг К-1 бино чегараси бўйлаб параллель равишда ғарб томонга 199 метр масофада 20-нуқтагача (40.42401°, 71.78658°) давом этади;
20-нуқтадан чегара ацетат толалари цехнинг К-1 бино чегараси бўйлаб жануб томонга 24 метр масофада 24-нуқтагача (40.42381°, 71.78656°) давом этади;
21-нуқтадан чегара ацетат толалари цехнинг К-1 ва К-1А маъмурий биноларнинг чегараси бўйлаб параллель равишда шарқ томонга 174 метр масофада 22-нуқтагача (40.42365°, 71.78868°) давом этади;
22-нуқтадан чегара ацетат толалари цехнинг К-1А маъмурий биноси чегарасидан жануб томонга 12 метр масофада 23-нуқтагача (40.42354°, 71.78866°) давом этади;
23-нуқтадан чегара ацетат толалари цехнинг К-1А маъмурий биноси чегарасига параллель равишда ғарб томонга 49 метр масофада 24-нуқтагача (40.42358°, 71.78801°) давом этади;
24-нуқтадан чегара ацетат толалари цехнинг К-1А маъмурий биноси чегарасидан жануб томонга 178 метр масофада 25-нуқтагача (40.42198°, 71.78785°) давом этади;
25-нуқтадан чегара ацетат толалари цехнинг жанубий чегараси бўйлаб "El company tex" МЧЖнинг жануби-ғарбий чегараси томонга қараб 83 метр масофада 26-нуқтагача (40.42192°, 71.78884°) давом этади;
26-нуқтадан чегара ацетат толалари цехи ва "Uz-Segang" ҚКнинг туташ чегаралари бўйлаб шимол томонга 144 метр масофада 27-нуқтагача (40.42320°, 71.78899°) давом этади;
27-нуқтадан чегара ацетат толалари цехи чегарасидан шарқ томонга ПА-6 цехи чегарасигача 73 метр масофада 28-нуқтагача (40.42316°, 71.78981°) давом этади;
28-нуқтадан чегара ПА-6 цехи ҳамда "Uz-Segang" ҚКнинг туташ чегаралари бўйлаб жануб томонга 147 метр масофада 1-нуқтагача давом этади.
2-ҳудуд:
1-бошланғич нуқта (40.44001°, 71.82765°) Фарғона вилояти, Тошлоқ тумани, "Ахшак" МФЙ, Бешалиш зонаси, Киргили станциясидан 1 км узоқликда "Фарғонаазот" АЖ 2-ишлаб чиқариш майдонининг жануби-шарқий бурчагида жойлашган бўлиб, "Farneftstroyservis" МЧЖ ҳудудига чегарадош;
1-нуқтадан чегара "Фарғонаазот" АЖ ва "Farneftstroyservis" МЧЖ чегараси бўйлаб жануби-шарқий йўналишда 191 метр масофада 2-нуқтагача (40.44038°, 71.82985°) давом этади;
2-нуқтадан чегара "Фарғонаазот" АЖнинг фермер хўжалик ҳудуди билан чегараси бўйлаб шимолий йўналишда 313 метр масофада 3-нуқтагача (40.44313°, 71.82906°) давом этади;
3-нуқтадан чегара "Фарғонаазот" АЖ ҳудуди бўйлаб ғарбий йўналишда 448 метр масофада 4-нуқтагача (40.44228°, 71.82389°) давом этади;
4-нуқтадан чегара "Фарғонаазот" АЖ ҳудуди бўйлаб жанубий йўналишда 163 метр масофада 5-нуқтагача (40.44085°, 71.82428°) давом этади;
5-нуқтадан чегара "Фарғонаазот" АЖ ҳудуди бўйлаб шарқий йўналишда 253 метр масофада 6-нуқтагача (40.44128°, 71.82726°) давом этади;
6-нуқтадан чегара "Фарғонаазот" АЖ ҳудуди бўйлаб жанубий йўналишда 152 метр масофада 1-нуқтагача давом этади.
Президентининг
2022 йил 10 октябрдаги
ПҚ-388-сон қарорига
2-ИЛОВА
"Навоий кимё технопарки" технологик кластерини
кенгайтириш учун қишлоқ хўжалигига мўлжалланган
ерлар тоифасидан саноат мақсадларига мўлжалланган
ерлар тоифасига ўтказиладиган ер участкалари
РЎЙХАТИ
Ҳудуд номи |
Контур рақами |
Жами ер участкаси (гектар) |
Шундан:
|
Тупроқ бонитет бали |
|
суғориладиган ерлар |
бошқа ерлар |
||||
Навоий вилояти, Кармана тумани, "М.Ибрагимов" массиви, "Хончарвоқ" МФЙ |
450қ, 451қ, 452, 493, 494, 497, 499, 500, 503, 508
|
115 |
115 |
- |
47 |
ЖАМИ
|
115 |
115 |
- |
47 |
|
Изоҳ: Навоий кимё технопарки таркибига кирувчи ҳудуд чегарасининг тавсифи:
1-бошланғич нуқта (40.11125°, 65.320939°) Навоий вилоятининг Кармана туманида жойлашган "Uz Cor Silicon" ҚК МЧЖ шимоли-шарқий чегарасида жойлашган.
1-нуқтадан чегара "Uz Cor Silicon" ҚК МЧЖ чегарасига параллел равишда ғарбий йўналишда 85 метр масофада 2-нуқтагача (40.11102°, 65.31857°) давом этади;
2-нуқтадан чегара "Uz Cor Silicon" ҚК МЧЖ чегарасига параллел равишда "НКМК" АЖнинг 1-сон ГМЗ кон бошқармаси чиқиндиларни сақлаш хўжалигига перпендикуляр равишда жанубий йўналишда 365 метр масофада 3-нуқтагача (40.10767°, 65.31923°) давом этади;
3-нуқтадан чегара "НКМК" АЖнинг 1-сон ГМЗ кон бошқармаси чиқиндиларни сақлаш хўжалиги чегараси бўйлаб жануби-ғарбий йўналишда 340 метр масофада 4-нуқтагача (40.10642°, 65.31572°) давом этади;
4-нуқтадан чегара "НКМК" АЖнинг 1-сон ГМЗ кон бошқармаси чиқиндиларни сақлаш хўжалиги чегараси бўйлаб жанубий йўналишда 220 метр масофада 5-нуқтагача (40.10642°, 65.31572°) давом этади;
5-нуқтадан чегара "Ўзбекистон темир йўллари" АЖга тегишли темир йўл омборхонасига перпендикуляр равишда жанубий йўналишда 110 метр масофада 6-нуқтагача (40.10642°, 65.31572°) давом этади;
6-нуқтадан чегара "Ўзбекистон темир йўллари" АЖга тегишли темир йўл омборхонасига параллел равишда жануби-ғарбий йўналишда 680 метр масофада 7-нуқтагача (40.10153°, 65.30909°) давом этади;
7-нуқтадан чегара очиқ майдон бўйлаб жануби-ғарбий йўналишда 1450 метр масофада 8-нуқтагача (40.11446°, 65.30652°) давом этади;
8-нуқтадан чегара очиқ майдон бўйлаб "Uz Cor Silicon" ҚК МЧЖ чегарасига перпендикуляр равишда жанубий йўналишда 520 метр масофада 1-нуқтагача давом этади.
Президентининг
2022 йил 10 октябрдаги
ПҚ-388-сон қарорига
3-ИЛОВА
Технологик кластерлар
МАЪМУРИЙ КЕНГАШИ ТАРКИБИ
1. А.Н. Арипов |
- |
Ўзбекистон Республикасининг Бош вазири, Маъмурий кенгаш раҳбари
|
2. Ж.Т. Мирзамаҳмудов |
- |
Ўзбекистон Республикаси Бош вазирининг ўринбосари - энергетика вазири, Маъмурий кенгаш раҳбари ўринбосари
|
3. Ж.А. Ходжаев |
- |
Ўзбекистон Республикаси Бош вазирининг ўринбосари - инвестициялар ва ташқи савдо вазири, Маъмурий кенгаш раҳбари ўринбосари
|
4. Н.Қ. Холмуродов |
- |
инвестициялар ва ташқи савдо вазирининг биринчи ўринбосари
|
5. И.И.Норқулов |
- |
иқтисодий тараққиёт ва камбағалликни қисқартириш вазирининг биринчи ўринбосари
|
6. А.А. Ахмедхаджаев |
- |
энергетика вазирининг биринчи ўринбосари
|
7. О.З. Насритдинходжаев |
- |
молия вазирининг биринчи ўринбосари
|
8. А.Ж. Ортиқов |
- |
Давлат активларини бошқариш агентлиги директори
|
9. Лавозимига кўра |
- |
"Ўзкимёсаноат" АЖ бошқарув раиси
|
10. Лавозимига кўра |
- |
Вазирлар Маҳкамасининг котибият мудири, Маъмурий кенгаш котиби
|
Изоҳлар:
1. Технологик кластерлар жойлашган ҳудудга мос равишда Қорақалпоғистон Республикаси Вазирлар Кенгаши Раиси, Навоий ёки Фарғона вилояти ҳокими Маъмурий кенгаш таркибига киритилади.
2. Кенгаш аъзолари бошқа ишга ўтган тақдирда, унинг таркибига ушбу лавозимларга янги тайинланган ёки зиммасига тегишли функцияларни бажариш юклатилган шахслар киритилади.
3. Кенгаш ўз фаолияти давомида, зарур ҳолларда, бошқа вазирликлар, идоралар ва хўжалик бирлашмаларининг вакилларини жалб қилиш ҳуқуқига эга.
Президентининг
2022 йил 10 октябрдаги
ПҚ-388-сон қарорига
4-ИЛОВА
Технологик кластерларни ташкил этиш ва
ривожлантириш, кимё саноатида трансформация
жараёнларини давом эттириш бўйича
"ЙЎЛ ХАРИТАСИ"
Изоҳ: "Йўл харитаси"ни амалга ошириш механизми ва муддатларига инвесторлар билан инвестиция лойиҳаларини амалга ошириш шартларини ишлаб чиқиш натижасида Вазирлар Маҳкамаси билан келишилган ҳолда ўзгартириш ва қўшимчалар киритилиши мумкин.
Президентининг
2022 йил 10 октябрдаги
ПҚ-388-сон қарорига
5-ИЛОВА
Инновацион кимёвий технологик кластерларда
амалга ошириладиган инвестиция лойиҳалари
РЎЙХАТИ
Т/р |
Лойиҳанинг номи |
Йиллик қуввати |
Дастлабки қиймати ва молиялаштириш манбалари (млн АҚШ доллари)
|
Лойиҳани амалга ошириш муддати |
|||
жами |
ўз маблағ лари |
тўғридан- тўғри инвести циялар
|
хорижий кредит лар |
||||
Барча технопарклар доирасида жами (44 та лойиҳа)
|
10 645,4 |
725,9 |
2 492,1 |
7 427,4 |
|||
Амалга оширилаётган лойиҳалар (14 та)
|
1 829,4 |
92,4 |
572,6 |
1 164,4 |
|||
Истиқболли лойиҳалар (30 та)
|
8 816,0 |
633,5 |
1 919,5 |
6 263,0 |
|||
"Навоий кимё технопарки" технологик кластери
|
|||||||
Жами (31 та лойиҳа)
|
5 343,0 |
503,0 |
1725,0 |
3 115,0 |
|||
I |
Амалга оширилаётган лойиҳалар (9 та)
|
1 317,0 |
66,5 |
470,5 |
780,0 |
||
1. |
Қуруқ цианид тузлари ишлаб чиқаришни ташкил этиш
|
40 минг тн |
60,0 |
4,0 |
36,0 |
20,0 |
2022-2023 йй. |
2. |
Тиомочевина ишлаб чиқаришни ташкил қилиш
|
10 минг тн |
30,0 |
4,0 |
16,0 |
10,0 |
2022-2024 йй. |
3. |
Поливинилхлорид ишлаб чиқаришни ташкил этиш (II босқич) |
ПВХ - 120 минг тн, каустик сода - 90 минг тн
|
400,0 |
20,0 |
120,0 |
260,0 |
2022-2025 йй. |
4. |
Калий нитрат ва калий сульфат ишлаб чиқаришни ташкил этиш
|
130 минг тн |
90,0 |
15,0 |
25,0 |
50,0 |
2022-2024 йй. |
5. |
Суюқ минерал ўғитлар ишлаб чиқаришни ташкил этиш (I - II босқич)
|
200 минг тн |
35,0 |
3,5 |
10,5 |
21,0 |
2022-2024 йй. |
6. |
Гидроксипропилметил целлюлоза ишлаб чиқаришни ташкил этиш (I босқич)
|
10 минг тн |
8,0 |
2,0 |
3,0 |
3,0 |
2022 й. |
7. |
Ҳавони тақсимлаш ускунаси қурилишини ташкил этиш |
азот - 58 минг куб.м.с, кислород - 44,5 минг куб.м.с
|
64,0 |
14 |
41,0 |
9,0 |
2022-2025 йй. |
8. |
Техник газ ишлаб чиқаришни ташкил этиш
|
78 минг тн |
16,0 |
4,0 |
5,0 |
7,0 |
2022-2023 йй. |
9. |
Кластер учун замонавий энергоблок қуриш
|
600 МВт |
614,0 |
- |
214,0 |
400,0 |
2022-2026 йй. |
II |
Истиқболли лойиҳалар (22 та)
|
4 026,0 |
436,5 |
1 254,5 |
2 335,0 |
||
10. |
Янги метанол ишлаб чиқариш мажмуасини ташкил этиш
|
475 минг тн |
415,0 |
41,0 |
125,0 |
249,0 |
2022-2026 йй. |
11. |
Метианин ишлаб чиқаришни ташкил этиш
|
20 минг тн |
12,0 |
4,0 |
8,0 |
- |
2023-2026 йй. |
12. |
Метанолдан пропилен ишлаб чиқаришни ташкил этиш
|
200 минг тн |
520,0 |
52,0 |
156,0 |
312,0 |
2022-2026 йй. |
13. |
Монохлор сирка кислотаси ишлаб чиқаришни ташкил этиш
|
20 минг тн |
8,0 |
0,5 |
1,5 |
6,0 |
2022-2025 йй. |
14. |
Метанолни қайта ишлаш орқали сирка кислотаси ишлаб чиқаришни ташкил этиш
|
35 минг тн |
120,0 |
6,0 |
66,0 |
48,0 |
2022-2026 йй. |
15. |
Метанолни қайта ишлаш орқали полиакрилонитрил толаси ишлаб чиқаришни ташкил этиш
|
50 минг тн |
210,0 |
23,0 |
125,0 |
62,0 |
2023-2026 йй. |
16. |
Пропилен асосида акрилонитрил ишлаб чиқаришни ташкил этиш
|
100 минг тн |
150,0 |
22,5 |
22,5 |
105,0 |
2023-2027 йй. |
17. |
Полипропилен ишлаб чиқаришни ташкил этиш
|
82 минг тн |
100,0 |
10,0 |
30,0 |
60,0 |
2022-2026 йй. |
18. |
Калий гидроксид ишлаб чиқаришни ташкил этиш
|
10 минг тн |
10,0 |
1,0 |
3,0 |
6,0 |
2022-2024 йй. |
19. |
Метил хлорид ишлаб чиқаришни ташкил этиш
|
6 минг тн |
15,0 |
1,5 |
4,5 |
9,0 |
2022-2025 йй. |
20. |
Қизилқум фосфорит мажмуасининг ишлаб чиқариш қувватини кенгайтириш ва модернизация қилиш
|
1220 минг тн |
400,0 |
40,0 |
60,0 |
300,0 |
2022-2026 йй. |
21. |
Протеин (оқсил) ишлаб чиқаришни ташкил этиш
|
20 минг тн |
50,0 |
5,0 |
15,0 |
30,0 |
2023-2026 йй. |
22. |
"Электркимёзавод" АЖ бўш майдонларида карбон толаси ишлаб чиқаришни ташкил этиш
|
3 минг тн |
170,0 |
17,0 |
51,0 |
102,0 |
2023-2028 йй. |
23. |
Метанолни қайта ишлаш орқали полиоксиметилен (ПОМ) ишлаб чиқаришни ташкил этиш
|
50 минг тн |
400,0 |
20,0 |
100,0 |
280,0 |
2023-2027 йй. |
24. |
Янги аммиак ва карбамид ишлаб чиқариш қувватларини ташкил этиш |
аммиак - 500,0 минг тн, карбамид - 600,0 минг тн
|
900,0 |
120,0 |
280,0 |
500,0 |
2023-2027 йй. |
25. |
Янги азот кислотаси ишлаб чиқариш қувватларини ташкил этиш
|
480 минг тн |
200,0 |
25,0 |
75,0 |
100,0 |
2024-2028 йй. |
26. |
Кальций нитрат ишлаб чиқаришни ташкил этиш
|
100 минг тн |
70,0 |
14,0 |
30,0 |
26,0 |
2022-2025 йй. |
27. |
Кальций хлорид ишлаб чиқаришни ташкил этиш
|
50 минг тн |
2,0 |
2,0 |
- |
- |
2022-2024 йй. |
28. |
Янги аммиакли селитра ишлаб чиқариш қувватларини ташкил этиш
|
200,0 минг тн |
250,0 |
30,0 |
80,0 |
140,0 |
2022-2027 йй. |
29. |
Меламин-карбамид формальдегид смоласи ишлаб чиқаришни ташкил этиш
|
20,0 минг тн |
4,0 |
- |
4,0 |
- |
2022-2027 йй. |
30. |
Полиол ишлаб чиқаришни ташкил этиш
|
20,0 минг тн |
15,0 |
- |
15,0 |
- |
2024-2029 йй.
|
31. |
Дихлоризоцианур кислотаси ва натрий тузини ишлаб чиқариш
|
10 минг тн |
5,0 |
2,0 |
3,0 |
- |
2022-2023 йй. |
"Фарғона кимё технопарки" технологик кластери
|
|||||||
Жами (6 та лойиҳа)
|
599,4 |
70,0 |
160,0 |
369,4 |
|||
I |
Амалга оширилаётган лойиҳалар (3 та)
|
329,4 |
25,0 |
55,0 |
249,4 |
||
32. |
Меламин ишлаб чиқаришни ташкил этиш
|
60 минг тн |
200,0 |
10,0 |
40,0 |
150,0 |
2022-2025 йй. |
33.. |
"Қўқон суперфосфат заводи" АЖда ишлаб чиқариш объектларини модернизация қилиш ва кенгайтириш ҳамда янги турдаги маҳсулотларни ишлаб чиқаришни ташкил этиш (II босқич)
|
350 минг тн |
40,0 |
- |
15,0 |
25,0 |
2021-2024 йй. |
34. |
Коллоксилиндан кимёвий маҳсулотлар ишлаб чиқаришни ташкил этиш
|
3,6 минг тн |
89,4 |
15,0 |
- |
74,4 |
2021-2025 йй. |
II |
Истиқболли лойиҳалар (3 та) |
270,0 |
45,0 |
105,0 |
120,0 |
||
35. |
Штапель тола ишлаб чиқариш
|
28 минг тн |
90,0 |
30,0 |
60,0 |
- |
2023-2025 йй. |
36. |
Синтетик тола ишлаб чиқаришни ташкил этиш
|
10 минг тн |
100,0 |
10,0 |
30,0 |
60,0 |
2023-2026 йй. |
37. |
Эпоксид смоласини ишлаб чиқаришни ташкил этиш
|
20 минг тн |
80,0 |
5,0 |
15,0 |
60,0 |
2023-2026 йй. |
"Қорақалпоғистон кимё технопарки" технологик кластери
|
|||||||
Жами (7 та лойиҳа)
|
4 703,0 |
152,9 |
607,1 |
3 943,0 |
|||
I |
Амалга оширилаётган лойиҳалар (2 та)
|
183,0 |
0,9 |
47,1 |
135,0 |
||
38. |
"Қўнғирот сода заводи" МЧЖда мавжуд сода ишлаб чиқариш қувватини кенгайтириш ва бошқа турдаги маҳсулотлар ишлаб чиқаришни ташкил этиш
|
250 минг тн |
180,0 |
- |
45,0 |
135,0 |
2021-2025 йй. |
39. |
Қўнғирот туманида кимёвий логистика марказини ташкил этиш
|
43 минг кв. м |
3,0 |
0,9 |
2,1 |
- |
2021-2022 йй. |
II |
Истиқболли лойиҳалар (5 та)
|
4 520,0 |
152,0 |
560,0 |
3 808,0 |
||
40. |
Устюрт минтақасида поливинилхлорид ва каустик сода ишлаб чиқаришни ташкил этиш (III босқич) |
ПВХ - 260 минг тн, каустик сода - 200 минг тн
|
500,0 |
50,0 |
150,0 |
300,0 |
2022-2027 йй. |
41. |
МТО технологияси асосида МЭГ, ПЭТ ва полипропилен ишлаб чиқаришни ташкил этиш |
МЭГ - 100 минг тн, ПЭТ - 250 минг тн, полипропилен - 185 минг тн
|
800,0 |
50,0 |
250,0 |
500,0 |
2022-2026 йй. |
42. |
Полибутилен адипат терефталат (PBAT) ишлаб чиқаришни ташкил этиш
|
PBAT - 500 минг тн |
3 200,0 |
50,0 |
150,0 |
3 000,0 |
2023-2027 йй. |
43. |
Водород пероксиди ва хлорат натрий ишлаб чиқаришни ташкил этиш
|
20 минг тонна |
18,0 |
2,0 |
8, |
8, |
2022-2024 йй. |
44. |
Озиқ-овқат саноати учун ош тузи ишлаб чиқаришни ташкил этиш
|
40 минг тонна |
2,0 |
- |
2 |
- |
2022-2023 йй. |
Изоҳлар:
1. Лойиҳаларнинг кўрсаткичларига ва амалга ошириш муддатларига лойиҳа ҳужжатларини ишлаб чиқиш натижаларига кўра аниқлик киритилади.
2. Вазирлар Маҳкамасига ушбу инвестиция лойиҳалари рўйхатига Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги ҳамда "Ўзкимёсаноат" АЖнинг умумлаштирилган хулосалари асосида ўзгартириш ва қўшимчалар киритиш ҳуқуқи берилади.
3. "Ўзкимёсаноат" АЖ технологик кластерлар ҳудудида амалга оширилиши таклиф этиладиган қўшимча истиқболли лойиҳалар рўйхатини шакллантириб, мунтазам равишда янги таклифларни Технологик кластерлар маъмурий кенгашига тақдим қилиб боради.
Президентининг
2022 йил 10 октябрдаги
ПҚ-388-сон қарорига
6-ИЛОВА
"Навоий кимё технопарки" ва "Фарғона кимё
технопарки" технологик кластерларини ташкил
этиш учун "Ўзкимёсаноат" АЖга ўтказиб бериладиган
"Навоийазот" АЖ ва "Фарғонаазот" АЖга тегишли
бўлган бино-иншоотлар ва улар жойлашган
(уларга туташ) ер участкалари
РЎЙХАТИ
Изоҳ. Ушбу бино-иншоотлар технологик кластерни бошқариш дирекциялари томонидан Технологик кластерлар маъмурий кенгаши билан келишилган ҳолда тасарруф этилади.
Президентининг
2022 йил 10 октябрдаги
ПҚ-388-сон қарорига
7-ИЛОВА
Устав капиталида (фондида) "Ўзкимёсаноат" АЖ
улуши ва давлат улуши (акцияси) мавжуд бўлган
хусусийлаштириладиган хўжалик жамиятлари
РЎЙХАТИ
Т/р |
Хўжалик жамияти номи |
"Ўзкимёсаноат"АЖ улуши ёки акция пакети (фоизда)
|
Давлат улуши ёки акция пакети (фоизда) |
Хусусийлаштириш муддати |
1. |
"Фарғонаазот" АЖ*
|
49,87 |
49,15 |
2022 йил декабрь |
2. |
"Деҳқонобод калий заводи" АЖ**
|
100,0 |
- |
2023 йил II чорак |
3. |
"Биринчи резинотехника заводи" МЧЖ**
|
100,0 |
- |
2023 йил I чорак |
4. |
"Қизилқум фосфорит комплекси" МЧЖ**
|
100,00 |
- |
2023 йил II чорак |
5. |
"Кимётранс-логистик" МЧЖ**
|
100,00 |
- |
2023 йил II чорак |
6. |
"Ҳамкор-кимёсервис" МЧЖ**
|
100,00 |
- |
2023 йил II чорак |
7. |
"Кимётранс" МЧЖ**
|
25,00 |
- |
2023 йил II чорак |
8. |
"Kimyogartaomchi" МЧЖ***
|
100,00 |
- |
2023 йил III чорак |
9. |
"Оsiyo tehno-proekt injiniring" МЧЖ***
|
51,00 |
- |
|
10. |
"Kimyosavdotaminot" МЧЖ***
|
22,98 |
- |
Изоҳлар:
*) "Фарғонаазот" АЖ акциялар пакети олди-сотди шартномасини расмийлаштириш даврида корхона устав капиталидаги улушлар ўзгариши мумкин.
**) Корхоналарни хусусийлаштиришдан тушган маблағ тақсимоти Ўзбекистон Республикаси Вазирлар Маҳкамаси билан келишилган ҳолда амалга оширилади.
***) "Ўзкимёсаноат" АЖ улуши (акция пакети) Давлат активларини бошқариш агентлигига белгиланган тартибда ўтказиб берилади.
Қонун ҳужжатлари маълумотлари миллий базаси (www.lex.uz),
2022 йил 11 октябрь
78-150-11-72 
Мобильная версия сайта