Масъулияти чекланган жамият қандай очилади ва рўйхатдан ўтказилади

Функция недоступна

МАСЪУЛИЯТИ ЧЕКЛАНГАН ЖАМИЯТ ҚАНДАЙ ОЧИЛАДИ ВА РЎЙХАТДАН ЎТКАЗИЛАДИ

1. Масъулияти чекланган жамият таъсисчилари

2. МЧЖни рўйхатдан ўтказиш тартиби

3. МЧЖга ўзгартиришларни рўйхатдан ўтказиш

Масъулияти чекланган жамият таъсисчилари

Масъулияти чекланган жамиятни (МЧЖ) очиш ва рўйхатдан ўтказиш тартиб-таомилини бошлаганда, қуйидагилар унинг таъсисчилари бўлиши мумкинлигини ёдда тутинг:

- жисмоний шахслар (фуқаролар, чет эл фуқаролари, фуқаролиги бўлмаган шахслар);

- ҳар қандай ташкилий-ҳуқуқий шаклдаги юридик шахслар.

МЧЖнинг иштирокчилари унинг мажбуриятлари бўйича жавобгар бўлмайдилар ва жамият фаолияти билан боғлиқ зарарлар учун ўзлари қўшган ҳиссалар қиймати доирасида жавобгар бўладилар. Агар таъсисчилар устав фондига ўз ҳиссасини тўла қўшмаган бўлса, улар унинг мажбуриятлари бўйича ҳар бир иштирокчи ҳиссасининг тўланмаган қисмининг қиймати доирасида солидар жавобгар бўладилар (06.12.2001 й. ЎРҚ-310-II-сон Қонун 3-м.). Жамият ўз таъсисчиларининг мажбуриятлари бўйича жавоб бермайди (06.12.2001 й. ЎРҚ-310-II-сон Қонун 10-м.).

Эътибор беринг!

Қуйидагилар масъулияти чекланган жамиятнинг таъсисчилари бўлиши мумкин эмас (06.12.2001 й. ЎРҚ-310-II-сон Қонун 7-м.):

• МЧЖда иштирок этиши тақиқланган ёки чекланган айрим тоифадаги жисмоний шахслар;

• давлат ҳокимияти ва бошқарув органлари, агар қонунчиликда бошқача қоида белгиланган бўлмаса;

• бир шахсдан иборат бошқа МЧЖ. Бундай чеклов бир акциядордан иборат акциядорлик жамиятига тааллуқли эмас.

МЧЖ ҳам бир шахс (жисмоний ёки юридик шахс), ҳам шахслар гуруҳи томонидан таъсис этилиши мумкин (06.12.2001 й. ЎРҚ-310-II-сон Қонун 7-м. 6-қ.).

Таъсисчилар умумий йиғилишини ўтказишга ёки якка тартибда қарор қабул қилишга киришишдан олдин, жамият уставини, агар иштирокчилар бир нечта бўлса,