Соғлиқни сақлаш вазирининг 24.11.2022 й. 28-сон "Қон ва унинг таркибий қисмларини топшириш тартиби тўғрисидаги низомга ўзгартириш ва қўшимчалар киритиш ҳақида"ги Буйруғи (АВ томонидан 12.12.2022 й. 2556-2-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

12.12.2022 й.

N 2556-2

ЎЗБЕКИСТОН РЕСПУБЛИКАСИ

СОҒЛИҚНИ САҚЛАШ ВАЗИРИНИНГ

24.11.2022 й.

N 28

БУЙРУҒИ

Қон ва унинг таркибий қисмларини топшириш

тартиби тўғрисидаги низомга ўзгартириш

ва қўшимчалар киритиш ҳақида

Ўзбекистон Республикаси Президентининг 2022 йил 9 августдаги ПҚ-348-сон "Республикада қон билан ишлаш хизмати муассасалари фаолиятини янада такомиллаштириш ва аҳоли орасида беғараз донорлик ҳаракатини ривожлантириш чоралари тўғрисида"ги қарорига мувофиқ БУЮРАМАН:

1. Ўзбекистон Республикаси соғлиқни сақлаш вазирининг 2013 йил 16 декабрдаги 423-сон буйруғи (рўйхат рақами 2556, 2014 йил 15 январь) ( Ўзбекистон Республикаси қонун ҳужжатлари тўплами, 2014 й., 3-сон, 38-модда) билан тасдиқланган Қон ва унинг таркибий қисмларини топшириш тартиби тўғрисидаги низомга иловага мувофиқ ўзгартириш ва қўшимчалар киритилсин.

2. Мазкур буйруқ расмий эълон қилинган кундан эътиборан кучга киради.

Вазир                                                                           Б.А. Мусаев

Буйруққа

ИЛОВА

Қон ва унинг таркибий қисмларини топшириш

тартиби тўғрисидаги низомга киритилаётган

ўзгартириш ва қўшимчалар

1. 12-банд қуйидаги таҳрирда баён этилсин:

"Донорлар қон билан ишлаш хизмати томонидан:

Ўзбекистон Республикасининг фуқаролари - паспорт ёки идентификация ID-картаси ёхуд янги намунадаги миллий ҳайдовчилик гувоҳномаси, ҳарбий хизматчилар эса, ҳарбий ҳисобга олиш ҳужжатлари (ҳарбий гувоҳнома ёки офицернинг шахсий гувоҳномаси);

чет эл фуқаролари ва фуқаролиги бўлмаган шахслар - чет эл фуқаросининг ва фуқаролиги бўлмаган шахснинг идентификация ID-картаси, миллий паспорти ёки чет давлат фуқаролигига мансублигини тасдиқловчи бошқа ҳужжатлар билан қабул қилинади.".

2. 15-банд қуйидаги таҳрирда баён этилсин:

"15. Донорлар тегишлича қуйидаги бирламчи тиббий ҳужжатлар асосида ҳисобга олинади:

Захм, гепатит ва ОИВ/ОИТС бўйича натижалари мусбат бўлган донорларни қайд қилиш журнали;

Донорнинг ҳисоб варақаси;

Пуллик (фаол) донорнинг тиббий картаси;

Бепул (беғараз) донорнинг картаси;

Стафилококка қарши анатоксин билан иммунизация ва реиммунизация қилиш журнали;

Донорларни ҳисобга олиш кундалиги;

Пуллик (фаол) донорларни ҳисобга олиш кундалиги;

Бепул (беғараз) донорларни ҳисобга олиш кундалиги.".

3. 17-банддан "(405/У - шакл)" деган сўзлар чиқариб ташлансин.

4. 18-банддан "(405/У - шакл)" ва "(406/У - шакл)" деган сўзлар чиқариб ташлансин.

5. 31-бандда:

учинчи хатбоши чиқариб ташлансин;

тўртинчи - олтинчи хатбошилар тегишли равишда учинчи - бешинчи хатбошилар деб ҳисоблансин.

6. 33-бандда:

иккинчи хатбоши чиқариб ташлансин;

учинчи - бешинчи хатбошилар тегишли равишда иккинчи - тўртинчи хатбошилар деб ҳисоблансин;

иккинчи хатбоши қуйидаги таҳрирда баён этилсин:

"олти ойда бир марта тегишли Санитария-эпидемиологик осойишталик ва жамоат саломатлиги хизматининг ҳудудий бошқармаси ёки туман (шаҳар) бўлимидан А, В ва С гепатитларига алоқадорлиги йўқлиги ҳақида маълумотнома;".

7. 41-банд қуйидаги таҳрирда баён этилсин:

"41. Донорнинг соғлиғида донор бўлишга қарши кўрсатмалар бўлган тақдирда, тиббий ҳужжатларга (Донорнинг ҳисобварақаси ва Пуллик (фаол) донорнинг тиббий картаси ёки Бепул (беғараз) донорнинг картасига) уни донорликдан четлаштириш сабаблари ва ҳисобдан чиқарилган санаси ёзиб қўйилади ва ўз навбатида, ушбу донор ҳақидаги ахборот Ягона донорлик марказига юборилади.".

8. 1-илова матнидаги "Сизда сўнгги 3 ҳафта ичида безгак бўлганми?" деган сўзлар "Сизда сўнгги 3 ҳафта ичида тана ҳарорати кўтарилганми?" деган сўзлар билан алмаштирилсин.

9. 2-иловада:

олтинчи позициядан "бруцеллёз" деган сўз чиқариб ташлансин;

йигирма биринчи позициядаги "Руҳий касалликлар" деган сўзлар "Руҳий ҳолатнинг бузилиши" деган сўзлар билан алмаштирилсин;

2-боб қуйидаги мазмундаги 23 - 25 позициялар билан тўлдирилсин:

"

".

Қонун ҳужжатлари маълумотлари миллий базаси (www.lex.uz),

2022 йил 12 декабрь