ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Таълим. Фан. Маданият / Қўшимчалар ва ўзгартиришлар киритилган ҳужжатлар / Таълим /Спортни ривожлантириш вазирининг 23.11.2022 й. 16-мҳ-сон "Ўзбекистон Республикаси Туризм ва спорт вазирлиги ҳузуридаги Жисмоний тарбия ва спорт бўйича мутахассисларни қайта тайёрлаш ва малакасини ошириш институти ва унинг филиаллари профессор-ўқитувчиларининг педагогик юкламалари ҳажмини тасдиқлаш ҳақида"ги буйруққа ўзгартиришлар киритиш тўғрисида"ги Буйруғи (АВ томонидан 21.12.2022 й. 3108-2-сон билан рўйхатга олинган)
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
АДЛИЯ ВАЗИРЛИГИ ТОМОНИДАН
РЎЙХАТГА ОЛИНГАН
21.12.2022 й.
N 3108-2
ЎЗБЕКИСТОН РЕСПУБЛИКАСИ
СПОРТНИ РИВОЖЛАНТИРИШ
ВАЗИРИНИНГ
23.11.2022 й.
N 16-мҳ
БУЙРУҒИ
"Ўзбекистон Республикаси Туризм
ва спорт вазирлиги ҳузуридаги Жисмоний
тарбия ва спорт бўйича мутахассисларни қайта
тайёрлаш ва малакасини ошириш институти ва унинг
филиаллари профессор-ўқитувчиларининг педагогик
юкламалари ҳажмини тасдиқлаш ҳақида"ги буйруққа
ўзгартиришлар киритиш тўғрисида
Ўзбекистон Республикаси Президентининг 2022 йил 18 февралдаги ПФ-75-сон "Туризм, маданий мерос ва спорт соҳаларида давлат бошқарувини такомиллаштиришга доир ташкилий чора-тадбирлар тўғрисида"ги Фармони, Ўзбекистон Республикаси Президентининг 2022 йил 18 февралдаги ПҚ-136-сон "Спортни ривожлантириш вазирлиги фаолиятини ташкил этиш тўғрисида"ги қарори ва Вазирлар Маҳкамасининг 2022 йил 4 июлдаги 355-сон "Жисмоний тарбия ва спорт бўйича мутахассисларни қайта тайёрлаш ва малакасини ошириш тизимини янада такомиллаштириш чора-тадбирлари тўғрисида"ги қарорига мувофиқ БУЮРАМАН:
1. Ўзбекистон Республикаси жисмоний тарбия ва спорт вазирининг 2018 йил 23 ноябрдаги 24-мҳ-сон "Ўзбекистон Республикаси Туризм ва спорт вазирлиги ҳузуридаги Жисмоний тарбия ва спорт бўйича мутахассисларни қайта тайёрлаш ва малакасини ошириш институти ва унинг филиаллари профессор-ўқитувчиларининг педагогик юкламалари ҳажмини тасдиқлаш ҳақида"ги буйруғига (рўйхат рақами 3108, 2018 йил 28 декабрь) (Қонун ҳужжатлари маълумотлари миллий базаси, 28.12.2018 й., 10/18/3108/2394-сон) иловага мувофиқ ўзгартиришлар киритилсин.
2. Мазкур буйруқ Ўзбекистон Республикаси Олий ва ўрта махсус таьлим вазирлиги ва Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси билан келишилган.
3. Мазкур буйруқ расмий эълон қилинган кундан эътиборан кучга киради.
Вазир А.И. Икрамов
ИЛОВА
"Ўзбекистон Республикаси Туризм
ва спортвазирлиги ҳузуридаги Жисмоний
тарбия васпорт бўйича мутахассисларни қайта
тайёрлаш ва малакасини ошириш институти ва унинг
филиаллари профессор-ўқитувчиларининг педагогик
юкламалари ҳажмини тасдиқлаш ҳақида"ги буйруққа
киритилаётган ўзгартиришлар
номи ва 1-банддаги "Ўзбекистон Республикаси Туризм ва спорт вазирлиги ҳузуридаги Жисмоний тарбия ва спорт бўйича мутахассисларни қайта тайёрлаш ва малакасини ошириш институти" деган сўзлар "Жисмоний тарбия ва спорт бўйича мутахассисларни қайта тайёрлаш ва малакасини ошириш институти" деган сўзлар билан алмаштирилсин;
муқаддима қуйидаги таҳрирда баён этилсин:
"Ўзбекистон Республикаси Вазирлар Маҳкамасининг 2022 йил 4 июлдаги 355-сон "Жисмоний тарбия ва спорт бўйича мутахассисларни қайта тайёрлаш ва малакасини ошириш тизимини янада такомиллаштириш чора-тадбирлари тўғрисида"ги қарорига мувофиқ буюраман:".
2. Илова мазкур ўзгартиришларнинг иловасига мувофиқ таҳрирда баён этилсин.
ИЛОВА
"Ўзбекистон Республикаси
жисмоний тарбия ва
спорт вазирининг
2018 йил 23 ноябрдаги
24-мҳ-сон буйруғига
ИЛОВА
Жисмоний тарбия ва спорт бўйича мутахассисларни
қайта тайёрлаш ва малакасини ошириш институти
ва унинг филиаллари профессор-ўқитувчиларининг
педагогик юкламалари хажми
Т/р |
Иш турлари |
Иш турлари учун ажратилган вақт меъёри |
Иш турларининг бажарилганлигини аниқлаш |
1. |
Қайта тайёрлаш, махсус ўқув курси ва малака ошириш курси тингловчилари учун ўқув (назарий, маъруза, амалий, семинар, лаборатория ва кўчма) машғулот ўтказиш. |
Бир академик соат учун - 1 соат. |
Ўқув машғулотларининг ўтказилганлиги гуруҳ журнали асосида аниқланади. |
2. |
Масофавий таълим асосида қайта тайёрлаш, махсус ўқув курси ва малака ошириш курси тингловчилари учун онлайн машғулотларни ўтказиш. |
Бир академик соат онлайн видеомашғулотлар учун - 1 соат. |
Ўқув машғулотларининг ўтказилганлиги гуруҳ журнали асосида аниқланади. |
3. |
Қайта тайёрлаш, махсус ўқув курси ва малака ошириш курси якуний аттестациясини (онлайн тест, суҳбат, касбий фаолият натижаларини баҳолашда) ўтказишда иштирок этиш. |
Битта академик гуруҳ учун онлайн тестга - 2 соат. Битта тингловчи учун якуний суҳбатга - 0,5 соат. Битта тингловчининг касбий фаолият натижасини баҳолаш учун - 0,5 соат. |
Аттестация комиссиясининг баённомаси асосида аниқланади. |
4. |
Фалсафа доктори (PhD) ёки фан доктори (Doctor of Science) илмий даражасини олиш учун даъвогар тадқиқотчи ёки мустақил изланувчига илмий раҳбар (маслаҳатчи)лик қилиш. |
Битта тадқиқотчига бир ўқув йили учун - 100 соат; Битта мустақил изланувчига бир ўқув йили учун - 50 соат. |
Жисмоний тарбия ва спорт бўйича мутахассисларни қайта тайёрлаш ва малакасини ошириш институти (бундан буён матнда Институт деб юритилади) ва унинг филиаллари раҳбарининг тегишли буйруғи, илмий даражага давогар тадқиқотчи ёки мустақил изланувчининг якка тартибдаги иш режаси асосида аниқланади. |
5. |
Дарсдан ташқари вақтда малакали мутахассислар ва спортчилар билан ҳамкорликда қайта тайёрлаш, махсус ўқув курси ва малака ошириш курси тингловчилари учун уларнинг касбий кўникмаларини ривожлантириш бўйича очиқ, муаммоли, интеграциялашган маърузалар ва маҳорат-дарсларига тайёргарлик кўриш ва ўтказиш. |
Бир академик соат очиқ, муаммоли, интеграциялашган маърузалар ва маҳорат дарслари учун - 5 соат; очиқ, муаммоли, интеграциялашган маъруза учун бир ўқув йилида кўпи билан - 30 соат. маҳорат-дарсларига: Институт ёки филиал миқёсида ўтказилганда, бир ўқув йилида кўпи билан - 30 соат; республика миқёсида ўтказилганда, бир ўқув йилида кўпи билан - 40 соат; халқаро миқёсда ўтказилганда, бир ўқув йилида кўпи билан - 60 соат. |
Институт ва филиалларда ўтказилган очиқ, муаммоли, интеграциялашган маъруза ва маҳорат-дарслари мавзулари бўйича тасдиқланган материаллар, тегишли режалар ва уларнинг ўтказилганлигини тасдиқловчи ҳужжатлар (кафедра йиғилиш баённомаси) асосида аниқланади. |
6. |
Қайта тайёрлаш, махсус ўқув курси ва малака ошириш курси ўқув режасидаги модулларнинг ўқув-услубий мажмуасини яратиш ва янгилаш. |
Модул бўйича ўқув-услубий мажмуа яратишга бир босма табоқ учун - 3 соат. Ўқув-услубий мажмуани янгилашга (қайта ишлашга) бир босма табоқ учун - 1,5 соат. |
Институт Илмий кенгаши қарори асосида аниқланади. |
7. |
Қайта тайёрлаш, махсус ўқув курси ва малака ошириш курси йўналишлари модуллари доирасида услубий қўлланма, кўрсатмалар ёзиш ва нашр этиш. |
Услубий қўлланма, кўрсатмалар тайёрлашга бир босма табоқ учун - 30 соат. |
Институт Илмий кенгаши, қарори билан нашр этишга тавсия этилган услубий қўлланма ва кўрсатмалар асосида аниқланади. |
8. |
Масофавий (офлайн) таълим платформаси учун электрон контентларни яратиш. |
Матнли контентнинг 1 та мавзуси учун - 3 соат; Матнли-график контентнинг 1 та мавзуси учун - 4 соат; Видеоконтент (бир академик соатдан кам бўлмаган видео дарс) учун - 6 соат; Назорат учун (тест саволлари, топшириқлар) контентнинг 1 та мавзуси учун - 1 соат. |
Институт Илмий кенгаши (филиаллар Илмий-методик кенгаш) қарори билан масофавий (офлайн) курсларда фойдаланишга тавсия этилган электрон контентлар асосида аниқланади. |
Изоҳ:
профессор-ўқитувчиларнинг шахсий иш режалари мазкур педагогик юкламалар ҳажми асосида кафедра мудири томонидан тузилади ҳамда тегишли Ректор (директор) ўринбосари билан келишган ҳолда Ректор (директор) томонидан тасдиқланади;
профессор-ўқитувчиларнинг шахсий иш режаларига кафедра йиғилиши иштирокчиларининг таклифига асосан Институт ва унинг филиаллари Илмий кенгашининг қарорига асосан ўзгартиришлар киритилиши мумкин;
профессор-ўқитувчиларнинг йиллик педагогик юкламалари ҳажми 400 соатдан кам бўлмаслиги тавсия этилади;
профессор-ўқитувчиларнинг Ўзбекистон Республикаси Спортни ривожлантириш вазирлиги томонидан тасдиқланган ўқув-услубий, илмий-тадқиқот, ташкилий ва маънавий-маърифий ишлар рўйхатида белгиланган, соатлар ҳажми ҳисобланмайдиган иш турлари профессор-ўқитувчилар томонидан кафедра ёки Илмий кенгаш тавсияси билан ихтиёрийлик асосида амалга оширилади ҳамда профессор-ўқитувчиларнинг ойлик маошларини белгилаш учун асос ҳисобланмайди;
мазкур педагогик юкламалар ҳажми Институт ва филиаллар профессор-ўқитувчиларининг шахсий йиллик иш режаларини шакллантириш ва уларнинг фаолиятида бажарилган ишлар ҳажмини аниқлаш учун асос ҳисобланади.".
Қонун ҳужжатлари маълумотлари миллий базаси (www.lex.uz),
2022 йил 21 декабрь
78-150-11-72 
Мобильная версия сайта