Молия вазирининг 27.12.2022 й. 70-сон "Ўзбекистон Республикаси бюджет ҳисобининг стандарти (3-сонли БҲС) "Бюджет ҳисоботи"ни тасдиқлаш тўғрисида"ги буйруққа қўшимча ва ўзгартиришлар киритиш ҳақида"ги Буйруғи (АВ томонидан 11.01.2023 й. 3124-5-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

11.01.2023 й.

N 3124-5

ЎЗБЕКИСТОН РЕСПУБЛИКАСИ

МОЛИЯ ВАЗИРИНИНГ

27.12.2022 й.

N 70

БУЙРУҒИ

"Ўзбекистон Республикаси бюджет ҳисобининг

стандарти (3-сонли БҲС) "Бюджет ҳисоботи"ни

тасдиқлаш тўғрисида"ги буйруққа қўшимча

ва ўзгартиришлар киритиш ҳақида

Ўзбекистон Республикасининг Бюджет кодекси, Ўзбекистон Республикасининг "Бухгалтерия ҳисоби тўғрисида"ги Қонунига мувофиқ БУЮРАМАН:

1. Ўзбекистон Республикаси молия вазирининг 2018 йил 18 декабрдаги 157-сон "Ўзбекистон Республикаси бюджет ҳисобининг стандарти (3-сонли БҲС) "Бюджет ҳисоботи"ни тасдиқлаш тўғрисида"ги буйруғига (рўйхат рақами 3124, 2019 йил 18 январь) (Ўзбекистон Республикаси қонун ҳужжатлари тўплами, 2019 й., 3-сон, 57-модда) иловага мувофиқ қўшимча ва ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

Молия вазири                                                              Т. Ишметов

Буйруққа

ИЛОВА

"Ўзбекистон Республикаси бюджет ҳисобининг

стандарти (3-сонли БҲС) "Бюджет ҳисоботи"ни

тасдиқлаш тўғрисида"ги буйруққа киритилаётган

қўшимча ва ўзгартиришлар

1. Буйруқ қуйидаги мазмундаги 1-1-банд билан тўлдирилсин:

"1-1. Белгилаб қўйилсинки, 2022 йил учун йиллик молиявий ҳисобот 2022 йилда амал қилган тартиб ва шакллар асосида тақдим этилади.".

2. Ўзбекистон Республикаси бюджет ҳисобининг стандарти (3-сонли БҲС) "Бюджет ҳисоботи"да:

а) 15-банд қуйидаги таҳрирда баён этилсин:

"15. Бюджет маблағларини олувчилар Давлат бюджети маблағлари бўйича Молия вазирлигига (тегишли ҳудудий молия органларига) чорак (йил) учун Баланс (1-сон шакл)ни, Харажатлар сметасининг ижроси ҳақидаги ҳисобот (2-сон шакл)ни, Дебиторлик ва кредиторлик қарзлар тўғрисидаги маълумотни ҳамда Товар-моддий захиралар ва номолиявий активлар ҳаракати тўғрисидаги ҳисоботни мазкур Стандартнинг талабларига мувофиқ ҳолда тақдим этади.";

б) 30-банднинг тўртинчи хатбошисидаги "касб-ҳунар таълими муассасаларида" деган сўзлар "профессионал таълим ташкилотларида" деган сўзлар билан алмаштирилсин;

в) 52-банднинг иккинчи ва тўртинчи хатбошиларидаги, 67-банднинг иккинчи ва тўртинчи хатбошиларидаги ҳамда 114-банднинг тўртинчи хатбошисидаги "муассасаларида" деган сўз "ташкилотларида" деган сўз билан алмаштирилсин;

г) 160-банднинг тўққизинчи хатбошисидаги "Молиявий ҳолат тўғрисида баланс ҳисобот" деган сўзлар "Давлат бюджети ижросининг баланси" деган сўзлар билан алмаштирилсин;

д) 2-илованинг "Кўрсатгичлар" устунидаги "касб-ҳунар таълими муассасаларида" деган сўзлар "профессионал таълим ташкилотларида" деган сўзлар билан алмаштирилсин;

е) 8-илованинг "Тушумларнинг номи" устунидаги "Мактабгача таълим муассасаларида" деган сўзлар "Мактабгача таълим ташкилотларида" деган сўзлар билан алмаштирилсин;

ж) 13-иловада:

номи қуйидаги таҳрирда баён этилсин:

"Давлат бюджети ижросининг баланси";

1-иловада:

031-қатори чиқариб ташлансин;

032-қаторнинг номи қуйидаги таҳрирда баён этилсин:

"Ўзбекистон Республикаси Давлат активларини бошқариш агентлиги ҳузурида юридик шахс мақомига эга бўлмаган бюджетдан ташқари Давлат активларини бошқариш, трансформация ва хусусийлаштириш жамғармасининг ҳисобланган даромадлари (510 300)";

034 ва 035-қаторлар чиқариб ташлансин;

051-қатордаги "касб-ҳунар таълими муассасаларида" деган сўзлар "профессионал таълим ташкилотларида" деган сўзлар билан алмаштирилсин.

Қонун ҳужжатлари маълумотлари миллий базаси (www.lex.uz),

2023 йил 11 январь