Ўзбекистон Республикаси Вазирлар Маҳкамасининг 30.01.2023 й. 36-сон "Вазирлар Маҳкамасининг "Фуқаролар ва жамоат ташкилотларини ҳукуқбузарликлар профилактикаси ва жиноятчиликка қарши курашишдаги фаол иштироки учун рағбатлантириш тартиби тўғрисидаги низомни тасдиқлаш ҳақида" 2018 йил 8 январдаги 15-сон қарорига жамоат хавфсизлигини таъминлаш, ҳуқуқбузарликлар профилактикаси ва жиноятчиликка қарши курашишдаги фаол иштироки учун фуқароларнинг ижтимоий ҳимоясини таъминлашга қаратилган ўзгартириш ва қўшимчалар киритиш ҳақида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

30.01.2023 й.

N 36

ВАЗИРЛАР МАҲКАМАСИНИНГ

"ФУҚАРОЛАР ВА ЖАМОАТ ТАШКИЛОТЛАРИНИ

ҲУКУҚБУЗАРЛИКЛАР ПРОФИЛАКТИКАСИ ВА

ЖИНОЯТЧИЛИККА ҚАРШИ КУРАШИШДАГИ ФАОЛ

ИШТИРОКИ УЧУН РАҒБАТЛАНТИРИШ ТАРТИБИ

ТЎҒРИСИДАГИ НИЗОМНИ ТАСДИҚЛАШ ҲАҚИДА"

2018 ЙИЛ 8 ЯНВАРДАГИ 15-СОН ҚАРОРИГА ЖАМОАТ

ХАВФСИЗЛИГИНИ ТАЪМИНЛАШ, ҲУҚУҚБУЗАРЛИКЛАР

ПРОФИЛАКТИКАСИ ВА ЖИНОЯТЧИЛИККА ҚАРШИ

КУРАШИШДАГИ   ФАОЛ   ИШТИРОКИ   УЧУН

ФУҚАРОЛАРНИНГ ИЖТИМОИЙ ҲИМОЯСИНИ

ТАЪМИНЛАШГА ҚАРАТИЛГАН ЎЗГАРТИРИШ

ВА ҚЎШИМЧАЛАР КИРИТИШ ҲАҚИДА

         

         

Мамлакатимизда амалга оширилаётган кенг кўламли ислоҳотлар доирасида аҳолининг тинч ва осойишта ҳаётини таъминлаш ва жамоат хавфсизлиги маданиятини шакллантириш борасидаги чора-тадбирлар амалга оширилши натижасида жамоат хавфсизлигини таъминлаш йўналишидаги ишлар бўйича давлат органларининг жамоатчилик тузилмалари билан ўзаро мақсадли ҳамкорлиги йўлга қўйилди.

Шу билан бирга, мазкур ҳамкорлик доирасида амалга оширилаётган ишлар жамоат хавфсизлигини таъминлаш, ҳуқуқбузарликлар профилактикаси ва жиноятчиликка қарши курашишда иштирок этаётган фуқароларни янада рағбатлантириш, шунингдек, уларнинг ижтимоий ҳимоясини янада кучайтириш зарурлигини кўрсатмоқда.

Шу муносабат билан жамоат хавфсизлигини таъминлаш, ҳуқуқбузарликлар профилактикаси ва жиноятчиликка қарши курашиш жараёнида фаол иштироки давомида олган тан жароҳати ҳамда вафот этган фуқароларнинг оила аъзоларига ижтимоий ёрдам кўрсатиш механизмларини такомиллаштириш мақсадида Вазирлар Маҳкамаси ҚАРОР ҚИЛАДИ:

1. Вазирлар Маҳкамасининг "Фуқаролар ва жамоат ташкилотларини ҳуқуқбузарликлар профилактикаси ва жиноятчиликка қарши курашишдаги фаол иштироки учун рағбатлантириш тартиби тўғрисида низомни тасдиқлаш ҳақида" 2018 йил 8 январдаги 15-сон қарорига қуйидагиларни назарда тутувчи ўзгартириш ва қўшимчалар иловага мувофиқ киритилсин:

ҳуқуқбузарликлар профилактикаси ва жиноятчиликка қарши курашишдаги фаол иштироки учун фуқароларнинг ижтимоий ҳимоясини таъминлаш тартиби;

фуқароларнинг ижтимоий ҳимоясини таъминлаш учун асос бўлиб ҳисобланадиган ҳолатлар ва талаб этиладиган ҳужжатлар;

фуқароларнинг ижтимоий ҳимоясини таъминлаш масаласини кўриб чиқиш муддатлари ва тартиби.

2. Ўзбекистон Республикаси Ички ишлар вазирлиги бир ой муддатда:

ушбу қарорнинг мазмун-моҳияти оммавий ахборот воситаларида кенг ёритилишини таъминласин;

манфаатдор вазирликлар ва идоралар билан биргаликда ўзлари қабул қилган ҳужжатларни мазкур қарорга мувофиқлаштирсин.

3. Мазкур қарорнинг бажарилишини назорат қилиш Ўзбекистон Республикаси ички ишлар вазири П.Р. Бобожонов зиммасига юклансин.

Ўзбекистон Республикасининг Бош вазири                                        А. Арипов

Вазирлар Маҳкамасининг

2023 йил 30 январдаги

36-сон қарорига

ИЛОВА

Вазирлар Маҳкамасининг "Фуқаролар ва жамоат

ташкилотларини ҳукуқбузарликлар профилактикаси

ва жиноятчиликка қарши курашишдаги фаол иштироки

учун рағбатлантириш тартиби тўғрисидаги низомни

тасдиқлаш ҳақида" 2018 йил 8 январдаги 15-сон қарорига

киритилаётган ўзгартириш ва қўшимчалар

        

1. Қарорда:

қарор номи қуйидаги таҳрирда баён этилсин:

"Фуқаролар ва жамоат ташкилотларини жамоат хавфсизлигини таъминлаш, ҳуқуқбузарликлар профилактикаси ва жиноятчиликка қарши курашишдаги фаол иштироки учун рағбатлантириш тартиби тўғрисидаги низомни тасдиқлаш ҳақида";

1-банд қуйидаги таҳрирда баён этилсин:

"Фуқаролар ва жамоат ташкилотларини жамоат хавфсизлигини таъминлаш, ҳуқуқбузарликлар профилактикаси ва жиноятчиликка қарши курашишдаги фаол иштироки учун рағбатлантириш ҳамда фуқароларнинг ижтимоий ҳимоясини таъминлаш тартиби тўғрисида низом иловага мувофиқ тасдиқлансин".

2. Низомда:

Низомнинг номи "рағбатлантириш" сўзидан кейин "ҳамда фуқароларнинг ижтимоий ҳимоясини таъминлаш" сўзлари билан тўлдирилсин;

1-банд "рағбатлантириш" сўзидан кейин "ҳамда фуқароларнинг ижтимоий ҳимоясини таъминлаш" сўзлари билан тўлдирилсин;

2-бандда:

биринчи хатбоши қуйидаги таҳрирда баён этилсин:

"2. Қуйидагилар фуқаролар ва жамоат ташкилотларининг жамоат хавфсизлигини таъминлаш, ҳуқуқбузарликлар профилактикаси ва жиноятчиликка қарши курашишдаги фаол иштирокини рағбатлантириш ҳамда фуқароларнинг ижтимоий ҳимоясини таъминлаш (кейинги ўринларда - фуқаролар ва жамоат ташкилотларини рағбатлантириш ҳамда фуқароларнинг ижтимоий ҳимоясини таъминлаш деб аталади)нинг асосий вазифалари ҳисобланади";

қуйидаги мазмундаги бешинчи хатбоши билан тўлдирилсин:

"фуқаролар жамоат хавфсизлигини таъминлаш, ҳуқуқбузарликлар профилактикаси ва жиноятчиликка қарши курашишга қўшаётган ҳиссаси учун уларнинг ҳаёти, соғлиғи ҳамда мол-мулкига тажовуз қилинишининг олдини олишга қаратилган, шунингдек, уларнинг хавфсизлиги ва ижтимоий ҳимоя қилиниши чораларини ўз ичига оладиган чора-тадбирлар тизимини белгилаш";

4-банднинг биринчи хатбошиси қуйидаги таҳрирда баён этилсин:

"4. Фуқаролар ва жамоат ташкилотларини рағбатлантириш ҳамда фуқароларнинг ижтимоий ҳимоясини таъминлаш туғрисидаги таклифлар ҳуқуқбузарликлар профилактикасини бевосита амалга оширувчи органлар томонидан ҳуқуқбузарликлар профилактикаси ва жиноятчиликка қарши курашиш бўйича республика ва ҳудудий идоралараро комиссияларга (кейинги ўринларда идоралараро комиссиялар деб аталади) фуқаролар ва жамоат ташкилотларини рағбатлантириш ҳамда фуқароларнинг ижтимоий ҳимоясини таъминлаш бўйича тақдимнома киритиш орқали амалга оширилади";

5-банднинг биринчи хатбошиси "рағбатлантириш" сўзидан кейин "ҳамда фуқароларнинг ижтимоий ҳимоясини таъминлаш" сўзлари билан тўлдирилсин;

12-банддаги "иловадаги" сўзи "1-иловадаги" сўзлари билан алмаштирилсин;

қуйидаги мазмундаги 3-1-боб билан тўлдирилсин:

"3-1-боб. Фуқароларнинг ижтимоий ҳимоясини таъминлаш

         

17-1. Фуқароларнинг ижтимоий ҳимоясини таъминлаш мазкур Низомга 2-иловада келтирилган схемага мувофиқ амалга оширилади.

17-2. Фуқаро жамоат хавфсизлигини таъминлаш, ҳуқуқбузарликлар профилактикаси ва жиноятчиликка қарши курашишдаги фаол иштироки вақтида ўртача оғир ва оғир тан жароҳати олган (етказилган)да ёхуд ҳалок бўлганида (вафот этганида) унинг ижтимоий ҳимояси таъминланади.

17-3. Фуқароларнинг ижтимоий ҳимоясини таъминлаш юзасидан зарур ҳужжатларни тўплаш ва расмийлаштириш мазкур Низомнинг 17-2-бандида кўрсатилган асослар мавжуд бўлганда, ҳуқуқбузарликлар профилактикаси учун бевосита масъул бўлган органлар томонидан амалга оширилади.

Бунда Қорақалпоғистон Республикаси, вилоятлар ва Тошкент шаҳар, шунингдек, туман (шаҳар)лар даражасидаги ҳуқуқбузарликлар профилактикасини бевосита амалга оширувчи органлар фуқароларнинг ижтимоий ҳимоясини таъминлаш таклифи билан ҳудудий идоралараро комиссияга, республика даражасидаги ҳуқуқбузарликлар профилактикасини бевосита амалга оширувчи органлар эса - республика идоралараро комиссияга мурожаат қиладилар.

17-4. Ҳуқуқбузарликлар профилактикасини бевосита амалга оширувчи органлар раҳбарларининг фуқароларнинг ижтимоий ҳимоясини таъминлаш бўйича тақдимномаси ва унга илова қилинган асословчи ҳужжатлар, ижтимоий ҳимояни таъминлаш учун асослар юзага келган кундан бошлаб уч кун муддатда республика ёки ҳудудий идоралараро комиссияларга такдим этилади.

17-5.Тақдимномага ижтимоий ҳимояни таъминлаш учун асос бўлувчи қуйидаги ҳужжатлардан бири илова қилинади:

суд-тиббий экспертизаси хулосаси;

вафот этганлик тўғрисида маълумотнома.

17-6. Республика ёки ҳудудий идоралараро комиссиялар тақдимнома ва бошқа асословчи ҳужжатлар тушган кундан бошлаб ўн кун муддатда фуқароларнинг ижтимоий ҳимоясини таъминлаш масаласини кўриб чиқади.

17-7. Республика ва ҳудудий идоралараро комиссиялар раислари комиссия қарорининг қонунийлиги, адолатлилиги ва холислиги учун шахсан масъул ҳисобланадилар.

17-8. Фуқароларнинг ижтимоий ҳимоясини таъминлаш қуйидагича амалга оширилади:

фуқаро жамоат хавфсизлигини таъминлаш, ҳуқуқбузарликлар профилактикаси ва жиноятчиликка қарши курашишдаги фаол иштироки вақтида ўртача огир тан жароҳати олган (етказилган)да ҳуқуқбузарликлар профилактикасини бевосита амалга оширувчи орган раҳбарининг тақдимномаси асосида чиқарилган идоралараро комиссия қарорига кўра Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари маблағлари ҳамда қонунчиликда тақиқланмаган бошқа манбалар ҳисобидан меҳнатга ҳақ тўлашнинг энг кам миқдорининг 20 баравари миқдорида бир марталик нафақа тайинланади;

фуқаро жамоат хавфсизлигини таъминлаш, ҳуқуқбузарликлар профилактикаси ва жиноятчиликка қарши курашишдаги фаол иштироки вақтида оғир тан жароҳати олган (етказилган)да ҳуқуқбузарликлар профилактикасини бевосита амалга оширувчи орган раҳбарининг тақдимномаси асосида чиқарилган идоралараро комиссия қарорига кўра Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари маблағлари ҳамда қонунчиликда тақиқланмаган бошқа манбалар ҳисобидан меҳнатга ҳақ тўлашнинг энг кам миқцорининг 50 баравари миқцорида бир марталик нафақа тайинланади;

фуқаро жамоат хавфсизлигини таъминлаш, ҳуқуқбузарликлар профилактикаси ва жиноятчиликка қарши курашишдаги фаол иштироки вақтида ҳалок бўлганида (вафот этганида) ҳуқуқбузарликлар профилактикасини бевосита амалга оширувчи орган раҳбарининг тақдимномаси асосида чиқарилган идоралараро комиссия қарорига кўра Қорақалпоғистон Республикаси бюджети, вилоятлар ва Тошкент шаҳар маҳаллий бюджетлари маблағлари ҳамда қонунчиликда тақиқланмаган бошқа манбалар ҳисобидан меҳнатга ҳақ тўлашнинг энг кам миқдорининг 100 баравари миқдорида бир марталик нафақа тайинланади";

4-бобнинг номи "рағбатлантириш" сўзидан кейин "ҳамда фуқароларнинг ижтимоий ҳимоясини таъминлаш" сўзлари билан тўлдирилсин;

18-банд "тақдирлаш" сўзидан кейин "ҳамда фуқароларнинг ижтимоий ҳимоясини таъминлаш" сўзлари билан тўлдирилсин;

22-банд "Рағбатлантирилган" сўзидан кейин "ҳамда ижтимоий ҳимояси таъминланганларнинг" сўзлари билан тўлдирилсин;

23-банд "рағбатлантириш" сўзидан кейин "ҳамда фуқароларнинг ижтимоий ҳимоясини таъминлаш" сўзлари билан тўлдирилсин;

илованинг илова белгисидаги "илова" сўзи "1-илова" сўзлари билан алмаштирилсин;

қуйидаги мазмундаги 2-илова билан тўлдирилсин:

"Фуқаролар ва жамоат ташкилотларини жамоат

хавфсизлигини таъминлаш, ҳуқуқбузарликлар профилактикаси

ва жиноятчиликка қарши курашишдаги фаол иштироки

учун рағбатлантириш тартиби тўғрисидаги низомга

2-ИЛОВА

Фуқаролариииг ижтимоий ҳимоясини таъминлаш

СХЕМАСИ

            

              

             

Қонун ҳужжатлари маълумотлари миллий базаси (www.lex.uz),

2023 йил 31 январь