Ўзбекистон Республикаси Вазирлар Маҳкамасининг 13.02.2023 й. 62-сон "Ўзбекистон Республикаси Иқтисодиёт ва молия вазирлиги ҳузуридаги Давлат молиявий назорати инспекцияси ҳамда вазирликлар ва идораларнинг ички аудит хизматлари ходимлари малакасини сертификатлаш тартиби тўғрисидаги низомни тасдиқлаш ҳақида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

13.02.2023 й.

N 62

ЎЗБЕКИСТОН РЕСПУБЛИКАСИ

ИҚТИСОДИЁТ ВА МОЛИЯ ВАЗИРЛИГИ

ҲУЗУРИДАГИ ДАВЛАТ МОЛИЯВИЙ НАЗОРАТИ

ИНСПЕКЦИЯСИ ҲАМДА ВАЗИРЛИКЛАР ВА

ИДОРАЛАРНИНГ ИЧКИ АУДИТ ХИЗМАТЛАРИ

ХОДИМЛАРИ МАЛАКАСИНИ СЕРТИФИКАТЛАШ

ТАРТИБИ ТЎҒРИСИДАГИ НИЗОМНИ

ТАСДИҚЛАШ ҲАҚИДА

Ўзбекистон Республикаси Президентининг "Ўзбекистон Республикаси Давлат бюджети харажатларининг самарадорлигини янада ошириш ва давлат молиявий назорати органлари фаолиятини такомиллаштириш тўғрисида" 2022 йил 14 февралдаги ПҚ-128-сон қарори ижросини таъминлаш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Республикаси Президентининг 2022 йил 14 февралдаги ПҚ-128-сон қарори билан тасдиқланган 2022 йилда Давлат бюджети харажатларининг самарадорлигини ошириш ҳамда молиявий назорат фаолиятини такомиллаштириш бўйича "йўл харитаси"нинг 5-бандига мувофиқ Ўзбекистон Республикаси Иқтисодиёт ва молия вазирлиги ҳузуридаги Давлат молиявий назорати инспекцияси ва ички аудит хизматлари ходимлари малакасини сертификатлаш тартибини ишлаб чиқиш белгиланганлиги маълумот учун қабул қилинсин.

2. Қуйидагиларни назарда тутувчи Ўзбекистон Республикаси Иқтисодиёт ва молия вазирлиги ҳузуридаги Давлат молиявий назорати инспекцияси ҳамда вазирликлар ва идораларнинг ички аудит хизматлари ходимлари малакасини сертификатлаш тартиби тўғрисидаги низом иловага мувофиқ тасдиқлансин:

малака сертификатини олиш учун талабгорларга қўйиладиган малака талаблари;

малака имтиҳонини ташкил этиш, ўтказиш ҳамда натижаси юзасидан апелляция бериш ва уни кўриб чиқиш тартиби;

малака сертификатини бериш ва қайта расмийлаштириш, шунингдек, малака сертификатлари реестрини юритиш;

малака ошириш курсини ташкил этиш.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров ҳамда иқтисодиёт ва молия вазири Ш.Д. Кудбиев зиммасига юклансин.

Ўзбекистон Республикасининг Бош вазири                                       А. Арипов

Қонун ҳужжатлари маълумотлари миллий базаси (www.lex.uz),

2023 йил 14 февраль