Тикув-трикотаж саноати корхоналари учун санитария қоидалари, нормалари ва гигиена нормативлари (0031-22-сон СанҚваН) (ЎзР Санитария-эпидемиологик осойишталик ва жамоат саломатлиги хизматининг 13.07.2022 й. N 19-сон)

Функция недоступна

Ўзбекистон Республикаси

Санитария-эпидемиологик осойишталик

ва жамоат саломатлиги хизматининг

2022 йил 27 июлдаги

19-сон қарорига

ИЛОВА

Тикув-трикотаж саноати корхоналари

учун санитария қоидалари, нормалари

ва гигиена нормативлари

(0031-22-сон СанҚваН)

         

       

Мазкур санитария қоидалари, нормалари ва гигиена нормативлари (бундан буён матнда санитария қоидалари деб юритилади) тикув-трикотаж саноати корхоналарига қўйиладиган санитария-гигиеник талабларни белгилайди.

1-БОБ. УМУМИЙ ҚОИДАЛАР

         

1. Мазкур санитария қоидалари барча тикув-трикотаж саноати корхоналарига нисбатан татбиқ этилади.

2. Тикув-трикотаж саноати корхоналарини лойиҳалаштириш, қуриш ва фойдаланишга қабул қилишда ушбу санитария қоидалари талабларига риоя қилиниши зарур.

3. Тикув-трикотаж саноати корхоналарини лойиҳалаштириш, қуриш ва фойдаланишга қабул қилишда одамларнинг ҳаёти ва соғлиғи учун хавфсиз бўлган дезинфекция воситалари, қурилиш ва пардозлаш материаллари ҳамда технологиялардан фойдаланилиши лозим.

4. Тикув-трикотаж саноати корхоналаридаги зарарли ишлаб чиқариш омиллари мазкур санитария қоидаларининг 1-иловасидаги рухсат этилган миқдор ёки даражадан юқори бўлмаслиги лозим.

2-БОБ. ТИКУВ-ТРИКОТАЖ САНОАТИ

КОРХОНАЛАРИНИНГ ҲУДУДИ, БИНО ВА

ХОНАЛАРИГА ҚЎЙИЛГАН ТАЛАБЛАР

        

5. Тикув-трикотаж саноати корхоналарини қуриш учун майдонни танлаш, бино ва иншоотларни жойлаштириш, режалаштириш ва пардозлаш ҳамда ҳудудларни кўкаламзорлаштириш ШНҚ 2.07.01-03 "Шаҳар ва қишлоқ аҳоли пунктлари ҳудудларини ривожлантириш ва қурилишини режалаштириш", СанҚваН 0350-17 "Атмосфера ҳавосини муҳофаза қилишнинг санитария нормалари ва қоидалари" ва бошқа техник жиҳатдан тартибга солиш соҳасидаги норматив ҳужжатларга мувофиқ амалга оширилади.

6. Кийим алмаштириш хоналари, ювиниш ва бошқа қўшимча хоналарда ҳар куни намли тозалаш ишлари ўтказилиши лозим.

7. Тикув-трикотаж саноати корхоналаридаги иситиш, совутиш ва вентиляция тизими СанҚваН 0324-16 "Ишлаб чиқариш бинолари микроиқлимини санитар-гигиеник меъёрлари"га мувофиқ бўлиши лозим.

8. Тикув-трикотаж саноати корхоналарининг барча ишлаб чиқариш, маиший ва қўшимча хоналарида чангни бартараф этувчи механик тортиб олувчи вентиляция тизими бўлиши лозим.

9. Тикув-трикотаж саноати корхоналари цехларидан чиқувчи ҳаво чанг тутувчи фильтрларда тозаланган ҳолда атмосферага чиқарилиши лозим.

10. Иссиқ юзага эга бўлган трубали ўтказгичлар, деворлар, қуритиш аппаратлари ва бошқалар иссиқликни изоляцияловчи материаллар билан қопланиши лозим.

11. Тикув-трикотаж саноати корхоналарининг барча ишлаб чиқариш цехларида тоза ичимлик суви билан таъминловчи махсус жойлар ташкил қилиниши зарур.

3-БОБ. ТИКУВ-ТРИКОТАЖ САНОАТИ

КОРХОНАЛАРИДА ЁРИТИШ, ШОВҚИН ВА

ТЕБРАНИШГА ҚЎЙИЛГАН ТАЛАБЛАР

         

12. Тикув-трикотаж саноати корхоналари мазкур санитария қоидаларининг 2-иловасида келтирилган талабларга мувофиқ ёритилиши лозим.

13. Тикув-трикотаж саноати корхоналари цехларида бузилган ёки куйган чироқлар носозлик юзага келган пайтнинг ўзида алмаштирилиши, шунингдек улар чангдан доимо тозалаб турилиши лозим.

14. Иш жойидаги шовқин даражаси СанҚваН 0325-16 "Ишчи жойларда рухсат этилган шовқин даражаларини санитария нормалари", тебраниш даражаси эса СанҚваН 0326-16 "Ишчи жойларда умумий ва локал тебранишларни санитария нормалари" талабларига мувофиқ бўлиши лозим.

15. Шовқин даражаси юқори бўлган ишлаб чиқариш биноларининг (хоналарининг) девор ва шифтлари овозни ўзига сингдирадиган материаллар (намат, торф ва бошқалар) билан қопланиши зарур.

16. Иш жойларидаги технологик жараённинг ўзига хос хусусиятлари сабабли, шовқин даражаси меъёрдаги талаблардан ошиб кетган тақдирда, барча ишчилар шовқиндан асрайдиган шахсий ҳимоя воситалари билан таъминланиши лозим.

4-БОБ. ТИКУВ-ТРИКОТАЖ САНОАТИ

КОРХОНАЛАРИ ХОДИМЛАРИГА ҚЎЙИЛАДИГАН

ТИББИЙ-ПРОФИЛАКТИК ТАЛАБЛАР

         

17. Тикув-трикотаж саноати корхоналари ишчилари Ходимларни тиббий кўрикдан ўтказиш тартиби тўғрисидаги низомга (рўйхат рақами 2387, 2012 йил 29 август) мувофиқ даврий тиббий кўрикдан ўтиб боришлари лозим.

18. Тикув-трикотаж саноати корхоналарида хотин-қизлар меҳнатини ташкил қилишда СанҚваН 0364-18 "18 ёшдан кичик бўлган қизлар ва аёллар учун оғир юкларни қўлда кўтариш ва уларни жойлаштиришда йўл қўйилиши мумкин бўлган юкламаларнинг меъёрлари" талабларига риоя қилиниши лозим.

19. Тикув-трикотаж саноати корхоналари маъмурияти ишчиларни зарарли таъсирлардан ҳимоялаш мақсадида қуйидаги шахсий ҳимоя воситалари билан таъминлашлари лозим:

нафас олиш аъзолари учун шахсий ҳимоя воситалари (ниқоблар, бинтлар, респираторлар);

ифлосланишлардан ҳимоя қилиш учун махсус кийимлар;

оёқлар учун шахсий ҳимоя воситалари (бўяш бўлимларида кимёвий моддалардан ҳимоя қилувчи махсус пойабзаллар бўлиши лозим);

эшитиш органлари учун шахсий ҳимоя воситалари (қулоқ супрасини ёпиб турувчи қулоқчинлар, ташқи эшитиш канали учун махсус пахталар).

20. Мазкур санитария қоидаларини ишлаб чиқувчилар рўйхати 3-иловада келтирилган.

          

           

Нормалари ва гигиена нормативларига

1-ИЛОВА

Тикув-трикотаж саноати корхоналаридаги

зарарли ишлаб чиқариш омиллари ва уларнинг

рухсат этилган миқдори ёки даражаси

(хавфлилик синфи, аниқлаш услуби)

          

         

           

Нормалари ва гигиена нормативларига

2-ИЛОВА

Тикув-трикотаж саноати корхоналари

учун ёритиш нормалари

             

          

          

Нормалари ва гигиена нормативларига

3-ИЛОВА

Ишлаб чиқувчилар рўйхати:

           

Санитария, гигиена ва касб касалликлари илмий-тадқиқот институти (СГваКК ИТИ).

         

           

Қонун ҳужжатлари маълумотлари миллий базаси (www.lex.uz).