Ўзбекистон Республикаси Президентининг 08.05.2023 й. ПҚ-150-сон "2026 йил Ўзбекистонда бўлиб ўтадиган 46-Бутунжаҳон шахмат олимпиадасига комплекс тайёргарлик кўриш ҳамда шахматни оммавий ҳаракатга айлантиришга оид чора-тадбирлар тўғрисида"ги Қарори
Функция недоступна
Данная функция доступно только для клиентов (пользователей)
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ҚАРОРИ
08.05.2023 й.
N ПҚ-150
2026 ЙИЛ ЎЗБЕКИСТОНДА БЎЛИБ
ЎТАДИГАН 46-БУТУНЖАҲОН ШАХМАТ
ОЛИМПИАДАСИГА КОМПЛЕКС ТАЙЁРГАРЛИК
КЎРИШ ҲАМДА ШАХМАТНИ ОММАВИЙ
ҲАРАКАТГА АЙЛАНТИРИШГА ОИД
ЧОРА-ТАДБИРЛАР ТЎҒРИСИДА
Мамлакатимизда илк бор ўтказиладиган Бутунжаҳон шахмат олимпиадасини юқори савияда ташкил этишга пухта тайёргарлик кўриш, янги авлод истеъдодли ёш шахматчиларни тайёрлаш ва жаҳон шахмат майдонига олиб чиқиш, шахматни аҳоли ўртасида янада оммалаштириш мақсадида:
1. Халқаро шахмат федерациясининг (кейинги ўринларда - ФИДЕ) 2022 йилдаги конгрессида 46-Бутунжаҳон шахмат олимпиадаси ҳамда ФИДЕнинг навбатдаги конгрессини 2026 йилда Ўзбекистонда ўтказиш тўғрисида қарор қабул қилинганлигини инобатга олиб, Ёшлар сиёсати ва спорт вазирлиги ҳамда Ўзбекистон шахмат федерациясининг 46-Бутунжаҳон шахмат олимпиадасини Самарқанд шаҳрида ўтказиш тўғрисидаги таклифи маъқуллансин.
2. 2026 йил Ўзбекистонда бўлиб ўтадиган 46-Бутунжаҳон шахмат олимпиадасига комплекс тайёргарлик кўриш бўйича ташкилий қўмита (кейинги ўринларда - Ташкилий қўмита) тузилсин ҳамда унинг таркиби 1-иловага мувофиқ тасдиқлансин.
3. Қуйидагилар Ташкилий қўмитанинг асосий вазифалари этиб белгилансин:
2023 йил 1 декабрга қадар ФИДЕ раҳбарияти бошчилигидаги делегациянинг Тошкент ва Самарқанд шаҳарларига ташрифини ташкиллаштириш;
46-Бутунжаҳон шахмат олимпиадасини ўтказиш бўйича ФИДЕ билан Ўзбекистон Республикаси Ҳукумати ўртасида шартномалар, келишувлар, меморандумлар ва кафолат хатларини имзолаш;
ФИДЕ томонидан тасдиқланган 46-Бутунжаҳон шахмат олимпиадасига тайёргарликнинг бош режасини тузиш, олимпиада дастури ва логотипини тасдиқлаш;
46-Бутунжаҳон шахмат олимпиадасини юқори савияда ташкил этиш бўйича тегишли вазирлик ва идоралар ишини мувофиқлаштириб бориш ҳамда уларнинг ҳисоботларини эшитиш;
46-Бутунжаҳон шахмат олимпиадасини ташкил этиш ва ўтказиш учун зарур мутахассис кадрларни тайёрлаш бўйича ишларни мувофиқлаштириш;
46-Бутунжаҳон шахмат олимпиадасини ташкил этиш ва ўтказиш бўйича харажатлар сметасини тасдиқлаш;
46-Бутунжаҳон шахмат олимпиадасини ўтказишга тайёргарлик кўриш бўйича барча масалаларни ва юзага келадиган муаммоларни тезкорлик билан ҳал этиш.
4. Ўзбекистон шахмат федерацияси (А. Саъдуллаев) Ёшлар сиёсати ва спорт вазирлиги (Ш. Махмудов), Самарқанд вилояти ҳокимлиги (Э. Турдимов) билан биргаликда 2024 йилдан бошлаб 46-Бутунжаҳон шахмат олимпиадасини ўтказиш билан боғлиқҳар йилги харажатлар сметасини тайёрлаб, Ташкилий қўмитага киритсин.
5. 46-Бутунжаҳон шахмат олимпиадасини юқори савияда ташкил этиш ва ўтказишга масъул ташкилот этиб Ўзбекистон шахмат федерацияси белгилансин.
6. Ўзбекистон шахмат федерацияси (А. Саъдуллаев):
46-Бутунжаҳон шахмат олимпиадасини ўтказиш бўйича ФИДЕ билан Ўзбекистон Республикаси Ҳукумати ўртасида шартномалар, келишувлар, меморандумлар ва кафолат хатларини имзолаш тадбирларини ташкил этиш;
мавжуд инфратузилмалар қувватини таҳлил қилиш асосида 46-Бутунжаҳон шахмат олимпиадаси ўтказиладиган спорт иншоотлари ва бошқа объектларни ФИДЕ талабларига мувофиқ тайёрлаш, уларни зарур бўладиган спорт, тиббий, техник ва бошқа жиҳозлар билан таъминлаш;
46-Бутунжаҳон шахмат олимпиадасида иштирок этувчи эркаклар ва аёлларнинг 3 тадан миллий терма жамоаларини шакллантириш;
46-Бутунжаҳон шахмат олимпиадасини ташкил этиш ва ўтказиш жараёнига волонтёрларни жалб этиш;
46-Бутунжаҳон шахмат олимпиадасига тайёргарликнинг бориши ва амалга оширилаётган ишлар тўғрисида Ёшлар сиёсати ва спорт вазирлиги билан биргаликда Ташкилий қўмитага мунтазам равишда ҳисобот тақдим этиб бориш чораларини кўрсин.
7. 2026 йил Ўзбекистонда бўлиб ўтадиган 46-Бутунжаҳон шахмат олимпиадасига комплекс тайёргарлик кўриш ҳамда шахматни оммавий ҳаракатга айлантиришга оид чора-тадбирлар дастури 2-иловага мувофиқ тасдиқлансин.
8. Мактабгача ва мактаб таълими вазирлиги (Ҳ. Умарова), Олий таълим, фан ва инновациялар вазирлиги (И. Абдурахмонов) ҳамда Ёшлар сиёсати ва спорт вазирлиги (А. Икрамов) Ўзбекистон шахмат федерацияси (А. Саъдуллаев) билан биргаликда:
мактабгача таълим ташкилотлари тарбияланувчиларига шахматни соддалаштирилган тарзда ўргатувчи анимацион материаллар ва ўқув қўлланмаларни яратсин;
мактабгача таълим ташкилотлари тарбияланувчиларини шахматга қизиқтириш ва ўргатиш бўйича "Шахмат боғчадан бошланади" махсус дастурини амалга оширишни тизимли йўлга қўйсин;
ҳар йили мактабгача таълим ташкилотлари тарбияланувчилари ўртасида "Шахмат фестивали" мусобақаларини ўтказиб борсин;
умумий ўрта, ўрта махсус, профессионал ва олий таълим муассасаларида "Мактаб лигаси", "Академик лицей лигаси" "Профессионал таълим муассасалари лигаси" ва "Талабалар лигаси" мусобақаларини ҳар йили уч босқичда тизимли ўтказишни йўлга қўйсин.
9. 2024 йил 1 январдан бошлаб "Шахмат стипендияси" таъсис этилсин.
Белгилансинки, "Мактаб лигаси", "Академик лицей лигаси", "Профессионал таълим муассасалари лигаси" ва "Талабалар лигаси" мусобақаларида ғолиб бўлган ўқувчи-ёшлар ва талабалар йил давомида ҳар ойда базавий ҳисоблаш миқдорининг беш баравари миқдорида "Шахмат стипендияси" билан рағбатлантирилади.
10. Шундай тартиб ўрнатилсинки, унга мувофиқ 2024 йил 1 январдан бошлаб хусусий шахмат клубларига улар томонидан шахмат тўгаракларини ташкил этиш ва аҳолига хизмат кўрсатиш учун давлат мулки объектлари ва ҳудудлардаги "Ёшлар марказлари"дан ижара тўловларисиз (коммунал тўловлар бундан мустасно) жой ажратилади.
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Ёшлар ишлари агентлиги, Давлат активларини бошқариш агентлиги билан биргаликда шахмат тўгаракларини ташкил этиш учун "Ёшлар марказлари"дан жой тайёрласин ва қизиқиш билдираётган фуқароларга уларни таклиф қилсин.
11. Мудофаа вазирлиги (Б. Курбанов), Миллий гвардия (Р. Джураев) ва Ички ишлар вазирлиги (П. Бобожонов) Ёшлар сиёсати ва спорт вазирлиги ҳамда Ўзбекистон шахмат федерацияси билан биргаликда Қуролли Кучлар тизимида, шу жумладан ҳарбий таълимга йўналтирилган ташкилотларда, шунингдек, жазони ижро этиш муассасаларида шахматни янада ривожлантириш ва оммалаштириш мақсадида:
шахмат бўйича тренер ва мутахассисларни жалб қилган ҳолда ҳарбий хизматчи ва ходимлар учун ўқув машғулотларини ташкил қилсин;
ҳарбий хизматчи ва ходимлар учун шахмат бўйича ўқув-услубий қўлланмалар ва бошқа ахборот материалларини тайёрласин;
Қуролли Кучлар ҳарбий тузилмалари, ҳарбий таълимга йўналтирилган ташкилотлар ва жазони ижро этиш муассасаларини шахмат бўйича ўқув қўлланма, шахмат тахтаси, фигуралари, соати ва бошқа зарур анжомлар билан таъминласин;
ҳарбий хизматчи ва ходимлар учун машҳур шахматчилар иштирокида маҳорат дарслари, учрашувлар, семинар, тренинг ва ўқув дарсларини ташкил этсин;
Қуролли Кучлар ҳарбий тузилмалари, ҳарбий таълимга йўналтирилган ташкилотлар ва жазони ижро этиш муассасаларида йил давомида тизимли равишда шахмат бўйича турнирлар ва мусобақаларни ташкил қилсин ҳамда ғолиб ва совриндорларни рағбатлантириб борсин.
Белгилансинки, мазкур бандда назарда тутилган чора-тадбирларни амалга ошириш билан боғлиқ сарф-харажатлар Мудофаа вазирлиги, Миллий гвардия ҳамда Ички ишлар вазирлигининг маблағлари ҳисобидан амалга оширилади.
Ёшлар сиёсати ва спорт вазирлиги (Ш. Махмудов) ҳамда Ўзбекистон шахмат федерацияси (А. Саъдуллаев) салоҳиятли ҳарбий хизматчилар ва ходимларни шахмат бўйича республика ҳамда халқаро мусобақалар ва турнирларга кенг жалб қилсин, уларни шахматчилар захираси ва терма жамоалар таркибига қўшиш чораларини кўрсин.
12. Ёшлар сиёсати ва спорт вазирлиги (А. Икрамов) Ўзбекистон шахмат федерацияси (А. Саъдуллаев), Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда:
2024 йилдан бошлаб ҳар йили профессионал шахмат клублари ўртасида "Ўзбекистон биринчилиги" мусобақаларини ўтказиб бориш;
шахмат бўйича миллий терма жамоалар аъзолари, шунингдек, миллий терма жамоаларга асосий номзод бўлган шахматчиларни тайёрлаш учун тажрибали хорижий тренер ва мутахассисларни жалб қилиш ҳамда уларнинг кўмагида маҳаллий тренер ва мутахассисларни ўқитиш;
халқаро арбитрлар тайёрлаш бўйича семинарлар ва амалий машғулотларни мунтазам ташкил этиб бориш;
шахматни тарғиб қилишда алоҳида намуна кўрсатган оммавий ахборот воситалари вакиллари ва шарҳловчилар ("стример"лар)ни танлов асосида танлаб олиш бўйича чора-тадбирларни амалга ошириш;
ФИДЕ таснифига кирувчи нуфузли халқаро мусобақаларни босқичма-босқич Ўзбекистонда ўтказиш бўйича чора-тадбирларни амалга ошириш;
ҳудудларда иқтидорли шахматчи ёшларни аниқлаш, танлаш ва саралаш (селекция) ҳамда уларни профессионал шахматчилар сифатида тайёрлаш тизимини янада такомиллаштириш чораларини кўрсин.
Белгилансинки, ушбу бандда назарда тутилган чора-тадбирларни молиялаштириш Ёшларга оид давлат сиёсатини қўллаб-қувватлаш жамғармаси маблағлари ҳисобидан амалга оширилади.
13. Иқтисодиёт ва молия вазирлиги (Ш. Кудбиев) 2024 йилдан бошлаб ҳар йили 46-Бутунжаҳон шахмат олимпиадасини ўтказишга пухта тайёргарлик кўриш бўйича Ташкилий қўмита томонидан тасдиқланган харажатлар сметасига мувофиқ 50 миллиард сўмгача маблағлар Давлат бюджети параметрларида назарда тутилишини таъминласин.
Белгилансинки, ушбу банднинг биринчи хатбошисида кўзда тутилган маблағлар қуйидаги мақсадлар учун йўналтирилади:
46-Бутунжаҳон шахмат олимпиадасини ўтказиш учун ФИДЕга кафолат маблағларини ўтказиш;
46-Бутунжаҳон шахмат олимпиадаларига шахматчиларимизни тайёрлаш, шу жумладан суперкомпьютер дастурларини ижарага олиш, шахматчилар ва уларнинг тренерлари ФИДЕ таснифидаги мусобақаларда иштирок этиши билан боғлиқ тадбирларни молиялаштириш;
46-Бутунжаҳон шахмат олимпиадасини ўтказишга тайёргарлик кўриш ва уни ўтказиш билан боғлиқ бошқа харажатларни молиялаштириш;
шахмат бўйича замонавий методикаларга асосланган илмий-услубий ва ўқув адабиётларни тайёрлаш ва чоп этиш;
"Шахмат стипендияси"ни тўлаб бориш;
шахмат бўйича маҳаллий ва халқаро чемпионатлар, турнирлар ва бошқа мусобақаларни ташкил этиш ва қўшимча молиялаштириш.
14. Ўзбекистон Миллий ахборот агентлиги (А. Кўчимов), Ўзбекистон Миллий телерадиокомпанияси (А. Хаджаев) ва Ўзбекистон Миллий медиа ассоциацияси (Ш. Қудратхўжа) Ёшлар сиёсати ва спорт вазирлиги (А. Икрамов) ҳамда Ўзбекистон шахмат федерацияси (А. Саъдуллаев) билан биргаликда 2026 йил Ўзбекистонда бўлиб ўтадиган 46-Бутунжаҳон шахмат олимпиадасига комплекс тайёргарлик кўриш ҳамда шахматни оммавий ҳаракатга айлантиришга оид амалий чора-тадбирларни кенг ёритсин.
15. Ушбу қарор ижросини самарали ташкил қилишга масъул ва шахсий жавобгар этиб Ёшлар сиёсати ва спорт вазири А.И. Икрамов, Ёшлар ишлари агентлиги директори, Ўзбекистон шахмат федерацияси раиси А.З. Саъдуллаев ҳамда Самарқанд вилояти ҳокими Э.О. Турдимов белгилансин.
Қарор ижросини назорат қилиш 2026 йил Ўзбекистонда бўлиб ўтадиган 46-Бутунжаҳон шахмат олимпиадасига комплекс тайёргарлик кўриш бўйича ташкилий қўмита раиси, Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. Мирзиёев
Ўзбекистон Республикаси
Президентининг
2023 йил 8 майдаги
ПҚ-150-сон қарорига
1-ИЛОВА
2026 йил Ўзбекистонда бўлиб ўтадиган
46-Бутунжаҳон шахмат олимпиадасига комплекс
тайёргарлик кўриш бўйича ташкилий қўмита
ТАРКИБИ
1. А.Н. Арипов
-
Бош вазир, Ташкилий қўмита раиси
2. А.И. Икрамов
-
Ёшлар сиёсати ва спорт вазири, Ташкилий қўмита раиси ўринбосари
3. Э.О. Турдимов
-
Самарқанд вилояти ҳокими, Ташкилий қўмита раиси ўринбосари
4. Х.У. Умарова
-
Мактабгача ва мактаб таълими вазири
5. И.Ю. Абдураҳмонов
-
Олий таълим, фан ва инновациялар вазири
6. О.А. Назарбеков
-
Маданият ва туризм вазири
7. Ш.Д. Қудбиев
-
Иқтисодиёт ва молия вазири
8. И.Р. Махкамов
-
Транспорт вазири
9. А.Ш. Иноятов
-
Соғлиқни сақлаш вазири
10. Б.И. Закиров
-
Қурилиш ва уй-жой коммунал хўжалиги вазири
11. Ш.Х. Шерматов
-
Рақамли технологиялар вазири
12. П.Р. Бобожонов
-
Ички ишлар вазири
13. Б.О. Саидов
-
Ташқи ишлар вазири
14. Р.М. Джураев
-
Миллий гвардия қўмондони
15. А.Ю. Мавлонов
-
Божхона қўмитаси раиси
16. С.Э. Хусанов
-
Давлат хавфсизлик хизмати раиси ўринбосари - Чегара қўшинлари қўмондони
17. Ш.Ш. Худайкулов
-
"Uzbekistan Airways" АЖ бошқаруви раиси
18. Р.Ф. Джураева
-
"Uzbekistan Airports" АЖ бошқаруви раиси
19. Х.Н. Хосилов
-
"Ўзбекистон темир йўллари" АЖ бошқаруви раиси в.б.
20. А.К. Кўчимов
-
Ўзбекистон Миллий ахборот агентлиги бош директори
21. А.Д. Хаджаев
-
Ўзбекистон Миллий телерадиокомпанияси раиси
22. Ш.Т. Қудратхўжа
-
Ўзбекистон Миллий медиа ассоциацияси бошқаруви раиси
23. А.З. Саъдуллаев
-
Ўзбекистон шахмат федерацияси раиси, Ташкилий қўмита котиби
Изоҳ. Ташкилий қўмита аъзолари бошқа ишга ўтган тақдирда унинг таркибига ушбу лавозимларга янгидан тайинланган ёки зиммасига тегишли функцияларни бажариш юкланган шахслар киритилади.
Ташкилий қўмита таркибига заруратга кўра бошқа давлат органлари ва ташкилотлари раҳбарлари жалб қилинади.
Ўзбекистон Республикаси
Президентининг
2023 йил 8 майдаги
ПҚ-150-сон қарорига
2-ИЛОВА
2026 йил Ўзбекистонда бўлиб ўтадиган
46-Бутунжаҳон шахмат олимпиадасига комплекс
тайёргарлик кўриш ҳамда шахматни оммавий
ҳаракатга айлантиришга оид чора-тадбирлар
ДАСТУРИ
N
Чора-тадбирлар
Амалга ошириш механизмлари
Бажариш
муддатлари
Молиялаштириш
манбалари
Масъул ижрочилар
I. 2026 ЙИЛ ЎЗБЕКИСТОНДА БЎЛИБ ЎТАДИГАН
46-БУТУНЖАҲОН ШАХМАТ ОЛИМПИАДАСИГА
(КЕЙИНГИ ЎРИНЛАРДА - ШАХМАТ ОЛИМПИАДАСИ)
КОМПЛЕКС ТАЙЁРГАРЛИК КЎРИШ
1.
ФИДЕ раҳбарияти бошчилигидаги делегациянинг Ўзбекистонга ташрифини амалга ошириш.
1. ФИДЕ делегациясининг Самарқанд шаҳрига ташрифини ташкиллаштириш бўйича музокаралар олиб бориш.
2. Шахмат олимпиадасини ўтказиш бўйича расмий ҳужжатни (шартнома, келишув меморандуми) имзолаш тадбирини ўтказиш.
3. Ўзбекистон Республикаси Президенти ҳамда ФИДЕ раҳбари ўртасида олий даражадаги учрашувни ташкил этиш.
2023 йил
давомида,
келишувга
мувофиқ
Ташкилий қўмита томонидан тасдиқланган харажатлар сметасига мувофиқ Давлат бюджети маблағлари
Ташкилий қўмита, Ўзбекистон шахмат федерацияси, Ёшлар сиёсати ва спорт вазирлиги
2.
Шахмат олимпиадасини ўтказиш бўйича ҳужжатлар тўпламини ФИДЕга тақдим этиш учун тайёрлаш.
Шахмат олимпиадасини ФИДЕ қоидалари асосида ўтказиш бўйича:
Ўзбекистон Республикаси Ҳукумати;
Самарқанд вилоят ҳокими;
Божхона қўмитаси;
Солиққўмитаси;
Давлат хавфсизлик хизмати Чегара қўшинлари раҳбарлари томонидан кафолат хатларини жўнатиш.
2024 йил
1 январга
Қадар
-
Ёшлар сиёсати ва спорт вазирлиги, Ўзбекистон шахмат федерацияси, Самарқанд вилояти ҳокимлиги, Божхона қўмитаси, Солиққўмитаси, ДХХ Чегара қўшинлари
3.
ФИДЕ вакилларининг Ўзбекистонга ташрифларини ташкил этиш.
1. ФИДЕ вакилларининг Ўзбекистонга ташрифи бўйича музокаралар олиб бориш.
2. ФИДЕ вакилларининг Ўзбекистонга ташрифи бўйича кутиб олиш дастурини тайёрлаш.
3. ФИДЕ вакилларининг ташрифи билан боғлиқ барча харажатларни, шу жумладан, авиачипталар, ички транспорт, яшаш ва овқатланиш харажатларини қоплаш.
2023-2026
йилларда,
келишувга
мувофиқ
Ташкилий қўмита томонидан тасдиқланган харажатлар сметасига мувофиқ Давлат бюджети маблағлари
Ёшлар сиёсати ва спорт вазирлиги, Ўзбекистон шахмат федерацияси
4.
2024 йил Будапешт шаҳрида бўлиб ўтадиган 45-Бутунжаҳон шахмат олимпиадасини ташкиллаштириш тажрибасини ўрганиш.
1. 2024 йил Будапешт шаҳрида бўлиб ўтадиган 45-Бутунжаҳон шахмат олимпиадасини ташкиллаштириш тажрибасини ўрганиш.
2. 45-Бутунжаҳон шахмат олимпиадаси ташкилий қўмитаси билан учрашувлар ташкил қилиш.
3. ФИДЕ Бош ассамблеясининг 94-йиғилишида Шахмат олимпиадасига Ўзбекистоннинг тайёргарлиги бўйича тақдимот қилиш.
4. Ўрганилган тажриба натижаларини таҳлил қилиш ва Шахмат олимпиадасини ўтказишда самарали фойдаланиш.
2023-2024
йиллар
давомида
Ташкилий қўмита томонидан тасдиқланган харажатлар сметасига мувофиқ Давлат бюджети маблағлари
Ёшлар сиёсати ва спорт вазирлиги, Ташқи ишлар вазирлиги, Ўзбекистон шахмат федерацияси, манфаатдор вазирлик ва идоралар
2. Қўшимча барпо этиладиган объектлар захирасини тайёрлаш.
2024-2026 йилларда,
келишувга мувофиқ
Ташкилий қўмита томонидан тасдиқланган харажатлар сметасига мувофиқ Давлат бюджети маблағлари
Ёшлар сиёсати ва спорт вазирлиги, Ўзбекистон шахмат федерацияси
6.
Тошкент шаҳри ва Самарқанд вилоятида мавжуд бўлган спорт иншоотлари, логистика, йўллар ҳолати, транспорт, меҳмонхона инфратузилмалари қувватларини таҳлил қилиш ва чет эл тажрибасини ўрганган ҳолда Шахмат олимпиадасини ўтказиш учун талаб этиладиган тегишли қўшимча инфратузилмалар ва объектлар рўйхатини шакллантириш, уларни қуриш ҳажмлари ва қийматларини аниқлаш ҳамда эҳтиёжлардан келиб чиққан ҳолда объектларни ва йўлларни таъмирлаш ва қуриш.
1. Мавжуд инфратузилмалар қувватини ўрганиш.
2023 йил
июль
Ташкилий қўмита томонидан тасдиқланган харажатлар сметасига мувофиқ Давлат бюджети маблағлари
Ташкилий қўмита, Ёшлар сиёсати ва спорт вазирлиги, Самарқанд вилояти ҳокимлиги, манфаатдор вазирлик ва идоралар
2. Ўрганиш асосида қўшимча инфратузилмаларни яратиш бўйича Вазирлар Маҳкамасига аниқ таклифлар киритиш.
2023 йил
август
3. Эҳтиёжлардан келиб чиққан ҳолда инфратузилма объектларини ва йўлларни таъмирлаш ва қуриш.
2023-2026
йиллар
давомида
7.
Шахмат олимпиадаси логотипини ишлаб чиқиш.
1. Логотип намунасини ишлаб чиқиш ва келишиш.
2. Логотипни эълон қилиш ва тарқатиш.
2024 йил
декабрь
Ижрочилар маблағлари
Ўзбекистон шахмат федерацияси, Ёшлар сиёсати ва спорт вазирлиги
8.
Шахмат олимпиадасига ташриф буюрадиган шахматчилар, делегация аъзолари ва бошқа меҳмонларни кутиб олиш ишларини ташкил этиш.
Халқаро шахмат федерация (ассоциация)лари вакилларига кириш визаларини консуллик йиғимлари ва ҳақиқий харажатларнинг ўрнини қоплаш ҳисобидан йиғимларни ундирмасдан, зарур ҳолларда, Ислом Каримов номидаги "Тошкент" халқаро аэропортида ва "Самарқанд" халқаро аэропортида расмийлаштириш.
1. Шахмат олимпиадасига ташриф буюрадиган чет эллик фуқаролар рўйхатини шакллантириш.
2. Халқаро шахмат федерация (ассоциация)лари вакилларига кириш визаларини консуллик йиғимлари ва ҳақиқий харажатларнинг ўрнини қоплаш ҳисобидан йиғимларни ундирмасдан, зарур ҳолларда, Ислом Каримов номидаги "Тошкент" халқаро аэропортида ва "Самарқанд" халқаро аэропортида расмийлаштириш.
2026 йил,
Шахмат
олимпиадаси
бўлиб ўтадиган муддатларда
Ижрочилар маблағлари
Ёшлар сиёсати ва спорт вазирлиги, Ташқи ишлар вазирлиги, Транспорт вазирлиги, Самарқанд вилоят ҳокимлиги, Тошкент шаҳри ҳокимлиги
9.
Шахмат олимпиадасига тайёргарлик кўриш юзасидан бошқа ташкилий чора-тадбирларни амалга ошириш.
1. Телевизион кўрсатувлар тақдимоти ва техник тайёргарлик, эфирга узатиш ҳуқуқлари ҳимояси, Шахмат олимпиадасининг тантанали очилиш ҳамда ёпилиш маросимларига тайёргарлик кўриш.
2. Шахмат олимпиадаси ғоялари ва қадриятларини тарғиб этишга қаратилган реклама тадбирларини ўтказиш, ахборот билан таъминлаш, маркетинг дастурларини амалга ошириш, мазкур олимпиадага ҳомийларни жалб қилиш.
2024-2026
йиллар
давомида
Ижрочилар маблағлари
Ўзбекистон шахмат федерацияси, Ёшлар сиёсати ва спорт вазирлиги
10.
Шахмат олимпиадасини юқори савияда ташкил этиш ва ўтказиш бўйича халқаро ва республика миқёсидаги тадбирлар ҳамда унинг доирасида кўргазмалар, конференциялар, илмий-амалий анжуманлар ва бошқа тадбирларни ўтказиш.
1. Тадбирлар рўйхатини шакллантириш.
2. Тадбирларни ташкил қилиш.
3. Тадбирларни оммавий ахборот воситалари ва ижтимоий тармоқларда ёритиш.
2023-2026
йиллар
давомида
Ижрочилар маблағлари
Ўзбекистон шахмат федерацияси, Ёшлар сиёсати ва спорт вазирлиги
11.
Шахмат олимпиадаси учун шахматчилар ва мутахассисларни тайёрлаш бўйича чора-тадбирларни амалга ошириш.
1. Шахмат бўйича терма жамоаларнинг тайёргарлиги учун тажрибали халқаро тренерларни жалб қилиш, улар иштирокида ҳудудларда йил давомида иқтидорли шахматчи ёшларни аниқлаш, танлаш ва саралаш (селекция) ҳамда уларни профессионал шахматчилар сифатида тайёрлаш сифатини янги босқичга кўтариш.
2. Профессионал шахматчилар учун мураккаб дастурлар билан ишлашга мўлжалланган суперкомпьютердан фойдаланиш имкониятини яратиш.
3. Шахмат олимпиадасида иштирок этувчи эркаклар ва аёлларнинг 3 тадан терма жамоаларни шакллантириш.
4. Ҳар йили халқаро арбитрлар тайёрлаш бўйича семинарлар, воркшоплар ташкил этиш ва бу орқали халқаро унвонга эга бўлган арбитрлар сонини 2026 йилга қадар 100 нафарга етказиш.
2023-2026
йиллар
давомида
Ўзбекистон шахмат федерациясига Давлат бюджетидан ажратиладиган маблағлар, ҳомийлик маблағлари
Ўзбекистон шахмат федерацияси, Ёшлар сиёсати ва спорт вазирлиги, манфаатдор вазирликлар, идоралар, корхоналар ва ташкилотлар
5. ФИДЕ рейтинги бўйича 1800 ва ундан юқори балл тўплаган шахматчиларга, истисно тариқасида, малака ошириш ва қайта тайёрлаш курсларидан ўтмасдан имтиҳонсиз шахмат бўйича тренерлик фаолиятини амалга ошириш ҳуқуқини тақдим этиш.
2023 йил
1 декабрдан
бошлаб
12.
Шахмат олимпиадасига тайёргарлик кўриш ва ўтказиш жараёнларини оммавий ахборот воситаларида кенг ёритиш.
Ўзбекистон Миллий телерадиокомпанияси, Ўзбекистон Миллий ахборот агентлиги, Ўзбекистон Миллий медиа ассоциацияси, оммавий ахборот воситалари
II. ШАХМАТНИ ОММАВИЙ ҲАРАКАТГА АЙЛАНТИРИШ
13.
Мактабгача таълим ташкилотларида тарбияланувчиларга шахматни ўргатиш, тарбияланувчилар ўртасида ҳар йили шахмат бўйича мактабгача таълим ташкилотлари - туман (шаҳар) - ҳудуд - республика босқичларидан иборат "Шахмат фестивали" мусобақаларини ўтказиш.
1. Мактабгача таълим ташкилотлари тарбияланувчилари ва тарбиячилари учун шахматни соддалаштирилган тарзда ўргатувчи анимацион материаллар, ўқув-қўлланмалар тайёрлаш ва тарбияланувчиларга шахматни ўргатиш.
Доимий
режа асосида
Ўзбекистон шахмат федерациясига Давлат бюджетидан ажратиладиган маблағлар
Ўзбекистон шахмат федерацияси, Ёшлар сиёсати ва спорт вазирлиги, Мактабгача ва мактаб таълими вазирлиги
2. Мактабгача таълим ташкилотлари тарбияланувчилари ўртасида мактабгача таълим ташкилотлари - туман (шаҳар) - ҳудуд - республика босқичларидан иборат "Шахмат фестивали" мусобақаларини ўтказиш тартибини тасдиқлаш.
2023 йил
август
3. "Шахмат фестивали" мусобақаларини ўтказиш.
Ҳар йили
14.
Ўқувчилар ўртасида ҳар йили шахмат бўйича таълим муассасаси - туман (шаҳар) - ҳудуд - республика босқичларидан иборат "Мактаб лигаси" мусобақаларини ўтказиш.
1. Мактаб ўқувчилари ўртасида ҳар йили шахмат бўйича таълим муассасаси - туман (шаҳар) - ҳудуд - республика босқичларидан иборат "Мактаб лигаси" мусобақаларини ўтказиш тартибини тасдиқлаш.
2023 йил
сентябрь
Ўзбекистон шахмат федерациясига Давлат бюджетидан ажратиладиган маблағлар
Ўзбекистон шахмат федерацияси, Ёшлар сиёсати ва спорт вазирлиги, Мактабгача ва мактаб таълими вазирлиги
2. "Мактаб лигаси" мусобақаларини ўтказиш.
Ҳар йили
15.
Олий таълим, фан ва инновациялар вазирлиги билан биргаликда академик лицейлар ўқувчилари ўртасида ҳар йили таълим муассасаси - туман (шаҳар) - ҳудуд - республика босқичларидан иборат "Академик лицей лигаси" мусобақаларини ўтказиш.
1. Академик лицей ўқувчилари ўртасида ҳар йили шахмат бўйича таълим муассасаси - туман (шаҳар) - ҳудуд - республика босқичларидан иборат "Академик лицей лигаси" мусобақаларини ўтказиш тартибини тасдиқлаш.
2023 йил
сентябрь
Ўзбекистон шахмат федерациясига Давлат бюджетидан ажратиладиган маблағлар
Ўзбекистон шахмат федерацияси, Ёшлар сиёсати ва спорт вазирлиги, Олий таълим, фан ва инновациялар вазирлиги
Олий таълим, фан ва инновациялар билан биргаликда профессионал таълим муассасалари ўқувчилари ўртасида ҳар йили таълим муассасаси - туман (шаҳар) - ҳудуд - республика босқичларидан иборат "Профессионал таълим муассасалари лигаси" мусобақаларини ўтказиш.
1. Профессионал таълим муассасалари ўқувчилари ўртасида ҳар йили таълим муассасаси - туман (шаҳар) - ҳудуд - республика босқичларидан иборат "Профессионал таълим муассасалари лигаси" мусобақаларини ўтказиш тартибини тасдиқлаш.
2023 йил
октябрь
Ўзбекистон шахмат федерациясига Давлат бюджетидан ажратиладиган маблағлар
Ўзбекистон шахмат федерацияси, Ёшлар сиёсати ва спорт вазирлиги, Олий таълим, фан ва инновациялар вазирлиги
Олий таълим муассасалари талабалари ўртасида ҳар йили олий таълим муассасаси - ҳудуд - республика босқичларидан иборат "Талабалар лигаси" мусобақаларини ўтказиш.
1. Олий таълим муассасалари талабалари ўртасида ҳар йили олий таълим муассасаси - ҳудуд - республика босқичларидан иборат "Талабалар лигаси" мусобақаларини ўтказиш тартибини тасдиқлаш.
2023 йил
ноябрь
Ўзбекистон шахмат федерациясига Давлат бюджетидан ажратиладиган маблағлар
Ўзбекистон шахмат федерацияси, Ёшлар сиёсати ва спорт вазирлиги, Олий таълим, фан ва инновациялар вазирлиги
2. "Талабалар лигаси" мусобақаларини ўтказиш.
Ҳар йили
18.
Корхона ва ташкилотларда ходимлар ўртасида ҳар йили шахмат бўйича туман - ҳудуд - республика босқичларидан иборат "Шахмат лигаси" мусобақаларини ўтказиш.
1. Корхона ва ташкилотларда ходимлар ўртасида ҳар йили шахмат бўйича туман - ҳудуд - республика босқичларидан иборат "Шахмат лигаси" мусобақаларини ўтказиш тартибини тасдиқлаш.
2023 йил
декабрь
Ўзбекистон шахмат федерациясига Давлат бюджетидан ажратиладиган маблағлар, Ўзбекистон касаба уюшмалари федерацияси Кенгаши, манфаатдор корхона ва ташкилотлар маблағлари
Ўзбекистон шахмат федерацияси, Ёшлар сиёсати ва спорт вазирлиги, Ўзбекистон касаба уюшмалари федерацияси Кенгаши, манфаатдор корхона ва ташкилотлар
2. "Шахмат лигаси" мусобақаларини ўтказиш.
Ҳар йили
19.
Маҳалла фуқаролари ўртасида ҳар йили шахмат бўйича маҳалла - туман (шаҳар) - ҳудуд - республика босқичларидан иборат "Маҳалла лигаси" мусобақаларини ўтказиш.
1. Маҳалла фуқаролари ўртасида ҳар йили шахмат бўйича маҳалла - туман (шаҳар) - ҳудуд - республика босқичларидан иборат "Маҳалла лигаси" мусобақаларини ўтказиш тартибини тасдиқлаш.
2023 йил
август
Ўзбекистон шахмат федерациясига Давлат бюджетидан ажратиладиган маблағлар, маҳаллий бюджет маблағлари
Ўзбекистон шахмат федерацияси, Ёшлар сиёсати ва спорт вазирлиги, Камбағалликни қисқартириш ва бандлик вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари
2. "Маҳалла лигаси" мусобақаларини ўтказиш.
Ҳар йили
20.
Профессионал шахматчилар ўртасида "Ўзбекистон профессионал шахмат лигаси" мусобақасини ўтказиб бориш.
Ўзбекистон шахмат федерациясига Давлат бюджетидан ажратиладиган маблағлар, ҳомийлик маблағлари
Ўзбекистон шахмат федерацияси, Ёшлар сиёсати ва спорт вазирлиги, манфаатдор вазирликлар, идоралар, корхоналар ва ташкилотлар
21.
Шахматни ўқитишнинг замонавий методикаларига асосланган илмий-услубий ва ўқув адабиётларни доимий тайёрлаш ҳамда шахмат бўйича тренерларни тайёрлаш, уларнинг малакасини ошириш ва қайта тайёрлаш тизимини жорий этиш.
1. Шахматни ўқитишнинг замонавий методикаларига асосланган илмий-услубий ва ўқув адабиётларни доимий тайёрлаш.
2023-2024
йиллар
давомида
Ўзбекистон шахмат федерациясига Давлат бюджетидан ажратиладиган маблағлар
Ўзбекистон шахмат федерацияси, Ёшлар сиёсати ва спорт вазирлиги, Мактабгача ва мактаб таълими вазирлиги, Олий таълим, фан ва инновациялар вазирлиги
2. Илмий-услубий ва ўқув адабиётларни буюртмаларга асосан ажратиш.
Вазирлик ва идоралар
маблағлари
3. Шахмат бўйича тренерларни тайёрлаш, уларнинг малакасини ошириш ва қайта тайёрлаш тизимини жорий этиш.
Ёшлар сиёсати ва спорт
вазирлиги маблағлари
22.
Хусусий шахмат клубларига улар томонидан шахмат тўгаракларини ташкил этиш учун давлат мулки объектлари ва ҳудудлардаги "Ёшлар марказлари"дан ижара тўловларисиз (коммунал тўловлар бундан мустасно) жой ажратиш.
1. Хусусий шахмат клублари мурожаатига асосан улар томонидан шахмат тўгаракларини ташкил этиш учун давлат мулки объектлари ва ҳудудлардаги "Ёшлар марказлари"дан ижара тўловларисиз (коммунал тўловлар бундан мустасно) жой ажратиш.
2. Устав фондидаги (устав капиталидаги) давлат улуши эллик фоиздан ортиқ бўлган хўжалик жамиятлари томонидан шахмат клубларини ташкил этиш ва ҳомийлик маблағлари ҳисобидан уларни қўллаб-қувватлаш.
2024 йил
1 январдан
бошлаб
-
Давлат активларини бошқариш агентлиги, Ёшлар ишлари агентлиги, Ўзбекистон шахмат федерацияси
23.
"Мактаб лигаси", "Академик лицей лигаси", "Профессионал таълим муассасалари лигаси" ва "Талабалар лигаси" мусобақаларининг республика босқичида ғолиб бўлган ўқувчи-ёшлар ва талабалар учун йил давомида ҳар ойда бериладиган "Шахмат стипендияси"ни таъсис этиш.
1. "Мактаб лигаси", "Академик лицей лигаси", "Профессионал таълим муассасалари лигаси" ва "Талабалар лигаси" мусобақаларининг республика босқичида ғолиб бўлган ўқувчи-ёшлар ва талабалар учун йил давомида ҳар ойда бериладиган "Шахмат стипендияси"ни тайинлаш тартибини ишлаб чиқиб, тасдиқлаш.
2023 йил
июль
Ўзбекистон шахмат федерациясига Давлат бюджетидан ажратиладиган маблағлар
Ёшлар сиёсати ва спорт вазирлиги, Ўзбекистон шахмат федерацияси, Мактабгача ва мактаб таълими вазирлиги, Олий таълим, фан ва инновациялар вазирлиги
2. "Шахмат стипендияси"ни бериб бориш.
Ҳар бир
стипендиатга бир
йил давомида
24.
"Ёшлар" телеканалида шахмат дарсларидан иборат "Гроссмейстер" кўрсатувини эфирга узатиш.
1. Гроссмейстерларни кўрсатувни суратга олиш жараёнларига жалб қилиш.
2. Кўрсатувни эфирга узатиб бориш.
Ҳар ойда
икки марта
Ўзбекистон Миллий телерадиокомпанияси маблағлари
Ўзбекистон Миллий телерадиокомпанияси, Ўзбекистон шахмат федерацияси
25.
Аҳоли, айниқса, ёшлар орасида шахматни оммалаштириш мақсадида малакали мутахассисларни жалб этган ҳолда видеодарсликлар платформасини яратиш ва дарсликларни ижтимоий тармоқлар орқали кенг тарғиб қилиш.
1. Видеодарслар тайёрлаш режасини ишлаб чиқиш.
2. Видеодарслар бўйича ривожланган мамлакатларнинг илғор тажрибасини ўрганиш.
3. Видеодарсларнинг прототипини яратиш ҳамда аҳоли, айниқса, ёшларга тақдим қилиш.
4. Билдирилган таклиф-мулоҳазаларга асосан видеодарсларни такомиллаштириш ҳамда кенг жамоатчиликка эълон қилиш ва ижтимоий тармоқларда жойлаштириш.
2023 йил
давомида
Ижрочилар маблағлари
Ўзбекистон шахмат федерацияси, Ёшлар сиёсати ва спорт вазирлиги, Рақамли технологиялар вазирлиги
Қонун ҳужжатлари маълумотлари миллий базаси (www.lex.uz),
78-150-11-72 
Мобильная версия сайта