Транспорт вазирининг 15.05.2023 й. 4-сон "Ўзбекистон Республикасининг "Фуқаро авиациясида авиация хавфсизлиги бўйича инструкторларни сертификациядан ўтказиш" авиация қоидаларини (ЎзР АҚ-182) тасдиқлаш тўғрисида"ги буйруққа ўзгартиришлар киритиш ҳақида"ги Буйруғи (АВ томонидан 23.05.2023 й. 2576-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

23.05.2023 й.

N 2576-1

ЎЗБЕКИСТОН РЕСПУБЛИКАСИ

ТРАНСПОРТ ВАЗИРИНИНГ

15.05.2023 й.

N 4

БУЙРУҒИ

"Ўзбекистон Республикасининг

"Фуқаро авиациясида авиация хавфсизлиги

бўйича инструкторларни сертификациядан ўтказиш"

авиация қоидаларини (ЎзР АҚ-182) тасдиқлаш

тўғрисида"ги буйруққа ўзгартиришлар

киритиш ҳақида

Ўзбекистон Республикасининг 2022-йил 14 мартдаги ЎРҚ-759-сон "Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги Қонуни ва Ўзбекистон Республикаси Президентининг 2020 йил 22 сентябрдаги ПФ-6065-сон "Ўзбекистон Республикасида идентификация ID-карталарни жорий этиш чора-тадбирлари тўғрисида"ги, 2021 йил 23 мартдаги ПФ-6191-сон "Аҳоли ва тадбиркорлик субъектларига давлат хизматларидан фойдаланишда янада қулай шароитлар яратиш, бу борада бюрократик тўсиқларни қисқартириш бўйича қўшимча чора-тадбирлар тўғрисида"ги фармонлари, Ўзбекистон Республикаси Вазирлар Маҳкамасининг "Ўзбекистон Республикаси фуқаро авиациясини ғайриқонуний аралашув ҳаракатларидан авиация хавфсизлиги жиҳатидан ҳимоялашни таъминлаш миллий дастурини тасдиқлаш ҳақида" 2019 йил 25 январдаги 59-сон қарорига мувофиқ БУЮРАМАН:

1. Ўзбекистон Республикаси Парвозлар хавфсизлигини назорат қилиш давлат инспекцияси бошлиғининг 2014 йил 4 апрелдаги 44-н-сон "Ўзбекистон Республикасининг "Фуқаро авиациясида авиация хавфсизлиги бўйича инструкторларни сертификациядан ўтказиш" авиация қоидаларини (ЎЗР АҚ-182) тасдиқлаш тўғрисида"ги буйруғига (рўйхат рақами 2576, 2014 йил 18 апрел) (Ўзбекистон Республикаси қонун ҳужжатлари тўплами, 2014 й., 16-сон, 188-модда) иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

Транспорт вазири                                                             И.Р. Махкамов

Буйруққа

ИЛОВА

"Ўзбекистон Республикасининг

"Фуқаро авиациясида авиация хавфсизлиги

бўйича инструкторларни сертификациядан ўтказиш"

авиация қоидаларини (ЎЗР АҚ-182)

тасдиқлаш тўғрисида"ги буйруққа

киритилаётган ўзгартиришлар

1. Буйруқ муқаддимасидаги "2000 йил 5 июлдаги 256-сон" деган сўзлар "2019 йил 25 январдаги 59-сон" деган сўзлар билан алмаштирилсин.

2. Қоидаларда:

а) муқаддима қуйидаги таҳрирда баён этилсин:

"Мазкур Қоидалар фуқаро авиациясида авиация хавфсизлиги бўйича инструкторларни сертификациядан ўтказиш тартибини белгилайди.";

б) 11-банд қуйидаги таҳрирда баён этилсин:

"11. Дастлабки сертификациядан ўтиш учун инструкторликка номзод ёки такрорий сертификациядан ўтиш учун авиация хавфсизлиги бўйича инструктор аризани комиссияга тақдим этади.";

д) 16-банд қуйидаги таҳрирда баён этилсин:

"16. Сертификация имтиҳонларидан ўтиш учун авиация хавфсизлиги бўйича инструкторлар ва инструкторликка номзодлар сертификация имтиҳонлари ўтказиладиган жойга ўз вақтида паспорти ёки идентификация ID-картаси билан етиб келиши шарт.";

э) 17-банд қуйидаги таҳрирда баён этилсин:

"17. Сертификация имтиҳонларига паспортсиз ёки идентификация ID-картасиз келган, шунингдек кечикиб келган авиация хавфсизлиги бўйича инструкторлар ва инструкторликка номзодлар сертификация имтиҳонларига келмаган ҳисобланади ва навбатдаги сертификация имтиҳонларидан ўтадиган авиация хавфсизлиги бўйича инструкторлар ва инструкторликка номзодлар рўйхатига киритилади.".

Қонун ҳужжатлари маълумотлари миллий базаси (www.lex.uz),

2023 йил 23 май